Elektr energiyasi, asbob-uskunalar, ehtiyot qismlar qiymati va pochtalarni tashish uchun tariflar oshgan sharoitlarda aloqa tarmoqlarining moʻtadil ishlashini taʼminlash va ularni yanada rivojlantirish maqsadida Vazirlar Mahkamasi qaror qiladi:

1. 1992-yilning 1-oktabridan boshlab aholiga koʻrsatiladigan aloqa xizmatlarining ayrim turlari boʻyicha erkin tariflarga oʻtish amalga oshirilsin, ijtimoiy ahamiyatga ega boʻlgan: xatlar va pochta kartochkalari, telegrammalarni joʻnatish va telefon apparati uchun abonement toʻlovi boʻyicha tariflar bundan mustasnodir.

2. 1992-yilning 1-oktabridan boshlab aholiga cheklangan tariflar saqlanadigan aloqa xizmatlari koʻrsatish uchun amaldagi tariflar, shu jumladan:

xatlar va pochta kartochkalarini joʻnatish uchun 4 baravar;

telegramma berish uchun 2 baravar;

telefon apparati uchun abonement toʻlovi 3 baravar oshirilsin.

3. 1993-yilning 1-oktabrigacha amalda boʻlgan, ilgari qabul qilingan qarorlarga muvofiq respublika aholisining alohida toifalariga aloqa xizmatlari uchun toʻlovlar boʻyicha berilgan imtiyozlar saqlab qolinsin.

4. Vazirlar Mahkamasining 1992-yil 9-yanvardagi 4-son qarori bilan tasdiqlangan aloqa xizmatlari uchun tariflarning cheklangan miqdorlari bekor qilinsin.