137-сон 03.04.2023. Qishloq xoʻjaligiga moʻljallangan yer uchastkalari ijarasiga doir huquqiy munosabatlar takomillashtirilishi munosabati bilan Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga oʻzgartirish va qoʻshimchalar kiritish haqida

Hujjat 03.04.2023 sanasi holatiga
Amaldagi versiyaga o‘tish

Oʻzbekiston Respublikasi Vazirlar Mahkamasining

qarori

Qishloq xoʻjaligiga moʻljallangan yer uchastkalari ijarasiga doir huquqiy munosabatlar takomillashtirilishi munosabati bilan Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga oʻzgartirish va qoʻshimchalar kiritish haqida

Amaldagi qonunchilik hujjatlarida qishloq xoʻjaligiga moʻljallangan yer uchastkalarini ijaraga olish uchun oʻtkazilgan ochiq elektron tanlovda ishtirok etgan talabgorlar tomonidan koʻproq ball toʻplash maqsadida yerning normativ qiymatidan kelib chiqqan holda, yer uchastkasining ijara muddatiga hisoblanadigan qoʻshimcha toʻlovlar ixtiyoriy ravishda toʻlanishi belgilangan.

Bunda ushbu qoʻshimcha toʻlovlar tanlov oʻtkazilgan sanadagi normativ qiymat boʻyicha hisoblanishi va yer uchastkasining ijara muddatiga teng taqsimlanishi nazarda tutilgan.

Oʻz navbatida, undirilgan qoʻshimcha toʻlovlar tegishli hududda qishloq va suv xoʻjaligi tizimini rivojlantirish, xususan sugʻorish tizimlarini yaxshilash, zamonaviy sugʻorish va suvni tejaydigan texnologiyalarni joriy etish, qishloq xoʻjaligi sohasiga ilmiy yangilik va innovatsion yondashuvlarni joriy qilish, kadrlar malakasini oshirish hamda yer va suv resurslaridan oqilona foydalanish tadbirlarini moliyalashtirish uchun yoʻnaltiriladi.

Yuqoridagilardan kelib chiqqan holda, bugungi kunda qoʻshimcha toʻlovlarning hisobini yuritish, ularni undirish muddatlari va sarflash tartibini aniq belgilash zarurati yuzaga kelmoqda.

Shu bilan birga, Oʻzbekiston Respublikasi Prezidentining “Mulk huquqining daxlsizligini ishonchli himoya qilish, mulkiy munosabatlarga asossiz aralashuvga yoʻl qoʻymaslik, xususiy mulkning kapitallashuv darajasini oshirish chora-tadbirlari toʻgʻrisida” 2022-yil 24-avgustdagi PF-198-son Farmoni qabul qilinganligi munosabati bilan qishloq xoʻjaligiga moʻljallangan yer uchastkalarining ijarasiga doir qonunosti hujjatlarini ushbu Farmonga muvofiqlashtirish talab etilmoqda.

Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlar hisobini yuritish, ularni undirish muddatlari va sarflash tartibini aniq belgilash, shuningdek, sohaga oid qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

qishloq xoʻjaligiga moʻljallangan yer uchastkalarini ochiq elektron tanlov orqali ijaraga olish huquqiga ega boʻlish uchun toʻlanishi zarur boʻlgan qoʻshimcha toʻlovlarning eng yuqori chegarasini belgilash;

qishloq xoʻjaligiga moʻljallangan yerlarning normativ qiymatidan kelib chiqqan holda yer uchastkasining ijaraga olish muddatiga hisoblanadigan qoʻshimcha toʻlovlar stavkalarini belgilash;

qishloq xoʻjaligiga moʻljallangan yer uchastkalarini ijaraga berish boʻyicha ochiq elektron tanlov gʻolibi tomonidan qoʻshimcha toʻlovning 5 foizi ijara shartnomasi tuzilguniga qadar, qolgan qismi esa ijara muddatida, har bir yilga teng boʻlgan holda toʻlanishi;

qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlarning hisobini yuritish, ularni undirish muddatlarini va sarflash tartibini belgilash.

2. Oʻzbekiston Respublikasi Qishloq xoʻjaligi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi qishloq xoʻjaligi vaziri A.B. Voitov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 3-aprel,

137-son

Vazirlar Mahkamasining 2023-yil 3-apreldagi 137-son qaroriga
ILOVA

Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga kiritilayotgan oʻzgartirish va qoʻshimchalar

1. 3-bandning toʻrtinchi xatboshisi quyidagi tahrirda bayon etilsin:

“Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlarning hisobini yuritish, ularni undirish muddatlarini belgilash va sarflash tartibi toʻgʻrisidagi nizom 3¹-ilovaga muvofiq tasdiqlansin”;

2. 1-ilovada:

2-bandning toʻqqizinchi xatboshisi “muomalaga layoqatli” soʻzlaridan keyin “, tegishli viloyat yoki Qoraqalpogʻiston Respublikasida doimiy yoki vaqtincha turgan joyi boʻyicha roʻyxat olingan” soʻzlari bilan toʻldirilsin;

5-bandning birinchi xatboshisi quyidagi tahrirda bayon etilsin:

“Oʻzbekiston Respublikasi Iqtisodiyot va moliya vazirligi huzuridagi Kadastr agentligining (keyingi oʻrinlarda — Kadastr agentligi) Davlat kadastrlari palatasi tuman (shahar)lar hokimliklari nomiga belgilangan tartibda davlat mulki sifatida davlat roʻyxatidan oʻtkazilgandan soʻng yuridik va jismoniy shaxslarga berilmagan qishloq xoʻjaligiga moʻljallangan yer uchastkalari toʻgʻrisida quyidagi maʼlumotlarni ijrochiga elektron axborot almashinuv orqali yuboradi”;

9-bandning “b” kichik bandi quyidagi mazmundagi uchinchi xatboshi bilan toʻldirilsin:

“belgilangan muddatda javob berilmagan yoki ijrochiga qaytarishda yer uchastkasining ixtisosligi va yoʻnalishi aniq belgilab berilmagan hollarda yer tuzish loyihalari tasdiqlangan hisoblanadi”;

32-band quyidagi mazmundagi ikkinchi, uchinchi va toʻrtinchi xatboshilar bilan toʻldirilsin:

“Gʻolib qishloq xoʻjaligiga moʻljallangan yer uchastkasini ijaraga olish huquqiga ega boʻlish uchun yerning normativ qiymatidan kelib chiqqan holda hisoblanadigan qoʻshimcha toʻlovni toʻlashni oʻz zimmasiga olganda, ijaraga olish shartnomasi qoʻshimcha toʻlovning 5 foizi operatorning maxsus hisobvaragʻiga shaxsiy kabinet orqali toʻlangandan soʻng imzolanadi.

2023-yil 1-apreldan boshlab tanlovlarda qoʻshimcha toʻlovning 5 foizini toʻlamagan va/yoki shartnoma imzolashni rad etgan (muddatida imzolamagan) tanlov gʻolibi hamda uning toʻgʻridan-toʻgʻri taʼsischilari hisoblangan shaxslar — savdo qoidasini buzgan ishtirokchi deb eʼtirof etiladi va ular ushbu holatni birinchi marta sodir etgan taqdirda, rad etgan sanadan boshlab oʻn ikki oy muddatga, ikkinchi marta takrorlaganda esa muddatsiz davrga tanlovlardan chetlatiladi.

Ushbu cheklovlar tanlov gʻolibi va uning toʻgʻridan-toʻgʻri taʼsischilari hisoblangan shaxslar savdo qoidasini buzgan ishtirokchi deb eʼtirof etilgunga qadar ularning ishtirokida savdolari boshlangan va/yoki yakunlangan boshqa lotlar boʻyicha tanlov jarayonlariga hamda ularning natijalariga qoʻllanilmaydi”;

33-band “ERI bilan” soʻzlaridan keyin “yoki platformada yaratilgan maxsus identifikatsiyalash imkoniyatidan foydalangan holda” soʻzlari bilan toʻldirilsin;

37-bandda:

beshinchi xatboshidagi “gʻolibi (salohiyatli gʻolib) tomonidan yer uchastkasini ijaraga olish shartnomasi imzolangandan soʻng” soʻzlari “yakunlangan yoki oʻtkazilmagan deb eʼtirof etilgan kunda” soʻzlari bilan almashtirilsin;

quyidagi mazmundagi oltinchi xatboshi bilan toʻldirilsin:

“Gʻolib tomonidan qishloq xoʻjaligiga moʻljallangan yer uchastkasini ijaraga olish huquqiga ega boʻlish uchun yerning normativ qiymatidan kelib chiqqan holda hisoblanadigan qoʻshimcha toʻlovning operator maxsus hisobvaragʻiga toʻlangan 5 foiz qismi ijaraga olish shartnomasi imzolangandan keyin tegishli tuman (shahar) mahalliy budjetiga toʻliq oʻtkazib beriladi”;

41-band quyidagi mazmundagi toʻrtinchi xatboshi bilan toʻldirilsin:

“Gʻolib tomonidan qishloq xoʻjaligiga moʻljallangan yer uchastkasini ijaraga olish huquqiga ega boʻlish uchun yerning normativ qiymatidan kelib chiqqan holda hisoblanadigan qoʻshimcha toʻlovning operatorning maxsus hisobvaragʻiga toʻlangan va ijara shartnomasi tuzilgandan keyin tegishli tuman (shahar) mahalliy budjetiga oʻtkazib beriladigan qismi ijara shartnomasida inobatga olinadi”;

1-ilova quyidagi mazmundagi 1a-bosqich bilan toʻldirilsin:

“
1a-bosqich	Jismoniy va yuridik shaxslar	Davlat mulki sifatida davlat roʻyxatidan oʻtkazilgan qishloq xoʻjaligiga moʻljallangan yer uchastkalari toʻgʻrisidagi maʼlumotlarni ochiq elektron tanlovga qoʻyish boʻyicha “E-IJARA” ATga takliflar kiritadi.	Zaruratga koʻra
	Jismoniy va yuridik shaxslar		Zaruratga koʻra

	“Oʻzdaverloyiha” davlat ilmiy-loyihalash instituti	Jismoniy yoki yuridik shaxsning taklifini oʻrganib chiqadi, taklifni qabul qiladi yoki rad etadi.	5 ish kuni ichida
	“Oʻzdaverloyiha” davlat ilmiy-loyihalash instituti		5 ish kuni ichida
			”;

4-ilovada:

“a” blok quyidagi tahrirda bayon etilsin:

“
A-BLOK. Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlar (eng yuqori ball — 36)
1.	Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlar (mazkur summa tanlov oʻtkazilgan sanadagi normativ qiymat boʻyicha hisoblanadi hamda yer uchastkasining ijara muddatiga teng taqsimlanadi)*	yer normativ qiymatining 1 barobariga teng miqdorda	10
		yer normativ qiymatining 2 barobariga teng miqdorda	20
		yer normativ qiymatining 3 barobariga teng miqdorda	30
		yer normativ qiymatining 4 barobariga teng miqdorda	36
				”;

“b” blokda:

nomi “Talabgor haqida maʼlumotlar” soʻzlaridan keyin “(eng yuqori ball — 36)” soʻzlari bilan toʻldirilsin;

3-pozitsiya quyidagi tahrirda bayon etilsin:

“
3.	Talabgorning agrar soha boʻyicha mutaxassisligi, malaka va bilimga egaligi	Oliy maʼlumot	5
		Urta maxsus maʼlumot	4
		Yangi tartibda tashkil qilingan kasbga oʻqitish markazlarida malaka va bilimga egaligi (mono-markaz, agroxizmatlar markazi, fermerlar maktabi, maslahat ofislari va boshqa)	3
		Mavjud emas	0
				”;

5-pozitsiyadagi “Ishsiz oila aʼzolari soni (ota-onasi, er-xotini, farzandlari)” soʻzlari “Ishsiz oila aʼzolari (ota-onasi, er-xotini, farzandlari) soni (mahalladagi hokim yordamchisi tomonidan “E-AUKSION” elektron savdo platformasi orqali ERI bilan tasdiqlash yoʻli bilan baholanadi)” soʻzlari bilan almashtirilsin;

“v” blokning 6-pozitsiyasidagi “Yer uchastkasi joylashgan viloyatda, biroq boshqa tuman (shahar)da yashovchi talabgor” qatori chiqarib tashlansin.

3. 2-ilovada:

3-bandning toʻqqizinchi xatboshisi “murojaat qilgan” soʻzlaridan keyin “tegishli viloyat yoki Qoraqalpogʻiston Respublikasida doimiy yoki vaqtincha turgan joyi boʻyicha roʻyxatga olingan” soʻzlari bilan toʻldirilsin;

6-bandning birinchi xatboshisi quyidagi tahrirda bayon etilsin:

10-bandning “b” kichik bandi quyidagi mazmundagi ikkinchi xatboshi bilan toʻldirilsin:

“belgilangan muddatda javob berilmagan yoki ijrochiga qaytarishda yer uchastkasining ixtisosligi va yoʻnalishi aniq belgilab berilmagan hollarda yer tuzish loyihalari tasdiqlangan hisoblanadi”;

23-bandning ikkinchi xatboshisi “ERI bilan” soʻzlaridan keyin “yoki platformada yaratilgan maxsus identifikatsiyalash imkoniyatidan foydalangan holda” soʻzlari bilan toʻldirilsin;

33-band quyidagi mazmundagi ikkinchi, uchinchi va toʻrtinchi xatboshilar bilan toʻldirilsin:

34-banddagi “ERI bilan” soʻzlaridan keyin “yoki platformada yaratilgan maxsus identifikatsiyalash imkoniyatidan foydalangan holda” soʻzlari bilan toʻldirilsin;

37-bandning birinchi xatboshisi quyidagi tahrirda bayon etilsin:

“Ochiq elektron tanlov gʻolibi jismoniy shaxs boʻlsa, tanlov gʻolibi shartnoma imzolash uchun berilgan besh ish kuni doirasida oʻzining yagona taʼsischiligida taʼsis etilgan fermer xoʻjaligi yoki boshqa yuridik shaxs toʻgʻrisidagi axborotni shaxsiy kabineti orqali kiritadi”;

38-bandda:

oltinchi xatboshidagi “gʻolibi tomonidan yer uchastkasini ijaraga olish shartnomasi imzolangandan soʻng” soʻzlari “yakunlangan yoki oʻtkazilmagan deb eʼtirof etilgan kunda” soʻzlari bilan almashtirilsin;

quyidagi mazmundagi toʻqqizinchi xatboshi bilan toʻldirilsin:

“Gʻolib tomonidan qishloq xoʻjaligiga moʻljallangan yer uchastkasini ijaraga olish huquqiga ega boʻlish uchun yerning normativ qiymatidan kelib chiqqan holda hisoblanadigan qoʻshimcha toʻlovning operatorning maxsus hisobvaragʻiga toʻlangan va ijara shartnomasi tuzilgandan keyin tegishli tuman (shahar) mahalliy budjetiga oʻtkazib beriladigan qismi ijara shartnomasida inobatga olinadi”;

42-band quyidagi mazmundagi toʻrtinchi xatboshi bilan toʻldirilsin:

“Gʻolib tomonidan gʻoliblikka ega boʻlish uchun qabul qilingan qoʻshimcha majburiyatdan dastlabki toʻlov sifatida operatorning maxsus hisobvaragʻiga toʻlangan va ijara shartnomasi tuzilgandan keyin tegishli tuman (shahar) mahalliy budjetiga oʻtkazib beriladigan mablagʻlar ijara shartnomasida inobatga olinadi”;

47-band quyidagi tahrirda bayon etilsin:

“47. Tanlovga qoʻyilgan obyekt ijrochi tomonidan yoki tegishli sud, prokuror, tergovchi va surishtiruvchining qarorlariga asosan tanlov boshlangunga qadar yoki tanlov oʻtkazilmagan deb topilgandan soʻng savdo platformasidan olinishi (buyurtmaga oʻzgartirish kiritilishi, bekor qilinishi) mumkin.

Bunda tanlovga qoʻyilgan yer uchastkasini savdodan olish (buyurtmaga oʻzgartirish kiritish, bekor qilish va toʻxtatish) boʻyicha yozma soʻrov xati faqat savdo platformasi orqali tanlov oʻtkaziladigan kun soat 09:30 gacha (GMT+5) qabul qilinadi. Belgilangan muddat oʻtgandan keyin kelib tushgan soʻrov xatiga (sud, prokuror, tergovchi va surishtiruvchining qaroriga) asosan yer uchastkasining tanlovdan olinishiga yoʻl qoʻyilmaydi. Tanlovni oʻtkazish tartib-taomillari davom ettiriladi.

Talabgorlarning integratsiyalashgan axborot tizimlari orqali olinadigan maʼlumotlari oʻz vaqtida kelmasligi (umuman kelmasligi) yoki mavjud emasligi oqibatida yuzaga keladigan nizolarga operator javobgar boʻlmaydi”;

1-ilova quyidagi mazmundagi 1a-bosqich bilan toʻldirilsin:

“
1a-bosqich	Jismoniy va yuridik shaxslar	Davlat mulki sifatida davlat roʻyxatidan oʻtkazilgan qishloq xoʻjaligiga moʻljallangan va boʻsh turgan yer uchastkalari toʻgʻrisidagi maʼlumotlarni ochiq elektron tanlovga qoʻyish boʻyicha “E-IJARA” ATga takliflar kiritadi.	Zaruratga koʻra
	Jismoniy va yuridik shaxslar		Zaruratga koʻra

	“Oʻzdaverloyiha” davlat ilmiy-loyihalash instituti	Jismoniy yoki yuridik shaxsning taklifini oʻrganib chiqadi, taklifni qabul qiladi yoki rad etadi.	5 ish kuni ichida
	“Oʻzdaverloyiha” davlat ilmiy-loyihalash instituti		5 ish kuni ichida
			”;

4-ilovada:

“a” blok quyidagi tahrirda bayon etilsin:

“
A-BLOK. Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlar (eng yuqori ball — 78, chorvachilik yoʻnalishi uchun — 88)
1.	Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlov (mazkur summa tanlov oʻtkazilgan sanadagi normativ qiymat boʻyicha hisoblanadi hamda yer uchastkasining ijara muddatiga teng taqsimlanadi)*	a) chorvachilikdan boshqa yoʻnalishlar uchun:
		yer normativ qiymatining 1 barobariga teng miqdorda	18
		yer normativ qiymatining 2 barobariga teng miqdorda	38
		yer normativ qiymatining 3 barobariga teng miqdorda	58
		yer normativ qiymatining 4 barobariga teng miqdorda	78
		b) chorvachilik yoʻnalishi uchun:
		yer normativ qiymatining 1 barobariga teng miqdorda	18
		yer normativ qiymatining 2 barobariga teng miqdorda	35
		yer normativ qiymatining 3 barobariga teng miqdorda	70
		yer normativ qiymatining 4 barobariga teng miqdorda	88
				”;

“b” blokda:

nomi “avtomatik ravishda baholanadi” soʻzlaridan keyin “, eng yuqori ball — 45” soʻzlari bilan toʻldirilsin;

4-pozitsiya “ish staji” soʻzlaridan keyin “(bunda ish staji boʻyicha maʼlumot talabgor tomonidan platformada hisoblanadigan shartli 16 yosh hamda talabgorning yoshi oʻrtasidagi oraliq vaqt doirasida belgilanadi)” soʻzlari bilan toʻldirilsin;

5-pozitsiya “hisobga olinadi” soʻzlaridan keyin “, bir nechta turdagi texnika mavjud boʻlgan taqdirda, eng yuqori ballga ega boʻlgan toifadagi texnika balli hisobga olinadi” soʻzlari bilan toʻldirilsin;

“v” blokda:

nomi “kelgusidagi rejalari” soʻzlaridan keyin “(eng yuqori ball — 33, chorvachilik yoʻnalishi uchun — 43)” soʻzlari bilan toʻldirilsin;

20-pozitsiya chiqarib tashlansin.

Keyingi tahrirga qarang.

4. Quyidagi mazmundagi 3¹-ilova bilan toʻldirilsin:

“Vazirlar Mahkamasining 2021-yil 24-noyabrdagi 709-son qaroriga
3¹-ILOVA

Qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun toʻlanadigan qoʻshimcha toʻlovlarning hisobini yuritish, ularni undirish muddatlarini belgilash va sarflash tartibi toʻgʻrisida

NIZOM

1-bob. Umumiy qoidalar

1. Ushbu Nizom qishloq xoʻjaligiga moʻljallangan yer uchastkalarini ijaraga olish huquqiga ega boʻlish uchun yerning normativ qiymatidan kelib chiqqan holda toʻlanadigan qoʻshimcha toʻlovlar (keyingi oʻrinlarda — qoʻshimcha toʻlovlar) hisobini yuritish, ularni undirish muddatlarini belgilash va sarflash tartibini belgilaydi.

2. Qoʻshimcha toʻlovlar jismoniy va yuridik shaxslar tomonidan Dehqon xoʻjaligini yuritish uchun yer uchastkalarini ijaraga berishning maʼmuriy reglamenti hamda Yuridik shaxslarga qishloq xoʻjaligi maqsadlari uchun yer uchastkalarini ijaraga berishning maʼmuriy reglamentiga muvofiq hisoblab chiqiladi.

Qoʻshimcha toʻlovlarning hisobi ushbu Nizomga ilova qilingan sxemaga muvofiq yuritiladi.

2-bob. Qoʻshimcha toʻlovlarning hisobini yuritish

3. Qoʻshimcha toʻlovlar jismoniy va yuridik shaxslar tomonidan tanlovda ijara huquqini yutib olish uchun koʻproq ball toʻplash maqsadida qishloq xoʻjaligiga moʻljallangan yer uchastkalarining ijara davri muddatiga teng taqsimlangan holda ixtiyoriy ravishda toʻlanadi va tegishli tuman (shahar) budjetiga yoʻnaltiriladi.

4. Qoʻshimcha toʻlovlarning hisobini yuritish maqsadida Iqtisodiyot va moliya vazirligining axborot tizimida har bir tuman (shahar) uchun daromadlar boʻyicha shaxsiy gʻazna hisobvaraqlari ochiladi.

Qoʻshimcha toʻlovlarning hisobi tuman (shahar) soliq inspeksiyasi va (yoki) tuman (shahar) hokimining qaroriga muvofiq boshqa vakolatli organlar tomonidan yuritiladi.

5. Qoʻshimcha toʻlovlar sarflanishini nazorat qilib borish uchun budjet tizimi budjetlari xarajatlarining vazifa jihatidan tasnifidan kelib chiqib, har bir tarmoq xarajatlari alohida shaxsiy gʻazna hisobvaraqlarda yuritiladi.

3-bob. Qoʻshimcha toʻlovlarni undirish muddatlarini belgilash tartibi

6. Ijara davri muddatiga teng taqsimlanadigan qoʻshimcha toʻlovlarni toʻlash grafigi (keyingi oʻrinlarda — toʻlash grafigi) ochiq elektron tanlov natijalari boʻyicha eng yuqori ballga ega boʻlgan talabgor (keyingi oʻrinlarda — tanlov gʻolibi) va tuman (shahar) hokimligi oʻrtasida tuziladigan qishloq xoʻjaligiga moʻljallangan yer uchastkasining ijara shartnomasiga ilova qilinadi.

Qoʻshimcha toʻlovlar tanlov gʻolibining yer uchastkasiga boʻlgan ijara huquqi davlat roʻyxatidan oʻtkazilgan sanadan boshlab hisoblanadi.

Bunda tanlov gʻolibi tomonidan qishloq xoʻjaligiga moʻljallangan yer maydonlarini ijaraga olish huquqiga ega boʻlish uchun zimmasiga olingan qoʻshimcha toʻlovning dastlabki toʻlov sifatida operator maxsus hisobvaragʻiga toʻlangan va tuman (shahar) mahalliy budjetiga oʻtkazib berilgan 5 foiz qismi inobatga olinadi va qoʻshimcha toʻlov summasidan kamaytiriladi.

7. Qoʻshimcha toʻlovlarning bir kalendar yili uchun hisoblangan miqdori toʻlash grafigiga muvofiq tanlov gʻolibi tomonidan toʻlanadi.

Toʻlash grafigida qoʻshimcha toʻlovlarning har bir kalendar yili uchun hisoblangan miqdori hisobot yilida 15-aprel va 15-oktabrga qadar teng ulushlarda toʻlanishi nazarda tutiladi.

Bunda qoʻshimcha toʻlovlar toʻlash grafigida belgilangan muddatdan oldin ham toʻlanishi mumkin.

Qoʻshimcha toʻlovlar ijara davri muddatiga boʻlib toʻlanganda, qolgan summa toʻlov amalga oshirilgan sanadagi normativ qiymatni oʻtgan yildagi yer normativ qiymatiga nisbatan oʻzgarish koeffitsiyentini koʻpaytirish orqali hisoblanadi.

8. Qoʻshimcha toʻlovlar tanlov gʻolibi tomonidan toʻlash grafigida belgilangan muddatda toʻlanmagan yoki toʻliq toʻlanmagan taqdirda, tuman (shahar) soliq inspeksiyasi va (yoki) tuman (shahar) hokimining qaroriga muvofiq boshqa vakolatli organlar tomonidan belgilangan tartibda undirish choralari koʻriladi.

4-bob. Qoʻshimcha toʻlovlarni sarflash tartibi

9. Qoʻshimcha toʻlovlar qatʼiy ravishda investitsiya va ijtimoiy infratuzilmani rivojlantirish dasturlariga muvofiq tegishli tuman (shahar)da qishloq va suv xoʻjaligi infratuzilmasini rivojlantirish, shu jumladan, sugʻorish tizimlarini yaxshilash, zamonaviy sugʻorish va suvni tejaydigan texnologiyalarni joriy etish uchun zarur infratuzilmani yaratish, yer tuzish ishlarini institutsional rivojlantirish, qishloq xoʻjaligi sohasidagi eng soʻnggi ilmiy yangilik va innovatsion yondashuvlarni joriy etish, kadrlar malakasini oshirish hamda yer va suv resurslaridan oqilona foydalanish tadbirlarini moliyalashtirish uchun tuman (shahar) hokimi qaroriga muvofiq yoʻnaltiriladi.

Tuman (shahar) hokimi qarorining loyihalari tuman (shahar) irrigatsiya boʻlimlari va tuman (shahar) qishloq xoʻjaligi boʻlimlari tomonidan tayyorlanadi.

Bunda tuman (shahar) hokimining qarori qoʻshimcha toʻlovlardan tuman (shahar) budjetiga haqiqatda kelib tushgan mablagʻlar doirasida qabul qilinadi.

10. Tuman (shahar) hokimining qabul qilingan qarori tasdiqlash uchun xalq deputatlari tuman (shahar) Kengashiga kiritiladi.

11. Tuman (shahar) budjetida jamlangan mablagʻlarning Qoraqalpogʻiston Respublikasi budjeti, viloyatlar va Toshkent shahar mahalliy budjetlari hamda boshqa tuman (shahar) budjetiga oʻtkazilishiga yoki qayta taqsimlanishiga yoʻl qoʻyilmaydi.

12. Qishloq va suv xoʻjaligi infratuzilmasini rivojlantirish, shu jumladan, sugʻorish tizimlarini yaxshilash, zamonaviy sugʻorish va suvni tejaydigan texnologiyalarni joriy etish uchun zarur infratuzilmani yaratish, yer tuzish ishlarini institutsional rivojlantirish, qishloq xoʻjaligi sohasidagi eng soʻngi ilmiy yangilik va innovatsion yondashuvlarni joriy etish, kadrlar malakasini oshirish hamda yer va suv resurslaridan oqilona foydalanish tadbirlarini bajarish boʻyicha xarajatlar smetalarini tuzish, tasdiqlash, roʻyxatdan oʻtkazish va ularga oʻzgartirishlar (qoʻshimchalar) kiritish, shuningdek, ular yuzasidan tuzilgan shartnomalarni roʻyxatdan oʻtkazish va xarajatlarni amalga oshirish budjet qonunchiligida belgilangan tartibda amalga oshiriladi.

5-bob. Yakunlovchi qoidalar

13. Qoʻshimcha toʻlovlarning ikki yil davomida toʻlash grafigida belgilangan muddatda toʻlanmasligi yoki toʻliq toʻlanmasligi Oʻzbekiston Respublikasi Yer kodeksining 36-moddasi birinchi qismining 9-bandiga asosan yer uchastkasiga boʻlgan huquqlarning bekor qilinishiga asos boʻladi.

14. Yer uchastkasiga boʻlgan huquqlar bekor qilinganda, tanlov gʻolibining qoʻshimcha toʻlovlarni toʻlash boʻyicha majburiyatlari yer uchastkasiga boʻlgan huquqlar bekor qilingan sanadan boshlab toʻxtatiladi.

15. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Qoʻshimcha toʻlovlarning hisobini yuritish

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Iqtisodiyot va moliya vazirligi	Qoʻshimcha toʻlovlarning hisobini yuritish maqsadida axborot tizimida har bir tuman (shahar) uchun daromadlar boʻyicha shaxsiy gʻazna hisobvaraqlarini ochadi.	Belgilangan muddatlarda
1-bosqich	Iqtisodiyot va moliya vazirligi		Belgilangan muddatlarda

2-bosqich	Jismoniy va yuridik shaxslar	Tanlovda ijara huquqini yutib olish uchun koʻproq ball toʻplash maqsadida belgilangan tartibda hisoblab chiqilgan qoʻshimcha toʻlovlarni ixtiyoriy ravishda qishloq xoʻjaligi yer maydonlarining ijara davri muddatiga teng taqsimlangan holda toʻlaydi.	15-aprel va 15-oktabrga qadar
2-bosqich	Jismoniy va yuridik shaxslar		15-aprel va 15-oktabrga qadar

3-bosqich	Tuman (shahar) hokimlari	1. Qoʻshimcha toʻlovlardan tuman (shahar) budjetiga haqiqatda kelib tushgan mablagʻlar doirasida belgilangan tadbirlarni moliyalashtirish uchun qarorlarni qabul qiladi. 2. Tuman (shahar) hokimining qabul qilingan qarorini tasdiqlash uchun xalq deputatlari tuman (shahar) Kengashiga kiritadi.	Belgilangan tartibda
3-bosqich	Tuman (shahar) hokimlari		Belgilangan tartibda

4-bosqich	Xalq deputatlari tuman (shahar) Kengashi	Tuman (shahar) hokimi tomonidan qabul qilingan qarorni tasdiqlaydi.	Belgilangan tartibda
4-bosqich	Xalq deputatlari tuman (shahar) Kengashi		Belgilangan tartibda

5-bosqich	Tuman (shahar) hokimlari	Qabul qilingan qaror asosida belgilangan tadbirlarni moliyalashtirish uchun yoʻnaltiradi.	Belgilangan tartibda
5-bosqich	Tuman (shahar) hokimlari		Belgilangan tartibda
			”.

(Qonunchilik maʼlumotlari milliy bazasi, 03.04.2023-y., 09/23/137/0186-son; 22.04.2024-y., 09/24/223/0292-son)