1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish]
[TSZ:
1.Davlat va jamiyat qurilishi / Davlat hokimiyati organlari. Davlat va xoʻjalik boshqaruvi organlari]
Oʻzbekiston respublikasi Kambagʻallikni qisqartirish va bandlik vazirining
buyrugʻi
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglamentni tasdiqlash haqida
[Oʻzbekiston Respublikasi Adliya vazirligi tomonidan 2023-yil 31-oktabr kuni roʻyxatdan oʻtkazildi, roʻyxat raqami 3472]
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.01.00 Umumiy qoidalar]
Oʻzbekiston Respublikasi Prezidentining 2023-yil 24-maydagi PQ-162-son “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari toʻgʻrisida”gi qarori va Vazirlar Mahkamasining 2017-yil 15-sentabrdagi 728-son “Oʻzbekiston Respublikasi Yagona interaktiv davlat xizmatlari portali orqali elektron davlat xizmatlari koʻrsatish tartibini takomillashtirish chora-tadbirlari toʻgʻrisida”gi qaroriga muvofiq buyuraman:
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish]
1. Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglament ilovaga muvofiq tasdiqlansin.
2. Mazkur buyruq Oʻzbekiston Respublikasi Raqamli texnologiyalar vazirligi bilan kelishilgan.
[OKOZ:
1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.05.00 Normativ-huquqiy hujjatlarni eʼlon qilish va kuchga kirishi]
3. Ushbu buyruq rasmiy eʼlon qilingan kundan eʼtiboran kuchga kiradi.
LexUZ sharhi
Qarang: Oʻzbekiston Respublikasi “Normativ-huquqiy hujjatlar toʻgʻrisida”gi Qonunning 40-moddasi.
Vazir B. MUSAYEV
Toshkent sh.,
2023-yil 6-oktabr,
75/2023-son
Kelishildi:
Raqamli texnologiyalar vaziri Sh. SHERMATOV
2023-yil 26-sentabr
Oʻzbekiston Respublikasi kambagʻallikni qisqartirish va bandlik vazirining 2023-yil 6-oktabrdagi 75/2023-son buyrugʻiga ILOVA
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi
REGLAMENT
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish]
Mazkur Reglament shaxslarni (bundan buyon matnda ariza beruvchi deb yuritiladi) ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmati (bundan buyon matnda davlat xizmati deb yuritiladi) koʻrsatish tartibini belgilaydi.
LexUZ sharhi
Qarang: Vazirlar Mahkamasining 2016-yil 2-iyundagi 184-son qarori bilan tasdiqlangan Elektron davlat xizmatlari koʻrsatish tartibini takomillashtirish chora-tadbirlarini amalga oshirish toʻgʻrisidagi nizom.
1-bob. Umumiy qoidalar
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish]
1. Davlat xizmati Oʻzbekiston Respublikasi Yagona interaktiv davlat xizmatlari portali (bundan buyon matnda YIDXP deb yuritiladi) orqali Oʻzbekiston Respublikasi Kambagʻallikni qisqartirish va bandlik vazirligining tuman, shahar boʻlinmalari — Kambagʻallikni qisqartirish va bandlikka koʻmaklashish boʻlimlari (bundan buyon matnda mahalliy mehnat organlari deb yuritiladi) tomonidan koʻrsatiladi.
LexUZ sharhi
Qarang: Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizom.
2. Davlat xizmatini koʻrsatish mazkur Reglamentning 1-ilovasidagi sxemaga muvofiq amalga oshiriladi.
2-bob. Mahalliy mehnat organlari tomonidan ariza beruvchiga davlat xizmatini YIDXP orqali koʻrsatish
3. Ariza beruvchi davlat xizmatidan foydalanish uchun YIDXPdan roʻyxatdan oʻtadi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.07.00 Elektron tijorat. Elektron raqamli imzo (shuningdek, 12.03.02.02, 12.03.02.03larga qarang);
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi;
3.16.00.00.00 Xavfsizlik va huquq tartibot muhofazasi / 16.05.00.00 Shaxs xavfsizligi / 16.05.03.00 Pasport-viza tizimi. Doimiy yashash va vaqtincha turgan joyi boʻyicha roʻyxatga olish]
4. Ariza beruvchi davlat xizmatidan foydalanish uchun ushbu Reglamentning 2-ilovasiga muvofiq shakldagi soʻrovnomani toʻldiradi.
5. Ariza beruvchi YIDXP orqali soʻrovnomani toʻldirgandan soʻng maʼlumotlarning toʻgʻriligini tekshiradi. Bunda, soʻrovnomani elektron raqamli imzo bilan tasdiqlash talab etilmaydi.
Ariza beruvchi tomonidan toʻldirilgan soʻrovnoma YIDXP orqali avtomatik ravishda yashash joyi yoki turgan joyidagi mahalliy mehnat organiga yuboriladi.
(5-bandning ikkinchi xatboshisi Oʻzbekiston Respublikasi kambagʻallikni qisqartirish va bandlik vazirining 2025-yil 25-dekabrdagi 32-2025/B-son buyrugʻi (roʻyxat raqami 3472-1, 19.01.2026-y.) tahririda — Qonunchilik maʼlumotlari milliy bazasi, 20.01.2026-y., 10/26/3472-1/0054-son)
[OKOZ:
1.01.00.00.00 Konstitutsiyaviy tuzum / 01.06.00.00 Inson va fuqaroning huquqlari, erkinliklari va burchlari / 01.06.03.00 Asosiy (Konstitutsiyaviy) siyosiy huquq va erkinliklar / 01.06.03.04 Ariza, taklif va shikoyatlar bilan murojaat qilish huquqi;
2.03.00.00.00 Fuqarolik qonunchiligi / 03.02.00.00 Fuqarolar (jismoniy shaxslar) / 03.02.03.00 Fuqarolarning tadbirkorlik faoliyati (yakka tartibdagi tadbirkor);
3.05.00.00.00 Mehnat va aholining bandligi toʻgʻrisidagi qonunchilik / 05.01.00.00 Ishga joylash va aholi bandligi / 05.01.02.00 Ishga joylash va aholi bandligi sohasidagi boshqaruv;
4.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.06.00.00 Pensiyalar / 06.06.06.00 Ijtimoiy pensiyalar;
5.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi;
6.16.00.00.00 Xavfsizlik va huquq tartibot muhofazasi / 16.12.00.00 Jinoyat-protsessual qonunchiligi / 16.12.12.00 Hukm, ajrim va qarorlarni ijro qilish]
6. Mahalliy mehnat organi soʻrovnoma kelib tushgan kundan eʼtiboran bir ish kuni ichida ariza beruvchini ish qidirayotgan shaxs sifatida roʻyxatga oladi hamda Oʻzbekiston Respublikasining “Aholi bandligi toʻgʻrisida”gi Qonunining 45-moddasi birinchi qismi toʻrtinchi — oʻninchi xatboshilariga muvofiq ariza beruvchini ishsiz deb eʼtirof etish boʻyicha rad qilish uchun asoslar mavjud yoki mavjud emasligini “Bandlik xizmati” axborot tizimi orqali vazirlik va idoralarning axborot tizimlari maʼlumotlari asosida tekshiradi.
Bunda, quyidagilar ariza beruvchini ishsiz deb eʼtirof etishni rad qilish uchun asos boʻladi:
ariza beruvchi taʼlim muassasalarida va tashkilotlarida ishlab chiqarishdan ajralgan holda tahsil olayotgan boʻlsa, bundan taʼlimning sirtqi shaklida tahsil olish mustasno;
qonunchilikka muvofiq pensiya taʼminoti huquqiga ega boʻlsa (pensiya turidan qatʼi nazar);
bola ikki yoshga toʻlguniga qadar uni parvarish qilayotgan, ishlamayotgan ayol boʻlsa;
ishini oʻzgartirmoqchi boʻlgan, lekin mahalliy mehnat organlarida roʻyxatdan oʻtish paytida, tashkiliy-huquqiy shaklidan qatʼi nazar, tashkilotlarda ishlovchi boʻlsa yoki ularning shtatida hisobda turgan boʻlsa;
sudning hukmi bilan ozodlikdan mahrum etish yoki axloq tuzatish ishlari tarzidagi jazoga hukm qilingan boʻlsa;
fermer xoʻjaligining rahbari yoki xodimi, oilaviy korxonaning ishtirokchisi, dehqon xoʻjaligining rahbari yoki aʼzosi, shuningdek yakka tartibdagi tadbirkor boʻlsa;
oʻzini oʻzi band qilgan shaxs boʻlsa.
[OKOZ:
1.01.00.00.00 Konstitutsiyaviy tuzum / 01.06.00.00 Inson va fuqaroning huquqlari, erkinliklari va burchlari / 01.06.03.00 Asosiy (Konstitutsiyaviy) siyosiy huquq va erkinliklar / 01.06.03.04 Ariza, taklif va shikoyatlar bilan murojaat qilish huquqi;
2.05.00.00.00 Mehnat va aholining bandligi toʻgʻrisidagi qonunchilik / 05.01.00.00 Ishga joylash va aholi bandligi / 05.01.02.00 Ishga joylash va aholi bandligi sohasidagi boshqaruv;
3.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi]
7. Ishsiz deb eʼtirof etishni rad qilish uchun mazkur Reglamentning 6-bandi ikkinchi — toʻqqizinchi xatboshilarida belgilangan asoslar mavjud boʻlmagan taqdirda, ariza beruvchi mahalliy mehnat organiga kelishi lozimligi toʻgʻrisida yozma yoki elektron shaklda u ish qidirayotgan shaxs sifatida roʻyxatga olingan kundan boshlab bir ish kunida mahalliy mehnat organi tomonidan xabardor qilinadi.
Bunda, ariza beruvchi ish qidirayotgan shaxs sifatida roʻyxatga olingan kundan eʼtiboran oʻn kun ichida mahalliy mehnat organiga maqbul keladigan ish (fuqaro bajarishga qodir boʻlgan, fuqaroning olgan maʼlumoti yoʻnalishi va ixtisosligiga, malakasiga, kasbiy tayyorgarligiga, ish tajribasiga, sogʻligʻining holatiga koʻra mos keladigan, yashash joyini oʻzgartirishini nazarda tutmaydigan, uning yashash joyidan unchalik uzoq boʻlmagan hamda mehnatga haq toʻlashning belgilangan eng kam miqdoridan kam boʻlmagan ish haqini kafolatlaydigan ish) yuzasidan taklif olish uchun borishi kerak.
(7-bandning ikkinchi xatboshisi Oʻzbekiston Respublikasi kambagʻallikni qisqartirish va bandlik vazirining 2025-yil 25-dekabrdagi 32-2025/B-son buyrugʻi (roʻyxat raqami 3472-1, 19.01.2026-y.) tahririda — Qonunchilik maʼlumotlari milliy bazasi, 20.01.2026-y., 10/26/3472-1/0054-son)
[OKOZ:
1.01.00.00.00 Konstitutsiyaviy tuzum / 01.06.00.00 Inson va fuqaroning huquqlari, erkinliklari va burchlari / 01.06.03.00 Asosiy (Konstitutsiyaviy) siyosiy huquq va erkinliklar / 01.06.03.04 Ariza, taklif va shikoyatlar bilan murojaat qilish huquqi;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi]
8. Mahalliy mehnat organi tomonidan ariza beruvchini ishsiz deb eʼtirof etish toʻgʻrisidagi qaror u ish qidirayotgan shaxs sifatida roʻyxatga olingan kundan eʼtiboran oʻn birinchi kundan kechiktirmay quyidagi asoslarga koʻra qabul qilinadi:
ariza beruvchi ish qidirayotgan shaxs sifatida roʻyxatga olingan kundan eʼtiboran oʻn kun ichida maqbul keladigan ish yuzasidan taklif olish uchun mahalliy mehnat organiga kelsa;
taklif etilgan maqbul keladigan ishni ish qidirayotgan shaxs sifatida roʻyxatga olingan kundan eʼtiboran oʻn kun ichida uzrli sababsiz (kasallik yoki hujjatlar bilan tasdiqlangan boshqa holatlar mavjud boʻlmaganda) ikki marta rad etmasa;
ariza beruvchiga u ish qidirayotgan shaxs sifatida roʻyxatga olingan kundan eʼtiboran dastlabki oʻn kun ichida maqbul keladigan ish taklif etilmagan boʻlsa;
mahalliy mehnat organi ariza beruvchi ishga joylashtirish uchun yuborilgan tashkilotdan rad javobini olgan boʻlsa.
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.01.00.00 Ishga joylash va aholi bandligi / 05.01.02.00 Ishga joylash va aholi bandligi sohasidagi boshqaruv]
9. Mahalliy mehnat organi ariza beruvchini ishsiz deb eʼtirof etish va unga ishsizlik nafaqasini tayinlash toʻgʻrisida qaror qabul qilinganligi haqida QR-kod qoʻyilgan xabarnomani mazkur Reglamentning 3-ilovasiga muvofiq, shuningdek ariza beruvchini ishsiz deb eʼtirof etish rad etilganligi toʻgʻrisida QR-kod qoʻyilgan xabarnomani mazkur Reglamentning 4-ilovasiga muvofiq rasmiylashtiradi.
Bunda, mahalliy mehnat organi xabarnomani qaror qabul qilingan kundan eʼtiboran ikki kundan kechiktirmay ariza beruvchining YIDXP dagi shaxsiy kabinetiga yuboradi.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.06.00 Maʼmuriy tartib-taomillar / 02.08.06.04 Davlat xizmatlarini koʻrsatish]
10. Davlat xizmati koʻrsatilganligi uchun toʻlov undirilmaydi.
3-bob. Yakunlovchi qoidalar
11. Mahalliy mehnat organlari oʻz faoliyatini amalga oshirishi natijasida olingan maʼlumotlarning maxfiyligini taʼminlaydi.
12. Ariza beruvchilar mahalliy mehnat organlari xodimlarining xatti-harakatlari yoki harakatsizligi yuzasidan yuqori turuvchi tashkilotlarga yoki sudga shikoyat qilishga haqli.
[OKOZ:
1.05.00.00.00 Mehnat va aholining bandligi toʻgʻrisidagi qonunchilik / 05.01.00.00 Ishga joylash va aholi bandligi / 05.01.12.00 Aholi bandligi toʻgʻrisidagi qonunchilik hujjatlarini buzganlik uchun javobgarlik]
13. Ushbu Reglament talablarining buzilishida aybdor boʻlgan shaxslar qonunchilik hujjatlariga muvofiq javob beradi.
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglamentga 1-ILOVA
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish
Davlat xizmatidan foydalanish uchun YAIXDP orqali roʻyxatdan oʻtadi
Oʻz xohishiga koʻra
2-bosqich
Mahalliy mehnat organi
Ariza beruvchini ish qidirayotgan shaxs sifatida roʻyxatga oladi. Ishsiz deb eʼtirof etishni rad qilish uchun asoslar mavjudligini tekshiradi. Ariza beruvchini ishsiz deb eʼtirof etishni rad qilish uchun asoslar mavjud boʻlmasa, ariza beruvchi mahalliy mehnat organiga maqbul keladigan ish yuzasidan taklif olish uchun ish qidirayotgan shaxs sifatida roʻyxatga olingan kundan eʼtiboran oʻn kun ichida kelishi lozimligi toʻgʻrisida yozma yoki elektron shaklda ariza beruvchini xabardor qiladi.
Murojaat kelib tushgandan soʻng bir ish kuni ichida
Ariza beruvchi ish qidirayotgan shaxs roʻyxatga olingan olingan kundan boshlab bir ish kunida
3-bosqich
Ariza beruvchi
Mahalliy mehnat organiga maqbul keladigan ish yuzasidan taklif olish uchun boradi.
Ariza beruvchi ish qidiruvchi shaxs sifatida roʻyxatga olingan kundan boshlab oʻn kun ichida
4-bosqich
Mahalliy mehnat organi
Oʻzbekiston Respublikasining “Aholi bandligi toʻgʻrisida”gi Qonuni talablariga muvofiq ariza beruvchini ishsiz deb eʼtirof etish va unga ishsizlik nafaqasini tayinlash yoki rad etish (agar asoslar mavjud boʻlganda) boʻyicha chora-tadbirlarni amalga oshiradi.
Ariza beruvchi ish qidiruvchi shaxs sifatida roʻyxatga olingan kundan boshlab oʻn bir kun ichida
5-bosqich
Mahalliy mehnat organi
Ariza beruvchini ishsiz deb eʼtirof etish va unga ishsizlik nafaqasini tayinlash toʻgʻrisida qaror qabul qilinganligi yoki uni ishsiz deb eʼtirof etish rad etilganligi (agar asoslar mavjud boʻlganda) toʻgʻrisida QR-kod qoʻyilgan xabarnomani ariza beruvchiga elektron tarzda YIDXP orqali yuboradi.
Ariza beruvchini ishsiz deb eʼtirof etish va unga ishsizlik nafaqasini tayinlash toʻgʻrisida qaror qabul qilingandan soʻng ikki kun ichida
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglamentga 2-ILOVA
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha davlat xizmatidan foydalanish uchun
1. Jismoniy shaxsning shaxsiy identifikatsiya raqami (JSHSHIR):
2. Familiyasi
3. Ismi:
4. Otasining ismi:
5. Tugʻilgan yili va sanasi:
6. Yashash manzili:
7. Maʼlumoti (umumiy oʻrta, oʻrta maxsus, kasbiy va oliy):
8. Tugallagan taʼlim muassasasining nomi:
9. Mutaxassisligi (mavjud boʻlsa):
10. Kasbi (mavjud boʻlsa):
11. Oxirgi ish joyi:
12. Telefon raqami:
13. Elektron pochta manzili (mavjud boʻlsa):
(2-ilova Oʻzbekiston Respublikasi kambagʻallikni qisqartirish va bandlik vazirining 2025-yil 25-dekabrdagi 32-2025/B-son buyrugʻi (roʻyxat raqami 3472-1, 19.01.2026-y.) tahririda — Qonunchilik maʼlumotlari milliy bazasi, 20.01.2026-y., 10/26/3472-1/0054-son)
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglamentga 3-ILOVA
____________________-son soʻrovnomangizni koʻrib chiqib, Oʻzbekiston Respublikasining “Aholi bandligi toʻgʻrisida”gi Qonunining 44-moddasiga muvofiq, ________________________ tuman (shahar) Kambagʻallikni qisqartirish va bandlikka koʻmaklashish boʻlimining ________ -yildagi _______-son buyrugʻi bilan (ariza beruvchining F.I.O.)ni ishsiz deb eʼtirof etish va unga ishsizlik nafaqasini tayinlash toʻgʻrisida qaror qabul qilindi.
Ishsiz deb eʼtirof etilgan shaxs uchun zarur boʻlgan axborotlar:
1. Ishsizlik nafaqasi ______sanadan boshlab hisoblanadi va uning miqdori _______ soʻmni tashkil etadi.
2. Ishsiz deb eʼtirof etilgan shaxsning ________________________ tuman (shahar) Kambagʻallikni qisqartirish va bandlikka koʻmaklashish boʻlimiga qayta roʻyxatdan oʻtish uchun majburiy kelish sanasi — kk.oo.yyyy gacha.
3. Ishsiz deb eʼtirof etilgan shaxsning huquq va majburiyatlari:
ishsiz deb eʼtirof etilgan shaxs ishsizlik nafaqasini har oyda va mahalliy mehnat organining buyrugʻida belgilangan miqdorda olish;
ishsizlik nafaqasini olish davrida ishsiz shaxs kasal boʻlgan taqdirda ishsizlik nafaqasini ishsiz shaxsning qarindoshlari (otasi, onasi, eri (xotini), voyaga yetgan bolalari) yoki belgilangan tartibda rasmiylashtirilgan ishonchnoma asosida ishsiz shaxsning boshqa ishonchli shaxslari tomonidan olishga yoʻl qoʻyiladi;
ishsizlik nafaqasini olish davrida ishsiz shaxs ish qidirishi va ishga joylashtirishga doir yoʻllanma yoxud kasbga tayyorlashga, qayta tayyorlashga yoki malakasini oshirishga yoʻllanma olish uchun ikki haftada kamida bir marta mahalliy mehnat organiga murojaat qilishi shart.
4. Ishsizlik nafaqasini olish shartlari va joyi:
ishsizlik nafaqasi oʻn ikki oylik davr ichida koʻpi bilan yigirma olti kalendar hafta davomida toʻlanadi;
ishsizlik nafaqasining eng kam miqdori — mehnatga haq toʻlash eng kam miqdorining kamida yetmish besh foiziga teng;
ishsizlik nafaqasi ishsiz deb eʼtirof etilgan shaxsga u mahalliy mehnat organida ish qidirayotgan shaxs sifatida roʻyxatga olingan birinchi kundan eʼtiboran hisoblanadi va toʻlanadi.
Joriy oyda ishsizlik nafaqasini toʻlash oʻtgan oy uchun amalga oshiriladi.
Ishsizlik nafaqasiga soliq solinmaydi.
Maʼsul ijrochi F.I.O:
Tuman (shahar) Kambagʻallikni qisqartirish va bandlikka koʻmaklashish boʻlimi nomi va telefon raqami:
QR-kod
Eslatma: Mazkur xabarnoma boʻyicha eʼtirozlaringiz boʻlsa, yashash joyi yoki turgan joyingizdagi Kambagʻallikni qisqartirish va bandlikka koʻmaklashish boʻlimiga murojaat qilishingiz mumkin!
(3-ilova Oʻzbekiston Respublikasi kambagʻallikni qisqartirish va bandlik vazirining 2025-yil 25-dekabrdagi 32-2025/B-son buyrugʻi (roʻyxat raqami 3472-1, 19.01.2026-y.) tahririda — Qonunchilik maʼlumotlari milliy bazasi, 20.01.2026-y., 10/26/3472-1/0054-son)
Shaxslarni ishsiz deb eʼtirof etish va ularga ishsizlik nafaqasini tayinlash boʻyicha elektron davlat xizmatini koʻrsatish toʻgʻrisidagi reglamentga 4-ILOVA
____________________-son soʻrovnomangizni koʻrib chiqib,
_______________________________________________________ rad etilganligini maʼlum qiladi.
________________(Shaxsni ishsiz deb eʼtirof etish)
Rad etish asoslari (Oʻzbekiston Respublikasining “Aholi bandligi toʻgʻrisida”gi Qonunining 45-moddasi birinchi qismida belgilangan holatlar):
1.
2.
3.
Axborot tariqasida maʼlum qilinadiki, Oʻzbekiston Respublikasining “Aholi bandligi toʻgʻrisida”gi Qonunining 45-moddasi ikkinchi qismiga muvofiq ishsiz shaxs deb eʼtirof etish rad qilingan shaxs taklif etilgan ishni rad etgan paytdan yoki maqbul kyeladigan ish boʻyicha taklif olish uchun mahalliy myehnat organiga uzrli sababsiz kelmagan paytdan eʼtiboran oʻttiz kalendarkun oʻtganidan keyingina ish qidirayotgan shaxs sifatida takroran roʻyxatdan oʻtish huquqiga ega.
_______________________________
___________________________________
(masʼul shaxsning lavozimi)
(F.I.O)
QR-kod
Eslatma: Mazkur xabarnoma boʻyicha eʼtirozlaringiz boʻlsa, yashash joyi yoki turgan joyingizdagi Kambagʻallikni qisqartirish va bandlikka koʻmaklashish boʻlimiga murojaat qilishingiz mumkin!
(4-ilova Oʻzbekiston Respublikasi kambagʻallikni qisqartirish va bandlik vazirining 2025-yil 25-dekabrdagi 32-2025/B-son buyrugʻi (roʻyxat raqami 3472-1, 19.01.2026-y.) tahririda — Qonunchilik maʼlumotlari milliy bazasi, 20.01.2026-y., 10/26/3472-1/0054-son)
(Qonunchilik maʼlumotlari milliy bazasi, 01.11.2023-y., 10/23/3472/0820-son; 20.01.2026-y., 10/26/3472-1/0054-son)
LexUZ sharhi