|
Hujjat kuchini yo‘qotgan 27.06.2016
|
Oʻzbekiston Respublikasi Vazirlar Mahkamasining
qarori
AHOLIGA SOTILADIGAN OZIQ-OVQAT MAHSULOTLARINING
ChAKANA NARXLARINI VA XIZMATLARNING TARIFLARINI
QAYTA KOʻRIB ChIQISh TOʻGʻRISIDA
ChAKANA NARXLARINI VA XIZMATLARNING TARIFLARINI
QAYTA KOʻRIB ChIQISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2016-yil 17-iyundagi 210-sonli “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida” 2015-yil 15-maydagi PF-4725-son Farmoni)”gi qaroriga asosan oʻz kuchini yoʻqotgan.
MDH mamlakatlaridan keltiriladigan energiya manbalari va oziq-ovqat mahsulotlarining narxlari oshirilganligi munosabati bilan, respublika aholisini birinchi navbatda zarur boʻlgan eng muhim oziq-ovqat mahsulotlari bilan uzluksiz taʼminlash va xizmat koʻrsatish sohasi rivojlantirilishini ragʻbatlantirish maqsadida Vazirlar Mahkamasi qaror qiladi:
1. 1993-yilning 1-iyunidan boshlab ayrim oziq-ovqat mahsulotlarining chegaralangan chakana narxlari 1-ilovaga muvofiq belgilansin.
2. Guruchning chakana narxlari shartnomaviy (erkin) narxlar toifasiga oʻtkazilsin.
LexUZ sharhi2-band Oʻzbekiston Respublikasi Vazirlar Mahkamasining 1993-yil 8-iyundagi 276-son “Oʻzbekiston Respublikasi Vazirlar Mahkamasining 1993-yil 27-maydagi 259-sonli qaroriga oʻzgartish kiritish toʻgʻrisida”gi qaroriga muvofiq oʻzgartirish kiritilgan. Mazkur bandning rus tilidagi matniga qarang.
3. Aholiga koʻrsatiladigan ayrim xizmat turlari tariflarini oshirishning chegaralangan koeffitsiyentlari 2-ilovaga muvofiq tasdiqlansin.
4. Oʻzbekiston Respublikasining Moliya vazirligi:
— ushbu qarorga berilgan 1-ilovaga muvofiq oziq-ovqat mahsulotlari chakana narxlarining yangi preyskurantlari, shuningdek qayta baholash toʻgʻrisidagi koʻrsatmalar oʻz vaqtida bosib chiqarilishini hamda manfaatdor vazirliklar, idoralar, korxonalar va tashkilotlarga, Qoraqalpogʻiston Respublikasining Vazirlar Kengashiga, viloyatlar va Toshkent shahar hokimliklariga yetkazilishini taʼminlasin;
chegaralangan chakana narxlar bilan sotiladigan oziq-ovqat mahsulotlarining ulgurji narxlarini ikki hafta muddat ichida qayta koʻrib chiqsin;
bir hafta muddat ichida 2-ilovaga muvofiq xizmatlarning yangi tariflari preyskurantlarini tasdiqlasin hamda ularning barcha manfaatdor vazirliklarga, idoralarga, korxonalar va tashkilotlarga oʻz vaqtida yetkazilishini taʼminlasin;
— bir hafta muddat ichida Uy-joy-kommunal xoʻjaligi vazirligiga, “Oʻzavtotrans” korporatsiyasiga va “Toshshaharyoʻlovchitrans” davlat uyushmasiga beriladigan yordam puli miqdorlarini aniqlasin.
5. Quyidagilar oʻz kuchini yoʻqotgan deb hisoblansin:
— “Oziq-ovqat mahsulotlarining narxlarini tartibga solish hamda chorva va sutning xarid narxlarini oshirish toʻgʻrisida” 1992-yil 16-oktabrdagi 475-son qarorning 1-ilovasi;
“Goʻsht va qand-shakarning chegaralangan chakana narxlarini oʻzgartirish toʻgʻrisida” 1993-yil 5-fevraldagi 62-son qaror;
“Chorva, sut, kartoshka, meva-sabzavot mahsulotlari asosiy turlarining chegaralangan xarid narxlarini oʻzgartirish hamda ayrim oziq-ovqat mahsulotlarining chakana narxlarini tartibga solish toʻgʻrisida” Oʻzbekiston Respublikasi Vazirlar Mahkamasining 1993-yil 17-apreldagi 180-son qaroriga berilgan 4-ilovadagi oʻsimlik yogʻi, goʻsht, qaymogʻi olinmagan sut, makaron chakana narxlarining chegaralangan miqdorlari;
“Energiya resurslarining narxlarining davlat yoʻli bilan tartibga solish toʻgʻrisida” Oʻzbekiston Respublikasi Vazirlar Mahkamasining 1992-yil 16-oktabrdagi 474-son qarorida berilgan 2-ilovadagi markazdan isitish va issiq, suv taʼminoti tariflarining chegaralanmagan miqdorlari;
“Aholiga sotiladigan yoqilgʻi, energiya va koʻrsatiladigan xizmatlar chakana narxlari hamda tariflarini qayta koʻrib chiqish toʻgʻrisida” Oʻzbekiston Respublikasi Vazirlar Mahkamasining 1992-yil 14-avgustdagi 381-son qarorida berilgan ilovadagi vodoprovod va kanalizatsiya xizmatlarining chegaralangan tariflari;
— Oʻzbekiston Respublikasi Vazirlar Mahkamasining 1992-yil 30-dekabrdagi 598-son qarori;
— Oʻzbekiston Respublikasi Vazirlar Mahkamasining 1992-yil 23-sentabrdagi 442-son qarori.
Oʻzbekiston Respublikasi Bosh vaziri A. MUTALOV
Toshkent sh.,
1993-yil 27-may,
259-son
Belgilangan meʼyorlarda aholiga sotiladigan ijtimoiy
ahamiyatdagi oziq-ovqat mahsulotlari chakana narxlarining
ahamiyatdagi oziq-ovqat mahsulotlari chakana narxlarining
ChEGARaLANGAN MIQDOrLARI
|
N o m i |
Oʻlchov birlik |
Birlik uchun oʻrta hisobdagi |
| Non /oq, qora, javdari, qolipda pishirilgan* | kg | 20 |
| Un | kg | 30 |
| Makaron | kg | 100 |
| Oʻsimlik yogʻi | kg | 100 |
| Choy | kg | 250 |
| Qand-shakar | kg | 200 |
| Goʻshtning barcha turlari | | |
| Parranda goʻshtidan tashqari | kg | 400 |
| Sut /qaymogʻi olinmagani* | l | 40 |
| Kir sovun | dona | 30 |
| | | |
*Non va sutni qanchadan berish meʼyori belgilanmaydi.
LexUZ sharhi1-ilova Oʻzbekiston Respublikasi Vazirlar Mahkamasining 1993-yil 16-iyuldagi 360-son “1993-yilning 20-iyulidan boshlab qishloq xoʻjaligi mahsulotlari va oziq-ovqat tovarlari ayrim turlarining shartnomaviy (erkin) xarid va chakana narxlariga oʻtish toʻgʻrisida”gi qaroriga muvofiq, non va unga oid qismidan tashqari, oʻz kuchini yoʻqotgan.
LexUZ sharhi1-ilova Oʻzbekiston Respublikasi Vazirlar Mahkamasining 1993-yil 17-sentabrdagi 463-son “Un va nonning chakana narxlarini oshirish toʻgʻrisida”gi qaroriga muvofiq un va non narxlariga taalluqli qismi oʻz kuchini yoʻqotgan.
Oldingi tahrirga qarang.
(2-ilova Oʻzbekiston Respublikasi Vazirlar Mahkamasining 1993-yil 14-oktabrdagi 494-son qaroriga muvofiq oʻz kuchini yoʻqotgan)
