|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ «1995 ЙИЛДА «МУСТАҚИЛЛИК» ПУЛ-БУЮМ ЛОТЕРЕЯСИНИ ЧИҚАРИШ ТЎҒРИСИДА» 1995 ЙИЛ 14 АПРЕЛДАГИ 133-СОН ҚАРОРИГА ҚЎШИМЧАЛАР ВА ЎЗГАРТИРИШЛАР КИРИТИШ ҲАҚИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Мустақиллик» пул-буюм лотереяси бўйича ютуққа чиқадиган товарлар ассортиментини кенгайтириш мақсадида Вазирлар Маҳкамаси қарор қилади:
1. Ўзбекистон Республикаси Вазирлар Маҳкамасининг «1995 йилда «Мустақиллик» пул-буюм лотереясини чиқариш тўғрисида» 1995 йил 14 апрелдаги 133-сон қарорига қуйидаги ўзгартиришлар ва қўшимчалар киритилсин:
қарорнинг 3-бандида «нақд пулга» сўзларидан сўнг «ёки ҳисоб-китоб чекларига» сўзлари қўшилсин;
1-илова 5-бандининг иккинчи хатбоши қуйидаги таҳрирда баён этилсин: «Лотереянинг 40 разряди бўйича тиражда умумий миқдори 187500000 (бир юз саксон етти миллион беш юз минг) сўмлик 2972000 (икки миллион тўққиз юз етмиш икки минг) ютуқ, шу жумладан, 158869200 (бир юз эллик саккиз миллион саккиз юз олтмиш тўққиз минг икки юз) сўмлик 108920 (бир юз саккиз минг тўққиз юз йигирма) буюм ютуқлари ва 28630800 (йигирма саккиз миллион олти юз ўттиз минг саккиз юз) сўмлик 2863080 (икки миллион саккиз юз олтмиш уч минг саксон) пул ютуқлари ўйналади»;
3-илова* янги таҳрирда баён қилинсин (илова қилинади);
* Илова рус тилида берилган.
«Мустақиллик» пул-буюм лотереясини ўтказиш шартлари ва тартибига илова* янги таҳрирда баён қилинсин (илова қилинади).
* Илова рус тилидаги матнда берилган.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.С. Ҳамидов ва М.З. Усмонов зиммасига юклансин.
Ўзбекистон Республикаси Бош вазири А. МУТАЛОВ
Тошкент ш.,
1995 йил 3 август,
310-сон
