Республикада тамаки барги харид қилиш ва уни ферминтациялашни тартибга солиш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «ЎЗБАТ А.Ж.» Ўзбекистон—Британия қўшма корхонасини ташкил этиш тўғрисида» 1994 йил 20 июндаги 309-сон қарорига қуйидаги ўзгартиришлар киритилсин:

12-банднинг иккинчи хатбоши ўз кучини йўқотган деб ҳисоблансин;

қарорга қуйидаги мазмундаги 13-банд қўшилсин:

«1996 йилдан бошлаб, инвестиция дастурини амалга ошириш даврида «Озиқовқатсаноат» уюшмасининг «Нарзия» акционерлик жамиятига товар етиштирувчилардан ҳар йили 9,6 минг тонна тамаки барги харид қилиш юзасидан квота берилсин»;

қарорнинг 13 ва 14-бандлари тегишли равишда 14 ва 15-бандлар деб ҳисоблансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И.Ҳ. Жўрабеков зиммасига юклансин.