Oʻzbekiston Respublikasi Prezidentining “Oʻzbekiston Respublikasi avtomobil sanoatini jadal rivojlantirishga oid qoʻshimcha chora-tadbirlar toʻgʻrisida” 2019-yil 18-iyuldagi PQ-4397-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar va qoʻshimchalar kiritilsin.

2. Vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning ijrosini nazorat qilish Oʻzbekiston Respublikasi iqtisodiyot va sanoat vaziri B.A. Xoʻjayev va “Oʻzavtosanoat” AJ boshqaruvi raisi Sh.B. Umurzoqov zimmasiga yuklansin.

1. Vazirlar Mahkamasining 2006-yil 7-martdagi 38-son qarori (Oʻzbekiston Respublikasi qonun hujjatlari toʻplami, 2006-y., 10-son, 77-modda) bilan tasdiqlangan Avtomototransport vositalari bilan bogʻliq bitimlarni rasmiylashtirish tartibi toʻgʻrisidagi nizomda:

a) 3-bandga quyidagi mazmundagi beshinchi xatboshi qoʻshilsin:

“TRADE-IN” dasturi boʻyicha fuqarolar va yuridik shaxslar tomonidan rasmiy dilerlik korxonalariga”;

Beshinchi va oltinchi xatboshlari tegishincha oltinchi va yettinchi xatboshilari deb hisoblansin;

b) 7-bandda:

birinchi xatboshidagi “tasdiqlash” soʻzidan keyin “hamda rasmiy dilerlar tomonidan “TRADE-IN” dasturi boʻyicha ilgari foydalanilgan avtotransport vositalarini oldi-sotdi shartnomasini rasmiylashtirish” soʻzlari qoʻshilsin;

ikkinchi xatboshidagi “tasdiqlanguncha” soʻzidan keyin “hamda rasmiy dilerlar tomonidan “TRADE-IN” dasturi boʻyicha ilgari foydalanilgan avtotransport vositalarini oldi-sotdi shartnomasini rasmiylashtirishga” soʻzlari qoʻshilsin.

2. Vazirlar Mahkamasining 2017-yil 31-avgustdagi 683-son qarori (Oʻzbekiston Respublikasi qonun hujjatlari toʻplami, 2017-y., 36-son, 951-modda) bilan tasdiqlangan Avtomototransport vositalarini davlat roʻyxatidan oʻtkazish tartibi toʻgʻrisidagi nizomda:

a) 2-bandga quyidagi mazmundagi oʻn toʻrtinchi va oʻn beshinchi xatboshlari bilan toʻldirilsin:

““TRADE-IN” — ilgari foydalanishda boʻlgan avtotransport vositasini tegishli toifadagi (yengil, yengil tijorat yoki yuk avtomobili, avtobus, maxsus texnika) yangi mahalliy ishlab chiqarishga oid avtotransport vositasiga narxlaridagi farqni toʻlagan holda almashtirish;

rasmiy diler — Oʻzbekiston Respublikasi hududida yangi avtotransport vositalarini realizatsiya qilish boʻyicha ishlab chiqaruvchi bilan tegishli dilerlik (distribyutorlik) kelishuviga ega yuridik shaxs.”

b) 7-bandining birinchi xatboshidagi “tasdiqlanishidan” soʻzidan keyin “hamda rasmiy dilerlar tomonidan “TRADE-IN” dasturi boʻyicha ilgari foydalanilgan avtotransport vositalarini oldi-sotdi shartnomasini rasmiylashtirishdan” soʻzlari qoʻshilsin.

v) 18-bandda:

beshinchi xatboshiga “(distribyutorlik) tashkiloti” soʻzlaridan keyin “hamda “TRADE-IN” dasturi boʻyicha rasmiy diler)” soʻzlari qoʻshilsin;

quyidagi mazmundagi oltinchi xatboshi qoʻshilsin:

“TRADE-IN” dasturi boʻyicha ilgari foydalanishda boʻlgan avtotransport vositasi oldi-sotdi shartnomasi;”

oltinchi — oʻn ikkinchi xatboshilar tegishincha yettinchi — oʻn uchinchi xatboshilar deb hisoblansin.

g) 33-bandga quyidagi mazmundagi “v¹” kichik band qoʻshilsin:

“rasmiy dilerlar tomonidan “TRADE-IN” dasturi boʻyicha ilgari foydalanishda boʻlgan avtotransport vositasi sotib olinganda;”

d) quyidagi mazmundagi 36¹-band qoʻshilsin:

“36¹. Rasmiy dilerlar tomonidan “TRADE-IN” dasturi boʻyicha ilgari foydalanishda boʻlgan avtotransport vositasi sotib olinganda, vaqtinchalik roʻyxatdan oʻtkazish uchun rasmiy diler vakili hududiy DYHXX organlariga quyidagi hujjatlarni taqdim etadi:

rasmiy dilerning arizasi;

rasmiy diler vakilining shaxsini tasdiqlovchi hujjat;

oʻrnatilgan tartibda rasmiylashtirilgan rasmiy diler vakilining ishonchnomasi;

rasmiy diler bilan avtotransport vositasining egasi oʻrtasida tuzilgan oldi-sotdi shartnomasi;

avtotransport vositasining ROʻDRB va roʻyxatdan oʻtkazilganligi haqidagi guvohnomasi.

“TRADE-IN” dasturi boʻyicha sotib olingan ilgari foydalanishda boʻlgan avtotransport vositasi rasmiy diler tomonidan DYHXX organlarida vaqtinchalik roʻyxatdan oʻtkazishda maʼlumotnoma beriladi (vaqtinchalik roʻyxatdan oʻtkazilgan avtotransport vositasiga ROʻDRB va roʻyxatdan oʻtkazilganligi haqidagi guvohnoma berilmaydi).

Mazkur maʼlumotnoma avtotransport vositasini boshqarish huquqini bermaydi (rasmiy dilerning joylashgan manziliga yoki avtotransport vositasini saqlash joyiga yetib olish bundan mustasno).

Rasmiy dilerlik tashkiloti tomonidan ilgari foydalanilgan avtotransport vositalarini sotib olganlik uchun ularni DYHXX organlarida vaqtinchalik roʻyxatdan oʻtkazish vaqtida yigʻim toʻlanmaydi.”