Ўзбекистон Республикаси Ҳаво кодексининг 84-бандига мувофиқ Вазирлар Маҳкамаси қарор қилади:

1. Ўзбекистон Республикаси давлат авиацияси таркибига кирувчи авиация ходимларининг лавозимлар рўйхати иловага мувофиқ тасдиқлансин.

2. Ушбу қарорга асосан вазирлик ва идоралар томонидан қабул қилинган норматив ҳуқуқий ҳужжатлар мувофиқлаштирилсин.

3. Ўзбекистон Республикаси Вазирлар Маҳкамасининг 2002 йил 21 октябрь кунидаги «Ўзбекистон Республикаси давлат авиацияси авиация ходимларига тегишли лавозимлар рўйхатини тасдиқлаш тўғрисида» 361-сонли қарори ўз кучини йўқотган деб ҳисоблансин.

4. Ушбу қарор талабларининг ижросини назорат қилиш масъулияти Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ раиси А.Ж. Раматов ва Ўзбекистон Республикаси Мудофаа вазири А.А. Азизов зиммасига юклатилсин.

1. Давлат авиацияси учувчилар таркибига ушбу Рўйхатга мувофиқ махсус тайёргарликка эга ва парвоз давомида (учувчисиз учиш мажмуасининг қўмондонлик-бошқарув станциясидан) ҳаво кемаси экипажи таркибида эгаллаб турган штатдаги лавозими, шунингдек ҳарбий ва ҳисобга олинган мутахассислигига асосан парвозларга тегишли рухсати бўлган ҳолда ҳаво кемаси (учувчисиз учиш аппарати)ни бошқариш, ҳаво навигацияси, ҳаво кемаси, унинг тизимлари ва жиҳозларидан фойдаланиш (эксплуатация қилиш) бўйича ўзининг функционал мажбуриятларини бажарадиган шахслар киради.

2. Учувчилар таркибига киради:

а) Мудофаа вазирлиги марказий аппаратида, Ички ишлар вазирлиги, Фавқулодда вазиятлар вазирлиги, Миллий хавфсизлик хизмати ва ҲҲМ қўшинлари ва ҲҲК қўмондонлиги:

ҲҲМ қўшинлари ва ҲҲК қўмондони (учувчи ҳарбий-ҳисоб мутахассислиги);

бошқарма бошлиғи, бошқарма бошлиғининг ўринбосари, парвозлар хавфсизлиги бошқармаси, эксперт бўлими бошлиғи (учувчи ҳарбий-ҳисоб мутахассислиги);

б) авиация бирлашмаларида:

ҲҲМ қўшинлари ва ҲҲК қўмондонининг ўринбосари (учувчи ҳарбий-ҳисоб мутахассислиги);

бошқарма, бўлим, хизмат, бўлинма бошлиқлари ва уларнинг авиация кўриниши (тури) ва парвозлар хавфсизлиги бўйича ўринбосарлари (учувчи ҳарбий-ҳисоб мутахассислиги);

тренажёр комплекси бошлиғининг учиш тайёргарлиги бўйича ўринбосари (учувчи ҳарбий-ҳисоб мутахассислиги);

катта учувчи-инспектор, учувчи-инспектор (учувчи ҳарбий ҳисоб мутахассислиги);

бошқарма эксперти, бўлим, хизмат, авиация кўриниши (тури) бўлинмалари ва парвозлар хавфсизлиги катта офицери (офицер) (учувчи ҳарбий-ҳисоб мутахассислиги);

қидирув-қутқарув ва парашют-десант хизмати бошлиғи (учувчи ҳарбий-ҳисоб мутахассислиги);

штурманлик хизмати бош (катта) штурмани (учувчи ҳарбий-ҳисоб мутахассислиги);

штурман (учувчи ҳарбий ҳисоб мутахассислиги);

в) авиация қўшилмаларида:

авиация катта борт техниги, авиация борт техниги (барча номланиш ва мутахассисликлар);

катта борт муҳандис-йўриқчиси (барча номланиш ва мутахассисликлар);

борт механиги (барча номланиш ва мутахассисликлар);

борт радисти (барча номланиш ва мутахассисликлар);

ҳаво радисти (барча номланиш ва мутахассисликлар);

қўшилма командирлари ва унинг ўринбосарлари (учувчи ҳарбий-ҳисоб мутахассислиги);

звено командири (отряд, ўқув отряди);

кема, вертолёт, вертолёт отряди командири;

авиация (вертолёт) эскадрилья командири ва унинг ўринбосарлари (учувчи ҳарбий-ҳисоб мутахассислиги);

катта учувчи-йўриқчи, учувчи-йўриқчи (барча номланиш ва мутахассисликлар);

катта учувчи, учувчи (барча номланиш ва мутахассисликлар);

ҳаво-ўти ва тактик тайёргарлик бошлиғи;

бўлим, бўлинма, хизмат бошлиғи ва унинг ўринбосарлари (учувчи ҳарбий-ҳисоб мутахассислиги);

штаб бошлиғи ва унинг ўринбосарлари (учувчи ҳарбий-ҳисоб мутахассислиги);

кема командири ёрдамчиси;

бўлим, бўлинма, хизмат ва парвозлар хавфсизлиги катта офицери (офицер) (учувчи ҳарбий-ҳисоб мутахассислиги);

катта штурман, штурман-дастурчи, эскадрия штурмани, эскадрия штурмани ёрдамчиси, звено (отряд) штурмани, самолёт (вертолёт, кема) штурмани;

г) синовчи-парвоз бўлинмаларида:

синовчи-учувчи;

синовчи-штурман;

авиация борт синовчи-техниги;

д) Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтида:

бошлиғи ва унинг ўринбосарлари (учувчи ҳарбий-ҳисоб мутахассислиги);

профессор-ўқитувчилар таркиби (учувчи ҳарбий-ҳисоб мутахассислиги);

бўлим бошлиғи ва унинг ўринбосарлари (учувчи ҳарбий-ҳисоб мутахассислиги);

бошлиқ, катта ўқитувчи (ўқитувчи), марказ (тренажёр тайёргарлиги, тренажёр комплекси) ўқитувчи-йўриқчи (учувчи ҳарбий-ҳисоб мутахассислиги);

малака ошириш курслари бошлиғи (учувчи ҳарбий-ҳисоб мутахассислиги);

е) алоҳида разведка авиация эскадрильясида (учувчисиз учиш аппаратлари)

эскадрилья командири ва унинг ўринбосарлари (учувчи ҳарбий-ҳисоб мутахассислиги);

отряд командири (учувчи ҳарбий-ҳисоб мутахассислиги);

учувчисиз учиш аппарати катта учувчи-оператори, учувчи-оператори (учувчи ҳарбий-ҳисоб мутахассислиги);

учувчисиз учиш аппарати фойдали юкламасининг катта штурман-оператори, штурман-оператори (учувчи ҳарбий-ҳисоб мутахассислиги).

3. Ҳаводаги ҳаракатларни ташкиллаштиришни амалга оширувчи ва хизмат кўрсатувчи шахсларга киради:

ҳаво бўшлиғидан фойдаланиш Ягона бошқарув тизимлари Бош марказининг барча номланишлари бошлиғи ва унинг ўринбосарлари;

ҳаво бўшлиғидан фойдаланиш Ягона бошқарув тизимлари Бош марказининг навбатчи смена катта диспетчери;

парвозларни бошқариш, жанговар бошқарув гуруҳлари бошлиғи;

навбатчи смена бошлиғи;

ҳаво бўшлиғидан фойдаланиш Ягона бошқарув тизимлари Бош (ҳудудий, ёрдамчи ҳудудий) маркази навбатчи смена бошлиғи;

диспетчерлик пункти бошлиғи;

авиация қўшилмалари, қисмлари қўмондонлик пункти бошлиғи ва унинг ўринбосарлари;

авиацияни йўналтирув пункти бошлиғи;

парвозлар ва учиб ўтишларни бошқариш Маркази тезкор навбатчиси;

авиация қўшилмалари, қисмлари қўмондонлик пункти тезкор навбатчиси;

нишон кўрсатувчи ва йўналтирувчи, жанговар бошқарув офицери;

авиация қўшилмалари, қисмлари планшетчи — диспетчери;

парвозлар раҳбари;

парвозлар раҳбари катта ёрдамчиси (ёрдамчи);

ҳаво бўшлиғидан фойдаланиш Ягона бошқарув тизимлари Бош (ҳудудий, ёрдамчи ҳудудий) маркази навбатчи смена катта штурмани;

қўмондонлик пункти жанговар бошқарув гуруҳи йўналтирувчи катта штурман.

4. Мудофаа вазирлиги бошқарув аппарати ва ҲҲМ қўшинлари ва ҲҲК қўмондонлиги учувчилар шахсий таркиби, Ўзбекистон Республикаси Ҳарбий хавфсизлик ва мудофаа университетининг Ҳарбий авиация институти, авиация қўшилмалари, қисмлари, эскадрилья, алоҳида разведка авиация эскадрилья командирлари ва уларнинг ўринбосарлари бир вақтнинг ўзида ҳаво кемалари парвозларини ташкиллаштиришни амалга оширувчи шахслар ҳисобланадилар.

5. Ҳаво кемалари парвозларини ташкиллаштиришни амалга оширувчи шахсларга киради:

ҲҲМ қўшинлари ва ҲҲК қўмондонининг ўринбосари — Бош муҳандис;

ҲҲМ қўшинлари ва ҲҲК қўмондонлиги авиация-муҳандислик таъминоти бошқарма бошлиғи ва унинг ўринбосарлари (барча номланиш ва мутахассисликлар);

ҲҲМ қўшинлари ва ҲҲК қўмондонлиги авиация-муҳандислик таъминоти бошқармаси бўлим бошлиғи ва унинг ўринбосарлари (барча номланиш ва мутахассисликлар);

авиация қўшилмалари, қисмлари командирларининг авиация-муҳандислик хизмати бўйича ўринбосарлари, авиация-муҳандислик хизмати бошлиғи;

бошқарма, бўлим, марказ, бўлинма, гуруҳ, учувчисиз учиш авиация тизими бўлинмалари бошлиқлари ва унинг ўринбосарлари;

ҲҲМ қўшинлари ва ҲҲК қўмондонлиги, бирлашма, қўшилма, қисмлари (алоҳида эскадрильялар) авиация кўриниши бошқармаси бош (катта) муҳандиси (барча номланиш ва мутахассисликлар), бўлим, марказ, авиация-муҳандислик таъминоти бўлинмалари (авиация-муҳандислик хизмати);

авиация-техник базаси командири ва унинг ўринбосарлари;

қўшилма, қисмлар самолётлар (вертолётлар) захира базаси бошлиғи;

қўшилма, қисмлар самолётлар (вертолётлар) таъмирлаш батальон командири ва унинг ўринбосарлари;

назорат бўлими бошлиғи (парвозлар таъминотининг);

ҲҲМ қўшинлари ва ҲҲК қўмондонлиги бошқарма, бўлим, хизмат, бўлинма бошлиқлари ва унинг ўринбосарлари, қўшилма, қисмлари авиация турлари ва парвозлар хавфсизлигида учувчилар таркибига кирмайдиган шахслари;

ҲҲМ қўшинлари ва ҲҲК қўмондонлиги бошқарма, бўлим, хизмат, бўлинмалари, авиация турлари ва парвоз хавфсизлиги, авиация қўшилма ва қисмларининг учувчилар таркибига мансуб бўлмаган катта офицер, офицер, катта техник, техник (барча номланиш ва мутахассисликлар);

учувчилар таркибига мансуб бўлмаган учувчисиз учиш аппарати операторлари (барча номланиш ва мутахассисликлар);

учувчисиз авиация тизими (учувчисиз учиш аппарати) бўлинмаларининг бошқарма, бўлим, марказ, бўлинмаси штурмани (штурман-дастурчи);

учувчилар таркибига мансуб бўлмаган парвоз хавфсизлиги бошқармаси бўлим эксперти.

6. Ҳаво кемасига техник хизмат кўрсатишни амалга оширувчи таркибга қуйидагилар киради:

авиация катта механиги, авиация техниги (барча номланиш ва мутахассисликлар);

авиация катта техниги, авиация техниги (барча номланиш ва мутахассисликлар);

катта техник, техник (барча номланиш ва мутахассисликлар);

дешифрошчик гуруҳи;

муҳандислик авиация хизмати катта муҳандиси, муҳандис (барча номланиш ва мутахассисликлар);

авиация-техник отряди командири;

таъмирлаш батальони командири ва унинг ўринбосари;

эскадрилья командирининг муҳандислик авиация хизмати бўйича ўринбосари;

техник хизмат кўрсатиш қисм бошлиғи, отряд, звено, ҳисоб ва уларнинг ўринбосарлари;

гуруҳ бошлиғи (барча номланиш ва мутахассисликлар);

учувчисиз учиш аппарати техник-оператори.

7. Ҳаво кемаси парвозларини таъмирлашни амалга оширувчи таркибга қуйидагилар киради:

авиация парвоз диспетчери (барча номланиш ва мутахассисликлар);

катта диспетчер, парвоз ва учиб ўтишларни бошқариш маркази диспетчери;

алоқа ва радиотехник (радиотехник ёритиш) таъминоти батальон командири ва унинг ўринбосарлари;

аэродром техник таъминоти батальон командири ва унинг ўринбосарлари;

авиация қўшилмалари, қисмлар гуруҳи, взвод командири;

алоқа тугуни ва радиотехник (радиотехник ёритиш) бўлим таъминоти командири (бошлиғи);

алоқа тугуни ва радиотехник (радиотехник ёритиш) бўлим таъминоти секция командири;

авиация бирлашма, қўшилма, қисмларнинг метеорология хизмати (гуруҳи) бошлиғи ва унинг ўринбосарлари;

авиация бирлашмаси метеорология хизмати катта офицери;

метеорология бўлим, хизмат, гуруҳларининг метеорология кузатувчиси, катта метеоролог, механик-метеоролог, метеоролог-ҳайдовчи;

авиация тренажёр комплекс бошлиғи;

фронт орти бошқармаси бошлиғи ва унинг ўринбосари;

аэродром ва махсус иншоотларини эксплуатация қилиш ва жорий таъмирлаш бўлим бошлиғи;

хизмат бошлиғи (ҲҲК аэродром ва махсус иншоотларини эксплуатацияси);

фронт орти бошқармаси ёнғин хавфсизлиги хизмати бошлиғи;

қўшин алоқа ва радиотехник таъминоти бошлиғи — бўлим бошлиғи ва унинг ўринбосари;

авиация Бош метеорология маркази бошлиғи;

радиотехник ёритиш таъминоти гуруҳи бошлиғи;

метеорологик станцияси бошлиғи (ҳаракатланувчи);

авиация Бош метеорология маркази бўлим бошлиғи (барча номланиш ва мутахассисликлар);

алоқа ва радиотехник (радиотехник ёритиш) таъминоти бошлиғи;

алоқа бўлинмаси ва радиотехник (радиотехник ёритиш) таъминоти радио станция бошлиғи;

авиация Бош метеорология маркази смена бошлиғи;

алоқа бўлинмаси ва радиотехник (радиотехник ёритиш) таъминоти смена бошлиғи;

қидирув-қутқарув ва парашют-десант хизмати бошлиғи;

қидирув-қутқарув ва парашют-десант хизмати қутқарув гуруҳи бошлиғи;

ракеталарни тайёрлаш техник позицияси бошлиғи (авиация талафот воситаси ва махсус қуроллар техник позицияси);

авиация қўшилма ва қисмлари логистик ва техник кузатув бўлинма бошлиғи, муҳандиси, катта офицери, техниги;

ҳарбий ваколатхона, шунингдек, авиация таъмирлаш ташкилоти филиаллари бошлиғи ва унинг ўринбосарлари, бўлим ва бўлинма бошлиқлари, муҳандиси (барча номланиш ва мутахассисликлар);

парвозлар ва учиб ўтишларни бошқариш Маркази бошлиғи ва унинг ўринбосарлари;

парвозлар ва учиб ўтишларни бошқариш Маркази навигацион ахборот хизмати бошлиғи;

парвозлар ва учиб ўтишларни бошқариш Маркази қидирув-қутқарув таъминоти бўйича оператив гуруҳ бошлиғи, катта офицери;

парвозлар ва учиб ўтишларни бошқариш Маркази оператив навбатчиси;

алоқа воситаси катта оператори, алоқа тармоғи оператори (учувчисиз учиш аппарати);

алоқа ва радиотехник таъминоти бўлим катта офицери;

қидирув-қутқарув ва парашют-десант хизмати офицери;

марказий тренажёр тайёргарлиги техник оператори, бошлиғи ўринбосари;

алоқа бўлинмаси ва радиотехник (радиотехник ёритиш) таъминоти (смена, радиомаркировка пункти, радиотехник станция, радиолокатсиён станция, яқиндан йўналтириш радиотехник станция, йўналтирувчи радиомаёқ, глисадли радиомаёқ, автоматлаштирилган радиопеленгатор, электр кучланишли воситалар, объектив назорат) техниги, катта техниги, бошлиғи;

аэродром техник таъминот батальони парвозлар майдонини қуршаб олиш секция командири;

Бош метеорология маркази секция командири;

аэродром техник таъминот батальони, секцияси (гуруҳлар, взводлар) катта механик-ҳайдовчи, ҳайдовчи, ҳайдовчи-механик, ҳайдовчи-оператор, ҳайдовчи-кранчи, грейдерчиси;

қутқарув гуруҳи омборхона бошлиғи, катта йўриқчиси (йўриқчи) фельдшери, ҳайдовчиси;

парашют-десант жиҳозлари омборхона бошлиғи;

парашютлар омборхонаси катта тахловчиси, парашютлар тахловчиси;

авиация техник қисм командири ва унинг ўринбосари.