2566-сон 05.03.2014. Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxatini tasdiqlash toʻgʻrisida

Hujjat kuchini yo‘qotgan 02.11.2021

O‘ZBEKISTON RESPUBLIKASI SOG‘LIQNI SAQLASh VAZIRINING

buyrug‘i

Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxatini tasdiqlash to‘g‘risida

[O‘zbekiston Respublikasi Adliya vazirligi tomonidan 2014-yil 5-martda ro‘yxatdan o‘tkazildi, ro‘yxat raqami 2566]

LexUZ sharhi

Mazkur buyruq O‘zbekiston Respublikasi sog‘liqni saqlash vazirining 2021-yil 19-oktabrdagi 31-sonli “Majburiy tibbiy qo‘riqdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxatini tasdiqlash to‘g‘risida”gi buyrug‘iga (ro‘yxat raqami 3330, 02.11.2021-y.) asosan o‘z kuchini yo‘qotgan.

O‘zbekiston Respublikasining “Aholini sil kasalligidan muhofaza qilish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 2001-y., 5-son, 84-modda) va O‘zbekiston Respublikasi Prezidentining 2013-yil 15-iyuldagi PQ-2003-sonli “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash to‘g‘risida”gi qaroriga (O‘zbekiston Respublikasi qonun hujjatlari to‘plami, 2013-y., 29-son, 373-modda) muvofiq buyuraman:

1. Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar ro‘yxati ilovaga muvofiq tasdiqlansin.

2. Mazkur buyruq rasmiy e’lon qilingan kundan e’tiboran kuchga kiradi.

Vazir A. ALIMOV

Toshkent sh.,

2014-yil 4-fevral,

38-son

O‘zbekiston Respublikasi sog‘liqni saqlash vazirining 2014-yil 4-fevraldagi 38-sonli buyrug‘iga
ILOVA

Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar

RO‘YXATI

T/r‎	Majburiy tibbiy ko‘rikdan o‘tmagan yoxud atrofdagilarga sil kasalligini yuqtirish xavfi mavjud bo‘lgan shaxslarning bajarishi ruxsat etilmaydigan ishlar	Ruxsat etilmaydigan ishlarni bajarishni nazarda tutuvchi kasblar ‎	Kasblarning milliy standart klassifikatorida belgilangan ‎ kasb kodi‎
1. ‏ ‎‏ ‎‏ ‎	Davolash-profilaktika muassasalarida (tug‘ruqxonalar, tug‘ruq, chaqaloqlar patologiyasi va chala tug‘ilgan chaqaloqlar bo‘limlarida) chaqaloqlar bilan bevosita muloqotda bo‘lgan holda bajariladigan ishlar‎	akusherka‎	3232‎
		barch� nomdagi tibbiyot hamshiralari‎	3231‎
		barcha mutaxassislikdagi vrachlar‎	2220‎
		bemorlarga qarovchi kichik tibbiyot hamshirasi‎	9131‎
		sanitarkalar, sanitarka-boquvchilar‎	9132‎
		bolalar taomi va parhez taomlar bo‘yicha oshpazlar ‎	5122‎
		bufetchi‎	5123‎
2.‎‏	Bolalarga xizmat ko‘rsatishi mumkin bo‘lgan barcha davolash-profilaktika muassasalari, shu jumladan bolalarga mo‘ljallangan sog‘lomlashtirish, jismoniy rivojlantirish, sihatgoh va reabilitatsiya maskanlarida, profilaktoriyalarda bolalar bilan bevosita muloqotda bo‘lgan holda bajariladigan ishlar‎‏	tarbiyachilar‎	3320‎
		barcha nomdagi tibbiyot hamshiralari‎	3231‎
		barcha mutaxassislikdagi vrachlar‎	2220‎
		bemorlarga qarovchi kichik tibbiyot hamshirasi‎	9131‎
		sanitarkalar, sanitarka-boquvchilar‎	9132‎
		bolalar taomi va parhez taomlar bo‘yicha oshpazlar‎	5122‎
		bufetchi‎	5123‎
3.‎‏	Maktabgacha ta’lim muassasalarida (bog‘cha-yasli va bog‘chalar, bolalar uylari) bolalar bilan bevosita muloqotda bo‘lgan holda bajariladigan ishlar‎‏	tarbiyachilar‎	3320‎
		barcha nomdagi tibbiyot hamshiralari‎	3231‎
		barcha mutaxassislikdagi vrachlar‎	2220‎
		bemorlarga qarovchi kichik tibbiyot hamshirasi‎	9131‎
		sanitarkalar, sanitarka-boquvchilar‎	9132‎
		bolalar taomi va parhez taomlar bo‘yicha oshpazlar‎	5122‎
		bufetchi‎	5123‎
4.‎‏‏	Maktabgacha yoshdagi bolalarga xizmat ko‘rsatishi mumkin bo‘lgan ta’lim va sport muassasalarida, shuningdek ushbu maqsadlarda tashkil etilgan to‘garaklarda bolalar bilan bevosita muloqotda bo‘lgan holda bajariladigan ishlar ‎	tarbiyachilar‎	3320‎
		barcha nomdagi tibbiyot hamshiralari‎	3231‎
		barcha mutaxassislikdagi vrachlar‎	2220‎
		bemorlarga qarovchi kichik tibbiyot hamshirasi‎	9131‎
		sanitarkalar, sanitarka-boquvchilar‎	9132‎
		bolalar taomi va parhez taomlar bo‘yicha oshpazlar‎	5122‎
		bufetchi‎	5123‎
		to‘garak rahbarlari‎	2349‎
		o‘qituvchilar‎	3310‎
		logoped‎	3330‎
		o‘qituvchi-logoped‎	2330‎

Izoh: mazkur Ro‘yxatda nazarda tutilgan ishlarda ishlovchi shaxslar, belgilangan muddatlarda majburiy tibbiy ko‘rikdan o‘tishlari shart bo‘lib, ular tibbiy ko‘rik natijalariga ko‘ra sil kasalligiga chalinmagan deb topilgan taqdirdagina, bunday ishlarga qo‘yiladi. Atrofdagilarga sil kasalligini yuqtirish xavfi mavjud bo‘lgan shaxslarning, keyinchalik tuzalishidan qat’i nazar, mazkur Ro‘yxatda nazarda tutilgan ishlarni bajarishiga ruxsat etilmaydi.

Mazkur Ro‘yxat O‘zbekiston Respublikasi Mehnat va aholini ijtimoiy muhofaza qilish vazirligi hamda O‘zbekiston Kasaba uyushmalari Federatsiyasi Kengashi bilan kelishilgan.

Mehnat va aholini ijtimoiy muhofaza qilish vaziri A. XAITOV

2014-yil 4-fevral

O‘zbekiston Kasaba uyushmalari Federatsiyasi Kengashi raisi T. NARBAYEVA

2014-yil 4-fevral

(O‘zbekiston Respublikasi qonun hujjatlari to‘plami, 2014-y., 10-son, 114-modda)