Ҳужжат кучини йўқотган 10.08.2023

Ўзбекистон Республикаси Президентининг

Қарори

Ўзбекистон Республикаси Давлат геология ва минерал ресурслар қўмитаси тизимида ягона геология хизматини ташкил этиш чора-тадбирлари тўғрисида

LexUZ шарҳи

Мазкур қарор Ўзбекистан Республикаси Президентининг 2023 йил 27 июлдаги ПФ-116-сонли «Маъмурий ислоҳотлар доирасида тоғ-кон саноати ва геология соҳасида давлат бошқарувини самарали ташкил этиш чора-тадбирлари тўғрисида»ги Фармонига асосан ўз кучини йўқотган.

Ер қаърини комплекс геологик ўрганиш соҳасида ягона давлат сиёсатини амалга ошириш ҳамда узоқ муддатли истиқболга мўлжалланган минерал-хом ашё базасини ривожлантириш ва қайта тўлдириш давлат дастурларининг самарали бажарилишини таъминлаш мақсадида:

Олдинги таҳрирга қаранг.

(1 — 8-бандлар Ўзбекистон Республикаси Президентининг 2018 йил 1 мартдаги ПҚ-3578-сонли қарорига асосан ўз кучини йўқотган)

9. Қуйидагилар:

Минерал хом ашё базасини ривожлантириш ва қайта тўлдириш давлат дастурлари қимматбаҳо ва рангли металлар ҳамда уранга олиб бориладиган геология-қидирув ишларининг объектлари ва бажариш муддатлари, шунингдек, захиралар ҳажмини кўпайтириш қисмида «Навоий КМК» ДК ва «Олмалиқ КМК» АЖ билан келишилиши лозимлиги;

2016 йилги геология-қидирув ишлари Дастури доирасида аввал харид қилинган ускуналар, махсус техника ва автотранспорт воситалари Давлат геология қўмитанинг «Геолтехтаъминот» ДК га беғараз асосда топширилиши белгилаб қўйилсин.

10. Белгилаб қўйилсинки, минерал-хом ашё базасини ривожлантириш ва қайта тўлдиришнинг йиллик дастурларида кўзда тутилган геология- қидирув ишлари ва геология соҳасини модернизация қилиш чора- тадбирлари:

Ўзбекистон Республикаси Давлат бюджетида геология-қидирув ишлари учун кўзда тутилган бюджет маблағлари;

«Навоий КМК» ДК ва «Олмалиқ КМК» АЖ нинг қимматбаҳо ва рангли металлар ҳамда уран захираларини кўпайтиришни таъминлаш бўйича комплекс чора-тадбирларни амалга ошириш учун Ўзбекистон Республикаси Молия вазирлиги Ғазначилигидаги махсус мақсадли ҳисоб рақамларига йўналтириладиган маблағлари ҳисобидан молиялаштирилади.

Давлат геология қўмитаси, «Навоий КМК» ДК ва «Олмалиқ КМК» АЖ Ўзбекистон Республикаси Молия вазирлиги ва Иқтисодиёт вазирлиги билан биргаликда 2017 йил 1 июлгача Ўзбекистон Республикаси Молия вазирлиги Ғазначилигида геология-қидирув ишларини бажариш ва геология корхоналарини модернизация қилишга мўлжалланган асбоб-ускуналарни харид қилишни молиялаштириш учун махсус мақсадли ҳисоб рақамларида маблағларни шакллантириш ва улардан фойдаланиш тартиби тўғрисидаги низомни ишлаб чиқсинлар ва тасдиқласинлар.

11. Ўзбекистон Республикаси Вазирлар Маҳкамаси бир ой муддатда Давлат геология қўмитаси ходимларига узлуксиз иш стажи учун «Навоий КМК» ДК нинг «Қимматбаҳо металлар ва уран геологияси» Илмий-ишлаб чиқариш маркази ва «Олмалиқ КМК» АЖнинг «Рангли металлар геологияси» Илмий-ишлаб чиқариш маркази ходимлари учун белгиланган миқдорларда устама тўлашни назарда тутувчи рағбатлантиришга доир чора-тадбирларни тасдиқласин.

12. Ўзбекистон Республикаси Давлат геология ва минерал ресурслар қўмитаси геология йўналишларида олий ва ўрта махсус маълумотли мутахассисларни тайёрлаш бўйича асосий буюртмачи этиб белгилансин.

Ўзбекистон Республикаси Олий ва ўрта махсус таълими вазирлиги Давлат геология қўмитаси билан биргаликда:

икки ой муддатда ўрнатилган тартибда 5-иловадаги рўйхатга мувофиқ Олий таълим йўналишлари ва мутахассисликлари Классификаторига зарур йўналишлар ва мутахассисликларни киритишни назарда тутувчи ўзгартириш ва қўшимчалар киритсин;

2017/2018 ўқув йилидан бошлаб ер қаърини геологик ўрганишнинг замонавий усуллари ва технологияларини жорий қилган ҳолда геология мутахассисликларининг ўқув режаларидаги амалиёт машғулотлари ҳажмини оширсин.

13. Ўзбекистон Республикаси Олий ва ўрта махсус таълими вазирлиги, Ўрта махсус, касб-ҳунар таълими маркази ҳамда Давлат геология қўмитасининг 2017/2018 ўқув йилидан бошлаб геология соҳаси эҳтиёжи учун 6-иловага мувофиқ касб-ҳунар коллежларида мутахассислар тайёрлашни ташкил этиш тўғрисидаги таклифлари қабул қилинсин.

Ўзбекистон Республикаси Олий ва ўрта махсус таълими вазирлиги, Касб-ҳунар таълими маркази Давлат геология қўмитаси билан биргаликда мазкур қарорнинг 6-иловасида кўрсатилган касб-ҳунар коллежларини малакали ўқитувчилар ҳамда зарур бўлган ўқув ва методик материаллар, лаборатория ускуналари билан тўлдиришни, шунингдек, битирувчиларни танлаган касблари бўйича ишга жойлаштирилишини таъминласинлар.

(13-банднинг иккинчи хатбошиси Ўзбекистон Республикаси Президентининг 2018 йил 24 майдаги ПФ-5447-сонли Фармони таҳририда — Қонун ҳужжатлари маълумотлари миллий базаси, 25.05.2018 й., 06/18/5447/1269-сон)

14. Ўзбекистон Республикаси Президентининг айрим қарорлари 7-иловага мувофиқ ўз кучини йўқотган деб ҳисоблансин.

15. Давлат геология қўмитаси манфаатдор вазирликлар ва идоралар билан биргаликда бир ой муддатда белгиланган тартибда Ўзбекистон Республикаси Вазирлар Маҳкамасига қонунчиликка ушбу қарордан келиб чиқадиган ўзгартириш ва қўшимчалар киритиш тўғрисида таклифлар киритсин.

16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 24 май,

ПҚ-3004-сон

Ўзбекистон Республикаси Президентининг 2017 йил 24 майдаги ПҚ-3004-сон қарорига
5-ИЛОВА

Олий таълим йўналишлари ва мутахассисликлари Классификаторига янгидан киритилаётган, талаб юқори бўлган олий таълим йўналишлари ва мутахассисликлари

РЎЙХАТИ

1. Бакалавриат бўйича:

геохимия;

геология-қидирув ишлари техникаси ва технологияси

2. Магистратура бўйича:

палеонтология ва стратиграфия;

минералогия ва кристаллография;

эксперт минералогияси;

петрография ва вулканология;

литология;

гидрогеоэкология;

Ерни масофадан туриб зондлаш ва ГАТ-технологиялари;

қаттиқ фойдали қазилмаларни излашнинг геофизик усуллари ва қидируви;

геология-қидирув ишлари техникаси ва технологияси.

LexUZ шарҳи

5-илова норасмий таржима.

Ўзбекистон Республикаси Президентининг 2017 йил 24 майдаги ПҚ-3004-сон қарорига
6-ИЛОВА

2017/2018-ўқув йилидан бошлаб геология соҳаси эҳтиёжлари учун мутахассислар тайёрлаш ташкил этиладиган касб-ҳунар коллежлари

Т/р	Касб-ҳунар коллежларнинг номи	Манзили	Касблар номи*
1.	Олмазор политехника ва стандартлаштириш касб-ҳунар коллежи	Тошкент шаҳри, Олмазор тумани	Техник — гидрогеолог**
			ГАТ технологиялари бўйича техник оператор**
2.	Ангрен политехника касб-ҳунар коллежи	Тошкент вилояти, Ангрен шаҳри	Геология-қидирув ишлари техниги
			Геологик қидирув қудуқларини бурғиловчи — техник
3.	Каттақўрғон қурилиш ва саноат касб-ҳунар коллежи	Самарқанд вилояти, Каттақўрғон шаҳри	Геология-қидирув ишлари техниги
			Геологик қидирув қудуқларини бурғиловчи — техник
4.	Нурота тоғ-кон саноати касб-ҳунар коллежи	Навоий вилояти, Нурота тумани	Геология-қидирув ишлари техниги
			Геологик қидирув қудуқларини бурғиловчи — техник
5.	Денов кончилик саноати касб-ҳунар коллежи	Сурхондарё вилояти, Денов тумани	Геология-қидирув ишлари техниги
			Геологик қидирув қудуқларини бурғиловчи — техник
6.	Шаҳрисабз технология касб-ҳунар коллежи	Қашқадарё вилояти, Шаҳрисабз шаҳри	Геология-қидирув ишлари техниги
			Геологик қидирув қудуқларини бурғиловчи — техник

* Битирувчилар сони Геология давлат қўмитаси томонидан ҳар йили тақдим қилинадиган талабномаларга мувофиқ аниқланади.

** Янгидан очилган касблар.

LexUZ шарҳи

6-илова норасмий таржима.

Ўзбекистон Республикаси Президентининг 2017 йил 24 майдаги ПҚ-3004-сон қарорига
7-ИЛОВА

Ўзбекистон Республикаси Президентининг ўз кучини йўқотган деб ҳисобланаётган қарорлари

РЎЙХАТИ

Олдинги таҳрирга қаранг.

(1-банд Ўзбекистон Республикаси Президентининг 2021 йил 30 апрелдаги ПФ-6218-сонли Фармонига асосан ўз кучини йўқотган — Қонунчилик маълумотлари миллий базаси, 30.04.2021 й., 06/21/6218/0398-сон)

2. Ўзбекистон Республикаси Президентининг 2010 йил 27 августдаги «Геология-разведка ишларини ташкил этиш ва олиб бориш тизими самарадорлигини янада ошириш чора-тадбирлари тўғрисида»ги ПҚ-1396-сон қарорининг 1, 2-бандлари, 4-бандининг 3-хатбошиси, 7-бандининг 4-хатбошиси ва 8-банди.

3. Ўзбекистон Республикаси Президентининг 2017 йил 10 январдаги «Ўзбекистон Республикаси Давлат геология ва минерал ресурслар қўмитасининг тузилмасини янада такомиллаштириш чора-тадбирлари тўғрисида»ги ПҚ-2723-сон қарори.

LexUZ шарҳи

7-илова норасмий таржима.

(Ўзбекистон Республикаси қонун ҳужжатлари тўплами, 2017 й., 23-сон, 450-модда; Қонун ҳужжатлари маълумотлари миллий базаси, 25.05.2018 й., 06/18/5447/1269-сон; Қонунчилик маълумотлари миллий базаси, 30.04.2021 й., 06/21/6218/0398-сон)