|
Hujjat kuchini yo‘qotgan 21.07.2026
|
Hujjat 29.09.2022 01 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
Arxiv ishi va ish yuritish sohasida davlat xizmatlari koʻrsatishning ayrim maʼmuriy reglamentlarini tasdiqlash toʻgʻrisida
LexUZ sharhiMazkur qaror Oʻzbekiston Respublikasi Vazirlar Mahkamasining 2026-yil 20-iyuldagi 393-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-son Farmoni ijrosini taʼminlash hamda arxiv ishi va ish yuritish sohasida davlat xizmatlarini koʻrsatish tizimini yanada takomillashtirish maqsadida Vazirlar Mahkamasi qaror qiladi:
1. Quyidagilar:
yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmati koʻrsatish, ariza berish va uni koʻrib chiqish, maʼlumotnomani ariza beruvchiga taqdim etish tartibini nazarda tutuvchi Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmati koʻrsatishning maʼmuriy reglamenti 1-ilovaga muvofiq.
mavzuli soʻrovlarni ijro etish boʻyicha davlat xizmati koʻrsatish, ariza berish va uni koʻrib chiqish, maʼlumotnomani ariza beruvchiga taqdim etish tartibini nazarda tutuvchi Mavzuli soʻrovlarni ijro etish boʻyicha davlat xizmati koʻrsatishning maʼmuriy reglamenti 2-ilovaga muvofiq tasdiqlansin.
Keyingi tahrirga qarang.
2. Oʻzbekiston Respublikasi “Oʻzarxiv” agentligi oʻn kun muddatda Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) elektron xizmatlarni joriy qilish boʻyicha texnik hujjatlarni Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga taqdim etsin.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzarxiv” agentligi hamda Adliya vazirligi huzuridagi Davlat xizmatlari agentligi bilan birgalikda bir oy muddatda:
ushbu qaror bilan tasdiqlanayotgan maʼmuriy reglamentlar boʻyicha davlat xizmatlarining YIDXP orqali joriy etilishini taʼminlasin;
YIDXPda davlat xizmatlari koʻrsatishning har bir bosqichida murojaatlar koʻrib chiqilishini kuzatib borish tartibini joriy etsin;
davlat xizmatlarini koʻrsatish uchun yigʻimlarning Davlat xizmatlari koʻrsatilganligi uchun toʻlangan davlat bojlari va yigʻimlar summasi hisobini yurituvchi yagona billing tizimi orqali elektron tarzda toʻlanishini taʼminlasin.
4. Belgilansinki, Oʻzbekiston Respublikasi “Oʻzarxiv” agentligi tizimidagi davlat arxivlari tomonidan davlat xizmatlarini koʻrsatish uchun elektron maʼlumot almashishni taʼminlovchi axborot tizimini ishlab chiqish va ishga tushirish, davlat arxivlarining axborot tizimini joriy etishda talab etiladigan moddiy-texnik bazani mustahkamlash uchun xarajatlar “Oʻzarxiv” agentligi huzuridagi Arxiv ishini rivojlantirish jamgʻarmasi hisobidan amalga oshiriladi.
Keyingi tahrirga qarang.
Oldingi tahrirga qarang.
5. Oʻzbekiston Respublikasi Adliya vazirligi “Oʻzarxiv” agentligi tizimidagi davlat arxivlari tomonidan davlat xizmatlarining belgilangan tartibda koʻrsatilishi ustidan, shu jumladan, YIDXP orqali doimiy nazorat oʻrnatsin.
(5-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
7. Oʻzbekiston Respublikasi “Oʻzarxiv” agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi O.M. Umarov hamda Oʻzbekiston Respublikasi “Oʻzarxiv” agentligi direktori U.M. Yusupov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 23-sentabr,
597-son
Vazirlar Mahkamasining 2021-yil 23-sentabrdagi 597-son qaroriga
1-ILOVA
1-ILOVA
Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmati koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament jismoniy shaxslarga yoki ularning yaqin qarindoshlariga (eri yoki xotini, farzandlari, nevaralari, aka-uka va opa-singillari) (keyingi oʻrinlarda — ariza beruvchi) yaroqsiz holatga kelgan yoki yoʻqotilgan mehnat daftarchasidagi davlat arxivlarida saqlanayotgan tashkilotlar boʻyicha yozuvlarni tasdiqlash yuzasidan davlat xizmati (keyingi oʻrinlarda — davlat xizmati) koʻrsatish tartibini belgilaydi.
2. Davlat xizmati davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali davlat arxivlari tomonidan koʻrsatiladi.
3. Davlat xizmatlari markazlari va davlat arxivlari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron bogʻlanish yordamida amalga oshiriladi.
4. Davlat xizmati ushbu Reglamentga 1-ilovaga muvofiq sxema boʻyicha koʻrsatiladi.
2-bob. Davlat xizmatini koʻrsatish tartibi
5. Ariza beruvchi davlat xizmatidan foydalanish uchun davlat xizmatlari markaziga oʻzi kelib murojaat etadi yoki davlat xizmatlaridan elektron shaklda foydalanish uchun YIDXPdan roʻyxatdan oʻtadi.
6. Ariza beruvchi oʻzi kelib murojaat etgan taqdirda, davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa — mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi. Ariza beruvchi ishonchnoma asosida harakat qilayotganda, soʻrovnomaga notarial tasdiqlangan ishonchnoma nusxasi ilova qilinadi.
Oldingi tahrirga qarang.
7. Davlat xizmatlari markazlari tomonidan soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.
(7-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
Oldingi tahrirga qarang.
(8-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 29.09.2022-y., 09/22/541/0859-son)
9. Ariza beruvchilar YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
10. Davlat xizmati koʻrsatilganligi uchun yaroqsiz holatga kelgan yoki yoʻqotilgan mehnat daftarchasidagi 1 ta tashkilotdagi ishga kirgan va ishdan boʻshaganligi boʻyicha yozuvlarni tasdiqlash uchun bazaviy hisoblash miqdorining 0,08 barobari miqdorida yigʻim undiriladi.
Bunda davlat xizmatidan foydalanish uchun YIDXP orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.
11. Yigʻim summasi quyidagi tartibda taqsimlanadi:
a) davlat xizmatlari markazlari orqali murojaat etilganda:
Oldingi tahrirga qarang.
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;
(11-band “a” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
0,5 foizi — Oʻzbekiston Respublikasi Davlat budjetiga;
qolgan mablagʻlar — Oʻzbekiston Respublikasi “Oʻzarxiv” agentligi tizimidagi davlat xizmatini koʻrsatgan davlat arxivining hisobvaragʻiga oʻtkaziladi.
Keyingi tahrirga qarang.
b) YIDXP orqali murojaat etilganda:
Oldingi tahrirga qarang.
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;
(11-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
0,5 foizi — Oʻzbekiston Respublikasi Davlat budjetiga;
qolgan mablagʻlar — davlat xizmatini koʻrsatgan davlat arxivining hisobvaragʻiga oʻtkaziladi.
12. Ariza beruvchi tomonidan davlat xizmatini koʻrsatish uchun yigʻimni toʻlamaslik davlat xizmatini koʻrsatishni rad etish uchun asos hisoblanadi.
Davlat xizmatini koʻrsatishni boshqa asoslar boʻyicha rad etish taqiqlanadi.
13. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrib chiqilmasdan qoldiriladi. Bunda davlat xizmati koʻrsatilgani uchun toʻlov summasi qaytarilmaydi.
14. Ariza beruvchi davlat xizmatlari markaziga kelib murojaat etgan taqdirda, uning soʻrovnomasi davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng 10 daqiqa mobaynida, YIDXP orqali murojaat etganda, avtomatik tarzda tegishli davlat arxiviga elektron shaklda yuboriladi.
15. Soʻrovnomada soʻralayotgan tashkilotlar hujjatlari tegishli davlat arxivida mavjud boʻlmaganda, soʻrovnomani qabul qilgan davlat arxivi bir ish kuni mobaynida tegishli maʼlumot saqlanayotgan davlat arxivini aniqlaydi (tashkilotlar hujjatlari boshqa arxivda mavjud boʻlmagan holatlar bundan mustasno) va soʻrovnomani tegishliligi boʻyicha davlat arxivlariga yuboradi.
Tegishli davlat arxivi soʻrovnoma tushgan vaqtdan boshlab yoʻqotilgan mehnat daftarchasidagi yozuvlarni tasdiqlashga oid maʼlumotnomalar uchun 20 ish kunidan oshmagan muddatda tegishli QR-kodli (matrik shtrixli kod) maʼlumotnomani shakllantiradi hamda (oʻzi kelib murojaat etgan taqdirda) tegishli davlat xizmatlari markaziga yoki (elektron shaklda murojaat etgan taqdirda) YIDXP orqali elektron shaklda ariza beruvchiga yuboradi. Bunda toʻlangan yigʻim, agar mavjud boʻlsa, bank xizmati toʻlovini ayirgan holda, soʻrovnomani qabul qilgan arxivdan soʻrovnomani bajargan arxivga oʻtkaziladi.
Soʻrovnoma arxiv hujjatlari asosida koʻrib chiqilib, tegishli maʼlumot aniqlanmagan taqdirda, toʻlangan yigʻim miqdori ariza beruvchiga qaytarilmaydi.
16. Davlat xizmatlari markazi maʼlumotnoma tushgandan soʻng 10 daqiqa mobaynida uni ariza beruvchining elektron manziliga yuboradi va uni bu haqda axborot-kommunikatsiya tizimi orqali xabardor qiladi.
Ariza beruvchi davlat xizmatlari markaziga kelib murojaat qilgan taqdirda, uning soʻroviga koʻra davlat xizmatlari markazi unga maʼlumotnomani elektron yoki qogʻoz shaklda taqdim etishi mumkin.
3-bob. Yakunlovchi qoidalar
17. Davlat xizmatlari markazlari va davlat arxivlari oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
Oldingi tahrirga qarang.
18. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyatini doimiy nazorat qiladi hamda monitoring olib boradi.
(18-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
19. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
LexUZ sharhiQarang: Oʻzbekiston Respublikasi Konstitutsiyasining 55-moddasi, “Sudlar toʻgʻrisida”gi Qonunning 14-moddasi, “Jismoniy va yuridik shaxslarning murojaatlari toʻgʻrisida”gi Qonun.
20. Ushbu Reglament talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.
LexUZ sharhiQarang: Oʻzbekiston Respublikasining Maʼmuriy javobgarlik toʻgʻrisidagi kodeksining 2154-moddasi.
Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmati koʻrsatishning maʼmuriy reglamentiga
1-ILOVA
1-ILOVA
Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmatini koʻrsatish
SXEMASI
|
Bosqichlar |
Subyektlar |
Tadbirlar |
Bajarish muddatlari | |||
|
1-bosqich |
Ariza beruvchi |
Davlat xizmatidan foydalanish uchun davlat xizmatlari markaziga oʻzi kelgan holda murojaat qiladi yoki Yagona interaktiv davlat xizmatlari portalida roʻyxatdan oʻtadi. |
Xohishiga koʻra | |||
|
2-bosqich |
1. Davlat xizmatlari markazi |
Soʻrovnomani toʻldirib, tegishli davlat arxiviga yuboradi. |
1. Soʻrovnoma toʻldirilgandan keyin | |||
|
2. Yagona interaktiv davlat xizmatlari portali |
2. Avtomatik tarzda | |||||
|
3-bosqich |
Davlat arxivlari |
QR-kod (matrik shtrixli kod) qoʻyilgan maʼlumotnomani rasmiylashtiradi hamda (oʻzi kelib murojaat etgan taqdirda) ERI bilan tasdiqlangan holda tegishli davlat xizmatlari markaziga yoki (elektron tarzda murojaat etgan taqdirda) YIDXP orqali elektron shaklda yuboradi. |
20 ish kunida | |||
|
4-bosqich |
Davlat xizmatlari markazi |
1. Maʼlumotnomani ariza beruvchining elektron manziliga yuboradi va uni bu haqda axborot-kommunikatsiya tizimi orqali xabardor qiladi. |
1. Maʼlumotnoma tushgandan soʻng | |||
|
2. Ariza beruvchi oʻzi kelib murojaat qilgan taqdirda, uning soʻroviga koʻra maʼlumotnomani elektron yoki qogʻoz shaklda taqdim etadi. |
2. Ariza beruvchining murojaatiga koʻra |
Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha davlat xizmati koʻrsatishning maʼmuriy reglamentiga
2-ILOVA
2-ILOVA
|
____________________ (sana) |
____________________ (raqam) | |||||||
|
Yaroqsiz holatga kelgan yoki yoʻqotilgan mehnat daftarchasidagi yozuvlarni tasdiqlash boʻyicha arxiv maʼlumotnomasini olish uchun SOʻROVNOMA | ||||||||
|
I. Ariza beruvchi toʻgʻrisidagi maʼlumotlar: | ||||||||
|
1. Familiyasi (oʻzgartirilgan boʻlsa, yozilishi kerak): |
||||||||
|
2. Ismi (oʻzgartirilgan boʻlsa, yozilishi kerak): |
||||||||
|
3. Otasining ismi (oʻzgartirilgan boʻlsa, yozilishi kerak): |
||||||||
|
4. Tugʻilgan yili va sanasi: |
||||||||
|
5. Doimiy yashash joyi boʻyicha roʻyxatga olingan manzil: |
||||||||
|
6. Farzandlarining tugʻilgan yili va sanasi (bir necha nafar boʻlsa ketma-ketlikda toʻldirilsin): |
||||||||
|
7. Jismoniy shaxsning shaxsiy identifikatsiya raqami: |
||||||||
|
8. Elektron pochta manzili (mavjud boʻlsa): |
||||||||
|
9. Telefon raqami: |
||||||||
|
II. Ilova qilinadigan hujjatlar: | ||||||||
|
10. Notarial tasdiqlangan ishonchnoma (agar uchinchi shaxslar manfaati uchun harakat qilinayotgan boʻlsa): |
||||||||
|
11. Ariza beruvchining mehnat faoliyati toʻgʻrisidagi maʼlumotlar: | ||||||||
|
Ish joyi, boʻlinma nomi yoki raqami va lavozimi (boʻlinma nomi yoki raqami agar mavjud boʻlsa ) |
Ishga qabul qilinganligi boʻyicha maʼlumot |
Mehnat shartnomasi bekor qilinganligi boʻyicha maʼlumot (yil, oy) |
Ishlagan tashkilotning yuqori turuvchi organi nomi (agar mavjud boʻlsa) |
Tashkilotning nomi oʻzgarganligi toʻgʻrisida maʼlumot (agar mavjud boʻlsa) |
Tashkilot joylashgan hudud (agar mavjud boʻlsa) | |||
|
Taxminiy yil, oy |
Buyruq raqami va sanasi (agar mavjud boʻlsa) |
Taxminiy yil, oy |
Buyruq raqami va sanasi (agar mavjud boʻlsa) | |||||
|
|
|
|
|
|
|
|
| |
|
Ushbu soʻrovnomada keltirilgan maʼlumotlarning haqiqiyligini tasdiqlayman. | ||||||||
|
______________________ (Ariza beruvchining imzosi) | ||||||||
Vazirlar Mahkamasining 2021-yil 23-sentabrdagi 597-son qaroriga
2-ILOVA
2-ILOVA
Mavzuli soʻrovlarni ijro etish boʻyicha davlat xizmati koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament jismoniy shaxslarga (keyingi oʻrinlarda — ariza beruvchi) mulkiy huquqlar, turar joylar, alohida faktlar, voqealar toʻgʻrisidagi maʼlumotnomani berish boʻyicha davlat xizmati (keyingi oʻrinlarda — davlat xizmati) koʻrsatish tartibini belgilaydi.
2. Davlat xizmati davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali davlat arxivlari tomonidan koʻrsatiladi.
3. Davlat xizmatlari markazlari va davlat arxivlari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron bogʻlanish yordamida amalga oshiriladi.
4. Davlat xizmati ushbu Reglamentga 1-ilovaga muvofiq sxema boʻyicha koʻrsatiladi.
2-bob. Davlat xizmatini koʻrsatish tartibi
5. Ariza beruvchi davlat xizmatidan foydalanishi uchun davlat xizmatlari markaziga oʻzi yoki uning ishonchli vakili kelib murojaat etadi yoki davlat xizmatlaridan elektron shaklda foydalanish uchun YIDXPdan roʻyxatdan oʻtadi.
6. Ariza beruvchi oʻzi yoki ishonchli vakili kelib murojaat etgan taqdirda, davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa – mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.
7. Soʻrovnomaga:
ariza beruvchi ishonchnoma asosida harakat qilayotganda — ishonchnoma nusxasi;
ariza beruvchi vorislik haqidagi guvohnomaga asosan merosxoʻr boʻlganda — vorislik haqidagi guvohnoma nusxasi, ariza beruvchi qonuniy vakil boʻlsa — uni tasdiqlovchi hujjat nusxasi;
soʻralayotgan hujjatning nusxasi (agar mavjud boʻlsa);
mazkur Reglamentning 11-bandi ikkinchi xatboshisida belgilangan chegirmalardan (imtiyozlardan) foydalanish uchun tegishli hujjatlar ilova qilinadi.
Ariza beruvchi taqdim etgan hujjatlar nusxalari davlat xizmatlari markazi xodimlari tomonidan ularning asl nusxalaridan olinishi yoki YIDXP orqali murojaat etgan taqdirda, hujjatlar nusxasi ariza beruvchi tomonidan mustaqil ilova qilinishi lozim.
Oldingi tahrirga qarang.
8. Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.
(8-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
Oldingi tahrirga qarang.
(9-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 29.09.2022-y., 09/22/541/0859-son)
Oldingi tahrirga qarang.
(10-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 29.09.2022-y., 09/22/541/0859-son)
11. Davlat xizmati koʻrsatilganligi uchun mazkur Reglamentga 3-ilovaga muvofiq yigʻim undiriladi.
“Ijtimoiy himoya yagona reyestri”ga kiritilgan va (yoki) I va II guruh nogironligi boʻlgan shaxslarga asoslovchi hujjatlar ilova qilingan taqdirda, davlat xizmatlari markazlari yoki YIDXP orqali davlat xizmatini koʻrsatishda mazkur davlat xizmati uchun belgilangan yigʻimlar boʻyicha 50 foiz miqdorida chegirma qoʻllaniladi. Bunda mazkur shaxslar tomonidan tadbirkorlik faoliyati uchun yoki yuridik shaxslar nomidan murojaat qilinganda chegirmalar qoʻllanilmaydi.
Ariza beruvchi davlat xizmati koʻrsatilishi uchun YIDXP orqali murojaat etganda, yigʻim summasining 90 foizi undiriladi.
Ariza beruvchi tomonidan davlat xizmatini tezkor bajarish istagi bildirilsa va soʻralayotgan hujjatning aniq maʼlumotlari koʻrsatilgan taqdirda (hujjat nomi, hujjatning mazmuni, qaysi organ tomonidan qabul qilingan, sanasi va raqami), arxivning imkoniyatidan kelib chiqqan holda ikki ish kunida bajarilib, mazkur Reglamentga 3-ilovada belgilangan narxlarga 50 % qoʻshimcha haq undiriladi.
Agar davlat xizmatini tezkor bajarish boʻyicha ariza beruvchi tomonidan koʻrsatilgan barcha shartlar bajarilgandan soʻng masʼul davlat arxivi tomonidan ikki ish kunida davlat xizmati koʻrsatilmasa, mazkur Reglamentga 3-ilovada belgilangan narxga toʻlangan 50 % qoʻshimcha haq 2 ish kuni davomida masʼul davlat arxivining budjetdan tashqari mablagʻlari hisobidan qaytariladi.
12. Yigʻimlar summasi quyidagi tartibda taqsimlanadi:
a) davlat xizmatlari markazlari orqali murojaat etilganda:
Oldingi tahrirga qarang.
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;
(12-band “a” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
qolgan mablagʻlar — “Oʻzarxiv” agentligi tizimidagi davlat xizmatini koʻrsatgan davlat arxivining hisobvaragʻiga oʻtkaziladi.
b) YIDXP orqali murojaat etilganda:
Oldingi tahrirga qarang.
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;
(12-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan yigʻimlar summasi — davlat xizmatini koʻrsatgan davlat arxivining hisobvaragʻiga oʻtkaziladi.
13. Davlat xizmati koʻrsatilgani uchun yigʻim toʻlanganligi axborot-kommunikatsiya tizimlari orqali tasdiqlanadi.
14. Davlat xizmatlari koʻrsatish uchun yigʻim toʻlanmaganligi davlat xizmati koʻrsatishni rad etish uchun asos hisoblanadi.
Davlat xizmati koʻrsatishni boshqa asoslar boʻyicha rad etish taqiqlanadi.
15. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrib chiqilmasdan qoldiriladi.
Bunda davlat xizmati koʻrsatilgani uchun yigʻim summasi qaytarilmaydi.
16. Ariza beruvchi davlat xizmatlari markaziga kelib murojaat etgan taqdirda, uning soʻrovnomasi davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng 10 daqiqa mobaynida, YIDXP orqali murojaat etganda — avtomatik tarzda tegishli davlat arxiviga elektron shaklda yuboriladi.
17. Soʻrovnomada soʻralayotgan maʼlumotlar tegishli davlat arxivida mavjud boʻlmaganda, soʻrovnomani qabul qilgan arxiv 2 ish kuni mobaynida maʼlumot saqlanayotgan davlat arxivini aniqlaydi va soʻrovnomani tegishliligi boʻyicha davlat arxivlariga yuboradi.
Tegishli davlat arxivi soʻrovnoma tushgan vaqtdan boshlab mavzuli soʻrovnoma boʻyicha 20 ish kundan oshmagan muddatda tegishli QR-kodli (matrik shtrixli kod) maʼlumotnomani shakllantiradi hamda (oʻzi kelib murojaat etgan taqdirda) tegishli davlat xizmatlari markaziga yoki (elektron shaklda murojaat etgan taqdirda) YIDXP orqali elektron shaklda yuboradi. Bunda toʻlangan yigʻim, agar mavjud boʻlsa, bank xizmati toʻlovini ayirgan holda, soʻrovnomani qabul qilgan arxivdan soʻrovnomani bajargan arxivga oʻtkaziladi.
Soʻrovnoma arxiv hujjatlari asosida koʻrib chiqilib, tegishli maʼlumot aniqlanmagan taqdirda, toʻlangan yigʻim miqdori ariza beruvchiga qaytarilmaydi.
18. Davlat xizmatlari markazi maʼlumotnoma tushgandan soʻng 10 daqiqa mobaynida uni ariza beruvchining elektron manziliga yuboradi va uni bu haqda axborot-kommunikatsiya tizimi orqali xabardor qiladi.
Ariza beruvchi davlat xizmatlari markaziga kelib murojaat qilgan taqdirda, uning soʻroviga koʻra davlat xizmatlari markazi unga maʼlumotnomani elektron yoki qogʻoz shaklda taqdim etishi mumkin.
YIDXP orqali yuborilgan ariza boʻyicha maʼlumotnoma, foydalanuvchining shaxsiy kabinetiga avtomatik ravishda tushadi va u bu haqida axborot-kommunikatsiya tizimi orqali xabardor qilinadi.
3-bob. Yakunlovchi qoidalar
19. Davlat xizmatlari markazlari va davlat arxivlari oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
Oldingi tahrirga qarang.
20. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyatini doimiy nazorat qiladi hamda monitoring olib boradi.
(20-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
21. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
22. Ushbu Reglament talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.
Mavzuli soʻrovlarni ijro etish boʻyicha davlat xizmati koʻrsatishning maʼmuriy reglamentiga
1-ILOVA
1-ILOVA
Mavzuli soʻrovlarni ijro etish boʻyicha davlat xizmatini koʻrsatish
SXEMASI
|
Bosqichlar |
Subyektlar |
Tadbirlar |
Bajarish muddatlari | |||
|
1-bosqich |
Ariza beruvchi |
Davlat xizmatidan foydalanish uchun davlat xizmatlari markaziga oʻzi kelgan holda murojaat qiladi yoki Yagona interaktiv davlat xizmatlari portalida roʻyxatdan oʻtadi. |
Xohishiga koʻra | |||
|
2-bosqich |
1. Davlat xizmatlari markazi |
Soʻrovnomani toʻldirib, tegishli davlat arxiviga yuboradi. |
1. Soʻrovnoma toʻldirilgandan keyin 10 daqiqa ichida | |||
|
2. Yagona interaktiv davlat xizmatlari portali |
2. Avtomatik tarzda | |||||
|
3-bosqich |
Davlat arxivlari |
QR-kod (matrik shtrixli kod) qoʻyilgan maʼlumotnomani rasmiylashtiradi hamda (oʻzi kelib murojaat etgan taqdirda) ERI bilan tasdiqlagan holda tegishli davlat xizmatlari markaziga yoki (elektron tarzda murojaat etgan taqdirda) YIDXP orqali elektron shaklda yuboradi. |
20 ish kunida | |||
|
4-bosqich |
Davlat xizmatlari markazi |
1. Maʼlumotnomani ariza beruvchining elektron manziliga yuboradi va uni bu haqida axborot-kommunikatsiya tizimi orqali xabardor qiladi. |
1. Maʼlumotnoma tushgandan soʻng 10 daqiqa mobaynida | |||
|
2. Ariza beruvchi oʻzi kelib murojaat qilgan taqdirda, uning soʻroviga koʻra maʼlumotnomani elektron yoki qogʻoz shaklda taqdim etadi. |
2. Ariza beruvchining murojaatiga koʻra |
Mavzuli soʻrovlarni ijro etish boʻyicha davlat xizmati koʻrsatishning maʼmuriy reglamentiga
2-ILOVA
2-ILOVA
|
_______________________ (sana) |
_______________________ (raqam) | ||||
|
| |||||
|
Mavzuli soʻrovni ijro etish boʻyicha arxiv maʼlumotnomasini olish uchun SOʻROVNOMA | |||||
|
| |||||
|
I. Ariza beruvchi toʻgʻrisidagi maʼlumotlar: | |||||
|
1. Familiyasi (oʻzgartirilgan boʻlsa, yozilishi kerak): |
| ||||
|
2. Ismi (oʻzgartirilgan boʻlsa, yozilishi kerak): |
| ||||
|
3. Otasining ismi (oʻzgartirilgan boʻlsa, yozilishi kerak): |
| ||||
|
4. Tugʻilgan yili va sanasi: |
| ||||
|
5. Doimiy yashash joyi boʻyicha roʻyxatga olingan manzil: |
| ||||
|
6. Pasport yoki ID-karta seriyasi va raqami: |
| ||||
|
7. Elektron pochta manzili (mavjud boʻlsa): |
| ||||
|
8. Telefon raqami: |
| ||||
|
II. Ilova qilinadigan hujjatlar: | |||||
|
9. Ariza beruvchi ishonchnoma asosida harakat qilayotganda — ishonchnoma nusxasi |
| ||||
|
10. Ariza beruvchi vorislik haqidagi guvohnomaga asosan merosxoʻr boʻlganda — vorislik haqidagiguvohnoma nusxasi, ariza beruvchi qonuniy vakil boʻlsa — uni tasdiqlovchi hujjat nusxasi |
| ||||
|
11. Soʻralayotgan hujjatning nusxasi (agar mavjud boʻlsa) |
| ||||
|
12. Chegirmalardan (imtiyozlar) foydalanish uchun tegishli hujjatlar nusxasi |
| ||||
|
III. Mavzuli soʻrov turi: | |||||
|
13. Soʻralayotgan arxiv hujjatlari toʻgʻrisidagi maʼlumotlar: | |||||
|
Hujjat nomi |
Hujjatning mazmuni (batafsil koʻrsatilishi lozim) |
Qaysi organ tomonidan qabul qilingan (imkon qadar) |
Sanasi va raqami (imkon qadar) |
Qoʻshimcha maʼlumotlar (agar boʻlsa) | |
|
|
|
|
|
| |
|
Ushbu soʻrovnomada keltirilgan maʼlumotlarning haqiqiyligini tasdiqlayman. | |||||
|
_________________________ (Ariza beruvchining imzosi) | |||||
Mavzuli soʻrovlarni ijro etish boʻyicha davlat xizmati koʻrsatishning maʼmuriy reglamentiga
3-ILOVA
3-ILOVA
Mavzuli soʻrovlarni ijro etish boʻyicha davlat xizmati koʻrsatilganligi uchun
YIGʻIM MIQDORI
|
T/r |
Mavzuli soʻrovlar turi |
Oʻlchov birligi |
Yigʻim miqdori |
|
1. |
Alohida faktlar, voqealar, maʼlumotlarni aniqlash (tasdiqlash) boʻyicha mavzuli soʻrovlarni bajarish |
1 maʼlumotnoma |
Bazaviy hisoblash miqdorining 0,5 baravari |
|
2. |
Turar joylar boʻyicha maʼlumotnomalar tayyorlash |
1 maʼlumotnoma |
Bazaviy hisoblash miqdorining 0,5 baravari |
|
3. |
Mulkiy huquqlarni aniqlash (tasdiqlash) boʻyicha soʻrovlarga arxiv hujjatidan nusxa berish (bir shaxs uchun) |
1 maʼlumotnoma |
Bazaviy hisoblash miqdorining 0,5 baravari |
|
4. |
Evakuatsiyani aniqlash (tasdiqlash) boʻyicha soʻrovlarning arxiv maʼlumotnomasini berish |
1 maʼlumotnoma |
Bazaviy hisoblash miqdorining 1 baravari |
Keyingi tahrirga qarang.
Vazirlar Mahkamasining 2021-yil 23-sentabrdagi 597-son qaroriga
3-ILOVA
3-ILOVA
Vazirlar Mahkamasining “Oʻzbekiston Respublikasida arxiv ishini takomillashtirish toʻgʻrisida” 2012-yil 5-apreldagi 101-son qaroriga kiritilayotgan oʻzgartirishlar va qoʻshimcha
1. 1-ilovaning 131-bandi yettinchi xatboshisidagi “30 kundan” soʻzlari “20 ish kunidan” soʻzlari bilan almashtirilsin.
2. 4-ilovaning 6-bandida:
uchinchi xatboshiga “mehnat shartnomalari” soʻzlaridan keyin “, shuningdek, fuqarolik-huquqiy shartnomalar” soʻzlari qoʻshilsin;
toʻrtinchi xatboshidagi “mehnat shartnomalari” soʻzlari “fuqarolik-huquqiy shartnomalar” soʻzlari bilan almashtirilsin.
3. 6-ilovaning 20-bandi quyidagi tahrirda bayon qilinsin:
“20. Quyidagi holatlar vaqtincha olib chiqishga ruxsatnoma berishni rad etish toʻgʻrisida qaror qabul qilish uchun asos boʻlishi mumkin:
vaqtincha olib chiqilishi bildirilgan arxiv hujjatlarining mulkdori aniqlanmasligi;
arxiv hujjatlariga mulkdorlik huquqi toʻgʻrisida nizolar yuzaga kelishi;
taqdim etilgan hujjatlarning ishonchsizligi aniqlanishi;
arxiv hujjatlarining qaytib kelmasligi xavfi mavjudligi;
ruxsatnoma berilganligi uchun ariza beruvchi tomonidan maxsus yigʻim toʻlanmasligi.
Taqdim etilgan hujjatlarning ishonchliligini (yoki ishonchsizligini) aniqlash “Oʻzarxiv” agentligi tomonidan amalga oshiriladi.
Taqdim etilgan hujjatlarning yoki maʼlumotlarning ishonchliligini tasdiqlovchi qoʻshimcha materiallar talab qilish, agar qonun hujjatlarida bunday talab belgilanmagan boʻlsa, taqiqlanadi”.
(Qonunchilik maʼlumotlari milliy bazasi, 24.09.2021-y., 09/21/597/0903-son; 29.09.2022-y., 09/22/541/0859-son; 22.11.2023-y., 09/23/612/0874-son; 03.03.2025-y., 09/25/135/0208-son)
