|
Hujjat kuchini yo‘qotgan 30.01.2025
|
Oʻzbekiston Respublikasi qishloq xoʻjaligi vazirining
buyrugʻi
Shaxsiy yordamchi, dehqon va fermer xoʻjaliklariga naslli mollarni auksion (kimoshdi savdosi) orqali sotishni amalga oshirish tartibi toʻgʻrisidagi nizomga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2023-yil 18-avgustda roʻyxatdan oʻtkazildi, roʻyxat raqami 1591-2]
LexUZ sharhiMazkur buyruq Oʻzbekiston Respublikasi qishloq xoʻjaligi vazirining 2025-yil 15-yanvardagi 26-sonli ““Shaxsiy yordamchi, dehqon va fermer xoʻjaliklariga naslli mollarni auksion (kimoshdi savdosi) orqali sotishni amalga oshirish tartibi toʻgʻrisidagi nizomni tasdiqlash haqida”gi buyruq, shuningdek unga oʻzgartirishlarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 1591-3, 27.01.2025-y.) asosan oʻz kuchini yoʻqotgan.
Oʻzbekiston Respublikasining 2022-yil 14-martdagi OʻRQ-759-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni, Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi va 2023-yil 25-yanvardagi PF-14-son “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi farmonlariga muvofiq buyuraman:
1. Oʻzbekiston Respublikasi qishloq va suv xoʻjaligi vazirining 2006-yil 16-iyundagi 128-son buyrugʻi (roʻyxat raqami 1591, 2006-yil 5-iyul) (Oʻzbekiston Respublikasi Qonun hujjatlari toʻplami, 2006-y., 27-son, 255-modda) bilan tasdiqlangan Shaxsiy yordamchi, dehqon va fermer xoʻjaliklariga naslli mollarni auksion (kimoshdi savdosi) orqali sotishni amalga oshirish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan.
3. Ushbu buyruq rasmiy eʼlon qilingan kundan eʼtiboran kuchga kiradi.
Vazir A. VOITOV
Toshkent sh.,
2023-yil 18-iyul,
130-son
Kelishildi:
Raqobatni rivojlantirish va isteʼmolchilar huquqlarini himoya qilish qoʻmitasi raisi Sh. SHARAXMETOV
2023-yil 11-iyul
Oʻzbekiston Respublikasi qishloq xoʻjaligi vazirining 2023-yil 18-iyuldagi 130-son buyrugʻiga
ILOVA
ILOVA
Shaxsiy yordamchi, dehqon va fermer xoʻjaliklariga naslli mollarni auksion (kimoshdi savdosi) orqali sotishni amalga oshirish tartibi toʻgʻrisida nizomga kiritilayotgan oʻzgartirishlar
1. 9-bandning oltinchi xatboshisidagi “pasport nusxasi” degan soʻzlar “pasport yoki identifikatsiya ID-kartasi nusxasi” degan soʻzlar bilan almashtirilsin.
2. 23-band quyidagi tahrirda bayon etilsin:
“23. Auksion savdosini oʻtkazishga tayyorlash va amaldagi tartib va qoidalarga rioya qilinishini nazorat qilish uchun auksion savdosi tashkilotchisi tarkibi kamida 4 kishidan iborat boʻlgan doimiy yoki muvaqqat faoliyat yurituvchi auksion savdosi komissiyasini tuzadi.
Auksion savdosi komissiyasi tarkibiga mulkdor vakilidan tashqari quyidagilar kiradi:
tuman (shahar) hokimligi vakili;
tuman (shahar) veterinariya va chorvachilikni rivojlantirish boʻlimi boshligʻi;
tuman (shahar) qishloq xoʻjaligi boʻlimi vakili.”.
(Qonunchilik maʼlumotlari milliy bazasi, 19.08.2023-y., 10/23/1591-2/0628-son)
