1.09.00.00.00 Tadbirkorlik va xo‘jalik faoliyati / 09.14.00.00 Qishloq xo‘jaligi / 09.14.01.00 Umumiy qoidalar]
[TSZ:
1.Iqtisodiyot / Qishloq xo‘jaligi]
O‘zbekiston Respublikasi Vazirlar Mahkamasining
qarori
Qishloq xo‘jaligi sohasida statistik ma’lumotlar bazasini kengaytirish va takomillashtirish chora-tadbirlari to‘g‘risida
LexUZ sharhi
Mazkur qaror O‘zbekistan Respublikasi Vazirlar Mahkamasining 2025-yil 7-oktabrdagi 629-sonli “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi qishloq xo‘jaligini rivojlantirishning 2020 — 2030-yillarga mo‘ljallangan strategiyasini tasdiqlash to‘g‘risida” 2019-yil 23-oktabrdagi PF-5853-son Farmoni hamda O‘zbekiston Respublikasi Prezidentining 2020-yil 2-martdagi PF-5953-son Farmoni bilan tasdiqlangan “2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm, ma’rifat va raqamli iqtisodiyotni rivojlantirish yili”da amalga oshirishga oid davlat dasturining ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazish amalga oshirilsin.
2. Qishloq xo‘jaligi sohasida ro‘yxatdan o‘tkazishni tashkil etish, bevosita qishloq xo‘jaligi sohasida ro‘yxatdan o‘tkazish, yakuniy natijalarni e’lon qilish quyidagi asosiy vazifalarni nazarda tutgan holda uch bosqichda amalga oshirilsin:
birinchibosqich (2022 — 2024-yillar):
ro‘yxatdan o‘tkazishni tashkil etish va amalga oshirish tamoyillari hamda metodik asoslari, ro‘yxatdan o‘tkazishga doir boshqa masalalarni tartibga soluvchi normativ-huquqiy hujjatni ishlab chiqish;
avtomatlashtirilgan axborot tizimini yaratish;
sinov asosida qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish, natijalarini tahlil qilish;
ro‘yxatdan o‘tkazish tadbirlarida ishtirok etuvchi xodimlarni o‘qitish;
qishloq xo‘jaligi sohasida ro‘yxatdan o‘tkazishga tayyorgarlik ko‘rish bilan bog‘liq boshqa ishlarni amalga oshirish;
ikkinchi bosqich (2024-yil) — bevosita qishloq xo‘jaligi sohasida ro‘yxatdan o‘tkazish tadbirini amalga oshirish;
uchinchibosqich (2024 — 2026-yillar) — ro‘yxatdan o‘tkazishga doir ma’lumotlarni qayta ishlash, dastlabki va yakuniy natijalarni olish hamda e’lon qilish.
3. Quyidagilarni nazarda tutuvchi O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazish konsepsiyasi 1-ilovaga muvofiq tasdiqlansin:
qishloq xo‘jaligi statistikasi ko‘rsatkichlarining sifati, ishonchliligi va shaffofligini yanada oshirish;
qishloq xo‘jaligining tarkibiy holatini baholash, sohani xalqaro tajribalarda foydalaniladigan statistik ma’lumotlar bilan taqqoslash imkoniyatini yaratish;
qishloq xo‘jaligi sohasida ro‘yxatdan o‘tkazish davrlari oralig‘ida dastlabki sinov tariqasida ro‘yxatdan o‘tkazishni tashkil etish, tanlanma kuzatuvlarni amalga oshirish uchun statistik ma’lumotlar bazasini yaratish.
4. Quyidagilar:
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga doir chora-tadbirlar rejasi 2-ilovaga muvofiq;
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha respublika komissiyasining tarkibi 3-ilovaga muvofiq;
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha hududiy komissiyalarning namunaviy tarkibi 4-ilovaga muvofiq tasdiqlansin.
5. O‘zbekiston Milliy axborot agentligi, O‘zbekiston Milliy teleradiokompaniyasi, Davlat statistika qo‘mitasi ommaviy axborot vositalarida ushbu qarorning maqsad va vazifalarini keng yoritish bo‘yicha chiqishlar va mavzuga oid ko‘rsatuvlarni tashkil qilib borsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev, O‘zbekiston Respublikasi qishloq xo‘jaligi vaziri J.A. Xodjayev va O‘zbekiston Respublikasi Davlat statistika qo‘mitasi raisi B.A. Begalov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2021-yil 26-fevral,
104-son
Vazirlar Mahkamasining 2021-yil 26-fevraldagi 104-son qaroriga 1-ILOVA
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazish
konsepsiyasi
1-bob. Umumiy qoidalar
1. O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazish konsepsiyasi (keyingi o‘rinlarda — Konsepsiya) qishloq xo‘jaligi sohasida ro‘yxatdan o‘tkazishning maqsadi, asosiy vazifalari va bosqichlarini belgilaydi.
2. Qishloq xo‘jaligi sohasida ro‘yxatdan o‘tkazish aholini oziq-ovqat mahsulotlari bilan ta’minlash, uning turmush darajasi va farovonligini oshirish, mamlakat oziq-ovqat xavfsizligi bilan bog‘liq statistik ma’lumotlarni yig‘ish, umumlashtirish, baholash, tahlil qilish va e’lon qilish jarayonlarini o‘z ichiga oladi.
Ro‘yxatdan o‘tkazishda mamlakat qishloq xo‘jaligi sohasining haqiqiy holati baholanadi.
3. Ro‘yxatdan o‘tkazish qishloq xo‘jaligi faoliyatining quyidagi asosiy ko‘rsatkichlarini hisobga olish orqali amalga oshiriladi:
qishloq xo‘jaligi obyektlarining iqtisodiy faoliyat turlari;
mehnat resurslari va ularning demografik tavsiflari;
yer resurslari va ulardan foydalanish holati;
qishloq xo‘jaligi ekinlari maydoni,
ko‘p yillik daraxtzorlar va tokzorlar maydoni;
issiqxonalar maydoni;
mineral va organik o‘g‘itlar solish miqdori;
chorva mollari va parrandalar bosh soni;
qishloq xo‘jaligi mahsulotlarini sotish hajmi;
qishloq xo‘jaligi texnikalari, mashina va uskunalari soni;
ishlab chiqarish infratuzilmasi, texnika vositalari va texnologiyalar holati;
maxsus omborxonalar va saqlash joylarining soni, sig‘imi;
mavjud qayta ishlash quvvatlari va ulardan foydalanish holati;
qishloq xo‘jaligida ko‘rsatilayotgan xizmatlar turi, hajmi va boshqa ko‘rsatkichlar.
Ro‘yxatdan o‘tkazishda yakka tartibda hisobga olish va batafsil tavsiflashning universal usulidan foydalangan holda rasmiy statistik ma’lumotlarning shaffofligi, ishonchliligi va aniqligini ta’minlash kerak.
4. Qishloq xo‘jaligi sohasida ro‘yxatdan o‘tkazish:
respublika;
Qoraqalpog‘iston Respublikasi, viloyatlar va Toshkent shahri;
tuman va shaharlar;
shaharchalar, qishloqlar va ovullar;
mahalla fuqarolar yig‘inlari, fermer, dehqon xo‘jaliklari va tomorqa yer egalari, qishloq xo‘jaligi faoliyatini amalga oshiruvchi tashkilotlar (klaster va boshqalar), bog‘dorchilik, polizchilik va uzumchilik shirkatlari darajasida tashkil etiladi.
2-bob. Qishloq xo‘jaligi sohasida ro‘yxatdan o‘tkazishning maqsadi va asosiy vazifalari
5. Ro‘yxatdan o‘tkazish O‘zbekiston Respublikasi hududida yaxlit va har bir ma’muriy-hududiy birlik bo‘yicha aniq bir vaqtda, qishloq xo‘jaligi faoliyatining turli tavsiflari to‘g‘risida xalqaro taqqoslanadigan ishonchli, xolis va yaxlit ma’lumotlarni yagona statistik metodlar asosida yig‘ish maqsadida amalga oshiriladi.
6. Ro‘yxatdan o‘tkazishning asosiy vazifalari quyidagilardan iborat:
qishloq xo‘jaligi statistikasi ko‘rsatkichlarining sifati, ishonchliligi va shaffofligini yanada oshirish;
hududlarda qishloq xo‘jaligining tarkibiy holatini baholash va qishloq joylarni rivojlantirish dasturini ishlab chiqishga ko‘maklashish maqsadida quyi ma’muriy-hududiy tavsifga ega aniq statistik ma’lumotlar bazasini kengaytirish va takomillashtirish;
qishloq xo‘jaligi sohasini xalqaro tajribalarda foydalaniladigan statistik ma’lumotlar bilan taqqoslash imkoniyatiga ega bo‘lish;
qishloq xo‘jaligi sohasiga xizmat qiluvchi infratuzilmani rivojlantirish, resurslardan samarali foydalanish va ularni joylashtirish bo‘yicha qisqa, o‘rta va uzoq muddatli prognozlar, dasturlar tayyorlash va indikativ rejalashtirish;
milliy barqaror rivojlanish maqsadlarini shakllantirish va ularning amalga oshirilishini monitoring qilib borish;
ro‘yxatdan o‘tkazish davrlari oralig‘ida dastlabki sinov tariqasida ro‘yxatdan o‘tkazishni tashkil etish, tanlanma kuzatuvlarni amalga oshirish uchun statistik ma’lumotlar bazasini yaratish;
qishloq xo‘jaligi sohasining muammoli masalalari bo‘yicha ilmiy-tadqiqot ishlarini amalga oshirish.
3-bob. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bosqichlari
7. Ro‘yxatdan o‘tkazishga tayyorgarlik ko‘rish va uni amalga oshirish ishlari uch bosqichda o‘tkaziladi. Ular doirasidagi tadbirlar bosqichma-bosqich va bir vaqtning o‘zida o‘tkazilishi mumkin.
Birinchi bosqichda (2022 — 2024-yillar) quyidagilar amalga oshiriladi:
Ro‘yxatdan o‘tkazishni tashkil etish va amalga oshirish, ularning natijalarini olish, qayta ishlash va e’lon qilish, vaqtincha jalb etiladigan xodimlarni yollash va ularning mehnatiga haq to‘lash tamoyillari hamda metodik asoslari, moliyalashtirish manbalarini aniqlash va ro‘yxatdan o‘tkazishga oid boshqa masalalarni tartibga soluvchi normativ-huquqiy hujjatni ishlab chiqish;
sinov asosida qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirishni tashkil etish, uning natijalarini tahlil qilish va shu asosda metodik hujjatlarni takomillashtirish;
dehqon, fermer xo‘jaliklari va qishloq xo‘jaligi faoliyatini amalga oshiruvchi boshqa tashkilotlar, bog‘dorchilik, polizchilik va uzumchilik shirkatlari ro‘yxatini shakllantirish, xaritalash va qishloq xo‘jaligi sohasida ro‘yxatdan o‘tkazishning tashkiliy rejalarini tuzish;
zamonaviy axborot texnologiyalaridan keng foydalangan holda ro‘yxatdan o‘tkazishga tayyorgarlik ko‘rish, uning amalga oshirilishini nazorat qilish, yakuniy natijalarni olish va e’lon qilishning avtomatlashtirilgan axborot tizimini yaratish;
axborot-tushuntirish ishlarini olib borish;
ro‘yxatdan o‘tkazish so‘rovnomalari va boshqa hujjatlarni chop etish;
moddiy-texnik vositalarni tayyorlash yoki xarid qilish, shuningdek, ularni ro‘yxatdan o‘tkazish uchastkalariga yetkazish;
ro‘yxatdan o‘tkazish uchastkalarini bino, transport va aloqa vositalari bilan ta’minlash;
ro‘yxatdan o‘tkazish tadbirlarida ishtirok etuvchi vaqtincha xodimlarni o‘qitish;
qishloq xo‘jaligi sohasida ro‘yxatdan o‘tkazishga tayyorgarlik ko‘rish bilan bog‘liq boshqa ishlarni amalga oshirish.
Ikkinchi bosqichda (2024-yil) bevosita qishloq xo‘jaligi sohasida ro‘yxatdan o‘tkazish tadbiri amalga oshiriladi, ya’ni qishloq xo‘jaligi faoliyati to‘g‘risidagi birlamchi ma’lumotlar yig‘iladi.
Uchinchi bosqichda (2024 — 2026-yillar) quyidagilar amalga oshiriladi:
ro‘yxatdan o‘tkazishga doir birlamchi ma’lumotlarni qayta ishlash uchun avtomatlashtirilgan axborot tizimida qabul qilib olish;
ma’lumotlarini avtomatlashtirilgan axborot tizimida qayta ishlashga tayyorlash;
birlamchi ma’lumotlarni kiritish, kodlashtirish, nazorat va tahrir qilish;
ro‘yxatdan o‘tkazish bo‘yicha dastlabki natijalarni olish;
ro‘yxatdan o‘tkazish natijalarini e’lon qilish va tarqatish.
4-bob. Qishloq xo‘jaligi sohasida ro‘yxatdan o‘tkazishga mas’ul bo‘lgan tashkilotlarning vazifalari
8. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bilan bog‘liq tadbirlarning o‘z vaqtida va sifatli o‘tkazilishi O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha respublika komissiyasi (keyingi o‘rinlarda — Respublika komissiyasi) tomonidan ta’minlanadi.
Quyidagilar Respublika komissiyasining asosiy vazifalari hisoblanadi:
qishloq xo‘jaligi sohasida ro‘yxatdan o‘tkazishga tayyorgarlik ko‘rish, uni tashkil etish va amalga oshirish, uning natijalarini shakllantirish, chop etish, e’lon qilish bilan bog‘liq tadbirlarning o‘z vaqtida va sifatli o‘tkazilishini ta’minlash;
qishloq xo‘jaligi sohasida ro‘yxatdan o‘tkazish bo‘yicha vakolatli organ hamda boshqa davlat va xo‘jalik boshqaruvi organlari, mahalliy ijro etuvchi hokimiyat organlari o‘rtasidagi o‘zaro hamkorlikni muvofiqlashtirish;
qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish jarayonlarini nazoratga olish;
qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirishni moliyalashtirish, birlamchi ma’lumotlarni qayta ishlashni tashkil etish va yakuniy natijalarni e’lon qilish masalalari bo‘yicha takliflarni ko‘rib chiqish;
qishloq xo‘jaligi sohasida ro‘yxatdan o‘tkazishda ishtirok etish uchun jismoniy va yuridik shaxslarni ularning mehnatiga haq to‘lash masalalarini hal qilgan holda jalb etishni tashkil etish.
9. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha hududiy komissiyalar (keyingi o‘rinlarda — hududiy komissiyalar) tuziladi.
Quyidagilar hududiy komissiyalarning asosiy vazifalari hisoblanadi:
hududlarda qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bo‘yicha ishlarni aniq chora-tadbirlar va mas’ul ijrochilarni ko‘rsatgan holda tashkil etish;
hududlarda qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish uchun qulay shart-sharoitlar yaratish bilan bog‘liq masalalar yuzasidan, shuningdek, qishloq xo‘jaligi sohasida ro‘yxatdan o‘tkazish bo‘yicha vakolatli organ hududiy bo‘linmalari va bu jarayonlarga jalb qilingan boshqa tashkilotlar moddiy-texnik ta’minlanganligini mustahkamlash masalalari to‘g‘risida takliflar ishlab chiqish;
hududlarda qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bo‘yicha kompleks ishlar bajarilishini nazorat qilish;
hududlarda qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirishga jismoniy va yuridik shaxslarni jalb etish hamda ishtirok etganlarni rag‘batlantirish.
Hududiy komissiyalar normativ-huquqiy va metodik hujjatlar asosida aniq chora-tadbirlar va mas’ul ijrochilarni ko‘rsatgan holda, tayyorgarlik tadbirlarini tashkil etish va qishloq xo‘jaligi sohasida ro‘yxatdan o‘tkazish bo‘yicha tegishli qarorlar qabul qiladi.
10. Qishloq xo‘jaligi sohasida ro‘yxatdan o‘tkazish bo‘yicha vakolatli organ — O‘zbekiston Respublikasi Milliy statistika qo‘mitasi (keyingi o‘rinlarda — Milliy statistika qo‘mitasi) Respublika komissiyasining ishchi organi hisoblanadi.
(10-band O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
11. Milliy statistika qo‘mitasi:
(11-bandning birinchi xatboshisi O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
ilmiy va oliy ta’lim muassasalari ishtirokida ro‘yxatdan o‘tkazish bo‘yicha ilmiy-metodik qo‘llanma va materiallar tayyorlaydi;
har bir aholi punktida ro‘yxatdan o‘tkazishni muvofiqlashtiruvchi uchastka rahbarlari, shuningdek, davlat statistika organlari xodimlari orasidan supervayzerlar (nazoratchi instruktorlar) tayinlanishini ta’minlaydi;
tuman va shaharlar hokimliklari bilan birgalikda joylarda ro‘yxatdan o‘tkazuvchi xodimlarni o‘qitadi va ro‘yxatdan o‘tkazish so‘rovnomalarini to‘ldirish bo‘yicha amaliy mashg‘ulotlarni tashkil etadi, o‘qitish jarayonida xatoliklarni tahlil qiladi, yuzaga kelgan tushunmovchiliklarni tushuntiradi va kamchiliklarni bartaraf etadi;
O‘zbekiston Milliy axborot agentligi, O‘zbekiston Milliy teleradiokompaniyasi, O‘zbekiston Respublikasi Prezident Administratsiyasi huzuridagi Axborot va ommaviy kommunikatsiyalar agentligi bilan birgalikda qishloq xo‘jaligi sohasida ro‘yxatdan o‘tkazish haqida aholini va fermer xo‘jaliklari hamda qishloq xo‘jaligi faoliyatini amalga oshiruvchi boshqa tashkilotlarni xabardor qilish ishlarini ((ro‘yxatdan o‘tkazishda faol ishtirok etish bo‘yicha targ‘ibot ishlari, SMS-xabarnoma, reklama roliklari, shiorlar chiqarish va boshqa shu kabi tadbirlar) muvofiqlashtiradi.
12. Milliy statistika qo‘mitasi O‘zbekiston Respublikasi Raqamli texnologiyalar vazirligi bilan birgalikda:
(12-bandning birinchi xatboshisi O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
moddiy-texnik vositalarni, jumladan, ro‘yxatdan o‘tkazish so‘rovnomalarini avtomatik tarzda qayta ishlash uchun moddiy-texnik vositalarni sotib olish, ro‘yxatdan o‘tkazish natijalarini qayta ishlash tuzilmalarini, server uskunalari, skanerlar va boshqa ofis texnikalari bilan ta’minlash uchun tenderlar tashkil etadi;
ro‘yxatdan o‘tkazish so‘rovnomalarini kiritish va qayta ishlash bo‘yicha avtomatlashtirilgan axborot tizimi yaratilishini ta’minlaydi;
avtomatlashtirilgan axborot tizimida dehqon, fermer xo‘jaliklari hamda qishloq xo‘jaligi faoliyatini amalga oshiruvchi boshqa tashkilotlar haqida ma’lumot (qishloq xo‘jaligiga oid barcha ma’lumotlar) olishni ta’minlaydi;
qishloq xo‘jaligi sohasida ro‘yxatdan o‘tkazish natijalarini olish bo‘yicha dasturiy vositalar tayyorlanishini ta’minlaydi.
13. O‘zbekiston Respublikasi Iqtisodiyot va moliya vazirligi huzuridagi Kadastr agentligi Milliy statistika qo‘mitasining buyurtmanomalari asosida bosqichma-bosqich qishloq xo‘jaligi sohasida ro‘yxatdan o‘tkazish uchun zarur kartografik materiallar (tuman, shahar va qishloq aholi punktlarining sxematik xaritalari, ma’muriy tumanlar xaritalari) tayyorlanishini ta’minlaydi.
(13-band O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
14. O‘zbekiston Respublikasi Adliya vazirligi huzuridagi “O‘zarxiv” agentligi ro‘yxatdan o‘tkazish so‘rovnomalarini va boshqa hujjatlarni saqlash ishlarini belgilangan tartibda muvofiqlashtiradi, shuningdek, davlat arxivlari tomonidan qishloq xo‘jaligi sohasida ro‘yxatdan o‘tkazishning yig‘ma hujjatlari qayta ishlanib, tartibga keltirilgandan so‘ng ularni doimiy saqlovga qabul qilishni tashkil etadi.
(14-band O‘zbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik ma’lumotlari milliy bazasi, 03.03.2025-y., 09/25/135/0208-son)
15. Quyidagilar Qoraqalpog‘iston Respublikasi Vazirlar Kengashi, viloyatlar va Toshkent shahar, tumanlar (shaharlar) hokimliklari vazifalari hisoblanadi:
qishloq xo‘jaligi sohasida ro‘yxatdan o‘tkazishga jalb etilgan shaxslarning o‘qishi va ishlashi uchun yaroqli bo‘lgan mebellar va aloqa vositalari bilan jihozlangan vaqtincha binolar ajratish;
qishloq xo‘jaligi sohasida ro‘yxatdan o‘tkazish so‘rovnoma blankalari va boshqa hujjatlarni vaqtincha saqlash uchun zarur shart-sharoitga ega bo‘lgan bino (xona) ajratish;
zarur transport va aloqa vositalarini taqdim etish;
tuman (shahar) mahalla va nuroniylarni qo‘llab-quvvatlash bo‘limlari bilan birgalikda tomorqa yer maydonlari mavjud bo‘lgan dehqon xo‘jaliklari sonini ko‘rsatgan holda, fuqarolar yig‘inlarining to‘liq ro‘yxatini tuzish;
(15-bandning beshinchi xatboshisi O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
tuman (shahar) statistika bo‘limlari va davlat xizmatlari markazlari bilan birgalikda mavjud fermer xo‘jaliklari hamda qishloq xo‘jaligi faoliyatini amalga oshiruvchi boshqa tashkilotlar, bog‘dorchilik, polizchilik va uzumchilik shirkatlari sonini ko‘rsatib, ularning to‘liq ro‘yxatini shakllantirish.
16. O‘zbekiston Respublikasi Ichki ishlar vazirligi va Milliy gvardiyasi qishloq xo‘jaligi sohasida ro‘yxatdan o‘tkazish jarayonida:
ro‘yxatdan o‘tkazishga tayyorgarlik ko‘rish va uni amalga oshirish davrida hududlarda tinchlik va osoyishtalikni, jamoat tartibini, fuqarolar xavfsizligini;
ro‘yxatdan o‘tkazishga jalb etilgan shaxslarga nisbatan huquqbuzarliklar sodir etilishiga yo‘l qo‘ymaslik;
zarur hollarda, ro‘yxatdan o‘tkazish uchun korxona va tashkilotlar hududiga kirishga to‘sqinlik qilmaslik;
ro‘yxatdan o‘tkazish davrida ro‘yxatdan o‘tkazish materiallarining saqlanishini hamda qishloq xo‘jaligi sohasida ro‘yxatdan o‘tkazuvchi organlarning binolari va yuklari qo‘riqlanishini ta’minlaydi.
17. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bo‘yicha alohida ishlar jalb etilgan pudratchi tashkilotlar tomonidan bajariladi va ularga quyidagilar kiradi:
aholi va fermer xo‘jaliklari hamda qishloq xo‘jaligi faoliyatini amalga oshiruvchi boshqa tashkilotlar o‘rtasida axborot-tushuntirish ishlarini olib borish;
kartografik materiallarni chop etish;
ro‘yxatdan o‘tkazish hujjatlarini chop etish;
moddiy-texnik ta’minlash;
ro‘yxatdan o‘tkazish materiallarini yetkazish;
texnologik-loyiha ishlarini o‘tkazish va dasturiy ta’minotni ishlab chiqish;
ro‘yxatdan o‘tkazish so‘rovnomalaridagi ma’lumotlarni kiritish va avtomatlashtirilgan holda qayta ishlash.
18. Zarur hollarda, qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish doirasidagi ayrim ishlar va tadbirlarni bajarishga ko‘maklashish uchun boshqa vazirliklar, idoralar va tashkilotlar asosiy vazifa va funksiyalaridan kelib chiqib, o‘z ixtiyoriga ko‘ra qo‘shimcha ravishda jalb etilishi mumkin.
5-bob. Qishloq xo‘jaligi sohasida ro‘yxatdan o‘tkazish ishlariga jalb etiladigan xodimlar toifalari
19. Respublika miqyosida ro‘yxatdan o‘tkazishga tayyorgarlik ko‘rish va uni amalga oshirishda Milliy statistika qo‘mitasi markaziy apparatining xodimlari ishtirok etadi.
(19-bandning birinchi xatboshisi O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
Hududlarda ishlarni tashkil etish va muvofiqlashtirish, materiallarni avtomatlashtirilgan holda qayta ishlash, dastlabki yakunlarni sarhisob qilish va natijalarni e’lon qilish uchun Qoraqalpog‘iston Respublikasi, viloyatlar va Toshkent shahar statistika boshqarmalari, tumanlar va shaharlar statistika bo‘limlari xodimlari jalb etiladi.
20. Tuman va shahar miqyosida ro‘yxatdan o‘tkazish, instruktorlik, hisob va statsionar uchastkalarda ishlarni tashkil etish va muvofiqlashtirish uchun to‘lov-shartnoma asosida xodimlar jalb etilishi mumkin.
21. Registratorlar (uy-joy ro‘yxatini tuzuvchilar), qishloq xo‘jaligi sohasida ro‘yxatdan o‘tkazishning tayyorgarlik bosqichida avval tuzilgan ro‘yxatlarni va kartografik materiallarni aniqlash (aniq hududdagi, dehqon xo‘jaliklarining haqiqatda mavjudligini xatlovdan o‘tkazish) uchun to‘lov-shartnoma asosida jalb etiladi.
Registratorlarni O‘zbekiston Respublikasi Milliy statistika qo‘mitasi, Qishloq xo‘jaligi vazirligi, O‘zbekiston mahallalari uyushmasi, Veterinariya va chorvachilikni rivojlantirish qo‘mitasi, Iqtisodiyot va moliya vazirligi huzuridagi Kadastr agentligi, O‘zbekiston fermerlari kengashi hududiy organlari xodimlari orasidan tanlab olish mazkur vazirliklar va idoralar hamda tumanlar va shaharlar hokimliklari bilan birgalikda tashkil etiladi.
(21-bandning ikkinchi xatboshisi O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
22. O‘zbekiston Respublikasi Milliy statistika qo‘mitasi, Qishloq xo‘jaligi vazirligi, O‘zbekiston mahallalari uyushmasi, Veterinariya va chorvachilikni rivojlantirish qo‘mitasi, Iqtisodiyot va moliya vazirligi huzuridagi Kadastr agentligi, O‘zbekiston fermerlari kengashi hududiy organlari xodimlari orasidan ro‘yxatdan o‘tkazish uchastkalari rahbarlari, instruktorlar va ro‘yxatdan o‘tkazuvchilarni tanlab olish masalasi mazkur vazirliklar va idoralar hamda tumanlar va shaharlar hokimliklari bilan birgalikda tashkil etiladi.
(22-bandning birinchi xatboshisi O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
Zarur hollarda, boshqa toifadagi shaxslar, jumladan, o‘rta maxsus (kasb-hunar ta’limi) yoki oliy ma’lumotga ega, aholi bilan muloqotga kirisha oladigan, aniq va tushunarli yoza oladigan shaxslar, aholini ro‘yxatga olish tadbirlarida ishtirok etgan ro‘yxatga oluvchilar ham o‘z roziligiga ko‘ra ro‘yxatdan o‘tkazish ishlariga shartnoma asosida jalb qilinishi mumkin.
Vaqtincha jalb etiladigan xodimlarga ismlari yozilgan nishonlar (guvohnomalar) beriladi.
Bunda xodimning yashash joyi ro‘yxatdan o‘tkazish amalga oshiriladigan fuqarolar yig‘iniga qatnash uchun qulay bo‘lishi kerak.
6-bob. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish jarayonlarini axborot-kommunikatsiya texnologiyalari asosida avtomatlashtirish
23. Ro‘yxatdan o‘tkazish so‘rovnomalaridagi ma’lumotlarni kiritish, ularni qayta ishlash va natijalarini e’lon qilishni avtomatlashtirish maqsadida avtomatlashtirilgan axborot tizimi yaratiladi.
24. Ro‘yxatdan o‘tkazish so‘rovnomalaridagi qishloq xo‘jaligi faoliyati to‘g‘risidagi shaxsiy ma’lumotlar foydalanilishi cheklangan maxfiy axborot hisoblanadi, ularni tarqatishga yo‘l qo‘yilmaydi va faqat statistik maqsadlarda qayta ishlanadi.
25. Quyidagilar avtomatlashtirilgan axborot tizimining vazifalari hisoblanadi:
ro‘yxatdan o‘tkazish so‘rovnomalari ma’lumotlarini kiritish, to‘plash va saqlash;
ma’lumotlarni qayta ishlash, almashish jarayonlarini va ushbu jarayonlarni metodik qo‘llab-quvvatlash monitoringini olib borish;
ro‘yxatdan o‘tkazish bo‘yicha shaxsiy ma’lumotlarni avtomatik qayta ishlash;
shaxsiy ma’lumotlarga ruxsatsiz kirish, ulardan foydalanish, ularni buzish yoki yo‘qotishlardan himoya qilish;
ma’lumotlarning maxfiyligini ta’minlash sharti bilan qo‘shimcha so‘rovlarni shakllantirish uchun shaxsiy bo‘lmagan ma’lumotlar bazasiga ayrim tadqiqotchilarning belgilangan tartibda kirishiga imkoniyat berish;
ro‘yxatdan o‘tkazishning yakuniy ma’lumotlaridan foydalanishni boshqarish.
7-bob. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish xarajatlarini moliyaviy ta’minlash
26. Ro‘yxatdan o‘tkazish tadbirlarini amalga oshirish bilan bog‘liq xarajatlar tegishli yillar uchun O‘zbekiston Respublikasi Davlat budjeti to‘g‘risidagi Qonunda O‘zbekiston Respublikasi Milliy statistika qo‘mitasi uchun belgilangan tadbirlarni amalga oshirish maqsadida nazarda tutilgan O‘zbekiston Respublikasi Davlat budjeti mablag‘lari va qonunchilik hujjatlari bilan taqiqlanmagan boshqa mablag‘lar hisobidan moliyalashtiriladi.
(26-band O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
27. Moliyalashtirish uchun zarur mablag‘lar hajmi O‘zbekiston Respublikasi Milliy statistika qo‘mitasi, Iqtisodiyot va moliya vazirligi, Qishloq xo‘jaligi vazirligi, Iqtisodiyot va moliya vazirligi huzuridagi Kadastr agentligi va boshqa mas’ul idoralarning asoslangan hisob-kitoblari asosida, shuningdek, tender savdolarini o‘tkazish va tender hujjatlarini rasmiylashtirish natijalari bo‘yicha aniqlanadi.
(27-band O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
28. Ro‘yxatdan o‘tkazishga tayyorgarlik ko‘rish va uni amalga oshirishga, uning materiallarini qayta ishlashga, natijalarini olish va e’lon qilishga jalb etilgan xodimlarning mehnatiga haq to‘lash maxsus ishlab chiqilgan va tasdiqlangan normativlar asosida amalga oshiriladi.
8-bob. Qishloq xo‘jaligi sohasida ro‘yxatdan o‘tkazish jarayoni
29. Ro‘yxatdan o‘tkazish so‘rovnomasi ro‘yxatdan o‘tkazish dasturi asosida mulkchilik shaklidan kelib chiqqan holda, dehqon, fermer xo‘jaliklari va qishloq xo‘jaligi faoliyatini amalga oshiruvchi boshqa tashkilotlar, bog‘dorchilik, polizchilik va uzumchilik shirkatlari uchun alohida ishlab chiqiladi hamda tasdiqlanadi.
30. Dehqon xo‘jaliklari, dala hovli uchastkalari egalari to‘g‘risidagi ma’lumotlar ular yashaydigan xo‘jaliklarga borib, respondentlar bilan so‘rov o‘tkazish va ro‘yxatdan o‘tkazish so‘rovnomalarini to‘ldirish orqali to‘planadi. Ro‘yxatdan o‘tkazish so‘rovnomasi ro‘yxatdan o‘tkazuvchi shaxslar tomonidan so‘rov o‘tkazilayotgan shaxsning og‘zaki javoblari asosida to‘ldiriladi.
Ro‘yxatdan o‘tkazish vaqtida xo‘jalik boshlig‘i o‘zi hozir bo‘lmaganda, xo‘jalikka doir ma’lumotlar ushbu xo‘jalikning voyaga yetgan a’zosi tomonidan ma’lum qilinadi.
Agar respondent ro‘yxatdan o‘tkazish so‘rovnomasiga javob berishdan bosh tortsa, so‘rovnomalar fuqarolarning o‘zini o‘zi boshqarish organlaridagi mavjud ma’lumotlar asosida to‘ldiriladi.
31. Fermer xo‘jaliklari va qishloq xo‘jaligi faoliyatini amalga oshiruvchi boshqa tashkilotlar to‘g‘risidagi ma’lumotlar xo‘jalik faoliyat yuritayotgan hududga borib, respondentlar bilan so‘rov o‘tkazish va ro‘yxatdan o‘tkazish so‘rovnomalarini to‘ldirish orqali to‘planadi. Ro‘yxatdan o‘tkazish so‘rovnomasi ro‘yxatdan o‘tkazuvchi shaxslar tomonidan so‘rov o‘tkazilayotgan shaxsning og‘zaki javoblari asosida to‘ldiriladi.
9-bob. Qishloq xo‘jaligi sohasida ro‘yxatdan o‘tkazish yakunlari va ularni e’lon qilish
tuman va shaharda ro‘yxatdan o‘tkazilgan dehqon, fermer xo‘jaliklari, qishloq xo‘jaligi faoliyatini amalga oshiruvchi boshqa tashkilotlar, bog‘dorchilik, polizchilik va uzumchilik shirkatlarining qishloq xo‘jaligi faoliyati bo‘yicha dastlabki natijalar shahar va tumanga ajratilgan holda tuziladi;
yakuniy natijalar qishloq xo‘jaligi sohasida ro‘yxatdan o‘tkazish natijalarini e’lon qilish dasturiga asosan maxsus jadval bo‘yicha shakllantiriladi;
so‘rovlar tushishiga ko‘ra qo‘shimcha ma’lumotlar ma’lumotlar bazasi asosida shakllantiriladi.
33. Ro‘yxatdan o‘tkazish natijalari rasmiy, bosma, mavzuli nashrlar ko‘rinishida, shuningdek, elektron manbalarda (o‘zbek, rus va ingliz tillarida), foydalanuvchilarning keng ommasi uchun ommabop nashrlarda (risolalar, press-relizlar, atlaslar, taqdimot materiallarida) e’lon qilinadi.
34. Qayta ishlangan va tartibga keltirilgan qog‘oz ko‘rinishidagi qishloq xo‘jaligi sohasida ro‘yxatdan o‘tkazish so‘rovnomalari O‘zbekiston Respublikasi Adliya vazirligi huzuridagi “O‘zarxiv” agentligi tizimidagi tegishli davlat arxivlari tomonidan qonunchilik hujjatlarida belgilangan tartibda doimiy saqlanadi.
(34-band O‘zbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik ma’lumotlari milliy bazasi, 03.03.2025-y., 09/25/135/0208-son)
Vazirlar Mahkamasining 2021-yil 26-fevraldagi 104-son qaroriga 2-ILOVA
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga doir
I. Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish bo‘yicha tashkiliy-huquqiy tadbirlar
1.
Qishloq xo‘jaligida sohasida ro‘yxatdan o‘tkazishga tayyorgarlik ko‘rish va amalga oshirish, ularning natijalarini olish, qayta ishlash va e’lon qilish, jalb etiladigan vaqtinchalik xodimlarni yollash va mehnatiga haq to‘lash tamoyillari hamda uslubiy asoslari va ro‘yxatdan o‘tkazishga oid boshqa masalalarni tartibga soluvchi normativ-huquqiy hujjat loyihasini ishlab chiqish.
Vazirlar Mahkamasi qarori loyihasi
2022-yil yanvar
Davlat statistika qo‘mitasi, Qishloq xo‘jaligi vazirligi, Moliya vazirligi, Bandlik va mehnatmunosabatlari vazirligi, Davlat soliq qo‘mitasi huzuridagi Kadastr agentligi, manfaatdor vazirlik va idoralar
2.
Manfaatdor vazirliklar va idoralar mutaxassislari uchun qishloq xo‘jaligi sohasida ro‘yxatdan o‘tkazish bo‘yicha xorijiy davlatlar tajribalarini o‘rganish yuzasidan xorijiy mamlakatlarga, shu jumladan, ushbu masalalar yuzasidan tajribaga ega bo‘lgan MDH davlatlariga xizmat safarlarini tashkil etish.
Xorijiy davlatlar tajribalarini o‘rganish maqsadida xizmat safarlarini tashkil etish
2022 — 2024-yillar
Davlat statistika qo‘mitasi, Qishloq xo‘jaligi vazirligi, BMTning Oziq-ovqat va qishloq xo‘jaligi tashkilotining Toshkentdagi vakolatxonasi, xalqaro tashkilotlar
3.
Ma’muriy-hududiy birliklar ro‘yxati va chegaralarini aniqlashtirish, shahar va qishloq aholi punktlari hamda ko‘chalar nomlari, xonadon va uylar raqamlari ko‘rsatilgan ko‘rsatkichlarning mavjudligini ta’minlash
Tashkiliy tadbirlar, ijrochilarning qo‘shma harakatlar rejasi
2022-yil 1-fevralgacha
(sinov)
2024-yil 1-fevralgacha
(asosiy)
Davlat soliq qo‘mitasi huzuridagi Kadastr agentligi, Qishloq xo‘jaligi vazirligi, hududiy komissiyalar, shahar va tuman hokimliklari
4.
Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish uchun ishtirokchilarni kartografik materiallar (sxematik xarita) bilan ta’minlash.
Sxematik xaritalar
2022-yil 1-fevralgacha
(sinov)
2024-yil 1-fevralgacha
(asosiy)
Davlat soliq qo‘mitasi huzuridagi Kadastr agentligi, Qishloq xo‘jaligi vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, hududiy komissiyalar
5.
Quyidagilarni ta’minlovchi “Qishloq xo‘jaligi sohasida ro‘yxatdan o‘tkazish” axborot tizimini ishlab chiqish va joriy etish:
ro‘yxatdan o‘tkazish so‘rovnomalaridagi ma’lumotlarni kiritish, to‘plash va saqlash usuli;
ma’lumotlarni qayta ishlash va tahlil qilish jarayonlari monitoringini olib borish;
qishloq xo‘jaligi sohasida ro‘yxatdan o‘tkazishning shaxsiy ma’lumotlarini avtomatlashgan tarzda tahlil qilish;
shaxsiy ma’lumotlarga ruxsatsiz kirish, ulardan foydalanish, ularni buzish yoki yo‘qotishdan himoya qilishni ta’minlash;
qishloq xo‘jaligi sohasida ro‘yxatdan o‘tkazishning yakuniy ma’lumotlaridan foydalanishni boshqarish.
Avtomatlashtirilgan axborot tizimini ishlab chiqish
2022-yil 1-maygacha
Davlat statistika qo‘mitasi, Qishloq xo‘jaligi vazirligi, Axborot texnologiyalari va kommunikatsiyalarini rivojlantirish vazirligi, Davlat soliq qo‘mitasi huzuridagi Kadastr agentligi, Davlat xizmatlari agentligi
6.
Respublika va mahalliy ommaviy axborot vositalarida (televideniye, radio, bosma nashrlarda) qishloq xo‘jaligi sohasida ro‘yxatdan o‘tkazish masalalari bo‘yicha axborot-targ‘ibot ishlarini olib borish, jamoat joylarida (vokz?llar, aeroportlar, metropoliten va boshqalarda) qishloq xo‘jaligini ro‘yxatdan o‘tkazish to‘g‘risidagi ma’lumotlarni joylashtirish.
SMS-xabarnoma yuborish, videoroliklar, ijtimoiy reklamalar, ko‘rgazmali qurollar tayyorlash,boshqa axborot-targ‘ibot ishlari
Ro‘yxatdan o‘tkazishga tayyorgarlik ko‘rish va uni amalga oshirish davrida
Davlat statistika qo‘mitasi, Qishloq xo‘jaligi vazirligi, Axborot texnologiyalari va kommunikatsiyalarini rivojlantirish vazirligi, O‘zbekiston Milliy teleradiokompaniyasi, O‘zbekiston Milliy axborot agentligi, hududiy komissiyalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
7.
Fermer xo‘jaliklari va qishloq xo‘jaligi faoliyatini amalga oshiruvchi tashkilotlarning ro‘yxatini shakllantirish.
Xo‘jalik yurituvchi subyektlar ro‘yxati
2022-yil mart
(sinov)
2023-yil dekabr
(asosiy)
Davlat statistika qo‘mitasi, Davlat xizmatlari agentligi, hududiy komissiyalar
8.
Aholi punktlari, ko‘chalar nomlari, uy va xonadon raqamlarining mavjudligiga hamda fuqarolar yig‘inlarida mavjud dehqon xo‘jaliklari soniga aniqlik kiritish.
Tashkiliy-amaliy tadbirlar
2021-yil dekabr
(sinov)
2023-yil dekabr
(asosiy)
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Qishloq xo‘jaligi vazirligi, Davlat soliq qo‘mitasi huzuridagi Kadastr agentligi, Davlat statistika qo‘mitasi, fuqarolarning o‘zini o‘zi boshqarish organlari
9.
Qishloq xo‘jaligi sohasida ro‘yxatdan o‘tkazishga tayyorgarlik ko‘rish va uni amalga oshirish uchun vaqtinchalik jalb etiladigan xodimlarni tanlab olish, ro‘yxatini shakllantirish va tasdiqlash.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Davlat statistika qo‘mitasi, Qishloq xo‘jaligi vazirligi, hududiy komissiyalar
10.
Quyidagi ishlar uchun aloqa vositalari bilan jihozlangan binolar bilan ta’minlashni tashkil etish:
qishloq xo‘jaligi sohasida ro‘yxatdan o‘tkazuvchi vaqtinchalik xodimlarni o‘qitish uchun;
tuman (shahar) qishloq xo‘jaligi sohasida ro‘yxatdan o‘tkazish bo‘limlari, ro‘yxatdan o‘tkazish instruktorlik va statsionar uchastkalari uchun;
qishloq xo‘jaligi sohasida ro‘yxatdan o‘tkazish materiallarini qayta ishlash uchun;
qishloq xo‘jaligi sohasida ro‘yxatdan o‘tkazish uchun mo‘ljallangan moddiy-texnik vositalarni saqlash uchun;
ro‘yxatdan o‘tkazish va boshqa hujjatlarni vaqtinchalik saqlash va qo‘riqlash uchun.
Tashkiliy-amaliy tadbirlar
2022 — 2026-yillarda
Hududiy komissiyalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
11.
Tumanlar (shaharlar) ro‘yxatdan o‘tkazish bo‘limlari, ro‘yxatdan o‘tkazish va instruktorlik uchastkalarini zarur hollarda transport vositalari bilan ta’minlash.
Tashkiliy-amaliy tadbirlar
2022 — 2026-yillarda
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
12.
Har bir aholi punkti hududini ro‘yxatdan o‘tkazish, instruktorlik va hisob uchastkalariga bo‘lish, har bir ro‘yxatdan o‘tkazuvchilar uchun ish hajmini aniqlash.
Tashkiliy-amaliy tadbirlar
2022-yil 1-martgacha
(sinov)
2023-yil 1-avgustgacha
(asosiy)
Hududiy komissiyalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Davlat statistika qo‘mitasi va uning hududiy organlari, Mahalla va nuroniylarni qo‘llab-quvvatlash vazirligi va uning hududiy organlari
13.
Ro‘yxatdan o‘tkazish hujjatlarini chop etish.
Ro‘yxatdan o‘tkazish so‘rovnomalari va boshqa hujjatlar
2022-yil 1-maygacha
(sinov)
2024-yil 1-maygacha
(asosiy)
Davlat statistika qo‘mitasi, Axborot va ommaviy kommunikatsiyalar agentligi
14.
Ro‘yxatdan o‘tkazish hujjatlarini tuman (shahar) ro‘yxatdan o‘tkazish bo‘limlari, ro‘yxatdan o‘tkazish va instruktorlik uchastkalariga yetkazib berish.
Tadbirlar jadvali
2022-yil 1-iyungacha
(sinov)
2024-yil 1-iyungacha
(asosiy)
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Davlat statistika qo‘mitasi
15.
Qishloq xo‘jaligi sohasida ro‘yxatdan o‘tkazishga jalb etiladigan xodimlarni ro‘yxatdan o‘tkazishga tayyorgarlik ko‘rish va uni amalga oshirish masalalari bo‘yicha o‘qitishni tashkil etish.
O‘quv seminarlari
Tasdiqlangan jadvalga asosan
Hududiy komissiyalar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Davlat statistika qo‘mitasi, Qishloq xo‘jaligi vazirligi, Davlat soliq qo‘mitasi huzuridagi Kadastr agentligi
16.
Qishloq xo‘jaligi sohasida ro‘yxatdan o‘tkazish tadbiri sifatli o‘tkazilishini ta’minlash.
Ijrochilarning tashkiliy rejasi
2022-yil belgilangan
muddatlarda
(sinov)
2024-yil belgilangan muddatlarda
(asosiy)
Respublika komissiyasi, hududiy komissiyalar, Davlat statistika qo‘mitasi, Qishloq xo‘jaligi vazirligi, Ichki ishlar vazirligi, Milliy gvardiya, Mahalla va nuroniylarni qo‘llab-quvvatlash vazirligi, Veterinariya va chorvachilikni rivojlantirish davlat qo‘mitasi,
Davlat soliq qo‘mitasi huzuridagi Kadastr agentligi,
O‘zbekiston fermer, dehqon xo‘jaliklari va tomorqa yer egalari kengashi,
Qoraqalpog‘iston Respublikasi Vazirlar Kengashi,
viloyatlar va Toshkent shahar hokimliklari
III. Moliyaviy va moddiy-texnika ta’minot
17.
Qishloq xo‘jaligi sohasida ro‘yxatdan o‘tkazishni tashkil etish va amalga oshirish, yakuniy ma’lumotlarni tahlil qilish hamda e’lon qilish tadbirlari uchun xarajatlar smetasini ishlab chiqish va tasdiqlash uchun Vazirlar Mahkamasiga kiritish.
Xarajatlar smetasi
Budjet kodeksiga muvofiq belgilangan muddatlarda
Milliy statistika qo‘mitasi, Qishloq xo‘jaligi vazirligi, Moliya vazirligi,
manfaatdor vazirliklar va idoralar
18.
O‘zbekiston Respublikasi Davlat budjeti, shuningdek, Qoraqalpog‘iston Respublikasi, viloyatlar va Toshkent shahar mahalliy budjetlari parametrlarini shakllantirish bo‘yicha qarorda ko‘zda tutilgan qishloq xo‘jaligi sohasida ro‘yxatdan o‘tkazishni tashkil etish va amalga oshirish, yakuniy ma’lumotlarni tahlil qilish va e’lon qilish tadbirlarini moliyalashtirish uchun mablag‘ ajratish.
Xarajatlar smetasi
2022 — 2026-yillarda
Milliy statistika qo‘mitasi,
Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
19.
Qishloq xo‘jaligi sohasida ro‘yxatdan o‘tkazishni tashkil etish va amalga oshirish, yakuniy ma’lumotlarni tahlil qilish va e’lon qilish tadbirlari uchun zarur tovarlar (ishlar, xizmatlar)ni sotib olishni amalga oshirish.
Ijrochilarning qo‘shma harakatlari rejasi
2022 — 2026-yillarda
Milliy statistika qo‘mitasi,
Moliya vazirligi
IV. Qishloq xo‘jaligi sohasida ro‘yxatdan o‘tkazish ishlarini yakunlash
20.
Qoraqalpog‘iston Respublikasi, viloyatlar, Toshkent shahar, tuman va shaharlar bo‘yicha qishloq xo‘jaligi sohasida ro‘yxatdan o‘tkazishning dastlabki ma’lumotlarini tayyorlash.
Tahliliy jadvallar
2025-yil 1-yanvargacha
Davlat statistika qo‘mitasi
21.
Ma’lumotlarni avtomatlashtirilgan holda tahlil qilish, ma’lumotlar kiritishni kodlashtirish, qishloq xo‘jaligi sohasida ro‘yxatdan o‘tkazishning dastlabki ma’lumotlarini nazorat qilish va tahrir qilish, qishloq xo‘jaligi sohasida ro‘yxatdan o‘tkazishda ma’lumotlar bazasini shakllantirish.
Tahliliy jadvallar
2025-yil 1-sentabrgacha
Davlat statistika qo‘mitasi
22.
Respublika va hududlar bo‘yicha qishloq xo‘jaligi sohasida ro‘yxatdan o‘tkazishning yakuniy natijalarini olish, rasmiy nashr etish, tarqatish, axborot bilan ta’minlash va e’lon qilish, qishloq xo‘jaligi sohasida ro‘yxatdan o‘tkazishning dastlabki va yakuniy ma’lumotlarini arxivda saqlashga tayyorlash va belgilangan tartibda davlat tomonidan saqlash uchun topshirishni amalga oshirish.
Tahliliy jadvallar
2026-yil 1-iyulgacha
Milliy statistika qo‘mitasi
(2-ilova O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
Vazirlar Mahkamasining 2021-yil 26-fevraldagi 104-son qaroriga 3-ILOVA
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha respublika komissiyasining
Bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari, Respublika komissiyasi raisi
J.A. Qo‘chqorov
—
Bosh vazir o‘rinbosari — iqtisodiy taraqqiyot va kambag‘allikni qisqartirish vaziri
J.A. Xodjayev
—
qishloq xo‘jaligi vaziri, Respublika komissiyasi raisining o‘rinbosari
B.A. Begalov
—
Milliy statistika qo‘mitasi raisi, Respublika komissiyasi raisining o‘rinbosari
T.A. Ishmetov
—
moliya vaziri
P.R. Bobojonov
—
ichki ishlar vaziri
R.M. Djurayev
—
Milliy gvardiya qo‘mondoni
Sh.M. Sodiqov
—
axborot texnologiyalari va kommunikatsiyalarini rivojlantirish vaziri
N.B. Xusanov
—
bandlik va mehnat munosabatlari vaziri
A.X. Toshkulov
—
oliy va o‘rta maxsus ta’lim vaziri
S. Turdiyev
—
mahalla va nuroniylarni qo‘llab-quvvatlash vazirining birinchi o‘rinbosari
I.R. Maxkamov
—
transport vaziri
B.T. Norqobilov
—
veterinariya va chorvachilikni rivojlantirish davlat qo‘mitasi raisi
U.M. Yusupov
—
“O‘zarxiv” agentligi direktori
F.K. Umarov
—
Davlat soliq qo‘mitasi raisining birinchi o‘rinbosari — O‘zbekiston Respublikasi Davlat soliq qo‘mitasi huzuridagi Kadastr agentligi direktori
A.A. Xaitov
—
O‘zbekiston fermer, dehqon xo‘jaliklari va tomorqa yer egalari kengashi raisi
lavozimi bo‘yicha
—
Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari
A.A. Xodjayev
—
Axborot va ommaviy kommunikatsiyalar agentligi direktori
A.K. Ko‘chimov
—
Milliy axborot agentligi bosh direktori
A.J. Xadjayev
—
Milliy teleradiokompaniya raisi
Sh.A. G‘ulomov
—
Davlat statistika qo‘mitasi Qishloq xo‘jaligi va ekologiya statistikasi boshqarmasi boshlig‘i, komissiya kotibi
Izoh. Komissiya a’zolari boshqa ishga o‘tgan taqdirda, uning tarkibiga ushbu lavozimlarga yangidan tayinlangan shaxslar yoki zimmasiga tegishli funksiyalar yuklangan shaxslar kiritiladi.
(3-ilova O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)
Vazirlar Mahkamasining 2021-yil 26-fevraldagi 104-son qaroriga 4-ILOVA
O‘zbekiston Respublikasida 2024-yilda qishloq xo‘jaligi sohasida ro‘yxatdan o‘tkazishga ko‘maklashish bo‘yicha hududiy komissiyalarning
namunaviy tarkibi
1. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, komissiya raisi.
2. Qoraqalpog‘iston Respublikasi Vazirlar Kengashi Raisining hamda viloyatlar va Toshkent shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari — Qoraqalpog‘iston Respublikasi iqtisodiy taraqqiyot va kambag‘allikni qisqartirish vaziri, viloyatlar va Toshkent shahar iqtisodiy taraqqiyot va kambag‘allikni qisqartirish bosh boshqarmalari boshliqlari, komissiya raisining o‘rinbosari.
3. Qoraqalpog‘iston Respublikasi Vazirlar Kengashi Raisining va viloyatlar hokimlarining qishloq va suv xo‘jaligi masalalari bo‘yicha o‘rinbosarlari, komissiya raisining o‘rinbosari.
4. Qoraqalpog‘iston Respublikasi qishloq xo‘jaligi vaziri, viloyatlar qishloq xo‘jaligi boshqarmalari boshliqlari.
5. Qoraqalpog‘iston Respublikasi, viloyatlar va Toshkent shahar statistika boshqarmalari boshliqlari.
6. Qoraqalpog‘iston Respublikasi moliya vaziri, viloyatlar va Toshkent shahar moliya bosh boshqarmalari boshliqlari.
7. Qoraqalpog‘iston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari boshliqlari.
8. Milliy gvardiyaning Qoraqalpog‘iston Respublikasi, viloyatlar va Toshkent shahri bo‘yicha boshqarmalari boshliqlari.
9. Qoraqalpog‘iston Respublikasi, viloyatlar va Toshkent shahar axborot texnologiyalari va kommunikatsiyalarini rivojlantirish boshqarmalari boshliqlari.
10. Qoraqalpog‘iston Respublikasi, viloyatlar va Toshkent shahar Kasbiy ta’limni rivojlantirish va muvofiqlashtirish hududiy boshqarmalari boshliqlari.
11. Qoraqalpog‘iston Respublikasi mahalla va nuroniylarni qo‘llab-quvvatlash vaziri, viloyatlar va Toshkent shahar mahalla va nuroniylarni qo‘llab-quvvatlash boshqarmalari boshliqlari.
(11-band O‘zbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik ma’lumotlari milliy bazasi, 10.08.2022-y., 09/22/438/0726-son)
12. Qoraqalpog‘iston Respublikasi bandlik va mehnat munosabatlari vaziri, viloyatlar va Toshkent shahar bandlik bosh boshqarmalari boshliqlari.
13. Qoraqalpog‘iston Respublikasi veterinariya va chorvachilikni rivojlantirish qo‘mitasi raisi, viloyatlar va Toshkent shahar veterinariya va chorvachilikni rivojlantirish boshqarmalari boshliqlari.
14. Qoraqalpog‘iston Respublikasi, viloyatlar va Toshkent shahar arxiv ishi hududiy boshqarmalari boshliqlari.
15. Kadastr agentligining Qoraqalpog‘iston Respublikasi, viloyatlar va Toshkent shahar boshqarmalari boshliqlari.
16. Qoraqalpog‘iston Respublikasi va viloyatlar fermer, dehqon xo‘jaliklari va tomorqa yer egalari kengashlari raislari.
17. Qoraqalpog‘iston Respublikasi, viloyatlar va Toshkent shahar davlat xizmatlari agentligi boshqarmalari boshliqlari.
18. Qoraqalpog‘iston Respublikasi, viloyatlar va Toshkent shahar statistika boshqarmalari Qishloq xo‘jaligi va ekologiya statistikasi bo‘limi boshliqlari, komissiya kotibi.
Izoh. Komissiya a’zolari boshqa ishga o‘tgan taqdirda, komissiya tarkibiga ushbu lavozimlarga yangidan tayinlangan shaxslar yoki zimmasiga tegishli funksiyalar yuklangan shaxslar kiritiladi.
(Qonun hujjatlari ma’lumotlari milliy bazasi, 26.02.2021-y., 09/21/104/0160-son; Qonunchilik ma’lumotlari milliy bazasi, 05.04.2022-y., 09/22/153/0266-son; 10.08.2022-y., 09/22/438/0726-son; 03.03.2025-y., 09/25/135/0208-son; 07.10.2025-y., 09/25/627/0901-son)
LexUZ sharhi