Норасмий таржима
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
Ўзбекистон Республикаси Вазирлар Маҳкамаси томонидан лицензияланадиган фаолиятнинг айрим турларини амалга ошириш учун лицензия бланкалари ҳамда лицензия бланкаларини сақлаш, ҳисобга олиш, бериш ва ҳисобдан чиқариш, шунингдек, уларни Ўзбекистон Республикаси Вазирлар Маҳкамаси аппаратида расмийлаштириш тартиби тўғрисидаги йўриқномани тасдиқлаш тўғрисида
(қарор номи Ўзбекистон Республикаси Вазирлар Маҳкамасининг 2019 йил 13 майдаги 397-сонли қарори таҳририда)
«Фаолиятнинг айрим турларини лицензиялаш тўғрисида»ги Ўзбекистон Республикаси Қонуни ижросини таъминлаш мақсадида, шунингдек, Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарори билан тасдиқланган Лицензиялар бланкаларини тайёрлаш тартиби тўғрисидаги низомга мувофиқ, Вазирлар Маҳкамаси қарор қилади:
1. Қуйидагилар:
Ўзбекистон Республикаси Вазирлар Маҳкамаси томонидан лицензияланадиган фаолиятнинг айрим турларини амалга ошириш учун лицензия бланкаси 1-иловага мувофиқ;
Лицензия бланкаларини сақлаш, ҳисобга олиш, бериш ва ҳисобдан чиқариш, шунингдек, уларни Ўзбекистон Республикаси Вазирлар Маҳкамаси Аппаратида расмийлаштириш тартиби тўғрисидаги йўриқнома 2-иловага мувофиқ тасдиқлансин.
2. Ўзбекистон Республикаси Вазирлар Маҳкамаси Аппаратининг раҳбари:
тасдиқланган йўриқномага мувофиқ лицензия бланкаларини сақлаш, ҳисобга олиш, бериш ва ҳисобдан чиқариш, шунингдек, уларни Ўзбекистон Республикаси Вазирлар Маҳкамаси аппаратида расмийлаштириш бўйича ишлар ташкил этилишини таъминласин;
Ўзбекистон Республикаси Вазирлар Маҳкамаси томонидан лицензиялар бериладиган лицензия бланкалари сериясининг фаолият турлари бўйича тақсимланишини тасдиқласин.
3. Ўзбекистон Республикаси Вазирлар Маҳкамаси Аппаратининг хўжалик фаолияти бошқармаси:
Ўзбекистон Республикаси Вазирлар Маҳкамасининг биринчи бўлими билан биргаликда «Давлат белгиси» давлат ишлаб чиқариш бирлашмаси матбаа фабрикасига лицензия бланкаларининг зарур миқдорда тайёрланишига талабномалар жойлаштирилишини;
«Давлат белгиси» давлат ишлаб чиқариш бирлашмаси матбаа фабрикаси томонидан тақдим этилган ҳисоб-китобларга кўра, ишлаб чиқарилган лицензия бланкалари учун тўловлар амалга оширилишини;
Ўзбекистон Республикаси Вазирлар Маҳкамаси аппаратининг сўровлари асосида лицензиялар реестрларининг зарур миқдорда тайёрланишини таъминласин.
4. Ўзбекистон Республикаси Вазирлар Маҳкамасининг биринчи бўлими ва Ҳуқуқий таъминлаш бошқармаси «Давлат белгиси» давлат ишлаб чиқариш бирлашмаси матбаа фабрикасидан тайёрланган лицензия бланкаларининг белгиланган тартибда олинишини, уларнинг сақланишини, қатъий ҳисобга олинишини, берилишини ва ҳисобдан чиқарилишини таъминласин.
5. Вазирлар Маҳкамаси Ижроия аппаратининг лицензияларни рўйхатдан ўтказишни амалга оширувчи таркибий бўлинмалари раҳбарлари бир ҳафта муддатда Ўзбекистон Республикаси Вазирлар Маҳкамасининг биринчи бўлимига ҳар бир лицензияланадиган фаолият тури бўйича лицензиялар реестрларини тайёрлаш юзасидан таклифлар киритсинлар.
Ўзбекистон Республикаси Бош вазири Ў. СУЛТОНОВ
Тошкент ш.,
2001 йил 2 май,
200-сон
Вазирлар Маҳкамасининг 2001 йил 2 майдаги 200-сон қарорига
1-ИЛОВА
1-ИЛОВА
|
|
|
|
|
Ўзбекистон Республикаси Вазирлар Маҳкамаси |
|
ЛИЦЕНЗИЯ |
|
AA № 000 |
|
Ушбу лицензия ___________________________________________________________________ |
|
(лицензия эгасининг тўлиқ номи) |
|
_________________________________________________________________________________ |
|
_________________________________________________________________________________ |
|
амалга оширишга рухсат берилади ___________________________________________________ |
|
(рухсат этилган фаолият тури) |
|
________________________________________________________________________________ |
|
________________________________________________________________________________ |
|
Лицензия эгасининг жойлашган жойи (почта манзили): _________________________________ |
|
_________________________________________________________________________________ |
|
Лицензия эгасининг — солиқ тўловчининг идентификация рақами: ______________________ |
|
Лицензия берилган сана: ______________________ ______________ |
|
Лицензиянинг амал қилиш муддати _________________________________________ |
|
___________________________________(аниқ муддат ёки чекланмаган амал қилиш муддати) |
|
Регистр бўйича серия рақами: ___________________________________ |
|
Ваколатли шахс: _____________________________________________________________ |
|
______________________________(Ф.И.О.)__________________________(имзо) |
|
М.Ў. |
|
Лицензиянинг амал қилиш муддати ______________ _________ гача узайтирилди. |
|
Ваколатли шахс: _____________________________________________________________ |
|
______________________________(Ф.И.О.)__________________________(имзо) |
|
М.Ў. |
|
Лицензиянинг амал қилиш муддати _____________ __________гача узайтирилди. |
|
Ваколатли шахс: _____________________________________________________________ |
|
______________________________(Ф.И.О.)__________________________(имзо) |
|
М.Ў. |
Ўзбекистон Республикаси Вазирлар Маҳкамаси томонидан лицензияланадиган фаолиятнинг айрим турларини амалга ошириш учун лицензия бланкаси
СЕРТИФИКАТИ
1. Умумий хусусиятлар
Тайёр шакл формати: 210 х 300 мм
Жойлашув — вертикал
Чоп этиш усули — офсет
Ранглар сони — 5 + 0 + 1
2. Қоғоз хусусиятлари
ультрабинафша нурида акс этмайдиган, 100% пахтадан тайёрланган, 140+5г/м2 қалинликдаги қоғоз;
Ёруғликда яхши кўринадиган «пахта кўсаги» кўринишидаги асосий уч ўлчовли сув белгиси;
кўринмайдиган тола кўк ва оч яшил тусда, қоғоз қатламида тартибсиз жойлашган, ультрабинафша нурлари остида кўринади.
3. Чоп этиш хусусиятлари
Бир томонлама, давлат тилида ижро этилади.
Кимёвий чидамли босма сиёҳлардан фойдаланиш.
Микроматн, бир нечта катталаштиришда кўринадиган матн.
Нозик чизиқли нақшдан иборат фон сеткаси нусха кўчириш ва сканердан ҳимоя вазифасини бажаради.
Ирис рулосидан фойдаланиш, яъни дизайннинг чизиқларини бузмасдан, қирралар бўйлаб марказдаги бир рангдан бошқа рангга равон ўтиш.
Кўринмас тасвир, бироқ ультрабинафша нурлари остида кўринадиган.
Гилёш рамкасидан фойдаланиш, рангли фотонусхадан ҳимоя қилиш.
Флюорессент бўёқ ёрдамида рақамлаш рақами (ультрабинафша нурида яшил рангга эга).
Вазирлар Маҳкамасининг 2001 йил 2 майдаги 200-сон қарорига
2-ИЛОВА
2-ИЛОВА
Лицензия бланкаларини сақлаш, ҳисобга олиш, бериш ва ҳисобдан чиқариш, шунингдек, уларни Ўзбекистон Республикаси Вазирлар Маҳкамаси аппаратида расмийлаштириш тартиби тўғрисида
ЙЎРИҚНОМА
I. Умумий қоидалар
1. Мазкур Йўриқнома фаолиятнинг айрим турларини амалга ошириш учун лицензия бланкаларини сақлаш, ҳисобга олиш, бериш ва ҳисобдан чиқариш, шунингдек, уларни Ўзбекистон Республикаси Вазирлар Маҳкамаси аппаратида расмийлаштириш тартибини белгилайди.
Ушбу Йўриқнома Ўзбекистон Республикаси Вазирлар Маҳкамаси аппаратининг таркибий бўлинмалари томонидан бериладиган лицензия бланкаларига нисбатан қўлланилади.
2. Ўзбекистон Республикаси Вазирлар Маҳкамаси аппаратининг таркибий тузилмалари ўз ваколатлари доирасида Вазирлар Маҳкамасининг қонунчилик ҳужжатларига мувофиқ лицензияланадиган фаолиятнинг айрим турларини амалга ошириш учун лицензиялар беришга доир аризаларни кўриб чиқиш бўйича ишларни ташкил этади, Ўзбекистон Республикаси Вазирлар Маҳкамасининг фаолиятнинг муайян турини лицензиялаш бўйича тегишли комиссияси (кейинги ўринларда — лицензиялаш комиссияси деб юритилади) томонидан лицензия бериш тўғрисидаги қарорлар қабул қилиш учун зарур материалларни тайёрлайди ҳамда қабул қилинган қарорга асосан кейин лицензияларни ва лицензия битимларини расмийлаштиради.
Лицензия бериш тўғрисидаги аризани кўриб чиқиш ва у юзасидан қарор қабул қилиш лицензиялаш комиссиялари томонидан «Фаолиятнинг айрим турларини лицензиялаш тўғрисида»ги Ўзбекистон Республикаси Қонунида, Ўзбекистон Республикаси Вазирлар Маҳкамасининг «Фаолиятнинг айрим турларини лицензиялаш тўғрисида» 1994 йил 19 апрелдаги 215-сонли қарорида, фаолиятнинг айрим турларини лицензиялаш тўғрисидаги низом ва бошқа қонунчилик ҳужжатларида белгиланган тартиб ва муддатларда амалга оширилади.
Лицензия йўқолганлиги сабабли унинг дубликатини беришда таркибий бўлинмалар йўқолганлигини тасдиқлаш учун лицензиатлар томонидан тақдим этилган ҳужжатларни диққат билан ўрганади. Зарур ҳолларда улар қўшимча ҳужжатларни талаб қиладилар, тегишли хулоса тайёрлайдилар ва лицензиялаш комиссиясига кўриб чиқиш учун тақдим этадилар.
Лицензиянинг дубликати эскирган ёки шикастланган лицензияларни алмаштириш учун ҳам берилиши мумкин.
3. Лицензия бланкаларини қабул қилиш, сақлаш, ҳисобга олиш, бериш ва ҳисобдан чиқариш Ўзбекистон Республикаси Вазирлар Маҳкамасининг биринчи бўлими зиммасига юкланади. Вазирлар Маҳкамаси аппаратининг раҳбари томонидан Ўзбекистон Республикаси Вазирлар Маҳкамасининг биринчи бўлими ходимлари орасидан лицензия бланкаларини қабул қилиш, ҳисобга олиш, сақлаш ва бериш учун моддий жавобгар шахсни тайинлайди. (кейинги ўринларда — биринчи бўлимнинг масъул ходими деб юритилади).
Агар биринчи бўлимнинг масъул ходими вақтинча ишда бўлмаса ёки бошқа ишга ўтган бўлса, ушбу бланкалар шу мақсадда махсус тайинланган комиссия аъзолари томонидан имзоланган далолатномага асосан ушбу вазифаларни вақтинча бажарувчи шахсларга топширилиши керак.
4. Ўзбекистон Республикаси Вазирлар Маҳкамаси департаментининг биринчи бўлими масъул ходими лицензия бланкаларини ҳисобга олиш китобини юритади.
Лицензия китоби аниқ, тушунарли ва қисқартмаларсиз тўлдирилиши керак. Китобда ўчиришга йўл қўйилмайди. Йўл қўйилган хатолар тегишли шартлар билан тузатилади. Китоб боғланган ва саҳифалари рақамланган бўлиши керак. Китобдаги варақларнинг умумий сони биринчи бўлим масъул ходими, биринчи бўлим бошлиғи имзолари билан тасдиқланади ва муҳрланади.
II. Лицензия бланкаларини қабул қилиш, ҳисобга олиш, сақлаш ва ҳисобдан чиқариш
5. Лицензия бланкаларини матбаа корхонасидан қабул қилиш биринчи бўлим масъул ходими томонидан амалга оширилади.
Лицензия бланкаларини қабул қилишда бланкалар пакети биринчи бўлимнинг масъул ходими томонидан шартли равишда ўрами бузилган ёки бузилмаганлиги текширилади, қабул қилинаётган ўрамлар миқдорининг йўлланма кузатув ҳужжатларда кўрсатилган миқдорга мувофиқлиги текширилади ва бу тўғрисида далолатнома тузилади.
7. Лицензия бланкалари қатъий ҳисоб-китоб ҳужжатлари бўлиб, сейфларда ёки ёнмайдиган жавонларда ва биринчи бўлимнинг махсус жиҳозланган хоналарда сақланиши керак.
Ишдан ташқари вақтларда сейфлар, лицензия бланкалари бўлган ёнмайдиган жавонлар, шунингдек, бланкаларни сақлаш учун махсус жиҳозланган хоналар муҳрланган ёки пломбаланган бўлиши керак.
Лицензия бланкалари сақланадиган биноларга кириш ҳуқуқи уларни ҳисобга олиш ва сақлаш учун жавобгар шахсларга берилади. Лицензия бланкалари сақланадиган хонага жавобгар шахслар билан бир қаторда улар иштирокида ушбу шахсларнинг бевосита ва юқори турувчи раҳбарлари ҳам киритилиши мумкин.
8. Бланкаларда камомад ёки нуқсонлар (ҳимоя сеткасининг, босма матннинг йўқлиги ёки бузилганлиги, тартиб рақамларининг такрорийлиги ёхуд бошқа сериялар ёки тартиб рақамлари бўлган, қийшайган шрифтли, нотўғри кесилган ва нотўғри шаклли, серия ва тартиб рақамлари йўқ бўлган ёки пакетлардаги матбаа корхонасининг ёпиштирилган наклейкаларига бошқача тарзда номувофиқ бўлган бланкалар) аниқланган тақдирда зарур нусхада далолатнома тузилади. Далолатноманинг биринчи нусхаси йўлланма хат билан матбаа корхонаси наклейкаси ва нуқсонли бланкалар билан бирга матбаа корхонасига жўнатилади, иккинчи ва учинчи нусхалар наклейка ксеронусхаси билан бирга биринчи бўлимда қолади.
9. Тўлдиришда бузилган, эскирган, шикастланган, шунингдек, лицензия қайта расмийлаштирилганлиги, тугатилганлиги ёки бекор қилинганлиги муносабати билан тақдим этилган бланкалар йилига бир марта бланкаларни қабул қилиш учун тузилган комиссия томонидан икки нусхада тузилган далолатнома асосида йўқ қилинади. Йўқ қилиш ёқиш йўли билан амалга оширилади.
10. Лицензия бланкаларининг йўқолиши ёки ўғирланишининг ҳар бир ҳолати бўйича бланкаларнинг йўқолишида айбдор бўлган шахсларни аниқлаш мақсадида, дарҳол хизмат текшируви ўтказилади, зудлик билан тафтиш қилинади ва мавжуд бланкалар қолдиқлари олиб ташланади, шунингдек, уларнинг сақланишини таъминлаш бўйича барча зарур чора-тадбирлар кўрилади.
Зарур ҳолларда бланкаларнинг йўқолишида айбдор бўлган шахслар бўйича ҳужжатлар тергов органларига топширилади.
III. Лицензия бланкаларини бериш
11. Лицензиялаш комиссияси томонидан лицензия бериш тўғрисида қарор қабул қилингандан сўнг Ўзбекистон Республикаси Вазирлар Маҳкамаси аппаратининг таркибий бўлинмалари лицензия бериш тўғрисидаги қарорни ва бошқа материалларни Ўзбекистон Республикаси Вазирлар Маҳкамасининг Ҳуқуқий таъминлаш бошқармасига тегишли хулосани олиш учун тақдим этади.
12. Ўзбекистон Республикаси Вазирлар Маҳкамаси аппаратининг таркибий бўлинмалари лицензия бланкасини олиш учун Ўзбекистон Республикаси Вазирлар Маҳкамаси аппарати раҳбарига ёзма ариза билан мурожаат қиладилар. Аризага лицензия бериш тўғрисидаги лицензиялаш комиссиясининг қарори, Ўзбекистон Республикаси Вазирлар Маҳкамаси Ҳуқуқий таъминот бошқармасининг хулосаси, шунингдек, бошқа материаллар илова қилинади.
13. Биринчи бўлимнинг масъул ходими Вазирлар Маҳкамасининг таркибий бўлинмаларига лицензия бланкаларини бўлинмалар бошлиғининг у томонидан имзоланган ва Вазирлар Маҳкамаси аппарати раҳбарининг ижобий резолюцияси қўйилган ёзма аризаси асосида беради.
Аризада қуйидагилар кўрсатилиши керак:
таркибий бўлинманинг номи;
лицензия (лицензия дубликати) бериш учун асос;
сўралган бланкалар сони;
лицензия бланкаларини олиш ва расмийлаштириш учун масъул бўлган таркибий бўлинма ходимининг Ф.И.О.
Аризага қуйидаги ҳужжатлар илова қилиниши керак:
лицензиялаш комиссиясининг лицензия бериш тўғрисидаги қарорининг нусхаси ёки унинг дубликати;
Ўзбекистон Республикаси Вазирлар Маҳкамаси Ҳуқуқий таъминлаш бошқармасининг хулосаси;
лицензиянинг асл нусхаси (эскирган ва шикастланган лицензияларни алмаштириш учун дубликат берилганда, шунингдек, қайта расмийлаштирилганлиги муносабати билан лицензия бланкаси берилганда).
14. Ҳар бир фаолият тури учун бир сериядаги лицензия бланкалари берилади. Лицензия бланкалари сериясини фаолият турлари бўйича тақсимлаш Ўзбекистон Республикаси Вазирлар Маҳкамаси аппаратининг раҳбари томонидан амалга оширилади.
15. Лицензия бланкаларини беришда биринчи бўлимнинг масъул ходими лицензия бланкалари дафтарига тегишли ёзув киритади. Лицензия бланкасини олувчи Вазирлар Маҳкамаси таркибий бўлинмасининг ходими лицензия дафтарига лицензия бланкасини олганлиги тўғрисида имзо қўяди.
Лицензия бланкаларини рўйхатдан ўтказиш дафтаридаги лицензия бланкаси берилганлиги тўғрисидаги ёзувнинг тартиб рақами лицензия бериш тўғрисидаги қарорнинг нусхаси билан бирга махсус йиғмажилдга тикиб қўйиладиган тегишли аризага қўйилади.
16. Таркибий бўлинма раҳбари лицензия бланкаларини олиш ва расмийлаштириш учун ходимлар орасидан масъул шахсни белгилайди. Шу билан бирга, таркибий бўлинмалар раҳбарлари тегишли ходимлар билан бир қаторда лицензия бланкаларининг сақланиши, шунингдек, уларнинг расмийлаштирилишининг тўғрилиги учун шахсан жавобгар бўладилар.
IV. Лицензия бланкаларини расмийлаштириш
17. Лицензия бланкини тўлдириш лицензиялар реестрига тегишли ёзувлар киритилгандан кейин амалга оширилади. Лицензиялар реестрини юритиш Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарори билан тасдиқланган Ўзбекистон Республикаси ҳудудида лицензиялар реестрини шакллантириш ва юритиш тартиби тўғрисидаги низомга мувофиқ амалга оширилади.
18. Тўлдирилган лицензия бланкалари тегишли лицензиялаш комиссиясининг раиси томонидан имзоланади ва гербли муҳр билан тасдиқланади.
19. Нуқсонли, тўлдиришда бузилган, эскирган, шунингдек, қайта расмийлаштирилганлиги, бекор қилинганлиги ёки амал қилишини тугатиш муносабати билан тақдим этилган лицензия бланкалари биринчи бўлимга топширилиб, бу ҳақда тегишли далолатнома тузилади.
20. Лицензия лицензия талабгори томонидан давлат божи тўланганлигини тасдиқловчи ҳужжат тақдим этилгандан, лицензия битими имзоланганидан кейин берилади.
V. Якуний қоидалар
21. Ўзбекистон Республикаси Вазирлар Маҳкамасининг Биринчи бўлими ва Ҳуқуқий таъминлаш бошқармаси ҳар чорак ўтган чорак учун лицензия бланкаларини бериш учун материалларни хатловдан ўтказади. Хатлов асосида тегишли далолатнома тузилади ва Ўзбекистон Республикаси Вазирлар Маҳкамаси аппарати раҳбарига тасдиқлаш учун киритилади.
22. Лицензия бланкаларидан фойдаланилганлиги муносабати билан Ўзбекистон Республикаси Вазирлар Маҳкамасининг биринчи бўлими Ўзбекистон Республикаси Вазирлар Маҳкамаси аппаратининг Хўжалик фаолияти бошқармаси билан биргаликда тегишли серия ва рақамлардаги лицензия бланкаларини ишлаб чиқаришга буюртма жойлаштириш бўйича зарур чораларни кўради.
23. Лицензия бланкаларини тайёрлаш ва расмийлаштириш билан боғлиқ харажатлар лицензия даъвогарлари томонидан белгиланган тартибда тўланадиган лицензияларни бериш бўйича аризаларни кўриб чиқиш учун йиғимлар ҳисобидан қопланади.
