toggle_night_mode
Oʻzbekiston Respublikasi Prezidentining
Farmoni
Aholini hunarmandchilikka jalb qilish va hunarmandchilik faoliyatini rivojlantirish uchun qulay shart-sharoitlar yaratish chora-tadbirlari toʻgʻrisida
Mamlakatimizda hunarmandchilikni rivojlantirish uchun qulay shart-sharoitlar yaratish, xususan hunarmandlarni soliqqa tortish tizimini takomillashtirish, ularni zarur xomashyo va moliyaviy resurslar bilan uzluksiz taʼminlash, hunarmandchilik mahsulotlarini realizatsiya qilish uchun infratuzilma yaratish va bozorlarni kengaytirish hamda aholini hunarmandchilikka keng jalb etish maqsadida:
1. Hunarmandchilik faoliyatining yoʻnalishlari roʻyxati 1-ilovaga muvofiq tasdiqlansin.
“Hunarmand” uyushmasining ustuvor vazifasi etib hududlarda hunarmandchilik faoliyatining har bir yoʻnalishini alohida yondashuvlar asosida rivojlantirish dasturlarini amalga oshirish, ayniqsa, hunarmandchilikning yoʻqolib ketayotgan turlarini saqlab qolish va kelgusi avlodlarga yetkazish belgilansin.
2. Belgilansinki, 2023-yil 1-iyundan 2025-yil 1-yanvarga qadar “Xalq amaliy sanʼati ustalarining milliy katalogi” (keyingi oʻrinlarda — Milliy katalog) va “Turizm sohasida faoliyat yuritayotgan hunarmandlar reyestri”ga (keyingi oʻrinlarda — Reyestr) kiritilgan hunarmandlar uchun:
kalendar yil davomida hunarmandchilik mahsulotlarini (ishlar, xizmatlar) realizatsiya qilishdan tushgan tushumning 100 million soʻmdan oshgan, biroq 1 milliard soʻmdan koʻp boʻlmagan miqdori boʻyicha aylanmadan olinadigan soliq stavkasi 50 foizga kamaytiriladi;
tovar belgilarini milliy roʻyxatdan oʻtkazish bepul amalga oshiriladi.
3. 2023-yilda oilaviy tadbirkorlikni rivojlantirish dasturlari doirasida kasanachilik va hunarmandchilikni rivojlantirishga ajratilayotgan mablagʻlarning kamida 70 foizi hunarmandchilikni rivojlantirish boʻyicha loyihalarni moliyalashtirishga yoʻnaltirilsin.
Kambagʻallikni qisqartirish va bandlik vazirligi tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilari va tijorat banklari bilan birgalikda mazkur bandda nazarda tutilgan mablagʻlarning manzilli ajratilishini taʼminlasin.
4. Kambagʻallikni qisqartirish va bandlik vazirligi huzuridagi Kasanachilikni qoʻllab-quvvatlash jamgʻarmasi Hunarmandchilik va kasanachilikni qoʻllab-quvvatlash jamgʻarmasi (keyingi oʻrinlarda — Jamgʻarma) etib qayta nomlansin va 2023-yil 15-iyundan boshlab hunarmandchilikni moliyaviy qoʻllab-quvvatlash choralari Jamgʻarma mablagʻlari hisobidan amalga oshirilsin.
Kambagʻallikni qisqartirish va bandlik vazirligi bir hafta muddatda Bandlikka koʻmaklashish davlat jamgʻarmasi va Aholini tadbirkorlikka jalb qilish jamgʻarmasidan hunarmandchilik faoliyatini qoʻllab-quvvatlashga ajratiladigan subsidiyalar uchun koʻzda tutilgan mablagʻlarni Jamgʻarmaga yoʻnaltirsin.
5. Kasanachilik asosida uy sharoitida ishlayotgan nogironligi boʻlgan shaxslarning ish joyini moslashtirish uchun har bir moslashtirilayotgan ish joyi boʻyicha subsidiya ajratish tartibi hunarmandchilik bilan shugʻullanayotgan nogironligi boʻlgan shaxslarga nisbatan ham tatbiq etilsin.
6. Hunarmandchilik va kasanachilikni qoʻllab-quvvatlash jamgʻarmasi hisobidan hunarmandchilik faoliyatini qoʻllab-quvvatlash uchun ajratiladigan subsidiyalar roʻyxati 2-ilovaga muvofiq tasdiqlansin.
7. Davlat buyurtmachilariga xarid jarayoni ochiqligi va shaffofligini taʼminlagan holda hunarmandlar oʻrtasida eng yaxshi takliflarni tanlash natijalariga koʻra ular tomonidan ishlab chiqarilgan hunarmandchilik mahsulotlarini xarid qilishga ruxsat berilsin.
Oldingi tahrirga qarang.
(Oʻzbekiston Respublikasi Prezidentining 2024-yil 27-dekabrdagi PF-228-sonli Farmoniga asosan 8-bandning oʻz kuchini yoʻqotish sanasi — 2025-yil 1-yanvar — Qonunchilik maʼlumotlari milliy bazasi, 30.12.2024-y., 06/24/228/1091-son)
9. 2023-yil 1-iyuldan boshlab davlat mulki boʻlgan moddiy madaniy merosning koʻchmas mulk obyektlarini hunarmandchilik faoliyati bilan shugʻullanish, shu jumladan hunarmandchilik mahsulotlarini realizatsiya qilish uchun faqat Milliy katalog va Reyestrga kiritilgan hunarmandlarga elektron onlayn-auksion orqali ijaraga berish tartibi joriy etilsin.
10. Shunday tartib oʻrnatilsinki, unga muvofiq:
hunarmandchilik faoliyati bilan shugʻullanish uchun ijaraga beriladigan davlat mulki boʻlgan moddiy madaniy merosning koʻchmas mulk obyektlari (keyingi oʻrinlarda — madaniy meros obyektlari) roʻyxati Madaniy meros agentligi tomonidan shakllantiriladi;
roʻyxatga kiritilgan madaniy meros obyektlari Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi tomonidan elektron onlayn-auksion savdolariga chiqariladi;
madaniy meros obyektlarini hunarmandlarga ijaraga berishda auksionga chiqariladigan boshlangʻich narx amaldagi stavkaga nisbatan 50 foiz miqdorida belgilanadi;
madaniy meros obyektlari hunarmandlarga besh yil muddatga ijaraga beriladi hamda ijara shartnomalari boʻyicha majburiyatlar oʻz vaqtida va toʻliq bajarilgan taqdirda ijara muddati yana besh yil muddatga, qadimiy sulola davomchilari boʻlgan kamida uchinchi avlod hunarmandlariga oʻn yil muddatga uzaytirib beriladi.
11. 2023-2024-yillarda hunarmandchilik yoʻnalishlari boʻyicha oʻtkaziladigan koʻrgazmalar, festivallar va xalqaro konferensiyalar roʻyxati 3-ilovaga muvofiq tasdiqlansin.
12. Belgilansinki, 2023-yil 1-iyuldan boshlab xorijiy davlatlarda hunarmandchilik yoʻnalishlari boʻyicha oʻtkaziladigan koʻrgazmalar, festivallar va konferensiyalarda:
hunarmandlar, shuningdek, nogironligi boʻlgan hunarmandga hamrohlik qiluvchi bir nafar shaxsning ishtirokini taʼminlash — “Hunarmand” uyushmasining mablagʻlari hisobidan;
milliy uslubdagi pavilonlar yaratish, hunarmandchilik mahsulotlari boʻyicha targʻibot materiallarini tayyorlash va chop etish xarajatlari “Hunarmand” uyushmasining hisob-kitoblariga muvofiq, Jamgʻarma hisobidan qoplab beriladi.
“Hunarmand” uyushmasi har yili 1-dekabrga qadar kelgusi yil uchun hunarmandlarning xorijiy davlatlarda hunarmandchilik yoʻnalishlari boʻyicha oʻtkaziladigan koʻrgazmalar, festivallar va konferensiyalarda keng ishtirok etishini taʼminlash boʻyicha chora-tadbirlar rejasini tasdiqlasin.
13. Toshkent shahar hokimligi “Hunarmand” uyushmasi bilan birgalikda 2024-yil 1-martga qadar Toshkent shahridagi “Yangi Oʻzbekiston” bogʻiga tutash hududda zaxiradagi yerlarning 0,3 gektar yer uchastkasida mahalliy budjet mablagʻlarining orttirib bajarilgan qismi va qonunchilikda taqiqlanmagan mablagʻlar hisobidan namoyish zali, “Usta-shogird” maktabi va ustaxonani oʻz ichiga olgan Hunarmandlar maskani barpo etilishi va ushbu obyektdan har bir hunarmandga 100 kvadrat metrgacha boʻlgan joylar belgilangan tartibda ijaraga berilishini taʼminlasin.
14. 2023-2024-yillarda hududlarda hunarmandchilik yoʻnalishlarini rivojlantirish boʻyicha “yoʻl xaritasi” 4-ilovaga muvofiq tasdiqlansin.
Oldingi tahrirga qarang.
(15-band Oʻzbekiston Respublikasi Prezidentining 2024-yil 27-dekabrdagi PF-227-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 28.12.2024-y., 06/24/227/1089-son)
16. Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi va “Hunarmand” uyushmasi mazkur Farmonning maqsadi, vazifalari va undan kutilayotgan natijalarni ommaviy axborot vositalari, internet va ijtimoiy tarmoqlarda keng yoritish ishlarini tashkil qilsin.
17. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartirishlar kiritilsin.
18. Investitsiyalar, sanoat va savdo vazirligi “Hunarmand” uyushmasi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Mazkur Farmonning ijrosini nazorat qilish va ijro uchun masʼul idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 12-iyun,
PF-91-son
Oʻzbekiston Respublikasi Prezidentining 2023-yil 12-iyundagi PF-91-son Farmoniga
1-ILOVA
Hunarmandchilik faoliyatining yoʻnalishlari
ROʻYXATI

T/r

Faoliyat yoʻnalishlari*

Mahsulotlarning asosiy turlari

1.

Ganch oʻymakorligi

Qandillar, devor shamdonlari, koʻzgu, naqshlar, stalaktitlar, muqarnas (friz), karnizlar, ustunlar elementlari, panjaralar, haykalchalar, panno, shift va devor bezaklari va asoslari, ganchdan yasalgan arxitektura va qurilish elementlari, boshqa amaliy bezak mahsulotlari.

2.

Qoʻlda gilam toʻqish

Gilam va gilamchalar, paloslar, xurjunlar, kigiz buyumlar, sholchalar, joynamozlar, oʻtovlar, tabiiy toladan tayyorlangan buyumlar.

3.

Qoʻlda gazlamalar toʻqish

Atlas, beqasam, adras, tabiiy ipak, ip kalava, jun va sunʼiy ipdan toʻqilgan gazlamalar.

4.

Tosh oʻymakorligi

Toshdan tayyorlangan esdalik buyumlar, mayda plastikalar, qutichalar, yozuv anjomlari, shamdonlar, panno, relyeflar va kontrrelyeflar, barelyeflar, geraldika va ramzlar, toshni pardozlash yoʻli bilan tayyorlangan bezaklar va boshqa bezak buyumlar.

5.

Miniatyura, rang-tasvir, naqqoshlik va boʻyoqli naqshlar tayyorlash

Lok miniatyurasi texnikasida tayyorlangan buyumlar: qutichalar, suratlar, devor, qogʻoz mato, teri, gazlama, papye-mashe, yogʻoch, qovoq, karton, suyak va emaldagi naqshlar va rasmlar, miniatyura va tasviriy sanʼat asarlari, risolalar va boshqa hunarmandchilik buyumlari, muqovalash.

6.

Kandakorlik, miskarlik buyumlarini tayyorlash

Mis, latun, alyuminiydan yasalgan buyumlar (choynak, qumgʻon, lagan, guldon, shuningdek, bezash va amaliy maqsadlar uchun moʻljallagan boshqa buyumlar).

7.

Metalldan buyumlar yasash

Qoʻlda yasalgan metall buyumlar: eshiklar, naqshli darvozalar, panjaralar, deraza va eshik tutqichlari, ilgaklar, qoʻngʻiroqlar, zanjirlar, shamdonlar, ketmonlar, teshalar, xaskash, panshaxalar, omochlar, barcha turdagi milliy qilich, xanjar va pichoqlar, ommaviy ishlab chiqariladigan metall buyumlar.

8.

Tunukadan buyumlar yasash

Qoʻlda yasalgan tunuka buyumlar: guldor va jimjimador tarnov va quvurlar, oshxona anjomlari (oshpichoq, kapkir, choʻmich, chovli, elak, mantiqosqon va boshqalar), uy-roʻzgʻor buyumlari (kiyim va parda ilgichlar, qoʻl yuvgich, tutqichlar, soyabonlar) va boshqalar.

9.

Milliy poyabzal tayyorlash

Qoʻlda va yakka tartibda tikilgan milliy poyabzallar, teridan mahsi va kovushlar, kirza va kigiz etiklar, sandallar, shippaklar, tuflilar.

10.

Milliy liboslar tayyorlash

Chopon, yaxtak, nimcha, bolalar choponlari, toʻy liboslari va boshqa milliy kiyimlar.

11.

Bosh kiyimlar tayyorlash

Telpak, salla, shuningdek, moʻyna, qorakoʻl teri, teri va qoʻlda ishlov berilgan materiallardan tikilgan boshqa bosh kiyimlar.

12.

Yogʻoch oʻymakorligi

Yogʻoch oʻymakorligi uslubida bajarilgan barcha amaliy bezak sanʼat turlari.

13.

Suyakka oʻyma naqsh solish

Esdalik sovgʻalari, mayda haykalchalar, netske, qutichalar, pichoq, qilich, xanjar soplari, suyakdan bezak bergan holda tayyorlangan boshqa amaliy bezak mahsulotlari.

14.

Gul bosilgan gazlamalar va chokli buyumlar tayyorlash

Turli xil matolarga gul bosish usulida tayyorlangan buyumlar: batik, milliy koʻrpa va koʻrpachalar, yostiqlar, belbogʻlar, jiyaklar, sumkalar, tasmalar, bolalar kiyimlari va boshqa chokli hunarmandchilik buyumlari.

15.

Kashtachilik

Kashtachilik va toʻqilgan buyumlar, shuningdek, qoʻlda tayyorlangan bosh kiyimlar qismlari (kashta mashina yordamida ham tayyorlanishi mumkin).

16.

Zardoʻzlik buyumlari

Metall iplardan foydalangan holda zardoʻzlik uslubida tayyorlangan barcha hunarmandchilik mahsulotlari.

17.

Musiqa asboblarini tayyorlash

Ishlab chiqarishdan tashqari usulda tayyorlangan barcha turdagi milliy musiqa asboblari.

18.

Chinni, fayans va sopol buyumlari tayyorlash

Chinni, fayans va sopoldan tayyorlangan amaliy bezak sanʼatining barcha turlari, arxitektura-bezak elementlari, chinni, fayans va sopol buyumlarini naqsh va trafaret bilan bezash, loydan tayyorlangan uy va oshxona buyumlari, tandirlar.

19.

Qimmatbaho metalldan zargarlik buyumlarini yasash

Qonunchilikka muvofiq tamgʻalanishi shart boʻlgan probali oltin, kumush, platina va platina guruhidagi metallardan ijodiy, mualliflik va milliy uslubda yasalgan buyumlar.

20.

Oʻyinchoqlar tayyorlash

Yogʻoch, metall, gips, mato, sopol va boshqa materiallardan ishlab chiqarishdan tashqari sharoitda yasalgan oʻyinchoqlar.

21.

Mayda haykaltaroshlik buyumlarini tayyorlash

Tabiiy va sunʼiy materiallar (gips, shamot, mis, bronza, alyuminiy, suyak, yogʻoch, tosh, sopol, chinni, fayans, va boshqalar)dan yasalgan barcha turdagi haykaltaroshlik buyumlari.

22.

Charm mahsulotlarini tayyorlash

Egar-jabduq anjomlari, shu jumladan ular uchun arqon, belbogʻ, qayish anjomlar, tabiiy va sunʼiy charmdan tayyorlangan milliy nimcha va bosh kiyimlar, charmdan tayyorlangan esdalik buyumlari.

23.

Mualliflik mebellarini tayyorlash

Amaliy bezak sanʼati predmetlariga kiradigan mebel (toʻplamlari va alohida qismlari).

24.

Yogʻochdan xalq hunarmandchiligi mahsulotlarini tayyorlash

Oshxona anjomlari (oʻqlov, tuzdon, non quti, juva, keli, oshtaxta, chakich), yogʻoch, faner va laminatdan tayyorlangan turli hunarmandchilik mahsulotlari, belanchaklar, bolalar aravachasi, beshik va uning anjomlari, turli xontaxtalar, sandiq, javon, eshik, rom, bezakli reykalar, surat uchun romlar (baget), tokarlik uskunasidan tayyorlangan har xil shaklli hunarmandchilik mahsulotlari, yogʻoch shaxmat taxtasi va donasi, panno, yogʻochdan qoʻlda va kichik mexanizatsiya vositalari yordamida yasalgan boshqa buyumlar.

25.

Pechka va kaminlar yasash

Pechkalar, kaminlar, shu jumladan ular uchun havo soʻrish qurilmalari.

26.

Novdalardan buyumlar toʻqish

Oʻsimlik novdalaridan toʻqilgan buyumlar (qamish, tol, poxol, tok novdalari va boshqa har xil daraxt novdalari).

27.

Mozayka ishlari

Devor va shift mozaykalari, tabiiy va sunʼiy materialdan mozayka pannolari tayyorlash.

28.

Koʻzgu tayyorlash

Koʻzgu va koʻzgu sirtlari tayyorlash.

29.

Shisha puflash ishlari

Badiiy puflash asosida ishlangan bra, mayda plastiklar, esdalik buyumlari, taqinchoqlar.

30.

Hajmli va shaklli qoliplarda quyilgan buyumlar tayyorlash

Tabiiy va sunʼiy materiallardan quyma uslubda ishlangan buyumlar, shuningdek, (murakkab mexanizm va mashinalardan foydalanmagan holda) mis, bronza, choʻyan, alyuminiydan qoʻlda quyma uslubda ishlangan mahsulotlar.

31.

Soatsozlik

Devorga osiladigan eksklyuziv, polda turadigan, kamin va qoʻl soatlari tayyorlash, soat mexanizmlarini taʼmirlash.

32.

Emallash ishlari

Emal qoplamali buyumlarni tayyorlash, emal qoplamalarini taʼmirlash va tiklash.

33.

Esdalik buyumlarini tayyorlash

Turli tabiiy va sunʼiy materiallardan har xil rangda tayyorlangan esdalik va sovgʻa buyumlari, kamar, nishonlar, tasbeh, guldastalar, floristika, ikebana va boshqa buyumlar.

34.

Oddiy metallardan milliy uslubda taqinchoqlar yasash

Oddiy metallardan milliy uslubda tayyorlangan barcha taqinchoqlar (tumorlar, ziraklar, zebigardon, bilaguzuk, uzuk, tillaqosh va boshqalar).

35.

Ot anjomlarini tayyorlash

Uzangi, taqa, nuqta, qamchi, egar-jabduq va boshqa mahsulotlar tayyorlash.

36.

Xattotlik

Xattotlik uslubida tayyorlangan qoʻlyozmalar, kitoblar, miniatyura va tasviriy sanʼat asarlari, risolalar va boshqa hunarmandchilik buyumlari yaratish.

37.

Qadimiy qoʻlyozmalarni restavratsiya qilish

Qadimiy yozma manbalarni konservatsiya va restavratsiya qilish, muqovalash.

38.

Makrame va qoʻlda toʻqilgan buyumlar tayyorlash

Makrame, patli roʻmollar, spitsalarda toʻqilgan buyumlar.

39.

Anʼanaviy doʻppichilik

Hududlarga xos gul va naqshlarda milliy uslubda tayyorlangan doʻppi va bosh kiyimlar.

40.

Zamonaviy sanʼat asarlari yaratish

Chiqindi va qayta ishlangan xomashyolardan foydalanib dekorativ, noanʼanaviy asarlar yaratish.

41.

Devorga bezak berish

Devorga milliy va zamonaviy uslubda bezak berish, barelyef.

42.

Anʼanaviy dizaynerlik xizmatlarini koʻrsatish

Milliy kiyimlar, toʻy va marosimlarda ishlatiladigan sarpo idishlar, har xil oʻlcham va koʻrinishdagi jomadonlar.

43.

Quroqchilik usulida tikish

Koʻrpa, yopinchiq, panno, yostiq jildlar tayyorlash
Izoh: hunarmandlar mazkur yoʻnalishlar boʻyicha hunarmandchilik mahsulotlarini (ishlarni, xizmatlarni) realizatsiya qilish, xizmat koʻrsatish va taʼmirlash ishlarini amalga oshirish huquqiga ega.
Oʻzbekiston Respublikasi Prezidentining 2023-yil 12-iyundagi PF-91-son Farmoniga
2-ILOVA
Hunarmandchilik va kasanachilikni qoʻllab-quvvatlash jamgʻarmasi hisobidan hunarmandchilik faoliyatini qoʻllab-quvvatlash uchun ajratiladigan subsidiyalar
ROʻYXATI

T/r

Hunarmandchilik faoliyatini qoʻllab-quvvatlash yoʻnalishlari

Tuman va shaharlar

1-toifa

2-toifa

3-toifa

4-toifa

5-toifa

1.

“Usta-shogird” anʼanalari asosida yoshlarga hunar oʻrgatayotgan hunarmandlarga shogirdlar tayyorlash, zarur xomashyo sotib olish va shogirdlarni ish haqi bilan taʼminlash uchun

Bazaviy hisoblash miqdorining (BHM) 2 baravarigacha

BHMning 4 baravarigacha

BHMning 5 baravarigacha

2.

Shogirdlarga — mustaqil faoliyat boshlashi uchun zarur asbob-uskuna va jihozlarni sotib olish uchun

Xarajatlarning 50 foizi,

biroq BHMning 25 baravarigacha

Xarajatlarning 75 foizi,

biroq BHMning 30 baravarigacha

3.

Ustalarga — internet saytlarini yaratish, oʻz mahsulotlarini jahon elektron savdo maydonchalariga chiqarish va reklama xarajatlari uchun

Xarajatlarning 50 foizi,

biroq BHMning 25 baravarigacha

Xarajatlarning 75 foizi,

biroq BHMning 30 baravarigacha

4.

Hunarmandlarning “Hunarmand” uyushmasiga aʼzolik badali xarajatlari uchun

BHMning 5 baravarigacha

5.

Hunarmandchilik faoliyati bilan shugʻullanayotgan nogironligi boʻlgan shaxslarning ish joyini moslashtirish uchun har bir moslashtirilayotgan ish joyi boʻyicha

BHMning 40 baravarigacha

Oʻzbekiston Respublikasi Prezidentining 2023-yil 12-iyundagi PF-91-son Farmoniga
3-ILOVA
2023-2024-yillarda hunarmandchilikning turli yoʻnalishlari boʻyicha oʻtkaziladigan koʻrgazmalar, festivallar va xalqaro konferensiyalar
ROʻYXATI

T/r

Tadbirlar nomlanishi

Amalga oshirish muddati

Masʼul ijrochilar

Qoraqalpogʻiston Respublikasi

1.

Xalqaro “Oʻtov” hunarmandchilik festivalini tashkil etish.

2023-yil oktabr

Qoraqalpogʻiston Respublikasi Vazirlar Kengashi

(Ermanov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

2.

Nukus shahrida “Taqiya” xalqaro festivalini oʻtkazish.

2024-yil may

Qoraqalpogʻiston Respublikasi Vazirlar Kengashi

(Ermanov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

Andijon viloyati

3.

Andijon shahrida “Milliy qoʻgʻirchoqlar — milliy qadriyatlar koʻzgusi” nomli respublika festivalini oʻtkazish.

2023-yil sentabr

Andijon viloyati hokimligi

(Abduraxmonov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov),

Maktab va maktabgacha taʼlim vazirligi

(Umarova)

4.

Shahrixon tumanida milliy pichoqchilik koʻrgazma-yarmarkasini tashkil etish.

2024-yil iyul

Andijon viloyati hokimligi

(Abduraxmonov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Buxoro viloyati

5.

Buxoro shahrida “Ipak va ziravorlar” anʼanaviy xalqaro festivalini oʻtkazish.

2023-yil iyun

Buxoro viloyati hokimligi

(Zaripov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

6.

Buxoro shahrida “Buxoro hunarmandlari kuni” festivalini oʻtkazish.

2024-yil noyabr

Buxoro viloyati hokimligi

(Zaripov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

Jizzax viloyati

7.

Baxmal tumanida “Baxmal egarlari” hunarmandchilik mahsulotlari savdo koʻrgazmasini tashkil etish.

2023-yil avgust

Jizzax viloyati hokimligi

(Saliyev),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

8.

Zomin tumanida “Milliy quroqlar va choponlar” milliy hunarmandchilik mahsulotlari koʻrgazmasini tashkil etish.

2024-yil iyul

Jizzax viloyati hokimligi

(Saliyev),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Qashqadaryo viloyati

9.

Shahrisabz shahrida Xalqaro iroqi kashtachilik festivalini tashkil etish.

2023-yil avgust

Qashqadaryo viloyati hokimligi

(Azimov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

10.

Kasbi tumanida kulolchilik koʻrgazmasini oʻtkazish.

2024-yil oktabr

Qashqadaryo viloyati hokimligi

(Azimov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Navoiy viloyati

11.

Navoiy shahrida “Navoiy hunarmandlari kuni” festivalini oʻtkazish.

2023-yil sentabr

Navoiy viloyati hokimligi

(Tursunov),

“Hunarmand” uyushmasi

(Abdullayev)

12.

“Nurota kashtachiligi” hunarmandchilik koʻrgazmasini tashkil etish.

2024-yil avgust

Navoiy viloyati hokimligi

(Tursunov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Namangan viloyati

13.

Chust tumanida “Doʻppi tikdim ipaklari tillodan” respublika milliy doʻppilar koʻrgazma yarmarkasini tashkil etish.

2023-yil avgust

Namangan viloyati hokimligi

(Abdurazakov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

14.

Namangan shahrida “Yogʻoch oʻymakorligi sanʼati” festivalini oʻtkazish.

2024-yil oktabr

Namangan viloyati hokimligi

(Abdurazakov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

Samarqand viloyati

15.

Samarqand shahrida “Silk road bazar” milliy hunarmandchilik festivalini oʻtkazish.

2023-yil oktabr

Samarqand viloyati hokimligi

(Turdimov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

16.

Samarqand shahrida II Xalqaro kashtachilik festivalini oʻtkazish.

2024-yil mart

Samarqand viloyati hokimligi

(Turdimov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

Sirdaryo viloyati

17.

Guliston shahrida milliy liboslar festivali va hunarmandchilik mahsulotlari savdo koʻrgazmasini tashkil etish.

2024-yil iyun

Sirdaryo viloyati hokimligi

(Maxmudaliyev),

“Hunarmand” uyushmasi

(Abdullayev)

Madaniyat va turizm vazirligi

(Nazarbekov)

Surxondaryo viloyati

18.

Angor hunarmandchilik markazida milliy liboslar koʻrgazmasini tashkil etish.

2024-yil aprel

Surxondaryo viloyati hokimligi

(Qosimov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Toshkent viloyati

19.

Boʻstonliq tumanida milliy suvenirlar yarmarkasini tashkil etish.

2023-yil avgust

Toshkent viloyati hokimligi

(Mirzayev),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

20.

Angren shahrida “Makrame va patli roʻmollar” savdo-yarmarkasini tashkil etish.

2024-yil noyabr

Toshkent viloyati hokimligi

(Mirzayev),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Fargʻona viloyati

21.

Rishton tumanida “Kulollar sayli” milliy kulolchilik mahsulotlari koʻrgazma-yarmarkasini tashkil etish.

2024-yil may

Fargʻona viloyati hokimligi

(Bozarov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

22.

Furqat tumanida “Uch avlod” respublika yogʻoch oʻymakorlari uchrashuvlarini tashkil etish.

2023-yil sentabr

Fargʻona viloyati hokimligi

(Bozarov),

“Hunarmand” uyushmasi

(Abdullayev)

23.

Margʻilon shahrida “Atlas bayrami” VI xalqaro anʼanaviy toʻqimachilik festivalini oʻtkazish.

2024-yil oktabr

Fargʻona viloyati hokimligi

(Bozarov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev),

YUNESKO ishlari boʻyicha Milliy komissiya

Xorazm viloyati

24.

Xiva shahrida “Gilamlarga bitilgan tarix” gilamchilik koʻrgazmasini tashkil etish.

2023-yil avgust

Xorazm viloyati hokimligi

(Raximov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

25.

Yangiariq kulolchilik markazida “Kulollar sayli” milliy kulolchilik mahsulotlari koʻrgazma savdosini tashkil etish.

2024-yil aprel

Xorazm viloyati hokimligi

(Raximov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

Toshkent shahri

26.

“Oʻzbekiston sovgʻalari” milliy suvenirlar va hunarmandchilik mahsulotlari koʻrgazma-savdosini tashkil etish.

2023-yil avgust

Toshkent shahri hokimligi

(Umurzakov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

27.

“Craft fair Uzbekistan” xalqaro hunarmandchilik mahsulotlari va texnologiyalari yarmarkalarini oʻtkazish.

2023-2024-yillar noyabr oyida

Investitsiyalar, sanoat va savdo vazirligi

(Kudratov),

Toshkent shahri hokimligi

(Umurzakov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov),

Tashqi ishlar vazirligi

(Saidov)

28.

“Yangi yil sovgʻalari” milliy suvenirlar yarmarkasini tashkil etish.

2023-2024-yillar dekabr oyida

Toshkent shahri hokimligi

(Umurzakov),

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

29.

“Sohir qalam moʻjizasi” IV respublika xattotlik va miniatyura koʻrgazmasi hamda ilmiy-amaliy konferensiyasini oʻtkazish.

2024-yil fevral

“Hunarmand” uyushmasi

(Abdullayev),

Badiiy akademiya

(Nuriddinov)

Xalqaro tadbirlar

30.

AQSh, Buyuk Britaniya, Fransiya, Germaniya, Italiya, Rossiya, Yaponiya, Xitoy, Turkiya, Indoneziya, Hindiston, Malayziya, Qozogʻiston, Ozarbayjon, Qirgʻiziston, Tojikiston va boshqa davlatlarda tashkil etiladigan xalqaro koʻrgazma va festivallarda (maxsus rejaga muvofiq) Oʻzbekiston hunarmandlarining ishtirokini taʼminlash.

2023-2024-yillar mobaynida

Investitsiyalar, sanoat va savdo vazirligi

(Kudratov),

Tashqi ishlar vazirligi

(Saidov),

Madaniyat va turizm vazirligi

(Nazarbekov),

“Hunarmand” uyushmasi

(Abdullayev)

Izoh: tadbirlarni oʻtkazish muddatiga zarur hollarda Vazirlar Mahkamasi (J. Xodjayev) tomonidan oʻzgartirish kiritishga ruxsat beriladi.
Oʻzbekiston Respublikasi Prezidentining 2023-yil 12-iyundagi PF-91-son Farmoniga
4-ILOVA
2023-2024-yillarda hududlarda hunarmandchilik yoʻnalishlarini rivojlantirish boʻyicha
“YOʻL XARITASI”
Oldingi tahrirga qarang.

T/r

Chora-tadbirlar nomi

Amalga oshirish shakli

Ijro muddati

Masʼul ijrochilar

1.

2023-yilda oilaviy tadbirkorlikni rivojlantirish dasturlari doirasida kasanachilik va hunarmandchilikni rivojlantirishga ajratilayotgan mablagʻlarning kamida 70 foizini hunarmandchilikni rivojlantirish boʻyicha loyihalarni moliyalashtirishga yoʻnaltirish.

Amaliy chora-tadbirlar

2023-yil davomida

Markaziy bank

(Kamalov),

Iqtisodiyot va moliya vazirligi

(Sultanov),

Kambagʻallikni qisqartirish va bandlik vazirligi

(Muxitdinov)

2.

Hunarmandchilik faoliyati bilan shugʻullanish uchun ijaraga beriladigan davlat mulki boʻlgan moddiy madaniy merosning koʻchmas mulk obyektlari roʻyxatini shakllantirish va ularni muntazam yangilab borish.

Amaliy chora-tadbirlar

2023-yil 25-iyun,

har yili

Madaniy meros agentligi

(Abdukarimov)

3.

Roʻyxatga asosan hunarmandchilik faoliyati bilan shugʻullanish uchun ijaraga beriladigan davlat mulki boʻlgan moddiy madaniy merosning koʻchmas mulk obyektlarini elektron onlayn auksionga chiqarish.

Amaliy chora-tadbirlar

2023-yil 1-iyul,

har yili

Davlat aktivlarini boshqarish agentligi

(Ortiqov)

4.

Davlat mulkini ijaraga berish tartibini moddiy madaniy merosning koʻchmas mulk obyektlarini hunarmandchilik faoliyati bilan shugʻullanish uchun ijaraga berishning xususiyatlaridan kelib chiqib, takomillashtirish.

Normativ-huquqiy hujjat loyihasi

2023-yil 1-avgust

Davlat aktivlarini boshqarish agentligi

(Ortiqov),

Madaniy meros agentligi

(Abdukarimov)

5.

“Xalq amaliy sanʼati ustalarining milliy katalogi” va “Turizm sohasida faoliyat yuritayotgan hunarmandlar reyestri”ni “E-auksion” elektron savdo platformasiga integratsiya qilish.

Amaliy chora-tadbirlar

2023-yil 1-iyul

“Hunarmand” uyushmasi

(Abdullayev),

Raqamli texnologiyalar vazirligi

(Pekos),

Davlat aktivlarini boshqarish agentligi

(Ortiqov)

6.

“Xalq amaliy sanʼati ustalarining milliy katalogi”da qadimiy sulola davomchilari boʻlgan hunarmandlar reyestrini yuritish va doimiy yangilab borish.

Amaliy chora-tadbirlar

2023-yil 1-iyul,

doimiy

“Hunarmand” uyushmasi

(Abdullayev)

7.

Hunarmandlarning xorijiy mamlakatlarda hunarmandchilik yoʻnalishlari boʻyicha oʻtkaziladigan koʻrgazmalar, festivallar va konferensiyalarda keng ishtirok etishini taʼminlash boʻyicha chora-tadbirlar rejasini tasdiqlash.

Chora-tadbirlar rejasi

Har yili 1-dekabrga qadar

“Hunarmand” uyushmasi

(Abdullayev)

8.

Toshkent shahridagi “Yangi Oʻzbekiston” bogʻiga tutash hududda zaxiradagi yerlarning 0,3 gektar yer uchastkasida mahalliy budjet mablagʻlarining orttirib bajarilgan qismi va qonunchilikda taqiqlanmagan boshqa mablagʻlar hisobidan namoyish zali, “Usta-shogird” maktabi va ustaxonani oʻz ichiga olgan Hunarmandlar maskanini barpo etish va hunarmandlarga belgilangan tartibda ijaraga berish.

Amaliy chora-tadbirlar

2024-yil 1-mart

Toshkent shahar hokimligi

(Umurzakov),

“Hunarmand” uyushmasi

(Abdullayev)

9.

Hududlarda hunarmandchilik faoliyatining har bir yoʻnalishini alohida yondashuvlar asosida rivojlantirish dasturlarini ishlab chiqish va Vazirlar Mahkamasiga kiritish.

Bunda, hunarmandchilikning yoʻqolib ketayotgan turlarini saqlab qolish va kelgusi avlodlarga yetkazish boʻyicha aniq choralarni belgilash.

Chora-tadbirlar dasturi

Har yili dekabr

“Hunarmand” uyushmasi

(Abdullayev),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

10.

“Hunarmand” uyushmasi faoliyatini mutlaqo yangi tizim asosida tashkil qilish. Bunda, quyidagilarni nazarda tutish:

hunarmandchilik faoliyatini rivojlantirish, jumladan Uyushma tomonidan hunarmandlarga xizmat koʻrsatish, davlat tomonidan taqdim etilgan subsidiya, imtiyoz va boshqacha qoʻllab-quvvatlash choralari samaradorligini oshirish;

sohani rivojlantirish dasturlari uchun jalb qilinadigan grant va texnik koʻmak mablagʻlarining prognozi hamda aniq yoʻnalishlarini belgilash;

hunarmandchilik mahsulotlarini ichki va tashqi bozorlarda keng targʻib qilish va sotish uchun qulay shart-sharoitlar yaratish;

hunarmandchilik faoliyati uchun zarur xomashyo bazasini shakllantirish va rivojlantirish;

Uyushmaning moliyaviy imkoniyatlarini kengaytirish va shu orqali hunarmandlarga koʻrsatiladigan xizmatlar sonini koʻpaytirish;

Uyushma raisi oʻrinbosarlari oʻrtasida aniq vazifalar va funksiyalarni taqsimlab, Uyushma ijro etuvchi apparati va hududiy boʻlinmalarining tuzilmalari hamda shtat birliklarini tasdiqlash.

Chora-tadbirlar rejasi

2023-yil 1-sentabr

“Hunarmand” uyushmasi

(Abdullayev)

12.

Xalqaro hunarmandchilik, badiiy sanʼat va dizayn institutini tashkil etishni nazarda tutuvchi normativ-huquqiy hujjat loyihasini Vazirlar Mahkamasiga kiritish. Bunda, institutning vazifalari etib quyidagilarni belgilash:

hunarmandchilik yoʻnalishida oliy maʼlumotga ega kadrlarni tayyorlash, jumladan “usta-shogird” anʼanalari asosida dual taʼlim tizimini keng joriy qilish;

hunarmandchilikning anʼanaviy turlarini saqlab qolgan holda, zamon talablariga moslashtirish va rivojlantirish;

hunarmandchilik hamda zamonaviy arxitektura, qurilish, dizayn, toʻqimachilik va boshqa sanoat sohalari oʻrtasida oʻzaro integratsiyani taʼminlash;

usta-hunarmandlar tomonidan maktablarda amaliy saboq berish amaliyotini yoʻlga qoʻyishga uslubiy koʻmaklashish.

Normativ-huquqiy hujjat loyihasi

2023-yil 1-sentabr

“Hunarmand” uyushmasi

(Abdullayev),

Madaniyat va turizm vazirligi

(Nazarbekov),

Oliy taʼlim, fan va innovatsiyalar vazirligi

(Abduraxmonov)

13.

Milliy matolar (xonatlas, adras, satin, aʼlo baxmal) va kashtachilikdagi gul va naqshlarni milliy hunarmandchilik boyligi sifatida asrab-avaylash, himoya qilish va ushbu yoʻnalishdagi hunarmandchilik turlarini rivojlantirishga oid takliflarni Vazirlar Mahkamasiga kiritish. Bunda:

milliy mato va kashtachilikda foydalaniladigan anʼanaviy gul va naqshlarning yangilanib boruvchi reyestrini yuritish;

davlat va ommaviy tadbirlarda sahnalarni bezash, badiiy jamoalar liboslarini tayyorlash va xorijiy mehmonlarga sovgʻalar berishda faqat qoʻlda toʻqilgan milliy mato va hunarmandchilik mahsulotlaridan foydalanishni nazarda tutish.

Chora-tadbirlar rejasi

2023-yil 1-sentabr

“Hunarmand” uyushmasi

(Abdullayev),

Madaniyat va turizm vazirligi

(Nazarbekov)

14.

Bolalarda milliy qadriyatlarga iftixor tuygʻusini yanada oshirish, amaliy sanʼat va milliy hunarmandchilikka oid tushunchalarni erta yoshdan shakllantirish maqsadida maktabgacha taʼlim tashkilotlarining oʻquv dasturlarida kulolchilik hunari toʻgʻrisidagi tushunchalarni aks ettirishni yoʻlga qoʻyish.

Idoraviy hujjat

2023-yil 1-avgust

Maktabgacha va maktab taʼlimi vazirligi

(Shin),

“Hunarmand” uyushmasi

(Abdullayev)

15.

Maktabni aʼlo baholar bilan tamomlagan bitiruvchilarga maktab davrini eslatadigan milliy hunarmandchilik mahsulotlari toʻplamini sovgʻa qilish amaliyotini yoʻlga qoʻyish.

Amaliy chora-tadbirlar

Har yili may oyida

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Maktabgacha va maktab taʼlimi vazirligi

(Umarova),

“Hunarmand” uyushmasi

(Abdullayev)

16.

Hunarmandchilik faoliyatida zarur yogʻoch xomashyo bazasini shakllantirish va tayyor mahsulotlarni realizatsiya qilish uchun “Hunarmand” uyushmasi taʼsischiligida hunarmandchilik klasterini tashkil etish.

Amaliy chora-tadbirlar

2023-yil 1-avgust

“Hunarmand” uyushmasi

(Abdullayev)

17.

Oʻzbekiston Respublikasi Prezidentining 2021-yil 30-dekabrdagi PQ-77-son qarorida belgilangan vazifalar ijrosini taʼminlash maqsadida import oʻrnini bosuvchi qattiq turdagi yogʻoch xomashyo bazasini yetishtirish uchun Toshkent viloyati, Yangiyoʻl tumanidan zaxirada boʻlgan 300 gektar qishloq xoʻjaligiga moʻljallangan yerlarni hunarmandlarga ijaraga berish uchun belgilangan tartibda elektron tanlovlarni tashkil etish.

Amaliy chora-tadbirlar

2023-yil 1-avgust

Toshkent viloyati hokimligi

(Mirzayev),

Qishloq xoʻjaligi vazirligi

(Voitov),

Davlat aktivlarini boshqarish agentligi

(Ortiqov),

“Hunarmand” uyushmasi

(Abdullayev)

18.

Hunarmandchilik klasterini moddiy qoʻllab-quvvatlash maqsadida “Hunarmand” uyushmasiga Vazirlar Mahkamasining zaxira jamgʻarmasi hisobidan sakkiz yil muddatga, biryoʻla qaytarib berish sharti bilan 5 mlrd soʻm ssuda ajratish.

Amaliy chora-tadbirlar

2023-yil 1-avgust

Iqtisodiyot va moliya vazirligi

(Kudbiyev),

“Hunarmand” uyushmasi

(Abdullayev)

19.

Xorijiy va mahalliy turistlarga hunarmandchilik mahsulotlarini keng targʻib qilish maqsadida yirik mehmonxonalarda hunarmandchilik mahsulotlarini sotish shourumlarini tashkil qilish.

Amaliy chora-tadbirlar

Doimiy ravishda

Madaniyat va turizm vazirligi

(Nazarbekov),

“Hunarmand” uyushmasi

(Abdullayev),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

20.

Toshkent, Nukus shaharlari va viloyat markazlarida mahalliy hokimliklar tomonidan tashkil etiladigan hunarmandchilik mahsulotlari savdo pavilonlarining manzilli roʻyxatini tasdiqlash.

Bunda, savdo pavilonlarini 2023-yil 1-oktabrga qadar ishga tushirish va “Hunarmand” uyushmasi hududiy boshqarmalariga tekin foydalanish huquqi bilan berishni nazarda tutish.

Chora-tadbirlar rejasi

2023-yil 1-iyul

Vazirlar Mahkamasi

(Xodjayev),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

“Hunarmand” uyushmasi

(Abdullayev)

21.

Hududlarda kulolchilik mahsulotlarini keng ommaga targʻib etish hamda ularning milliy iftixor ramzi sifatida har bir xonadonga kirib borishini taʼminlash maqsadida har bir hududda kulolchilik sayillarini oʻtkazish.

Amaliy chora-tadbirlar

Har yili kamida 2 marotaba

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

“Hunarmand” uyushmasi

(Abdullayev)

22.

Oʻzbekistonning xorijiy davlatlardagi barcha diplomatik vakolatxonalarida tashkil etiladigan shourum, koʻrgazma zallari va savdo doʻkonlariga hunarmandchilik mahsulotlari namunalarini yetkazib berish.

Amaliy chora-tadbirlar

Doimiy ravishda

Tashqi ishlar vazirligi

(Saidov),

Investitsiyalar, sanoat va savdo vaziriligi

(Kudratov),

“Hunarmand” uyushmasi

(Abdullayev)

23.

Oʻzini oʻzi band qiladigan shaxslar uchun faoliyat (ishlar, xizmatlar) turlari roʻyxatini hunarmandchilik faoliyatining yoʻnalishlari roʻyxatidan kelib chiqib takomillashtirish boʻyicha takliflar kiritish.

Normativ-huquqiy hujjat loyihasi

2023-yil 1-sentabr

Iqtisodiyot va moliya vazirligi

(Kudbiyev),

Kambagʻallikni qisqartirish va bandlik vazirligi

(Musayev),

“Hunarmand” uyushmasi

(Abdullayev)

24.

“Hunarmandchilik faoliyati toʻgʻrisida”gi qonun loyihasini ishlab chiqish va belgilangan tartibda Vazirlar Mahkamasiga kiritish.

Qonun loyihasi

2023-yil 1-oktabr

“Hunarmand” uyushmasi

(Abdullayev),

Kambagʻallikni qisqartirish va bandlik vazirligi

(Musayev),

Iqtisodiyot va moliya vazirligi

(Kudbiyev)

(4-ilova Oʻzbekiston Respublikasi Prezidentining 2024-yil 27-dekabrdagi PF-227-sonli Farmoni tahririda — Qonunchilik maʼlumotlari milliy bazasi, 28.12.2024-y., 06/24/227/1089-son)
Oʻzbekiston Respublikasi Prezidentining 2023-yil 12-iyundagi PF-91-son Farmoniga
5-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 17-noyabrdagi “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida”gi PF-5242-son Farmonida:
a) 4-bandda:
ikkinchi xatboshi chiqarib tashlansin;
uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;
b) 9-bandning birinchi xatboshisidagi “mazkur Farmonning 1-ilovasiga” soʻzlari “belgilangan tartibda tasdiqlangan hunarmandchilik faoliyatining yoʻnalishlari roʻyxatiga” soʻzlari bilan almashtirilsin;
v) 16-banddan uchinchi va toʻrtinchi xatboshilar chiqarib tashlansin;
g) 1-ilova oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2021-yil 30-dekabrdagi “Hunarmandchilik faoliyatini qoʻllab-quvvatlash tizimini yanada takomillashtirish chora-tadbirlari toʻgʻrisida”gi PQ-77-son qarorining 6-bandida:
birinchi xatboshidagi “2022-yil 1-iyunga” soʻzlari “2023-yil 1-oktabrga” soʻzlari bilan almashtirilsin;
beshinchi xatboshidagi “Savdo-sanoat palatasining hududiy boshqarmalariga operativ boshqaruv huquqi” soʻzlari “Hunarmand” uyushmasining hududiy boshqarmalariga tekin foydalanish huquqi” soʻzlari bilan almashtirilsin;
oltinchi xatboshidan “Savdo-sanoat palatasi va” soʻzlari chiqarib tashlansin.
(Qonunchilik maʼlumotlari milliy bazasi, 12.06.2023-y., 06/23/91/0357-son; 28.12.2024-y., 06/24/227/1089-son; 30.12.2024-y., 06/24/228/1091-son)