Hujjat kuchini yo‘qotgan 24.08.2001

Oʻzbekiston Respublikasi Vazirlar Mahkamasining

qarori

YuRIDIK ShAXS BOʻLMASDAN TADBIRKORLIK FAOLIYATI BILAN ShUGʻULLANUVChI JISMONIY ShAXSLARNING MEHNAT STAJINI HISOBGA OLISh VA ULARNING PENSIYA JAMGʻARMASIGA BADALLAR AJRATISh TARTIBINI TASDIQLASh TOʻGʻRISIDA

LexUZ sharhi

Mazkur qaror Oʻzbekiston Respublikasi Vazirlar Mahkamasining 2001-yil 24-avgustdagi 351-sonli “Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar va dehqon xoʻjaliklari aʼzolarini davlat tomonidan ijtimoiy sugʻurtalash toʻgʻrisida”gi qaroriga muvofiq oʻz kuchini yoʻqotgan.

Yuridik shaxs boʻlmasdan tadbirkorlik faoliyati bilan shugʻullanuvchi fuqarolarning davlat ijtimoiy sugʻurtasi boʻlgan konstitutsiyaviy huquqini ruyobga chiqarish va ularning ijtimoiy himoya qilinishini taʼminlash, toʻlov intizomini mustahkamlash hamda yakka tartibda ishlaydigan fuqarolarning sugʻurta badallarini alohida hisobga olishni joriy etish maqsadida Vazirlar Mahkamasi qaror qiladi:

1. Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning mehnat stajini hisobga olish va ularning Pensiya jamgʻarmasiga badallar ajratishi tartibi 1-ilovaga muvofiq tasdiqlansin.

Ushbu Tartib 1998-yil 1-yanvardan boshlab amalga kiritilsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ijtimoiy taʼminot vazirligi, Mehnat vazirligi va Davlat soliq qoʻmitasi Oʻzbekiston Respublikasi Tovar ishlab chiqaruvchilar va tadbirkorlar palatasi bilan birgalikda mazkur Tartibni yuridik shaxs boʻlmasdan tadbirkorlik faoliyati bilan shugʻullanuvchi barcha fuqarolarga yetkazsinlar va uning amalga oshirilishini taʼminlasinlar.

3. Ijtimoiy taʼminot vazirligi Mehnat vazirligi va Tovar ishlab chiqaruvchilar va tadbirkorlar palatasi bilan birgalikda ommaviy axborot vositalari orqali aholi oʻrtasida oʻzini oʻzi ish bilan taʼminlash vositasida oʻzini daromadlar bilan taʼminlaydigan fuqarolarni ijtimoiy sugʻurta qilish tamoyillari va mexanizmi toʻgʻrisida faol tushuntirish ishlari olib borsin.

4. Oʻzbekiston Respublikasi Vazirlar Mahkamasining “Oʻzbekiston Respublikasi Ijtimoiy taʼminot vazirligi huzurida Pensiya jamgʻarmasini tashkil etish toʻgʻrisida” 1996-yil 27-dekabrdagi 459-son qaroriga 2-ilovaga muvofiq oʻzgartirishlar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 28-yanvar,

47-son

Vazirlar Mahkamasining 1998-yil
28-yanvardagi 47-son qaroriga
1-ILOVA

Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning mehnat stajini hisobga olish va ularning Pensiya jamgʻarmasiga badallar ajratishi

Tartibi

Mazkur Tartib Vazirlar Mahkamasining “Tadbirkorlik faoliyati bilan shugʻullanuvchi jismoniy shaxslardan soliqlar va yigʻimlarni undirishni tartibga solish toʻgʻrisida” 1997-yil 23-oktabrdagi 483-son qarorini bajarish yuzasidan yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning (keyingi oʻrinlarda tadbirkor deb ataladi) davlat ijtimoiy sugʻurtasi va ijtimoiy muhofazaga boʻlgan konstitutsiyaviy huquqlari roʻyobga chiqarilishini taʼminlash maqsadida ishlab chiqilgan.

Tadbirkorlarni ijtimoiy muhofaza qilish Oʻzbekiston Respublikasining Mehnat kodeksiga, “Aholini ish bilan taʼminlash toʻgʻrisida”, “Fuqarolarning davlat pensiya taʼminoti toʻgʻrisida”gi Qonunlarga, mazkur Tartibga va boshqa meʼyoriy hujjatlarga muvofiq taʼminlanadi.

Mazkur Tartib tadbirkorlarga beriladigan ijtimoiy kafolatlar shartlari va turlarini tartibga soladi, davlat ijtimoiy sugʻurtasi boʻyicha badallar (sugʻurta badallari) toʻlashni va mehnat stajini hisoblab chiqishni, shuningdek tadbirkorlarning mehnat daftarchalarini belgilab beradi.

I. Umumiy qoidalar

1. Mazkur Tartib yashash joyidagi hokimliklarda, soliq organlarida va Pensiya jamgʻarmasida yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar sifatida roʻyxatga olingan fuqarolarga tatbiq etiladi. Ular Oʻzbekiston Respublikasi Ijtimoiy taʼminot vazirligi huzuridagi Pensiya jamgʻarmasiga sugʻurta badallari toʻlash hisobiga pensiya bilan taʼminlanish va qonun hujjatlarida nazarda tutilgan ijtimoiy sugʻurta boʻyicha nafaqa olish huquqiga ega boʻladilar.

Tartib, shuningdek, tadbirkorlik faoliyatini yuridik shaxs boʻlmasdan mashgʻulotning istalgan boshqa turi (boshqa ish) bilan qoʻshib olib boruvchi tadbirkorlarga ham tatbiq etiladi.

2. Tadbirkor Pensiya jamgʻarmasiga sugʻurta badallari toʻlagan taqdirda:

“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga muvofiq pensiya bilan taʼminlanish;

ijtimoiy sugʻurta boʻyicha nafaqa olish, shu jumladan vaqtincha mehnatga layoqatsizlik nafaqasi, homiladorlik va tugʻish nafaqasi, bola tugʻilganda nafaqa olish hamda dafn marosimi uchun nafaqa olish;

qonun hujjatlarida nazarda tutilgan ijtimoiy muhofazaning boshqa turlarini olish huquqiga ega boʻladi.

3. Tadbirkorning pensiya olishga boʻlgan huquqi u pensiya yoshiga toʻlganda yoki qonun hujjatlarida nazarda tutilgan boshqa hollarda boshlanadi.

Ijtimoiy sugʻurta boʻyicha nafaqa, agar ushbu nafaqani olish huquqi mazkur Tartibga muvofiq tadbirkor tomonidan sugʻurta badallari toʻlash davrida boshlangan boʻlsa beriladi.

4. Belgilangan pensiyalar va nafaqalar mazkur Tartibda nazarda tutilgan miqdorda Pensiya jamgʻarmasiga sugʻurta badallari toʻlangan taqdirda beriladi.

II. Tadbirkorni Pensiya jamgʻarmasida roʻyxatdan oʻtkazish

5. Tadbirkor yashash joyidagi hokimlikda davlat roʻyxatidan oʻtgandan keyin soliq organlarida roʻyxatdan oʻtish bilan bir paytda sugʻurta badallari toʻlovchi sifatida Pensiya jamgʻarmasining tuman (shahar) boʻlimida roʻyxatdan oʻtishi shart.

6. Tadbirkorni Pensiya jamgʻarmasining tuman (shahar) boʻlimida sugʻurta badallari toʻlovchi sifatida roʻyxatdan oʻtkazish shaxsiy ariza asosida amalga oshiriladi.

Belgilangan namunadagi ariza tadbirkorning familiyasi, ismi va otasining ismi, uning toʻliq manzili, yuridik shaxs boʻlmasdan tadbirkor sifatida roʻyxatdan oʻtganligi haqidagi maʼlumot, shuningdek, tadbirkor faoliyatining turi hamda, tadbirkorning xohishiga koʻra, uning faoliyatiga tegishli boshqa maʼlumotlar koʻrsatiladi (1-ilova).

Tadbirkor roʻyxatdan oʻtkazish paytida pasportni, tegishli faoliyat bilan shugʻullanish huquqidan dalolat beruvchi guvohnomani, shuningdek, mehnat daftarchasini koʻrsatishi kerak.

Tadbirkorni roʻyxatdan oʻtkazishda mehnat daftarchasi saqlash va belgilangan yozuvlarni yuritish uchun Pensiya jamgʻarmasining tuman (shahar) boʻlimida qoladi, tadbirkor faoliyatining mazkur turi bilan oʻrindoshlik boʻyicha shugʻullangan va uning mehnat daftarchasi asosiy ish joyi boʻyicha yuritilgan hollar bundan mustasno.

7. Har bir tadbirkorga roʻyxatdan oʻtkazish raqami, hamda sugʻurta badallarini toʻlash muddatlari va tartibi toʻgʻrisida yozma bildirishnoma beriladi (2-ilova), Pensiya jamgʻarmasining tuman (shahar) boʻlimida saqlanadigan Sugʻurta badallari toʻlanishini hisobga olish daftari yuritiladi (3-ilova), Davlat ijtimoiy sugʻurtasi boʻyicha nafaqalar toʻlash uchun tadbirkorning yashash joyidagi Xalq banki boʻlimida foizsiz shaxsiy schyot ochiladi.

III. Tadbirkor tomonidan sugʻurta badallarini toʻlash tartibi

8. Tadbirkor oʻzidagi mavjud imkoniyatlardan va pensiya bilan taʼminlanish va ijtimoiy sugʻurta boʻyicha nafaqaning oʻzi istaydigan miqdoridan kelib chiqib Pensiya jamgʻarmasiga sugʻurta badallari miqdorini mustaqil ravishda belgilaydi, biroq u badallarining mazkur Tartib bilan belgilangan eng kam miqdoridan kam boʻlmasligi kerak.

Tayinlanadigan pensiya, shuningdek, ijtimoiy sugʻurta boʻyicha nafaqa miqdori Pensiya jamgʻarmasiga toʻlanadigan sugʻurta badallari miqdoriga hamda tadbirkorning mehnat stajiga bogʻliq boʻladi.

Toʻliq mehnat staji (“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 7-moddasiga muvofiq erkaklar uchun — 25 yil, ayollar uchun — 20 yil) sharoitida yoshga koʻra eng kam miqdordagi pensiya olish uchun Pensiya jamgʻarmasiga oyiga toʻlanadigan sugʻurta badallarining oʻrtacha miqdori eng kam oylik ish haqidan kam boʻlmasligi zarur.

9. Pensiya jamgʻarmasiga toʻlanadigan sugʻurta badallarining eng kam miqdori har bir oy uchun Oʻzbekiston Respublikasida belgilangan eng kam oylik ish haqidan kam boʻlmasligi kerak.

10. Pensiya jamgʻarmasiga sugʻurta badallari yilning har choragida, hisobot choragidan keyingina oyning 8 kunidan kechikmay toʻlanadi.

11. Sugʻurta badallari naqdinasiz hisob-kitob yoʻli bilan yoxud naqd pul bilan Xalq banki boʻlimi orqali tadbirkorning yashash joyidagi Pensiya jamgʻarmasi tuman (shahar) boʻlimi schyotiga toʻlanadi. Sugʻurta badallari naqdinasiz hisob-kitob boʻyicha toʻlangan taqdirda sugʻurta badali toʻlanganligi haqidagi toʻlov hujjatida koʻrsatilgan sana sugʻurta badali toʻlangan kun hisoblanadi. Sugʻurta badali toʻlanganligi haqida toʻlov hujjatlari sugʻurta badallarini tushumini solishtirish va Sugʻurta badallari toʻlashni hisobga olish daftariga tegishli yozuvlar qayd etilishigacha tadbirkorda saqlanishi kerak.

12. Toʻlangan sugʻurta badali qaytarilmaydi. Oʻz vaqtida toʻlanmagan sugʻurta badali uchun muddati oʻtkazib yuborilgan har bir kunga sugʻurta badallari toʻlash paytida belgilangan eng kam oylik ish haqining 0,15 foizi miqdorida penya qoʻshiladi. Uzrli sabablar mavjud boʻlgan taqdirda tadbirkorning iltimosiga koʻra Pensiya jamgʻarmasi sugʻurta badallari toʻlashni penya qoʻshilmagan holda uch oy muddatgacha kechiktirishi mumkin.

IV. Sugʻurta badallari toʻlanishini hisobga olish

13. Tadbirkor tomonidan sugʻurta badallari toʻlanishining hisobi Sugʻurta badallari toʻlashni hisobga olish daftarida yuritiladi. Ushbu daftarda toʻlangan sugʻurta badallari sanasi va miqdori toʻgʻrisida yozuvlar qayd etiladi, Sugʻurta badallari toʻlashni hisobga olish daftari tadbirkor tomonidan sugʻurta badallari toʻlanganligini va uning miqdorini tasdiqlovchi asosiy hujjat hisoblanadi, hamda Pensiya jamgʻarmasining tuman (shahar) boʻlimida saqlanadi.

14. Pensiya jamgʻarmasining tuman (shahar) boʻlimlarida yilning har choragida tadbirkordan tushadigan sugʻurta badallari tushumi boʻyicha yakunlar chiqariladi, hamda toʻlamaganlik yoki muddati oʻtkazib yuborilgan toʻlovlar aniqlangan taqdirda, tadbirkorlarga ularning qarzi miqdorlari haqida ushbu qarz hosil boʻlgan davr va toʻlovlar muddati oʻtkazib yuborganligi uchun qoʻshilgan penya miqdori koʻrsatilgan holda bildirishnoma yuboriladi.

15. Tadbirkorning birinchi talabi bilan, biroq bir yilda kamida bir marta Pensiya jamgʻarmasi tadbirkordan Pensiya jamgʻarmasiga tushgan toʻlovlarni Sugʻurta badallari toʻlashni hisobga olish daftaridagi yozuvlar bilan solishtirish lozim.

16. Yashash joyini yangilagan yoki boshqa sabablar bilan yuridik shaxs boʻlmasdan tadbirkorlik faoliyatini toʻxtatgan shaxsning talabi bilan Pensiya jamgʻarmasi tuman (shahar) boʻlimi Pensiya jamgʻarmasi boʻlimi rahbarining imzosi va muhr bilan tasdiqlangan Sugʻurta badallari toʻlashni hisobga olish daftarini keyinchalik nafaqa belgilashda taqdim etish uchun tadbirkorning qoʻliga beradi.

V. Mehnat stajini hisoblab chiqarish va tadbirkorlarning mehnat daftarchalarini yuritish tartibi

17. Tadbirkor mazkur Tartibga binoan sugʻurta badallari toʻlagan davrlar uning mehnat stajiga qoʻshiladi. Mehnat daftarchasi tadbirkorning mehnat stajini tasdiqlovchi hujjat hisoblanadi.

18. Tadbirkorning mehnat daftarchasi tadbirkor roʻyxatdan oʻtgan joydagi Pensiya jamgʻarmasining tuman (shahar) boʻlimida saqlanadi va yuritiladi.

Agar tadbirkor pensiya jamgʻarmasida roʻyxatdan oʻtgan paytgacha mehnat daftarchasiga ega boʻlmagan taqdirda, Pensiya jamgʻarmasining tuman (shahar) boʻlimi amaldagi meʼyoriy hujjatlarda belgilangan tartibda ushbu fuqaro uchun yangi mehnat daftarchasi ochadi.

Tadbirkorning mehnat daftarchasi Tadbirkor tomonidan sugʻurta badallari toʻlashning barcha muddatlari mobaynida Pensiya jamgʻarmasining tuman (shahar) boʻlimida saqlanadi.

Yuridik shaxs boʻlmasdan tadbirkorlik faoliyati bilan shugʻullanish, fuqaro uchun oʻrindoshlik hisoblangan holda mazkur shaxsning mehnat daftarchasi belgilangan tartibda uning asosiy ish joyida yuritiladi. Yuridik shaxs boʻlmasdan tadbirkorlik faoliyati bilan shugʻullanish oʻrindoshlik hisoblangan tadbirkorning xohishiga koʻra mehnat daftarchasiga mehnat faoliyatining tadbirkor sifatidagi davri toʻgʻrisidagi yozuvlar kiritilishi mumkin. Yozuv sugʻurta badallari toʻlashni hisobga olish daftaridagi yozuvlar asosida tadbirkor sugʻurta badallari toʻlovchi sifatida roʻyxatdan oʻtgan joyidagi Pensiya jamgʻarmasining tuman (shahar) boʻlimi tomonidan yoziladi.

19. Mehnat daftarchasidagi yozuvlar:

— “Sana” ustunida tadbirkor faoliyatining boshlanish sanasi va tadbirkor faoliyatining toʻxtatilishi sanasi toʻgʻrisidagi yozuvlar yoziladi.

Tadbirkor sugʻurta badallari toʻlovchi sifatida Pensiya jamgʻarmasida roʻyxatdan oʻtgan kun, u toʻlovlarni toʻlab borgan taqdirda tadbirkor faoliyatining boshlanish sanasi hisoblanadi.

Tadbirkorning Pensiya jamgʻarmasiga ijtimoiy sugʻurta boʻyicha badal toʻlashini toʻxtatish toʻgʻrisidagi shaxsiy arizasiga qoʻyilgan sana yoki u sugʻurta badallari toʻlashni bu haqda Pensiya jamgʻarmasini xabardor qilmasdan toʻxtatgan boʻlsa, tadbirkor sugʻurta badali toʻlagan davrning oxirgi kuni tadbirkorning faoliyati toʻxtagan sana hisoblanadi.

— “Ishga qabul qilish, boshqa ishga oʻtkazish va ishdan boʻshatish toʻgʻrisidagi maʼlumotlar” ustuniga — “Yuridik shaxs boʻlmasdan tadbirkorlik faoliyati bilan mashgʻul” — deb yoziladi hamda tadbirkorlarning Pensiya jamgʻarmasining tuman (shahar) boʻlimidagi roʻyxatdan oʻtish raqami va ushbu boʻlimning toʻliq nomi koʻrsatiladi.

“Qaysi hujjatga asosan yozilgan” ustuniga Pensiya jamgʻarmasining tuman (shahar) boʻlimi qaroriga asosan deb yoziladi, hamda ushbu qarorning tartib raqami va sanasi koʻrsatiladi.

20. Pensiya va davlat ijtimoiy sugʻurtasi boʻyicha nafaqa belgilash uchun mehnat stajini hisoblab chiqarishda, agar toʻlangan badallar summasi (toʻlangan penyalar hisobga olinmagan holda) oʻsha yilning barcha oylari uchun belgilangan eng kam badal miqdoridan kam boʻlmasa, ushbu yil stajga qoʻshiladi.

Agar tadbirkorning asosiy faoliyati qishloq xoʻjaligi mahsulotlarini yetishtirish va ularni qayta ishlashdan iborat boʻlsa, ushbu yilda kamida 9 oy mobaynida badallar toʻlangan boʻlsa, mehnat stajiga toʻliq yil qoʻshiladi.

Boshqa hollarda staj sugʻurta badallari toʻlangan oylar soniga mutanosib ravishda hisobga olinadi.

21. Tadbirkor tomonidan Pensiya jamgʻarmasiga mazkur Tartibning 10-chi bandiga muvofiq, belgilangan muddatdan soʻng bir oy mobaynida sugʻurta badallari toʻlanmangan taqdirda Pensiya jamgʻarmasining tuman (shahar) boʻlimi fuqaroning tadbirkor sifatida ish bilan taʼminlanganligi va ish stajining toʻxtatilganligi toʻgʻrisida mehnat daftarchasiga yozib qoʻyadi. Agar tadbirkor mehnat daftarchasiga tadbirkor sifatida uning mehnat staji toʻxtatilganligi toʻgʻrisida tegishli yozuv kiritilgandan soʻng bir oy mobaynida sugʻurta badallari toʻlanmagan barcha davrga sugʻurta badallari boʻyicha qarzlarni hamda qarzlar boʻyicha penyani toʻlaganda, ish bilan taʼminlanganligi toʻxtatilganligi toʻgʻrisidagi yozuv bekor qilinadi, tadbirkorning mehnat staji toʻxtatilgan paytidan tiklanadi.

Agar tadbirkorning ish staji toʻxtatilganligi toʻgʻrisida mehnat daftarchasiga yozilgan kundan boshlab bir oy mobaynida ijtimoiy sugʻurta boʻyicha tegishli badallar va qarzlar boʻyicha penyalar toʻlanmasa, Pensiya jamgʻarmasining tuman (shahar) boʻlimi belgilangan tartibda fuqaroning yashash joyiga mehnat daftarchasini joʻnatadi va bir vaqtning oʻzida davlat roʻyxatidan oʻtgazilganlikni toʻxtatish toʻgʻrisida qaror qabul qilish uchun yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxs davlat roʻyxatidan oʻtgan joydagi hokimlikka tadbirkor tomonidan sugʻurta badallari toʻxtatilganligi haqida bildirishnoma yuboradi.

VI. Pensiya va nafaqalarni tayinlash va toʻlash

22. Pensiyalar (yoshi boʻyicha, nogironlik boʻyicha, boquvchisini yoʻqotish boʻyicha) tadbirkorning arizasiga asosan “Fuqarolarning davlat pensiya taʼminoti toʻgʻrisida”gi Qonunga muvofiq tuman (shahar) ijtimoiy taʼminot boʻlimi tomonidan tayinlanadi.

Ijtimoiy sugʻurta boʻyicha nafaqalar (vaqtincha mehnatga layoqatsizlik, homiladorlik va tugʻish boʻyicha, chaqaloq tugʻilganda, dafn etish uchun nafaqa) tadbirkorni ijtimoiy sugʻurta boʻyicha badal toʻlovchi sifatida roʻyxatdan oʻtkazgan Pensiya jamgʻarmasining tuman (shahar)ijtimoiy taʼminot boʻlimi tomonidan tayinlanadi.

23. “Davlat pensiya taʼminoti toʻgʻrisida”gi Qonunning 32-moddasiga muvofiq pensiya miqdorini hamda vaqtincha mehnatga layoqatsizlik boʻyicha nafaqa va homiladorlik va tugʻish boʻyicha nafaqa miqdorini hisoblab chiqarishda hisobga olinadigan oylik daromad miqdori ijtimoiy sugʻurta boʻyicha toʻlangan oylik badallar summasini 37,2 ga boʻlish va olingan natijani 100 ga koʻpaytirish yoʻli bilan hisoblab chiqiladi.

Oylik badal miqdorini aniqlash uchun choraklik badallari summasi 3 ga boʻlinadi.

24. Pensiya tayinlashda tadbirkorning mehnat staji mazkur Tartibning V boʻlimiga muvofiq mehnat daftarchasiga yozilgan yozuvlar asosida ijtimoiy taʼminot tomonidan aniqlanadi.

Vaqtincha mehnatga layoqatsizlik boʻyicha nafaqa hamda homiladorlik va tugʻish boʻyicha nafaqa tayinlashda mehnat staji Pensiya jamgʻarmasining tuman (shahar) boʻlimi tomonidan:

tadbirkor sifatida roʻyxatdan oʻtish paytigacha boʻlgan staj mehnat daftarchasidagi;

tadbirkor sifatida ish bilan taʼminlangan davrdagi staj (Pensiya jamgʻarmasida tadbirkor sifatida roʻyxatdan oʻtkazilgandan keyin) Sugʻurta badallari toʻlashni hisobga olish daftaridagi yozuv asosida aniqlanadi.

25. Vaqtincha mehnatga layoqatsizlik, homiladorlik va tugʻish boʻyicha nafaqalarni hisoblab chiqarish uchun oʻtgan yilda Pensiya jamgʻarmasiga toʻlangan badallar summasidan kelib chiqib aniqlanadigan ish haqi olinadi.

Oʻtgan yilda badallar toʻlanmaganda tadbirkorga eng kam oylik ish haqidan kelib chiqib, keyinchalik qayta hisoblagan holda, nafaqa belgilanadi.

26. Pensiyalar pensionerning xohishiga koʻra pensionerning turar joyidagi pochta aloqa boʻlimlari yoki Xalq banki boʻlimlari orqali ijtimoiy taʼminot organlari tomonidan toʻlanadi.

Ijtimoiy sugʻurta boʻyicha nafaqalar nafaqa summasini tadbirkorning foizsiz shaxsiy schyotiga oʻtkazish yoʻli bilan Xalq banki boʻlimlari orqali ijtimoiy taʼminot organlari tomonidan toʻlanadi.

Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning mehnat stajini hisobga olish va ularning Pensiya jamgʻarmasiga badallar ajratishi Tartibiga
1-ilova

‎	_______________________________________ ^{‎(tumani, shahri)}‎Pensiya jamgʻarmasi boʻlimi‎
1.________________________________‎‎_________________________________________________________ ^{‎(Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxsning familiyasi, ismi va otasining ismi)}‎
2.__________________________________tumani (shahri);‎	Manzili_________________‎______________
‎‎__________________________________________________________________________________________;‎
‎	Telefoni_______________________________‎
3.Pasport:Seriyasi__________________________________	raqami________________________________‎
Qayerda va qachon berilgan____________________________________________________________________
4.Yuridik shaxs boʻlmasdan tadbirkorlik faoliyati bilan shugʻullanishga berilgan ruxsatnomaning raqami, berilgan sanasi‎‎ va joyi: ‎ Raqami__________________________; Berilgan sanasi 199 yil “___”___________________ ‎ Ruxsatnoma bergan organ __________________________________________________________‎
5.Faoliyat turi (davlat roʻyxatidan oʻtkazilishiga binoan)‎ _______________________________________ ________________________________‎‎_________________________________________________________;
‎‎6.Boshqa maʼlumotlar‎ (murojaat qiluvchining xohishiga koʻra)______________________________________ ‎__________________________________________________________________________________________ ‎______________________________________________________________________________;
‎‎ ‎
‎‎A R I Z A‎
Meni sugʻurtachi ‎‎‎— sugʻurta badallarini Pensiya jamgʻarmasiga toʻlovchi sifatida roʻyxatdan oʻtkazishingizni soʻrayman. ‎ Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning mehnat stajini hisobga olish va ularning pensiya jamgʻarmasiga badallar ajratishi Tartibi bilan tanishib chiqdim. ‎ Sana: 199___yil _________________________________________________________________________
‎‎‎^{(shaxsiy imzo)}

Yuridik shaxs boʻlmasdan tadbirkorlik faoliyati
bilan shugʻullanuvchi jismoniy shaxslarning
mehnat stajini hisobga olish va ularning Pensiya
jamgʻarmasiga badallar ajratishi Tartibiga
2-ilova

‎	‎	______________________‎
‎	‎	(tumani, shahri)‎
‎	‎	Pensiya jamgʻarmasi boʻlimi‎
‎	‎	‎
‎‎Sugʻurtachi badallarini toʻlash muddatlari va tartibi toʻgʻrisida ‎ SUGʻURTAChIGA BILDIRIShNOMA
‎‎Sugʻurtachining familiyasi, ismi va otasining ismi ________________
‎‎_____________________________________________________________
Sugʻurtachining manzili ‎__________________________________________
‎	‎‎(tumani, shahri)
‎‎Pensiya jamgʻarmasi shuni bildiradiki, Siz tomondan taqdim etilgan hu�jatlarga muvofiq
‎‎Siz _______________________________________________________________ dan
‎‎(roʻyxatdan oʻtkazilgan yil, kun, oy)
‎‎boshlab _______________ raqami bilan ijtimoiy sugʻurta badallarini toʻlovchi shaxs sifatida roʻyxatdan oʻtdingiz. Mazkur roʻyxatdan oʻtkazish raqami Pensiya jamgʻarmasi boʻlimiga Siz tomondan taqdim etiladigan sugʻurta badallari hisob-kitoblari bilan bogʻliq barcha hujjatlarda koʻrsatilishi kerak.
‎‎Badallar Pensiya jamgʻarmasiga Siz tomondan yil choraklari boʻyicha, 199__yil _____________ dan boshlab, sugʻurta badali toʻlanadigan yil choragi oxirgi oyidan keyin keladigan oyning 8-kunidan kechikmay toʻlanishi kerak. Sizning badalingizning eng kam miqdori hisob-kitob qilinadigan yil choragining oylari uchun eng kam oylik ish haqi summasidan kam boʻlmasligi kerak. Sugʻurta badallari oʻz vaqtida toʻlanmasa, muddati oʻtkazib yuborilgan har bir kun uchun sugʻurta badallarini toʻlash paytida belgilangan eng kam oylik ish haqining 0,5 foizi miqdorida penya qoʻshiladi.
Ijtimoiy sugʻurta boʻyicha nafaqalar yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslarning mehnat stajini hisobga olish va ularning Pensiya jamgʻarmasiga badallar ajratishi Tartibiga va amaldagi qonun hujjatlariga muvofiq ularni olish huquqi paydo boʻlgan hollarda, ular Sizga, Xalq bankining______________________ boʻlimidagi _____________ son foizsiz shaxsiy schyotga oʻtkaziladi.‎‎
_________________‎	‎	‎
(tumani, shahri)‎	‎	‎
Pensiya jamgʻarmasi ‎ boʻlimining boshligʻi ‎	‎	_________________ ‎(imzo)‎
199___yil “_______” ______________ ‎‎‎
M.Oʻ.‎	‎	‎
‎	‎	‎

Yuridik shaxs boʻlmasdan tadbirkorlik faoliyati
bilan shugʻullanuvchi jismoniy shaxslarning
mehnat stajini hisobga olish va ularning Pensiya
jamgʻarmasiga badallar ajratishi Tartibiga
3-ilova

‎	_______________________________________________________ ‎^{(tumani, shahri)}‎ ‎Pensiya jamgʻarmasi boʻlimi
Sugʻurta badallarini ‎‎Pensiya jamgʻarmasiga ‎ toʻlashni hisobga olish ‎D A F T A R I
‎‎____________________________tumani (shahri) Pensiya jamgʻarmasiga sugʻurta badallari toʻlovchi hisoblanuvchi_______________________________________________________________________________‎‎
‎	^{(sugʻurta badallari toʻlovchi shaxsning familiyasi, ismi‎}
‎‎_________________________________________________________________________________________ga‎
^{va otasining ismi)‎}	‎
berildi. U 199___yil_______________da ___________raqami bilan roʻyxatdan oʻtkazilgan.‎‎‎
‎	‎
____________________________ ^{‎(tumani, shahri)‎}	‎
Pensiya jamgʻarmasi boʻlimi boshligʻi‎	_______________________199___yil_____________________ imzo‎‎
M.Oʻ.‎	‎

**Toʻlangan sugʻurta badallari toʻgʻrisida maʼlumotlar‎**
199___yil‎‎‎		199___yil‎‎‎		‎‎‎199___yil‎‎‎
‎yil choragi	‎summa	‎yil choragi	‎summa	‎yil choragi	‎summa
1‎-chorak	‎	‎	‎	‎	‎
2‎-chorak‎	‎	‎	‎	‎	‎
3‎-chorak‎	‎	‎	‎	‎	‎
4‎-chorak‎	‎	‎	‎	‎	‎
JAMI‎	‎	‎	‎	‎	‎
‎‎‎‎imzo ‎M.Oʻ. ‎		‎‎‎‎imzo ‎M.Oʻ. ‎		‎‎‎‎imzo ‎M.Oʻ. ‎
199___yil‎‎‎‎‎‎		199___yil‎‎‎‎‎‎		‎‎199___yil‎‎‎‎
yil choragi‎	summa‎	yil choragi‎	summa‎	yil choragi‎	summa‎
1‎-chorak‎	‎	‎	‎	‎	‎
2‎-chorak‎	‎	‎	‎	‎	‎
3‎-chorak‎	‎	‎	‎	‎	‎
4‎-chorak‎	‎	‎	‎	‎	‎
JAMI‎	‎	‎	‎	‎	‎
‎‎imzo ‎M.Oʻ.‎‎ ‎‎		‎‎‎‎imzo ‎M.Oʻ.		‎‎imzo ‎M.Oʻ.
199___yil‎‎‎‎‎‎		199___yil‎‎‎‎‎‎		199___yil‎‎‎‎‎‎
yil choragi‎	summa‎	yil choragi‎	summa‎	yil choragi‎	summa‎
1‎-chorak‎	‎	‎	‎	‎	‎
2‎-chorak‎	‎	‎	‎	‎	‎
3‎-chorak‎	‎	‎	‎	‎	‎
4‎-chorak‎	‎	‎	‎	‎	‎
JAMI‎	‎	‎	‎	‎	‎
‎‎imzo ‎M.Oʻ.		‎‎imzo ‎M.Oʻ.‎ ‎		‎‎imzo ‎M.Oʻ. ‎

Oldingi tahrirga qarang.

(2-ilova Oʻzbekiston Respublikasi Vazirlar Mahkamasining 2000-yil 15-noyabrdagi 444-sonli qaroriga muvofiq oʻz kuchini yoʻqotgan).