Hujjat kuchini yo‘qotgan 03.07.2026

Oʻzbekiston Respublikasi moliya vazirining

buyrugʻi

Moliyaviy hisobotning xalqaro standartlari boʻyicha oʻqitish va buxgalterlarni xalqaro sertifikatlash doirasida imtihonlarni topshirish xarajatlari qoplab beriladigan buxgalteriya hisobi sohasidagi xalqaro tashkilotlar va xalqaro buxgalter sertifikatlari roʻyxatini tasdiqlash haqida

[Oʻzbekiston Respublikasi Adliya vazirligi tomonidan 2021-yil 13-oktabrda roʻyxatdan oʻtkazildi, roʻyxat raqami 3325]

LexUZ sharhi

Mazkur buyruq Oʻzbekiston Respublikasi iqtisodiyot va moliya vazirining 2026-yil 26-iyundagi 382-sonli “Moliyaviy hisobotning xalqaro standartlari boʻyicha oʻqitish va buxgalterlarni xalqaro sertifikatlash doirasida imtihonlarni topshirish xarajatlari qoplab beriladigan buxgalteriya hisobi sohasidagi xalqaro tashkilotlar va xalqaro buxgalter sertifikatlari roʻyxatini tasdiqlash haqida”gi buyruqni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 3325-1, 03.07.2026-y.) asosan oʻz kuchini yoʻqotgan.

Oʻzbekiston Respublikasi Vazirlar Mahkamasining 2021-yil 26-yanvardagi 38-son “Moliyaviy hisobotning xalqaro standartlari boʻyicha oʻqitish va buxgalterlarni xalqaro sertifikatlash doirasida imtihonlarni topshirish xarajatlarini qoplash tartibi toʻgʻrisidagi vaqtinchalik nizomni tasdiqlash haqida”gi qaroriga muvofiq buyuraman:

1. Moliyaviy hisobotning xalqaro standartlari boʻyicha oʻqitish va buxgalterlarni xalqaro sertifikatlash doirasida imtihonlarni topshirish xarajatlari qoplab beriladigan buxgalteriya hisobi sohasidagi xalqaro tashkilotlar va xalqaro buxgalter sertifikatlari roʻyxati ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir T. ISHMETOV

Toshkent sh.,

2021-yil 21-sentabr,

54-son

Oʻzbekiston Respublikasi moliya vazirining 2021-yil 21-sentabrdagi 54-son buyrugʻiga
ILOVA

ROʻYXATI

T/r	Buxgalteriya hisobi sohasidagi xalqaro tashkilotlar nomi	Buxgalteriya hisobi sohasidagi xalqaro buxgalterlar sertifakatlari nomi	Xalqaro sertifikatlar doirasidagi buxgalteriyahisobiga tegishli fan yokikurslari nomi
1.	Association of Chartered Certified Accountants (ACCA)	Association of Chartered Certified Accountants (ACCA)	Moliyaviy hisobot “Financial Reporting (FR)”; Xalqaro moliyaviy hisobot diplomi “Diploma of International Financial Reporting (DipIFR)”; Audit va ishonch bildirish xizmatlari “Audit and Assurance (AA)”.
2.	Certified Institute of Management Accountants (CIMA)	Certified Institute of Management Accountants (CIMA)	Moliyaviy hisobot va soliq solish “Financial Reporting and Taxation (F1)”.
3.	Institute of Chartered Accountants in England and Wales (ICAEW)	Associated Chartered Accountant (ACA)	Audit va ishonch bildirish xizmatlari “Audit and Assurance”; Moliyaviy hisob va moliyaviy hisobot “Financial Accounting and Reporting”.

(Qonunchilik maʼlumotlari milliy bazasi, 13.10.2021-y., 10/21/3325/0958-son)