|
Hujjat kuchini yo‘qotgan 13.08.2025
|
Oʻzbekiston Respublikasi Adliya vazirining
buyrugʻi
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalarini tasdiqlash toʻgʻrisida
[Oʻzbekiston Respublikasi Adliya vazirligi tomonidan 2023-yil 7-dekabrda roʻyxatdan oʻtkazildi, roʻyxat raqami 3482]
LexUZ sharhiMazkur buyruq Oʻzbekiston Respublikasi adliya vazirining 2025-yil 11-avgustdagi 20-mh-sonli “Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish toʻgʻrisida”gi buyrugʻiga (roʻyxat raqami 3664, 11.08.2025-y.) asosan davlat reyestridan chiqarilgan.
Oʻzbekiston Respublikasining “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonuniga muvofiq buyuraman:
1. Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalari 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Ushbu buyruq rasmiy eʼlon qilingan kundan eʼtiboran kuchga kiradi.
Vazir A. TASHKULOV
Toshkent sh.,
2023-yil 7-dekabr,
21-mh-son
Oʻzbekiston Respublikasi adliya vazirining 2023-yil 7-dekabrdagi 21-mh-son buyrugʻiga
1-ILOVA
1-ILOVA
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalari
Mazkur Qoidalar tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish tartibini belgilaydi.
1-bob. Umumiy qoidalar
1. Mazkur Qoidalarda quyidagi tushunchalar qoʻllaniladi:
Qonun — Oʻzbekiston Respublikasining “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonuni;
Vazirlik — Oʻzbekiston Respublikasi Adliya vazirligi;
Davlat muassasasi — Oʻzbekiston Respublikasi Adliya vazirligi huzuridagi “Intellektual mulk markazi” davlat muassasasi;
talabnoma — tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnoma, shuningdek avval roʻyxatdan oʻtkazilgan tovar kelib chiqqan joy nomidan foydalanish huquqini berish uchun talabnoma;
tovar kelib chiqqan joy nomi — mamlakat, aholi punkti, joy yoki boshqa joʻgʻrofiy obyektning (bundan buyon matnda joʻgʻrofiy obyekt deb yuritiladi) tovarni belgilash uchun ishlatiladigan, uning alohida xususiyatlari tamomila yoki asosan mazkur joʻgʻrofiy obyektga xos tabiiy sharoitlar bilan yoki boshqa omillar yoxud tabiiy sharoitlar va ushbu omillarning birikmasi bilan belgilanadigan nomi;
Reyestr — Tovar kelib chiqqan joy nomlari davlat reyestri.
2-bob. Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish va topshirish
1-§. Talabnoma
2. Tovar kelib chiqqan joy nomi sifatida roʻyxatga olinadigan belgi joʻgʻrofiy obyektning zamonaviy nomi, ushbu obyektning tarixiy nomi yoki ulardan kelib chiqqan nom boʻlishi mumkin.
Tovar kelib chiqqan joy nomi sifatida roʻyxatga olinadigan belgi qoʻshimcha ravishda tovarning turiga oid belgini koʻrsatib turishi mumkin.
3. Tovar kelib chiqqan joy nomi sifatida roʻyxatga olinadigan belgilar, agar ularning alohida xususiyatlari tamomila yoki asosan mazkur joʻgʻrofiy obyektga xos tabiiy sharoitlar bilan yoki boshqa omillar yoxud tabiiy sharoitlar va ushbu omillarning birikmasi bilan belgilanadigan tovarni anglatish uchun ishlatilsa, tovar kelib chiqqan joy nomi sifatida roʻyxatdan oʻtkazilishi mumkin.
4. Qonunning 11-moddasiga muvofiq quyidagi belgilar tovar kelib chiqqan joy nomi sifatida roʻyxatdan oʻtkazilishi mumkin emas:
a) tovar kelib chiqqan joy xususida isteʼmolchini chalgʻitib qoʻyadigan joʻgʻrofiy nom boʻlgan belgilar;
b) tovar kelib chiqqan haqiqiy joyni rasman koʻrsatuvchi, lekin tovar boshqa hududda chiqarilayotganligi haqida yanglish tasavvur beruvchi belgilar;
v) tovar tayyorlangan joy nomi bilan bogʻliq boʻlmagan joʻgʻrofiy nomni anglatuvchi va Oʻzbekiston Respublikasida muayyan turdagi tovar belgisi sifatida umum foydalanishda boʻlgan belgilar;
g) shu turdagi tovarga nisbatan tovar kelib chiqqan joy nomi yoki geografik koʻrsatkich sifatida roʻyxatdan oʻtkazilgan belgilar.
5. Qonunning 8-moddasi birinchi qismiga muvofiq talabnomalarning quyidagi turlari mavjud:
a) tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnoma;
b) avval roʻyxatdan oʻtkazilgan tovar kelib chiqqan joy nomidan foydalanish huquqini berish uchun talabnoma.
6. Qonunning 9-moddasi birinchi qismiga muvofiq tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun beriladigan talabnoma bir tovar kelib chiqqan bir joy nomiga taalluqli boʻlishi lozim.
7. Talabnoma quyidagilarni oʻz ichiga olishi kerak:
a) tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish haqidagi ariza (bundan buyon matnda ariza deb yuritiladi);
b) talabnomada koʻrsatilgan belgi;
v) tovar ishlab chiqarilgan joyni joʻgʻrofiy obyekt chegarasida koʻrsatgan holda tovar kelib chiqqan joy nomini yoki tovar kelib chiqqan joy nomidan foydalanish huquqini roʻyxatdan oʻtkazish yoxud avval roʻyxatdan oʻtkazilgan tovar kelib chiqqan joy nomidan foydalanish huquqini berish soʻralayotgan tovar turining nomi hamda uning alohida xususiyatlari tavsifi.
8. Talabnomaga quyidagilar ilova qilinishi kerak:
a) talabnoma patent vakili orqali berilgan taqdirda talabnoma beruvchining ishonchnomasi;
b) talabnoma beruvchining zikr etilgan joʻgʻrofiy obyektda joylashganligini va alohida xususiyatlari mazkur joʻgʻrofiy obyektga xos tabiiy sharoitlar yoki boshqa omillar bilan yoxud tabiiy sharoitlar va ushbu omillarning birikmasi bilan bogʻliq tovar ishlab chiqarishini tasdiqlovchi hujjatlar;
v) chet ellik talabnoma beruvchining tovar kelib chiqqan joyning talabnomada ifodalangan nomidan tovar kelib chiqqan mamlakatda foydalanish huquqini tasdiqlovchi hujjat.
9. Talabnoma berganlik uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanadi.
Bunda, Oʻzbekiston Respublikasi jismoniy va yuridik shaxslari tomonidan patent boji toʻlanganligi qoʻshimcha hujjat talab qilmasdan Vazirlik tomonidan axborot tizimlari orqali mustaqil ravishda tekshiriladi.
Chet el yuridik va jismoniy shaxslari tomonidan talabnomaga belgilangan miqdorda patent boji toʻlanganligi toʻgʻrisidagi toʻlov hujjati ilova qilinadi.
2-§. Talabnomaning tarkibi
10. Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnoma ushbu Qoidalarning 1-ilovasida keltirilgan shaklga muvofiq topshiriladi.
Avval roʻyxatdan oʻtkazilgan tovar kelib chiqqan joy nomidan foydalanish huquqini berish uchun talabnoma mazkur Qoidalarning 2-ilovasida keltirilgan shaklga muvofiq topshiriladi.
Talabnoma Vazirlikka kelib tushgandan keyin rekvizitlar kiritilishi uchun “Talabnoma” soʻzidan yuqorida joylashgan grafalar talabnoma beruvchi tomonidan toʻldirilmaydi.
Agar maʼlumotlar koʻpligi sababli, ularni tegishli grafalarda toʻliq joylashtirish imkoni boʻlmasa, ular oʻsha shakl boʻyicha qoʻshimcha varaqda keltiriladi va talabnomaning tegishli grafasida “davomi qoʻshimcha varaqda” deb koʻrsatiladi.
11. “Talabnoma beruvchi” grafasida talabnoma beruvchi (talabnoma beruvchilar) toʻgʻrisidagi maʼlumotlar (yuridik shaxsning toʻliq nomi yoki jismoniy shaxsning familiyasi, ismi va otasining ismi) keltiriladi, bunda familiya ismdan avval koʻrsatiladi. Talabnoma beruvchining nomi davlat tilida koʻrsatiladi.
Shuningdek, talabnomada talabnoma beruvchining pochta manzili, shu jumladan mamlakatning rasmiy nomi, telefon va faks raqamlari hamda elektron pochta manzili (agar mavjud boʻlsa) koʻrsatiladi.
12. Oʻz nomlariga tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish va/yoki tovar kelib chiqqan joy nomidan foydalanish huquqini berish soʻralayotgan Oʻzbekiston Respublikasi tashkilotlari uchun Korxona va tashkilotning umumdavlat tasnifi kodi (KTUT kodi) (agar mavjud boʻlsa) koʻrsatiladi. Agar bunday kod mavjud boʻlmasa, talabnomaning tegishli joyida “mavjud emas” deb koʻrsatiladi.
13. Oʻz nomlariga tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish va/yoki tovar kelib chiqqan joy nomidan foydalanish huquqini berish soʻralayotgan Oʻzbekiston Respublikasi hududidan tashqarida yashaydigan (joylashgan) chet el jismoniy (yuridik) shaxslari uchun Butunjahon intellektual mulk tashkilotining (BIMT) ST.3 standarti boʻyicha mamlakat kodi koʻrsatiladi (agar mavjud boʻlsa).
14. “Yozishmalar olib borish uchun manzil” grafasida yozishmalar olib borish uchun pochta indeksi koʻrsatilgan manzil, xat oluvchining ismi yoki nomi, telefon, faks raqamlari va elektron pochta manzili (agar mavjud boʻlsa) koʻrsatiladi. Yozishmalar olib borish uchun manzil sifatida Oʻzbekiston Respublikasida doimiy yashovchi talabnoma beruvchi-jismoniy shaxsning yashash manzili, Oʻzbekiston Respublikasida joylashgan talabnoma beruvchi-yuridik shaxsning joylashgan joyi yoxud Vazirlikda roʻyxatdan oʻtkazilgan patent vakilining manzili koʻrsatilishi mumkin.
15. “Patent vakili” grafasi talabnoma beruvchi tomonidan patent vakili tayinlangan holda toʻldiriladi va u haqidagi maʼlumotlar (familiyasi, ismi, otasining ismi, Vazirlikda roʻyxatdan oʻtkazilgan raqami) keltiriladi.
“Patent vakilining manzili” grafasida patent vakilining pochta indeksi koʻrsatilgan manzili, telefon, faks raqamlari va elektron pochta manzili (agar mavjud boʻlsa) keltiriladi.
16. “Talabnoma berilgan belgi” grafasida talabnoma berilgan belgi odatdagi shriftda yozilgan holda keltiriladi.
17. “Tovar turi yoki muayyan tovar” grafasida Qonunning 9-moddasi ikkinchi qismi beshinchi xatboshisiga muvofiq tovar kelib chiqqan joy nomi uchun moʻljallangan tovar (tovarlar) koʻrsatilishi kerak. Bunda, alohida xususiyatlarga joʻgʻrofiy obyektning (tamomila yoki asosan) tabiiy sharoitlari va/yoki boshqa omillari asosida ega boʻlgan, haqiqatda ishlab chiqarilayotgan tovarlargina koʻrsatilishi lozim.
18. Qonunning 9-moddasi ikkinchi qismi beshinchi xatboshisiga muvofiq taqdim etilayotgan tavsifda belgisi roʻyxatdan oʻtkazilayotgan tovarning oʻziga aynan oʻxshash tovarlardan farqlaydigan alohida xususiyatlari roʻyxati keltiriladi. Bunda, tovarning alohida xususiyatlari ushbu joʻgʻrofiy obyekt uchun xos boʻlgan tabiiy sharoitlar va/yoki boshqa omillarga bogʻliq ekanligi anglashilishi kerak.
Tovarning xususiyatlari umum qabul qilingan maxsus terminologiyaga muvofiq aniq va ravshan taʼriflanishi lozim.
Tavsif axborot koʻrinishida boʻlishi, xususan ushbu joʻgʻrofiy obyektda xom ashyoning, tegishli iqlim, geologik yoki boshqa tabiiy sharoitlarning hamda tovarni anʼanaviy usulda tayyorlay oladigan odamlarning (jamoaning) mavjudligini koʻrsatishi lozim.
19. Maʼdanli suvning alohida xususiyatlarini tavsiflashda ushbu Qoidalarning 8-bandi “b” kichik bandida koʻrsatilgan hujjatlarda tovarning oʻziga xosligini hisobga olgan holda quyidagi maʼlumotlar boʻlishi kerak:
a) organoleptik xususiyatlari (taʼmi, rangi, hidi yoki ushbu xususiyatlarning mavjud emasligi);
b) ion tarkibining qisqacha taʼrifi (“dan” “gacha” oraligʻida berilishi zarur);
v) maʼdanlashganligi;
g) gaz tarkibi, mikroelementlar, radioaktiv elementlar, organik moddalar, faol reaksiyaning va oksidlanish-qaytarilish potensialining taʼrifi;
d) balneologik xususiyatlari.
20. Talabnomada tovar ishlab chiqarilayotgan joy koʻrsatilishi lozim. Tovar ishlab chiqarilayotgan joy joʻgʻrofiy obyektning chegaralarini koʻrsatish yoʻli bilan tavsiflanishi mumkin. Joʻgʻrofiy obyektning chegaralari koordinatalar, joyning tabiiy chegaralari — daryolar, togʻlar, koʻllar koʻrsatilgan holda, maʼmuriy chegaralar, koʻp yillik inshootlar, kommunikatsiyalar yordamida tavsiflanishi mumkin.
21. “Ilova qilinadigan hujjatlar roʻyxati” grafasi tegishli katakchalarda “X” belgisini qoʻyib chiqish orqali va ilova qilinayotgan hujjatlardagi varaqlar soni koʻrsatilgan holda toʻldiriladi. Talabnoma shaklida koʻzda tutilmagan hujjatlar ilova qilinganda, ularning aniq maqsadi “boshqa hujjat” oʻrnida koʻrsatiladi.
22. Qonunning 9-moddasi uchinchi qismi toʻrtinchi xatboshisiga muvofiq talabnomaga ilova qilinadigan hujjatlarda talabnoma beruvchi koʻrsatilgan joʻgʻrofiy obyektda joylashganligi, shuningdek alohida xususiyatlari tamomila yoki asosan mazkur joʻgʻrofiy obyektga xos tabiiy sharoitlar bilan yoki boshqa omillar yoxud tabiiy sharoitlar va ushbu omillarning birikmasi bilan belgilanadigan tovar ishlab chiqarayotganligi tasdiqlangan boʻlishi kerak. Bunda, ushbu hujjatlar tovarni tayyorlovchining nomi tovarni belgilash uchun qoʻllangan joʻgʻrofiy obyektning chegaralarida joylashganini tasdiqlaydigan tashkilot tomonidan taqdim etilishi lozim.
Bunda, mazkur hujjatlar bitta yoki bir nechta tashkilotlar tomonidan taqdim etilishi mumkin (masalan, talabnoma beruvchining yashash yoki joylashgan joyi, shuningdek vakolatli davlat organining tovar ishlab chiqarish chegaralari haqidagi xulosasi yoki tovarning alohida xususiyatlari haqida boshqa tashkilotlarning xulosalari).
23. Qonunning 9-moddasi uchinchi qismi beshinchi xatboshisiga muvofiq xorijiy talabnoma beruvchining talabnoma berilgan tovar kelib chiqqan joy nomiga boʻlgan huquqini tasdiqlaydigan hujjat sifatida tovar kelib chiqqan mamlakatning vakolatli davlat organi tomonidan berilgan, tovar kelib chiqqan joy nomidan foydalanish huquqini tasdiqlovchi hujjat mazkur Qoidalarning 25-bandi talablarini inobatga olgan holda taqdim qilinishi mumkin.
24. Talabnomaning “Imzo” grafasini imzo qoʻyilgan sana koʻrsatilgan holda toʻldirish majburiydir.
Talabnoma talabnoma beruvchi tomonidan imzolanadi. Yuridik shaxs nomidan talabnoma tashkilot rahbari tomonidan uning lavozimi koʻrsatilgan holda imzolanadi.
Talabnoma patent vakili orqali berilganda, talabnoma patent vakili tomonidan imzolanadi.
Imzo imzolovchi shaxsning familiyasi, ismi, otasining ismi koʻrsatilgan holda ochib beriladi.
Talabnomada qoʻshimcha varaqlar mavjud boʻlsa, ular ham xuddi shu tartibda imzolanadi.
3-§. Hujjatlarni taqdim etish
25. Talabnoma berilgan belgini roʻyxatdan oʻtkazish haqidagi ariza davlat tilida taqdim etiladi.
Agar talabnoma hujjatlari xorijiy tilda taqdim etilgan boʻlsa, talabnomaga ularning davlat tilidagi tarjimasi, talabnoma beruvchi yoki patent vakilining imzosi bilan tasdiqlangan holda ilova qilinadi.
Agar xorijiy tildagi talabnoma hujjatlariga ularning tarjimasi ilova qilinmasdan taqdim etilgan boʻlsa, tarjima keyinchalik taqdim etilishi mumkin.
Bunda, xorijiy tilda topshirilgan hujjatlar, agar ularning tarjimalari ushbu xorijiy tildagi hujjatlar kelib tushgan sanadan boshlab ikki oy ichida taqdim qilinsa, hujjatlar Vazirlikka kelib tushgan sanadan boshlab topshirilgan deb hisoblanadi, aks holda hujjatlar, ularning tarjimalari kelib tushgan sanadan boshlab topshirilgan deb hisoblanadi.
4-§. Talabnomani topshirish
26. Talabnoma yuridik va jismoniy shaxslar — talabnoma beruvchilar tomonidan Vazirlikka axborot tizimi orqali topshiriladi.
27. Nomi tovar kelib chiqqan joy nomi sifatida foydalanilayotgan joʻgʻrofiy obyektda joylashgan yuridik va jismoniy shaxslar, agar ular tomonidan ishlab chiqarilayotgan tovarlar Qonunning 5-moddasi talablariga muvofiq boʻlsa, ular Qonunning 6-moddasi ikkinchi, uchinchi va toʻrtinchi qismlariga binoan tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish uchun talabnoma topshirishlari mumkin.
28. Talabnoma bevosita talabnoma beruvchi tomonidan yoki Vazirlikda roʻyxatdan oʻtgan patent vakili orqali topshirilishi mumkin.
Oʻzbekiston Respublikasidan tashqarida doimiy yashovchi jismoniy shaxslar yoki chet ellik yuridik shaxslar yoxud ularning patent vakillari tovar kelib chiqqan joy nomlarini va tovar kelib chiqqan joy nomlaridan foydalanish huquqini roʻyxatdan oʻtkazish ishlarini yuritishni hamda bu ishlar bilan bogʻliq yuridik ahamiyatga molik harakatlarni Vazirlikda roʻyxatdan oʻtgan patent vakillari orqali amalga oshiradilar.
Patent vakili orqali topshirilayotgan talabnomaga talabnoma beruvchi tomonidan berilgan va uning vakolatlarini tasdiqlaydigan ishonchnoma yoxud ishonchnomaning qonunchilik hujjatlariga muvofiq rasmiylashtirilgan nusxasi ilova qilinadi.
Vazirlik va Davlat muassasasi oldida vakillik qilish uchun Oʻzbekiston Respublikasida rasmiylashtiriladigan ishonchnoma oddiy yozma shaklda tuziladi va notarial tarzda tasdiqlanishi talab etilmaydi.
Ishonchnoma talabnoma bilan bir vaqtda yoki talabnoma kelib tushgan sanadan boshlab ikki oydan kechiktirmay taqdim etiladi.
Oʻzbekiston Respublikasidan tashqarida yashaydigan jismoniy shaxsga yoki chet el yuridik shaxsiga vakillik qilish uchun Vazirlikda roʻyxatdan oʻtkazilgan patent vakiliga ushbu jismoniy yoki yuridik shaxsning oʻzi tomonidan yoxud ularning patent vakili tomonidan ishonchnoma yoki ishonchnomaning qonunchilik hujjatlariga muvofiq rasmiylashtirilgan nusxasi berilishi mumkin.
Agar ishonchnoma Vazirlikda roʻyxatdan oʻtkazilgan bir nechta patent vakillari nomiga berilgan boʻlsa, u holda talabnoma boʻyicha tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazishga oid ishlar ushbu patent vakillarining istalgan bittasi tomonidan olib borilishi mumkin.
Patent vakilining har bir harakati talabnoma beruvchining harakati sifatida baholanadi.
3-bob. Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish va avval roʻyxatdan oʻtkazilgan tovar kelib chiqqan joy nomidan foydalanish huquqini berish boʻyicha ishlarni olib borish
1-§. Vakil tayinlash
29. Talabnoma topshirilgandan keyin u boʻyicha ishlarni olib borish va talabnomani koʻrib chiqish davomida oʻz manfaatlarini himoya qilish uchun talabnoma beruvchi ishonchnoma bergan holda vakil tayinlashi mumkin.
Vazirlikda roʻyxatdan oʻtkazilgan patent vakillari yuridik va jismoniy shaxslarning, shu jumladan Oʻzbekiston Respublikasidan tashqarida yashaydigan jismoniy shaxslar yoki chet el yuridik shaxslarining vakili boʻlishi mumkin.
30. Vakillik qilish uchun ishonchnoma talabnoma topshirilayotgan vaqtda yoki ish yuritish davomida taqdim etilishi mumkin. Ishonchnoma talabnoma hujjatlariga qoʻshib qoʻyiladi.
31. Vakilning ishonchnoma topshirilgunga qadar amalga oshirgan harakatlari haqiqiy emas deb hisoblanadi va ekspertiza jarayonida inobatga olinmaydi. Vakilning unga taqdim etilgan vakolatlari doirasidagi har qanday harakati yoki Davlat muassasasining unga nisbatan har qanday harakati talabnoma beruvchining harakati yoki talabnoma beruvchiga nisbatan harakat sifatida baholanadi.
32. Vakil ishonchnomada koʻrsatilgan vakolatlaridan ishonchnomaning amal qilish muddati tugagunga qadar foydalanadi. Ishonchnomada koʻrsatilgan vakolatlarni muddatidan avval toʻxtatish talabnoma beruvchi tomonidan Vazirlikka tegishli ariza berish (ishonchnomani chaqirib olish) yoʻli bilan amalga oshirilishi mumkin.
2-§. Vazirlik va Davlat muassasasi bilan yozishmalar olib borish
33. Yozishmalar talabnoma beruvchi yoki uning vakili tomonidan har bir talabnoma boʻyicha alohida olib boriladi.
Talabnoma topshirilgandan keyin taqdim etiladigan materiallarda talabnoma raqami koʻrsatilishi va ularda talabnoma beruvchi yoki uning vakilining imzosi boʻlishi shart. Talabnoma raqami koʻrsatilmagan materiallar koʻrib chiqilmasdan qaytarib yuboriladi.
34. Vazirlik va Davlat muassasasi bilan yozishmalar davlat tilida olib boriladi. Talabnoma beruvchi tomonidan xorijiy tilda taqdim etilgan hujjatlarga ularning davlat tilidagi tarjimasi talabnoma beruvchi yoki patent vakilining imzosi bilan tasdiqlangan holda ilova qilinadi.
3-§. Muddatlar
35. Yillarda ifodalangan har qanday muddat keyingi keladigan yilda, muddatni hisoblash boshlangan oy nomi va kun raqami qanday boʻlsa, xuddi shu nomli oyda va oʻsha kunda tugaydi, bunda agar keyingi tegishli oy oʻsha raqamli kunga ega boʻlmasa, muddat ushbu oyning oxirgi kunida tugaydi.
36. Oylarda ifodalangan har qanday muddat keyingi keladigan oyda va muddatni hisoblash boshlangan kun raqami nechanchi boʻlsa, oʻsha kunda tugaydi, bunda agar tegishli oy oʻsha raqamli kunga ega boʻlmasa, muddat ushbu oyning oxirgi kunida tugaydi.
37. Kunlarda ifodalangan har qanday muddat koʻrib chiqilayotgan kunning keyingisidan hisoblanib, soʻnggi kunning oxirida tugaydi.
38. Agar Vazirlik va Davlat muassasasiga xat-hujjatlar kelib tushishi uchun yoki patent boji toʻlanishi uchun belgilangan muddatning oxirgi kuni ish kuni boʻlmagan kunga toʻgʻri kelsa, ushbu muddat keyingi ish kunigacha uzaytiriladi.
4-§. Talabnoma hujjatlariga oʻzgartirishlar kiritish
39. Talabnoma beruvchi oʻz tashabbusiga koʻra talabnoma ekspertizasi oʻtkazilayotgan davrda qaror qabul qilingunga qadar talabnoma hujjatlariga oʻzgartirishlar (qoʻshimchalar, tuzatishlar va aniqliklar) kiritishi mumkin.
Talabnoma hujjatlariga oʻzgartirishlar (qoʻshimchalar, tuzatishlar va aniqliklar) kiritish talabnoma beruvchi tomonidan mazkur Qoidalarning 3 va 4-ilovalarida keltirilgan shakllarga muvofiq tegishli arizani axborot tizimi orqali Vazirlikka topshirish yoʻli bilan amalga oshiriladi.
Talabnoma beruvchi-yuridik shaxsning nomi yoki talabnoma beruvchi-jismoniy shaxsning familiyasi, ismi, otasining ismi oʻzgargan taqdirda, Vazirlikka ushbu oʻzgarishlarni tasdiqlaydigan hujjat taqdim etilishi kerak.
40. Talabnoma beruvchi arizani koʻrib chiqish natijalari toʻgʻrisida ariza kelib tushgan kundan boshlab 10 kun ichida xabardor qilinadi.
41. Talabnoma hujjatlariga oʻzgartirishlar (qoʻshimchalar, tuzatishlar va aniqliklar) kiritish haqidagi arizani koʻrib chiqqanlik uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanadi. Belgilangan miqdordagi davlat boji toʻlanmagan taqdirda yuridik ahamiyatga molik harakatlar amalga oshirilmay turiladi va bu haqda talabnoma beruvchiga bildirishnoma yuboriladi.
Bunda, talabnoma beruvchi oʻziga Davlat muassasasi tomonidan bildirishnoma yuborilgan sanadan boshlab uch oy mobaynida davlat bojining yetmayotgan qismini toʻlashi mumkin.
42. Talabnoma beruvchi tomonidan taqdim etilgan qoʻshimcha hujjatlar mazkur Qoidalarning 94 — 97-bandlariga muvofiq koʻrib chiqiladi.
5-§. Talabnoma materiallari bilan tanishish
43. Talabnoma beruvchi (yoki uning vakili) topshirilgan talabnoma va unga oid hujjatlar bilan oldindan Davlat muassasasi bilan kuni va soatini kelishgan holda bevosita Davlat muassasasining oʻzida yoki talabnoma hujjatlarining yoxud ularning biror qismining nusxasini soʻrab olish yoʻli bilan tanishishi mumkin.
44. Tergov uchun zarur boʻlgan hollarda talabnoma hujjatlari huquqni muhofaza qiluvchi organlarga tanishish uchun bepul taqdim etiladi.
6-§. Talabnomani koʻrib chiqish jarayonida ekspertiza hujjatlari bilan tanishish
45. Talabnoma beruvchi ekspertiza oʻtkazish jarayonidagi hujjatlar bilan tanishish huquqiga ega.
46. Talabnoma beruvchiga u tomonidan soʻralgan ekspertiza oʻtkazish jarayonidagi hujjatlarning nusxalari yuboriladi.
7-§. Talabnomani talabnoma beruvchining ishtirokida koʻrib chiqish
47. Talabnoma bilan bogʻliq masalalar, jumladan, talabnoma berilgan belgi, u bilan belgilanishi moʻljallangan tovar, tovarning alohida xususiyatlari hamda uning joʻgʻrofiy obyekt tabiiy sharoitlari yoki boshqa omillari yoxud bir vaqtning oʻzida tabiiy sharoitlar va boshqa omillarga bogʻliqligi boʻyicha qoʻshimcha tushuntirishlar olish va talabnoma berilgan belgining muhofaza qilishga yaroqliligi, tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish imkoniyati boʻyicha ekspertizaning va talabnoma beruvchining pozitsiyasini aniqlash maqsadida talabnoma beruvchi (yoki uning vakili) ishtirokida koʻrib chiqiladi.
48. Talabnoma Davlat muassasasining taklifiga yoki talabnoma beruvchining iltimosiga koʻra talabnoma beruvchining ishtirokida koʻrib chiqiladi. Bunda, talabnoma boʻyicha ekspertizaning savollari Davlat muassasasining taklifida, talabnoma beruvchining savollari esa uning iltimosnomasida bayon qilinishi mumkin.
49. Talabnomani talabnoma beruvchining ishtirokida koʻrib chiqish sanasi va vaqti oldindan kelishib olinadi. Bunda, talabnoma beruvchi belgilangan vaqtda talabnomani koʻrib chiqishda qatnasha olmasligi maʼlum boʻlsa, darhol Davlat muassasasini bu haqda xabardor qiladi.
Talabnoma beruvchining vakili ushbu Qoidalarning 28 — 32-bandlarida belgilangan talablar bajarilgan taqdirda talabnomani koʻrib chiqishda ishtirok etishi mumkin.
8-§. Talabnoma beruvchi tomonidan qoʻshimcha hujjatlarni taqdim etish muddatini uzaytirish
50. Davlat muassasasining soʻrovnomasiga koʻra talabnoma beruvchi tomonidan qoʻshimcha hujjatlar, unga soʻrovnoma yuborilgan sanadan eʼtiboran uch oy ichida Davlat muassasasiga taqdim etilishi lozim. Bunda, hujjatlarni taqdim etish muddati talabnoma beruvchining yozma iltimosnomasiga koʻra uzaytirilishi mumkin.
51. Talabnoma beruvchining muddatni uzaytirish toʻgʻrisidagi iltimosnomasini koʻrib chiqqanlik uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanadi.
52. Talabnoma beruvchining muddatni uzaytirish haqidagi iltimosnomasi talabnoma beruvchiga Davlat muassasasi tomonidan soʻrovnoma yuborilgan sanadan eʼtiboran uch oy ichida Davlat muassasasiga topshirilishi kerak.
53. Davlat muassasasi tomonidan talabnoma beruvchiga soʻrovnoma asosida soʻralgan hujjatlarni taqdim etish muddati uzaytirilganligi toʻgʻrisida bildirishnoma yuboriladi.
54. Agar talabnoma beruvchining muddatni uzaytirish haqidagi iltimosnomasi ushbu Qoidalarning 52-bandida belgilangan muddat buzilgan holda berilgan boʻlsa, shuningdek patent boji toʻlanmagan boʻlsa yoki toʻlangan patent boji summasi Oʻzbekiston Respublikasining “Davlat boji toʻgʻrisida”gi Qonunida belgilangan miqdordan kam boʻlsa, soʻrovnoma asosida soʻralgan hujjatlarni taqdim etish muddati uzaytirilmaydi. Bunda, talabnoma beruvchiga uning iltimosi rad etilganligi haqida bildirishnoma yuboriladi.
9-§. Oʻtkazib yuborilgan muddatlarni tiklash
55. Talabnoma beruvchi tomonidan oʻtkazib yuborilgan quyidagi muddatlar tiklanishi mumkin:
a) ekspertiza soʻrovnomasi boʻyicha qoʻshimcha materiallarni taqdim etish muddati;
b) ekspertiza soʻrovnomasiga javob berish muddati.
56. Oʻtkazib yuborilgan muddatni tiklash toʻgʻrisidagi iltimosnoma talabnoma beruvchi tomonidan muddat oʻtib ketgan kundan eʼtiboran ikki oy mobaynida muddat oʻtkazib yuborilganligining sabablari koʻrsatilgan holda Davlat muassasasiga topshiriladi.
57. Talabnoma beruvchining oʻtkazib yuborilgan muddatni tiklash haqidagi iltimosnomasini koʻrib chiqqanlik uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlanadi.
58. Davlat muassasasi tomonidan talabnoma beruvchiga oʻtkazib yuborilgan muddat tiklanganligi toʻgʻrisida xabarnoma yuboriladi.
59. Ushbu Qoidalarning 56 va 57-bandlarida koʻrsatilgan talablardan aqalli bittasi bajarilmagan taqdirda, iltimosnoma qondirilmaydi va bu haqda talabnoma beruvchiga xabarnoma yuboriladi.
10-§. Talabnoma beruvchi tomonidan talabnomaning chaqirib olinishi
60. Qonunning 17-moddasiga muvofiq talabnoma beruvchi talabnomani chaqirib olish huquqiga ega.
61. Talabnomani chaqirib olish toʻgʻrisidagi ariza talabnoma koʻrib chiqishning istalgan bosqichida, biroq tovar kelib chiqqan joy nomi va undan foydalanish huquqi roʻyxatga olingan sanadan yoki tovar kelib chiqqan joy nomidan foydalanish huquqini berish masalasi hal etilgan sanadan kechikmay topshirilishi mumkin.
Davlat muassasasi tomonidan talabnoma beruvchiga uning talabnomani chaqirib olish toʻgʻrisidagi arizasi qabul qilinganligi haqidagi bildirishnoma yuborilgan sanadan eʼtiboran talabnoma chaqirib olingan hisoblanadi.
62. Chaqirib olingan talabnoma boʻyicha yuridik ahamiyatga molik harakatlar amalga oshirilmaydi (xususan, bunday talabnoma ekspertizasi oʻtkazilmaydi, tovar kelib chiqqan joy nomi va undan foydalanish huquqi roʻyxatga olinmaydi va/yoki tovar kelib chiqqan joy nomidan foydalanish huquqi taqdim etilmaydi). Boshqa talabnomalarning ekspertizasini oʻtkazishda chaqirib olingan talabnoma eʼtiborga olinmaydi.
4-bob. Talabnomani koʻrib chiqish
1-§. Kelib tushgan talabnomani roʻyxatga olish
63. Vazirlikka kelib tushgan talabnoma hujjatlari, agar ushbu hujjatlar tarkibida kamida davlat tilida topshirilgan tovar kelib chiqqan joy nomini va undan foydalanish huquqini roʻyxatdan oʻtkazish toʻgʻrisidagi ariza yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish toʻgʻrisidagi ariza mavjud boʻlsa, shuningdek talabnoma boʻyicha Oʻzbekiston Respublikasining “Davlat boji toʻgʻrisida”gi Qonunida belgilangan miqdorda patent boji toʻlangan boʻlsa, ular kelib tushgan sana koʻrsatilgan holda roʻyxatga olinadi.
64. Talabnomaga Vazirlikning uchta harfli va sakkiz xonali raqamli koddan iborat qayd raqami beriladi.
Koddagi birinchi harf (J) sanoat mulki obyektining turini — tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berishni, keyingi ikki harf (GU) muhofaza hujjatining turini — tovar kelib chiqqan joy nomini va undan foydalanish huquqini roʻyxatdan oʻtkazish haqidagi guvohnomani yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish haqidagi guvohnomani bildiradi.
Talabnoma raqamidagi sonlar talabnoma topshirilgan yilni (katta razryaddagi toʻrtta son) va shu yilda kelib tushgan talabnomalar seriyasidagi tartib raqamini bildiradi (kichik razryadli toʻrtta son). Har bir yil seriyasidagi tartib raqam 1 (bir)dan boshlanadi.
65. Roʻyxatga olingan talabnoma qaytarilmaydi.
66. Talabnoma toʻgʻrisidagi maʼlumotlar, talabnoma Vazirlikka kelib tushgandan boshlab eʼlon qilingunga qadar boʻlgan muddat davomida maxfiy hisoblanadi va oshkor qilinmaydi.
2-§. Rasmiy ekspertiza
67. Qonunning 14-moddasi birinchi qismiga muvofiq rasmiy ekspertizaning oʻtkazilish muddati talabnoma Vazirlikka kelib tushgan sanadan boshlab 30 kunni tashkil qiladi. Talabnoma beruvchiga mazkur Qoidalarga muvofiq soʻrovnoma yuborilgan taqdirda, bu muddat soʻrovnomada nazarda tutilgan talab bajarilgunga qadar boʻlgan muddatga mutanosib ravishda uzaytiriladi.
68. Rasmiy ekspertizani oʻtkazish mobaynida talabnoma hujjatlarining tarkibi, hujjatlarning mavjudligi, shuningdek ularning mazkur Qoidalarda belgilangan talablarga muvofiqligi tekshiriladi. Bunda, Davlat muassasasi tomonidan ushbu tekshirish natijalari boʻyicha talabnomani koʻrib chiqishga qabul qilish yoki qabul qilishni rad etish haqida qaror qabul qilinadi.
69. Rasmiy ekspertizani oʻtkazishda talabnoma beruvchi tomonidan taqdim etilgan hujjatlar ichida quyidagilarning mavjudligi va ularning mazkur Qoidalarda belgilangan talablarga muvofiqligi tekshiriladi:
a) tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish toʻgʻrisidagi ariza;
b) talabnoma beruvchining rasmiy nomi (yuridik shaxs uchun) yoki ismi, familiyasi, otasining ismi (jismoniy shaxs uchun) hamda manzilining koʻrsatilganligi;
v) patent vakilining (agar talabnoma u tomonidan berilgan boʻlsa) ismi, familiyasi, otasining ismi va manzili;
g) talabnomada roʻyxatdan oʻtkazish soʻralayotgan belgi;
d) tovarni belgilash uchun tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish soʻralayotgan tovarning turi (bunda, tovar ishlab chiqarilayotgan joy (joʻgʻrofiy obyektning chegaralari) koʻrsatiladi);
e) tovarning alohida xususiyatlari tavsifi;
j) patent vakiliga berilgan ishonchnoma (yoki uning qonunchilik hujjatlariga muvofiq rasmiylashtirilgan nusxasi);
z) talabnoma beruvchi koʻrsatilgan joʻgʻrofiy obyektda joylashganligi va alohida xususiyatlari tamomila yoki asosan mazkur joʻgʻrofiy obyektga xos tabiiy sharoitlar bilan yoki boshqa omillar yoxud tabiiy sharoitlar va ushbu omillarning birikmasi bilan belgilanadigan tovar ishlab chiqarayotganligini tasdiqlovchi hujjat;
i) xorijiy talabnoma beruvchining tovar kelib chiqqan mamlakatda uning tomonidan talabnoma berilgan tovar kelib chiqqan joy nomiga boʻlgan huquqini tasdiqlaydigan hujjat;
k) xorijiy tilda topshirilgan hujjatlarning talabnomaga ilova qilingan davlat tilidagi tarjimasi.
70. Rasmiy ekspertizani oʻtkazishda ushbu Qoidalarning 69-bandida koʻrsatilgan hujjatlar va maʼlumotlarning mavjudligi hamda ushbu 69-bandning “a”, “b”, “g”, “d” va “e” kichik bandlarida sanab oʻtilgan hujjatlarning ushbu Qoidalarda belgilangan talablarga muvofiqligi tekshiriladi.
71. Talabnoma topshirilgan sana ushbu Qoidalarning 69-bandi “a”, “b”, “g”, “d” va “e” kichik bandlarida sanab oʻtilgan hujjatlar va maʼlumotlar kelib tushgan sana yoki, agar ushbu hujjatlar va maʼlumotlarning hammasi bir vaqtda taqdim etilmagan boʻlsa, oxirgi hujjat yoki maʼlumot kelib tushgan sana boʻyicha belgilanadi.
72. Xorijiy tilda topshirilgan talabnoma hujjatlarining davlat tilidagi tarjimasi (ushbu Qoidalarning 69-bandi “k” kichik bandi) taqdim etilmagunga qadar, talabnoma beruvchi tomonidan hujjatlar topshirilmagan deb hisoblanadi.
73. Agar rasmiy ekspertiza oʻtkazish jarayonida talabnoma hujjatlari ushbu Qoidalarda belgilangan talablarga rioya qilinmasdan rasmiylashtirilganligi aniqlansa, bu holda talabnoma beruvchiga Qonunning 13-moddasi beshinchi qismiga muvofiq aniqlangan kamchiliklar koʻrsatilgan soʻrovnoma yuboriladi va talabnoma beruvchiga soʻrovnoma joʻnatilgan sanadan eʼtiboran uch oy ichida yetishmagan yoki tuzatilgan hujjatlar va/yoki maʼlumotlarni taqdim etish taklif qilinadi.
74. Agar talabnoma beruvchi tomonidan taqdim etilgan javobda soʻralgan barcha maʼlumotlar va/yoki hujjatlar boʻlmasa, unga qayta soʻrovnoma yuborilishi mumkin.
Rasmiy ekspertiza soʻroviga javob olinmagan, javob berish uchun belgilangan muddat buzilgan va bu muddat ichida uni uzaytirish haqidagi iltimosnoma taqdim etilmagan boʻlsa, talabnoma beruvchiga Davlat muassasasi tomonidan talabnomani koʻrib chiqish uchun qabul qilish rad etilganligi toʻgʻrisida qaror yuboriladi.
75. Talabnoma materiallari belgilangan talablarga muvofiq boʻlgan, shuningdek soʻralgan maʼlumotlar talabnoma beruvchi tomonidan oʻz vaqtida taqdim etilgan boʻlsa, talabnoma topshirilgan sana belgilanadi va talabnoma beruvchiga Davlat muassasasi tomonidan ushbu sanadan eʼtiboran talabnoma koʻrib chiqishga qabul qilinganligi toʻgʻrisidagi qaror yuboriladi.
Bunda, talabnomaning koʻrib chiqishga qabul qilinganligi toʻgʻrisidagi qarorda talabnoma beruvchi Qonun va ushbu Qoidalarda koʻzda tutilgan boshqa maʼlumotlar va/yoki hujjatlarni taqdim etishiga zaruriyat boʻlishi mumkinligi haqida yozuv kiritilishi mumkin.
76. Agar rasmiy ekspertizaning takroriy soʻrovnomasiga ham talabnoma beruvchi tomonidan taqdim etilgan javobda soʻralgan maʼlumotlar va/yoki hujjatlar boʻlmasa, Davlat muassasasi tomonidan talabnomani koʻrib chiqishga qabul qilishni rad etish toʻgʻrisidagi qaror qabul qilinadi.
77. Talabnomani koʻrib chiqishga qabul qilishni rad etish toʻgʻrisidagi qarorda bunday qarorni qabul qilish uchun asoslar koʻrsatiladi.
3-§. Talabnoma berilgan belgining ekspertizasi
78. Tovar kelib chiqqan joy nomini roʻyxatdan oʻtkazish va (yoki) tovar kelib chiqqan joy nomidan foydalanish huquqini berishda talabnoma berilgan belgining ekspertizasi oʻtkazilib, bunda uning Qonunning 6 va 11-moddalari qoidalariga muvofiqligi tekshiriladi.
Talabnoma berilgan belgining ekspertizasi natijalari boʻyicha Davlat muassasasi tomonidan tovar kelib chiqqan joy nomini va undan foydalanish huquqini roʻyxatdan oʻtkazish toʻgʻrisidagi yoki tovar kelib chiqqan joy nomini va undan foydalanish huquqini roʻyxatdan oʻtkazishni rad etish toʻgʻrisidagi qaror yoxud avval roʻyxatdan oʻtkazilgan tovar kelib chiqqan joy nomidan foydalanish huquqini berish yoki undan foydalanish huquqini berishni rad etish toʻgʻrisidagi qaror qabul qilinadi.
79. Talabnoma berilgan belgining ekspertizasi koʻrib chiqishga qabul qilingan talabnomalar boʻyicha rasmiy ekspertiza oʻtkazilgandan soʻng amalga oshiriladi.
80. Talabnoma berilgan belgining ekspertizasini oʻtkazish davomida quyidagilar tekshiriladi:
a) talabnomaning oʻzi va unga ilova qilingan hujjatlarning mazmuni va rasmiylashtirish tartibi ushbu Qoidalarning 5 — 25-bandlari bilan talabnoma hujjatlariga qoʻyiladigan talablarga muvofiqligi, bundan tekshiruvi rasmiy ekspertiza davomida amalga oshiriladigan talabnoma hujjatlari mustasno (ushbu Qoidalarning 70 — 73-bandlari);
b) talabnoma berilgan belgining Qonunning 5 va 11-moddalarida unga nisbatan oʻrnatilgan talablarga muvofiqligi;
v) talabnoma beruvchining koʻrsatilgan joʻgʻrofiy obyektda joylashganligini va alohida xususiyatlari mazkur joʻgʻrofiy obyektga xos tabiiy sharoitlar bilan yoki boshqa omillar yoxud tabiiy sharoitlar va boshqa omillarning birikmasi bilan belgilanadigan tovar ishlab chiqarayotganligini tasdiqlovchi hujjatning mavjudligi va mazmuni;
g) agar talabnoma berilgan belgi tovar kelib chiqqan joy nomi sifatida roʻyxatdan oʻtkazilgan boʻlsa, tovarni belgilash uchun tovar kelib chiqqan joy nomidan foydalanish huquqi berilishi soʻralayotgan tovarga xos alohida xususiyatlar tavsifining Reyestrdagi maʼlumotlarga muvofiqligi.
81. Talabnoma berilgan belgining Qonunning 5-moddasida tovar kelib chiqqan joy nomiga nisbatan belgilangan talablarga muvofiqligini aniqlashda quyidagilar tekshiriladi:
a) talabnoma berilgan belgining joʻgʻrofiy obyektning zamonaviy rasmiy nomiga yoki tarixiy nomiga muvofiqligi (ushbu Qoidalarning 5-bandini eʼtiborga olgan holda);
b) talabnomada nomi tovar kelib chiqqan joy nomi sifatida keltirilayotgan joʻgʻrofiy obyektning chegaralari aynan oʻsha yerda joylashganligini tasdiqlaydigan maʼlumotlarning mavjudligi;
v) talabnoma topshirilgan sanada joʻgʻrofiy obyekt nomi ushbu joʻgʻrofiy obyektning tabiiy sharoitlari va/yoki boshqa omillari bilan belgilangan alohida xususiyatlariga ega boʻlgan tovarni aniqlashtirish uchun qoʻllanadigan belgi sifatida mavjudligi;
g) agar joʻgʻrofiy obyektning nomi avval tovarni individuallashtirish uchun qoʻllangan boʻlib, biroq talabnoma topshirilgan vaqtga kelib tovarning haqiqatdan ham kelib chiqqan joyi va alohida xususiyatlarini koʻrsatuvchi dastlabki qobiliyatini yoʻqotgan boʻlsa, bu holda u Oʻzbekistonda tayyorlanish joyi bilan bogʻliq boʻlmagan maʼlum turdagi (tur tushunchasi) tovarning belgisi sifatida umumisteʼmolga kirgan belgi deb hisoblanishi;
d) tovar kelib chiqqan joy nomi va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish soʻralayotgan tovarning koʻrsatilganligi (bunda, u ishlab chiqarilgan joy (joʻgʻrofiy obyekt chegaralari) koʻrsatiladi);
e) tovarning alohida xususiyatlari tavsifining mavjudligi va ularning tasdiqlovchi hujjatlarga muvofiqligi.
82. Vakolatli tashkilotlar tomonidan taqdim etilgan tasdiqlovchi hujjatlarning mazmuni tekshirilayotganda, ularda quyidagi maʼlumotlarning mavjudligi aniqlanadi:
a) talabnoma beruvchining, nomi tovar kelib chiqqan joy nomi sifatida talabnoma berilayotgan joyda ekanligi;
b) talabnomada koʻrsatilgan tovarning talabnoma beruvchi tomonidan, nomi tovar kelib chiqqan joy nomi sifatida talabnoma berilgan joy hududida ishlab chiqarilganligi;
v) talabnoma beruvchi tomonidan ishlab chiqarilayotgan tovarda talabnomada koʻrsatilgan joʻgʻrofiy obyektning tamomila yoki asosan tabiiy sharoitlari va/yoki boshqa omillar tufayli ega boʻlgan alohida xususiyatlarning mavjudligi.
83. Tovarning alohida xususiyatlari tavsifi vakolatli tashkilot tomonidan taqdim etilgan tasdiqlovchi hujjatga muvofiq boʻlishi va ushbu hujjat talabnomaga Qonunning 9-moddasi uchinchi qismida koʻzda tutilgan holda ilova qilingan boʻlishi lozim.
84. Talabnoma hujjatlari Qonunda oʻrnatilgan talablarga mos kelmagan hollarda, talabnoma beruvchiga aniqlangan kamchiliklar koʻrsatilgan soʻrovnoma yuborilib, unda soʻrovnoma joʻnatilgan sanadan eʼtiboran uch oy mobaynida yetishmagan yoki tuzatilgan hujjatlar va/yoki maʼlumotlarni taqdim etish taklif qilinadi.
85. Talabnoma beruvchiga soʻrovnoma yuborish uchun quyidagilar asos boʻlishi mumkin:
a) talabnoma berilgan belgini aniqlash zaruriyati;
v) tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish soʻralayotgan tovar turini aniqlash zaruriyati;
g) tovar kelib chiqqan joy nomini va undan foydalanish huquqini roʻyxatdan oʻtkazish yoki avval roʻyxatdan oʻtkazilgan tovar kelib chiqqan joy nomidan foydalanish huquqini berish soʻralayotgan tovarning ishlab chiqarilayotgan joyini aniqlash zaruriyati;
d) talabnomada koʻrsatilgan tovarning alohida xususiyatlari tavsifini aniqlash zaruriyati;
e) ushbu Qoidalarning 80-bandi “v” kichik bandida koʻrsatilgan maʼlumotlarga, xususan tovarda alohida xususiyatlar mavjudligini, ularning talabnomada koʻrsatilgan joʻgʻrofiy obyektga xos tabiiy sharoitlar va/yoki boshqa omillarga bogʻliqligini tasdiqlaydigan maʼlumotlarga aniqlik kiritish zaruriyati.
86. Ushbu Qoidalarning 85-bandida koʻrsatilgan asoslarga koʻra talabnoma beruvchiga yuborilayotgan soʻrovnomaga, shu jumladan talabnomani koʻrib chiqishda paydo boʻladigan boshqa turdagi savollar va takliflar ham kiritilishi mumkin.
Talabnoma berilgan belgining ekspertizasi boʻyicha soʻrovnomada biron-bir savol keltirilganda u Qonun va ushbu Qoidalarga asoslangan boʻlishi lozim.
87. Talabnoma berilgan belgining ekspertizasi soʻrovnomasi boʻyicha talabnoma beruvchi tomonidan taqdim etilgan qoʻshimcha materiallar ushbu Qoidalarning 94 — 97-bandlariga muvofiq koʻrib chiqiladi.
88. Agar talabnoma beruvchi soʻrovnomada soʻralgan materiallarni yoki ularni taqdim etish muddatini uzaytirish haqidagi iltimosnomani ushbu Qoidalarda belgilangan muddatda va shartlarga rioya qilgan holda taqdim etmasa, talabnoma chaqirib olingan deb hisoblanadi va bu haqda talabnoma beruvchiga xabarnoma yuboriladi. Bunda, talabnoma boʻyicha ish yuritish toʻxtatiladi.
Mazkur Qoidalarning 55 — 59-bandlariga asosan oʻtkazib yuborilgan muddat Davlat muassasasi tomonidan tiklansa, bu holda ish yuritish davom ettiriladi.
89. Talabnoma berilgan belgining Qonunning 5-moddasida belgilangan talablarga muvofiqligi aniqlansa, Davlat muassasasi tomonidan tovar kelib chiqqan joy nomini va undan foydalanish huquqini roʻyxatdan oʻtkazish haqida qaror qabul qilinadi.
90. Talabnoma berilgan belgining Qonunning 5-moddasida belgilangan talablarga muvofiqligi aniqlangan vaqtda, ushbu belgining Reyestrda roʻyxatdan oʻtkazilganligi haqidagi qayd mavjud boʻlsa, Davlat muassasasi tomonidan avval roʻyxatdan oʻtkazilgan tovar kelib chiqqan joy nomidan foydalanish huquqini berish haqidagi qaror qabul qilinadi.
91. Agar oʻtkazilgan ekspertiza natijasida talabnoma berilgan belgi Qonunning 5-moddasida koʻzda tutilgan talablarga mos kelmasligi aniqlangan boʻlsa, bu holda Davlat muassasasi tomonidan tovar kelib chiqqan joy nomini va undan foydalanish huquqini roʻyxatdan oʻtkazish yoki tovar kelib chiqqan joy nomidan foydalanish huquqini berishni rad etish haqida qaror qabul qilinadi.
92. Agar oʻtkazilgan ekspertiza natijasida talabnoma berilgan belgining Qonunning 5-moddasi va 6-moddasi toʻrtinchi qismida koʻzda tutilgan talablarga mos kelmasligi aniqlangan vaqtda, ushbu belgining Reyestrda roʻyxatdan oʻtkazilganligi haqidagi qayd mavjud boʻlsa, avval roʻyxatdan oʻtkazilgan tovar kelib chiqqan joy nomidan foydalanish huquqini berishni rad etish haqidagi qaror qabul qilinadi.
93. Tovar kelib chiqqan joy nomini va undan foydalanish huquqini roʻyxatdan oʻtkazishni yoki avval roʻyxatdan oʻtkazilgan tovar kelib chiqqan joy nomidan foydalanish huquqini berishni rad etish haqidagi qarorlarda ushbu qarorlarni qabul qilishga asos boʻlgan sabablar keltiriladi.
4-§. Qoʻshimcha materiallarni tekshirish
94. Davlat muassasasining soʻrovnomasi boʻyicha talabnoma beruvchi tomonidan taqdim etilgan qoʻshimcha materiallarni tekshirishda ularni taqdim etish uchun belgilangan muddatlarga rioya qilinganligi tekshiriladi.
95. Talabnoma beruvchi tomonidan oʻz tashabbusiga koʻra yoki Davlat muassasasining soʻrovnomasi boʻyicha taqdim etilgan qoʻshimcha materiallarning talabnoma mohiyatini oʻzgartirmasligi tekshiriladi.
96. Quyidagi hollarda qoʻshimcha materiallar talabnoma mohiyatini oʻzgartiradi deb eʼtirof etiladi, agar ularda, jumladan:
a) tasdiqlovchi hujjatlarga koʻra ushbu tovar ega boʻlmagan xususiyatlar koʻrsatilgan boʻlsa;
b) talabnoma berilgan belgi tovar kelib chiqqan joy nomi uchun moʻljallangan tovarning nomini oʻz ichiga olganda, boshqa tovar (tovarlar) koʻrsatilgan boʻlsa;
v) talabnoma berilgan belgi oʻzgartirilgan yoki toʻldirilgan boʻlsa;
g) tovarlar roʻyxati kengaytirilgan boʻlsa.
97. Qoʻshimcha materiallar talabnoma mohiyatini oʻzgartiradi deb eʼtirof etilganda, talabnoma beruvchiga ekspertizaning shunday xulosa chiqarishi uchun qoʻshimcha materiallarga kiritilgan qaysi maʼlumotlar asos boʻlganligi maʼlum qilinadi. Bunda, boshqa maʼlumotlar ekspertiza oʻtkazishda hisobga olinadi.
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalariga
1-ILOVA
1-ILOVA
| Kelib tushgan sana | Kirish raqami | Davlat roʻyxatiga olish raqami |
| Oʻzbekiston Respublikasida tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun TALABNOMA | Oʻzbekiston Respublikasi Adliya vazirligi (pochta aloqasi), Tel.: ______, E-mail: ______. | |
| ARIZA Talabnomani va quyida keltirilgan hujjatlarni taqdim etar ekanman, talabnomada koʻrsatilgan belgini tovar kelib chiqqan joy nomi sifatida va undan foydalanish huquqini roʻyxatga olishingizni soʻrayman. | ||
| Talabnoma beruvchi ___________________________________________ (yuridik shaxsning rasmiy nomi va jismoniy shaxsning F.I.O. koʻrsatiladi) Talabnoma beruvchining pochta manzili __________________________ Telefon: _________ Faks: ____________ E-mail: ___________ | Tashkilotning KTUT kodi (agar u belgilangan boʻlsa) ____________________________ BIMTning ST3 standarti boʻyicha mamlakat kodi (agar u belgilangan boʻlsa) ____________________________ | |
| Yozishmalar uchun manzil (xat oluvchining pochta manzili, F.I.O. /nomlanishi) ________________________ Telefon: ___________ Faks: ______________ E-mail: ____________ | ||
| Patent vakilining F.I.O.: ____________________________________________________________________ | ||
| Patent vakilining manzili (pochta manzili) ____________________________________________________ Telefon: ___________Faks: ______________ E-mail: _______________ | ||
| Talabnoma berilayotgan belgi (bosh harflar bilan yoziladi) ________________________________________ | ||
| Tovarning turi yoki muayyan tovar ______________________________________________________________ | ||
| Tovarning asosiy xususiyatlarining tavsifi ____________________________________________________ | ||
| Ishlab chiqarilgan joyi (joʻgʻrofiy obyektning chegaralari koʻrsatilgan holda) _______________________ | ||
| Ilova qilinayotgan hujjatlar roʻyxati | varaqlar soni | |
| 󠄀 patent boji toʻlanganligi haqidagi hujjat (chet el yuridik va jismoniy shaxslari uchun) 󠄀 vakolatli tashkilotning tasdiqlovchi hujjati 󠄀 ilova qilinayotgan hujjatlarning davlat tilidagi tarjimasi 󠄀 patent vakilining vakolatlarini tasdiqlaydigan ishonchnoma 󠄀 boshqa hujjatlar | ||
| Talabnoma beruvchi yoki patent vakilining imzosi: _______________________________________________ Imzo qoʻyilgan sana: __________________________ | ||
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalariga
2-ILOVA
2-ILOVA
| Kelib tushgan sana | Kirish raqami | Davlat roʻyxatiga olish raqami | |
| Oʻzbekiston Respublikasida avval roʻyxatdan oʻtkazilgan tovar kelib chiqqan joy nomidan foydalanish huquqini berish uchun TALABNOMA | Oʻzbekiston Respublikasi Adliya vazirligi (pochta aloqasi), Tel.: _____________, | ||
| ARIZA Talabnomani va quyida keltirilgan hujjatlarni taqdim etar ekanman, Oʻzbekiston Respublikasida avval roʻyxatdan oʻtkazilgan tovar kelib chiqqan joy nomidan foydalanish huquqini berishingizni soʻrayman. | |||
| Talabnoma beruvchi _______________________________ (yuridik shaxsning rasmiy nomi va jismoniy shaxsning F.I.O. koʻrsatiladi) Talabnoma beruvchining pochta manzili _____________ Telefon: _________ Faks: ____________ E-mail: ___________ | Tashkilotning KTUT kodi (agar u belgilangan boʻlsa) _______________ BIMTning ST3 standarti boʻyicha mamlakat kodi (agar u belgilangan boʻlsa) ______________ | ||
| Yozishmalar uchun manzil (xat oluvchining pochta manzili, F.I.O. /nomlanishi) ________________________ Telefon: ___________ Faks: ______________ E-mail: ____________ | |||
| Patent vakilining F.I.O.: __________________________________ | |||
| Patent vakilining manzili (pochta manzili) ____________________________________________________ Telefon: ___________ Faks: ______________ E-mail: _______________ | |||
| Talabnoma berilayotgan belgi (bosh harflar bilan yoziladi) _______________________________________ | |||
| Tovarning asosiy xususiyatlarining tavsifi ___________________________________________________ | |||
| Ishlab chiqarilgan joyi (joʻgʻrofiy obyekt chegaralari koʻrsatilgan holda) __________________________ | |||
| Ilova qilinayotgan hujjatlar roʻyxati | varaqlar soni | ||
| 󠄀 patent boji toʻlanganligi haqidagi hujjat (chyet el yuridik va jismoniy shaxslari uchun) 󠄀 vakolatli tashkilotning tasdiqlovchi hujjati 󠄀 ilova qilinayotgan hujjatlarning davlat tilidagi tarjimasi 󠄀 patent vakilining vakolatlarini tasdiqlaydigan ishonchnoma 󠄀 boshqa hujjatlar | |||
| Talabnoma beruvchi yoki patent vakilining imzosi: Imzo qoʻyilgan sana: __________________________ | |||
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalariga
3-ILOVA
3-ILOVA
| Oʻzbekiston Respublikasi Adliya vazirligiga kelib tushgan sana va kirish raqami | Kirish raqami (Oʻzbekiston Respublikasi Adliya vazirligi tomonidan toʻldiriladi) | ||
| Talabnoma beruvchining nomlanishi va (yoki) manziliga oʻzgartirish(lar) kiritish toʻgʻrisidagi ARIZA | Oʻzbekiston Respublikasi Adliya vazirligi (pochta aloqasi), Tel.: ______, E-mail: ___________ | ||
| Ushbu arizani taqdim etar ekanman, talabnoma hujjatlarida talabnoma beruvchining nomi va (yoki) manziliga oʻzgartirish(lar) kiritishingizni soʻrayman. | |||
| Talabnoma raqami _____________ | |||
| Talabnoma topshirilgan sana _____________ | |||
| Talabnoma beruvchi _____________ | |||
| Patent vakilining F.I.O.: __________________________________ | |||
| Yozishmalar uchun manzil (xat oluvchining pochta manzili, F.I.O. /nomlanishi) ________________________ Telefon: ___________ Faks: ______________ E-mail: ____________ | |||
| Patent vakilining manzili (pochta manzili) ____________________________________________________ Telefon: ___________ Faks: ______________ E-mail: _______________ | |||
| Oʻzgartirish(lar). Oʻzgartirilishi lozim boʻlgan maʼlumotlar: Oʻzgartirilgan holdagi maʼlumotlar: davomi alohida varaqda | |||
| Arizaga ilova qilinayotgan hujjat(lar): | varaqlar soni | ||
| 󠄀󠄀 patent boji toʻlanganligi haqidagi hujjat (chet el yuridik va jismoniy shaxslari uchun) davom ettirish uchun varaqlar boshqa hujjatlar | |||
Tovar kelib chiqqan joy nomini va tovar kelib chiqqan joy nomidan foydalanish huquqini roʻyxatdan oʻtkazish uchun talabnomalarni tuzish, topshirish va koʻrib chiqish qoidalariga
4-ILOVA
4-ILOVA
| Oʻzbekiston Respublikasi Adliya vazirligiga kelib tushgan sana va kirish raqami | Kirish raqami (Oʻzbekiston Respublikasi Adliya vazirligi tomonidan toʻldiriladi) |
| Xatolarni tuzatish toʻgʻrisidagi ARIZA | Oʻzbekiston Respublikasi Adliya vazirligi (pochta aloqasi), Tel.: ______, E-mail: ___________. |
| Ushbu arizamni taqdim etar ekanman, talabnoma hujjatlarida uchraydigan xato(lar)ga tuzatish(lar) kiritishingizni soʻrayman | |
| Talabnoma raqami _____________ | |
| Talabnoma topshirilgan sana _____________ | |
| Talabnoma beruvchi _____________ | |
| Patent vakilining F.I.O.: __________________________________ | |
| Yozishmalar uchun manzil (xat oluvchining pochta manzili, F.I.O. / nomlanishi) ________________________ Telefon: ___________ Faks: ______________ E-mail: ____________ | |
| Patent vakilining manzili (pochta manzili) ____________________________________________________ Telefon: ___________ Faks: ______________ E-mail: _______________ | |
| Xato(lar) va tuzatish(lar) Tuzatish kerak boʻlgan maʼlumotlar: Tuzatilgan holdagi maʼlumotlar: Alohida varaqdagi ilovaga qarang | |
| Arizaga ilova(lar): | Varaqlar soni |
| davom ettirish uchun varaqlar boshqa hujjatlar | |
| Talabnoma beruvchi yoki patent vakilining imzosi: _______________________________________________ Imzo qoʻyilgan sana: __________________________ | |
Oʻzbekiston Respublikasi adliya vazirining 2023-yil 7-dekabrdagi 21-mh-son buyrugʻiga
2-ILOVA
2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
ROʻYXATI
1. Oʻzbekiston Respublikasi Davlat patent idorasi direktorining 2002-yil 11-oktabrdagi 52-son “Tovar kelib chiqqan joy nomini roʻyxatdan oʻtkazish va tovar kelib chiqqan joy nomidan foydalanish huquqini berish uchun talabnomani tuzish, topshirish va koʻrib chiqish qoidalarini tasdiqlash toʻgʻrisida”gi buyrugʻi (roʻyxat raqami 1185, 2002-yil 1-noyabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2002-y., 21-son).
2. Oʻzbekiston Respublikasi Davlat patent idorasi direktorining 2007-yil 17-oktabrdagi 72-son “Tovar kelib chiqqan joy nomini va tovar kelib chiqqan joy nomidan foydalanish huquqini berishni roʻyxatdan oʻtkazishga doir talabnoma tuzish, topshirish va koʻrib chiqish qoidalariga oʻzgartirish va qoʻshimchalar kiritish toʻgʻrisida”gi buyrugʻi (roʻyxat raqami 1185-1, 2007-yil 13-noyabr) (Oʻzbekiston Respublikasi qonun hujjatlari toʻplami, 2007-y., 46-47-son, 474-modda).
3. Oʻzbekiston Respublikasi Intellektual mulk agentligi bosh direktorining 2011-yil 26-avgustdagi 27-son “Tovar kelib chiqqan joy nomini roʻyxatdan oʻtkazish va tovar kelib chiqqan joy nomidan foydalanish huquqini berish uchun talabnomani tuzish, topshirish va koʻrib chiqish qoidalariga oʻzgartirishlar kiritish toʻgʻrisida”gi buyrugʻi (roʻyxat raqami 1185-2, 2011-yil 30-sentabr) (Oʻzbekiston Respublikasi qonun hujjatlari toʻplami, 2011-y., 40-son, 431-modda).
(Qonunchilik maʼlumotlari milliy bazasi, 11.12.2023-y., 10/23/3482/0925-son)
