3330-сон 02.11.2021. Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxatini tasdiqlash toʻgʻrisida

O‘zbekiston Respublikasi Sog‘liqni saqlash vazirining

buyrug‘i

Majburiy tibbiy qo‘riqdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxatini tasdiqlash to‘g‘risida

[O‘zbekiston Respublikasi Adliya vazirligi tomonidan 2021-yil 2-noyabrda ro‘yxatdan o‘tkazildi, ro‘yxat raqami 3330]

O‘zbekiston Respublikasining “Aholini sil kasalligidan muhofaza qilish to‘g‘risida”gi Qonuniga muvofiq buyuraman:

1. Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxati ilovaga muvofiq tasdiqlansin.

2. O‘zbekiston Respublikasi sog‘liqni saqlash vazirining 2014-yil 4-fevraldagi 38-son “Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxatini tasdiqlash to‘g‘risida”gi buyrug‘i (ro‘yxat raqami 2566, 2014-yil 5-mart) (O‘zbekiston Respublikasi qonun hujjatlari to‘plami, 2014-y., 10-son, 114-modda) o‘z kuchini yo‘qotgan deb topilsin.

3. Mazkur buyruq rasmiy e’lon qilingan kundan e’tiboran kuchga kiradi.

Vazir A. XADJIBAYEV

Toshkent sh.,

2021-yil 19-oktabr,

31-son

Kelishildi:

Bandlik va mehnat munosabatlari vaziri N. XUSANOV

2021-yil 27-sentabr

O‘zbekiston kasaba uyushmalari Federatsiyasi raisi K. RAFIKOV

2021-yil 4-oktabr

O‘zbekiston Respublikasi sog‘liqni saqlash vazirining 2021-yil 19-oktabrdagi 31-son buyrug‘iga
ILOVA

Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxati

T/r	Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar	Ruxsat etilmaydigan ishlarni bajarishni nazarda tutuvchi kasblar	Mashg‘ulotlarning Xalqaro Standart Klassifikatsiyasi (MXSK-08) bo‘yicha kodi
1.	Davolash-profilaktika muassasalarida (tug‘ruqxonalar, tug‘ruq, chaqaloqlar patologiyasi va chala tug‘ilgan chaqaloqlar bo‘limlarida) chaqaloqlar bilan bevosita muloqotda bo‘lgan holda bajariladigan ishlar	akusherka	3222
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash bo‘yicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
2.	Bolalarga xizmat ko‘rsatishi mumkin bo‘lgan barcha davolash-profilaktika muassasalari, shu jumladan bolalarga mo‘ljallangan sog‘lomlashtirish, jismoniy rivojlantirish, sihatgoh va reabilitatsiya maskanlarida, profilaktoriyalarda bolalar bilan bevosita muloqotda bo‘lgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash bo‘yicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
3.	Maktabgacha ta’lim tashkilotlari va bolalar uylarida bolalar bilan bevosita muloqotda bo‘lgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash bo‘yicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
4.	Maktabgacha yoshdagi bolalarga xizmat ko‘rsatishi mumkin bo‘lgan ta’lim va sport muassasalarida, shuningdek ushbu maqsadlarda tashkil etilgan to‘garaklarda bolalar bilan bevosita muloqotda bo‘lgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash bo‘yicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
		to‘garak rahbari	2359
		o‘qituvchilar	2351
		logoped	2352
		o‘qituvchi-logoped	2352

Izoh: mazkur Ro‘yxatda nazarda tutilgan ishlarda ishlovchi shaxslar, belgilangan muddatlarda majburiy tibbiy ko‘rikdan o‘tishlari shart bo‘lib, ular tibbiy ko‘rik natijalariga ko‘ra sil kasalligiga chalinmagan deb topilgan taqdirdagina, bunday ishlarga qo‘yiladi.

Mazkur Ro‘yxat O‘zbekiston Respublikasi Bandlik va mehnat munosabatlari vazirligi hamda O‘zbekiston Kasaba uyushmalari Federatsiyasi Kengashi bilan kelishilgan.

(Qonunchilik ma’lumotlari milliy bazasi, 02.11.2021-y., 10/21/3330/1011-son)