toggle_night_mode
Норасмий таржима
Ўзбекистон Республикаси Вазирлар Маҳкамасининг
қарори
Ўзбекистон Республикаси Автомобил йўллари давлат қўмитаси ҳузуридаги «Ўзавтойўлбелги» давлат унитар корхонаси фаолиятини ташкил этиш тўғрисида
Ўзбекистон Республикаси Президентининг 2017 йил 11 июлдаги «Йўл ҳаракати хавфсизлиги тизимини янада такомиллаштириш чора-тадбирлари тўғрисида»ги ПҚ-3127-сон қарорини амалга ошириш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2017 йил 11 июлдаги «Йўл ҳаракати хавфсизлиги тизимини янада такомиллаштириш чора-тадбирлари тўғрисида»ги ПҚ-3127-сон қарорига мувофиқ «Ўзавтойўлбелги» давлат унитар корхонаси (кейинги ўринларда — «Ўзавтойўлбелги» ДУК) ташкил этилган бўлиб, унинг таъсисчиси Ўзбекистон Республикаси Автомобил йўллари давлат қўмитаси ҳисобланади.
2. Қуйидагилар «Ўзавтойўлбелги» ДУКнинг асосий вазифалари этиб белгилансин:
автомобил йўлларини ҳаракатни тартибга солишнинг техник воситалари билан жиҳозлаш соҳасида ягона техник сиёсатни амалга ошириш;
стандартлаштириш бўйича меъёрий ҳужжатлар талабларига мувофиқ йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини ишлаб чиқариш;
йўл ётиқ чизиқларини ётқизиш учун материаллар ишлаб чиқариш, автомобил йўлларида узоқ муддатга чидамли йўл ётиқ чизиқларини ётқизиш ва уларни узоқ хизмат муддатини таъминлаш;
Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси, давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар билан йўл ҳаракати хавфсизлигини таъминлаш масалалари бўйича ўзаро ҳамкорлик қилиш.
3. Қуйидагилар:
«Ўзавтойўлбелги» давлат унитар корхонаси бошқарув аппаратининг тузилмаси 1-иловага* мувофиқ;
*1-илова рус тилидаги мантда берилган.
Ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини инвентаризациядан ўтказиш, уларни юқори интенсив қопламали замонавий йўл белгиларига босқичма-босқич алмаштириш бўйича чора-тадбирлар дастури 2-иловага мувофиқ;
Ўзбекистон Республикаси Вазирлар Маҳкамаси ҳузуридаги Республика йўл жамғармасининг сўм ва валюта маблағлари ҳисобига харид қилинадиган йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини ишлаб чиқариш учун асбоб-ускуналар, махсус техника, узоқ муддат фойдаланишни таъминлайдиган барқарор йўл чизиқларини чизиш воситалари рўйхати 3-иловага мувофиқ;
Ўрнатилган йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини инвентаризациядан ўтказиш бўйича Республика ишчи гуруҳи таркиби 4-иловага мувофиқ тасдиқлансин.
4. Республика ишчи гуруҳи:
бир ҳафта муддатда ҳоким ўринбосарлари бошчилигида ҳудудий (вилоят, туман, шаҳар) ишчи гуруҳлар ўз таркибига манфаатдор вазирлик ва идораларнинг ҳудудий бўлинмаларининг масъул ходимларини, шунингдек, ҳайдовчилар ассоциацияси вакилларини жалб қилган ҳолда Қорақалпоғистон Республикаси, вилоятлар ва Тошкент шаҳри ҳудудида ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини инвентаризациядан ўтказишни ташкил этсин;
2018 йил 1 январга қадар шаҳар кўчалари ва автомобил йўлларининг паспортига мувофиқ йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситалари инвентаризациядан ўтказилишини якунласин.
5. Ўзбекистон Республикаси Автомобил йўллари давлат қўмитаси бир ой муддатда:
«Ўзавтойўлбелги» ДУКнинг уставини тасдиқласин ва унинг давлат рўйхатидан ўтказилишини таъминласин;
«Автомагистрал» ихтисослаштирилган йўл таъмирлаш-қурилиш уюшмаси» унитар корхонасига қарашли Тошкент вилояти, Юқоричирчиқ тумани, Барданкўл қишлоғида жойлашган умумий майдони 556,88 кв м бўлган йўл белгиларини таъмирлаш устахонаси оператив бошқарув ҳуқуқи билан «Ўзавтойўлбелги» ДУКга ўтказиб берилишини таъминласин;
фойдаланишдаги автомобил йўлларини, шаҳар кўчаларини ва бошқа аҳоли пунктларини қуриш, реконструкция қилиш ва таъмирлаш ташкилотлари учун «Ўзавтойўлбелги» ДУК томонидан зарур йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситалари узлуксиз ишлаб чиқарилишини ташкил этсин.
6. Белгилансинки, йўл белгиларини таъмирлаш цехини реконструкция қилиш ва таъмирлаш, шунингдек, «Ўзавтойўлбелги» ДУКнинг йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини ишлаб чиқариш бўйича ускуналарини сотиб олиш, монтаж қилиш ва ўрнатиш Ўзбекистон Республикаси Вазирлар Маҳкамаси ҳузуридаги Республика йўл жамғармаси маблағлари, шу жумладан валюта маблағлари ҳисобидан амалга оширилади.
7. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов ва Ўзбекистон Республикаси Автомобил йўллари давлат қўмитаси раиси А.А. Абдувалиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 2 октябрь,
784-сон
Вазирлар Маҳкамасининг 2017 йил 2 октябрдаги 784-сон қарорига
2-ИЛОВА
Ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини инвентаризациядан ўтказиш, уларни юқори интенсив қопламали замонавий йўл белгиларига босқичма-босқич алмаштириш бўйича
ЧОРА-ТАДБИРЛАР ДАСТУРИ

Т/р

Чора-тадбирлар номи

Муддатлари

Масъулиятли ижрочилар

1.

Ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини инвентаризация қилиш бўйича Республика ишчи гуруҳи йиғилишини ўтказиш

бир ҳафта муддатда

Ўзбекистон Республикаси Ички ишлар вазирлиги, Автомобил йўллари давлат қўмитаси, ИИВ Йўл ҳаракати хавфсизлиги давлат инспекцияси

2.

Вилоятлар, туманлар ва шаҳарлар ҳокимларининг ўринбосарлари бошчилигида Қорақалпоғистон Республикаси, вилоятлар ва Тошкент шаҳри бўйича ўрнатилган йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини инвентаризациядан ўтказиш бўйича ҳудудий (вилоят, туман, шаҳар) ишчи гуруҳларини тузиш ва уларнинг таркибига манфаатдор вазирликлар ва идораларнинг ҳудудий бўлинмалари масъул ходимларини жалб этган ҳолда ишларни ташкил этиш

бир ҳафта муддатда

Республика ишчи гуруҳи

3.

Ўрнатилган йўл белгиларини, ахборот кўрсаткичларини ва йўл ҳаракатини тартибга солишнинг бошқа техник воситаларини инвентаризация қилиш жадвалларини тасдиқлаш

бир ҳафта муддатда

Республика ишчи гуруҳи

4.

Ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини инвентаризация қилиш.

Шу билан бирга, амалдаги тақиқловчи ва мажбурий йўл белгиларини ўрнатиш зарурати ва асослилигини ўрганишга алоҳида эътибор қаратилсин.

2018 йил 1 январгача

Республика ишчи гуруҳи, ҳудудий ишчи гуруҳлари

5.

Инвентаризация қилиш натижалари бўйича ўрнатилган йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларига эгалик ҳуқуқини аниқлаш (аниқлаш)

2018 йил 1 апрелгача

Республика ишчи гуруҳи, ҳудудий ишчи гуруҳлари

6.

Материалларни умумлаштириш, уларни Автомобил йўллари давлат қўмитасининг Қорақалпоғистон Республикаси ва вилоятлар автомобил йўллари бош бошқармаларига (Тошкент шаҳри бўйича — Автомобил йўллари давлат қўмитаси) топшириш

инвентаризация натижаларига асосланади

Республика ишчи гуруҳи, ҳудудий ишчи гуруҳлари

7.

Автомобил йўлларининг паспорт маълумотларини янгилаш

инвентаризация натижаларига асосланади

Ўзбекистон Республикаси Автомобил йўллари давлат қўмитаси, Ички ишлар вазирлигининг Давлат йўл ҳаракати хавфсизлиги инспекцияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

8.

Йўл белгилари, ахборот кўрсаткичлари ва ҳаракатни тартибга солишнинг бошқа техник воситаларининг ягона электрон маълумотлар базасини яратиш

2019 йил 1 январгача

Ўзбекистон Республикаси Автомобил йўллари давлат қўмитаси, Ички ишлар вазирлиги Йўл ҳаракати хавфсизлиги давлат инспекцияси

9.

Қорақалпоғистон Республикасида вилоятлар ва Тошкент шаҳрида ҳаракатланишнинг устувор йўналишларини ҳисобга олган ҳолда умумий фойдаланишдаги автомобил йўллари, хўжаликлараро қишлоқ йўллари, шаҳарлар, ва қишлоқлар кўчаларидаги мавжуд йўл белгиларини юқори интенсив қопламали замонавий йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларига босқичма-босқич алмаштириш; шу жумладан,

халқаро ва давлат аҳамиятидаги умумий фойдаланишдаги автомобил йўлларида — 900х900 мм ўлчамда;

аҳамиятга молик умумий фойдаланишдаги автомобил йўлларида, хўжаликлараро қишлоқ йўлларида, шаҳар кўчаларида, шаҳар посёлкаларида, қишлоқ ва қишлоқларда — 700х700 мм ўлчамда.

2019 йил 1 январгача

2021 йил 1 январгача

Ўзбекистон Республикаси Автомобил йўллари давлат қўмитаси, Ички ишлар вазирлигининг Давлат йўл ҳаракати хавфсизлиги инспекцияси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

10.

Ишлаб чиқариш устахоналари, бино ва иншоотларни реконструкция қилиш ва таъмирлаш, шунингдек, «Ўзавтойўлбелги» ДУКдан йўл белгилари, ахборот кўрсаткичлари ва йўл ҳаракатини тартибга солишнинг бошқа техник воситаларини ишлаб чиқариш учун ускуналар сотиб олиш ва ўрнатиш харажатлари Ўзбекистон Республикаси Вазирлар Маҳкамаси ҳузуридаги Республика йўл жамғармасининг сўм ва валюта маблағлари ҳисобидан

2018 йил 1 апрелгача

Ўзбекистон Республикаси Вазирлар Маҳкамаси ҳузуридаги Республика йўл жамғармаси, Ўзбекистон Республикаси Автомобил йўллари давлат қўмитаси

11.

Ўзбекистон Республикаси Вазирлар Маҳкамаси ҳузуридаги Республика йўл жамғармасининг сўм ва валюта маблағлари ҳисобидан «Ўзавтойўлбелги» давлат унитар корхонаси учун йўл белгилари, ахборот кўрсаткичлари, йўл ҳаракатини тартибга солишнинг бошқа техник воситалари, узоқ хизмат муддатини таъминлайдиган йўл ётиқ чизиқлари қўллаш воситаларини ишлаб чиқариш учун асбоб-ускуналар, махсус жиҳозлар харид қилиш

2017-2018 йиллар давомида

Ўзбекистон Республикаси Автомобил йўллари давлат қўмитаси, Ўзбекистон Республикаси Вазирлар Маҳкамаси ҳузуридаги Республика йўл жамғармаси

12.

900х900 мм ўлчамдаги халқаро ва давлат аҳамиятидаги автомобил йўлларининг, бошқа йўлларнинг 700х700 мм ўлчамдаги юқори интенсив қопламали йўл белгилари, ахборот кўрсаткичлари ва йўл ҳаракатини бошқаришнинг бошқа техник воситаларини стандартлаштириш бўйича янгиланган норматив ҳужжатларни тасдиқлаш; шунингдек, уларни йўл ҳаракати қисмидан масофа ва яқин атрофдаги объектларнинг хусусиятларини ҳисобга олган ҳолда аниқ кўриш учун шароитларни таъминлайдиган баландликда конструкцияларга маҳкамлаш

2017 йил 15 октябргача

Ўзбекистон Республикаси Автомобил йўллари давлат қўмитаси, Ички ишлар вазирлиги Йўл ҳаракати хавфсизлиги давлат инспекцияси, Ўзбекистон стандартлаштириш, метрология ва сертификатлаштириш агентлиги

Вазирлар Маҳкамасининг 2017 йил 2 октябрдаги 784-сон қарорига
3-ИЛОВА
Ўзбекистон Республикаси Вазирлар Маҳкамаси ҳузуридаги Республика йўл жамғармасининг сўм ва валюта маблағлари ҳисобига харид қилинадиган йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини ишлаб чиқариш учун асбоб-ускуналар, махсус техника, узоқ муддат фойдаланишни таъминлайдиган барқарор йўл чизиқларини чизиш воситалари
РЎЙХАТИ

Т/р

Ускунанинг номи

Жами

(бирлик)

2017

2018

IV чорак

I чорак

II чорак

III чорак

IV чорак

1.

Гидравлика ускуналари

4

1

1

1

 

1

2.

Автоматик думалоқ тўсар

4

1

1

1

1

 

3.

Гидравлик пресс

4

1

1

1

1

 

4.

Электромеханик кесиш машинаси

4

 

1

1

1

1

5.

Электромеханик варақни букувчи

4

1

1

1

1

 

6.

Қалинлиги 35 мм гача бўлган текис субстратга плёнкани қўллаш учун апликатор

4

1

1

1

1

 

7.

Йўл белгиларини чоп этиш учун принтер

10

2

2

2

2

2

8.

Бурғулаш машиналари (ямобуры)

13

1

2

3

3

4

9.

Бензобур бурғулаш машиналари

13

2

3

3

3

2

10.

Ясси автомобил

1

 

 

1

 

 

11.

Форклифт

2

 

1

 

1

 

12.

Ихтисослашган йўл белгиларини белгилаш воситаси

14

1

2

3

3

5

13.

Grindlazer йўл белгиларини олиб ташлаш учун ускуналар

10

2

2

2

2

2

14.

Bobcat йўл белгиларини олиб ташлаш учун ускуналар

2

 

 

1

 

1

15.

Ихтисослашган йўл лаборатория автомобили

5

 

1

1

1

2

16.

Юк кўтарувчи кран

13

2

2

2

3

4

17.

Автомобил лифти

13

1

2

3

3

4

18.

Йўл ётиқ чизиқларини чизиш учун материалларни ишлаб чиқариш ускуналари (йўл белгилари бўёқлари), шу жумладан, 3 тонна / соат

3

2

1

 

 

 

19.

Йўл ётиқ чизиқларини чизиш учун материаллар (термопластик) ишлаб чиқариш ускуналар, тўлиқ, 4 тонна / соат

2

2

 

 

 

 

 

ЖАМИ:

125

20

24

27

26

28

Вазирлар Маҳкамасининг 2017 йил 2 октябрдаги 784-сон қарорига
4-ИЛОВА
Ўрнатилган йўл белгилари, ахборот кўрсаткичлари, йўл ҳаракатини тартибга солишнинг бошқа техник воситаларини инвентаризациядан ўтказиш бўйича Республика ишчи гуруҳи
ТАРКИБИ

Р.М. Эргашев

—

Ички ишлар вазири ўринбосари, ишчи гуруҳ раҳбари

О.Ч. Одилов

—

Ўзбекистон Республикаси Автомобил йўллари давлат қўмитаси раисининг ўринбосари — бош муҳандиси, ишчи гуруҳ раҳбарининг ўринбосари

Ҳ.А. Сайдалиев

—

Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармаси бошлиғи

Ш.Ш. Шавахабов

—

Ўзбекистон автомобил ва дарё транспорти агентлиги бошлиғи в.в.б.

Э.Э. Турсунов

—

Ўзбекистон Республикаси молия вазирининг ўринбосари

рўйхатга мувофиқ

—

Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг қурилиш, коммуникациялар, коммунал хўжалик ва ободонлаштириш масалалари бўйича ўринбосарлари

Ф.А. Раджабов

—

Ўзбекистон Республикаси Автомобил йўллари давлат қўмитаси Автомобил йўлларидан фойдаланиш ва техник ҳолатини таҳлил қилиш бошқармаси бошлиғининг ўринбосари

С.С. Қахаров

—

«Йўл-лойиҳа бюроси» МЧЖ директори

О.К. Зияев

—

Ўзбекистон Республикаси Автомобил йўллари давлат қўмитасининг Автомобил йўллари илмий тадқиқот институти директори

Ш.Ш. Шомелиев

—

Ўзбекистон автомотоҳаваскорлари кўнгилли жамияти марказий кенгаши раиси