209-сон 25.07.2013. Тошкент шаҳри аҳолисининг уй-жой-коммунал шарт-шароитларини янада яхшилаш чора-тадбирлари тўғрисида

Ўзбекистон Республикаси Вазирлар Маҳкамасининг

қарори

Тошкент шаҳри аҳолисининг уй-жой-коммунал шарт-шароитларини янада яхшилаш чора-тадбирлари тўғрисида

Тошкент шаҳри аҳолисининг уй-жой-коммунал шарт-шароитларини яхшилаш ишларини изчил амалга ошириш, кўп квартирали уйларнинг умумий фойдаланиладиган жойлари, муҳандислик коммуникацияларини таъмирлаш ҳамда уларнинг ҳудудларини ободонлаштириш, коммунал хизмат кўрсатиш ташкилотлари ва хусусий уй-жой мулкдорлари ширкатларининг моддий-техника базасини мустаҳкамлаш, шунингдек Тошкент шаҳар ҳокимлигининг муниципал мулк объектларидан самарали фойдаланиш мақсадида Вазирлар Маҳкамаси қарор қилади:

1. Тошкент шаҳар ҳокимлигининг:

1-иловага мувофиқ фойдаланилмаётган ва давлат мулкига тегишли бўлган ётоқхона биноларини Тошкент шаҳар ҳокимлигининг Бинолардан фойдаланиш департаментига бепул бериш;

2-иловага мувофиқ муниципал мулк объектларини сотиш тўғрисидаги таклифлари маъқуллансин.

2. Мазкур қарорга 1-иловада кўрсатилган объектларнинг балансда сақловчилари ушбу объектларни тегишли ҳудудлари билан биргаликда бепул топширсинлар, Тошкент шаҳар ҳокимлигининг Бинолардан фойдаланиш департаментига объектларни қабул қилиб олсин ҳамда улардан самарали фойдаланилишини таъминласин.

3. Белгилаб қўйилсинки:

1-иловада кўрсатилган объектлардан етим ва боқувчисини йўқотган «Меҳрибонлик уйлари» тарбияланувчиларини, турар жойлари бузилаётган ҳамда турар жойга муҳтож фуқароларни уй-жой билан таъминлаш мақсадида фойдаланилади;

2-иловада кўрсатилган муниципал мулк объектларини очиқ савдоларга қўйиш Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси томонидан амалга оширилади. Уларни сотишдан тушадиган маблағлар Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси ихтиёрида қолдириладиган, шунингдек баҳоловчи ташкилот ва савдо ташкилотчиси хизматлари учун харажатларни чегирган ҳолда, Тошкент шаҳар ҳокимлигининг махсус ҳисоб рақамида жамланади;

Тошкент шаҳар ҳокимлигининг махсус ҳисоб рақамида жамланган маблағлар кўп квартирали турар жойларнинг ҳудудларини ободонлаштиришга, уларнинг муҳандислик тармоқларини, томларини, лифт хўжалигини таъмирлашга, мавзелар ҳудудидаги ёритиш тизимларини тиклашга, кўп квартирали уйлар учун умумий иссиқлик энергиясини ҳисоблаш асбобларини сотиб олиш ва ўрнатишга, коммунал хизмат кўрсатиш ташкилотлари, шу жумладан «Махсустранс» ишлаб чиқариш бирлашмаси ва хусусий уй-жой мулкдорлари ширкатларининг моддий-техника базасини мустаҳкамлашга йўналтирилади.

4. Тошкент шаҳар ҳокимлиги муниципал мулк объектларини сотишдан тушадиган маблағлардан белгиланган йўналишлар учун мақсадли фойдаланилишини таъминласин.

Олдинги таҳрирга қаранг.

5. Давлат молиявий назорати инспекцияси Тошкент шаҳар ҳокимлигининг махсус ҳисоб рақамидан молиялаштириладиган маблағлардан мақсадли фойдаланилишини ҳар чоракда текширсин.

(5-банд Ўзбекистон Республикаси Вазирлар Маҳкамасининг 2025 йил 1 мартдаги 135-сонли қарори таҳририда — Қонунчилик маълумотлари миллий базаси, 03.03.2025 й., 09/25/135/0208-сон)

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.И. Закиров зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2013 йил 25 июль,

209-сон

Вазирлар Маҳкамасининг 2013 йил 25 июлдаги 209-сон қарорига
1-ИЛОВА

Тошкент шаҳар ҳокимлигининг Бинолардан фойдаланиш департаментига бепул бериладиган фойдаланилмаётган ва давлат мулкига тегишли бўлган ётоқхона бинолари

РЎЙХАТИ

Олдинги таҳрирга қаранг.

Т/р	Манзили	Балансда сақловчи	Қурилиш тури
2.	Ҳамза тумани, Оқдарё кўчаси, 120/2-уй	«Конвектор» МЧЖ	2 қаватли

(1-илова Ўзбекистон Республикаси Вазирлар Маҳкамасининг 2013 йил 24 декабрдаги 338-сонли қарори таҳририда)

Вазирлар Маҳкамасининг 2013 йил 25 июлдаги 209-сон қарорига
2-ИЛОВА

Тошкент шаҳар ҳокимлигининг сотиладиган муниципал мулк объектлари

РЎЙХАТИ

Олдинги таҳрирга қаранг.

Т/р	Манзили	Балансда сақловчи	Қурилиш тури	Умумий майдони (кв.м)
1.	М.Улуғбек тумани, Чуст кўчаси	Бинолардан фойдаланиш департаменти	2 қаватли бино	2682
2.	М.Улуғбек тумани, Қорасувбўйи кўчаси, 5а-уй	Бинолардан фойдаланиш департаменти	1 қаватли бино ва иншоотлар	712
3.	М.Улуғбек тумани, Мустақиллик шоҳ кўчаси, 7-уй	Бинолардан фойдаланиш департаменти	1 қаватли бино 1-қаватининг ва ертўласининг бир қисми	333
4.	Миробод тумани, Сайхун кўчаси, 19-уй	Бинолардан фойдаланиш департаменти	2 қаватли бинонинг 1-қавати қисми	79
5.	Миробод тумани, 8-Март кўчаси, 57а-уй	Бинолардан фойдаланиш департаменти	1 қаватли бино ва иншоотлар	3257
7.	Сергели тумани, Спутник-1, 1-уй	Бинолардан фойдаланиш департаменти	1 қаватли бино	623
8.	Учтепа тумани, Уйғур кўчаси, 555-уй	Бинолардан фойдаланиш департаменти	1 қаватли бинолар	797
9.	Олмазор тумани, Сағбон-Фаробий кўчалари, 5-уй	Бинолардан фойдаланиш департаменти	4 қаватли бинонинг 1-қавати қисми	128
10.	Олмазор тумани, Сағбон-Фаробий кўчалари, 6-уй	Бинолардан фойдаланиш департаменти	4 қаватли бинонинг 1-қавати қисми	153
11.	Олмазор тумани, Жомий кўчаси, 5-уй	Бинолардан фойдаланиш департаменти	3 қаватли бино ва иншоот	2207
12.	Олмазор тумани, Жомий-5, Магазин Мавзук кўчаси	Бинолардан фойдаланиш департаменти	1 қаватли бино	633
14.	Юнусобод тумани, Ифтихор кўчаси, 1-уй	«Пойтахт агро» ДУК	1 қаватли бино ва иншоотлар	3604
15.	Яккасарой тумани, Ўрикзор 2-тор кўчаси, 45-уй*	Бинолардан фойдаланиш департаменти	2 ва 1 қаватли бинолар	1237
16.	Яккасарой тумани, Бобур кўчаси, 67-уй, 6-корпус	Бинолардан фойдаланиш департаменти	9 қаватли бинонинг 1-қавати қисми	30
18.	Бектемир тумани, Бинокор қўрғони	Бектемир тумани ҳокимлиги	қурилиши тугалланмаган бино ва иншоотлар
19.	Бектемир тумани, Бинокор қўрғони	Бинолардан фойдаланиш департаменти	қурилиши тугалланмаган бино ва иншоотлар
20.	Тошкент вилояти, Бўстонлиқ тумани, Чимён	«Ягона буюртмачи хизмати» инжиниринг компанияси	қурилиши тугалланмаган бино ва иншоотлар
21.	Тошкент вилояти, Бўстонлиқ тумани, Чимён	«Ягона буюртмачи хизмати» инжиниринг компанияси	қурилиши тугалланмаган меҳмонхона биноси
22.	Тошкент вилояти, Бўстонлиқ тумани, Чимёнсой	«Ягона буюртмачи хизмати» инжиниринг компанияси	қурилиши тугалланмаган соғломлаштириш мажмуаси бинолари

* Объект мактабгача таълим муассасаси фаолиятини сақлаб қолиш шарти билан сотувга қўйилади.

(2-илова Ўзбекистон Республикаси Вазирлар Маҳкамасининг 2018 йил 31 мартдаги 254-сонли қарори таҳририда)

(Ўзбекистон Республикаси қонун ҳужжатлари тўплами, 2013 й., 30-сон, 391-модда; 2015 й., 41-сон, 528-модда; Қонунчилик маълумотлари миллий базаси, 03.03.2025 й., 09/25/135/0208-сон)