1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
[TSZ:
1.Davlat va jamiyat qurilishi / Davlat hokimiyati organlari. Davlat va xoʻjalik boshqaruvi organlari]
Oʻzbekiston Respublikasi Vazirlar Mahkamasining
qarori
Ijtimoiy himoyaga muhtoj shaxslarni moddiy qoʻllab-quvvatlash hamda nogironligi boʻlgan bolalarni ijtimoiy himoya qilish tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Soʻnggi yillarda respublikamizda ijtimoiy himoyaga muhtoj shaxslarni qoʻllab-quvvatlash va nogironligi boʻlgan bolalarni ijtimoiy himoya qilish, ularga davlat tomonidan imtiyozlar taqdim etish borasida keng koʻlamli ishlar amalga oshirilmoqda.
Shu bilan birga, ijtimoiy himoya qilish tizimini qoʻllab-quvvatlash borasida amalga oshirilayotgan ishlarning huquqiy mexanizmlarini har tomonlama takomillashtirish, nogironligi boʻlgan shaxslarning huquqlari va qonuniy manfaatlarini himoya qilish, ularga berilgan imtiyozlardan samarali foydalanishni taʼminlash va kafolatlash zarurati yuzaga kelmoqda.
Oʻzbekiston Respublikasi Prezidentining “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida” 2023-yil 1-iyundagi PF-82-son Farmoni va “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida” 2023-yil 27-dekabrdagi PQ-410-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
Oʻzbekiston Respublikasi Hukumatining ayrim qarorlarini Oʻzbekiston Respublikasi Prezidentining 2023-yil 1-iyundagi PF-82-son Farmoni va 2023-yil 27-dekabrdagi PQ-410-son qaroriga muvofiqlashtirish;
ijtimoiy nafaqalarni Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan tayinlash va toʻlash;
ijtimoiy nafaqalarni toʻlash tartib-taomillarini raqamlashtirish;
ijtimoiy nafaqalarni toʻlash xarajatlarini moliyalashtirish manbalarini aniqlashtirish;
ruhiyatida nuqsoni bor nogironligi boʻlgan bolalar uchun “Muruvvat” internat uylarida kunduzgi parvarishlash xizmatini koʻrsatish tartib-taomillarini takomillashtirish;
oʻzgalar parvarishiga muhtoj yolgʻiz va yolgʻiz yashovchi keksalar hamda nogironligi boʻlgan shaxslarga ijtimoiy xizmat koʻrsatish tartiblarini qayta koʻrib chiqish;
nogironligi boʻlgan bolalarning taʼlim olish huquqi kafolatlarini yanada mustahkamlash, shu jumladan ularning xorijiy tillarni oʻrganishini ragʻbatlantirish;
Oilaviy bolalar uyining bitiruvchilariga belgilangan qoʻshimcha kvota doirasida Adliya vazirligining yuridik texnikumlariga kirish imtihonlarida qatnashish huquqini berish.
2. Oʻzbekiston Respublikasi Prezidenti huzuridagi Ijtimoiy himoya milliy agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 5-oktabr,
640-son
Vazirlar Mahkamasining 2024-yil 5-oktabrdagi 640-son qaroriga
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Oʻzbekiston Respublikasi Adliya vazirligining yuridik texnikumlarida oʻqishni tashkil qilish choralari toʻgʻrisida” 2018-yil 23-oktabrdagi 858-son qarorining 11-bandi quyidagi tahrirda bayon etilsin:
“11. Oʻzbekiston Respublikasi Iqtisodiyot va moliya vazirligi Oʻzbekiston Respublikasi Davlat budjeti parametrlarida yuridik texnikumlarda kam taʼminlangan oilalar aʼzolari boʻlgan oʻquvchilar, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar taʼlim olishi bilan bogʻliq xarajatlar uchun zarur mablagʻlarni nazarda tutsin”.
2. Vazirlar Mahkamasining 2020-yil 12-oktabrdagi 646-son qarori bilan tasdiqlangan Umumtaʼlim fanlarini bilish darajasini aniqlash va sertifikat berish tartibi toʻgʻrisidagi nizomning 18-bandi ikkinchi xatboshisi quyidagi tahrirda bayon etilsin:
“Ijtimoiy himoya yagona reyestri” axborot tizimida roʻyxatga olingan shaxslarga, I va II guruh nogironligi boʻlgan shaxslar hamda nogironligi boʻlgan bolalarga mazkur davlat xizmatini koʻrsatishda belgilangan toʻlovning 50 foizi miqdorida chegirma qoʻllaniladi”.
3. Vazirlar Mahkamasining “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida” 2020-yil 30-oktabrdagi 677-son qarorida:
“4. “Ijtimoiy himoya yagona reyestri” axborot tizimida roʻyxatga olingan shaxslarning kirish sinovlaridan muvaffaqiyatli oʻtgan farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar qoʻshimcha qabul parametrlari asosida qonunchilik hujjatlariga muvofiq davlat granti asosida oʻqishga qabul qilinadi”;
“26. Test sinovlarining natijalari Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligining qaydnomasiga kiritiladi.
Tanlov va suhbat natijalari yuridik texnikumlarning qaydnomasiga kiritiladi.
Qaydnomada abituriyentlar roʻyxati taʼlim shakli, har bir mutaxassislik va kasb boʻyicha toʻplangan eng yuqori balldan boshlab kamayib borish tartibida joylashtiriladi.
“Ijtimoiy himoya yagona reyestri” axborot tizimida roʻyxatga olingan shaxslarning farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlarning test sinovlari natijalari qaydnomalari alohida shakllantiriladi”;
“davlat granti asosida — “Ijtimoiy himoya yagona reyestri” axborot tizimida roʻyxatga olingan shaxslar farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar”;
“Adliya vazirligining qarori “Ijtimoiy himoya yagona reyestri” axborot tizimida roʻyxatga olingan shaxslar farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlarni 5-sentabrgacha oʻqishga qabul qilish toʻgʻrisida yuridik texnikum direktorining buyrugʻini rasmiylashtirish uchun asos hisoblanadi”;
Nizomga 4-ilovaning 2-bandi beshinchi xatboshisi “I guruh nogironligi toʻgʻrisida belgilangan tartibda berilgan shakldagi maʼlumotnomaga ega boʻlgan shaxslar” soʻzlaridan keyin “, shuningdek, nogironligi boʻlgan bola toʻgʻrisidagi maʼlumotnomaga ega boʻlgan bolalar” soʻzlari bilan toʻldirilsin;
b) 2-ilovaga 3-ilovaning matni quyidagi tahrirda bayon etilsin:
“Oʻzbekiston Respublikasi Adliya vazirligining yuridik texnikumlariga oʻqishga kirish uchun imtiyozga ega boʻlgan abituriyentlar toifasi hamda ularning reyestrini shakllantirish uchun masʼul boʻlgan vakolatli organlar
ROʻYXATI
T/r
Imtiyozlar turlari
(toifalari)
Imtiyozlarni berish uchun masʼul vakolatli organlar
1.
I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar
Oʻzbekiston Respublikasi Prezidenti huzuridagi Ijtimoiy himoya milliy agentligi,
Sogʻliqni saqlash vazirligi,
Maktabgacha va maktab taʼlimi vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
2.
Mehribonlik uyi, Bolalar shaharchasi va Oilaviy bolalar uyining bitiruvchilari
Oʻzbekiston Respublikasi Prezidenti huzuridagi Ijtimoiy himoya milliy agentligi
3.
“Ijtimoiy himoya yagona reyestri” axborot tizimida roʻyxatga olingan shaxslar farzandlari
Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi
4.
Chet tilini bilish darajasi toʻgʻrisida davlat namunasidagi B1 va undan yuqori darajadagi malaka sertifikatiga va xalqaro sertifikatga ega boʻlgan abituriyentlar
Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi
(4-band Oʻzbekiston Respublikasi Vazirlar Mahkamasining 2026-yil 21-maydagi 271-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 22.05.2026-y., 09/26/271/0529-son)
5. Vazirlar Mahkamasining “Aholini ijtimoiy himoya qilish tizimini yanada takomillashtirish chora-tadbirlari toʻgʻrisida” 2021-yil 21-oktabrdagi 654-son qarorida:
a) 3-banddagi “Davlat xizmatlari agentligining” soʻzlari “FHDYning yagona elektron arxivi” soʻzlari bilan almashtirilsin;
(5-bandning “b” kichik bandi Oʻzbekiston Respublikasi Vazirlar Mahkamasining 2026-yil 29-yanvardagi 35-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.02.2026-y., 09/26/35/0101-son)
(5-bandning “v” kichik bandi Oʻzbekiston Respublikasi Vazirlar Mahkamasining 2026-yil 29-yanvardagi 35-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.02.2026-y., 09/26/35/0101-son)
(5-bandning “g” kichik bandi Oʻzbekiston Respublikasi Vazirlar Mahkamasining 2026-yil 29-yanvardagi 35-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.02.2026-y., 09/26/35/0101-son)
6. Vazirlar Mahkamasining 2021-yil 25-oktabrdagi 656-son qarori bilan tasdiqlangan Yetim bolalar va ota-ona qaramogʻidan mahrum boʻlgan bolalarni uy-joy bilan taʼminlash tartibi toʻgʻrisidagi nizomda:
b) 2-ilovaning izoh qismi quyidagi tahrirda bayon etilsin:
“Izoh. Order egasi 30 yoshga toʻlguniga qadar uy-joyni sotishga, almashtirishga yoki boshqacha turdagi begonalashtirishga yoʻl qoʻyilmaydi. Ushbu order mazkur uy-joyni yetim bolalar va ota-ona qaramogʻidan mahrum boʻlgan bolalar nomiga rasmiylashtirish hamda uy-joyga koʻchib kirish uchun asos hisoblanadi”.
7. Vazirlar Mahkamasining 2022-yil 16-fevraldagi 73-son qarori bilan tasdiqlangan Chet tilini bilish darajasini aniqlash boʻyicha davlat xizmatlari koʻrsatishning maʼmuriy reglamentida:
a) 10-bandning beshinchi xatboshisi “I va II guruh nogironligi boʻlgan shaxslarga” soʻzlaridan keyin “hamda nogironligi boʻlgan bolalarga” soʻzlari bilan toʻldirilsin;
b) 2-ilovaning 9-pozitsiyasi quyidagi tahrirda bayon etilsin:
“9. Qonunchilik hujjatlarida belgilangan chegirma qoʻllanilish huquqiga egaligi (“Ijtimoiy himoya yagona reyestri” axborot tizimida roʻyxatga olingan shaxslar, I va II guruh nogironligi boʻlgan shaxslar hamda nogironligi boʻlgan bolalar):”.
(8-band Oʻzbekiston Respublikasi Vazirlar Mahkamasining 2025-yil 17-dekabrdagi 796-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 19.12.2025-y., 09/25/796/1180-son)
9. Vazirlar Mahkamasining “Ijtimoiy himoyaga muhtoj ayrim toifadagi shaxslarga nafaqa va qoʻshimcha toʻlovlarni tayinlash hamda toʻlash tartibi toʻgʻrisidagi nizomlarni tasdiqlash va ushbu sohaga zamonaviy axborot texnologiyalarini keng joriy etish orqali davlat xizmati sifatini oshirishga doir qoʻshimcha chora-tadbirlar haqida” 2023-yil 23-martdagi 119-son qarorida:
3. Fuqarolarga nafaqa va qoʻshimcha toʻlovlarni “proaktiv shakl”da tayinlash boʻyicha davlat xizmati oʻz vaqtida va sifatli koʻrsatilishini taʼminlab borish maqsadida Oʻzbekiston Respublikasi Sogʻliqni saqlash vazirligi, Maktabgacha va maktab taʼlimi vazirligi, Adliya vazirligi, Iqtisodiyot va moliya vazirligi huzuridagi budjetdan tashqari Pensiya jamgʻarmasi oʻzlarining tegishli axborot tizimlarini doimiy ravishda Oʻzbekiston Respublikasi Prezidenti huzurida Ijtimoiy himoya milliy agentligining “Yagona milliy ijtimoiy himoya” axborot tizimi bilan toʻliq integratsiya qilsin”;
toʻrtinchi xatboshidagi “Iqtisodiyot va moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning tuman (shahar)lardagi “Inson” ijtimoiy xizmatlar markazlari” soʻzlari bilan almashtirilsin;
“nafaqalarni tayinlash boʻyicha davlat xizmatlarini koʻrsatishdagi axborot tizimlari (keyingi oʻrinlarda — axborot tizimlari) — Agentlikning nafaqa tayinlash uchun zarur boʻlgan maʼlumotlar saqlanadigan “Yagona milliy ijtimoiy himoya”, “TIEK” va “Bolalarni vasiylik, homiylik va farzandlikka olish” Iqtisodiyot va moliya vazirligi huzuridagi budjetdan tashqari Pensiya jamgʻarmasi (keyingi oʻrinlarda — Pensiya jamgʻarmasi)ning “Pensiya”, Adliya vazirligining “FHDYning yagona elektron arxivi” hamda Sogʻliqni saqlash vazirligining “OIV infeksiyasi aniqlangan holatlar monitoringini taʼminlash, real vaqt rejimida dori vositalari va diagnostikumlarning harakatlanishini kuzatib borish imkonini beruvchi elektron axborot tizimi (keyingi oʻrinlarda — “OITSga qarshi kurash” axborot tizimi) tizimlari;”;
birinchi xatboshidagi “Agentlik tomonidan vakolatli organning axborot tizimiga yuborilgan” soʻzlari “Agentlikning axborot tizimlari orqali” soʻzlari bilan almashtirilsin;
ikkinchi xatboshidagi “Inson” ijtimoiy xizmatlar markazlaridagi (keyingi oʻrinlarda — Markaz)” soʻzlari “vakolatli organning” soʻzlari bilan almashtirilsin;
7-band “davlat xizmatlari markaziga” soʻzlaridan keyin “yoki vakolatli organning ijtimoiy xodimlar guruhlariga” soʻzlari bilan toʻldirilsin;
10-banddan “Agentlik,” va “Maktabgacha va maktab taʼlimi vazirligi,” soʻzlari chiqarib tashlansin;
12 va 13-bandlardagi “Agentlik” soʻzi “Vakolatli organ” soʻzlari bilan almashtirilsin;
20-banddagi “Agentlik tomonidan berilgan” soʻzlari “TIEK” axborot tizimi orqali olingan” soʻzlari bilan almashtirilsin;
“21. Nogironligi boʻlgan 18 yoshgacha bolalarga nafaqa hamda parvarishlash nafaqasi vakolatli organ tomonidan “Ijtimoiy himoya yagona reyestri” axborot tizimiga yuborilgan elektron maʼlumotlar asosida “proaktiv shakl”da tayinlanadi.
Nogironlik, boquvchisini yoʻqotganlik va yoshga doir nafaqalar davlat xizmatlari markazlari, YIDXP, vakolatli organning ijtimoiy xodimlar guruhlari yoki YIDXP orqali murojaat qilinganda, Oʻzbekiston Respublikasi Sogʻliqni saqlash vazirligi, Adliya vazirligi tomonidan Agentlikning “Yagona milliy ijtimoiy himoya” axborot tizimiga yuborilgan elektron maʼlumotlar asosida tayinlanadi”;
23, 24 va 26-bandlardagi “vakolatli organning “Pensiya” soʻzlari “Yagona milliy ijtimoiy himoya” soʻzlari bilan almashtirilsin;
“27. Vakolatli organ “Yagona milliy ijtimoiy himoya” axborot tizimi tomonidan kelib tushgan qonuniy vakilning nogironligi boʻlgan 18 yoshgacha bola va OIVga chalingan 18 yoshgacha bolaning vasiysi yoki homiysi ekanligi haqidagi maʼlumotlarni “Bolalarni vasiylik, homiylik va farzandlikka olish” axborot tizimi orqali oʻrganib chiqadi va zarur maʼlumotlarni “Yagona milliy ijtimoiy himoya” axborot tizimiga yuboradi.
28. Vakolatli organ Oʻzbekiston Respublikasi Adliya vazirligi tomonidan yuborilgan soʻrov natijalari hamda “Bolalarni vasiylik, homiylik va farzandlikka olish” axborot tizimidan olingan maʼlumotlar asosida “Yagona milliy ijtimoiy himoya” axborot tizimi orqali elektron ravishda nogironligi boʻlgan 18 yoshgacha bolaning qonuniy vakiliga tegishli nafaqani tayinlash yoki nafaqa tayinlashni rad etish toʻgʻrisida qaror qabul qiladi”;
“Bolalarni vasiylik, homiylik va farzandlikka olish” axborot tizimida qonuniy vakilning nogironligi boʻlgan 18 yoshgacha bola va OIVga chalingan 18 yoshgacha bolaning vasiysi yoki homiysi ekanligi haqidagi maʼlumotlar aniqlanmaganda”;
“32. Oʻzgalar parvarishiga muhtoj nogironligi boʻlgan 18 yoshgacha bolaning qonuniy vakiliga “proaktiv shakl”da parvarishlash nafaqasi tayinlanishi uchun vakolatli organ tomonidan nogironligi boʻlgan 18 yoshgacha bola oʻzgalar parvarishiga muhtoj deb topilgandan soʻng ushbu Nizomga 5-ilovaga muvofiq elektron maʼlumotlarni “TIEK” axborot tizimi orqali elektron maʼlumotlarni “Yagona milliy ijtimoiy himoya” axborot tizimiga yuboradi”;
33-banddagi “vakolatli organning “Pensiya” soʻzlari “Yagona milliy ijtimoiy himoya” soʻzlari bilan almashtirilsin;
“36. Vakolatli organ “Bolalarni vasiylik, homiylik va farzandlikka olish” axborot tizimiga kelib tushgan qonuniy vakilning nogironligi boʻlgan 18 yoshgacha bolaning vasiysi yoki homiysi ekanligi haqidagi maʼlumotlarni oʻrganib chiqadi va 5 daqiqa ichida zarur maʼlumotlarni “Yagona milliy ijtimoiy himoya” axborot tizimiga yuboradi.
37. Vakolatli organ Oʻzbekiston Respublikasi Adliya vazirligi tomonidan yuborilgan soʻrov natijalari hamda “Bolalarni vasiylik, homiylik va farzandlikka olish” axborot tizimidan olingan maʼlumotlar asosida “Yagona milliy ijtimoiy himoya” axborot tizimi orqali avtomatik ravishda oʻzgalar parvarishiga muhtoj 18 yoshgacha nogironligi boʻlgan bolaning qonuniy vakiliga parvarishlash nafaqasini tayinlash yoki tayinlashni rad etish toʻgʻrisida qaror qabul qiladi”;
“b) “Bolalarni vasiylik, homiylik va farzandlikka olish” axborot tizimida qonuniy vakilning oʻzgalar parvarishiga muhtoj nogironligi boʻlgan 18 yoshgacha bolaning vasiysi yoki homiysi ekanligi haqidagi maʼlumotlar aniqlanmaganda”;
39-bandning ikkinchi xatboshisidagi “Agentlik” soʻzi “TIEK” axborot tizimida” soʻzlari bilan almashtirilsin;
41 va 42-bandlardagi “Markazlarning” soʻzi “vakolatli organning” soʻzlari bilan almashtirilsin;
davlat xizmatlari markaziga kelib murojaat etgan taqdirda, uning soʻrovnomasi davlat xizmatlari markazi xodimi tomonidan toʻldirilib, murojaat qiluvchi tomonidan tasdiqlangandan soʻng 5 daqiqa ichida;
vakolatli organning ijtimoiy xodimlar guruhlari xodimiga bevosita murojaat etgan taqdirda, uning soʻrovnomasi vakolatli organning ijtimoiy xodimlar guruhlari xodimi tomonidan toʻldirilib, murojaat qiluvchi tomonidan tasdiqlangandan soʻng 5 daqiqa ichida;
YIDXP orqali murojaat qilinganda avtomatik tarzda vakolatli organning “Yagona milliy ijtimoiy himoya” axborot tizimiga elektron shaklda yuboriladi”;
47-bandning uchinchi va toʻrtinchi xatboshilaridan “Maktabgacha va maktab taʼlimi vazirligining” va “Agentlikning” soʻzlari chiqarib tashlansin;
“48. Vakolatli organ murojaatchining maʼlumotlarini oʻrganganidan soʻng 5 daqiqa ichida nafaqa tayinlash yoki tayinlashni rad etish toʻgʻrisida qaror qabul qiladi va bu haqdagi maʼlumotni tegishli davlat xizmatlari markaziga yuboradi hamda murojaat qiluvchini uning mobil telefon raqamiga SMS-xabar yuborish orqali xabardor qiladi”;
52-bandning “a”, “b” va “v” kichik bandlaridagi “Agentlik tomonidan vakolatli organga “TIEK” axborot tizimi orqali yuborilgan” soʻzlari “TIEK” axborot tizimi orqali olingan” soʻzlari bilan almashtirilsin;
“54. Vakolatli organ soʻrovnomani axborot tizimi orqali olgandan soʻng 5 daqiqa ichida:
qonuniy vakil ushbu Nizomning 19-bandida nazarda tutilgan shaxsning homiysi ekanligi haqidagi maʼlumotlarni oʻrganish uchun “Bolalarni vasiylik, homiylik va farzandlikka olish” axborot tizimi orqali;
bolalikdan nogironligi boʻlgan farzandi bor (boʻlgan) onani farzandi nogironligi bolalikdan boʻlgan shaxs (bola)ligi toʻgʻrisidagi maʼlumotlarni “TIEK” axborot tizimi orqali avtomatik tarzda oʻrganadi”;
55-banddagi “Markaz” soʻzi “vakolatli organning ijtimoiy xodimlar guruhlari”soʻzlari bilan almashtirilsin;
56-band quyidagi mazmundagi ikkinchi xatboshi bilan toʻldirilsin:
“Nafaqa tayinlangan shaxsga uning soʻroviga muvofiq vakolatli organ tomonidan axborot tizimidagi maʼlumotlar asosida Agentlik tomonidan tasdiqlangan shakldagi nafaqa guvohnomasi rasmiylashtiradi”;
60-band quyidagi mazmundagi ikkinchi xatboshi bilan toʻldirilsin:
“Nafaqa oluvchi nafaqa toʻlovini naqd pul shaklida olish uchun vakolatli organga, naqd pulsiz shaklda olish uchun tijorat banki filialiga yoki bank mobil ilovalari orqali murojaat qiladi. Bunda nafaqa oluvchi nafaqa toʻlovini amalga oshirish shakli, unga rasmiylashtirilgan bank plastik kartasiga doir maʼlumotlar tijorat banklari tomonidan idoralararo elektron hamkorlik orqali elektron tarzda vakolatli organga yuboriladi”;
61-band quyidagi mazmundagi ikkinchi — toʻrtinchi xatboshilar bilan toʻldirilsin:
“Toʻliq boʻlmagan oy kunlari uchun nafaqa toʻlovi summasi quyidagi tartibda aniqlanadi:
tayinlangan nafaqa summasini tegishli oyning kalendar kunlari soniga boʻlish yoʻli bilan bir kun uchun toʻlov summasi aniqlanadi;
bir kun uchun toʻlov summasi nafaqa toʻlovi amalga oshirilishi lozim boʻlgan tegishli oyning kalendar kunlari soniga koʻpaytiriladi”;
62-band quyidagi mazmundagi ikkinchi — sakkizinchi xatboshilar bilan toʻldirilsin:
“Vafot etgan boquvchining umumiy oʻrta taʼlim tashkilotining bitiruvchi sinfida oʻquvchi sifatida taʼlim olayotgan 18 yoshdan katta yoshdagi oila aʼzosiga boquvchisini yoʻqotganlik nafaqasi joriy oʻquv yilining 1-iyuliga qadar toʻlanadi.
Vafot etgan boquvchining taʼlim tashkilotiga oʻquvchi yoki talaba sifatida qabul qilingan 18 yoshdan katta yoshdagi oila aʼzosiga boquvchisini yoʻqotganlik nafaqasi u oʻquvchi yoki talabalar safiga qabul qilingan oydan keyingi oyning birinchi sanasidan boshlab toʻlanadi.
Vafot etgan boquvchining taʼlim tashkilotining oʻquvchisi yoki talabasi hisoblangan 18 yoshdan katga yoshdagi oila aʼzosiga boquvchisini yoʻqotganlik nafaqasi soʻnggi oʻquv yilining 1-avgustiga, biroq vafot etganning oila aʼzosi 23 yoshga toʻlguniga qadar toʻlanadi.
Vafot etgan boquvchining 18 — 23 yoshdagi oila aʼzosi Oʻzbekiston Respublikasi hududidagi taʼlim tashkilotining oʻquvchisi yoki talabasi ekanligi vakolatli organ tomonidan mustaqil ravishda Oliy taʼlim, fan va innovatsiyalar vazirligining axborot tizimidan olingan elektron soʻrov orqali aniqlanadi. Bunda boquvchisini yoʻqotganlik nafaqasining toʻlovi Oliy taʼlim, fan va innovatsiyalar vazirligining axborot tizimidan olingan maʼlumotlar asosida aniqlanadi.
Boquvchisini yoʻqotganlik nafaqasini oluvchi akademik taʼtilga chiqqan taqdirda, nafaqa toʻlovi akademik taʼtil tugagan oydan keyingi oyning birinchi sanasiga qadar toʻxtatib turiladi.
Boquvchisini yoʻqotganlik nafaqasi uni oluvchi vafot etgan boquvchining 18 yoshdan katta yoshdagi oila aʼzosi taʼlim tashkilotida oʻquvchi yoki talabalar safidan chiqarilgan taqdirda, oʻquvchi yoki talabalar safidan chiqarish toʻgʻrisidagi hujjat qabul qilingan oyning birinchi sanasidan boshlab toʻxtatiladi.
Bunda nafaqa oluvchilarning akademik taʼtilga chiqqanligi va talabalar safidan chiqarilganligi toʻgʻrisida maʼlumotlar tegishli taʼlim tashkiloti tomonidan Oliy taʼlim, fan va innovatsiyalar vazirligining axborot tizimi orqali elektron shaklda, elektron shaklda taqdim etish imkoniyati mavjud boʻlmaganda boquvchisini yoʻqotganlik nafaqasi oluvchi shaxs tomonidan vakolatli organga taqdim etiladi”;
73-bandning ikkinchi xatboshisidagi “Pensiya jamgʻarmasi boʻlimining” soʻzlari “Vakolatli organning” soʻzlari bilan almashtirilsin;
“77. Ushbu Nizom qabul qilingunga qadar nafaqa tayinlash uchun ariza bilan birga taqdim etilgan barcha hujjatlar va vakolatli organning nafaqa tayinlash toʻgʻrisidagi qarori nafaqa oluvchining alohida shaxsiy hujjatlar yigʻmajildida saqlanadi.
Nafaqa “proaktiv shakl”da tayinlanganda va nafaqa tayinlash uchun davlat xizmatlari markaziga, vakolatli organning ijtimoiy xodimlar guruhlariga yoki YIDXP orqali murojaat qilinganda, maʼlumotlar “Yagona milliy ijtimoiy himoya” axborot tizimida saqlanadi.”;
“Ijtimoiy himoyaga muhtoj boʻlgan ayrim toifadagi shaxslarga nafaqa tayinlash va toʻlash tartibi toʻgʻrisidagi nizomga
1-ILOVA
Nogironligi boʻlgan 18 yoshgacha bolaga va (yoki) uning qonuniy vakiliga “proaktiv shakl”da nafaqani tayinlash yuzasidan davlat xizmatini koʻrsatish
SXEMASI
Bosqichlar
Subyektlar
Mexanizm
Bajarish muddatlari
1-bosqich
“TIEK” axborot tizimi
Nogironligi boʻlgan 18 yoshgacha bola va (yoki) uning qonuniy vakili toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
Nogironlik belgilanganidan soʻng5 daqiqa ichida
Sogʻliqni saqlash vazirligi
OIVga chalingan 18 yoshgacha boʻlgan bola yoki uning qonuniy vakili toʻgʻrisida maʼlumotlarni “Yagona milliy ijtimoiy himoya” axborot tizimiga yuboradi.
OIV aniqlanganidan soʻng 5 daqiqa ichida
2-bosqich
“Yagona milliy ijtimoiy himoya” axborot tizimi
1. Qonuniy vakilni nogironligi boʻlgan 18 yoshgacha bola bilan qarindoshlik munosabatlarini oʻrganish uchun Adliya vazirligiga elektron soʻrov yuboradi.
2. Qonuniy vakilni nogironligi boʻlgan 18 yoshgacha bolani vasiysi yoki homiysi ekanligini oʻrganish uchun “Bolalarni vasiylik, homiylik va farzandlikka olish” axborot tizimiga soʻrov yuboradi.
Maʼlumotlar olinganidan soʻng 5 daqiqa ichida
3-bosqich
Adliya vazirligi
Qonuniy vakilni nogironligi boʻlgan 18 yoshgacha bola oʻrtasidagi qarindoshlik toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
Soʻrov kelib tushganidan soʻng 5 daqiqa ichida
“Bolalarni vasiylik, homiylik va farzandlikka olish” axborot tizimi
Qonuniy vakilni nogironligi boʻlgan 18 yoshgacha bolani vasiysi yoki homiysi toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
4-bosqich
“Yagona milliy ijtimoiy himoya” axborot tizimi
1. Kelib tushgan maʼlumotlar asosida nafaqa tayinlash yoki rad etish toʻgʻrisida qaror qabul qiladi.
2. Nafaqa tayinlangan taqdirda murojaat qiluvchiga nafaqa tayinlangan muddat, nafaqa miqdori, nafaqani qachon va qayerdan olish toʻgʻrisida SMS-xabar yuboradi.
Maʼlumot olinganidan soʻng 5 daqiqa ichida
3. Nafaqa tayinlash rad etilgan taqdirda rad etish sabablari toʻgʻrisida murojaat qiluvchiga SMS-xabar yuboradi.
Qaror qabul qilinganidan soʻng 5 daqiqa ichida
”;
nizomga 2-ilovaning nomi quyidagi tahrirda bayon etilsin:
“Oʻzbekiston Respublikasi Prezidenti huzuridagi Ijtimoiy himoya milliy agentligining “TIEK” axborot tizimi orqali nogironligi boʻlgan 18 yoshgacha bolaga yoki uning qonuniy vakiliga “proaktiv shakl”da nafaqa tayinlash uchun “Yagona milliy ijtimoiy himoya” axborot tizimiga yuboriladigan
“Ijtimoiy himoyaga muhtoj boʻlgan ayrim toifadagi shaxslarga nafaqa tayinlash na toʻlash tartibi toʻgʻrisidagi nizomga
4-ILOVA
Oʻzgalar parvarishiga muhtoj nogironligi boʻlgan 18 yoshgacha bolaning qonuniy vakiliga “proaktiv shakl”da parvarishlash nafaqasini tayinlash yuzasidan davlat xizmatini koʻrsatish
SXEMASI
Bosqichlar
Subyektlar
Mexanizm
Bajarish muddatlari
1-bosqich
“TIEK” axborot tizimi
Oʻzgalar parvarishiga muhtoj nogironligi boʻlgan 18 yoshgacha bolaning qonuniy vakili toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
Nogironlik belgilanganidan soʻng 5 daqiqa ichida
Sogʻliqni saqlash vazirligi
OITS IV bosqichiga chalingan 18 yoshgacha boʻlgan bolaning qonuniy vakili toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
OIV aniqlanganidan soʻng 5 daqiqa ichida
2-bosqich
“Yagona milliy ijtimoiy himoya” axborot tizimi
1. Qonuniy vakilni oʻzgalar parvarishiga muhtoj nogironligi boʻlgan 18 yoshgacha bola oʻrtasidagi qarindoshlik munosabatlarini oʻrganish uchun Adliya vazirligiga soʻrov yuboradi.
2. Qonuniy vakilni oʻzgalar parvarishiga muhtoj nogironligi boʻlgan 18 yoshgacha bola va OITS IV bosqichiga chalingan 18 yoshgacha bolani vasiysi yoki homiysi ekanligini oʻrganish uchun “Bolalarni vasiylik, homiylik va farzandlikka olish” axborot tizimiga soʻrov yuboradi.
Maʼlumotlar olinganidan soʻng 5 daqiqa ichida
3-bosqich
Adliya vazirligi
Qonuniy vakilni oʻzgalar parvarishiga muhtoj nogironligi boʻlgan 18 yoshgacha bola bilan qarindoshlik aloqalari toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
Soʻrov kelib tushganidan soʻng 5 daqiqa ichida
“Bolalarni vasiylik, homiylik va farzandlikka olish” axborot tizimi
Qonuniy vakil oʻzgalar parvarishiga muhtoj nogironligi boʻlgan 18 yoshgacha bolaga vasiy yoki xomiy toʻgʻrisidagi maʼlumotlarni “Yagona milliy ijtimoiy himoya” axborot tizimiga yuboradi.
4-bosqich
“Yagona milliy ijtimoiy himoya” axborot tizimi
1. Kelib tushgan maʼlumotlariga asosan nafaqa tayinlash yoki rad etish toʻgʻrisida qaror qabul qiladi.
Maʼlumot olinganidan soʻng 5 daqiqa ichida
2. Nafaqa tayinlangan taqdirda, nafaqa tayinlangan muddat, nafaqa miqdori, nafaqani qachon va qayerdan olish toʻgʻrisida qonuniy vakilga SMS-xabar yuboradi.
3. Nafaqa tayinlash rad etilgan taqdirda rad etish sabablari toʻgʻrisida murojaat qiluvchiga SMS-xabar yuboradi.
Qaror qabul qilinganidan soʻng 5 daqiqa ichida
”;
nizomga 5-ilovaning nomi quyidagi tahrirda bayon etilsin:
“Oʻzbekiston Respublikasi Prezidenti huzuridagi Ijtimoiy himoya milliy agentligining “TIEK” axborot tizimi orqali oʻzgalar parvarishiga muhtoj nogironligi boʻlgan 18 yoshgacha bolaning qonuniy vakiliga “proaktiv shakl”da parvarishlash nafaqasini tayinlash uchun “Yagona milliy ijtimoiy himoya” axborot tizimiga yuboriladigan
(nafaqa olish huquqi paydo boʻlgan shaxs yoki uning qonuniy vakili)
1. Nafaqa tayinlash yuzasidan Davlat xizmatlari markaziga, Markazlarning ijtimoiy xodimlar guruhlariga kelib murojaat qiladi.
Xohishiga koʻra
2. Yagona interaktiv davlat xizmatlari portalidan roʻyxatdan oʻtgan holda soʻrovnoma shaklini toʻldiradi.
Murojaat qilinganda
2-bosqich
Davlat xizmatlari markazi
Soʻrovnomani toʻldirib, elektron shaklda “Yagona milliy ijtimoiy himoya” axborot tizimiga yuboradi.
Soʻrovnoma toʻldirilgandan soʻng 5 daqiqa ichida
Markazlarning ijtimoiy xodimlar guruhlari
Soʻrovnomani toʻldirib, “Yagona milliy ijtimoiy himoya” axborot tizimiga kiritadi.
Murojaat qilinganda
Yagona interaktiv davlat xizmatlari portali
Soʻrovnomani “Yagona milliy ijtimoiy himoya” axborot tizimiga yuboradi.
Avtomatik tarzda
3-bosqich
“Yagona milliy ijtimoiy himoya” axborot tizimi
1. Murojaatchini nogironligi boʻlgan shaxs ekanligini oʻrganish uchun “TIEK” axborot tizimiga soʻrov yuboradi.
2. Qonuniy vakil nogironligi boʻlgan shaxsni homiysi ekanligini oʻrganish uchun “Bolalarni vasiylik, homiylik va farzandlikka olish” axborot tizimiga soʻrov yuboradi.
Soʻrovnoma kelib tushganidan soʻng 5 daqiqa ichida
4-bosqich
“Yagona milliy ijtimoiy himoya” axborot tizimi
1. “TIEK” va “Bolalarni vasiylik, homiylik va farzandlikka olish” axborot tizimlari tomonidan kelib tushgan maʼlumotlar asosida nafaqa tayinlash yoki rad etish toʻgʻrisida qaror qabul qiladi.
2. Nafaqa tayinlangani yoki tayinlash rad etilgani haqidagi maʼlumotlarni Davlat xizmatlari markaziga yuboradi.
3. Yagona interaktiv davlat xizmatlari portali orqali nafaqa tayinlash uchun murojaat qilingan fuqaroning mobil telefon raqamiga nafaqa tayinlash rad etilganligi haqida SMS-xabar yuboradi.
Qaror qabul qilinganidan soʻng 5 daqiqa ichida
5-bosqich
Davlat xizmatlari markazi yoki Markazlarning ijtimoiy xodimlar guruhlari
1. Nafaqa tayinlash rad etilgan taqdirda rad etish sabablari toʻgʻrisida murojaat qiluvchini xabardor qiladi.
2. Nafaqa tayinlangan taqdirda nafaqani qachon va qayerdan olish toʻgʻrisida murojaat qiluvchini xabardor qiladi.
Maʼlumot olinganidan soʻng 5 daqiqa ichida
Ijtimoiy himoyaga muhtoj boʻlgan ayrim toifadagi shaxslarga nafaqa tayinlash va toʻlash tartibi toʻgʻrisidagi nizomga
8-ILOVA
Boquvchisini yoʻqotganlik nafaqasini tayinlash yuzasidan davlat xizmatini koʻrsatish
(nafaqa olish huquqi paydo boʻlgan shaxs yoki uning qonuniy vakil)
1. Nafaqa tayinlash yuzasidan Davlat xizmatlari markaziga, Markazlarning ijtimoiy xodimlar guruhlariga kelib murojaat qiladi.
Xohishiga koʻra
2. Yagona interaktiv davlat xizmatlari portalidan roʻyxatdan oʻtgan holda soʻrovnoma shaklini toʻldiradi.
Murojaat qilinganda
2-bosqich
Davlat xizmatlari markazi
Soʻrovnomani toʻldirib, elektron shaklda “Yagona milliy ijtimoiy himoya” axborot tizimiga yuboradi.
Soʻrovnoma toʻldirilgandan soʻng 5 daqiqa ichida
Markazning ijtimoiy xodimlar guruhlari
Soʻrovnomani toʻldirib, “Yagona milliy ijtimoiy himoya” axborot tizimiga kiritadi.
Yagona interaktiv davlat xizmatlari portali
Soʻrovnomani “Yagona milliy ijtimoiy himoya” axborot tizimiga yuboradi.
Avtomatik tarzda
3-bosqich
“Yagona milliy ijtimoiy himoya” axborot tizimi
1. Murojaatchini vafot etgan shaxs bilan qarindoshlik aloqalarini oʻrganish uchun Adliya vazirligiga soʻrov yuboradi.
2. Qonuniy vakil nogironligi boʻlgan shaxsni homiysi ekanligini oʻrganish uchun “Bolalarni vasiylik, homiylik va farzandlikka olish” axborot tizimiga soʻrov yuboradi.
Soʻrovnoma kelib tushganidan soʻng 5 daqiqa ichida
4-bosqich
“Yagona milliy ijtimoiy himoya” axborot tizimi
1. “TIEK” va “Bolalarni vasiylik, homiylik va farzandlikka olish” axborot tizimlari tomonidan kelib tushgan maʼlumotlar asosida nafaqa tayinlash yoki rad etish toʻgʻrisida qaror qabul qiladi.
2. Nafaqa tayinlangani yoki tayinlash rad etilgani haqidagi maʼlumotlarni Davlat xizmatlari markaziga yuboradi.
3. Yagona interaktiv davlat xizmatlari portali orqali nafaqa tayinlash uchun murojaat qilgan fuqaroning mobil telefon raqamiga nafaqa tayinlash rad etilganligi haqida SMS-xabar yuboradi.
Maʼlumotlar oʻrganilganidan soʻng 5 daqiqa ichida
5-bosqich
Davlat xizmatlari markazi yoki Markazlarning ijtimoiy xodimlar guruhlari
1. Nafaqa tayinlash rad etilgan taqdirda rad etish sabablari toʻgʻrisida murojaat qiluvchini xabardor qiladi.
2. Nafaqa tayinlangan taqdirda nafaqani qachon va qayerdan olish toʻgʻrisida murojaat qiluvchini xabardor qiladi.
Maʼlumot olinganidan soʻng 5 daqiqa ichida
Ijtimoiy himoyaga muhtoj boʻlgan ayrim toifadagi shaxslarga nafaqa tayinlash va toʻlash tartibi toʻgʻrisidagi nizomga
9-ILOVA
Yoshga doir nafaqani tayinlash yuzasidan davlat xizmatini koʻrsatish
(nafaqa olish huquqi paydo boʻlgan shaxs yoki uning qonuniy vakili)
1. Nafaqa tayinlash yuzasidan Davlat xizmatlari markaziga, Markazlarning ijtimoiy xodimlar guruhlariga yoki Markazga kelib murojaat qiladi.
Xohishiga koʻra
2. Yagona interaktiv davlat xizmatlari portalidan roʻyxatdan oʻtgan holda soʻrovnoma shaklini toʻldiradi.
Murojaat qilinganda
2-bosqich
Davlat xizmatlari markazi
Soʻrovnomani toʻldirib, elektron shaklda “Yagona milliy ijtimoiy himoya” axborot tizimiga yuboradi.
Soʻrovnoma toʻldirilgandan soʻng 5 daqiqa ichida
Markaz ijtimoiy xodimlar guruhlari
Soʻrovnomani toʻldirib, “Yagona milliy ijtimoiy himoya” axborot tizimiga kiritadi.
Yagona interaktiv davlat xizmatlari portali
Soʻrovnomani “Yagona milliy ijtimoiy himoya” axborot tizimiga yuboradi.
Avtomatik tarzda
3-bosqich
“Yagona milliy ijtimoiy himoya” axborot tizimi
1. Qonuniy vakil keksa yoshdagi shaxsning homiysi ekanligini oʻrganish uchun “Bolalarni vasiylik, homiylik va farzandlikka olish” axborot tizimga soʻrov yuboradi.
2. Murojaatchini farzandi bolalikdan nogironligi bor (boʻlgan) bola ekanligini oʻrganish uchun “TIEK” axborot tizimiga soʻrov yuboradi.
3. Murojaatchini bolalikdan nogironligi boʻlgan shaxs (bola) bilan qarindoshlik aloqalarini oʻrganish uchun Adliya vazirligiga soʻrov yuboradi.
Soʻrovnoma kelib tushganidan soʻng 5 daqiqa ichida
4-bosqich
“Yagona milliy ijtimoiy himoya” axborot tizimi
1. Kelib tushgan maʼlumotlarga asosan nafaqa tayinlash yoki rad etish toʻgʻrisida qaror qabul qiladi.
2. Nafaqa tayinlangani yoki tayinlash rad etilgani haqidagi maʼlumotlarni Davlat xizmatlari markaziga yuboradi.
3. Yagona interaktiv davlat xizmatlari portali orqali nafaqa tayinlash uchun murojaat qilgan fuqaroning mobil telefon raqamiga nafaqa tayinlash rad etilganligi haqida SMS-xabar yuboradi.
Maʼlumotlar oʻrganilganidan soʻng 5 daqiqa ichida
5-bosqich
Davlat xizmatlari markazi yoki Markazlar ijtimoiy xodimlar guruhlari
1. Nafaqa tayinlash rad etilgan taqdirda rad etish sabablari toʻgʻrisida murojaat qiluvchini xabardor qiladi.
2. Nafaqa tayinlangan taqdirda nafaqani qachon va qayerdan olish toʻgʻrisida murojaat qiluvchini xabardor qiladi.
Maʼlumot olinganidan soʻng 5 daqiqa ichida
”.
10. Vazirlar Mahkamasining 2023-yil 20-oktabrdagi 550-son qarori bilan tasdiqlangan Tugʻilganlikni qayd etish bilan bogʻliq kompleks davlat xizmatlarini koʻrsatishning maʼmuriy reglamentida:
“12. Bir martalik nafaqa miqdoridan bolani doimiy roʻyxatga qoʻyish boʻyicha davlat xizmati davlat boji undirilmagan holda amalga oshiriladi”;
b) 1-ilovaning 7-bosqichi quyidagi tahrirda bayon etilsin:
“
7-bosqich
Ijtimoiy himoya milliy agentligi
1. Farzand tugʻilganda beriladigan bir martalik nafaqa pulini rasmiylashtirish va natijasi boʻyicha ota yoki onaga SMS-xabar yuborish.
Avtomatik ravishda
2. Har bir toʻlov oyi boshida oʻtgan oyda toʻlangan farzand tugʻilganda beriladigan bir martalik nafaqalarning umumiy summasidan kam boʻlmagan miqdordagi mablagʻlarni AT “Xalq banki”ning hisobvaragʻiga moliyalashtirish.
Har oyning 5 sanasiga qadar
”.
11. Vazirlar Mahkamasining “Oʻzgalar parvarishiga muhtoj shaxslarga ijtimoiy xizmat va yordam koʻrsatishning sifat jihatidan yangi tizimini joriy etish toʻgʻrisida” 2024-yil 11-martdagi 123-son qarorida:
