252-сон 11.05.2022. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisidagi nizomni tasdiqlash haqida

Hujjat kuchini yo‘qotgan 13.03.2025

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisidagi nizomni tasdiqlash haqida

LexUZ sharhi

Mazkur qaror Oʻzbekistan Respublikasi Vazirlar Mahkamasining 2025-yil 11-martdagi 158-sonli “Kambagʻallikni qisqartirish davlat maqsadli jamgʻarmasi faoliyatini tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha davlat siyosatining ustuvor yoʻnalishlari toʻgʻrisida” 2021-yil 3-dekabrdagi PF-29-son Farmoni, “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida” 2021-yil 3-dekabrdagi PQ-31-son, “Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisida” 2021-yil 24-dekabrdagi PQ-62-son, “Hunarmandchilik faoliyatini qoʻllab-quvvatlash tizimini yanada takomillashtirish chora-tadbirlari toʻgʻrisida” 2021-yil 30-dekabrdagi PQ-77-son, “Baliqchilik tarmogʻini yanada rivojlantirishning qoʻshimcha chora-tadbirlari toʻgʻrisida” 2022-yil 13-yanvardagi PQ-83-son qarorlari ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan “usta-shogird” asosida hunar oʻrgatayotgan ustalarga uch oy mobaynida har bir shogird uchun (biroq, shogirdlar soni besh nafardan oshmagan holda) har oyda bazaviy hisoblash miqdorining 4 baravarigacha subsidiya ajratish tartibi joriy etilsin.

2. Quyidagilarni nazarda tutuvchi Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisida nizom ilovaga muvofiq tasdiqlansin:

ishsiz, kam taʼminlangan oilalar aʼzolari, tashqi mehnat migratsiyasidan qaytib kelgan shaxslarga baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda tashkil etiladigan qishloq xoʻjaligi kooperativlari ustav fondiga ulush sifatida kiritish uchun subsidiyalar ajratish tartibi;

ish oʻrni yaratish sharti bilan qoʻl mehnati uchun gilam va ipak mato toʻqish dastgohlarini xarid qilish uchun subsidiyalar ajratish tartibi;

tadbirkorlik va oʻzini oʻzi band qilish faoliyatini boshlamoqchi boʻlgan ishsiz, shu jumladan, “Temir daftar”, “Ayollar daftari” va “Yoshlar daftari”ga kiritilgan fuqarolarga kerak boʻlgan asbob-uskuna, mehnat qurollarini xarid qilish hamda bino va inshootning ijara toʻlovi uchun subsidiyalar ajratish tartibi;

ishsiz shaxslarga yakka tartibdagi tadbirkor, kichik korxonalar va mikrofirmalarni davlat roʻyxatidan oʻtkazish hamda “Hunarmand” uyushmasiga aʼzolik badali xarajatlarini toʻlash uchun subsidiyalar ajratish tartibi;

yoshlarga “usta-shogird” anʼanalari, shuningdek, oʻquv xonalarida oʻqitish qiyin boʻlgan kasb yoʻnalishlari boʻyicha hunar oʻrgatayotgan hunarmandlar va ustalarga subsidiyalar ajratish tartibi.

3. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 11-may,

252-son

Vazirlar Mahkamasining 2022-yil 11-maydagi 252-son qaroriga
ILOVA

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi (keyingi oʻrinlarda — Jamgʻarma) mablagʻlari hisobidan subsidiyalar ajratish tartibini belgilaydi.

2. Mazkur Nizomda quyidagi asosiy tushunchalardan foydalaniladi:

ishsiz — “Aholi bandligi toʻgʻrisida”gi Qonunga muvofiq oʻn olti yoshdan to pensiya taʼminoti huquqini olish yoshigacha boʻlgan, haq toʻlanadigan ishga yoki ish haqi beriladigan mashgʻulotga (mehnat daromadiga) ega boʻlmagan, ish qidirayotgan va ish taklif etilsa, unga kirishishga tayyor boʻlgan yoxud kasbga tayyorlashdan, qayta tayyorlashdan oʻtishga yoki malakasini oshirishga tayyor boʻlgan, ishga joylashishga koʻmaklashish uchun mahalliy mehnat organlariga murojaat qilgan va ushbu organlar tomonidan ish qidirayotgan shaxslar sifatida roʻyxatga olingan mehnatga layoqatli shaxslar (taʼlim muassasalarida taʼlim olayotganlar bundan mustasno);

kam taʼminlangan yoki kambagʻal oilalar aʼzosi — “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan, shuningdek, “Temir daftar”, “Ayollar daftari” va “Yoshlar daftari”ga kiritilgan shaxslar;

migratsiyadan qaytib kelgan shaxs — xorijda vaqtincha mehnat faoliyatini amalga oshirib, qaytib kelgan shaxs;

hokim yordamchisi — har bir shaharcha, qishloq, ovulda, shuningdek, shaharlar, shaharchalar, qishloqlar hamda ovullardagi har bir mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisi lavozimiga tayinlangan shaxs;

Agentlikning hududiy boshqarmasi — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalari;

Markaz — tuman (shahar) hokimligi tarkibidagi yuridik shaxs maqomiga ega boʻlmagan Mahallabay ishlash va tadbirkorlikni rivojlantirish markazi;

subsidiya — bandlikni ragʻbatlantirish va tadbirkorlikka jalb etish uchun Jamgʻarma mablagʻlari hisobidan koʻrsatiladigan moliyaviy koʻmak;

“Onlayn mahalla” elektron platformasi — hokim yordamchilari faoliyatini samarali tashkil etish uchun davlat organlari va tashkilotlarining maʼlumotlar bazalari bilan integratsiya qilingan “Onlayn mahalla” elektron integratsiyalashgan axborot tizimi.

2-bob. Jamgʻarma mablagʻlari hisobidan subsidiyalar ajratish turlari

3. Jamgʻarma mablagʻlari hisobidan subsidiyalar quyidagi maqsadlar uchun ajratiladi:

a) Agentlikning hududiy boshqarmasi, yetkazib beruvchi tashkilotlar va ishsiz, kam taʼminlangan yoki kambagʻal oilalar aʼzosi boʻlgan subsidiya olishga talabgor (keyingi oʻrinlarda — talabgor) oʻrtasida tuzilgan uch tomonlama shartnomalar asosida:

(3-band “a” kichik bandning birinchi xatboshisi Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

yengil konstruksiyali issiqxonalar oʻrnatish uchun — bazaviy hisoblash miqdorining 30 baravarigacha miqdorida;

sugʻorish vositalari xarid qilish uchun — bazaviy hisoblash miqdorining 10 baravarigacha miqdorida;

urugʻliklar va koʻchatlar sotib olish uchun — bazaviy hisoblash miqdorining 3 baravarigacha miqdorida;

b) ishsiz fuqarolar, kam taʼminlangan oilalar aʼzolari va tashqi mehnat migratsiyasidan qaytib kelgan shaxslarga ularning bandligini taʼminlash maqsadida tashkil etiladigan qishloq xoʻjaligi kooperativlari ustav fondiga ulush sifatida kiritish uchun — bazaviy hisoblash miqdorining 10 baravarigacha miqdorida. Bunda:

qishloq xoʻjaligi kooperativlari baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda tashkil etiladi;

qishloq xoʻjaligi kooperativlariga ishsiz fuqarolar, kam taʼminlangan oilalar aʼzolari, tashqi mehnat migratsiyasidan qaytib kelgan shaxslar hamda kooperativ faoliyati yoʻnalishi boʻyicha tajribaga ega yetakchi tadbirkorlar birlashtiriladi;

v) “Oʻzbekipaksanoat” uyushmasi tarkibidagi qoʻlda gilam va ipak mato toʻqish bilan shugʻullanuvchilarga 3 tadan kam boʻlmagan ish oʻrni yaratish sharti bilan gilam va ipak mato toʻqish dastgohini xarid qilishga sarflanadigan xarajatlarni qoplash uchun — har bir dastgoh uchun bazaviy hisoblash miqdorining 10 baravarigacha miqdorida;

g) “Yaylov xoʻjaligini rivojlantirish” uyushmasi aʼzolariga qoʻl mehnati uchun uskunalar xarid qilish boʻyicha xarajatlarni qoplash uchun kamida bitta ish oʻrni yaratish sharti bilan bazaviy hisoblash miqdorining 10 baravarigacha miqdorida;

d) 2022-yil 1-apreldan boshlab 2025-yil 1-yanvarga qadar jismoniy shaxslarning aholi xonadonlarida baliq yetishtirish yoʻnalishi boʻyicha oʻquv kurslarida oʻqish xarajatlarini qoplash uchun — bazaviy hisoblash miqdorining 2 baravaridan oshmagan miqdorda bir martalik;

e) tadbirkorlik va oʻzini oʻzi band qilish faoliyatini boshlamoqchi boʻlgan ishsiz, shu jumladan, “Temir daftar”, “Ayollar daftari” va “Yoshlar daftari”ga kiritilgan fuqarolarga faoliyatini boshlash uchun kerak boʻlgan asbob-uskuna, mehnat qurollarini xarid qilish uchun — 7 million soʻmgacha, xotin-qizlarga 10 million soʻmgacha;

j) tadbirkorlik faoliyatini boshlayotgan ishsiz fuqarolarga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovini toʻlash uchun — bazaviy hisoblash miqdorining 10 baravarigacha (bunda uch oy davomida toʻlab beriladigan subsidiya uch oyga teng taqsimlangan holda har bir oy uchun toʻlab beriladi);

Oldingi tahrirga qarang.

(3-bandning “z” kichik bandi Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan chiqarilgan — Qonunchilik maʼlumotlari milliy bazasi, 25.07.2023-y., 09/23/307/0519-son)

i) aholi bandligiga koʻmaklashish markazida roʻyxatdan oʻtgan, tadbirkorlik faoliyatini boshlashni xohlayotgan ishsiz shaxslarga — yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish uchun — sarflanadigan xarajatlarni toʻlashda bir martalik;

Oldingi tahrirga qarang.

(3-bandning “k” kichik bandi Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan chiqarilgan — Qonunchilik maʼlumotlari milliy bazasi, 25.07.2023-y., 09/23/307/0519-son)

Oldingi tahrirga qarang.

(3-bandning “l” kichik bandi Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan chiqarilgan — Qonunchilik maʼlumotlari milliy bazasi, 25.07.2023-y., 09/23/307/0519-son)

m) kasb-hunarga oʻqitish markazlarining oʻquv xonalarida oʻqitish qiyin boʻlgan quyidagi kasb yoʻnalishlarida “usta-shogird” anʼanalari asosida hunar oʻrganmoqchi boʻlgan yoshlarga yoki hunar oʻrgatayotgan (yoki oʻrgatmoqchi boʻlgan) ustalarga shogirdlar tayyorlash yoki shogirdlarni ish haqi bilan taʼminlash uchun — uch oy mobaynida har bir shogirdga (biroq, shogirdlar soni besh nafardan oshmagan holda) har oyda bazaviy hisoblash miqdorining 4 baravarigacha miqdorida subsidiya ajratiladi.

Ushbu bandni “m” kichik bandida koʻrsatilgan subsidiya quyidagi yoʻnalishlarga ajratilishi nazarda tutiladi. Bunda:

avtotyuning (avtomobillarga aksessuarlar va avtosignalizatsiya oʻrnatish, gʻiloflar va pol qoplamalarini tikish);

maishiy texnikani oʻrnatish va taʼmirlash;

kompyuterlarni taʼmirlash va sozlash;

video va fotosuratga olish;

mebellarni taʼmirlash va yigʻish;

sartaroshlik xizmatlari, manikyur, pedikyur xizmatlari;

kosmetolog xizmatlari;

multimedia, dizayn va sanʼat materiallarini yaratish va ularga ishlov berish (veb-dizayner, grafika dizayneri, kompyuter oʻyinlari dizayneri, interyer dizayneri, landshaft dizayneri, liboslar dizayneri, retusher, fotokollajchi, vektor grafikasi muharriri, arxitektor, vizuallashtiruvchi dizayner, maʼlumot dizayneri, interfeys dizayneri, texnik dizayner, moushn-dizayner, banner yasovchi, nashriyot dizayneri, flesher, 3D-dizayner, video muharrir, videooperator, bastakor, ovoz rejissori, aranjirovkachi, suxandon, foto muharrir va boshqalar);

dasturiy taʼminot, axborot tizimlari, mobil ilovalar va veb-saytlarni ishlab chiqish va texnik qoʻllab-quvvatlash (dasturchi, dasturiy taʼminotni sinovchi mutaxassis, veb-sahifalarni sahifalovchi, veb-tahlilchi, veb-saytlarni optimizatsiyalash boʻyicha mutaxassis).

4. Mazkur Nizomning 3-bandida koʻrsatilgan subsidiyalar hokim yordamchisining tavsiyasi bilan ajratiladi.

5. Jamgʻarma mablagʻlari hisobidan subsidiyalar ushbu Nizomga ilovada keltirilgan sxemaga muvofiq ajratiladi.

3-bob. Jamgʻarma mablagʻlari hisobidan subsidiyalar ajratish tartibi

1-§. Yengil konstruksiyali issiqxonalar oʻrnatish, urugʻliklar, koʻchatlar va sugʻorish vositalari xarid qilish uchun subsidiya ajratish tartibi

6. Talabgor yengil konstruksiyali issiqxonalar oʻrnatish va/yoki urugʻliklar, koʻchatlar yoxud sugʻorish vositalari xarid qilish uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin.

Arizada talabgorning familiyasi, ismi va otasining ismi, doimiy yashash manzili, pasport seriyasi va raqami (identifikatsiyalovchi ID-karta raqami), ishsiz, kam taʼminlangan yoki kambagʻal oila aʼzosi ekanligi hamda soʻralayotgan subsidiyaning turi koʻrsatiladi.

Arizada qayd etilgan maʼlumotlar haqqoniyligi uchun talabgor shaxsan javobgar hisoblanadi.

(6-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

7. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

talabgorni issiqxona, sugʻorish vositalarini oʻrnatish, urugʻlik, koʻchatlar ekish imkoniyati mavjudligini;

talabgor ishsiz, kam taʼminlangan yoki kambagʻal oilaning aʼzolaridan biri ekanligini;

talabgor soʻralayotgan subsidiya turidan muqaddam foydalanmaganligini;

b) joyiga chiqqan holda quyidagilarni oʻrganadi:

talabgorning foydalanuvida tomorqa yerining mavjudligini;

talabgorning yengil konstruksiyali issiqxona oʻrnatish imkoniyati mavjudligini;

talabgorni urugʻliklar va koʻchatlar ekish uchun imkoniyati mavjudligini;

talabgorni sugʻorish vositasiga boʻlgan haqiqiy ehtiyojini;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

talabgorni haqiqatda ishsiz, kam taʼminlangan yoki kambagʻal oilaning aʼzolaridan biri ekanligi;

soʻralayotgan subsidiya turidan muqaddam foydalanmaganligi;

talabgorning yengil konstruksiyali issiqxona oʻrnatish imkoniyati;

urugʻliklar va koʻchatlar hamda sugʻorish vositalariga boʻlgan ehtiyoji;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha murojaatchining arizasi;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

(7-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

8. Agarda talabgor mazkur Nizomning 7-bandi “a” kichik bandiga mos kelmasa yoki joyiga chiqqan holda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda talabgorga xabarnoma yuboradi.

(8-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

9. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

oʻrganish natijasiga koʻra (agarda hujjatlarda koʻrsatilgan maʼlumotlar oʻz tasdigʻini topsa) “Onlayn mahalla” elektron platformasi orqali Agentlikning hududiy boshqarmasiga hokim yordamchisi tomonidan yuborilgan hujjatlarni ilova qilgan holda xulosa yuboradi.

Bunda hokim yordamchisining tavsiyasi va rasmiylashtirilgan dalolatnomasida qayd etilgan maʼlumotlarning haqqoniyligi xulosada koʻrsatilishi kerak.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

10. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga va talabgorga xabarnoma yuboradi.

(10-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

11. Agentlikning hududiy boshqarmasi ikki ish kunida:

Markaz xulosasini va u bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi hamda bu haqda “Onlayn mahalla” elektron platformasi orqali Markazga va hokim yordamchisiga hamda talabgorga xabarnoma yuboradi.

(11-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

12. Xabarnoma yuborilgan kundan boshlab Agentlikning hududiy boshqarmasi yetkazib beruvchi tashkilot va talabgor oʻrtasida oʻn ish kunida uch tomonlama shartnoma tuzish choralarini koʻradi.

Bunda talabgorning ehtiyojidan kelib chiqqan holda, bitta oila uchun quyidagi yoʻnalishlardan biri boʻyicha uch tomonlama shartnoma tuziladi:

yengil konstruksiyali issiqxonalar oʻrnatish;

sugʻorish vositalari xarid qilish;

urugʻliklar va koʻchatlar sotib olish.

(12-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

13. Agarda Markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda talabgorga xabarnoma yuboriladi.

(13-band Oʻzbekiston Respublikasi Vazirlar Mahkamasining 2024-yil 1-maydagi 255-sonli qarori tahririda — Qonunchilik maʼlumotlari milliy bazasi, 02.05.2024-y., 09/24/255/0323-son)

14. Uch tomonlama tuzilgan shartnomada yengil konstruksiyali issiqxona oʻrnatish, sugʻorish vositasini xarid qilish, urugʻlik va koʻchatlar sotib olish uchun oldindan 30 foiz miqdorida toʻlov amalga oshirilishi (nazarda tutilishi) mumkin. Toʻlovning qolgan qismi shartnoma shartlari toʻliq bajarilgandan soʻng toʻlanadi.

15. Ushbu subsidiya turidan foydalanish huquqi har bir oilaga faqat bir marta beriladi.

2-§. Ishsiz, kam taʼminlangan oilalar aʼzolari, tashqi mehnat migratsiyasidan qaytib kelgan shaxslarga qishloq xoʻjaligi kooperativlari ustav fondiga ulush sifatida kiritish uchun subsidiya ajratish tartibi

16. Ishsiz, kam taʼminlangan oilaning aʼzosi yoki tashqi mehnat migratsiyasidan qaytib kelgan shaxslar (keyingi oʻrinlarda — ishsiz shaxs) qishloq xoʻjaligi kooperativi tashkil etish yoki qishloq xoʻjaligi kooperativiga ixtiyoriy aʼzo boʻlish uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin.

Agarda taʼsischilar soni ikki va undan ortiq boʻlsa, ularning birining doimiy yashash manzilidagi hokim yordamchisiga yoki “Onlayn mahalla” elektron platformasi orqali murojaat qilinadi.

Arizada ishsiz shaxsning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), ishsiz, kam taʼminlangan yoki kambagʻal oila aʼzosi ekanligi, tashqi mehnat migratsiyasidan qaytib kelganligi va qishloq xoʻjaligi kooperativining qaysi faoliyat turi bilan shugʻullanishini hamda soʻralayotgan subsidiyaning bazaviy hisoblash miqdori koʻrsatiladi.

Arizada qayd etilgan maʼlumotlar haqqoniyligi uchun ishsiz shaxs shaxsan javobgar hisoblanadi.

17. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ishsiz shaxsning haqiqatda ishsiz, kam taʼminlangan yoki kambagʻal oila aʼzosi ekanligini;

ishsiz shaxsning haqiqatda tashqi mehnat migratsiyadan qaytib kelganligini;

ishsiz shaxsning soʻralayotgan subsidiya turidan muqaddam foydalanmaganligini;

b) qishloq xoʻjaligi kooperativining baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik va hunarmandchilik faoliyati turlarining biri bilan shugʻullanish imkoniyati mavjudligini joyiga chiqqan holda oʻrganadi;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

ishsiz shaxs haqiqatda ishsiz, kam taʼminlangan yoki kambagʻal oila aʼzosi ekanligi;

ishsiz shaxsni tashqi mehnat migratsiyasidan qaytib kelganligi;

ishsiz shaxsni soʻralayotgan subsidiya turidan muqaddam foydalanmaganligi;

ishsiz shaxsni qishloq xoʻjaligi kooperativining baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik va hunarmandchilik faoliyat turlarining biri bilan shugʻullanish imkoniyati mavjudligi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha ishsiz shaxsni arizasi;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

18. Agarda ishsiz shaxs mazkur Nizomning 17-bandi “a” kichik bandiga mos kelmasa yoki joyiga chiqqan holda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda ishsiz shaxsga xabarnoma yuboradi.

19. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Bunda hokim yordamchisining tavsiyasi va rasmiylashtirilgan dalolatnomasida qayd etilgan maʼlumotlarning haqqoniyligi xulosada koʻrsatilishi kerak.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

20. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga va ishsiz shaxsga xabarnoma yuboradi.

21. Agentlikning hududiy boshqarmasi ikki ish kunida:

Markaz xulosasini va u bilan yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi hamda bu haqda buyruq nusxasini ilova qilingan holda “Onlayn mahalla” elektron platformasi orqali hokim yordamchisiga va ishsiz shaxsga xabarnoma yuboradi.

22. Ishsiz shaxs belgilangan tartibda qishloq xoʻjaligi kooperativini tashkil etgandan yoki qishloq xoʻjaligi kooperativiga ixtiyoriy aʼzo boʻlgandan soʻng Agentlikning hududiy boshqarmasiga qishloq xoʻjaligi kooperativining bank rekvizitlarini taqdim etadi.

23. Agentlikning hududiy boshqarmasi ikki ish kunida qishloq xoʻjaligi kooperativining davlat roʻyxatidan oʻtganligini yoki qishloq xoʻjaligi kooperativiga ixtiyoriy aʼzo boʻlganligini “Onlayn mahalla” elektron platforma orqali tekshiradi hamda ustav fondiga har bir aʼzoning ulushi sifatida kiritish uchun uning bankdagi hisobvaragʻiga arizada koʻrsatilgan bazaviy hisoblash miqdorida (biroq, bazaviy hisoblash miqdorining oʻn baravarigacha) subsidiya ajratadi hamda bu haqda “Onlayn mahalla” elektron platformasi orqali Markazga va hokim yordamchisiga hamda i xabarnoma yuboradi.

24. Qishloq xoʻjaligi kooperativ ustav fondiga ulush sifatida kiritish uchun subsidiya bitta oilaning bitta aʼzosiga faqat bir marta ajratiladi.

25. Ushbu subsidiya turidan foydalanish huquqi bir marta beriladi.

3-§. “Oʻzbekipaksanoat” uyushmasi tarkibidagi qoʻlda gilam va ipak mato toʻqish bilan shugʻullanuvchilarga ish oʻrni yaratish sharti bilan gilam va ipak mato toʻqish dastgohini xarid qilishga sarflanadigan xarajatlarni qoplash uchun subsidiya ajratish tartibi

26. “Oʻzbekipaksanoat” uyushmasi tarkibidagi qoʻlda gilam va ipak mato toʻqish bilan shugʻullanuvchi yuridik shaxslar (keyingi oʻrinlarda — uyushma aʼzosi) uchtadan kam boʻlmagan yangi ish oʻrni yaratish sharti bilan gilam va ipak mato toʻqish dastgohlarini (keyingi oʻrinlarda — dastgohlar) xarid qilishga sarflanadigan xarajatlarni qoplash uchun subsidiya ajratish boʻyicha tavsiya berishni soʻrab oʻzining doimiy faoliyat yuritayotgan manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin.

Arizada korxona nomi, STIR raqami, sotib olinadigan dastgohlar toʻgʻrisida maʼlumot hamda yaratiladigan yangi ish oʻrinlari soni, “Oʻzbekipaksanoat” uyushmasiga aʼzolik maʼlumotnomasi koʻrsatiladi.

Arizada qayd etilgan maʼlumotlar haqqoniyligi uchun uyushma aʼzosi javobgar hisoblanadi.

27. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

uyushma aʼzosining mavjud xodimlari sonini;

uyushma aʼzosi haqiqatda “Oʻzbekipaksanoat” uyushmasiga aʼzoligini;

soʻralayotgan subsidiya turidan muqaddam foydalanmaganligini;

b) uyushma aʼzosining dastgohlarni xarid qilish orqali uchtadan kam boʻlmagan yangi ish oʻrni yaratish imkoniyati mavjudligini joyiga chiqqan holda oʻrganadi;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

uyushma aʼzosining mavjud xodimlar soni;

uyushma aʼzosi dastgohlarni xarid qilish orqali uchtadan kam boʻlmagan yangi ish oʻrni yaratish imkoniyati mavjudligi;

uyushma aʼzosi soʻralayotgan subsidiya turidan muqaddam foydalanmaganligi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha uyushma aʼzosining arizasi;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

28. Agarda uyushma aʼzosi mazkur Nizomning 27-bandi “a” va “b” kichik bandlariga mos kelmasa yoki oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda uyushma aʼzosiga xabarnoma yuboradi.

29. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Bunda uyushma aʼzosining “Oʻzbekipaksanoat” uyushmasiga aʼzoligi, mavjud xodimlar soni, dastgohlarni xarid qilish orqali uchtadan kam boʻlmagan yangi ish oʻrni yaratish tashabbusi koʻrsatilishi kerak.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

30. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga va uyushma aʼzosiga xabarnoma yuboradi.

31. Agentlikning hududiy boshqarmasi ikki ish kunida:

Markaz xulosasini va u bilan yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlikning hududiy boshqarmasining tegishli buyrugʻi qabul qilinadi (buyruqda xodimlar ishga qabul qilingandan soʻng pul oʻtkazilishi koʻrsatilishi kerak) hamda bu haqda buyruq nusxasini ilova qilingan holda “Onlayn mahalla” elektron platformasi orqali Markazga va hokim yordamchisiga hamda uyushma aʼzosiga xabarnoma yuboradi.

32. Uyushma aʼzosi xabarnomani olgandan soʻng yangi ish oʻrinlariga qabul qilingan xodimlarning pasport seriyasi va raqami (ID-karta raqami), ular bilan tuzilgan mehnat shartnomasi va buyruq nusxalari, shuningdek, dastgohlarni xarid qilish boʻyicha tuzilgan shartnoma nusxalari, subsidiya toʻlash uchun hisobvaraq-faktura hamda xizmat koʻrsatuvchi tijorat banki nomi va bankdagi hisobvaragʻi haqidagi maʼlumotlarni Agentlikning hududiy boshqarmasiga taqdim etishi kerak.

33. Agentlikning hududiy boshqarmasi oʻttiz ish kunida (keyingi hisobot oyida):

yangi ishga qabul qilingan xodimlarni soliq bazasida ijtimoiy soliq toʻlanganligini hamda haqiqatda uskunalar xarid qilganligini aniqlaydi;

uyushma aʼzosining arizasida koʻrsatilgan bazaviy hisoblash miqdori doirasida (biroq, bazaviy hisoblash miqdorining oʻn baravarigacha) xarid qilingan har bir dastgoh uchun (har bir yangi ish oʻrniga bitta dastgoh toʻgʻri kelishini inobatga olib) subsidiya ajratadi hamda bu haqda uyushma aʼzosiga xabarnoma yuboradi.

4-§. “Yaylov xoʻjaligini rivojlantirish” uyushmasi aʼzolariga qoʻl mehnati uchun uskunalar xarid qilish boʻyicha xarajatlarni qoplash uchun subsidiya ajratish tartibi

34. “Yaylov xoʻjaligini rivojlantirish” uyushmasi aʼzosi boʻlgan tadbirkorlik subyekti (keyingi oʻrinlarda — tadbirkorlik subyekti) kamida bitta ish oʻrni yaratish sharti bilan qoʻl mehnati uchun xarid qilinadigan uskunalarga sarflangan xarajatlarini qoplash uchun subsidiya ajratish boʻyicha tavsiya berishni soʻrab oʻzining doimiy faoliyat yuritayotgan manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin.

Arizada tadbirkorlik subyektining nomi, STIR raqami, qoʻl mehnati uchun xarid qilinadigan uskunalar toʻgʻrisida maʼlumot hamda yaratiladigan yangi ish oʻrni, “Yaylov xoʻjaligini rivojlantirish” uyushmasiga aʼzolik maʼlumotnomasi koʻrsatiladi.

Arizada qayd etilgan maʼlumotlar haqqoniyligi uchun tadbirkorlik subyekti shaxsan javobgar hisoblanadi.

35. Hokim yordamchisi ikki ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

tadbirkorlik subyektining haqiqatda “Yaylov xoʻjaligini rivojlantirish” uyushmasiga aʼzoligini;

tadbirkorlik subyektining mavjud xodimlari sonini;

tadbirkorlik subyektining soʻralayotgan subsidiya turidan muqaddam foydalanmaganligini;

b) tadbirkorlik subyektining qoʻl mehnati uchun uskunalar xarid qilish orqali kamida bitta yangi ish oʻrni yaratish imkoniyati mavjudligini joyiga chiqqan holda oʻrganadi;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

tadbirkorlik subyektining haqiqatda “Yaylov xoʻjaligini rivojlantirish” uyushmasiga aʼzoligi;

qoʻl mehnati uchun uskunalar xarid qilish orqali kamida bitta yangi ish oʻrni yaratish imkoniyati mavjudligi;

tadbirkorlik subyektining soʻralayotgan subsidiya turidan muqaddam foydalanmaganligi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha tadbirkorlik subyektining arizasi;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

36. Agarda tadbirkorlik subyekti mazkur Nizomning 35-bandi “a” va “b” kichik bandlariga mos kelmasa yoki oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda tadbirkorlik subyektiga xabarnoma yuboradi.

37. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Bunda tadbirkorlik subyektining “Yaylov xoʻjaligini rivojlantirish” uyushmasiga aʼzoligi, mavjud xodimlari soni, qoʻl mehnati uchun uskunalarni xarid qilish orqali kamida bitta yangi ish oʻrni yaratish imkoniyati koʻrsatilishi kerak.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

38. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali Markazga va hokim yordamchisiga hamda tadbirkorlik subyektiga xabarnoma yuboradi.

39. Agentlikning hududiy boshqarmasi ikki ish kunida:

Markaz xulosasini va u bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi (buyruqda xodimlar ishga qabul qilingandan soʻng pul oʻtkazilishi koʻrsatilishi kerak) hamda bu haqda buyruq nusxasini ilova qilgan holda “Onlayn mahalla” elektron platformasi orqali Markazga va hokim yordamchisiga hamda tadbirkorlik subyektiga xabarnoma yuboradi.

40. Tadbirkorlik subyekti yangi ish oʻrinlariga ishga qabul qilingan xodimlarning pasport seriyasi va raqami (ID-karta raqami), ular bilan tuzilgan mehnat shartnomasi va buyruq nusxalari, shuningdek, uskunalarni xarid qilish boʻyicha tuzilgan shartnoma nusxalari, subsidiya toʻlash uchun hisobvaraq-faktura hamda xizmat koʻrsatuvchi tijorat banki nomi va bankdagi hisobvaragʻi haqidagi maʼlumotlarni Agentlikning hududiy boshqarmasiga taqdim etishi kerak.

41. Agentlikning hududiy boshqarmasi oʻttiz ish kunida:

yangi ishga qabul qilingan xodimlarni soliq bazasida ijtimoiy soliq toʻlanganligini hamda haqiqatda uskunalar xarid qilganligini aniqlaydi;

tadbirkorlik subyektining arizasida koʻrsatilgan bazaviy hisoblash miqdori doirasida (biroq, bazaviy hisoblash miqdorining oʻn baravarigacha) xarid qilingan har bir uskunalar uchun (har bir yangi ish oʻrniga bitta uskuna toʻgʻri kelishini inobatga olib) subsidiya ajratadi hamda bu haqda tadbirkorlik subyektiga xabarnoma yuboradi.

5-§. Jismoniy shaxslarning aholi xonadonlarida baliq yetishtirish yoʻnalishi boʻyicha oʻquv kurslarida oʻqish xarajatlarini qoplash uchun subsidiya ajratish tartibi

42. Aholi xonadonlarida baliq yetishtirish yoʻnalishi boʻyicha “Ishga marhamat” monomarkazlaridagi oʻquv kursida oʻqish istagida boʻlgan jismoniy shaxslar (keyingi oʻrinlarda — jismoniy shaxs) oʻqish xarajatlarini qoplash uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platformasi orqali ariza bilan murojaat qilishi mumkin.

Arizada jismoniy shaxsning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), xonadonida baliq yetishtirish maqsadida “Ishga marhamat” monomarkazlaridagi oʻquv kursida oʻqish uchun soʻralayotgan subsidiya miqdori koʻrsatiladi.

Arizada qayd etilgan maʼlumotlar haqqoniyligi uchun jismoniy shaxs javobgar hisoblanadi.

43. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

jismoniy shaxsning haqiqatda ishsiz va ish qidirayotgan shaxs ekanligini;

jismoniy shaxs soʻralayotgan subsidiya turidan muqaddam foydalanmaganligini;

b) jismoniy shaxsning xonadonida baliq yetishtirish imkoniyati mavjudligini joyiga chiqqan holda oʻrganadi;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

jismoniy shaxsni haqiqatda ishsiz yoki ish qidirayotgan shaxs ekanligi;

jismoniy shaxsning xonadonida baliq yetishtirish imkoniyati mavjudligi;

jismoniy shaxsni soʻralayotgan subsidiya turidan muqaddam foydalanmaganligi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha murojaatchining arizasi;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

44. Agarda oʻrganish natijasida notoʻgʻri (yolgʻon) maʼlumotlar taqdim etilganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda jismoniy shaxsga xabarnoma yuboradi.

45. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

46. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarini koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga hamda jismoniy shaxsga xabarnoma yuboradi.

47. Agentlikning hududiy boshqarmasi ikki ish kunida:

Markaz xulosasini va u bilan yuborilgan hujjatlarni oʻrganib chiqadi;

48. Agentlikning hududiy boshqarmasi tomonidan berilgan kafolat xati asosida “Ishga marhamat” monomarkazi hamda jismoniy shaxs oʻrtasida ikki tomonlama shartnoma tuziladi.

“Ishga marhamat” monomarkazi jismoniy shaxs baliq yetishtirish yoʻnalishi boʻyicha oʻquv kursini tugatib sertifikat olgandan soʻng bu haqda Agentlikning hududiy boshqarmasini xabardor qiladi.

Agentlikning hududiy boshqarmasi tomonidan ikki ish kunida “Ishga marhamat” monomarkaziga oʻqitish xarajatlarini qoplash uchun bazaviy hisoblash miqdorining ikki baravaridan oshmagan miqdorda bir martalik subsidiya ajratiladi.

49. Agarda Markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda jismoniy shaxsga xabarnoma yuboradi.

50. Ushbu subsidiya turidan foydalanish huquqi bir marta beriladi.

6-§. Tadbirkorlik va oʻzini oʻzi band qilish faoliyatini boshlamoqchi boʻlgan ishsiz, shu jumladan, “Temir daftar”, “Ayollar daftari” va “Yoshlar daftari”ga kiritilgan fuqarolarga faoliyatini boshlash uchun kerak boʻlgan asbob-uskuna, mehnat qurollarini xarid qilish uchun subsidiya ajratish tartibi

51. Tadbirkorlik va oʻzini oʻzi band qilish faoliyatini boshlamoqchi boʻlgan ishsiz, shu jumladan, “Temir daftar”, “Ayollar daftari” va “Yoshlar daftari”ga kiritilgan fuqarolar (keyingi oʻrinlarda — ishsiz fuqaro) faoliyatini boshlash uchun kerak boʻladigan asbob-uskuna va/yoki mehnat qurollari xarid qilish uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platforma orqali ariza bilan murojaat qilishi mumkin.

Arizada ishsiz fuqaroning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), ishsizligi, shu jumladan, “Temir daftar”, “Ayollar daftari” va “Yoshlar daftari”ning birida turganligi, oʻz faoliyatini boshlash uchun xarid qilish kerak boʻladigan asbob-uskuna va/yoki mehnat qurollarining nomi, soʻralayotgan subsidiya miqdori, tadbirkor sifatida davlat xizmatlari markazida davlat roʻyxatidan yoki oʻzini oʻzi band qilgan shaxs sifatida soliq xizmati organlarida roʻyxatdan oʻtganligi koʻrsatiladi.

Arizada qayd etilgan maʼlumotlar haqqoniyligi uchun ishsiz fuqaro javobgar hisoblanadi.

52. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ishsiz fuqaroning haqiqatda ishsiz yoki ish qidirayotgan shaxs ekanligini;

ishsiz fuqaroning “Temir daftar”, “Ayollar daftari” yoki “Yoshlar daftari”dan birida roʻyxatda turganligini;

ishsiz fuqaroning soʻralayotgan subsidiya turidan muqaddam foydalanmaganligini;

b) oʻrganish natijalari boʻyicha ishsiz fuqaroni arizasi va unga ilova qilingan hujjatlarni hamda tavsiyani “Onlayn mahalla” elektron platforma orqali Markazga yuboradi.

Bunda tavsiyada ishsiz fuqaroni faoliyatini boshlash uchun xarid qilish kerak boʻladigan asbob-uskuna va/yoki mehnat qurollari, soʻralayotgan subsidiya turidan muqaddam foydalanmaganligi toʻgʻrisidagi maʼlumotlar koʻrsatilishi kerak.

Tavsiyada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

53. Agarda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatilgan holda ishsiz fuqaroga xabarnoma yuboradi.

54. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

55. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga hamda ishsiz fuqaroga xabarnoma yuboradi.

56. Agentlikning hududiy boshqarmasi ikki ish kunida:

Markaz xulosasini va u bilan yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) ishsiz fuqaroga faoliyatini boshlash uchun kerak boʻlgan asbob-uskuna va/yoki mehnat qurollarini xarid qilish uchun 7 million soʻmgacha, xotin-qizlarga 10 million soʻmgacha subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi

Buyruqda asbob-uskuna va/yoki mehnat qurollarining nomi va ularni xarid qilish uchun ajratiladigan subsidiya miqdori koʻrsatiladi.

57. Agentlikning hududiy boshqarmasi buyruq rasmiylashtirilgan kundan boshlab besh ish kunida Elektron davlat xaridlari portali (dxarid.uzex.uz) orqali buyruqda koʻrsatilgan asbob-uskuna va/yoki mehnat qurollarini xarid qilish boʻyicha buyurtma beradi.

Buyurtmada yetkazib beruvchiga Markazning yuridik manzili koʻrsatiladi.

58. Asbob-uskuna va/yoki mehnat qurollar ishsiz fuqaroga dalolatnoma asosida Markaz tomonidan topshiriladi.

59. Agarda markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda ishsiz fuqaroga xabarnoma yuboradi.

60. Ushbu subsidiya turidan foydalanish huquqi bir marta beriladi.

7-§. Tadbirkorlik faoliyatini boshlayotgan ishsiz shaxsga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovi uchun subsidiya ajratish tartibi

61. Tadbirkorlik faoliyatini boshlayotgan ishsiz shaxs (keyingi oʻrinlarda — ishsiz shaxs) tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovi uchun subsidiya ajratish boʻyicha tavsiya berish yuzasidan oʻzining doimiy yashash manzilidagi hokim yordamchisiga yoki “Onlayn mahalla” elektron platforma orqali ariza bilan murojaat qilishi mumkin.

Arizada ishsiz shaxsning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), soʻralayotgan subsidiya miqdori, tadbirkorlik subyekti sifatida davlat roʻyxatidan oʻtkazilganligi koʻrsatiladi, shuningdek, faoliyatini amalga oshirish uchun ijaraga olinayotgan bino va inshootning ijara shartnomasi nusxalari hamda bank rekvizitlari ilova qilinadi.

Arizada qayd etilgan va ilova qilingan hujjatlardagi maʼlumotlar haqqoniyligi ishsiz shaxs javobgar hisoblanadi.

62. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ishsiz shaxsning haqiqatda tadbirkorlik subyekti sifatida davlat roʻyxatidan oʻtganligini;

soʻralayotgan subsidiya turidan muqaddam foydalanmaganligini;

b) ishsiz shaxs faoliyatni amalga oshirish uchun ijaraga olinayotgan bino va inshootning mavjudligini joyiga chiqqan holda oʻrganadi;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

ishsiz shaxsning haqiqatda tadbirkorlik subyekti sifatida davlat roʻyxatidan oʻtganligi;

ishsiz shaxs faoliyatini amalga oshirish uchun ijaraga olinayotgan bino va inshootning mavjudligi;

ishsiz shaxsni soʻralayotgan subsidiya turidan muqaddam foydalanmaganligi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha ishsiz shaxsning arizasi va unga ilova qilingan hujjatlar;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

63. Agarda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda ishsiz shaxsga xabarnoma yuboradi.

64. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) “Onlayn mahalla” elektron platformasi orqali Agentlikning hududiy boshqarmasiga hokim yordamchisi tomonidan yuborilgan hujjatlarni ilova qilgan holda xulosa yuboradi.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

65. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarini koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga hamda ishsiz shaxsga xabarnoma yuboradi.

66. Agentlikning hududiy boshqarmasi ikki ish kunida:

Markaz xulosasini va u bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda, xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlikning hududiy boshqarmasining tegishli buyrugʻi qabul qilinadi hamda bu haqda Agentlikning hududiy boshqarmasi buyruq nusxasini ilova qilingan holda “Onlayn mahalla” elektron platformasi orqali Markazga va hokim yordamchisiga hamda ishsiz shaxsga xabarnoma yuboradi.

67. Xabarnoma yuborilgan kundan boshlab oʻn ish kunida Agentlikning hududiy boshqarmasi, tadbirkorlik faoliyatini boshlayotgan ishsiz shaxs va ijaraga beruvchi oʻrtasida qonunchilikka asosan uch tomonlama ijara shartnomasi tuziladi.

Bunda ijara shartnomasida ijara muddati tomonlarning kelishuviga koʻra belgilanadi hamda ijara toʻlovining dastlabki uch oy mobaynida Agentlikning hududiy boshqarmasi tomonidan subsidiya asosida toʻlab berilishi nazarda tutilgan qismi uch oydan koʻp boʻlishi mumkin emasligi koʻrsatilishi kerak.

68. Agentlikning hududiy boshqarmasi ijara shartnomasida koʻrsatilgan sanadan boshlab ijaraga beruvchining hisobvaragʻiga bazaviy hisoblash miqdorining oʻn baravarigacha boʻlgan miqdori uch oyga teng taqsimlangan holda har bir oy uchun alohida toʻlab boradi.

69. Agarda markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda ishsiz shaxsga xabarnoma yuboradi.

70. Ushbu subsidiya turidan foydalanish huquqi bir marta beriladi.

Oldingi tahrirga qarang.

(8-paragraf Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2023-y., 09/23/307/0519-son)

9-§. Tadbirkorlik faoliyatini boshlashni xohlayotgan ishsiz shaxslarga yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish uchun sarflanadigan xarajatlarni toʻlash uchun subsidiya ajratish tartibi

79. Aholi bandligiga koʻmaklashish markazida roʻyxatdan oʻtgan, tadbirkorlik faoliyatini boshlashni xohlayotgan ishsiz shaxslar (keyingi oʻrinlarda — ishsiz shaxs) yakka tartibdagi tadbirkor sifatida roʻyxatdan oʻtish, kichik korxona yoki mikrofirmani davlat roʻyxatidan oʻtkazish uchun sarflanadigan xarajatlarni toʻlashda bir martalik subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin.

Arizada ishsiz shaxsning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), ishsizligi, yakka tartibdagi tadbirkor, kichik korxona yoki mikrofirma boʻlib roʻyxatdan oʻtmoqchiligi, soʻralayotgan subsidiyaning turini koʻrsatadi.

Arizada qayd etilgan maʼlumotlar haqqoniyligi uchun ishsiz shaxs javobgar hisoblanadi.

80. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ishsiz shaxsning haqiqatda ishsizligini;

ishsiz shaxsning soʻralayotgan subsidiya turidan muqaddam foydalanmaganligini;

b) oʻrganish natijalari boʻyicha ishsiz shaxsning arizasi va unga ilova qilingan hujjatlarni hamda tavsiyani “Onlayn mahalla” elektron platforma orqali Markazga yuboradi.

Tavsiyada ishsiz shaxsning haqiqatda ishsizligi va soʻralayotgan subsidiya turidan muqaddam foydalanmaganligi koʻrsatilishi kerak.

Tavsiyada qayd etilgan maʼlumotlarning haqqoniyligi uchun hokim yordamchisi javobgar hisoblanadi.

81. Agarda ishsiz shaxs mazkur nizomning 80-bandi “a” va “b” kichik bandlariga mos kelmasa yoki oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda ishsiz shaxsga xabarnoma yuboradi.

82. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

83. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarni koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga hamda ishsiz shaxsga xabarnoma yuboradi.

84. Agentlikning hududiy boshqarmasi ikki ish kunida:

Markaz xulosasini va u bilan birga yuborilgan hujjatlarni oʻrganib chiqadi;

oʻrganish natijasiga koʻra (agarda, xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi hamda bu haqda buyruq nusxasini ilova qilingan holda “Onlayn mahalla” elektron platformasi orqali Markazga va hokim yordamchisiga hamda ishsiz shaxsga xabarnoma yuboradi.

Tadbirkorlik faoliyatini boshlashni xohlayotgan ishsiz shaxs davlat roʻyxatidan oʻtish uchun Agentlikning hududiy boshqarmasi buyruq nusxasini ilova qilgan holda davlat xizmatlari markaziga murojaat qiladi.

Toʻlovni amalga oshirish uchun Agentlikning hududiy boshqarmasiga “Onlayn mahalla” elektron platforma orqali Davlat xizmatlari markazi tomonidan invoys raqami yuboriladi.

Agentlikning hududiy boshqarmasi tomonidan invoys raqamiga asosan bir ish kunida davlat roʻyxatidan oʻtish uchun belgilangan toʻlov miqdori doirasida davlat xizmatlari markazining hisobvaragʻiga subsidiya oʻtkazib beriladi.

85. Agarda markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda ishsiz shaxsga xabarnoma yuboradi.

86. Ushbu subsidiya turidan foydalanish huquqi bir marta beriladi.

Oldingi tahrirga qarang.

(10-paragraf Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2023-y., 09/23/307/0519-son)

Oldingi tahrirga qarang.

(11-paragraf Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2023-y., 09/23/307/0519-son)

Oldingi tahrirga qarang.

(12-paragraf Oʻzbekiston Respublikasi Vazirlar Mahkamasining 2023-yil 22-iyuldagi 307-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 25.07.2023-y., 09/23/307/0519-son)

13-§. Kasb-hunarga oʻqitish markazlarining oʻquv xonalarida kasb-hunarga oʻqitish qiyin boʻlgan ayrim kasblarni “usta-shogird” anʼanalari asosida oʻrganmoqchi boʻlgan yoshlarga yoki hunar oʻrgatayotgan ustalarga subsidiya ajratish tartibi

114. Kasb-hunarga oʻqitish markazlarining oʻquv xonalarida kasb-hunarga oʻqitish qiyin boʻlgan va mazkur Nizomning 3-bandi “m” kichik bandida koʻrsatilgan kasblarni “usta-shogird” anʼanalari asosida hunar oʻrganmoqchi boʻlgan yoshlar (keyingi oʻrinlarda — shogird) yoki hunar oʻrgatayotgan (yoki oʻrgatmoqchi boʻlgan) ustalar (keyingi oʻrinlarda — usta) shogirdlarni tayyorlash yoki ish haqi bilan taʼminlash uchun subsidiya ajratish boʻyicha tavsiya berishni soʻrab oʻzining doimiy yashash manzilidagi hokim yordamchisiga yoki “Onlayn mahalla” elektron platformasi orqali murojaat qilishi mumkin. Bunda:

shogird — arizada familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), oʻrganmoqchi yoki oʻrganayotgan hunarining nomi, soʻralayotgan subsidiya turi hamda ustaning familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), subsidiya toʻlab berilishi lozim boʻlgan hisobvaragʻi, shuningdek, ustaning tadbirkor va oʻzini oʻzi band qilgan shaxs sifatida davlat roʻyxatidan oʻtganligi yoki “Hunarmand” uyushmasiga aʼzoligi koʻrsatiladi;

usta — arizada familiyasi, ismi va otasining ismi, doimiy yashash manzili, pasport seriyasi va raqami (ID-karta raqami), oʻrgatmoqchi yoki oʻrgatayotgan hunar nomi, soʻralayotgan subsidiya turi va subsidiya toʻlab berilishi lozim boʻlgan hisobvaragʻi, tadbirkor va oʻzini oʻzi band qilgan shaxs sifatida davlat roʻyxatidan oʻtganligi yoki “Hunarmand” uyushmasiga aʼzoligi koʻrsatiladi, shuningdek, “usta-shogird” anʼanalari asosida qabul qilgan shogirdlarni (familiyasi, ismi va otasining ismini koʻrsatgan holda) roʻyxati ilova qilinadi.

Arizada qayd etilgan va ilova qilingan hujjatlardagi maʼlumotlar haqqoniyligiga shogird yoki usta javobgar hisoblanadi.

115. Hokim yordamchisi uch ish kunida:

a) “Onlayn mahalla” elektron platformasi orqali quyidagi maʼlumotlarni oʻrganadi:

ustaning haqiqatda tadbirkor va oʻzini oʻzi band qilgan shaxs sifatida roʻyxatdan oʻtganligi yoki “Hunarmand” uyushmasiga aʼzoligini;

soʻralayotgan subsidiya turidan muqaddam foydalanmaganligini;

b) joyiga chiqqan holda quyidagilarni oʻrganadi:

ustani mazkur Nizomning 3-bandi “m” kichik bandida koʻrsatilgan faoliyat turi bilan shugʻullanishini;

shogirdni haqiqatda “usta-shogird” anʼanalari asosida shogird sifatida qabul qilganligini;

v) oʻrganish natijalari boʻyicha dalolatnoma rasmiylashtiradi va dalolatnomada quyidagilar aks ettirilishi kerak:

ustaning tadbirkor va oʻzini oʻzi band qilgan shaxs sifatida roʻyxatdan oʻtganligi yoki “Hunarmand” uyushmasiga aʼzoligi;

ustani soʻralayotgan subsidiya turidan muqaddam foydalanmaganligi;

mazkur Nizomning 3-bandi “m” kichik bandida koʻrsatilgan faoliyat turi bilan shugʻullanishi;

g) “Onlayn mahalla” elektron platformasi orqali quyidagi maʼlumotlarni Markazga yuboradi:

tavsiya (tavsiyada ushbu bandning “v” kichik bandida nazarda tutilgan maʼlumotlar aks ettiriladi);

subsidiya olish boʻyicha shogird yoki ustaning arizasi va unga ilova qilingan hujjatlar;

oʻrganish natijalari boʻyicha rasmiylashtirilgan dalolatnoma.

Tavsiya va dalolatnomada koʻrsatilgan maʼlumotlarning haqqoniyligi uchun hokim yordamchisi javobgar hisoblanadi.

116. Agarda shogird yoki usta mazkur Nizomning 115-bandi “a” kichik bandida koʻrsatilgan talablarga mos kelmasa yoki joyiga chiqqan holda oʻrganish natijasida notoʻgʻri (yolgʻon) maʼlumotlar taqdim etganligi aniqlangan holatlarda, subsidiya ajratish rad etiladi hamda bu haqda hokim yordamchisi bir ish kunida rad etish sabablarini koʻrsatgan holda shogird yoki ustaga xabarnoma yuboradi.

117. Markaz ikki ish kunida:

hokim yordamchisi tomonidan yuborilgan hujjatlarni oʻrganib chiqadi;

oʻrganish natijasiga koʻra (agarda, hujjatlarda koʻrsatilgan maʼlumotlar oʻz tasdigʻini topsa) “Onlayn mahalla” elektron platformasi orqali Agentlikning hududiy boshqarmasiga hokim yordamchisi tomonidan yuborilgan hujjatlarni ilova qilgan holda xulosa yuboradi.

Bunda hokim yordamchisining tavsiyasi va rasmiylashtirilgan dalolatnomasida qayd etilgan maʼlumotlarning haqqoniyligi xulosada koʻrsatilishi kerak.

Markazning xulosasida qayd etilgan maʼlumotlar haqqoniyligi uchun Markaz javobgar hisoblanadi.

118. Agarda hokim yordamchisi tomonidan yuborilgan hujjatlarda qayd etilgan maʼlumotlar oʻrganish davomida oʻz tasdigʻini topmasa, Markaz tomonidan subsidiya ajratish rad etiladi hamda bu haqda sabablarini koʻrsatgan holda Markaz ikki ish kunida “Onlayn mahalla” elektron platformasi orqali hokim yordamchisiga hamda shogird yoki ustaga xabarnoma yuboradi.

119. Agentlikning hududiy boshqarmasi ikki ish kunida:

Markaz xulosasini va u bilan yuborilgan hujjatlarni oʻrganib chiqadi;

oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) ustaga uch oy mobaynida har bir shogird uchun (biroq, shogirdlar soni besh nafardan oshmagan holda) har oyda bazaviy hisoblash miqdorining uch baravari miqdorida subsidiya ajratish toʻgʻrisida Agentlik hududiy boshqarmasining tegishli buyrugʻi qabul qilinadi va ustaning hisobvaragʻiga oʻtkazib beradi hamda bu haqda Markazga va hokim yordamchisiga hamda shogird yoki ustaga xabarnoma yuboradi.

120. Agarda Markaz tomonidan berilgan xulosada qayd etilgan maʼlumotlar oʻz tasdigʻini topmasa, Agentlikning hududiy boshqarmasi tomonidan ikki ish kunida subsidiya ajratish rad etiladi hamda bu haqda sabablarni koʻrsatgan holda “Onlayn mahalla” elektron platforma orqali Markazga va hokim yordamchisiga hamda shogird yoki ustaga xabarnoma yuboradi.

121. Hokim yordamchisi haftada bir marotaba shogird yoki ustaning arizasida koʻrsatilgan faoliyat yuritayotgan manzilga chiqqan holda shogirdlarni haqiqatda tayyorlanayotganligini oʻrganib boradi.

122. Hokim yordamchisi tomonidan oʻrganish jarayonida shogird yoki ustaning arizasida koʻrsatilgan manzilda faoliyat yuritmaganligi yoki shogirdlar oʻrganish jarayonlarida qatnashmaganligi aniqlansa, bu haqda ikki nusxada dalolatnoma rasmiylashtiradi va dalolatnomaning bir nusxasini ilova qilgan holda Agentlikning hududiy boshqarmasini xabardor qiladi.

123. Agentlikning hududiy boshqarmasi tomonidan hokim yordamchisining xabarnomasi va dalolatnomasi kelib tushgan kundan boshlab ikki ish kunida oʻrganiladi hamda oʻrganish jarayonida hokim yordamchisi tomonidan aniqlangan holatlar oʻz tasdigʻini topsa, subsidiya ajratishni toʻxtatish boʻyicha buyruq rasmiylashtiriladi.

4-bob. Yakunlovchi qoidalar

124. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

125. Manfaatdor shaxslar hokim yordamchilari, Agentlikning hududiy boshqarmalari va Markazlarning harakatlari yoki harakatsizligi boʻyicha hamda subsidiyalar ajratilishi asossiz rad etilgan taqdirda, qonunchilik hujjatlarida belgilangan tartibda sudga murojaat qilishlari mumkin.

Jamgʻarma mablagʻlari hisobidan subsidiyalar ajratish

SXEMASI

Bosqichlar	Subyektlar	Tadbirlar	Ijro muddati

1-bosqich	Subsidiya turidan foydalanmoqchi boʻlgan yuridik yoki jismoniy shaxslar	Tavsiya berishni soʻrab oʻzining doimiy yashash manzilidagi hokim yordamchisiga yozma yoki “Onlayn mahalla” elektron platformasi orqali murojaat qiladi.	Yuridik yoki jismoniy shaxslar xohishiga koʻra
1-bosqich			Yuridik yoki jismoniy shaxslar xohishiga koʻra

2-bosqich	Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisi (keyingi oʻrinlarda — hokimi yordamchisi)	a) Davlat organlari va tashkilotlarining maʼlumotlar bazasi bilan integratsiyalashgan “Onlayn mahalla” elektron platformasi orqali yuridik yoki jismoniy shaxslarning maʼlumotlarini oʻrganadi; b) joyiga chiqqan holda oʻrganish oʻtkazadi; v) oʻrganish natijalari boʻyicha dalolatnoma rasmiylashtiradi; g) tavsiyani, murojaatchining arizasi va oʻrganish natijalari boʻyicha rasmiylashtirilgan dalolatnomani “Onlayn mahalla” elektron platformasi orqali tuman (shahar) hokimligi tarkibidagi Mahallabay ishlash va tadbirkorlikni rivojlantirish markaziga yuboradi.	Uch ish kunida
2-bosqich			Uch ish kunida

3-bosqich	Tuman (shahar) hokimligi tarkibidagi Mahallabay ishlash va tadbirkorlikni rivojlantirish markazi	a) hokim yordamchisi tomonidan yuborilgan hujjatlarni oʻrganib chiqadi; b) oʻrganish natijasiga koʻra (agarda hujjatlarda koʻrsatilgan maʼlumotlar oʻz tasdigʻini topsa) “Onlayn mahalla” elektron platformasi orqali Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining hududiy boshqarmasiga hokim yordamchisi tomonidan yuborilgan hujjatlarni ilova qilgan holda xulosa yuboradi.	Ikki ish kunida
3-bosqich			Ikki ish kunida

4-bosqich	Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining hududiy boshqarmasi	a) Tuman (shahar) hokimligi tarkibidagi Mahallabay ishlash va tadbirkorlikni rivojlantirish markazi xulosasini va u bilan yuborilgan hujjatlarni oʻrganib chiqadi; b) oʻrganish natijasiga koʻra (agarda xulosa va hujjatlarda koʻrsatilgan maʼlumotlar oʻz tasdigʻini topsa) subsidiya ajratish toʻgʻrisida Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining hududiy boshqarmasining tegishli buyrugʻi qabul qilinadi hamda bu haqda “Onlayn mahalla” elektron platformasi orqali tuman (shahar) hokimligi tarkibidagi Mahallabay ishlash va tadbirkorlikni rivojlantirish markaziga, hokim yordamchisiga hamda yuridik yoki jismoniy shaxslarga yozma xabarnoma yuboradi.	Ikki ish kunida
4-bosqich			Ikki ish kunida

(Qonunchilik maʼlumotlari milliy bazasi, 12.05.2022-y., 09/22/252/0405-son; 25.07.2023-y., 09/23/307/0519-son; 02.05.2024-y., 09/24/255/0323-son)