Oʻzbekiston Respublikasi Prezidentining 2019-yil 4-yanvardagi “Elektrotexnika sanoatining eksport salohiyatini yanada rivojlantirish va oshirish chora-tadbirlari toʻgʻrisida”gi PQ-4090-son qaroriga muvofiq, shuningdek, dori vositalari va tibbiyot buyumlari noqonuniy muomalasining oldini olish choralarini kuchaytirish, aholi bandligini taʼminlash boʻyicha ishlarni takomillashtirish va samaradorligini oshirish, ijro intizomini mustahkamlash va Oʻzbekiston Respublikasi Prezidentining hujjatlari va topshiriqlari ijrosi ustidan nazorat tizimini takomillashtirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2017-yil 5-iyundagi “Toshkent shahrining Yashnobod tumanida innovatsiya texnoparkini tashkil qilish toʻgʻrisida”gi PF-5068-son Farmoni rus tilidagi matnida:

1-ilovaning 24-bandidagi “AK” qisqartmasi “Assotsiatsiya” soʻzi bilan almashtirilsin;

2-ilovaning 8-bandi quyidagi tahrirda bayon etilsin:

“8. Yunusov M.R. — predsedatel Assotsiatsii “Uzeltexsanoat””.

4. Oʻzbekiston Respublikasi Prezidentining 2013-yil 9-oktabrdagi “Toshkent shahrida yoʻlovchi tashish transportini tashkil etish tizimini yanada takomillashtirish chora-tadbirlari toʻgʻrisida”gi PQ-2048-son qarorida:

a) 5-bandning ikkinchi xatboshisidagi “Toshshahartransxizmat” aksiyadorlik kompaniyasi” soʻzlari “Toshshahartransxizmat” aksiyadorlik jamiyati” soʻzlari bilan almashtirilsin;

b) 6-banddagi “Toshshahartransxizmat” aksiyadorlik kompaniyasi” soʻzlari “Toshshahartransxizmat” aksiyadorlik jamiyati” soʻzlari bilan almashtirilsin;

v) 9-bandda:

“Toshshahartransxizmat” aksiyadorlik kompaniyasi” soʻzlari “Toshshahartransxizmat” aksiyadorlik jamiyati” soʻzlari bilan almashtirilsin;

quyidagi mazmundagi xatboshi bilan toʻldirilsin:

“Maʼlumot uchun qabul qilinsinki, mazkur bandning birinchi xatboshisida nazarda tutilgan mablagʻlar, shuningdek, 2016 — 2019-yillarda obyektlarni sotishdan tushgan mablagʻlar soliq solish obyekti hisoblanmaydi”.

5. Oʻzbekiston Respublikasi Prezidentining 2014-yil 6-fevraldagi “2014 — 2018-yillarda respublika elektrotexnika sanoatini boshqarishning tashkil etilishini takomillashtirish va yanada rivojlantirish chora-tadbirlari toʻgʻrisida”gi PQ-2123-son qarori rus tilidagi matnida:

2, 4 va 6-bandlar oʻz kuchini yoʻqotgan deb topilsin;

7-banddagi “AK” qisqartmasi “Assotsiatsii” soʻzi bilan almashtirilsin;

4 va 7-ilovalar oʻz kuchini yoʻqotgan deb topilsin;

8-ilova nomlanishidagi “AK” qisqartmasi “Assotsiatsiyey” soʻzi bilan almashtirilsin.

6. Oʻzbekiston Respublikasi Prezidentining 2017-yil 13-fevraldagi “2017 — 2021-yillarda elektrotexnika sanoatini boshqarishni yanada takomillashtirish, jadal rivojlantirish va diversifikatsiyalash chora-tadbirlari toʻgʻrisida”gi PQ-2772-son qarorida:

1 — 3 va 17-bandlar oʻz kuchini yoʻqotgan deb topilsin;

11-banddagi “AKga” soʻzi “uyushmasiga” soʻzi bilan almashtirilsin;

1 va 2-ilovalar oʻz kuchini yoʻqotgan deb topilsin.

7. Oʻzbekiston Respublikasi Prezidentining 2017-yil 30-noyabrdagi “Shisha tola, elektr tejamkor isitish asbob-uskunalar va energiyaning zamonaviy tejamkor tizimlarini ishlab chiqarishni tashkil etish chora-tadbirlari toʻgʻrisida”gi PQ-3417-son qarori 5-bandining uchinchi xatboshisi “materiallar” soʻzidan keyin “, samosvallar” soʻzi bilan toʻldirilsin.

8. Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarori 9-bandining “a” kichik bandi ikkinchi xatboshisi quyidagi tahrirda bayon etilsin:

“Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasidan 350 milliard soʻm miqdorida ajratiladigan bir martalik begʻaraz moliyaviy yordam”.

9. Oʻzbekiston Respublikasi Prezidentining 2018-yil 14-iyuldagi “Aholi bandligini taʼminlash borasidagi ishlarni takomillashtirish va samaradorligini oshirish chora-tadbirlari toʻgʻrisida”gi PQ-3856-son qarorining 8-bandida:

birinchi xatboshidan “2018-yil 1-avgustdan” soʻzlari chiqarib tashlansin;

ikkinchi — toʻrtinchi xatboshilar quyidagi tahrirda bayon etilsin:

“aholi bandligiga koʻmaklashish markazlarida roʻyxatdan oʻtgan, tadbirkorlik faoliyatini boshlashni xohlovchi ishsiz shaxslarga — yakka tartibdagi tadbirkor sifatida roʻyxatdan oʻtish, kichik korxonalar va mikrofirmalarni davlat roʻyxatidan oʻtkazish, tadbirkorlikka oʻqitish va kredit olishda sugʻurta polisi toʻlovi uchun xarajatlarni eng kam ish haqining 10 baravari miqdorida toʻlash;

ijtimoiy ehtiyojmand aholi qatlamlariga mansub shaxslarni kvotalangan eng kam sondan ortiq miqdorda ishga qabul qilgan tashkilotlarga — har bir xodim uchun 12 oy davomida har oyda eng kam ish haqining 2 baravari miqdorida haq toʻlash;

ish beruvchilarga — aholi bandligiga koʻmaklashish markazlari yoʻllanmasi boʻyicha ishga qabul qilingan xodimlarni kasbga tayyorlash, qayta tayyorlash va ularning malakasini oshirishga sarflanadigan xarajatlarni qoplash uchun — har bir xodim uchun 6 oy davomida har oyda eng kam ish haqining 4 baravari miqdorida toʻlovni amalga oshirish”.

10. Oʻzbekiston Respublikasi Prezidentining 2018-yil 5-oktabrdagi PQ-3962-son qarori bilan tasdiqlangan “Ijro.gov.uz” ijro intizomi idoralararo yagona elektron tizimining ishlash tartibi toʻgʻrisidagi nizomga ilovaning izohi 1-bandidan “ushbu Sxema talablarini hisobga olgan holda,” soʻzlari chiqarib tashlansin.

11. Oʻzbekiston Respublikasi Prezidentining 2018-yil 30-noyabrdagi “Toshkent shahrida Adju universitetini tashkil etish toʻgʻrisida”gi PQ-4041-son qaroriga ilovaning oʻn ikkinchi xatboshisi quyidagi tahrirda bayon etilsin:

“M.R. Yunusov — “Oʻzeltexsanoat” uyushmasi raisi”.

12. Oʻzbekiston Respublikasi Prezidentining 2019-yil 4-yanvardagi “Elektrotexnika sanoatining eksport salohiyatini yanada rivojlantirish va oshirish chora-tadbirlari toʻgʻrisida”gi PQ-4090-son qarori 1-bandi quyidagi mazmundagi xatboshi bilan toʻldirilsin:

“Bunda “Oʻzeltexsanoat” AK mol-mulki va boshqa mablagʻlarini topshirish-qabul qilish dalolatnomasiga muvofiq “Oʻzeltexsanoat” uyushmasiga oʻtkazish soliq solish obyekti hisoblanmaydi”.

14. Oʻzbekiston Respublikasi Prezidentining 2017-yil 9-avgustdagi “Ijro intizomi idoralararo yagona elektron tizimini joriy etish chora-tadbirlari toʻgʻrisida”gi F-5017-son farmoyishi rus tilidagi matnida:

a) 1-bandda:

ikkinchi xatboshi chiqarib tashlansin;

uchinchi — toʻqqizinchi xatboshilar tegishincha ikkinchi — sakkizinchi xatboshilar deb hisoblansin;

toʻrtinchi va beshinchi xatboshilar chiqarib tashlansin;

oltinchi — sakkizinchi xatboshilar tegishincha toʻrtinchi — oltinchi xatboshilar deb hisoblansin;

b) 1, 3 va 3a-ilovalar oʻz kuchini yoʻqotgan deb topilsin.

1. Oʻzbekiston Respublikasi Prezidentining 2017-yil 6-iyuldagi “Oʻzbekiston Respublikasi Prezidentining ayrim hujjatlariga oʻzgartirishlar va qoʻshimcha kiritish, shuningdek ayrimlarini oʻz kuchini yoʻqotgan deb hisoblash toʻgʻrisida”gi PF-5111-son Farmoniga 1-ilovaning 21-bandi “b” kichik bandi.

2. Oʻzbekiston Respublikasi Prezidentining 2017-yil 22-maydagi “Oʻzbekiston Respublikasi Prezidentining “2014 — 2018-yillarda respublika elektrotexnika sanoatini boshqarishni takomillashtirish va yanada rivojlantirishni tashkil etish chora-tadbirlari toʻgʻrisida” 2014-yil 6-fevraldagi PQ-2123-sonli qaroriga oʻzgartish kiritish toʻgʻrisida”gi PQ-2986-son qaroriga ilovaning 2-bandi.