1737-1-сон 06.04.2018. «Жиноят содир этишда гумон қилиниб ушлаб турилган шахсларни сақлашнинг санитария-гигиена қоидаларини тасдиқлаш ҳақида»ги қарорга ўзгартиришлар ва қўшимча киритиш тўғрисида

Ўзбекистон Республикаси Соғлиқни сақлаш вазирлиги
Ўзбекистон Республикаси Ички ишлар вазирлигининг

Қарори

«Жиноят содир этишда гумон қилиниб ушлаб турилган шахсларни сақлашнинг санитария-гигиена қоидаларини тасдиқлаш ҳақида»ги қарорга ўзгартиришлар ва қўшимча киритиш тўғрисида

[Ўзбекистон Республикаси Адлия вазирлиги томонидан 2018 йил 6 апрелда рўйхатдан ўтказилди, рўйхат рақами 1737-1]

Ўзбекистон Республикасининг «Жиноят ишини юритиш чоғида қамоқда сақлаш тўғрисида»ги ва «Ички ишлар органлари тўғрисида»ги қонунлари ҳамда Вазирлар Маҳкамасининг 2015 йил 7 июлдаги 184-сон «Ўзбекистон Республикаси Ички ишлар вазирлигининг вақтинча сақлаш ҳибсхоналарида ва тергов ҳибсхоналарида сақлаб турилган шахсларнинг, шунингдек жазони ижро этиш муассасаларида жазони ўтаётган маҳбусларнинг таъминоти меъёрларини тасдиқлаш тўғрисида»ги қарорига мувофиқ Ўзбекистон Республикаси Соғлиқни сақлаш вазирлиги ва Ички ишлар вазирлиги қарор қилади:

1. Ўзбекистон Республикаси Соғлиқни сақлаш вазирлиги ва Ички ишлар вазирлигининг 2007 йил 8 октябрдаги 12, 16-сон»Жиноят содир этишда гумон қилиниб ушлаб турилган шахсларни сақлашнинг санитария-гигиена қоидаларини тасдиқлаш ҳақида»ги қарорига (рўйхат рақами 1737, 2007 йил 8 ноябрь) (Ўзбекистон Республикаси қонун ҳужжатлари тўплами, 2007 й., 45-сон, 462-модда) иловага мувофиқ ўзгартиришлар ва қўшимча киритилсин.

2. Мазкур қарор расмий эълон қилинган кундан эътиборан кучга киради.

Соғлиқни сақлаш вазири А. ШАДМАНОВ

Тошкент ш.,

2018 йил 15 март,

9-сон

Ички ишлар вазири П. БОБОЖОНОВ

Тошкент ш.,

2018 йил 15 март,

24-сон

Ўзбекистон Республикаси Соғлиқни сақлаш вазирлиги ҳамда Ички ишлар вазирлигининг 2018 йил 15 мартдаги 9 ва 24-сон қарорига
ИЛОВА

«Жиноят содир этишда гумон қилиниб ушлаб турилган шахсларни сақлашнинг санитария-гигиена қоидаларини тасдиқлаш ҳақида»ги қарорга киритилаётган ўзгартиришлар ва қўшимча

1. Қарорнинг муқаддимасидаги «Ўзбекистон Республикаси Жиноят-процессуал кодексининг 229-моддасига» деган сўзлар «Ўзбекистон Республикасининг «Жиноят ишини юритиш чоғида қамоқда сақлаш тўғрисида»ги Қонунига» деган сўзлар билан алмаштирилсин.

2. Қоидаларда:

а) муқаддимадаги «Ўзбекистон Республикаси Жиноят-процессуал кодексининг 229-моддасига» деган сўзлар «Ўзбекистон Республикасининг «Жиноят ишини юритиш чоғида қамоқда сақлаш тўғрисида»ги Қонунига» деган сўзлар билан алмаштирилсин;

б) 1 ва 2-бандлардаги «идоралари» деган сўз «органлари» деган сўз билан алмаштирилсин;

в) 3 ва 4-бандлардаги «идораларининг» деган сўз «органларининг» деган сўз билан алмаштирилсин;

г) 5-банд қуйидаги таҳрирда баён этилсин:

«5. ВСҲни биноларнинг 1 ва 2-қаватларига жойлаштирилишига рухсат этилади.»;

д) 28-банд ўз кучини йўқотган деб топилсин;

е) 45-банддаги «қурилиш меъёрлари қоидалари (кейинги ўринларда — ҚМҚ) 2.04.01-98 «Биноларнинг ички ичимлик сув (водопровод) ва канализацияси», ҚМҚ 2.04.03-97 «Канализация. Ташқи тармоғи иншоотлари», ҚМҚ 2.08.02-96 «Жамоат бинолари ва иншоотлар» қурилиш меъёрлари ва қоидалари талабларига» деган сўзлар «шаҳарсозлик нормалари ва қоидаларига» деган сўзлар билан алмаштирилсин;

ж) 47-банд қуйидаги таҳрирда баён этилсин:

«47. ВСҲни тайёр овқат билан таъминловчи ошхоналар Ўзбекистон Республикаси Бош давлат санитария врачи томонидан тасдиқланган санитария қоидалари, нормалари ва гигиена нормативларига риоя этиши шарт.»;

з) 1 ва 4-иловалар ўз кучини йўқотган деб топилсин;

и) 3-иловада:

«Хўжалик совуни‎» деб номланган позициянинг «Эркаклар‎» деб номланган устунидаги «200» рақами «250» рақами билан алмаштирилсин;

«Атир совун‎‎» деб номланган позициянинг «Эркаклар‎» деб номланган устунидаги «50» рақами «-» белгиси билан алмаштирилсин;

к) 5-иловада:

5 — 7 позициялар чиқариб ташлансин;

қуйидаги мазмундаги 27-позиция билан тўлдирилсин:

27.

Амбу қопи (сунъий нафас олдириш воситаси)

дона

‎»;

л) 6-илова мазкур ўзгартиришлар ва қўшимчанинг иловасига мувофиқ таҳрирда баён этилсин.

3. Мазкур ўзгартиришлар ва қўшимча Ўзбекистон Республикаси Олий суди, Бош прокуратураси ва Миллий хавфсизлик хизмати билан келишилган.

Олий суд раиси К. КАМИЛОВ

2018 йил 12 март

Бош прокурор О. МУРОДОВ

2018 йил 12 март

Миллий хавфсизлик хизмати раиси И. АБДУЛЛАЕВ

2018 йил 12 март

«6-ИЛОВА

Вақтинча сақлаш ҳибсхоналаридаги тиббий пунктлар (хоналар) учун зарур бўлган дори воситалари ва тиббий буюмлар

РЎЙХАТИ

Т/р	Дори воситаларининг (тиббий буюмларнинг) номи	Халқаро патентланган номи	Ўлчов бирлиги	Сони
1.	Адреналин 0,18 % 1 ml	Epinephrine	ампула	10
2.	Валидол таблеткаси 0,06	Validolum (Mentol in methylisovalerate)	таблетка	50
3.	Дибазол 1 % 1 ml	Bendazole	ампула	20
4.	Папаверин гидрохлорид 2 % 2 ml	Papaverine hydrochloridum	ампула	20
5.	Эналаприл таблеткаси 0,01	Enalapril	таблетка	40
6.	Корвалол 25 ml	Comb drug (Bromizovaleric acid, menthae piperita)	флакон	2
7.	Кофеин-бензоат натрий 20 % 1 ml	Comb drug (Caffeine, sodium benzoate)	ампула	20
8.	Кордиамин 25 % 2 ml	№ikethamide	ампула	10
9.	Лидокаин гидрохлоид 2 % 2 ml	Lidocaine	ампула	20
10.	Нитроглицерин 0,0005	№itroglycerin	таблетка	80
11.	Нитросорбид таблеткаси 0,01	Isosorbide dinitrate	таблетка	50
12.	Строфантин 0,25 мг/1 ml	Quabain	ампула	10
13.	Анальгин 50 % 2 ml	Metamizole sodium	ампула	20
14.	Анальгин таблеткаси 0,5	Metamizole sodium	таблетка	20
15.	Ацетилсалициловая кислота 0,5	Acetylsalicylic acid	таблетка	20
16.	Глюкоза 40 % 10 ml	Dextrose	ампула	10
17.	Глюкоза 5 % 500,0	Dextrose	флакон	10
18.	Натрия хлорид 0,9 % 500,0	Sodium chloride	флакон	10
19.	Димедрол 1 % 1 ml	Diphenhydramine	ампула	20
20.	Диазолин 0,05	Mebhydrolin	таблетка	20
21.	Супрастин 25 mg	Chloropyramine	таблетка	20
22.	Эуфиллин 2,4 % 10 ml	Aminophylline	ампула	10
23.	Магний сульфат 25 % 5 ml	Magnesium sulfate	ампула	20
24.	Атропин сульфат 0,1 % 1 ml	Atropine sulfate	ампула	10
25.	Но-шпа 40 mg	Drotaverine	таблетка	100
26.	Но-шпа 40 мг/2 ml	Drotaverine	ампула	10
27.	Викаир	Comb drug (Bismut subnitrate, magnesium carbonate)	таблетка	20
28.	Викасол 1% 1 ml	Menadione	ампула	10
29.	Кальций хлорид 10 % 10 ml	Calcium chloride	ампула	10
30.	Этамзилат 12,5 % 2 ml	Etamsylate	ампула	10
31.	Сульфацил натрий 20 % 5 ml	Sulfacetamid	флакон	2
32.	Ампициллин тригидрат 0,5	Ampicillin	таблетка	50
33.	Тетрациклин гидрохлорид 100 mg	Tetracycline	таблетка	60
34.	Қисқа таъсир этувчи Инсулин	Insulin human	флакон	5
35.	Пролонгир таъсир этувчи Инсулин	Insulin pigs	флакон	5
36.	Лазикс 1 % 2 ml	Furosemide	ампула	10
37.	Аммиак эритмаси 10 % 10 ml	Ammonia solution dilute	флакон	5
38.	Новокаин 0,5 % 5 ml	Procaine	ампула	20
39.	Дексаметазон 4 мг/мл 1 ml	Dexamethasone	ампула	10
40.	Борная кислота 3 % спиртли эритмаси 10 ml	Boric acid	флакон	2
41.	Бриллиант яшил 1 % 10 ml спиртли эритмаси	Malachite green	флакон	5
42.	Йоднинг 5 % 10 ml спиртли эритмаси	Iodine	флакон	5
43.	Водород пероксид 3 % 25 ml эритмаси	Perhydrolum	флакон	5
44.	Тиббиёт этил спирти 70 % 50 ml	Aethanol	флакон	5
45.	Фурациллин 0,02	№itrofural	таблетка	50
46.	Хлорамин Б 500 gr	Дихлоризоцианид кислотасининг натрийли тузи	kg	5
47.	Кальций гипохлориди	Calcium hydrochloride	kg	100
Тиббий буюмлар
48.	Стерил бинт 5 m х 10 sm	-	дона	5
49.	Ностерил бинт 7 m х 14 sm	-	дона	5
50.	Стерил пахта 100 gr	-	дона	5
51.	Ностерил пахта 100 gr	-	дона	5
52.	Лейкопластирь 1 х 500, 2 х 500 ёки 1 х 250	-	дона	10
53.	Бактерицидли лейкопластирь	-	дона	10
54.	Докали салфеткалар стерил 45 х 29 sm № 10	-	упаковка	10
55.	Система (бир марталик)	-	дона	50
56.	Шприц 2,0 (бир марталик)	-	дона	50
57.	Шприц 5,0 (бир марталик)	-	дона	50
58.	Шприц 10,0 (бир марталик)	-	дона	50
59.	Инсулин учун шприц (бир марталик)	-	дона	10
60.	Перчатка (латекс) (бир марталик)	-	дона	50	».

(Қонун ҳужжатлари маълумотлари миллий базаси, 07.04.2018 й., 10/18/1737-1/1025-сон)