Ўзбекистон Республикаси Вазирлар Маҳкамасининг
қарори
Ер қаъридан фойдаланиш шартларини ишлаб чиқиш бўйича давлат комиссияси фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг «Идоралараро коллегиал органларни тубдан қисқартириш ва янада оптималлаштириш чора-тадбирлари тўғрисида» 2018 йил 28 августдаги ПФ-5527-сон Фармони ва Ўзбекистон Республикаси Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2019 йил 23 февралдаги 161-сон қарорида белгиланган вазифаларни амалга ошириш, шунингдек, ер қаъри участкаларидан фойдаланиш шартларини ишлаб чиқиш ва маҳсулот тақсимотига оид битимлар лойиҳаларини кўриб чиқиш бўйича давлат комиссияси фаолиятини янада такомиллаштириш мақсадида Вазирлар Маҳкамаси қарор қилади:
1. Қуйидагилар:
Ер қаъридан фойдаланиш шартларини ишлаб чиқиш бўйича давлат комиссияси тўғрисидаги Низом 1-иловага мувофиқ;
Ер қаъридан фойдаланиш шартларини ишлаб чиқиш бўйича давлат комиссиясининг таркиби 2-иловага мувофиқ тасдиқлансин.
2. Ўзбекистон Республикаси Вазирлар Маҳкамасининг 3-иловага мувофиқ айрим ҳужжатлари ўз кучини йўқотган деб ҳисоблансин.
3. Мазкур қарорнинг бажарилишини назорат қилиш Ўзбекистон Республикаси энергетика вазири А.С. Султанов ва Ўзбекистон Республикаси Давлат геология ва минерал ресурслар қўмитаси раиси Б.Ф. Исломов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 12 декабрь,
989-сон
Вазирлар Маҳкамасининг 2019 йил 12 декабрдаги 989-сон қарорига
1-ИЛОВА
1-ИЛОВА
Ер қаъридан фойдаланиш шартларини ишлаб чиқиш бўйича давлат комиссияси тўғрисида
НИЗОМ
1-боб. Умумий қоидалар
1. Ушбу Низом ер қаъридан фойдаланиш шартларини ишлаб чиқиш бўйича давлат комиссиясининг (кейинги ўринларда Комиссия деб аталади) мақоми, асосий вазифалари, функциялари, ҳуқуқлари, жавобгарлиги ва фаолиятини ташкил этиш тартибини белгилайди.
2. Комиссия Ўзбекистон Республикаси Вазирлар Махкамасининг доимий асосда ишлайдиган маслаҳат органи ҳисобланади, ер қаъридан фойдаланиш шартларини тегишли равишда ишлаб чиқишни таъминлаш ва инвесторлар, шу жумладан хорижий инвесторлар томонидан истиқболли майдонларни геологик ўрганиш ва стратегик фойдали қазилма турларига эга конларни ўзлаштириш соҳасида амалга ошириладиган инвестиция лойиҳаларини кўриб чиқиш вазифалари ва функциялари юкланган ваколатли давлат органлари ва ташкилотларининг фаолиятини мувофиқлаштиради.
Комиссия ер қаъридан фойдаланиш шартларининг асосланган ва ваколатли давлат органлари билан келишилган лойиҳаларини ишлаб чиқиш ҳамда истиқболли майдонларни геологик ўрганиш ва стратегик фойдали қазилма турларига эга конларни ўзлаштириш соҳасида қуйидаги битимлар доирасидаги инвестиция лойиҳаларининг оширилишига кўмаклашади:
геологик ўрганиш тўғрисида битимлар;
конларни ишлатиш тўғрисида битимлар;
маҳсулот тақсимотига оид битимлар;
концессия битимлари.
3. Комиссия таркиби Ўзбекистон Республикаси Вазирлар Маҳкамаси томонидан тасдиқланади.
Олдинги таҳрирга қаранг.
4. Комиссия ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг Фармонлари, қарорлари ва фармойишлари, Вазирлар Маҳкамасининг қарорлари ва фармойишлари, бошқа қонунчилик ҳужжатлари, шунингдек, ушбу Низомга амал қилади.
(4-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
2-боб. Комиссиянинг асосий вазифалари ва функциялари
5. Комиссиянинг асосий вазифалари қуйидагилардан иборат:
ер қаъридан фойдаланиш шартларини ишлаб чиқишда ва инвесторлар билан тегишли битимлар лойиҳаларини кўриб чиқишда вазирликлар, идоралар ва хўжалик бирлашмалари билан самарали ўзаро ҳамкорликни ташкил этиш;
инвестиция лойиҳаларининг дастлабки техник-иқтисодий ҳисоб-китоблари асосида ишлаб чиқилган ер қаъри участкаларини битимлар доирасида инвесторларга тақдим этиш бўйича очиқ савдоларнинг бошланғич шартларини келишиш;
инвестиция лойиҳасини техник-иқтисодий асослаш асосида битим шартлари бўйича инвесторларга бериладиган ер қаъридан фойдаланиш шартларини белгилаш;
Олдинги таҳрирга қаранг.
инвестиция лойиҳаларининг техник-иқтисодий асосланиши ва тегишли битимлар лойиҳалари экспертизасини ташкил этиш, уларнинг Ўзбекистон Республикаси қонунчилик ҳужжатларига, шунингдек, ер қаъридан фойдаланиш бўйича белгиланган шартларга мувофиқлигини баҳолаш;
(5-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
битим шартларига мувофиқ инвесторга тақдим этиладиган ер қаъри участкаларидан фойдаланиш шартларини тасдиқлаш учун, шунингдек, битимни имзолаш мақсадга мувофиқлиги тўғрисидаги хулосани Ўзбекистон Республикаси Вазирлар Маҳкамасига киритиш.
6. Комиссия ўзига юкланган вазифаларга мувофиқ қуйидаги функцияларни бажаради:
а) ер қаъридан фойдаланиш шартларини ишлаб чиқишда ва инвесторлар билан тегишли битимлар лойиҳаларини кўриб чиқишда вазирликлар, идоралар ва хўжалик бошқаруви органлари билан самарали ўзаро ҳамкорликни ташкил этиш соҳасида:
вазирликлар, идоралар ва хўжалик бошқаруви органлари вакилларини жалб этган ҳолда, ер қаъри участкаларидан фойдаланиш шартларини ишлаб чиқиш жараёнини ва битимлар лойиҳаларини кўриб чиқиш бўйича ишчи йиғилишларни ташкил этади, шунингдек, уларни ишлаб чиқишни якунлаш бўйича қўшимча чора-тадбирларни белгилайди;
ваколатли давлат органи томонидан инвестор билан ер қаъри участкаларидан фойдаланиш шартларини ва битимлар лойиҳалари муҳокамаси бўйича олиб бориладиган музокараларда иштирок этади;
вазирликлар, идоралар ва хўжалик бошқаруви органларининг ер қаъри участкаларидан фойдаланиш шартлари ва битимлар лойиҳаларининг ўз вақтида ва сифатли ишлаб чиқилишини таъминлаш ишларини, шунингдек, Комиссия ваколатига кирадиган бошқа масалаларни мувофиқлаштиради;
б) инвестиция лойиҳаларининг дастлабки техник-иқтисодий ҳисоб-китоблари асосида ишлаб чиқилган ер қаъри участкаларини битимлар доирасида инвесторларга тақдим этиш бўйича очиқ савдоларнинг бошланғич шартларини келишиш соҳасида:
инвесторга фойдаланиш учун бериладиган ер қаъри участкаларидан фойдаланиш муддатларини;
ер қаъридан фойдаланиш билан боғлиқ геологик ўрганиш (қидирув ва излаш), ер қаърини, атроф-муҳитни муҳофаза қилиш ва ишларни хавфсиз юритиш соҳасидаги талабларни;
битимлар доирасида инвесторнинг режалаштирилган фаолиятининг атроф-муҳитга таъсирини баҳолаш шартларини;
битимларни амалга ошириш доирасида маҳаллий ишчиларни ёнлаш шартларини;
инвестор томонидан тижорат аҳамиятига эга бўлган фойдали қазилма захираларига эга янги конлар аниқланганда, фойдали қазилмаларни қазиб олиш учун ер қаъри участкаларидан фойдаланиш ҳуқуқини бериш шартларини;
тижорат аҳамиятига эга бўлган фойдали қазилма захираларига эга янги конлар аниқланган тақдирда, геологик ўрганишлар учун йўл қўйиладиган харажатларни қоплаш шартларини;
ер қаъри участкасини (участканинг бир қисмини) унда фойдали қазилма конларини очишнинг истиқболсизлиги аниқланганда, қайтариш шартларини;
инвестор томонидан ер участкаларини рекультивация қилиш ва босқичма-босқич қайтариш тартибини;
Олдинги таҳрирга қаранг.
инвесторга ер қаъри участкаларидан фойдаланиш ҳуқуқини берувчи рухсатномани бериш шартларини;
(6-банд «б» кичик бандининг ўнинчи хатбошиси Ўзбекистон Республикаси Вазирлар Маҳкамасининг 2022 йил 25 мартдаги 133-сонли қарори таҳририда — Қонунчилик маълумотлари миллий базаси, 26.03.2022 й., 09/22/133/0237-сон)
ер қаъри участкалари ва бошқа табиий ресурслардан фойдаланиш шартларини белгилайди;
LexUZ шарҳиҚаранг: Вазирлар Маҳкамасининг 2022 йил 25 мартдаги 133-сон қарори билан тасдиқланган Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомнинг 3-боби.
в) инвестиция лойиҳасини техник-иқтисодий асослаш асосида битим шартлари бўйича инвесторларга бериладиган ер қаъридан фойдаланиш шартларини белгилаш соҳасида:
ер қаъри участкаларидан фойдаланиш учун бир маротаба тўланадиган тўловлар (бонус) миқдорлари ва тўлаш тартиби бўйича таклифларни;
ер қаъри участкаларидан фойдаланиш солиғи, даромад солиғи, ер солиғи ва сув ресурсларидан фойдаланиш солиғи, атроф-муҳитни ифлослантирганлик учун компенсация тўловларининг ставкалари бўйича таклифларни;
инвесторга фойдаланиш учун бериладиган ер қаъри участкасида олиб борилган қидирув, разведка ишлари ва бошқа тадқиқот натижалари (геологик ва бошқа маълумотлар) учун сарфланган харажатларни қоплаш миқдорини;
алоҳида битимларни амалга ошириш жараёнида инвестор томонидан сарфланган харажатларни қоплаш учун йўналтириладиган маҳсулот улушини аниқлаш тартибини;
алоҳида битимларни амалга ошириш доирасида маҳсулотни тақсимлаш тартиби ва механизмини ишлаб чиқади;
Олдинги таҳрирга қаранг.
г) инвестиция лойиҳаларининг техник-иқтисодий асосланиши ва тегишли битимлар лойиҳалари экспертизасини ташкил этиш, уларнинг Ўзбекистон Республикасининг қонунчилик ҳужжатларига, шунингдек, ер қаъридан фойдаланиш бўйича белгиланган шартларга мувофиқлигини баҳолаш соҳасида:
(6-банд «г» кичик бандининг биринчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
тегишли вазирлик, идоралар ва хўжалик бошқаруви органларида уларнинг фаолият йўналишлари бўйича инвестиция лойиҳаларини, шу жумладан инвестор томонидан ишлаб чиқилган инвестиция лойиҳасини техник-иқтисодий асослашни ва битим лойиҳасининг экспертизасини ўтказишни ташкил этади;
экспертиза натижаларини умумлаштиради ва таҳлил қилади, зарур ҳолларда, уларни ваколатли давлат органи ҳамда инвестор иштирокида кўриб чиқади;
зарур ҳолларда, инвестор, ваколатли давлат органи, манфаатдор вазирлик, идоралар ҳамда хўжалик бошқаруви органлари иштирокида инвестиция лойиҳасининг техник-иқтисодий асосланишини ва битим лойиҳасининг қайта кўриб чиқилишини ташкил этади;
д) битим шартларига мувофиқ инвесторга тақдим этиладиган ер қаъри участкаларидан фойдаланиш шартларини тасдиқлаш учун, шунингдек, битимни имзолаш мақсадга мувофиқлиги тўғрисидаги хулосани Ўзбекистон Республикаси Вазирлар Маҳкамасига киритиш соҳасида:
инвестиция лойиҳасини техник-иқтисодий асослашни ва битим лойиҳасини экспертизадан ўтказиш натижалари асосида инвесторга битим шартлари асосида бериладиганган ер қаъри участкасидан ёки бир нечта участкалардан фойдаланиш бўйича ишлаб чиқилган шартларни тасдиқлаш учун Ўзбекистон Республикаси Вазирлар Маҳкамасига тақдим этади;
тегишли битимни тузишнинг мақсадга мувофиқлиги тўғрисида битимни ва инвестиция лойиҳасини амалга оширишнинг асосий шартлари лойиҳаси илова қилинган таклифларни Ўзбекистон Республикаси Вазирлар Маҳкамасига киритади.
7. Ўзбекистон Республикаси Вазирлар Маҳкамаси Комиссияга битимлар билан боғлиқ бўлган бошқа вазифалар ва функцияларни амалга оширишни юклаши мумкин.
3-боб. Комиссиянинг ҳуқуқлари ва жавобгарлиги
8. Комиссия унга юкланган вазифалар ва функцияларни бажариш учун қуйидаги ҳуқуқларга эгадир:
тегишли вазирликлар, идоралар ва хўжалик бирлашмалари, ихтисослашган илмий, лойиҳа ва бошқа ташкилотларга битимларга боғлиқ бўлган материалларни экспертизадан ўтказиш учун юбориш;
Комиссия ишига тегишли соҳадаги мустақил экспертлар ва мутахассисларни белгиланган тартибда жалб қилиш;
Комиссия ваколатига кирадиган масалалар юзасидан таклифлар тайёрлаш бўйича ишчи гуруҳларни тузиш;
ваколатли давлат органи вакиллари, инвесторлар, шунингдек, вазирликлар, идоралар, илмий, лойиҳа ташкилотлари ва бошқа хўжалик субектларининг раҳбарлари ва мутахассисларини Комиссия йиғилишларига таклиф этиш ва кўриб чиқилаётган масалалар бўйича уларнинг ахборотларини эшитиш;
битимлар лойиҳалари шартларига ўзгартириш ва қўшимчалар киритиш тўғрисида ваколатли давлат органи, инвестор билан келишилган таклифларни Вазирлар Маҳкамасига киритиш;
инвестиция лойиҳасини техник-иқтисодий асослашни ва битим лойиҳасини экспертизадан ўтказиш натижаларини умумлаштириш ва таҳлил қилиш асосида ваколатли давлат органига қайта ишлаш учун қайтариш;
битим шартлари асосида амалга оширилаётган инвестиция лойиҳалари тўғрисидаги маълумотларни ва бошқа ахборотларни белгиланган тартибда ваколатли давлат органидан сўраш ва олиш;
Комиссия ваколатига тааллуқли масалалар бўйича унинг мажлисларида Комиссия аъзоларини эшитиш;
зарур бўлган ҳолда, битим шартлари асосида инвестиция лойиҳаларини амалга оширишда юзага келадиган масалаларни тезкор кўриб чиқишда вазирликлар, идоралар ва хўжалик бирлашмаларига кўмаклашиш.
Ўзбекистон Республикаси Вазирлар Маҳкамаси Комиссияга унинг самарали ишлаши учун ҳамда унга юкланган вазифаларни амалга ошириш учун зарур бўлган бошқа ҳуқуқларни ҳам бериши мумкин.
Олдинги таҳрирга қаранг.
9. Комиссия қабул қилинган қарорларининг натижалари ва оқибатлари бўйича қонунчилик ҳужжатларига мувофиқ жавоб беради.
(9-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
4-боб. Комиссия фаолиятини ташкил этиш
10. Комиссияга раис раҳбарлик қилади ва унинг ваколатига қуйидагилар киради:
Комиссия мажлисларини чақириш ва кун тартибини белгилаш;
Комиссия томонидан қабул қилинган қарорлар ижросининг назоратини ташкил этиш;
Комиссияга юкланган вазифаларни бажаришда унинг аъзолари фаолиятини мувофиқлаштириш;
Комиссия томонидан тузилган ишчи гуруҳлар фаолиятини назорат қилиш;
Комиссиянинг самарали ишлашини таъминлаш мақсадида бошқа ҳаракатларни амалга ошириш.
11. Комиссия ўз фаолиятини Комиссия раиси томонидан унинг аъзолари билан келишилган ҳолда тасдиқланган иш регламентига мувофиқ ташкил этади.
12. Комиссия мажлисини раис, Раис бўлмаганда унинг ўринбосари бошқаради. Комиссия мажлиси комиссия аъзоларининг камида тўртдан уч қисми иштирок этганда қонуний деб ҳисобланади.
13. Комиссия раиси билан келишилган ҳолда, объектив сабабларга кўра мажлисда қатнаша олмайдиган Комиссия аъзолари уларнинг овоз бериш ҳуқуқига эга бўлмаган ваколатли вакиллари билан алмаштирилиши мумкин.
14. Комиссиянинг ишчи органи функцияларини қуйидагилар амалга оширади:
ер қаъридан фойдаланиш шартларини кўриб чиқиш ва углеводород хомашёси конларини ишлатиш соҳасидаги битим лойиҳаларини тайёрлаш масалалари бўйича — Ўзбекистон Республикаси Энергетика вазирлиги;
ер қаъридан фойдаланиш шартларини кўриб чиқиш ва истиқболли майдонларни геологик ўрганиш ва стратегик фойдали қазилма турларига эга конларни ўзлаштириш соҳасидаги битим лойиҳаларини тайёрлаш масалалари бўйича — Ўзбекистон Республикаси Давлат геология ва минерал ресурслари қўмитаси.
15. Ишчи орган унга юкланган вазифаларни бажариш учун қуйидагиларни амалга оширади:
ваколатли давлат органи томонидан тақдим этилган инвестиция лойиҳаларини техник-иқтисодий асослаш материаллари ва битимлар лойиҳаларини, шунингдек, бошқа материалларни Комиссия томонидан кўриб чиқиш учун қабул қилади;
кўриб чиқилаётган масалалар бўйича мустақил экспертлар хулосаларини ўз вақтида тақдим этилиши, тўлиқлиги ва холисона бўлишини назорат қилади;
Комиссияга тақдим этилган материаллар бўйича ваколатли давлат органидан техник-иқтисодий асослашларни экспертизадан ўтказиш учун зарур бўлган ва ер қаъри участкаларига оид бошқа маълумотларни сўрайди ва олади.
16. Комиссиянинг ишчи орган томонидан тайёрланган қарорлари лойиҳалари зарур материаллар билан бирга Комиссия Раисига тақдим этилади ва Раис уларни Комиссия мажлисида кўриб чиқиш муддатларини тасдиқлайди.
17. Ер қаъри участкаларидан фойдаланиш шартлари лойиҳаси, битимларни тасдиқлаш тўғрисида, шунингдек, кўриб чиқилаётган бошқа масалалар бўйича Комиссия қарорлари Комиссия мажлисида мустақил экспертлар, манфаатдор вазирликлар, идоралар ва хўжалик бирлашмалари вакиллари иштирокида қабул қилинади.
18. Комиссия қарорлари мажлисда иштирок этган Комиссия аъзоларининг кўпчилик овози билан қабул қилинади. Комиссия аъзоларининг овозлари тенг бўлган ҳолларда, раиснинг овози ҳал қилувчи ҳисобланади.
Комиссиянинг ҳар бир аъзоси қабул қилинадиган қарорлар бўйича ўзининг алоҳида фикри ва таклифини ёзма равишда баён қилиш ҳуқуқига эга.
19. Комиссия раиси айрим масалалар бўйича қарорларни тезкор қабул қилиш мақсадида Комиссия аъзолари билан сўров асосида келишилган ҳолда Комиссиянинг қарорларини қабул қилиши мумкин.
20. Комиссия қарорлари Комиссия мажлисининг баёни билан расмийлаштирилади. Комиссия мажлисининг баёни унинг барча аъзолари томонидан имзоланади, Комиссия раиси томонидан тасдиқланади ва бир ҳафта муддатда Комиссия аъзолари ва манфаатдор ташкилотларга юборилади.
Олдинги таҳрирга қаранг.
21. Комиссиянинг қарорлари бўйича қонунчилик ҳужжатларида белгиланган тартибда шикоят қилиниши мумкин.
(21-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
22. Комиссияга тақдим этилган ҳужжатларни кўриб чиқиш муддати уч ойдан ошмаслиги керак.
23. Комиссияга жалб қилинган экспертларнинг хизматларига ҳақ тўлаш харажатлари ваколатли давлат органи маблағлари ҳисобидан молиялаштирилади.
5-боб. Якунловчи қоида
24. Комиссия фаолияти Ўзбекистон Республикаси Вазирлар Маҳкамасининг тегишли ҳужжати асосида тугатилади.
Вазирлар Маҳкамасининг 2019 йил 12 декабрдаги 989-сон қарорига
2-ИЛОВА
2-ИЛОВА
Олдинги таҳрирга қаранг.
Ер қаъридан фойдаланиш шартларини ишлаб чиқиш бўйича давлат комиссиясининг
ТАРКИБИ
Олдинги таҳрирга қаранг.
|
— |
Ўзбекистон Республикаси Бош вазирининг ўринбосари, Комиссия раиси | |
|
лавозими бўйича |
— |
Ўзбекистон Республикаси Бош вазирининг геология, кон-металлургия соҳалари ва саноатни ривожлантириш масалалари бўйича маслаҳатчиси, Комиссия раисининг ўринбосари |
|
Б.Ф. Исламов |
— |
Ўзбекистон Республикаси Давлат геология ва минерал ресурслар қўмитаси раиси, Комиссия раисининг ўринбосари |
|
Ш.Ҳ. Ходжаев |
— |
Ўзбекистон Республикаси энергетика вазири ўринбосари |
|
Л.Ш. Қудратов |
— |
Ўзбекистон Республикаси инвестициялар ва ташқи савдо вазирининг биринчи ўринбосари |
|
О.З. Насритдинходжаев |
— |
Ўзбекистон Республикаси молия вазирининг биринчи ўринбосари |
|
А.К. Абдиназаров |
— |
Ўзбекистон Республикаси иқтисодий тараққиёт ва камбағалликни қисқартириш вазири ўринбосари |
|
лавозими бўйича |
— |
Ўзбекистон Республикаси Давлат солиқ қўмитаси ҳузуридаги Кадастр агентлиги директори |
|
Ш.К. Мирхадиев |
— |
Ўзбекистон Республикаси Вазирлар Маҳкамасининг Геология, кон-металлургия соҳалари ва саноатни ривожлантириш масалалари департаменти бош мутахассиси, Комиссия котиби |
Изоҳ.
Комиссия аъзолари бошқа ишга ўтган тақдирда, комиссия таркибига ушбу лавозимга янгидан тайинланган ёхуд зиммасига тегишли функцияларни бажариш юкланган шахслар киритилади.
Комиссия ишига заруратдан келиб чиқиб, вазирлик, идора, хўжалик бирлашмалари ҳамда тижорат банклари раҳбарлари жалб этилиши мумкин.
(2-илова Ўзбекистон Республикаси Вазирлар Маҳкамасининг 2022 йил 25 ноябрдаги 674-сонли қарори таҳририда — Қонунчилик маълумотлари миллий базаси, 26.11.2022 й., 09/22/674/1041-сон)
Вазирлар Маҳкамасининг 2019 йил 12 декабрдаги 989-сон қарорига
3-ИЛОВА
3-ИЛОВА
Ўзбекистон Республикаси Вазирлар Маҳкамасининг ўз кучини йўқотган деб эътироф этилаётган айрим ҳужжатлари
РЎЙХАТИ
1. Вазирлар Маҳкамасининг «Ер қаъри участкаларидан фойдаланиш шартларини ишлаб чиқиш ва маҳсулот тақсимотига оид битимлар лойиҳаларини кўриб чиқиш бўйича махсус давлат комиссияси таркиби тўғрисида» 2003 йил 30 июндаги 295-сон қарори (Ўзбекистон Республикаси ҚТ, 2003 й., 6-сон, 53-модда).
2. Вазирлар Маҳкамасининг «Республика комиссиялари ва кенгашлари таркибини тасдиқлаш тўғрисида» 2004 йил 26 июлдаги 358-сон қарорига (Ўзбекистон Республикаси ҚҲТ, 2004 й., 30-сон, 344-модда) 18-илова.
3. Вазирлар Маҳкамасининг «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш ҳамда баъзиларига ўзгартиришлар киритиш тўғрисида» 2005 йил 22 февралдаги 73-сон қарорига (Ўзбекистон Республикаси ҚТ, 2005 й., 2-сон, 13-модда) 2-илованинг 17-банди.
4. Вазирлар Маҳкамасининг «Айрим республика комиссиялари ва кенгашлари таркибига ўзгартишлар киритиш тўғрисида» 2005 йил 7 ноябрдаги 244-сон қарорига (Ўзбекистон Республикаси ҚҲТ, 2005 й., 45-сон, 341-модда) 1-илова 10-бандининг саккизинчи хатбоши ва 2-илованинг 4-банди.
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2024 йил 6 майдаги 266-сонли қарорига асосан 2024 йил 1 сентябрдан ўз кучини йўқотади — Қонунчилик маълумотлари миллий базаси, 07.05.2024 й., 09/24/266/0329-сон)
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2008 йил 20 сентябрдаги 213-сон қарорига (Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамасининг ижро этувчи тузилмасини қисман ўзгартириш тўғрисида» 2008 йил 8 августдаги 174-сон қарори) (Ўзбекистон Республикаси ҚҲТ, 2008 й., 39-сон, 394-модда) илованинг 2-банди ва 5-бандининг «б» кичик банди.
7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида» 2009 йил 11 мартдаги 63-сон қарорига (Ўзбекистон Республикаси Президентининг «Ўзбекистон Республикаси Президентининг айрим қарорларига ўзгартиришлар киритиш тўғрисида» 2009 йил 27 февралдаги ПҚ-1062-сон қарори) (Ўзбекистон Республикаси ҚТ, 2009 йил, 3-сон, 20-модда) 1-илованинг 14-банди.
Олдинги таҳрирга қаранг.
(8-банд Ўзбекистон Республикаси Вазирлар Маҳкамасининг 2024 йил 6 майдаги 266-сонли қарорига асосан 2024 йил 1 сентябрдан ўз кучини йўқотади — Қонунчилик маълумотлари миллий базаси, 07.05.2024 й., 09/24/266/0329-сон)
Олдинги таҳрирга қаранг.
(9-банд Ўзбекистон Республикаси Вазирлар Маҳкамасининг 2024 йил 6 майдаги 266-сонли қарорига асосан 2024 йил 1 сентябрдан ўз кучини йўқотади — Қонунчилик маълумотлари миллий базаси, 07.05.2024 й., 09/24/266/0329-сон)
10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида» 2013 йил 9 сентябрдаги 244-сон қарорига (Ўзбекистон Республикаси Президентининг «Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасини ташкил этиш тўғрисида» 2012 йил 13 ноябрдаги ПФ-4483-сон Фармони) (Ўзбекистон Республикаси ҚҲТ, 2013 й., 37-сон, 485-модда) 1-илова 45-бандининг «б» кичик банди.
(Қонун ҳужжатлари маълумотлари миллий базаси, 13.12.2019 й., 09/19/989/4145-сон; 27.06.2020 й., 09/20/411/1000-сон; Қонунчилик маълумотлари миллий базаси, 17.08.2021 й., 09/21/524/0802-сон; 26.03.2022 й., 09/22/133/0237-сон; 05.04.2022 й., 09/22/153/0266-сон; 26.11.2022 й., 09/22/674/1041-сон; 07.05.2024 й., 09/24/266/0329-сон)
