Oʻzbekiston Respublikasi Prezidentining 2005-yil 21-sentabrdagi “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida”gi PQ–186-sonli qaroriga muvofiq:

Oʻzbekiston Respublikasi Prezidentining quyidagi farmonlariga oʻzgartishlar kiritilsin:

1) Oʻzbekiston Respublikasi Prezidentining 1994-yil 21-yanvardagi “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari toʻgʻrisida”gi PF–745-sonli Farmonining 9-bandi va uning 1-ilovasi oʻz kuchini yoʻqotgan deb hisoblansin.

2) Oʻzbekiston Respublikasi Prezidentining 2001-yil 4-iyundagi “Avtomobil transporti sohasida monopoliyadan chiqarish va boshqaruvni takomillashtirish toʻgʻrisida”gi PF–2871-sonli Farmoni 6-bandining beshinchi xatboshidagi “tashkil etish” soʻzlari “amalga oshirish” degan soʻzlar bilan almashtirilsin.