Oʻzbekiston Respublikasi Prezidentining “Oziq-ovqat sanoatining “Oʻzoziqovqatsanoat” davlat-aksionerlik konsernini qayta tashkil etish toʻgʻrisida” 1994-yil 26-sentabrdagi PF-945-son Farmonini bajarish maqsadida Vazirlar Mahkamasi qaror qiladi:

1. Qandolatchilik, choy va pivo-alkogolsiz ichimliklar korxonalari, shuningdek, mulkchilikning, turli shakllaridagi xizmat koʻrsatuvchi tashkilotlar negizida “Oziqovqatsanoat” uyushmasi 1-ilovaga muvofiq tashkil etilsin.

2. Belgilab qoʻyilsinki, “Oziqovqatsanoat” uyushmasi:

yuridik shaxs huquqiga ega boʻlgan uyushma hisoblanadi hamda qandolatchilik, choy va pivo-alkogolsiz ichimliklar sanoatining mulkchilikning barcha shakllaridagi korxona va tashkilotlarini ixtiyoriy asosda birlashtiradi;

oʻz faoliyatini taʼsischilarning pay va boshqa badallari hamda ular tomonidan berilgan vakolatlar va funksiyalar asosida tashkil etadi;

oʻz faoliyati masalalarini mustaqil ravishda hal etadi, markazlashtirilgan sugʻurta, zaxira va boshqa jamgʻarmalarni tashkil qiladi;

“Oʻzoziqovqatsanoat” davlat-aksionerlik konsernining qandolatchilik, choy va pivo-alkogolsiz ichimliklar sanoati tarmoqlariga doir shartnomalari va majburiyatlari boʻyicha huquqiy vorisi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga hisob beradi.

3. “Oziqovqatsanoat” uyushmasi bir oy muddatda oʻz faoliyati ustavini ishlab chiqsin va Vazirlar Mahkamasi bilan kelishgan holda qabul qilsin.

4. “Oziqovqatsanoat” uyushmasi ijro etuvchi apparati tuzilmasining 2 va 2a-ilovalarga muvofiq boʻlishiga hamda xodimlari cheklangan sonining 32 nafardan iborat boʻlishiga rozilik berilsin.

“Oziqovqatsanoat” uyushmasiga raisning ikki nafar oʻrinbosari, shu jumladan, bir nafar birinchi oʻrinbosari boʻlishi tavsiya etilsin.

Uyushma raisi va uning oʻrinbosarlari Vazirlar Mahkamasi tomonidan tasdiqlanadi.

5. Oʻzbekiston Respublikasi Davlat mulki qoʻmitasi:

“Oziqovqatsanoat” uyushmasiga davlatga tegishli aksiyalar (ulushlar, paylar) paketini boshqarish huquqini bersin;

“Oziqovqatsanoat” uyushmasi bilan birgalikda 1994-yilda uning tarkibiga kiruvchi korxona va tashkilotlarni davlat tasarrufidan chiqarish hamda xususiylashtirish ishlarini tugallasin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H.Joʻrabekov zimmasiga yuklansin.

“Toshkent pivo zavodi” jamoa korxonasi

“Toshkent “Lazzat” alkogolsiz ichimliklar zavodi” ochiq turdagi aksionerlik jamiyati

Toshkent mineral suvlar zavodi

“Toshkent chanqovbosdi ichimliklar zavodi” ochiq turdagi aksionerlik jamiyati

“Koka-kola — Toshkent ichimligi” qoʻshma korxonasi

Qibray chanqovbosdi ichimliklar kombinati

“Andijon alkogolsiz ichimliklar kombinati” ochiq turdagi aksionerlik jamiyati

“Buxoro pivo zavodi” ochiq turdagi aksionerlik jamiyati

“Namangan chanqovbosdi ichimliklar kombinati” ochiq turdagi aksionerlik jamiyati

“Samarqand pivo zavodi” ochiq turdagi aksionerlik jamiyati

“Fargʻona chanqovbosdi ichimliklar zavodi” ochiq turdagi aksionerlik jamiyati

“Hamza mineral suvlar zavodi” ochiq turdagi aksionerlik jamiyati

“Qoʻqon pivo zavodi” ochiq turdagi aksionerlik jamiyati

“Nukus pivo zavodi” ochiq turdagi aksionerlik jamiyati

“Qarshi alkogolsiz ichimliklar zavodi” ochiq turdagi aksionerlik jamiyati

Xonobod alkogolsiz ichimliklar zavodi

“Chortoq oziq-ovqat konsentratlari tajriba zavodi” ochiq turdagi aksionerlik jamiyati

“Samarqand “Narziya” qandolatchilik fabrikasi” ochiq turdagi aksionerlik jamiyati

“Toshkent “Oʻrtoq” qandolatchilik fabrikasi” ochiq turdagi aksionerlik jamiyati

“Yangiyoʻl “Lazzat” qandolatchilik ishlab chiqarish birlashmasi” ochiq turdagi aksionerlik jamiyati

Urganch qandolatchilik fabrikasi

“Olmaliq qandolatchilik fabrikasi” ochiq turdagi aksionerlik jamiyati

“Namangan “Dilorom” qandolatchilik fabrikasi” ochiq turdagi aksionerlik jamiyati

“Samarqand choy qadoqlash fabrikasi” ochiq turdagi aksionerlik jamiyati

“Toshkent oziq-ovqat konsentrati kombinati” ochiq turdagi aksionerlik jamiyati

Asaka mahsulot taʼminoti va sotish boʻyicha ixtisoslashgan bazasi

Andijon qurilayotgan korxonalar direksiyasi

“Billur” firmasi

“Olgʻa” bazaviy xoʻjaligi

“Oziqovqatsanoat” xoʻjalik hisobidagi loyiha-konstruktorlik byurosi

Xorazm qurilayotgan qand-shakar zavodi direksiyasi

Standartlashtirish, metrologiya va mahsulot sifatini nazorat qilish markazi

“Oʻzoziqovqattuzatishqurilish” tuzatish-qurilish birlashmasi

Respublika qurilayotgan korxonalar direksiyasi

Rahbariyat

Pivo-alkogolsiz ichimliklar sanoatini muvofiqlashtirish va rivojlantirish boʻlimi

Qandolatchilik va choy sanoatini muvofiqlashtirish hamda rivojlantirish boʻlimi

Tijorat ishlari, tayyor mahsulotni yetkazib berish va tashqi aloqalar boʻlimi

Iqtisodiyot, moliya va narx belgilash boʻlimi

Davlat tasarrufidan chiqarish, hisobga olish va hisobot boʻlimi

Investitsiyalar va ilmiy-texnika taʼminoti boʻlimi

Ishlar boshqarmasi