toggle_night_mode
Hujjat 24.01.2022 sanasi holatiga
Amaldagi versiyaga o‘tish
Oʻzbekiston Respublikasi Oliy va oʻrta maxsus taʼlim vazirining
buyrugʻi
Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida
Keyingi tahrirga qarang.
Oʻzbekiston Respublikasi Vazirlar Mahkamasining 2008-yil 1-avgustdagi 164-son “Respublika oliy taʼlim muassasalari xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi va 2020-yil 26-avgustdagi 517-son “Respublika oliy taʼlim muassasalarining professor-oʻqituvchilari va boshqa toifadagi xodimlarini budjetdan tashqari mablagʻlar hisobidan moddiy ragʻbatlantirish tartibi toʻgʻrisidagi nizomni tasdiqlash haqida”gi qarorlariga muvofiq buyuraman:
1. Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari 1-ilovaga muvofiq tasdiqlansin.
Keyingi tahrirga qarang.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq rasmiy eʼlon qilingan kundan eʼtiboran kuchga kiradi.
Vazir A. TOSHKULOV
Toshkent sh.,
2021-yil 30-dekabr,
53-2021-son
Kelishildi:
Moliya vaziri T. ISHMETOV
2021-yil 30-dekabr
Oʻzbekiston Respublikasi oliy va oʻrta maxsus taʼlim vazirining 2021-yil 30-dekabrdagi 53-2021-son buyrugʻiga
1-ILOVA
Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining
NORMATIVLARI
Keyingi tahrirga qarang.

T/r

Taʼlim sohalari va yoʻnalishlari nomi

2021/2022 oʻquv yilidan boshlab

1.

Muhandislik ishi taʼlim sohasi

Ishlab chiqarish texnologiyalari taʼlim sohasi

Matematika taʼlim sohasi

Kompyuter texnologiyalari va informatika taʼlim sohasi

Arxitektura va qurilish taʼlim sohasi (Arxitektura (turlari boʻyicha) taʼlim yoʻnalishi bundan mustasno)

Aloqa va axborotlashtirish, telekommunikatsiya texnologiyalari taʼlim sohasi

Qishloq xoʻjalik texnikasi taʼlim sohasi

Transport taʼlim sohasi

Hayotiy faoliyat xavfsizligi taʼlim sohasi

Xizmatlar sohasi (faoliyat turlari va yoʻnalishlari boʻyicha) taʼlim yoʻnalishi

15,8

2.

Gumanitar fanlar taʼlim sohasi (filologiya va tillarni oʻqitish (tillar boʻyicha) taʼlim yoʻnalishi (xorijiy tillarga oid qismi), shuningdek tarjima nazariyasi va amaliyoti (tillar boʻyicha) taʼlim yoʻnalishi bundan mustasno)

Tabiiy fanlar taʼlim sohasi

Sotsiologiya va psixologiya taʼlim sohasi

Jurnalistika va axborot taʼlim sohasi

Huquq taʼlim sohasi

Ijtimoiy taʼminot taʼlim sohasi

Atrof-muhit muhofazasi taʼlim sohasi

Ijtimoiy-madaniy faoliyat taʼlim yoʻnalish

Xizmat koʻrsatish texnikasi va texnologiyasi (xizmat koʻrsatish tarmoqlari boʻyicha) taʼlim yoʻnalishi

16,0

3.

Filologiya va tillarni oʻqitish (tillar boʻyicha) taʼlim yoʻnalishi (xorijiy tillarga oid qismi)

Tarjima nazariyasi va amaliyoti (tillar boʻyicha) taʼlim yoʻnalishi

12,0

4.

Sanʼat taʼlim sohasi

5,4

5.

Sport faoliyati (faoliyat turlari boʻyicha) taʼlim yoʻnalishi

11,0

6.

Pedagogika taʼlim sohasi

16,0

7.

Iqtisod taʼlim sohasi

Mehmonxona xoʻjaligini tashkil etish va boshqarish taʼlim yoʻnalishi

Turizm (faoliyat yoʻnalishlari boʻyicha) taʼlim yoʻnalishi

16,0

8.

Qishloq, oʻrmon va baliq xoʻjaligi taʼlim sohasi

Qishloq xoʻjaligida menejment taʼlim sohasi

Veterinariya taʼlim sohasi

Irrigatsiya va melioratsiya taʼlim sohasi

15,8

9.

Arxitektura (turlar boʻyicha) taʼlim yoʻnalishi

10,4

10.

Sogʻliqni saqlash taʼlim sohasi

9,6

Izoh:
1. Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari oliy taʼlim muassasalarida taʼlimning ishlab chiqarishdan ajralgan (kunduzgi) shakli hamda ishlab chiqarishdan ajralmagan (kechki) shakli boʻyicha taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar sonining nisbatini belgilaydi.
Zarur hollarda, oliy taʼlim muassasasi kengashlariga taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatini 50 foizgacha oʻzgartirish vakolati beriladi.
Keyingi tahrirga qarang.
2. Oliy taʼlim muassasalarida taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari professor-oʻqituvchilar tarkibi alohida qonun hujjatlari bilan belgilab qoʻyilgan oliy taʼlim muassasalari va oliy harbiy taʼlim muassasalariga nisbatan tatbiq etilmaydi.
Keyingi tahrirga qarang.
3. Taʼlim sohalari (taʼlim yoʻnalishlari) boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari ayrim oliy taʼlim muassasalarida quyidagicha belgilanadi:
Keyingi tahrirga qarang.
Oʻzbekiston Respublikasi Bank-moliya akademiyasi uchun 2021/2022 oʻquv yilidan boshlab — 14,4 nisbatda;
Jahon iqtisodiyoti va diplomatiya universiteti uchun 2021/2022 oʻquv yilidan boshlab — 11,2 nisbatda;
Oʻzbekiston xalqaro islom akademiyasi uchun 2021/2022 oʻquv yilidan boshlab — 8,8 nisbatda.
Keyingi tahrirga qarang.
Mazkur Normativlar Oʻzbekiston Respublikasi Moliya vazirligi bilan kelishilgan.
Oʻzbekiston Respublikasi oliy va oʻrta maxsus taʼlim vazirining 2021-yil 30-dekabrdagi 53-2021-son buyrugʻiga
2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
ROʻYXATI
1. Oʻzbekiston Respublikasi oliy va oʻrta maxsus taʼlim vazirining 2017-yil 16-oktabrdagi 18-2017-son “Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlarini tasdiqlash toʻgʻrisida”gi buyrugʻi (roʻyxat raqami 2945, 2017-yil 7-noyabr) (Oʻzbekiston Respublikasi qonun hujjatlari toʻplami, 2017-y., 45-son, 1123-modda).
2. Oʻzbekiston Respublikasi oliy va oʻrta maxsus taʼlim vazirining 2018-yil 14-sentabrdagi 22-2018-son “Oliy taʼlim muassasalarida taʼlim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlariga oʻzgartirishlar kiritish haqida”gi buyrugʻi (roʻyxat raqami 2945-1, 2018-yil 10-oktabr) (Oʻzbekiston Respublikasi qonun hujjatlari toʻplami, 2018-y., 41-son, 817-modda).