Vazirlar Mahkamasining “Bank tizimini takomillashtirish va pul-kredit munosabatlarini barqarorlashtirish chora-tadbirlari toʻgʻrisida” 1994-yil 18-martdagi 146-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga kiritilayotgan ilova qilinayotgan oʻzgartirishlar tasdiqlansin.

2. Oʻzbekiston Respublikasi Vazirlar Mahkamasining “Respublikada kassa aʼmollarini tartibga solishning kechiktirib boʻlmaydigan chora-tadbirlari toʻgʻrisida” 1992-yil 24-iyuldagi 346-son qarorning 2-bandi va 4-bandning uchinchi xatboshi oʻz kuchini yoʻqotgan deb hisoblansin.

1. Oʻzbekiston Respublikasi Vazirlar Mahkamasining 1993-yil 27-avgustdagi 430-son qarori bilan tasdiqlangan Oʻzbekiston Respublikasi mehnat jamgʻarmalari va aholiga kredit berish davlat-tijorat banki (“Oʻzjamgʻarmabank”)ning Ustavida (Oʻzbekiston Respublikasi QT, 1993-y., 8-son, 32-modda):

1-bandning birinchi xatboshi quyidagi tahrirda bayon qilinsin:

“1. Oʻzbekiston jamgʻarma banki (“Oʻzjamgʻarmabank”) Oʻzbekiston Respublikasi mehnat jamgʻarmalari va aholiga kredit berish davlat-tijorat banki hisoblanadi hamda kredit-moliya muassasasi maqomiga egadir”;

14-bandning birinchi xatboshi “kreditlarni jalb qiladi va beradi” soʻzlaridan keyin “shu jumladan kichik korxonalar tashkil etish va ularni rivojlantirish, fuqarolar tomonidan davlat mulkining xususiylashtirilishi, turar joy binolari qurilishi va ularni tuzatish hamda aholining boshqa ehtiyojlarini qondirish bilan bogʻliq kreditlarni jalb qiladi va beradi,” soʻzlari bilan toʻldirilsin;

21-band ikkinchi xatboshidan keyin quyidagi mazmundagi xatboshi bilan toʻldirilsin:

“kredit resurslaridan jismoniy va yuridik shaxslarga kredit berishda foydalanishga, shuningdek, kredit resurslarini banklararo pul bozorida kimoshdi savdosi orqali sotishga;

aholining omonatlari boʻyicha eng kam foiz stavkalarini yuqori chegara bilan cheklanmasdan mustaqil koʻpaytirishga;”

2. Oʻzbekiston Respublikasi Vazirlar Mahkamasining “Xalq xoʻjaligida hisob-kitoblarni yaxshilashning kechiktirib boʻlmaydigan chora-tadbirlari va korxonalarning moliyaviy ahvoli uchun ularning javobgarligini oshirish toʻgʻrisida” 1992-yil 23-iyuldagi 342-son qarori 9-bandining ikkinchi xatboshida, “0,1 foiz” soʻzi “3 foiz” soʻzi bilan almashtirilsin.