1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.01.00 Davlat dasturlari, konsepsiyalar va boshqalar;
2.13.00.00.00 Taʼlim. Fan. Madaniyat / 13.01.00.00 Taʼlim / 13.01.09.00 Oʻrta taʼlim;
3.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
[TSZ:
1.Davlat va jamiyat qurilishi / Qonunchilik tashabbusi. Norma ijodkorligi faoliyati;
2.Davlat va jamiyat qurilishi / Davlat dasturlari, konsepsiyalari va boshqalar;
3.Ijtimoiy-madaniy masalalar / Taʼlim]
Oʻzbekiston Respublikasi Vazirlar Mahkamasining
qarori
Xalq taʼlimi vaziri jamgʻarmasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida” 2022-yil 11-maydagi PF-134-son Farmoni ijrosi yuzasidan, shuningdek, xalq taʼlimi tizimida mehnat faoliyatini amalga oshirayotgan va oʻquvchilari yuqori natijalarga erishgan malakali pedagog kadrlarning mehnatini ragʻbatlantirish hamda oʻz ustida doimiy ishlaydigan, oʻzining oʻqitish uslubiga va xalq orasida obroʻ-eʼtiborga ega boʻlgan oʻqituvchilarni yanada qoʻllab-quvvatlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “2022 — 2026-yillarda xalq taʼlimini rivojlantirish boʻyicha milliy dasturni tasdiqlash toʻgʻrisida” 2022-yil 11-maydagi PF-134-son Farmonining 12-bandiga muvofiq:
Oʻzbekiston Respublikasi Xalq taʼlimi vazirligining yuridik shaxs boʻlmagan Xalq taʼlimi vaziri jamgʻarmasi (keyingi oʻrinlarda — Jamgʻarma) tashkil etilganligi;
Oʻzbekiston Respublikasi Moliya vazirligi tomonidan 2022-yilda Jamgʻarmaga Davlat budjetidan 300 mlrd soʻm mablagʻ ajratilishini taʼminlash belgilanganligi maʼlumot uchun qabul qilinsin.
2. Quyidagilar Jamgʻarma mablagʻlarini shakllantirish manbalari etib belgilansin:
Oʻzbekiston Respublikasi Davlat budjetidan ajratiladigan mablagʻlar;
Jamgʻarmaning vaqtincha boʻsh mablagʻlarini tijorat banklariga joylashtirishdan olinadigan daromadlar;
yuridik va jismoniy shaxslarning, shu jumladan, Oʻzbekiston Respublikasi norezidentlarining homiylik xayriyalari;
xalqaro moliya tashkilotlari va xorijiy davlatlarning grantlari va texnik koʻmaklashish mablagʻlari;
qonunchilik hujjatlarida taqiqlanmagan boshqa manbalar.
3. Belgilansinki, Jamgʻarmaning mablagʻlari quyidagi maqsadlarga sarflanadi:
Xalq taʼlimi vazirligi tizimidagi umumiy oʻrta taʼlim muassasalarida faoliyat yuritayotgan malakali pedagog kadrlarga har oylik ustama toʻlash;
Oʻzbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida” 2019-yil 3-maydagi PQ-4306-son qaroriga muvofiq xalqaro va asosiy olimpiadaning respublika bosqichida gʻolib boʻlgan oʻquvchilarni tayyorlagan pedagog kadrlarga bir martalik pul mukofotlarini toʻlash;
malakali pedagog kadrlar va ilgʻor xodimlarni saralash bilan bogʻliq xarajatlarni qoplash. Bunda ushbu maqsadlarga Jamgʻarma daromadlarining 1 foizidan koʻp boʻlmagan qismini yoʻnaltirishga ruxsat etiladi;
pedagoglarga ilgʻor oʻqitish metodikalari va innovatsiyalarga oʻrgatish tizimini yulga qoʻyish maqsadida tashkil etilgan metodik guruhlar faolyatini tashkil etish bilan bogʻlik boʻlgan xarajatlarini qoplash shu jumladan, ushbu guruhlar tarkibiga jalb etilgan mutaxassislarni ragʻbantlarntirish;
taʼlim sohasida xizmat koʻrsatuvchi vakolatli xalqaro tashkilotlarni jalb qilgan holda pedagog kadrlarning umumtaʼlim fanlari boʻyicha bilim darajasi va pedagogik mahoratini baholash tizimini ishlab chiqish hamda amaliyotga joriy qilish bilan bogʻliq xarajatlarni qoplash.
4. Quyidagilarni nazarda tutuvchi Xalq taʼlimi vazirining jamgʻarmasi toʻgʻrisidagi nizom 1-ilovaga muvofiq tasdiqlansin:
Jamgʻarma mablagʻlarini shakllantirish va undan foydalanish tartibi;
ustama toʻlanadigan malakali pedagog kadrlarni tanlab olishning bosqichlari, mezonlari va tartibi;
mehnatga haq toʻlashning eng kam miqdorining 5,5 baravari miqdorida eng yuqori ball toʻplagan malakali pedagog kadrlarga har oylik ustama, shuningdek, xalq taʼlimi tizimida faoliyat yuritayotgan ilgʻor xodimlarga bir martalik pul mukofotini toʻlash mezonlari.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.
6. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi xalq taʼlimi vaziri B.O. Saidov va Oʻzbekiston Respublikasi moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 2-avgust,
425-son
Vazirlar Mahkamasining 2022-yil 2-avgustdagi 425-son qaroriga 1-ILOVA
Xalq taʼlimi vazirining jamgʻarmasi toʻgʻrisidagi
NIZOM
1-bob. Umumiy qoidalar
1. Mazkur Nizom Xalq taʼlimi vaziri jamgʻarmasi (keyingi oʻrinlarda — Jamgʻarma) mablagʻlarini shakllantirish va undan foydalanish, Jamgʻarma mablagʻlari hisobidan xalq taʼlimi tizimidagi pedagog xodimlarni ragʻbatlantirish tartibini belgilaydi.
2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Xalq taʼlimi vazirligining (keyingi oʻrinlarda — Vazirlik) Oʻzbekiston Respublikasi Moliya vazirligi Gʻaznachiligidagi shaxsiy gʻazna hisobvaragʻida jamlanadi.
3. Jamgʻarma mablagʻlarini shakllantirish va undan foydalanish tartibi mazkur Nizomga ilovaga muvofiq sxema asosida amalga oshiriladi.
4. Ushbu Nizomda quyidagi asosiy tushunchalardan foydalaniladi:
malakali pedagog kadrlar — Vazirlik tizimidagi umumiy oʻrta taʼlim muassasalarida faoliyat yuritayotgan:
oʻquvchilari oliy taʼlim muassasalariga yoki Prezident, ijod va ixtisoslashtirilgan maktablarga kirish imtihonlarida eng yuqori natija koʻrsatgan pedagog kadrlar;
oʻquvchilari xalqaro yoki respublika miqyosidagi musobaqa va tanlovlarda sovrinli oʻrinlarni qoʻlga kiritgan pedagog kadrlar;
ilgʻor xodimlar — xalq taʼlimi tizimida faoliyat yuritayotgan:
taʼlim sifatini oshirishga oʻz hissasini qoʻshgan rahbar kadrlar, psixologlar va kutubxonachilar;
oʻz faoliyatida yuqori natijalarga erishgan yoki oʻz mahorat maktabini tashkil qilgan metodistlar;
respublika boʻyicha tashabbus koʻrsatgan, ishlari respublika va xalqaro miqyosda ommalashgan yoki xalq taʼlimi tizimida samarali faoliyat yuritayotgan pedagog kadrlar;
mobil metodik guruhlar — Oʻzbekiston Respublikasi Prezidentining “Xalq taʼlimi tizimini isloh qilish boʻyicha qoʻshimcha chora-tadbirlar toʻgʻrisida” 2022-yil 3-fevraldagi F-22-son farmoyishiga muvofiq hududlardagi taʼlim sifati past, muhiti ogʻir boʻlgan maktablarga borib pedagoglarga ilgʻor oʻqitish metodikalari va innovatsiyalarga oʻrgatish tizimini yoʻlga qoʻyish maqsadida tashkil etilgan metodik guruhlar;
xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlari (keyingi oʻrinlarda — hududiy kengashlar) — Oʻzbekiston Respublikasi Prezidentining “Xalq taʼlimi tizimini isloh qilish boʻyicha qoʻshimcha chora-tadbirlar toʻgʻrisida” 2022-yil 3-fevraldagi F-22-son farmoyishiga muvofiq tashkil etilgan hududiy kengashlar.
2-bob. Jamgʻarma mablagʻlarini shakllantirish
5. Jamgʻarma mablagʻlari quyidagi mablagʻlar hisobidan shakllantiriladi:
Oʻzbekiston Respublikasi Davlat budjetidan ajratiladigan mablagʻlar;
Jamgʻarmaning vaqtincha boʻsh mablagʻlarini tijorat banklariga joylashtirishdan olinadigan daromadlar;
yuridik va jismoniy shaxslarning, shu jumladan, Oʻzbekiston Respublikasi norezidentlarining homiylik xayriyalari;
xalqaro moliya tashkilotlari, xorijiy davlatlarning grantlari va texnik koʻmaklashish mablagʻlari;
qonunchilik hujjatlarida taqiqlanmagan boshqa manbalar.
3-bob. Jamgʻarma mablagʻlaridan foydalanish
6. Jamgʻarmaning mablagʻlari quyidagi maqsadlarga sarflanadi:
Vazirlik tizimidagi umumiy oʻrta taʼlim muassasalarida faoliyat yuritayotgan malakali pedagog kadrlarga har oylik ustama toʻlash;
xalq taʼlimi tizimida faoliyat yuritayotgan ilgʻor xodimlarga bir martalik pul mukofotini toʻlash;
Oʻzbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida” 2019-yil 3-maydagi PQ-4306-son qaroriga muvofiq xalqaro va asosiy olimpiadaning respublika bosqichida gʻolib boʻlgan oʻquvchilarni tayyorlagan pedagog kadrlarga bir martalik pul mukofotlarini toʻlash;
malakali pedagog kadrlar va ilgʻor xodimlarni saralash bilan bogʻliq xarajatlarni qoplash;
hududlardagi taʼlim sifati past, muhiti ogʻir boʻlgan maktablarga borib, pedagoglarga ilgʻor oʻqitish metodikalari va innovatsiyalarga oʻrgatish tizimini yoʻlga qoʻyish maqsadida tashkil etilgan metodik guruhlar faoliyatini tashkil etish bilan bogʻliq xarajatlarni qoplash, shu jumladan, ushbu guruhlar tarkibiga jalb etilgan mutaxassislarni ragʻbatlantirish;
taʼlim sohasida xizmat koʻrsatuvchi vakolatli xalqaro tashkilotlarni jalb qilgan holda pedagog kadrlarning umumtaʼlim fanlari boʻyicha bilim darajasi va pedagogik mahoratini baholash tizimini ishlab chiqish hamda amaliyotga joriy qilish bilan bogʻliq xarajatlarni qoplash.
Jamgʻarma mablagʻlarining ushbu bandda nazarda tutilmagan boshqa maqsadlarga yoʻnaltirilishiga yoʻl qoʻyilmaydi.
7. Jamgʻarmaning joriy yilda foydalanilmagan mablagʻlari Davlat budjetiga qaytarilmaydi va ulardan keyingi yillarda foydalaniladi.
4-bob. Malakali pedagog kadrlar va ilgʻor xodimlarni ragʻbatlantirish
8. Malakali pedagog kadrlarga va ilgʻor xodimlarga har oylik ustama hamda bir martalik pul mukofotlarini toʻlash ishlarini muvofiqlashtirish uchun Vazirlikda doimiy ravishda ishlaydigan Ishchi guruh (keyingi oʻrinlarda — Ishchi guruh) tuziladi.
Ishchi guruh tarkibi Oʻzbekiston Respublikasi xalq taʼlimi vazirining buyrugʻi bilan tasdiqlanadi.
Ishchi guruh tarkibiga faol jamoatchilik vakillari jalb qilinadi.
9. Har oylik ustama toʻlanadigan malakali pedagog kadrlarni saralash quyidagi tartibda amalga oshiriladi:
a) Vazirlik har oylik ustama toʻlanadigan malakali pedagog kadrlarning respublika boʻyicha cheklangan sonini (keyingi oʻrinlarda — yillik kvota) belgilaydi;
b) quyidagilar:
Vazirlar Mahkamasi huzuridagi Davlat test markazi umumiy oʻrta taʼlim muassasalari bitiruvchilarining tegishli oʻquv yilida oʻqishga qabul qilishda oliy taʼlim tashkilotlariga kirish imtihoni natijalari toʻgʻrisidagi maʼlumotlarni (abituriyentlar va imtihon oʻtkazilgan fanlar boʻyicha);
Prezident taʼlim muassasalari agentligi umumiy oʻrta taʼlim muassasalari oʻquvchilarining tegishli oʻquv yilida oʻqishga qabul qilishda Prezident, ijod va ixtisoslashtirilgan maktablarga kirish imtihoni natijalari toʻgʻrisidagi maʼlumotlarni (abituriyentlar va imtihon oʻtkazilgan fanlar boʻyicha);
tegishli vazirliklar va idoralar xalqaro va respublika musobaqalari va tanlovlarida sovrinli oʻrinlarni egallagan umumiy oʻrta taʼlim muassasalari oʻquvchilari toʻgʻrisidagi maʼlumotlarni Vazirlikka taqdim etadi;
v) Ishchi guruh umumiy oʻrta taʼlim muassasalari bitiruvchilari (oʻquvchilari) tomonidan tegishli oʻquv yili qabulida oliy taʼlim tashkilotlariga, Prezident, ijod va ixtisoslashtirilgan maktablarga kirish imtihonlarida jamlagan ballardan kelib chiqib yillik kvotani “Boshlangʻich taʼlim”, “Aniq va tabiiy fanlar”, “Xorijiy tillar”, “Ijtimoiy fanlar” va “Amaliy fanlar” yoʻnalishlari boʻyicha tuman (shahar)lar boʻyicha taqsimlaydi (keyingi oʻrinlarda — tuman (shahar) kvotasi) va hududiy kengashlarga taqdim etadi;
g) hududiy kengashlar tuman (shahar) kvotasidan kelib chiqib har oylik ustama olish uchun nomzodlarni “Boshlangʻich taʼlim”, “Aniq va tabiiy fanlar” “Xorijiy tillar”, “Ijtimoiy fanlar” va “Amaliy fanlar” yoʻnalishlari boʻyicha tuman (shahar) boʻyicha Ishchi guruhga taqdim etadi. Bunda:
har oylik ustama olishga nomzodlar mazkur Nizom bilan malakali pedagog kadrlar uchun qoʻyilgan mezonlarga javob berishi lozim;
har bitta yoʻnalish boʻyicha tegishli tuman (shahar) uchun belgilangan har bitta kvota oʻrniga koʻpi bilan uchta nomzodni taqdim etish mumkin;
“Boshlangʻich taʼlim” yoʻnalishi boʻyicha nomzod sifatida oʻquvchilari Prezident, ijod va ixtisoslashtirilgan maktablarga kirish imtihonlarida eng yuqori natijalarni koʻrsatgan boshlangʻich sinf pedagog kadrlari taqdim etilishi mumkin;
d) Ishchi guruh tomonidan unga taqdim etilgan nomzodlar orasidan ustama toʻlanadigan malakali pedagog kadrlarni tanlab olish quyidagi bosqichlarda amalga oshiriladi:
1-bosqichda — zarur hollarda, Vazirlar Mahkamasi huzuridagi Davlat test markazi, Vazirlar Mahkamasi huzuridagi Taʼlim sifatini nazorat qilish davlat inspeksiyasi yoki taʼlim sifatini baholash huquqiga ega nodavlat tashkilotlarni jalb qilgan holda nomzodlarning dars beradigan umumtaʼlim fani boʻyicha bilim darajasini baholash uchun test sinovlari oʻtkaziladi;
2-bosqichda — umumtaʼlim fanini bilish darajasini baholash boʻyicha oʻtkazilgan test sinovlarida maksimal ballning 80 foizi yoki undan yuqori natija koʻrsatgan nomzodlarning kasbiy mahoratini baholash uchun suhbat oʻtkaziladi. Bunda:
suhbat oʻtkazish tartibi va mezonlari Oʻzbekiston Respublikasi xalq taʼlimi vazirining buyrugʻi bilan tasdiqlanadi;
har oylik ustama toʻlanadigan nomzodlarning umumtaʼlim fanini bilish darajasini hamda kasbiy mahoratini baholash jarayonlari videoyozuvga olinadi;
umumtaʼlim fanini bilish darajasini baholash boʻyicha oʻtkazilgan test sinovlarida maksimal ballning 80 foizidan past natija koʻrsatgan nomzodlar saralashning ikkinchi bosqichiga qoʻyilmaydi;
e) kasbiy mahoratini baholash boʻyicha oʻtkazilgan suhbat natijalariga koʻra eng yuqori ball toʻplagan malakali pedagog kadrlarga mehnatga haq toʻlashning eng kam miqdorining 5,5 baravari miqdorida har oylik ustama toʻlanadi;
j) kasbiy mahoratini baholash boʻyicha oʻtkazilgan suhbat natijalariga koʻra eng yuqori ball toʻplagan malakali pedagog kadrlar roʻyxati Oʻzbekiston Respublikasi xalq taʼlimi vazirining buyrugʻi bilan tasdiqlanadi.
10. Bir martalik pul mukofotini olish huquqiga ega boʻlgan ilgʻor xodimlar roʻyxati Oʻzbekiston Respublikasi xalq taʼlimi vaziri tomonidan tasdiqlanadi.
Bunda ilgʻor xodimlar toʻgʻrisidagi maʼlumotlar Ishchi guruh tomonidan shakllantiriladi va Oʻzbekiston Respublikasi xalq taʼlimi vaziriga taqdim etiladi.
11. Bir martalik pul mukofoti mehnatga haq toʻlashning eng kam miqdorining 5,5 baravari miqdorida toʻlanadi.
12. Jamgʻarma mablagʻlari hisobidan har oylik ustama va bir martalik pul mukofotini olish huquqiga ega boʻlgan malakali pedagog kadrlar va ilgʻor xodimlarning roʻyxati Oʻzbekiston Respublikasi Xalq taʼlimi vazirligining rasmiy veb-saytida eʼlon qilinadi.
5-bob. Jamgʻarma faoliyatini tashkil etish tartibi
13. Jamgʻarmaga Davlat budjetidan ajratiladigan mablagʻlar Jamgʻarmaning Oʻzbekiston Respublikasi Moliya vazirligi Gʻaznachiligida ochilgan hisobvaragʻiga yoʻnaltiriladi.
Oʻz navbatida, Jamgʻarma ushbu mablagʻlarni Moliya vazirligi Gʻaznachiligida ochilgan budjetdan tashqari hisobvaragʻi orqali sarflaydi.
14. Jamgʻarma mablagʻlari hisobidan:
har oylik ustama u belgilangan kundan boshlab 9 oy davomida;
bir martalik pul mukofotlari ularni toʻlash boʻyicha Oʻzbekiston Respublikasi xalq taʼlimi vazirining buyrugʻi chiqqan vaqtdan boshlab bir oy davomida toʻlab beriladi.
15. Jamgʻarma mablagʻlari hisobidan har oylik ustama olayotgan malakali pedagog kadrlarga bir martalik pul mukofotlarini belgilashga yoʻl qoʻyilmaydi.
16. Malakali pedagog kadrlar hamda ilgʻor xodimlarga har oylik ustama va bir martalik pul mukofotlarini toʻlash Jamgʻarmada mavjud boʻlgan mablagʻlar doirasida amalga oshiriladi.
17. Jamgʻarma mablagʻlari hisobidan har oylik ustama xalq taʼlimi tizimida mehnat faoliyatini amalga oshirayotgan shaxslarga toʻlanadi. Bunda:
malakali pedagog kadrlar xalq taʼlimi tizimidagi mehnat faoliyatini tugatgan taqdirda, har oylik ustama toʻlash toʻxtatiladi;
xalq taʼlimi tizimidagi mehnat faoliyatini tugatgan malakali pedagog kadrlarga ularning oxirgi ishlagan oyi uchun ustama toʻliq miqdorda toʻlab beriladi.
18. Umumiy oʻrta taʼlim muassasalari direktorlari, tuman (shahar) xalq taʼlimi boʻlimi mudirlari, Qoraqalpogʻiston Respublikasi xalq taʼlimi vaziri, viloyatlar va Toshkent shahar xalq taʼlimi boshqarmalari (keyingi oʻrinlarda — hududiy xalq taʼlimi boshqarmalari) boshliqlari xalq taʼlimi tizimidagi mehnat faoliyatini tugatgan malakali pedagog kadrlar toʻgʻrisidagi maʼlumotlarni belgilangan tartibda yuqori turuvchi tashkilotga yozma ravishda taqdim etadi.
Bunda xalq taʼlimi tizimidagi mehnat faoliyatini tugatgan pedagog kadrlarga har oylik ustama toʻlagan va bu haqida oʻz vaqtida yuqori turuvchi tashkilotga yozma xabar bermaganligi uchun tegishli tashkilot rahbari javobgar hisoblanadi hamda ushbu toʻlovlar uning hisobidan qoplanadi.
19. Xalq taʼlimi tizimida xodimning ish joyi, lavozimi oʻzgargan holda ham uning har oylik ustamasi saqlab qolinadi va belgilangan muddatga qadar toʻlanadi. Bunda ushbu oʻzgarishlar boʻyicha mazkur Nizomning 18-bandida koʻrsatilgan tartibda xabar beriladi.
20. Jamgʻarma mablagʻlari Vazirlik tomonidan tegishli hududiy xalq taʼlimi boshqarmalarining shaxsiy gʻazna hisobvaragʻiga oʻtkaziladi.
Hududiy xalq taʼlimi boshqarmalari oʻz navbatida mablagʻlarni tegishli tuman (shahar) xalq taʼlimi boʻlimlariga oʻtkazib beradi.
Bunda tuman (shahar) xalq taʼlimi boʻlimlarining markazlashtirilgan moliya-buxgalteriya xizmati tegishli mablagʻlar xodim faoliyat yuritayotgan tashkilotning gʻazna hisobvaragʻiga oʻtkazish orqali toʻlab berilishini taʼminlaydi.
21. Jamgʻarma hisobidan moliyalashtiriladigan barcha xarajatlar Oʻzbekiston Respublikasi xalq taʼlimi vazirining buyrugʻi bilan amalga oshiriladi.
6-bob. Yakunlovchi qoidalar
22. Jamgʻarma hisobidan har oylik ustama va bir martalik pul mukofoti uchun ajratilgan kvotalar asosida nomzodlar saralanmay qolgan yoki mukofot va ustama oluvchi shaxslar soni kvotadan kam boʻlgan taqdirda, Ishchi guruhning tegishli qaroriga muvofiq kvotalarni qayta koʻrib chiqish vakolati bilan qoʻshimcha saralash oʻtkazilishiga ruxsat beriladi.
23. Jamgʻarma mablagʻlaridan foydalanish yuzasidan nazorat Moliya vazirligi huzuridagi Davlat moliyaviy nazorati inspeksiyasi va uning hududiy boshqarmalari tomonidan amalga oshiriladi.
24. Ushbu Nizomni qoʻllashda yuzaga keladigan nizolar qonunchilikda belgilangan tartibda hal etiladi.
25. Mazkur Nizom talablarining buzilishida aybdor boʻlgan shaxslar qonunchilikka muvofiq javob beradilar.
Xalq taʼlimi vazirining jamgʻarmasi toʻgʻrisidagi nizomga ILOVA
Xalq taʼlimi vazirining jamgʻarmasi hisobidan malakali pedagog kadrlarga har oylik ustama toʻlash
SXEMASI
Bosqichlar
Subyektlar
Tadbirlar
Muddatlar
1-bosqich
Xalq taʼlimi vazirligi
Malakali pedagog kadrlarga va ilgʻor xodimlarga har oylik ustama hamda bir martalik pul mukofotlarini toʻlash ishlarini muvofiqlashtirish uchun doimiy ravishda ishlaydigan Ishchi guruh tuzadi.
Har yili 1-oktabrga qadar
2-bosqich
Xalq taʼlimi vazirligi
(Ishchi guruh)
1. Har oylik ustama toʻlanadigan malakali pedagog kadrlarning respublika boʻyicha cheklangan sonini belgilaydi.
2. Davlat test markazi va Prezident taʼlim muassasalari agentligi tomonidan taqdim etiladigan kirish imtihonlaridagi natijalardan kelib chiqib, kvotani hududlar va tuman (shahar)lar boʻyicha taqsimlaydi hamda xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlariga taqdim etadi.
Har yili 20-noyabrga qadar
3-bosqich
Xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlari
Har bitta yoʻnalish boʻyicha tegishli tuman (shahar) uchun belgilangan kvotaga nisbatan uch baravar koʻp nomzodlarni saralash uchun Xalq taʼlimi vazirligi (Ishchi guruh)ga taqdim etadi.
Kvotalar tasdiqlangandan soʻng 30 kun ichida
4-bosqich
Xalq taʼlimi vazirligi
(Ishchi guruh)
Hududiy kengashlar tomonidan taqdim etilgan nomzodlar orasidan har oylik ustama toʻlanadigan malakali pedagog kadrlarni 2 bosqichda saralaydi.
Nomzodlar taqdim etilgandan soʻng 60 kun ichida
5-bosqich
Xalq taʼlimi vazirligi
Saralash natijalariga koʻra har oylik ustama belgilangan pedagog kadrlar roʻyxatini tasdiqlaydi va Jamgʻarma hisobidan ustamalarni toʻlash boʻyicha xalq taʼlimi vazirining buyrugʻi qabul qilinadi.
Ustama olish huquqiga ega boʻlgan pedagog kadrlarning roʻyxatini Xalq taʼlimi vazirligining rasmiy veb-sahifasida eʼlon qiladi.
Saralash yakunidan soʻng 5 ish kunida
6-bosqich
Xalq taʼlimi vazirligi
Ragʻbatlantirish uchun talab etiladigan mablagʻlarni hududiy xalq taʼlimi boshqarmalarining shaxsiy gʻazna hisobvaragʻiga oʻtkazadi.
Xalq taʼlimi vazirining buyrugʻi qabul qilingandan soʻng 5 ish kunida
Vazirlar Mahkamasining 2022-yil 2-avgustdagi 425-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Oʻqituvchilar va oʻquvchilar turmushi moddiy sharoitlarini yaxshilashga oid qoʻshimcha chora-tadbirlar toʻgʻrisida” 1997-yil 20-avgustdagi 409-son qarorida:
a) 2021-yil 1-sentabrdan boshlab quyidagilarni har yili:
birinchi sinf oʻquvchilari hamda kasalligi tufayli yakka tartibda uyida taʼlim oladigan nogiron bolalar uchun beriladigan oʻquv qurollari toʻplami;
maktablardagi barcha 1 — 11-sinflar oʻquvchilarining 15 foizidan koʻp boʻlmagan kam taʼminlangan oilalarga mansub oʻquvchilarni zamonaviy yagona maktab formasi toʻplamlari;
b) 2022/2023 oʻquv yilidan boshlab 1-sinfga qabul qilinadigan koʻzi ojiz va zaif koʻruvchi bolalar uchun maxsus oʻquv qurollari toʻplami bilan bepul taʼminlash joriy qilinsin”;
b) quyidagi mazmundagi 51 va 52-bandlar bilan toʻldirilsin:
“51. 2022/2023 oʻquv yilida 1-sinfga qabul qilinadigan koʻzi ojiz va zaif koʻruvchi bolalar uchun maxsus oʻquv qurollari toʻplami roʻyxati ilovaga muvofiq tasdiqlansin.
52. 2023/2024 oʻquv yilidan boshlab oʻquv qurollari roʻyxati va sonini tasdiqlash vakolati Xalq taʼlimi vazirligiga berilsin”;
v) quyidagi mazmundagi ilova bilan toʻldirilsin:
“Vazirlar Mahkamasining 1997-yil 20-avgustdagi 409-son qaroriga ILOVA
2022/2023 oʻquv yilida 1-sinfga qabul qilinadigan koʻzi ojiz va zaif koʻruvchi bolalar uchun maxsus oʻquv qurollari toʻplami
ROʻYXATI
T/r
Oʻquv qurollar nomi
Oʻlchov birligi
1 (bir) oʻquvchiga beriladigan oʻquv qurollari soni
2. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida:
“b) daftarlarni va yozma ishlarni tekshirganlik uchun (oʻquvchilar ikki guruhga boʻlib oʻqitiladigan fanlar boʻyicha ham) sinfdagi (sinf — komplektdagi) oʻquvchilar soni 15 nafargacha boʻlganda — 8,8 foiz, 15 nafar va undan ortiq boʻlganda — 17,6 foiz”;
b) 3-ilova (Xalq taʼlimi xodimlari mehnatiga haq toʻlash toʻgʻrisida nizom)da:
“8. Oliy taʼlim muassasasining kunduzgi, kechki, sirtqi taʼlim shakllarining pedagogika yoʻnalishlarida oʻqiyotgan shaxslar 3-kursdan boshlab oʻqishiga xalaqit bermagan holda pedagoglik ishini amalga oshirish uchun umumtaʼlim muassasalarida asosiy ish joyi sifatida ishga qabul qilinishi mumkin va ularga oʻrta maxsus, kasbiy maʼlumotga ega boʻlgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi”;
“b) daftarlarni va yozma ishlarni tekshirganlik uchun (oʻquvchilar ikki guruhga boʻlib oʻqitiladigan fanlar boʻyicha ham) sinfdagi (sinf — komplektdagi) oʻquvchilar soni 15 nafargacha boʻlganda — 8,8 foiz, 15 nafar va undan ortiq boʻlganda — 17,6 foiz”;
14-band “rahbar xodimi tomonidan” soʻzlaridan keyin “uning egallab turgan shtat birligidan qatʼi nazar,” soʻzlari bilan toʻldirilsin;
quyidagi mazmundagi 21 va 22-bandlar bilan toʻldirilsin:
“21. Pedagog xodimlarga qonunchilik hujjatlarida belgilangan ustamalar, shu jumladan mavjud sertifikatlari uchun toʻlanadigan ustamalar, tarifikatsiya roʻyxatida ajratilgan dars soatlariga (oʻqituvchining tarif stavkasiga) mutanosib ravishda toʻlab beriladi.
22. Boʻlib oʻqitiladigan fanlar boʻyicha guruhlardan birining oʻqituvchisi turli sabablarga koʻra darsda boʻlmagan holatlarda guruhlar qoʻshib oʻqitiladi hamda qoʻshib oʻqitganligi uchun qoʻshimcha haq toʻlovlari amalga oshirilmaydi”.
3. Vazirlar Mahkamasining 2018-yil 30-martdagi 249-son qarori bilan tasdiqlangan Narxlari (tariflari) davlat tomonidan tartibga solinadigan ijtimoiy ahamiyatli tovarlar (xizmatlar) va ularning strategik turlari roʻyxatining 23-bandidagi “Oʻquv taʼlim-taʼminot” soʻzlari “Taʼminot va logistika xizmati” soʻzlari bilan almashtirilsin.
4. Vazirlar Mahkamasining “Oʻzbekiston Respublikasi Xalq taʼlimi vazirligi huzuridagi Xalq taʼlimini rivojlantirish jamgʻarmasi va budjetdan tashqari Respublika maqsadli kitob jamgʻarmasi faoliyatini tashkil etish toʻgʻrisida” 2019-yil 22-fevraldagi 155-son qarorida:
a) qaror nomidan “Xalq taʼlimini rivojlantirish jamgʻarmasi va” soʻzlari chiqarib tashlansin;
v) 4-bandning uchinchi xatboshisidagi “jamgʻarmasi va Xalq taʼlimini rivojlantirish jamgʻarmasiga ularning” soʻzlari “jamgʻarmasiga uning” soʻzlari bilan almashtirilsin;
“v” kichik banddan “Xalq taʼlimini rivojlantirish jamgʻarmasining hamda” soʻzlari chiqarib tashlansin;
1, 1a va 2-ilovalar oʻz kuchini yoʻqotgan deb hisoblansin.
5. Vazirlar Mahkamasining “Toshkent shahri umumtaʼlim maktablari faoliyatini zamonaviy talablar asosida takomillashtirish chora-tadbirlari toʻgʻrisida” 2019-yil 17-avgustdagi 679-son qarorida:
6. Vazirlar Mahkamasining 2019-yil 30-sentabrdagi 823-son qarori bilan tasdiqlangan Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisida nizomda:
a) 25 va 251-bandlar oʻz kuchini yoʻqotgan deb hisoblansin;
b) 26-band “uslubiy birlashmalari rahbarlari” soʻzlaridan keyin “oʻqituvchi sifatida ushbu Nizomning 20-bandiga asosan olishi mumkin boʻlgan ustamaga qoʻshimcha ravishda” soʻzlari bilan toʻldirilsin;
“29. Umumtaʼlim muassasalari xodimlari, shu jumladan rahbar xodimlari faqat “1-oktabr — Oʻqituvchi va murabbiylar kuni” munosabati bilan Jamgʻarmaning mavjud mablagʻlari hisobidan mehnatga haq toʻlashning eng kam miqdorining 50 foizigacha miqdorida mukofotlanishi mumkin”;
g) 301 va 302-bandlar oʻz kuchini yoʻqotgan deb hisoblansin;
“33. Umumtaʼlim muassasalari xodimlariga moddiy yordam kalendar yil davomida ikki lavozim maoshi (oʻqituvchining tarif stavkasi) miqdorigacha xodimning oʻzi va yaqin qarindoshi (otasi, onasi, turmush oʻrtogʻi, farzandi) vafot etganda, ogʻir kasallikka chalinganda, xodim tabiiy ofatdan zarar koʻrganda koʻrsatiladi”;
e) quyidagi mazmundagi 331-band bilan toʻldirilsin:
“331. Pedagog xodimlarga belgilangan ustamalar ularning tarifikatsiya roʻyxatida ajratilgan dars soatlariga (oʻqituvchining tarif stavkasiga) mutanosib ravishda toʻlanadi”;
z) 3-ilovaning matni quyidagi tahrirda bayon etilsin:
“Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasi mablagʻlaridan foydalanish tartibini amaliyotga joriy etish SXEMASI
Bosqichlar
Subyektlar
Tadbirlar
Bajarish muddatlari
1-bosqich
Maktab
Maktab pedagogik kengash qarori, direktorning buyrugʻi bilan umumtaʼlim muassasalari xodimlariga har oylik ustamalar belgilash, mukofotlash va ularga moddiy yordam berish boʻyicha maktab huzurida Ishchi guruh tasdiqlanadi.
Doimo, har yangi oʻquv yili boshlangunga qadar
2-bosqich
Ishchi guruh
1. Maktabda faoliyat koʻrsatayotgan oʻqituvchilar hamda kutubxona xodimlarini faoliyatini tasdiqlangan mezonlar asosida oʻrganib chiqib baholaydi va 10 foizdan 40 foizgacha bazaviy tarif stavkasiga har oylik ustama belgilash toʻgʻrisida qaror qabul qiladi.
Har yili 1-iyulga qadar
2. Umumtaʼlim muassasalari xodimlari, shu jumladan, rahbar xodimlarini mukofotlash toʻgʻrisida qarorlar qabul qiladi.
3. Umumtaʼlim muassasalari xodimlariga ularning murojaatlari yoki kasaba uyushmasi qoʻmitasining tashabbusiga koʻra moddiy yordam belgilaydi.
Mukofotlash lozim boʻlgan davrda murojaatga asosan
3-bosqich
Maktab
1. Ishchi guruhning qarorlari ijrosini taʼminlash yuzasidan maktab direktorining buyrugʻi chiqariladi.
2. Umumtaʼlim muassasasining hammaga koʻrinadigan joydagi axborotlar stendi hamda maktabning internet jahon axborot tarmogʻidagi rasmiy veb-saytida Ishchi guruhning qarori toʻgʻrisidagi toʻliq maʼlumotlar muntazam ravishda eʼlon qilib boriladi.
Doimo
4-bosqich
Tuman (shahar) xalq taʼlimi boʻlimi
Ishchi guruhning qarorlari asosida qabul qilingan maktab direktorining buyrugʻiga muvofiq umumtaʼlim muassasalari xodimlariga har oylik ustamalarni, mukofot va moddiy yordam pullarini toʻlab beradi.
Doimo
”.
7. Vazirlar Mahkamasining “Umumtaʼlim fanlarini bilish darajasini baholashning milliy test tizimini joriy etish toʻgʻrisida” 2020-yil 12-oktabrdagi 646-son qarorida:
a) 3-banddagi “Oʻzbekiston Respublikasi Xalq taʼlimi vazirligi va Vazirlar Mahkamasi huzuridagi Taʼlim sifatini nazorat qilish inspeksiyasi” soʻzlari “Vazirlar Mahkamasi huzuridagi Davlat test markazi” soʻzlari bilan almashtirilsin;
b) 1-ilova (Umumtaʼlim fanlarini bilish darajasini aniqlash va sertifikat berish tartibi toʻgʻrisida nizom)da:
2-band quyidagi mazmundagi xatboshilar bilan toʻldirilsin:
“Bunda, eng yuqori ballning 60 foizdan 85 foizigacha toʻplagan abituriyentga sertifikatdagi oʻzlashtirish foiziga mos ravishda oliy taʼlim muassasasi bakalavriatiga oʻqishga qabul qilish boʻyicha test sinovlarida ushbu fandan belgilangan maksimal ballga nisbatan tabaqalashtirilgan (proporsional) hamda 86 foiz va undan yuqori ball toʻplagan abituriyentga eng yuqori ball beriladi.
Milliy sertifikatga ega boʻlgan abituriyentga tegishli majburiy fanlar boʻyicha belgilangan eng yuqori ball beriladi”;
4-bandning ikkinchi xatboshisidagi “Oʻzbekiston Respublikasi Xalq taʼlimi vazirligi, Vazirlar Mahkamasi huzuridagi Taʼlim sifatini nazorat qilish inspeksiyasi” soʻzlari “Vazirlar Mahkamasi huzuridagi Davlat test markazi” soʻzlari bilan almashtirilsin.
8. Vazirlar Mahkamasining 2021-yil 27-apreldagi 243-son qaroribilan tasdiqlangan Xalq taʼlimi tizimidagi muassasa va tashkilotlarning budjetdan tashqari jamgʻarmalari mablagʻlarini shakllantirish va ulardan foydalanish tartibi toʻgʻrisidagi nizom quyidagi mazmundagi 91-band bilan toʻldirilsin:
“91. Jamgʻarma mablagʻlari tashkilotlarning “4001” mablagʻlar manbasi boʻyicha tegishli gʻaznachilik shaxsiy hisobvaragʻida shakllantirilib, barcha xarajatlar ushbu hisobvaraq orqali amalga oshiriladi”.
9. Vazirlar Mahkamasining “Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida” 2021-yil 19-maydagi 312-son qarorining 2-bandi quyidagi mazmundagi xatboshi bilan toʻldirilsin:
“Vazirliklar va idoralar xorijiy tillarni bilish darajasini baholovchi xalqaro tan olingan sertifikatlarning roʻyxati hamda xorijiy tillarni bilish darajasini belgilovchi milliy va xalqaro tan olingan sertifikatlar darajalari oʻrtasidagi muvofiqlik jadvali asosida tizimlaridagi xodimlarga ustamalar belgilash uchun har yili oʻzlariga taalluqli boʻlgan sertifikatlar roʻyxatlarini tasdiqlaydi”.
10. Vazirlar Mahkamasining 2021-yil 9-sentabrdagi 562-son qaroribilan tasdiqlangan Oʻzbekiston Respublikasi Prezidentining sovrini uchun “Xorijiy tillarni oʻqitish boʻyicha eng yaxshi maktab” tanlovini oʻtkazish tartibi toʻgʻrisidagi nizomda:
“36. Oʻzbekiston Respublikasi Prezidentining sovrini sifatida berilgan pul mukofotlari tanlovning belgilangan bosqichi yakunlangandan soʻng 5 ish kuni ichida gʻolib maktabning budjetdan tashqari shaxsiy gʻazna hisobvaragʻiga oʻtkazib beriladi.
Gʻolib maktabning budjetdan tashqari jamgʻarmasiga oʻtkazilgan mablagʻlar quyidagicha yoʻnaltiriladi:
tanlov shartlariga koʻra asosiy koʻrsatkichlar boʻyicha maktabning yuqori baholanishiga hissa qoʻshgan hamda oʻquvchilarni tanlovga tayyorlagan xorijiy tillar oʻqituvchilarini ragʻbatlantirish uchun — mukofot summasining 25 foizigacha;
tanlovda qatnashib yuqori natijalar koʻrsatgan terma jamoa aʼzolari boʻlgan oʻquvchilarni esdalik sovgʻalar yoki naqd pul shaklida ragʻbatlantirish uchun — mukofot summasining 25 foizigacha;
maktabning boshqa ehtiyojlari, jumladan, tanlovning keyingi bosqichiga tayyorgarlik uchun zarur xarajatlar, xorijiy tillarni oʻqitishni yanada yaxshilash uchun shart-sharoitlar yaratish, maktab kutubxonasini xorijiy tildagi ilmiy, badiiy adabiyotlar bilan boyitish, oʻquvchilarning xorijiy tilda tinglab tushunish koʻnikmalarini baholashga koʻmaklashuvchi texnik vositalar bilan fan kabinetlarini jihozlash uchun — mukofot summasining qolgan qismi.
Terma jamoa aʼzolariga bir xil qiymatdagi sovgʻalar ajratiladi yoki mukofot summasi jamoa aʼzolari oʻrtasida teng taqsimlanadi”;
b) 2-ilovaning 3, 6 va 9-pozitsiyalaridagi “50 foizdan kam boʻlganda” soʻzlari “50 foiz va undan kam boʻlganda” soʻzlari bilan almashtirilsin.
11. Vazirlar Mahkamasining 2021-yil 17-sentabrdagi 572-son qaroribilan tasdiqlangan Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisidagi nizomning 6-bandi uchinchi xatboshisi quyidagi tahrirda bayon etilsin:
“oliy malaka toifa (bosh oʻqituvchi lavozimi)ga ega boʻlganidan soʻng oliy malaka toifani 15 yil davomida saqlab kelgan va uzluksiz ish stajiga ega boʻlgan pedagog kadrlar”.
12. Vazirlar Mahkamasining “Alohida taʼlim ehtiyojlari boʻlgan bolalarga taʼlim berishga oid normativ-huquqiy hujjatlarni tasdiqlash toʻgʻrisida” 2021-yil 12-oktabrdagi 638-son qarorida:
a) 1-ilova (Umumiy oʻrta taʼlim tashkilotlarida inklyuziv taʼlimni tashkil etish tartibi toʻgʻrisida nizom)da:
4-banddan “taʼlim jarayoniga moslashish darajasiga qarab” soʻzlari chiqarib tashlansin;
27-banddan “nuqsonlarni tuzatish (korreksiya) va ular bilan bogʻliq bola rivojlanishining oʻziga xosliklarini bartaraf etish ishlari” soʻzlari chiqarib tashlansin;
39-band quyidagi mazmundagi xatboshi bilan toʻldirilsin:
“Tyutorlarga qonunchilik hujjatlariga muvofiq ish haqi toʻlanadi”;
40-bandning birinchi xatboshisidan “psixik rivojlanishidagi kamchiliklarni bartaraf etish va korreksiyalashga koʻmaklashish” soʻzlari chiqarib tashlansin;
44-band quyidagi mazmundagi xatboshi bilan toʻldirilsin:
“Kengash yigʻilishlariga oʻquvchilarning ota-onalari yoki ularning oʻrnini bosuvchi shaxslar jalb qilinishi mumkin”;
b) 2-ilova (Jismoniy, aqliy, sensor yoki ruhiy nuqsonlari boʻlgan bolalar uchun davlat ixtisoslashtirilgan taʼlim muassasalari toʻgʻrisida nizom)da:
birinchi xatboshidagi “Koʻrishda nuqsoni boʻlgan va zaif koʻruvchi bolalar uchun” soʻzlaridan keyin “Nurli maskan” soʻzlari bilan toʻldirilsin;
quyidagi mazmundagi ikkinchi xatboshi bilan toʻldirilsin;
“Koʻzi ojiz oʻqituvchilarga tibbiy-mehnat ekspert komissiyasi xulosasiga asosan koʻzi ojiz mutaxassis kotib ajratilishi mumkin. Ushbu xodimga qonunchilik hujjatlariga muvofiq ish haqi toʻlanadi”.
v) 4-ilova (Jismoniy, aqliy, sensor yoki ruhiy nuqsonlari boʻlgan, shuningdek, uzoq vaqt davolanishga muhtoj boʻlgan bolalarga uyda yakka tartibda taʼlim berish tartibi toʻgʻrisida nizom)ning 33-bandidan “soatbay” soʻzi chiqarib tashlansin;
g) 7-ilova (Alohida taʼlim ehtiyojlari boʻlgan bolalarning taʼlim olishi va kasb egallashiga koʻmaklashishni tashkil etish boʻyicha ishchi guruh tarkibi)da:
1-pozitsiyadagi “Sh. Shermatov” soʻzi “B. Saidov” soʻziga almashtirilsin;
8-pozitsiyadagi “G. Maʼrupova” soʻzi “S. Turdiyev” soʻziga almashtirilsin;
10-pozitsiyadagi “S. Ashurov” soʻzi “J. Xodjayev” soʻziga almashtirilsin;
11-pozitsiyadagi “O. Qoʻysinov” soʻzi “U. Tashkenbayev” soʻziga almashtirilsin;
quyidagi mazmundagi 14-pozitsiya bilan toʻldirilsin:
“14. Lavozimiga koʻra — Oʻzbekiston Nogironlar assotsiatsiyasi raisi”.
13. Vazirlar Mahkamasining 2021-yil 15-oktabrdagi 646-son qarori bilan tasdiqlangan Taʼlim darajasi yuqori boʻlmagan maktablarda taʼlim berish uchun boshqa hududlardan oʻqituvchi-pedagoglarni jalb etish tartibi toʻgʻrisidagi nizomda:
“elektron platforma — taʼlim darajasi yuqori boʻlmagan maktablar toʻgʻrisida maʼlumotlar hamda ularga boshqa hududlardan jalb etilgan oʻqituvchi-pedagoglar roʻyxati aks ettirilgan internet jahon axborot tarmogʻi orqali foydalanish imkoniyati yaratilgan, Vazirlik tomonidan ishlab chiqiladigan elektron tizim”;
“13. Boshqa hududlardagi taʼlim darajasi yuqori boʻlmagan maktablarda dars berish istagini bildirgan oʻqituvchi-pedagoglar elektron platformaga kiritilgan taʼlim darajasi yuqori boʻlmagan maktablarning birini tanlab, koʻrsatilgan vakant soatlar boʻyicha 15-maydan 25-iyulga qadar umumtaʼlim maktabi direktoriga toʻgʻridan-toʻgʻri murojaat qiladi”;
“16. Taʼlim darajasi yuqori boʻlmagan maktablarda dars berish istagini bildirgan oʻqituvchi-pedagoglarni saralash boʻyicha Ishchi guruh (keyingi oʻrinlarda — Ishchi guruh) tuziladi.
Ishchi guruh tarkibiga maktab direktori, direktorning oʻquv ishlari boʻyicha oʻrinbosari, kadrlar boʻyicha menejer (inspektor), psixolog, maktab kasaba uyushmasi vakili kiritiladi”;
“17. Ishchi guruh murojaat etgan oʻqituvchi-pedagoglar tomonidan taqdim etilgan hujjatlarni oʻrganib chiqadi.
Belgilangan talablarga mos kelgan hamda vakant soatlar boʻyicha bir oʻringa ikki va undan ortiq nomzodlar boʻlgan taqdirda, ular kasbiy bilim va koʻnikmalar, pedagogik mahorat hamda psixologik qobiliyat yoʻnalishida Ishchi guruh tomonidan suhbatdan oʻtkaziladi.
Saralash onlayn tarzda ham amalga oshirilishi mumkin.
Taʼlim darajasi yuqori boʻlmagan maktab har yili 5-avgustga qadar Ishchi guruh tomonidan oʻtkazilgan oʻrganish va suhbat natijalariga koʻra saralangan oʻqituvchi-pedagoglar haqidagi maʼlumotlarni elektron platformaga kiritadi”;
z) ilovaning matniquyidagi tahrirda bayon qilinsin:
“Taʼlim darajasi yuqori boʻlmagan maktablarda taʼlim berishi uchun boshqa hududlardan oʻqituvchi-pedagoglarni jalb etish SXEMASI
Bosqichlar
Subyektlar
Tadbirlar
Bajarish muddatlari
1-bosqich
Hududiy xalq taʼlimi boshqarmalari, Inspeksiyaning hududiy boʻlinmalari
Tasdiqlangan mezonlar asosida taʼlim darajasi yuqori boʻlmagan maktablar roʻyxatiga kiritiladigan maktablar yuzasidan Xalq taʼlimi vazirligiga taklif kiritadi.
Har yili 1-fevralga qadar
2-bosqich
Xalq taʼlimi vazirligi, Taʼlim sifatini nazorat qilish davlat inspeksiyasi
1. Taʼlim darajasi yuqori boʻlmagan maktablar roʻyxatini shakllantiradi va tasdiqlaydi.
Har yili 1-martga qadar
2. Taʼlim darajasi yuqori boʻlmagan maktablar roʻyxatini Vazirlikning rasmiy veb-sayti hamda ijtimoiy tarmoqlardagi sahifalarida eʼlon qiladi.
Roʻyxat tasdiqlangandan soʻng 10 kun ichida
3-bosqich
Tuman (shahar) xalq taʼlimi boʻlimi
Elektron platformaga taʼlim darajasi yuqori boʻlmagan maktablar toʻgʻrisida, shu jumladan, ulardagi ajratiladigan vakant dars soatlari haqidagi maʼlumotlarni kiritadi.
Har yili 15-mayga qadar
4-bosqich
Oʻqituvchi-pedagoglar
Oʻqituvchi-pedagoglar elektron platformaga kiritilgan taʼlim darajasi yuqori boʻlmagan maktablarning birini tanlab, koʻrsatilgan manzilning axborot maʼlumotlari asosida maktab direktoriga toʻgʻridan-toʻgʻri murojaat etadi.
Har yili 15-maydan 25-iyulga qadar
5-bosqich
Umumtaʼlim maktabi
1. Taʼlim darajasi yuqori boʻlmagan maktablarda oʻqituvchi-pedagoglarni saralash boʻyicha ishchi guruh tuziladi.
2. Belgilangan talablarga mos kelgan hamda vakant soatlar boʻyicha bir oʻringa ikki va undan ortiq nomzodlar bilan kasbiy bilim va koʻnikmalar, pedagogik mahorat hamda psixologik qobiliyat yoʻnalishida suhbat oʻtkaziladi.
Har yili 1-avgustga qadar
3. Saralashdan muvaffaqiyatli oʻtgan oʻqituvchi-pedagoglar toʻgʻrisida maʼlumotlarni elektron platformaga kiritadi.
Har yili 5-avgustga qadar
6-bosqich
Xalq taʼlimi vazirligi
Saralashdan oʻtgan oʻqituvchi-pedagoglar roʻyxatini Xalq taʼlimi vazirligining rasmiy veb-saytida eʼlon qiladi.
Har yili 10-avgustga qadar
7-bosqich
Umumtaʼlim maktabi direktori
Saralashdan oʻtgan oʻqituvchi-pedagoglar bilan yangi oʻquv yilining birinchi kunidan boshlab ishga qabul qilish boʻyicha muddatli mehnat shartnomasi tuzadi va qonunchilikda belgilangan tartibda buyruqni rasmiylashtiradi.
Har yili yangi oʻquv yilining birinchi kuniga qadar
”.
14. Vazirlar Mahkamasining “Yoshlarni “Bir million dasturchi” loyihasi doirasida oʻqitish boʻyicha chora-tadbirlar toʻgʻrisida” 2021-yil 29-noyabrdagi 716-son qarorida:
a) 4-bandning ikkinchi xatboshisidagi “1-aprelga qadar” soʻzlari “1-sentabrga qadar” soʻzlari bilan almashtirilsin;
b) 10-bandning ikkinchi xatboshisidan “hamda kelgusi yildan boshlab Oʻzbekiston Respublikasining Davlat budjeti parametrlarida nazarda tutiladi” soʻzlari chiqarib tashlansin;
v) 11-banddan uchinchi xatboshi chiqarib tashlansin;
g) quyidagi mazmundagi 111-band bilan toʻldirilsin:
“111. 2022-yil 1-avgustga qadar Xalq taʼlimi vazirligi huzuridagi “Oʻquv taʼlim-taʼminot” davlat muassasasi va “Transport va logistika xizmati” davlat unitar korxonasi negizida Xalq taʼlimi tizimida Davlat xaridlarini tashkil etish, tovarlarni yetkazib berish, yigʻish va oʻrnatish boʻyicha yagona buyurtmachi sifatida “Taʼminot va logistika xizmati” davlat unitar korxonasi tashkil qilinsin.
Belgilansinki, “Taʼminot va logistika xizmati” davlat unitar korxonasi “Oʻquv taʼlim-taʼminot” davlat muassasasi hamda “Transport va logistika xizmati” davlat unitar korxonasining barcha mol-mulklari va majburiyatlari boʻyicha huquqiy vorisi hisoblanadi hamda u tomonidan koʻrsatiladigan xizmatlar narx (tarif)lari belgilangan tartibda Moliya vazirligi tomonidan deklaratsiya qilinadi”;
d) 1-ilova (Umumtaʼlim maktablarining kompyuter sinf xonalarini zamonaviy kompyuter texnikasi va boshqa texnik vositalar bilan taʼminlashga qoʻyilgan minimal meʼyorlar va texnik talablar)da:
2-pozitsiyaning “Soni” ustunidagi “15” raqami “10” raqami bilan almashtirilsin;
7-pozitsiya chiqarib tashlansin.
15. Vazirlar Mahkamasining “Umumiy oʻrta taʼlim muassasalarining 9-11-sinflari oʻquvchilarini kasb-hunarga tayyorlash chora-tadbirlari toʻgʻrisida” 2021-yil 30-dekabrdagi 792-son qarorida:
a) qaror nomidagi “9-11-sinflari” soʻzlari “10-11-sinflari” soʻzlari bilan almashtirilsin;
b) muqaddimadagi “9-11-sinflari” soʻzlari “10-11-sinflari” soʻzlari bilan almashtirilsin;
v) 2-bandning ikkinchi xatboshisidagi “9-11-sinflari” va “9-10-sinflarda” soʻzlari tegishlicha “10-11-sinflari” va “10-sinflarda” soʻzlari bilan almashtirilsin;
g) 3-banddagi “9-11-sinflari” soʻzlari “10-11-sinflari” soʻzlari bilan almashtirilsin;
d) ilova (Umumiy oʻrta taʼlim muassasalarining 9-11-sinflari oʻquvchilarini kasb-hunarga tayyorlashni tashkil etish tartibi toʻgʻrisida nizom)da:
nizom nomidagi “9-11-sinflari” soʻzlari “10-11-sinflari” soʻzlari bilan almashtirilsin;
1-banddagi “9-11-sinflari” soʻzlari “10-11-sinflari” soʻzlari bilan almashtirilsin.
16. Vazirlar Mahkamasining “Xalq taʼlimi xodimlarini uzluksiz kasbiy rivojlantirish tizimini tashkil etish tartibi toʻgʻrisidagi nizomni tasdiqlash haqida” 2022-yil 17-yanvardagi 25-son qarorida:
a) 1-bandning ikkinchi xatboshisidagi “A. Avloniy nomidagi Xalq taʼlimi muammolarini oʻrganish va istiqbollarini belgilash ilmiy-tadqiqot instituti, Xalq taʼlimi xodimlarini qayta tayyorlash va ularning malakasini oshirish hududiy markazlari” soʻzlari “A. Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti, Pedagoglarni yangi metodikalarga oʻrgatish milliy markazlari” soʻzlari bilan almashtirilsin;
b) 1-ilova (Xalq taʼlimi xodimlarini uzluksiz kasbiy rivojlantirish tizimini tashkil etish tartibi toʻgʻrisidagi nizom)da:
3-bandning uchinchi xatboshisidagi “A. Avloniy nomidagi Xalq taʼlimi muammolarini oʻrganish va istiqbollarini belgilash ilmiy-tadqiqot instituti, Qoraqalpogʻiston Respublikasi, viloyatlar va Toshkent shahar xalq taʼlimi xodimlarini qayta tayyorlash va ularning malakasini oshirish hududiy markazlari” soʻzlari “A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti, Pedagoglarni yangi metodikalarga oʻrgatish milliy markazlari” soʻzlari bilan almashtirilsin;
“A.Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti (keyingi oʻrinlarda — Institut);
Qoraqalpogʻiston Respublikasi, viloyatlar va Toshkent shahar Pedagoglarni yangi metodikalarga oʻrgatish milliy markazlari (keyingi oʻrinlarda — pedagogika markazlari)”;
17. Vazirlar Mahkamasining 2022-yil 20-apreldagi 201-son qarori bilan tasdiqlangan Hududlarda aholi bilan oʻtkazilgan uchrashuvlar davomida bildirilgan takliflar va aholini uzoq yillardan buyon qiynab kelayotgan mavjud muammolarni tezkor bartaraf etishga qaratilgan hamda amaliy tadbirlarni oʻz ichiga olgan Yoʻl xaritasining 54-pozitsiyasidagi “3. Oʻqituvchining nufuzini oshirishga boʻlgan ragʻbat qatorida, oʻqituvchi, murabbiylar uchun alohida “Oʻqituvchi” koʻkrak nishoni taʼsis etish” soʻzlari chiqarib tashlansin.
