3181-3-сон 27.07.2022. Davlat xizmatlari yagona reyestriga qoʻshimcha va oʻzgartirishlar kiritish toʻgʻrisida

Hujjat kuchini yo‘qotgan 30.10.2023

Oʻzbekiston Respublikasi Adliya vazirligi
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining

Qarori

Davlat xizmatlari yagona reyestriga qoʻshimcha va oʻzgartirishlar kiritish toʻgʻrisida

[Oʻzbekiston Respublikasi Adliya vazirligi tomonidan 2022-yil 27-iyulda roʻyxatdan oʻtkazildi, roʻyxat raqami 3181-3]

LexUZ sharhi

Mazkur qaror Oʻzbekiston Respublikasi Adliya vazirligining 2023-yil 27-oktabrdagi 3-son va Raqamli texnologiyalar vazirligining 2023-yil 26-oktabrdagi 23/11-sonli ““Davlat xizmatlari yagona reyestrini tasdiqlash toʻgʻrisida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish haqida”gi qaroriga (roʻyxat raqami 3181-4, 27.10.2023-y.) asosan oʻz kuchini yoʻqotgan.

Oʻzbekiston Respublikasi Prezidentining 2021-yil 24-iyuldagi PF-6269-son “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida”gi va 2022-yil 17-martdagi PF-89-son “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida”gi farmonlari hamda Oʻzbekiston Respublikasi Prezidentining 2022-yil 16-iyundagi PQ-282-son “Oʻzbekiston Respublikasi fuqarolariga xorijga chiqish biometrik pasportini berishga doir davlat xizmati koʻrsatish tartibini yanada soddalashtirish chora-tadbirlari toʻgʻrisida”gi qarori, Vazirlar Mahkamasining 2022-yil 12-apreldagi 177-son “Oʻzbekiston Respublikasida jismoniy shaxsning shaxsiy identifikatsiya raqamini aniqlash va berish tartibini takomillashtirish toʻgʻrisida”gi va 2022-yil 20-apreldagi 200-son “Qurilish sohasiga oid yagona maʼmuriy qurilish reglamentlarini tasdiqlash toʻgʻrisida”gi qarorlariga muvofiq Oʻzbekiston Respublikasi Adliya vazirligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi qaror qiladi:

1. Oʻzbekiston Respublikasi Adliya vazirligi hamda Oʻzbekiston Respublikasi Prezidenti huzuridagi Loyiha boshqaruvi milliy agentligining 2019-yil 31-iyuldagi 6 va 136-son qarori (roʻyxat raqami 3181, 2019-yil 13-sentabr) (Qonun hujjatlari maʼlumotlari milliy bazasi, 13.09.2019-y., 19/19/3181/3738-son) bilan tasdiqlangan Davlat xizmatlari yagona reyestriga ilovaga muvofiq qoʻshimcha va oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Adliya vaziri R. DAVLETOV

Toshkent sh.,

2022-yil 27-iyul,

4-son

Axborot texnologiyalari va kommunikatsiyalarini rivojlantirish vaziri Sh. ShERMATOV

Toshkent sh.,

2022-yil 27-iyul,

230-mh-son

Oʻzbekiston Respublikasi Adliya vazirligining 2022-yil 27-iyuldagi 4-son va Axborot texnologiyalari va kommunikatsiyalarini rivojlantirish vazirligining 2022-yil 27-iyuldagi 230-mh-son qaroriga
ILOVA

Davlat xizmatlari yagona reyestriga kiritilayotgan qoʻshimcha va oʻzgartirishlar

1. 002-bob quyidagi mazmundagi 7³-pozitsiya bilan toʻldirilsin:

“
7³.	0029	Yirik investitsiya loyihasini amalga oshirish uchun eng yaxshi taklifni tanlab olish	Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi	Jismoniy va yuridik shaxslar	Anʼanaviy va elektron shaklda	Pullik	Yer ijara shartnomasi
							”.

2. 004-bobning 10-pozitsiyasi “Davlat xizmati koʻrsatish shakli (anʼanaviy va elektron)” ustuni “Anʼanaviy” degan soʻzdan keyin “va elektron shaklda” degan soʻzlar bilan toʻldirilsin.

3. 005-bobning 11-pozitsiyasi “Davlat xizmati koʻrsatish shakli (anʼanaviy va elektron)” ustuni “Anʼanaviy” degan soʻzdan keyin “va elektron shaklda” degan soʻzlar bilan toʻldirilsin.

4. 008-bobda:

36⁶-pozitsiya quyidagi tahrirda bayon etilsin:

“
36⁶.	0084⁶	Qimmatli qogʻozlar bilan operatsiyalarni amalga oshirish huquqini olish uchun jismoniy shaxslarni attestatsiyadan (qayta attestatsiyadan) oʻtkazish	Oʻzbekiston Respublikasi Moliya vazirligi	Jismoniy shaxs	Anʼanaviy va elektron shaklda	Pullik	Sertifikat
							”;

41-pozitsiyaning “Davlat xizmati koʻrsatish shakli (anʼanaviy va elektron)” ustuni “Anʼanaviy” degan soʻzdan keyin “va elektron shaklda” degan soʻzlar bilan toʻldirilsin.

5. 009-bob quyidagi mazmundagi 58³-pozitsiya bilan toʻldirilsin:

“
58³.	00915	Mehnatni muhofaza qilish boʻyicha mutaxassislarning malaka imtihonini oʻtkazish va malaka sertifikatini berish	Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari	Jismoniy shaxs	Anʼanaviy va elektron shaklda	Pullik	Sertifikat
							”.

6. 012-bobda:

78-pozitsiya chiqarib tashlansin;

quyidagi mazmundagi 91³-pozitsiya bilan toʻldirilsin:

“
91³.	01221	Tibbiyot tashkilotlarini akkreditatsiyadan oʻtkazish	Oʻzbekiston Respublikasi Sogʻliqni saqlash vazirligi	Yuridik shaxs	Anʼanaviy va elektron shaklda	Pullik	Akkreditatsiya guvohnomasi
							”.

7. Quyidagi mazmundagi 012²-bob bilan toʻldirilsin:

“
012²		Oʻzbekiston Respublikasi Tibbiy-ijtimoiy xizmatlarni rivojlantirish agentligi
91¹¹.	01230	Keksa�ar va nogironligi boʻlgan shaxslarga sanatoriylarda davolanish uchun yoʻllanmalar berish	Oʻzbekiston Respublikasi Tibbiy-ijtimoiy xizmatlarni rivojlantirish agentligining tuman (shahar) tibbiy-ijtimoiy xizmatlarni rivojlantirish boʻlimlari	Jismoniy shaxs	Elektron	Bepul	Yoʻllanma
							”.

8. Quyidagi mazmundagi 013¹-bob bilan toʻldirilsin:

“
013¹		Oʻzbekiston Respublikasi Vazirlar Mahkamasi huzuridagi Davlat personallashtirish markazi
93.	01311	Jismoniy shaxsning shaxsiy identifikatsiya raqamini berish	Oʻzbekiston Respublikasi Vazirlar Mahkamasi huzuridagi Davlat personallashtirish markazi	Jismoniy shaxs	Elektron	Bepul	Maʼlumotnoma
93¹.	01312	Oʻzbekiston Respublikasi fuqarosining xorijga chiqish uchun biometrik pasportini berish	Oʻzbekiston Respublikasi Vazirlar Mahkamasi huzuridagi Davlat personallashtirish markazi	Jismoniy shaxs	Anʼanaviy	Pullik	Xorijga chiqish uchun biometrik pasport
							”.

9. 014-bobda:

130-pozitsiya chiqarib tashlansin;

137-pozitsiyaning “Davlat xizmati koʻrsatish shakli (anʼanaviy va elektron)” ustuni “Anʼanaviy” degan soʻzdan keyin “va elektron shaklda” degan soʻzlar bilan toʻldirilsin.

10. 017-bobning 162-pozitsiyasi “Davlat xizmati koʻrsatish shakli (anʼanaviy va elektron)” ustuni “Anʼanaviy” degan soʻzdan keyin “va elektron shaklda” degan soʻzlar bilan toʻldirilsin.

11. 018-bobning 168-pozitsiyasi “Davlat xizmati koʻrsatish shakli (anʼanaviy va elektron)” ustunidagi “Elektron shaklda” degan soʻzlar “Anʼanaviy va elektron shaklda” degan soʻzlar bilan almashtirilsin.

12. 026-bob quyidagi mazmundagi 273¹-pozitsiya bilan toʻldirilsin:

“
273¹.	02617	Korporativ boshqaruvchi malaka attestatini berish	Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Biznes va tadbirkorlik oliy maktabi	Jismoniy shaxs	Anʼanaviy	Pullik	Attestat
							”.

13. 028-bob quyidagi mazmundagi 309¹ va 309²-pozitsiyalar bilan toʻldirilsin:

“
309¹.	0285	Bolalarni ularning sogʻligʻiga zarar yetkazuvchi axborotdan himoya qilish sohasidagi ekspertlarni akkreditatsiya qilish	Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi	Jismoniy shaxs	Anʼanaviy va elektron shaklda	Bepul	Guvohnoma
309².	0286	Davlat organlari va tashkilotlari axborot xizmatlari rahbarlarini attestatsiyadan oʻtkazish	Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi	Jismoniy shaxs	Anʼanaviy va elektron shaklda	Bepul	Guvohnoma
							”.

14. 031-bobda:

332-pozitsiya quyidagi tahrirda bayon etilsin:

“
332.	0314	Loyiha-smeta hujjatlarini kelishish	Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari huzuridagi hududiy arxitektura-shaharsozlik kengashlari, Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari, tuman (shahar) qurilish boʻlimlari	Jismoniy va yuridik shaxslar	Elektron	Pullik	Xulosa
							”;

335 va 336-pozitsiyalar quydagi taxrirda bayon etilsin:

“
335.	0317	Bino va inshootning tashqi koʻrinishini oʻzgartirishni kelishib olish	Tuman (shahar) qurilish boʻlimlari	Jismoniy va yuridik shaxslar	Anʼanaviy va elektron	Pullik	Kelishish
336.	0318	Bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha bino va inshootlarni qurishni loyihalashtirishga ruxsatnoma	Tuman (shahar) qurilish boʻlimlari	Jismoniy va yuridik shaxslar	Anʼanaviy va elektron	Pullik	Ruxsatnoma
							”;

337-pozitsiya chiqarib tashlansin;

337¹-pozitsiya quyidagi tahrirda bayon etilsin:

“
337¹.	0319¹	Qurilish-montaj ishlari tugallangan obyektdan foydalanish uchun ruxsatnoma	Qurilish sohasida hududiy nazorat inspeksiyasiga yoki tuman (shahar) qurilish boʻlimlari	Jismoniy va yuridik shaxslar	Elektron	Pullik	Ruxsatnoma
							”;

338-pozitsiya quyidagi tahrirda bayon etilsin:

“
338.	03110	Koʻchmas mulk buzilishga tushgan yoki tushmaganligi toʻgʻrisida maʼlumotnoma	Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarmalari	Jismoniy va yuridik shaxslar	Elektron	Pullik	Maʼlumotnoma
							”.

15. 036-bobda:

quyidagi mazmundagi 365¹-pozitsiya bilan toʻldirilsin:

“
365¹.	0364¹	Yakka tartibdagi tadbirkorlar tomonidan yollangan xodimlarni davlat soliq xizmati organlarida hisobga qoʻyish	Tuman (shahar) davlat soliq inspeksiyalari	Jismoniy shaxs	Elektron	Bepul	Hisobga qoʻyish kartochkasi
							”;

quyidagi mazmundagi 370⁶-pozitsiya bilan toʻldirilsin:

“
370⁶.	03615	Koʻchma savdo obyektlarini roʻyxatdan oʻtkazish	Oʻzbekiston Respublikasi Davlat soliq qoʻmitasi	Jismoniy va yuridik shaxslar	Elektron	Pullik	Guvohnoma
							”.

16. 040-bob quyidagi mazmundagi 406¹-pozitsiya bilan toʻldirilsin:

“
406¹.	0403¹	Geodeziya va kartografiya faoliyati bilan shugʻullanadigan mutaxassislarning malakasini oshirish va ularga malaka sertifikatini berish	Oʻzbekiston Respublikasi Davlat soliq qoʻmitasi huzuridagi Kadastr agentligi	Jismoniy shaxs	Anʼanaviy va elektron shaklda	Pullik	Sertifikat
							”.

17. 044-bob quyidagi mazmundagi 428²-pozitsiya bilan toʻldirilsin:

“
428².	0441²	Veterinariya xizmati mutaxassislarining malakasini oshirish, ularni qayta tayyorlash va ularga malaka toifalari berish	Samarqand veterinariya meditsinasi instituti huzuridagi Kadrlarni qayta tayyorlash va ularning malakasini oshirish markazi	Jismoniy shaxs	Anʼanaviy va elektron shaklda	Pullik	Sertifikat
							”.

18. 048-bobda:

nomi quyidagi tahrirda bayon etilsin:

“Oʻzbekiston Respublikasi Adliya vazirligi (davlat xizmatlari markazlari va fuqarolik holati dalolatnomalarini yozish sohasida)”;

quyidagi mazmundagi 471¹ va 471²-pozitsiyalar bilan toʻldirilsin:

“
471¹.	0482¹	Yoʻqolgan ashyoning topilmaganligi haqidagi maʼlumotnoma olish	Davlat xizmatlari markazi	Jismoniy va yuridik shaxslar	Elektron	Pullik	Maʼlumotnoma
471².	0482²	“Avtomobil tarixi” maʼlumotlarini taqdim etish	Davlat xizmatlari markazi	Jismoniy va yuridik shaxslar	Elektron	Pullik	Maʼlumotnoma
							”;

500-pozitsiya quyidagi tahrirda bayon etilsin:

“
500.	04831	Fuqarolik holati dalolatnomalarini yozish organlarining arxiv hujjatlaridan maʼlumotnoma berish	Fuqarolik holati dalolatnomalarini yozish arxivlari	Jismoniy shaxs	Anʼanaviy va elektron shaklda	Pullik	Maʼlumotnoma
							”.

19. 049-bobda:

nomi quyidagi tahrirda bayon etilsin:

“Oʻzbekiston Respublikasi Istiqbolli loyihalar milliy agentligi”;

501-pozitsiyaning “Davlat xizmatini koʻrsatuvchi vakolatli organning nomi” ustuni quyidagi tahrirda bayon etilsin:

“Oʻzbekiston Respublikasi Istiqbolli loyihalar milliy agentligi”.

20. 051-bobda:

nomi quyidagi tahrirda bayon etilsin:

“Oʻzbekiston Respublikasi Adliya vazirligi (intellektual mulk sohasida)”;

535-pozitsiya quyidagi tahrirda bayon etilsin:

“
535.	0513	Elektron hisoblash mashinalari uchun dasturlar yoki maʼlumotlar bazalariga rasmiy roʻyxatdan oʻtkazilganlik toʻgʻrisidagi guvohnoma olish	Oʻzbekiston Respublikasi Adliya vazirligi Intellektual mulk departamenti	Jismoniy va yuridik shaxslar	Anʼanaviy va elektron shaklda	Pullik	Guvohnoma
							”;

536 — 542-pozitsiyalarning “Davlat xizmatini koʻrsatuvchi vakolatli organning nomi” ustuni quyidagi tahrirda bayon etilsin:

“Oʻzbekiston Respublikasi Adliya vazirligi Intellektual mulk departamenti”.

21. Quyidagi mazmundagi 058¹-bob bilan toʻldirilsin:

“
058¹		Alisher Navoiy nomidagi Toshkent davlat oʻzbek tili va adabiyoti universiteti huzuridagi Davlat tilida ish yuritish asoslarini oʻqitish va malaka oshirish markazi
586¹.	0585	Oʻzbekiston Respublikasi fuqaroligiga qabul qilishda chet davlat fuqarosi yoki fuqaroligi boʻlmagan shaxsning davlat tilini bilish darajasini aniqlash	Alisher Navoiy nomidagi Toshkent davlat oʻzbek tili va adabiyoti universiteti huzuridagi Davlat tilida ish yuritish asoslarini oʻqitish va malaka oshirish markazi va uning hududiy boʻlinmalari	Jismoniy shaxs	Anʼanaviy va elektron shaklda	Pullik	Sertifikat
							”.

22. 067-bob quyidagi mazmundagi 623-pozitsiya bilan toʻldirilsin:

“
623.	0675	Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish	Vazirlar Mahkamasi huzuridagi Taʼlim sifatini nazorat qilish davlat inspeksiyasi	Jismoniy shaxs	Anʼanaviy va elektron shaklda	Bepul/ Pullik	Sertifikat
							”.

(Qonunchilik maʼlumotlari milliy bazasi, 27.07.2022-y., 10/22/3181-3/0678-son)