toggle_night_mode
O‘zbekiston Respublikasi Prezidentining
Qarori
O‘zbekiston texnik jihatdan tartibga solish agentligining faoliyatini tashkil etish chora-tadbirlari to‘g‘risida
O‘zbekiston Respublikasi Prezidentining 2024-yil 27-fevraldagi “Texnik jihatdan tartibga solish sohasidagi davlat boshqaruvini yanada takomillashtirishga doir chora-tadbirlar to‘g‘risida”gi PF-41-son Farmoni ijrosini ta’minlash maqsadida:
1. Quyidagilar:
Texnik jihatdan tartibga solish sohasini yanada takomillashtirish bo‘yicha chora-tadbirlar dasturi 1-ilovaga muvofiq;
Oldingi tahrirga qarang.
(1-bandning uchinchi xatboshisi O‘zbekiston Respublikasi Prezidentining 2026-yil 16-fevraldagi PF-25-sonli Farmoniga asosan chiqarilgan — Qonunchilik ma’lumotlari milliy bazasi, 18.02.2026-y., 06/26/25/0150-son)
Davlat budjeti mablag‘lari hisobidan “O‘zbekiston milliy metrologiya instituti” davlat muassasasi uchun xarid qilinadigan etalonlar va yuqori aniqlikdagi o‘lchash vositalari ro‘yxati 3-ilovaga muvofiq tasdiqlansin.
2. Aholini sifatli va xavfsiz mahsulotlar bilan ta’minlashda davlat nazorati tizimini yanada takomillashtirish maqsadida O‘zbekiston texnik jihatdan tartibga solish agentligining (keyingi o‘rinlarda — Agentlik) quyidagi takliflariga rozilik berilsin:
a) 2024-yil 1-oktabrdan boshlab texnik jihatdan tartibga solish sohasidagi huquqbuzarliklar uchun:
texnik jihatdan tartibga solish sohasidagi normativ hujjatlar talablariga nomuvofiq mahsulotni muomaladan chiqarish yoki mahsulotning kamida 60 foizini chaqirib olish to‘g‘risidagi ko‘rsatmalarni bajarmaganlik uchun — yuridik shaxslarga realizatsiya qilingan mahsulot qiymatining 100 foizi miqdorida moliyaviy jarima qo‘llash;
texnik jihatdan tartibga solish sohasidagi normativ hujjatlar talablariga nomuvofiq mahsulotlarni ishlab chiqarish va realizatsiya qilish holatlari tasdiqlanganda, ushbu mahsulotlarga rasmiylashtirilgan muvofiqlik sertifikatini Texnik jihatdan tartibga solish sohasida nazorat inspeksiyasi (keyingi o‘rinlarda — Inspeksiya) tomonidan to‘xtatib turish;
sertifikatlashtirish organining qoidalarga rioya etmaganligi (shu jumladan, mahsulot barcha majburiy ko‘rsatkichlarga muvofiqligi baholanmaganligi) natijasida sifatsiz mahsulotlar realizatsiya qilinganligi holatlari aniqlaganda, mazkur organning sertifikatlash faoliyatini Inspeksiya tomonidan to‘xtatib turish;
b) “xavfni tahlil etish” tizimi natijalariga asosan o‘tkaziladigan tekshiruvlarning boshlanishi haqida tadbirkorlik subyektini xabardor qilish tartibi Inspeksiya tomonidan amalga oshiriladigan nazorat tadbirlariga tatbiq etilmasligi.
 LexUZ sharhi
Qarang: O‘zbekiston Respublikasining “Texnik jihatdan tartibga solish to‘g‘risida”gi Qonunining 9-moddasi.
3. Shunday tartib o‘rnatilsinki, unga muvofiq 2025-yil 1-yanvardan boshlab:
“O‘zbekiston akkreditatsiya markazi” davlat muassasasi tomonidan muvofiqlikni baholash organlarida o‘tkazilgan baholash jarayonida oldin aniqlangan kamchiliklar takroran aniqlanganda, kamchiliklar takror yo‘l qo‘yilgan soha akkreditatsiya doirasidan chiqariladi;
muvofiqlikni baholash organlari faoliyatida xalqaro standartlarga rioya etilishini tizimli baholab borishni nazarda tutuvchi xalqaro darajada tavsiya qilingan uslublar joriy qilinadi va akkreditatsiya jarayonlarida qo‘llanadi;
belgilangan tartibda malaka oshirmagan va attestatsiyadan o‘tmagan mutaxassislarning muvofiqlikni baholash organlari va sinov laboratoriyalarida faoliyat olib borishi taqiqlanadi.
 LexUZ sharhi
Qarang: O‘zbekiston Respublikasi Mehnat kodeksining V bo‘limi.
4. Agentlik va Raqamli texnologiyalar vazirligi Adliya vazirligi bilan birgalikda texnik jihatdan tartibga solish sohasida shaffoflikni ta’minlash va korrupsiyadan holi tizimni yaratish maqsadida 2025-yil 1-yanvarga qadar 4-ilovada ko‘rsatilgan asosiy imkoniyatlarni nazarda tutuvchi “Texnik tartibga solish” milliy axborot tizimini ishga tushirsin.
“Texnik tartibga solish” milliy axborot tizimini yaratish, ishga tushirish hamda vazirlik va idoralarning idoralararo axborot tizimlariga integratsiya qilish bilan bog‘liq barcha xarajatlar Raqamli texnologiyalarni rivojlantirish jamg‘armasi mablag‘lari hisobidan moliyalashtirilishi belgilab qo‘yilsin.
Raqamli texnologiyalar vazirligi, Iqtisodiyot va moliya vazirligi, Statistika agentligi, Soliq qo‘mitasi hamda Agentlik 2025-yil 1-martga qadar “Texnik tartibga solish” milliy axborot tizimini soliq, bojxona va statistika organlari axborot tizimlariga integratsiya qilish ishlarini yakuniga yetkazsin.
5. Belgilansinki, 2025-yil 1-yanvardan boshlab:
Oldingi tahrirga qarang.
akkreditatsiyadan o‘tkazilgan mahsulot, xizmat va menejment tizimlarini sertifikatlashtirish organlari, sinov laboratoriyalari va metrologiya xizmatlari tomonidan mos ravishda muvofiqlik sertifikatlari, sinov bayonnomalari va metrologiya tekshiruvi natijalari, shuningdek, muvofiqlik deklaratsiyalarini rasmiylashtirish faqat “Texnik jihatdan tartibga solish” milliy axborot tizimi orqali amalga oshiriladi;
(5-bandning ikkinchi xatboshisi O‘zbekiston Respublikasi Prezidentining 2026-yil 16-fevraldagi PF-25-sonli Farmoni tahririda — Qonunchilik ma’lumotlari milliy bazasi, 18.02.2026-y., 06/26/25/0150-son)
mahsulotlarning muvofiqligini baholash uchun talab etiladigan vaqt me’yorlari “Texnik tartibga solish” milliy axborot tizimiga kiritiladi va ularga rioya etilishi “xavfni tahlil qilish” tizimi orqali baholanadi.
6. Agentlik markaziy apparati tuzilmasiga Agentlik direktorining raqamlashtirish masalalari bo‘yicha o‘rinbosari lavozimi kiritilsin.
 LexUZ sharhi
Qarang: Vazirlar Mahkamasining 2022-yil 11-martdagi 114-son qarori bilan tasdiqlangan O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi to‘g‘risidagi nizomning 39-bandi.
7. O‘zbekiston texnik jihatdan tartibga solish agentligining tashkiliy tuzilmasi 5-ilovaga muvofiq tasdiqlansin.
Agentlikka yuklangan vazifalar o‘z vaqtida, sifatli va to‘laqonli amalga oshirilishini ta’minlash maqsadida Agentlikka va Inspeksiyaga ma’muriy islohotlar doirasida vazirlik va idoralardan maqbullashtirilgan shtat birliklari hisobidan 54 ta shtat birligi ajratilsin.
Agentlik va Inspeksiya boshqaruv xodimlarining umumiy cheklangan soni 153 nafar etib belgilansin.
Iqtisodiyot va moliya vazirligi qo‘shimcha ajratilayotgan 54 ta shtat birligini saqlash bilan bog‘liq xarajatlarni joriy yilda — 2024-yil uchun Davlat budjetida ko‘zda tutilgan mablag‘lar doirasida, 2025-yildan boshlab esa — Davlat budjeti parametrlarini shakllantirishda nazarda tutsin.
8. Belgilansinki:
Agentlik direktorining o‘rinbosarlari hamda Inspeksiya boshlig‘i O‘zbekiston Respublikasi Prezidenti bilan kelishilgan holda Vazirlar Mahkamasi tomonidan, Agentlikning boshqa tizim tashkilotlarining rahbarlari Vazirlar Mahkamasi bilan kelishilgan holda Agentlik direktori tomonidan lavozimga tayinlanadi va lavozimidan ozod qilinadi;
Agentlik direktoriga mehnat bozorining konyunkturasini hisobga olgan holda, tor doiradagi mutaxassislarni, shu jumladan xorijiy mutaxassislarni shartnoma asosida ishga jalb etish huquqi beriladi.
9. Belgilansinki:
Agentlik va Inspeksiya xodimlari mehnatiga haq to‘lash razryadlari 6-ilovaga muvofiq belgilanadi;
Agentlik direktoriga Agentlik xodimlariga O‘zbekiston texnik jihatdan tartibga solish agentligining maxsus jamg‘armasi mablag‘lari hisobidan mehnatga haq to‘lash fondining ikki baravari miqdorigacha ustama va qo‘shimcha haq to‘lash, mukofotlash va boshqa rag‘batlantirish tusidagi hamda kompensatsiya to‘lovlarini belgilash huquqi beriladi.
 LexUZ sharhi
Qarang: Vazirlar Mahkamasining 2022-yil 11-martdagi 114-son qarori bilan tasdiqlangan O‘zbekiston Respublikasi Investitsiyalar va tashqi savdo vazirligi huzuridagi O‘zbekiston texnik jihatdan tartibga solish agentligi to‘g‘risidagi nizomning 42-bandi.
10. Agentlik direktori va adliya vaziri A. Tashkulov Agentlik va uning tizim tashkilotlari xodimlarini uch oy muddatda attestatsiyadan o‘tkazib, o‘ziga yuklangan vazifalar samarali bajarilishini professional darajada ta’minlashga qodir bo‘lgan halol kadrlar bilan to‘ldirish uchun mas’ul va shaxsan javobgar ekanliklari belgilab qo‘yilsin.
11. Iqtisodiyot va moliya vazirligi 2024-yilda ushbu qarorga 3-ilovada ko‘rsatilgan etalonlarni xarid qilish uchun Davlat budjetidan Agentlikka mablag‘lar ajratilishini, 2025-yildan boshlab Davlat budjeti parametrlarini shakllantirishda etalonlar xarid qilish bilan bog‘liq xarajatlar uchun zarur mablag‘lar nazarda tutilishini ta’minlasin.
Oldingi tahrirga qarang.
12. Agentlikning “O‘zbekiston standartlar instituti” va “O‘zbekiston milliy metrologiya instituti” davlat muassasalariga zarur bo‘lgan standart namunalar, gaz qorishmalar, kimyoviy reaktiv va reagentlarni xarid qilish hamda o‘lchash vositalarini xorijiy metrologiya tashkilotlarida kalibrlash uchun to‘g‘ridan-to‘g‘ri shartnomalar tuzishga ruxsat etilsin.
(12-band O‘zbekiston Respublikasi Prezidentining 2026-yil 16-fevraldagi PF-25-sonli Farmoni tahririda — Qonunchilik ma’lumotlari milliy bazasi, 18.02.2026-y., 06/26/25/0150-son)
13. Agentlik bir oy muddatda:
sohalar va tarmoqlar kesimida xalqaro standartlarni qabul qilish bo‘yicha maqsadli ko‘rsatkichlarni;
“O‘zbekiston ilmiy sinov va sifat nazorati markazi” va “O‘zbekiston milliy metrologiya instituti” davlat muassasalari tomonidan to‘g‘ridan-to‘g‘ri shartnomalar asosida xarid qilinadigan standart namunalar, gaz qorishmalar, kimyoviy reaktiv va reagentlar ro‘yxatini;
“O‘zbekiston milliy metrologiya instituti” davlat muassasasi tomonidan yangi kalibrlash va qiyoslash ishlarini tashkil etish uchun xarid qilinadigan namunaviy o‘lchash vositalari ro‘yxatini;
Xalqaro qonunlashtiruvchi metrologiya tashkiloti (OIML) hujjatlari asosida metrologik me’yor va qoidalarni qabul qilish reja-jadvalini tasdiqlash uchun Texnik jihatdan tartibga solish sohasini rivojlantirish bo‘yicha idoralararo respublika kengashiga kiritsin.
Bunda, xalqaro va Yevropa standartlarini xarid qilish, davlat tiliga tarjima qilish va ekspertizadan o‘tkazish bilan bog‘liq xarajatlarni sohalar va tarmoqlarga mas’ul bo‘lgan idoralar, xo‘jalik birlashmalari va tashkilotlar, shuningdek, Eksportni rag‘batlantirish agentligi mablag‘lari hisobidan moliyalashtirish nazarda tutilsin.
14. Energetika vazirligi, Qishloq xo‘jaligi vazirligi, Qurilish va uy-joy kommunal xo‘jaligi vazirligi, “O‘zto‘qimachiliksanoat” uyushmasi, “O‘zcharmsanoat” uyushmasi, “O‘zavtosanoat” AJ, “O‘zeltexsanoat” uyushmasi, “O‘zsanoatqurilishmateriallari” uyushmasi, “O‘zbekneftgaz” AJ Agentlik bilan birgalikda bir oy muddatda mahalliy eksportbop mahsulotlarga tegishli xalqaro standartlarni aniqlab, ularni amaliyotga joriy etishning oyma-oy tarmoq jadvalini Texnik jihatdan tartibga solish sohasini rivojlantirish bo‘yicha idoralararo respublika kengashiga kiritsin.
15. Agentlik va Adliya vazirligi (A.Tashkulov) O‘zbekiston Milliy axborot agentligi, O‘zbekiston Milliy teleradiokompaniyasi va Savdo-sanoat palatasi bilan birgalikda mazkur qarorning maqsadi, vazifalari va undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritsin.
16. Toshkent shahri, Olmazor tumani, Farobiy ko‘chasi, 333a-uyda joylashgan bino-inshootlar Agentlik tasarrufida qoldirilsin.
17. Agentlik manfaatdor idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
18. Mazkur qarorning ijrosini samarali tashkil qilishga mas’ul va shaxsiy javobgar etib Agentlik direktori belgilansin.
Qarorning ijrosini muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish O‘zbekiston Respublikasi Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2024-yil 28-fevral,
PQ-91-son
O‘zbekiston Respublikasi Prezidentining 2024-yil 28-fevraldagi PQ-91-son qaroriga
1-ILOVA
Texnik jihatdan tartibga solish sohasini yanada takomillashtirish bo‘yicha
CHORA-TADBIRLAR DASTURI

T/r

Chora-tadbirlar nomi

Amalga oshirish mexanizmi

Amalga oshirish shakli

Ijro muddati

Mas’ul ijrochilar

I. Texnik jihatdan tartibga solish tizimini takomillashtirish

1.

Texnik reglamentlarni ishlab chiqish, qabul qilish qayta ko‘rib chiqish, bekor qilish tartibini takomillashtirish.

1. Texnik reglament loyihalarini ishlab chiqish, kelishish, muhokama va ekspertizadan o‘tkazish, qabul qilish tartibini belgilovchi normativ-huquqiy hujjat loyihasini ishlab chiqish.

Normativ-huquqiy hujjat loyihasi

2024-yil may

Texnik jihatdan tartibga solish agentligi,

Adliya vazirligi,

manfaatdor vazirlik va idoralar

2. Normativ-huquqiy hujjat loyihasini manfaatdor vazirlik va idoralar bilan kelishish.

2024-yil iyun

3. Normativ-huquqiy hujjat loyihasini Hukumatga kiritish.

2024-yil iyul

2.

Texnik jihatdan tartibga solish agentligi va tizim tashkilotlarining axborot tizimlarini integratsiya qilish orqali “Texnik tartibga solish” milliy axborot tizimini ishga tushirish.

1. “Texnik tartibga solish” milliy axborot tizimining loyiha texnik hujjatlarini ishlab chiqish va tasdiqlash. Bunda:

texnik jihatdan tartibga solish agentligining 6 ta axborot tizimi (“E-standart”, “E-metrologiya”, “E-laboratoriya”, “E-sertifikat”, “E-akkreditatsiya”, “E-hajm”) va 2 ta portal (“Nududstandart”, “TBTINFO”)ni o‘zaro integratsiya qilish orqali “Texnik tartibga solish” milliy axborot tizimiga birlashtirish;

texnik jihatdan tartibga solish sohasidagi normativ hujjatlar talablariga muvofiqligi tasdiqlanishi majburiy bo‘lgan tovarlar va oziq-ovqat mahsulotlari importi va sifatsiz deb topilgan mahsulotlar to‘g‘risida o‘zaro ma’lumot almashish tizimini yo‘lga qo‘yish;

muvofiqlik sertifikatlarini o‘zbek, rus va ingliz tillarida rasmiylashtirish nazarda tutiladi.

Tashkiliy chora-tadbirlar

2024-yil iyun

Texnik jihatdan tartibga solish agentligi,

Raqamli texnologiyalar vazirligi

2. “Texnik tartibga solish” milliy axborot tizimini ishga tushirish.

2025-yil 1-yanvar

3.

“Texnik tartibga solish” milliy axborot tizimini boshqa axborot tizimlari bilan o‘zaro integratsiya qilish.

“Texnik tartibga solish” milliy axborot tizimini soliq, bojxona va statistika organlarining axborot tizimlariga integratsiya qilish

Tashkiliy chora-tadbirlar

2024-yil dekabr

Raqamli texnologiyalar vazirligi,

Iqtisodiyot va moliya vazirligi,

Statistika agentligi,

Soliq qo‘mitasi,

Texnik jihatdan tartibga solish agentligi

4.

Budjetdan tashqari jamg‘arma va grant mablag‘lari hisobidan xalqaro tajriba va standartlarni o‘rganish orqali O‘zbekiston Texnik jihatdan tartibga solish agentligi faoliyatini va sohaga oid qonunchilikni takomillashtirish.

1. Xorijiy mamlakatlar va xalqaro tashkilotlar bilan muzokaralar o‘tkazish orqali sohaga xalqaro ekspertlarni jalb qilish.

2. Xalqaro ekspertlar bilan uzoq muddatli hamkorlikni yo‘lga qo‘yish.

3. Texnik jihatdan tartibga solish sohasida tajriba almashish maqsadida rivojlangan davlatlarga xizmat safarlarini tashkil etish.

4. O‘rganish natijalari asosida sohani takomillashtirish bo‘yicha takliflar ishlab chiqish va Vazirlar Mahkamasiga kiritish.

Tashkiliy chora-tadbirlar

2024-yil davomida

Texnik jihatdan tartibga solish agentligi,

Iqtisodiyot va moliya vazirligi,

Adliya vazirligi,

Tashqi ishlar vazirligi,

Savdo-sanoat palatasi

5.

Xalqaro standartlar va talablarni qabul qilish orqali barqaror rivojlanish maqsadlarini amalga oshirish.

1. Energiya samaradorligini oshirish va energiya tejamkorligini ta’minlash bo‘yicha tahlillar o‘tkazish.

2. Xalqaro standart va talablardan kelib chiqib, energiya samaradorligi bo‘yicha standartlar va qoidalarni qayta ko‘rib chiqish va yangilarini ishlab chiqish, shu jumladan, xalqaro (mintaqaviy) standartlarni qabul qilish.

Tashkiliy chora-tadbirlar

2024-yil may

Energetika vazirligi,

“O‘zeltexsanoat” uyushmasi,

Texnik jihatdan tartibga solish agentligi,

Ekologiya vazirligi,

Qurilish va kommunal xo‘jaligi vazirligi,

manfaatdor vazirlik va idoralar

II. Akkreditatsiya va metrologiya yo‘nalishlarini takomillashtirish

6.

Xalqaro tajribadan kelib chiqqan xolda o‘lchashlarni bajarish uslubiyotlarini ishlab chiqish va metrologik attestatsiyadan o‘tkazish tartibini belgilash.

1. O‘lchashlarni bajarish uslubiyotlarini ishlab chiqish va metrologik attestatsiyadan o‘tkazish tartibini tasdiqlash. Bunda quyidagilar belgilanadi:

o‘lchashlarni bajarish uslubiyotini ishlab chiqishdagi dastlabki ma’lumotlar tavsifi;

o‘lchashlarni bajarish uslubiyotining tarkibiy qismlari;

o‘lchashlarni bajarish uslubiyotini reglamentlovchi hujjatning mazmuni.

Normativ-huquqiy hujjat loyihasi

2024-yil may

Adliya vazirligi,

Texnik jihatdan tartibga solish agentligi,

Savdo-sanoat palatasi

2. Normativ-huquqiy hujjat loyihasini manfaatdor vazirlik va idoralar bilan kelishish.

2024-yil iyun

3. Normativ-huquqiy hujjat loyihasini Hukumatga kiritish.

2024-yil iyul

7.

Xalqaro o‘lchov va tarozilar byurosi bazasida O‘zbekiston Respublikasining kalibrlash va o‘lchash imkoniyatlari haqidagi ma’lumotlarni kiritish choralarini ko‘rish.

1. Xalqaro o‘lchov va tarozilar byurosi bazasiga kiritiladigan O‘zbekiston Respublikasining kalibrlash va o‘lchash imkoniyatlari haqidagi ma’lumotlarni tayyorlash.

2. O‘zbekiston Respublikasining kalibrlash va o‘lchash imkoniyatlari haqidagi ma’lumotlarni Xalqaro o‘lchov va tarozilar byurosiga taqdim etish.

Tashkiliy chora-tadbirlar

2024-yil davomida

Texnik jihatdan tartibga solish agentligi,

Tashqi ishlar vazirligi

8.

O‘zbekiston Respublikasida vaqt va chastota xizmati faoliyatini samarali tashkil etish bo‘yicha chora-tadbirlarni belgilash.

1. O‘zbekiston Respublikasida vaqt va chastota xizmati faoliyatini samarali tashkil etish hamda o‘lchash natijalari davlat ahamiyatiga ega bo‘lgan o‘lchash vositalari turkumlari ro‘yxatini tasdiqlashni nazarda tutuvchi normativ-huquqiy hujjat loyihasini ishlab chiqish.

Normativ-huquqiy hujjat loyihasi

2024-yil mart

Adliya vazirligi,

Texnik jihatdan tartibga solish agentligi

2. Normativ-huquqiy hujjat loyihasini manfaatdor vazirlik va idoralar bilan kelishish.

2024-yil aprel

3. Normativ-huquqiy hujjat loyihasini Hukumatga kiritish.

2024-yil may

III. Muvofiqlikni baholash yo‘nalishini takomillashtirish

9.

Xorijiy davlatlarda mahsulotlarga qo‘yilgan majburiy va qo‘shimcha talablarni o‘rganish va tahlil qilish mexanizmlarini joriy qilish.

1. Savdo-sanoat palatasida tadbirkorlarning so‘roviga asosan xorijiy davlatlarda mahsulotlarga qo‘yilgan majburiy va qo‘shimcha talablar bo‘yicha ma’lumot taqdim etish faoliyati bilan shug‘ullanuvchi bo‘linma tashkil etish.

Normativ-huquqiy hujjat loyihasi

2024-yil may

Savdo-sanoat palatasi,

Investitsiyalar, sanoat va savdo vazirligi

2. Tadbirkorlarga xorijiy davlatlarda mahsulotlarga qo‘yilgan majburiy va qo‘shimcha talablar bo‘yicha ma’lumot taqdim etish tartibini ishlab chiqish.

2024-yil iyun

10.

Eksportchi korxonalarga xalqaro sifat tizimlarini joriy etishni kengaytirish.

1 200 ta eksportchi korxonalarda sifat menejmenti tizimining xalqaro standartini joriy etish choralarini ko‘rish.

Tashkiliy chora-tadbirlar

2024-yil davomida

Texnik jihatdan tartibga solish agentligi,

Investitsiyalar, sanoat va savdo vazirligi,

Qoraqalpog‘iston Respublikasi Vazirlar Kengashi va viloyatlar va Toshkent shahri hokimliklari

IV. O‘zbekiston standartlar instituti faoliyatini takomillashtirish

11.

Standartlar elektron fondiga obuna bo‘lish imkoniyatini yaratish.

Rivojlangan davlatlar tajribasini o‘rgangan holda standartlar elektron fondiga muayyan davr uchun (oylik, yillik) pullik obuna bo‘lish yo‘li bilan istalgan standartni ko‘rish yoki ko‘chirib olish imkoniyatini yaratish.

Tashkiliy chora tadbirlar

2024-yil aprel

Texnik jihatdan tartibga solish agentligi

12.

Standartlarga kiritilgan o‘zgartirishlar to‘g‘risida manfaatdor shaxslarni xabardor qilish tartibini joriy etish.

Standartlarga o‘zgartirish va (yoki) qo‘shimchalar kiritilgan yoxud bekor qilingan taqdirda, bu haqda ushbu standartni xarid qilgan shaxslarni Standartlar elektron fondi orqali xabardor qilish bo‘yicha interaktiv xizmat turini joriy etish.

Tashkiliy chora tadbirlar

2024-yil may

Texnik jihatdan tartibga solish agentligi

13.

Standartlar narxlarini shakllantirish tartibi va mezonlarini belgilash.

1. Milliy standartlarni tarqatish narxlarini shakllantirish tartibi va mezonlarini belgilab beruvchi normativ-huquqiy hujjat loyihasini ishlab chiqish.

Normativ-huquqiy hujjat loyihasi

2024-yil may

Texnik jihatdan tartibga solish agentligi,

Iqtisodiyot va moliya vazirligi,

Raqobat qo‘mitasi

2. Normativ-huquqiy hujjat loyihasini manfaatdor vazirlik va idoralar bilan kelishish.

2024-yil iyun

3. Normativ-huquqiy hujjat loyihasini Hukumatga kiritish.

2024-yil avgust

14.

O‘z ahamiyatini yo‘qotganligi va ma’nan eskirganligi sababli bekor qilingan davlatlararo standartlarni qayta ko‘rib chiqish.

1. “Tartibga solish gilotinasi” usulida bekor qilingan 5 236 ta davlatlararo standartlarni qayta ko‘rib chiqish hamda standartlarning amal qilish muddatini tiklash yoki o‘rnini bosuvchi xalqaro standartlarni qabul qilish bo‘yicha takliflar ishlab chiqish va takliflarni O‘zbekiston Texnik jihatdan tartibga solish agentligiga taqdim etish.

Tahliliy ma’lumot

2024-yil iyun

O‘zbekiston standartlar instituti,

manfaatdor vazirlik va idoralar

2. Vazirlik va idoralarning takliflari asosida standartlarning amal qilish muddatini tiklash yoki o‘rnini bosuvchi xalqaro standartlarni qabul qilish choralarni ko‘rish.

Tashkiliy chora tadbirlar

2024-yil iyul

Texnik jihatdan tartibga solish agentligi

V. Texnik jihatdan tartibga solishda davlat nazoratini takomillashtirish

15.

Texnik jihatdan tartibga solish sohasida nazorat inspeksiyasi hududiy bo‘linmalarining moddiy-texnik bazasini mustahkamlash.

Inspeksiyaning hududiy bo‘linmalariga navbatchi xizmat avtotransport vositalari ajratish bo‘yicha taklif ishlab chiqish.

Normativ-huquqiy hujjat loyihasi

2024-yil may

Iqtisodiyot va moliya vazirligi,

Texnik jihatdan tartibga solish agentligi

16.

Sertifikatlashtirish organlarida aniqlangan qonun buzilishi holatlariga nisbatan ta’sirchan choralarni qo‘llash samaradorligini hamda muvofiqlikni baholash organlarining mas’uliyatini oshirish.

1. Qonun hujjatlariga quyidagi o‘zgartirish va qo‘shimchalar kiritishni nazarda tutuvchi normativ-huquqiy hujjat loyihasini ishlab chiqish:

muvofiqlikni baholash qoidalarining buzilishi natijasida oqibat kelib chiqqan yoki chiqmaganligidan hamda huquqbuzarlik holati bartaraf etilgan yoki etilmaganligidan qat’iy nazar moliyaviy sanksiya qo‘llash;

insonning hayoti va sog‘lig‘iga zarar yetkazilgan taqdirda muvofiqlikni baholash organlarining tovarning (ish, xizmat) sotuvchisi, tayyorlovchisi (ijrochisi) bilan bir qatorda solidar javobgarligini belgilash.

Normativ-huquqiy hujjat loyihasi

2024-yil mart

Adliya vazirligi,

Texnik jihatdan tartibga solish agentligi,

Oliy sud,

Bosh prokuratura

2. Normativ-huquqiy hujjat loyihasini qonunchilikda belgilangan tartibda vazirlik va idoralar bilan kelishish.

2024-yil aprel

3. Normativ-huquqiy hujjat loyihasini Hukumatga kiritish.

2024-yil may

1. Mahsulotlarga belgilangan talablarga zid ravishda rasmiylashtirilgan muvofiqlik sertifikatini bekor qilish va sertifikatlashtirish organining sertifikatlashtirish jarayonida ishtirok etishini to‘xtatib turishning mezonlari va muddatlarini belgilash.

Normativ-huquqiy hujjat loyihasi

2024-yil aprel

Texnik jihatdan tartibga solish agentligi,

Adliya vazirligi,

manfaatdor vazirlik va idoralar

2. Normativ-huquqiy hujjat loyihasini qonunchilikda belgilangan tartibda vazirlik va idoralar bilan kelishish.

2024-yil may

3. Normativ-huquqiy hujjat loyihasini Hukumatga kiritish.

2024-yil iyun

17.

Tadbirkorlik subyektlariga qulaylik yaratish maqsadida standart talablarga nomuvofiq bo‘lgan mahsulotlarni o‘z ixtiyori bilan savdodan chaqirib olishda imtiyoz berish.

1. Texnik reglamentlar hamda qo‘llanishi majburiy bo‘lgan standartlar talablariga javob bermaydigan mahsulotning kamida 70 foizini o‘rnatilgan tartibda chaqirib olgan yuridik shaxslarni “Texnik jihatdan tartibga solish to‘g‘risida”gi Qonunning 46-moddasi ikkinchi qismida nazarda tutilgan moliyaviy sanksiyalardan ozod qilishni nazarda tutuvchi normativ-huquqiy hujjat loyihasini ishlab chiqish.

Normativ-huquqiy hujjat loyihasi

2024-yil aprel

Adliya vazirligi, Texnik jihatdan tartibga solish agentligi,

Adliya vazirligi,

Oliy sud,

Bosh prokuratura

2. Normativ-huquqiy hujjat loyihasini qonunchilikda belgilangan tartibda vazirlik va idoralar bilan kelishish.

2024-yil may

3. Normativ-huquqiy hujjat loyihasini Hukumatga kiritish.

2024-yil iyun

18.

Mahsulotlarning muvofiqligini baholash tizimini takomillashtirish hamda sifatsiz mahsulotlarni savdodan chaqirib olish, qaytarish, erkin muomaladan chiqarish va utilizatsiya qilish tartibini belgilash.

1. Quyidagilarni nazarda tutuvchi normativ-huquqiy hujjat loyihasini ishlab chiqish:

sifatsiz mahsulotlarni savdodan chaqirib olish, qaytarish, erkin muomaladan chaqirib olish va utilizatsiya qilish tartibini;

mahsulotlarni xavf darajasidan kelib chiqqan holda tegishli tartib-taomillardan o‘tgandan so‘ng ichki bozorga chiqarishni nazarda tutuvchi ro‘yxatga olish, sertifikatlashtirish, deklaratsiya va menejment tizimlarini joriy etishni.

Normativ-huquqiy hujjat loyihasi

2024-yil aprel

Texnik jihatdan tartibga solish agentligi,

Adliya vazirligi,

manfaatdor vazirlik va idoralar

2. Normativ-huquqiy hujjat loyihasini qonunchilikda belgilangan tartibda vazirlik va idoralar bilan kelishish.

2024-yil may

3. Normativ-huquqiy hujjat loyihasini Hukumatga kiritish.

2024-yil iyun

VI. Texnik jihatdan tartibga solish sohasini Jahon savdo tashkiloti (JST) normalariga uyg‘unlashtirish

19.

Yevropa standartlashtirish qo‘mitasi (CEN) va Yevropa elektrotexnika standartlash-tirish qo‘mitasi (CENELEC) bilan hamkorlikda 300 ta standart bo‘yicha litsenziya kelishuvini imzolash.

1. Mahalliy tadbirkorlik subyektlari tomonidan kelib tushgan murojaatlarga muvofiq Yevropa standartlari ro‘yxatini shakllantirish.

2. Litsenziya kelishuvini imzolash bo‘yicha CEN va CENELEC tashkilotlari muzokaralar olib borish.

3. Litsenziya kelishuvini CEN va CENELEC tashkilotlariga yuborish va imzolash.

Tashkiliy chora-tadbirlar

2024-yil davomida

Texnik jihatdan tartibga solish agentligi,

Iqtisodiyot va moliya vazirligi,

Tashqi ishlar vazirligi

20.

Yevropa davlatlari bilan milliy muvofiqlikni baholash natijalarini ikki tomonlama tan olish bo‘yicha hamkorlikni yo‘lga qo‘yish.

Mahalliy mahsulotlar (ishlar, xizmatlar) eng ko‘p eksport bo‘ladigan 10 ta Yevropa davlatlari bilan milliy muvofiqlikni baholash natijalarini ikki tomonlama tan olish bo‘yicha kelishuvlarga erishish.

Tashkiliy chora-tadbirlar

2024-yil davomida

Texnik jihatdan tartibga solish agentligi,

Iqtisodiyot va moliya vazirligi,

Investitsiyalar, sanoat va savdo vazirligi,

Tashqi ishlar vazirligi,

Savdo-sanoat palatasi

21.

Xalqaro tashkilotlar va xorijiy hamkor idoralarning grant va texnik ko‘maklarini jalb etish orqali davlat va xususiy sektorda faoliyat ko‘rsatayotgan 300 nafar mutaxassis malakasini oshirish.

1. Grant va texnik ko‘maklarni jalb etish orqali seminar-treninglar tashkil etish yuzasidan muzokaralar o‘tkazish va kelishish.

2. Davlat va xususiy sektorda faoliyat ko‘rsatayotgan mutaxassislarning malakasini oshirish.

Tashkiliy chora-tadbirlar

2024-yil davomida

Texnik jihatdan tartibga solish agentligi
Izoh: Dasturda ko‘zda tutilgan chora-tadbirlarni amalga oshirishda ishlab chiqilayotgan hujjat shakli o‘zgartirilishi yoki ishlab chiqilayotgan hujjat boshqa bandlarda ko‘zda tutilgan hujjatlar bilan birlashtirilishi mumkin. Ikki va undan ortiq hujjatlarning birlashtirilishida tegishli bandlar bajarilishi uchun belgilangan eng oxirgi muddat ishlab chiqish muddati hisoblanadi.
Oldingi tahrirga qarang.
(2-ilova O‘zbekiston Respublikasi Prezidentining 2026-yil 16-fevraldagi PF-25-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 18.02.2026-y., 06/26/25/0150-son)
Oldingi tahrirga qarang.
(2a-ilova O‘zbekiston Respublikasi Prezidentining 2026-yil 16-fevraldagi PF-25-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 18.02.2026-y., 06/26/25/0150-son)
O‘zbekiston Respublikasi Prezidentining 2024-yil 28-fevraldagi PQ-91-son qaroriga
3-ILOVA
Davlat budjeti mablag‘lari hisobidan “O‘zbekiston milliy metrologiya instituti” davlat muassasasi uchun xarid qilinadigan etalonlar va yuqori aniqlikdagi o‘lchash vositalari
RO‘YXATI
Oldingi tahrirga qarang.

T/r

Etalonlar va eng yuqori aniqlikdagi o‘lchov vositalari nomi

O‘lchov diapazoni

Aniqlik ko‘rsatkichi

(xatolik yoki noaniqlik)

Soni

(to‘plam)

Moliyalashtirish davri

1.

Gidrostatik tortish namunali qurilmasi (suyuqliklaring zichlik birligi etaloni)

600 ÷ 2000 kg/m³

± 0,000005 g/cm3

1

2024-yil

2.

Etalon-dinamometr

ot 10 do 2000 kN

± 0,005 %

1

2024-yil

3.

Doimiy tokning yuqori omli elektr qarshiligining etaloni to‘plamda:

10-4 dan 20∙1016 Ω gacha

300 A gacha

0,1 ppm

1

2024-yil

yuqori aniqlikdagi RLC o‘lchash vositasi;

etalon qarshilik o‘lchovlari uchun havo termostati;

0,00001 Ω ÷ 99999 kΩ,

0,00001 mN ÷ 99999 N,

0,00001 pF ÷ 99999 μF

± 0,02 %

etalon qarshilik o‘lchovlari uchun moy termostati;

o‘zgarmas tok most-komparatori.

15 °S ÷ 50 °C

15 °C ÷ 30 °C

± 0,005 °C

± 0,002 °C

4.

Elektr va magnit maydonlari kuchlanganligini o‘lchash vositalarini kalibrlash etalon tizimi to‘plamda:

magnitometr va bir komponentlik magnit induksiyasi o‘lchovi, teslametr solenoid jamlanmasi bilan

0,5…400 V/m

0,005…0,020 kNz ko‘lamida

0,5 …2000 V/m

0,020…100 kNz ko‘lamida

0,5…40 V/m

100…400 kNz ko‘lamida

40…8000 mA/m

0,005...2 kNz ko‘lamida

4 …800 mA/m

2...400 kNz

1•10-6 ÷ 1•10-2 T

0,01 ÷ 100 T i

22000 ÷ 27000 m-1

± 5 %

1

2024-yil

0,0005 % ÷ 0,03 %

±0,002% i

± 1,5%

5.

Sath o‘lchagichlarini tekshirish uchun namunali qurilma (sath kattaligi birligi etaloni)

20 m gacha

0,001 m

1

2024-yil

6.

G‘adir-budirlik kattaliklari etaloni

0 ÷ 2000 µm

± 1%

1

2024-yil.

7.

Hajm o‘lchash birligi etaloni

0,01mL dan 500L gacha

d = 0,001 mg dan 0,1 g gacha

1

2024-yil

8.

Suyuqliklarning elektr o‘tkazuvchanligi birligi etaloni

0,001 ÷ 50 Sm/m

6∙10-4 ÷ 8∙10-4

1

2024-yil

9.

Suvli eritmalardagi vodorod ionlari faolligining pN ko‘rsatkichi etaloni

1 ÷ 12 rN

0,0017

1

2024-yil

10.

Suvli eritmalardagi vodorod ionlari faolligining nitrat (rX) ko‘rsatkichi etaloni

1 ÷ 7 rX

0,0016

1

2024-yil

11.

O‘lchash tok transformatorlari kalibrlash tizimi etalon kuchlanish transformatorlari bilan

Elektr va magnetizm (EM)

Birlamchi tok

10 kA va undan yuqori

0,001 ÷ 30 kA

Ikkilamchi tok 1 A, 5 A past emas

1

2024-yil

12.

Gradus — tekis burchak birlik etaloni*

0 ÷ 360°

0,03″

1

2024-yil

13.

Birlamchi nisbiy namlik birligi etaloni

-70 °S ÷ 95 °S

10 % ÷ 98 %

0,1 ÷ 0,2 °S

0,2 ÷ 0,5 %

1

2024-yil

14.

Bosimlar farqi birligi etaloni

ot 100 Ra do 4•107 Ra

Differensial bosimning umumiy xatoligi 0,008 % dan ko‘p bo‘lmagan

1

2025-yil

16.

Aerozollarning ommaviy konsentratsiyasini o‘lchash vositalarini tekshirish uchun namunali qurilma

0,1÷100 mg/m³

± 10 % ko‘p bo‘lmagan

1

2025-yil

17.

O‘zgaruvchan tok kuchlanish quvvati birligi etaloni (raqamli diskret — sampling etalon vattmetri, tok kuchi, kuchlanish va quvvat o‘lchagichlari va manbalari)

0 dan 10000 W gacha;

1,0 dan 1000 V gacha;

0,01 dan 100 A gacha;

0 dan 1,0 gacha;

1,0 dan 2500 Nz gacha.

± 5∙10-4 dan yuqori emas

1

2025-yil

18.

Havodagi radon faolligi birligi milliy etaloni

10 Bq/m3 dan 100000 Bq/m3 gacha

15-30 %

1

2025-yil

19.

O‘lchash kuchlanish transformatorlari kalibrlash tizimi etalon kuchlanish transformatorlari bilan

Elektr va magnetizm (EM)

800 kV gacha

5 ÷ 40 kV

1

2025-yil

22.

Qattiqlik komparatori kompleks etaloni

NRA; NRB; NRC,

NB. NV

NSA, NSD

±0,1%

3∙10-3∙NB

2,5 NV

0,5 yed

1

2025-yil

23.

Radionuklidlar faolligi birligi milliy etaloni

1 — 106 Bq/l (Bq/kg) dan

10 — 106 Bq/l (Bq/kg) gacha

0,012

1

2026-yil

24.

To‘g‘ri chiziqlilik va tekislikdan chetga chiqish o‘lchovlari sohasida uzunlik birligi etaloni

3 m gacha

og‘ishi — 4,3∙10-6m

1

2026-yil

25.

O‘zgaruvchan tok kuchi birligi etaloni to‘plamda: (to‘g‘ridan-to‘g‘ri ulanadigan termoelektrik tok o‘zgartirgichlari, elektr qarshilik o‘lchovlari, o‘zgarmas va o‘zgaruvchan kuchlanish o‘lchash vositalari, o‘zgarmas va o‘zgaruvchan dasturlanuvchi tok kalibratori) yuqori aniqlikdagi o‘zgarmas tok shuntlari bilan

1∙10-3 ÷ 0,1 A

(20 ÷ 1∙105 Nz ko‘lamida)

0,1 ÷ 100 A

(45 ÷ 1∙10-4 Nz ko‘lamida)

(50 ÷ 100 A; 0,20 ÷ 0,4 V

Rnom = 4 mΩ shuntlar uchun)

5∙10-5 ÷ 5∙10-4

2∙10-4 ÷ 5∙10-3

(±35∙10-6 — shuntlar uchun)

1

2026-yil

27.

Yuqori kuchlanishli o‘lchash uskunasi kuchlanish sig‘im rezistiv bo‘luvchisi bilan birga jamlanmada va yuqori kuchlanish manbai generator jamlanmasi bilan

Elektr va magnetizm (EM)

0 dan 800 kV gacha

0 dan 550 kV gacha

(generator uchun)

1

2026-yil

28.

Rentgen nurlanish maydonida havodagi kerma birligi milliy etaloni

10 nGy dan 9999 Gy gacha

0,1

1

2026-yil

29.

Jozefsonning kvant effektiga asoslangan o‘zgarmas tok kuchlanishi birligi etalon tizimi

1 V, 10 V

3,0∙10-9

(kengaytirilgan noaniqlik)

(ot 2•10-9 do 4•10-9)

1

2026-yil

30.

Gorizontal va vertikal uzunlik kattaliklarining birligi etaloni kompleksi

630 x 1000 mm

1000 x 1600 mm

0 ÷ 100 mm

0 x 400 mm

± 10 µm

± 2,5 µm

± 0,5 µm

0,0001/0,001/0,01 mm

1

2026-yil

31.

Kuch birligi kompleks etaloni

10 N do 3000 kN

± 0,005 %

1

2026-yil

33.

Havodagi etanol bug‘lari etaloni

20 ÷ 2000 mg/m³

Abs. ± 2 mg/m³

Nisbiy:

± 0 ÷2) %

1

2027-yil

34.

Avtomatlashtirilgan Xoll effekti kvant etaloni

12,906 kΩ

5∙10-8

1

2027-yil

35.

O‘zgarmas tok kuchi birligi etalon tizimi o‘zgarmas tok yuqori aniqlikdagi shuntlari bilan to‘plamda

1∙10-3; 1 A yoki 1∙10-16 ÷ 1∙10-9 A

5∙10-6;

10∙10-3÷5∙10-2

± 10∙10-6

1

2027-yil

36.

2 Nz dan 100 kNz gacha chastota diapazonida havo muhitida paskal (Ra) — tovush bosimi birligi etaloni

(47 band yangilandi)

2 Nz dan 100 kNz gacha

0,2 dB dan 1,0 dB gacha

1

2027-yil

37.

Kichik massa birligi etaloni

1 mg ÷ 20 kg

E0

1

2028-yil

38.

Katta massa birligi etaloni

20 ÷ 50 kg

E0

1

2028-yil

39.

Birlamchi absolyut yorug‘lik oqimi va spektral nurlanish oqimining zichlik birligi etaloni

(Goniofotometr)

350 ÷ 850 nm;

100 ÷ 15000 lm;

1∙10-3 ÷ 5∙10-1 W/nm

± (0,5 ÷ 2,5) %;

± (0,7 ÷ 5) %

1

2029-yil

40.

Gaz aralashmalaridagi komponentlarning molyar ulushi birligi etaloni

0,0001 ÷ 100 %

± 0,03%

1

2029-yil

41.

Kuchning aylanish vaqti kattaligi birligi etaloni

ot 0,5 do 3000 N∙m.

± 0,005 %

1

2029-yil

42.

3•10-1 — 2•104 Nz chastota diapazonida tebranish uzunligi, tezligi va tezlanishi birligi etaloni

tebranish uzunligi:

1•10-7 m dan — 1•10-2 m gacha,

tebranish tezligi

1•10-4 m/s dan 1•10-1 m/s gacha,

tebranish tezlanishi:

1•10-3 m/s2 dan 1•103 m/s2 gacha

0,015 Nz dan 0,025 Nz gacha

1

2029-yil

43.

Birlamchi sinish ko‘rsatkichi birligi etaloni

(goniometr-spektrometr)

195 ÷ 2325 nm

± 3•10-6 nd (UV);

± 2•10-6 nd (VIS );

± 5•10-6 nd (SWIR)

1

2029-yil

44.

Gaz aralashmalaridagi tabiiy gaz komponentlarining molyar ulushi birligi etaloni

0,001 ÷ 99,0 %

± 0,15 %

1

2029-yil

45.

Suvdagi yutilgan doza birligi milliy etaloni

0,002 Gy/s dan 0,02 Gy/s gacha

0,012

1

2030-yil

46.

Vaqt va chastota etaloni

(Seziy atomi asosida)

100 kNz;

1 MNz;

5 MNz;

10 MNz;

1x10-14

1

2030-yil

47.

Axborot uzatish tizimlari uchun uzunlik va nur o‘tkazgichda signal tarqalish davri, o‘rtacha quvvati, optik nurlanishning susayishi va to‘lqin uzunlik birligi etaloni

(-60) dBm dan 20 dBm gacha

0,1 Nz dan 1 GNz gacha

10 m dan 2000 m gacha

± 0,01 %

± 1,0 %

± 0,1 %

1

2030-yil

48.

Yassi parallel to‘plami uzunlik o‘lchash birligi etaloni

0,5 ÷ 100 mm

0,5 ÷ 100 mm

0,1÷250 mm

0,5 ÷ 100 mm

0,5 ÷ 100 mm

1,991 ÷ 2,009 mm

50 ÷ 500 mm

5,12 ÷ 100 mm

21,2 ÷ 100 mm

0,5 ÷ 100 mm

1,991 ÷ 2,009 mm

0,991 ÷ 1,009 mm

50 ÷ 500 mm

50 ÷ 1000 mm

0,5 ÷ 100 mm

0,5 ÷ 100 mm

5,12 ÷ 100 mm

50 ÷ 500 mm

50 ÷ 1000 mm

21,2 ÷ 100 mm

(0,02+0,0002L) µm

(0,02+0,1L) µm

(0,025+0,2×10-6L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

(0,05+0,1L) µm

1

2030-yil

(3-ilova O‘zbekiston Respublikasi Prezidentining 2026-yil 16-fevraldagi PF-25-sonli Farmoni tahririda — Qonunchilik ma’lumotlari milliy bazasi, 18.02.2026-y., 06/26/25/0150-son)
O‘zbekiston Respublikasi Prezidentining 2024-yil 28-fevraldagi PQ-91-son qaroriga
4-ILOVA
“Texnik tartibga solish” milliy axborot tizimida yaratiladigan asosiy imkoniyatlar
TAVSIFI
1) Standartlashtirish, sertifikatlashtirish, akkreditatsiya va metrologiya sohalaridagi barcha davlat reyestrlarining markazlashgan ma’lumotlar bazasini shakllantirish va uning ochiqligini ta’minlash.
2) Respublika hududida faoliyat yuritayotgan akkreditatsiya qilingan barcha muvofiqlikni baholash organlari va sinov laboratoriyalarini yagona platformaga integratsiya qilish, shuningdek, sinov jarayonlarida foydalaniladigan uskunalar va kimyoviy reaktivlar hisobini yuritish.
3) Muvofiqlik sertifikatlari, laboratoriya sinovi bayonnomalari va xulosalarini to‘liq elektron shaklda QR-kod (matrik shtrixli kod) qo‘yilgan holda shakllantirish.
4) Masofaviy “xavfni” tahlil qilish va boshqaruv qarorlarini qabul qilish jarayonlarini avtomatlashtirish, shuningdek, mahsulotlarni davlat ro‘yxatiga olish, muvofiqlik sertifikatlarini berish va deklaratsiyalarni ro‘yxatga olish jarayonlarini elektron shaklda monitoring qilish.
5) Jismoniy va yuridik shaxslarga ko‘rsatilgan xizmatlardan qoniqish darajasini doimiy baholab borish, taklif va shikoyatlar yuborish hamda korrupsiya holatlari bo‘yicha tezkor axborot berish.
6) Qabul qilinayotgan yangi standartlarni dasturiy qayta ishlash (mashinada o‘qiladigan format).
7) Texnik jihatdan tartibga solish sohasiga oid tahliliy va statistika ma’lumotlarini 24/7 rejimida umumlashtirish hamda hisobotlarni shakllantirish jarayonlarini avtomatlashtirish.
8) Akkreditatsiya, metrologiya, sertifikatlashtirish organlari hamda standartlashtirish bo‘yicha milliy organ faoliyati, shuningdek, sinovlar texnik jihatdan tartibga solish sohasidagi normativ hujjatlar talablari asosida to‘liq amalga oshirilganligi, sinov uskunalarining metrologik xulosalari mavjudligi ustidan nazoratni ta’minlash.
9) Muvofiqlikni baholash organlariga nisbatan ma’muriy bayonnomalar rasmiylashtirish.
10) Laboratoriya uskunalarining texnik imkoniyatini hisobga olgan holda, sinov natijalarini avtomatik ravishda shakllantirish.
11) Tizimga avtomatlashtirilgan hisob-kitob (billing) tizimini joriy etish orqali to‘lovlarni onlayn amalga oshirish.
12) Vazirlik, idora va boshqa tashkilotlar tizimidagi standartlashtirish bo‘yicha tarmoq texnik qo‘mitalari faoliyatini to‘liq raqamlashtirish hamda ularning ishini muvofiqlashtirish va reytingini yuritish, texnik jihatdan tartibga solish sohasidagi normativ hujjatlarni qabul qilish jarayonlarini avtomatlashtirish.
Izoh:
1. “Texnik tartibga solish” milliy axborot tizimi orqali ko‘rsatiladigan xizmatlar uchun to‘lovlar invoys (hisob-faktura) asosida amalga oshiriladi va kelib tushgan mablag‘lardan:
2 foiz miqdoridagi ajratma — Texnik jihatdan tartibga solish agentligining budjetdan tashqari rivojlantirish jamg‘armasiga;
1 foiz miqdoridagi ajratma — Raqamli texnologiyalar vazirligining Raqamli texnologiyalarni rivojlantirish jamg‘armasiga;
0,5 foiz miqdoridagi ajratma — Elektron hukumatning Yagona billing tizimi orqali tasdiqlangani uchun “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi G‘aznachilik xizmati qo‘mitasidagi maxsus hisobvarag‘iga o‘tkaziladi.
2. O‘zbekiston texnik jihatdan tartibga solish agentligining budjetdan tashqari rivojlantirish jamg‘armasiga kelib tushgan mablag‘lar “Texnik tartibga solish” milliy axborot tizimini texnik jihatdan qo‘llab-quvvatlash, agentlikning moddiy-texnika bazasini mustahkamlash, shu jumladan, raqamli infratuzilmasini rivojlantirish, axborot tizimlari va resurslarini ishlab chiqish hamda texnik qo‘llab-quvvatlash, shuningdek, xodimlarni moddiy rag‘batlantirish bilan bog‘liq xarajatlarga sarflanadi.
Oldingi tahrirga qarang.
O‘zbekiston Respublikasi Prezidentining 2024-yil 28-fevraldagi PQ-91-son qaroriga
5-ILOVA
O‘zbekiston texnik jihatdan tartibga solish agentligining
TASHKILIY TUZILMASI

O‘zbekiston texnik jihatdan tartibga solish agentligi

“O‘zbekiston standartlar instituti” davlat muassasasi

“O‘zbekiston milliy metrologiya instituti” davlat muassasasi

Texnik jihatdan tartibga solish sohasida nazorat inspeksiyasi

Qoraqalpog‘iston Respublikasi, viloyatlar va shaharlardagi filiallar*

(yuridik shaxs maqomiga ega bo‘lmagan)

Qoraqalpog‘iston Respublikasi, viloyatlar va shaharlardagi filiallar*

(yuridik shaxs maqomiga ega bo‘lmagan)

Qoraqalpog‘iston Respublikasi, viloyatlar va Toshkent shahridagi bo‘limlar

(yuridik shaxs maqomiga ega bo‘lmagan)

* Qoraqalpog‘iston Respublikasi, viloyatlar (12 ta) hamda Qo‘qon, Olmaliq, Bekobod va Chirchiq shaharlari filiallari.
(5-ilova O‘zbekiston Respublikasi Prezidentining 2026-yil 16-fevraldagi PF-25-sonli Farmoni tahririda — Qonunchilik ma’lumotlari milliy bazasi, 18.02.2026-y., 06/26/25/0150-son)
Oldingi tahrirga qarang.
O‘zbekiston Respublikasi Prezidentining 2024-yil 28-fevraldagi PQ-91-son qaroriga
6-ILOVA
I. O‘zbekiston texnik jihatdan tartibga solish agentligi xodimlarining mehnatiga haq to‘lash
RAZRYADLARI

Lavozimlar nomi

Yagona tarif setkasi bo‘yicha razryadlar

Direktor

19

Direktorning birinchi o‘rinbosari

18

Direktor o‘rinbosari

17

Direktor maslahatchisi

16

Boshqarma boshlig‘i

15

Boshqarma boshlig‘i o‘rinbosari

15 (-5%)

Bo‘lim boshlig‘i, bosh direktor yordamchisi

14

Bo‘lim boshlig‘i o‘rinbosari, devonxona mudiri

14 (-5%)

Bosh mutaxassis

12

II. O‘zbekiston texnik jihatdan tartibga solish sohasida nazorat inspeksiyasi xodimlarining mehnatiga haq to‘lash
RAZRYADLARI

Lavozimlar nomi

Yagona tarif setkasi bo‘yicha razryadlar

Boshliq

17

Boshliq o‘rinbosari

16

Bo‘lim boshlig‘i

13

Bo‘lim boshlig‘i o‘rinbosari

13 (5%)

Bosh mutaxassis

11

Yetakchi mutaxassis

10

Izoh: Agentlik va Inspeksiya xodimlarining lavozim maoshini aniqlashda tarif koeffitsiyentlari 1,8 baravar oshirilgan miqdorda qo‘llanadi hamda amaldagi uzoq yillik xizmati uchun ustama miqdorlari saqlanib qoladi.
(6-ilovaning matni O‘zbekiston Respublikasi Prezidentining 2024-yil 25-dekabrdagi PQ-455-sonli qarori tahririda — Qonunchilik ma’lumotlari milliy bazasi, 30.12.2024-y., 07/24/455/1092-son. Kuchga kirish sanasi — 2025-yil 1-yanvar)
(Qonunchilik ma’lumotlari milliy bazasi, 29.02.2024-y., 07/24/91/0165-son; 30.12.2024-y., 07/24/455/1092-son; 18.02.2026-y., 06/26/25/0150-son)