1.07.00.00.00 Moliya va kredit toʻgʻrisidagi qonunchilik. Bank faoliyati / 07.28.00.00 Investitsiyalar va xorijdan mablagʻ jalb qilish (shuningdek, 07.05.04.00, 09.12.03.00, 10.01.05.00larga qarang) / 07.28.02.00 Investitsiya faoliyati subyektlari;
2.09.00.00.00 Tadbirkorlik va xoʻjalik faoliyati / 09.13.00.00 Shaharsozlik va arxitektura / 09.13.04.00 Muhandislik va transport inshootlari va kommunikatsiyalari tizimi.Obodonlashtirish. Koʻkalamzorlashtirish]
[TSZ:
1.Iqtisodiyot / Arxitektura va qurilish;
2.Moliya / Investitsiyalar]
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida” 2018-yil 2-avgustdagi PQ-3895-son qarorini amalga oshirish chora-tadbirlari haqida
Oʻzbekiston Respublikasi Prezidentining “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida” 2018-yil 2-avgustdagi PQ-3895-son qarorining ijrosini taʼminlash maqsadida Vazirlar Mahkamasi qaror qiladi:
1. Quyidagilar:
“Business city” zamonaviy ishbilarmonlik markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibi toʻgʻrisida nizom 1-ilovaga muvofiq;
“Business city” zamonaviy ishbilarmonlik markazlari hududida investorlarni tanlash va joylashtirish boʻyicha tanlov komissiyasining namunaviy tarkibi 2-ilovaga muvofiq tasdiqlansin.
2. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tegishli tumanlar va shaharlarda tashkil etiladigan “Business city” zamonaviy ishbilarmonlik markazlari hududida obyektlarni qurish va ulardan foydalanish direksiyalari tashkil qilinishini va ularning samarali faoliyat yuritishini taʼminlasinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov, Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 5-iyun,
461-son
Vazirlar Mahkamasining 2019-yil 5-iyundagi 461-son qaroriga 1-ILOVA
“Business city” zamonaviy ishbilarmonlik markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibi toʻgʻrisida
NIZOM
1-bob. Umumiy qoidalar
1. Ushbu Nizom respublika hududlarida tashkil etiladigan “Business city” zamonaviy ishbilarmonlik markazlari (keyingi oʻrinlarda “Business city” markazlari deb ataladi) hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
“Business city” markazi — tuman va shahar markazlarining meʼmoriy qiyofasini yanada yaxshilash va obodonlashtirish, ularning xorijiy va mahalliy investorlar uchun jozibadorligini oshirish, asosiy turizm yoʻnalishlarida zamonaviy obyektlar qurish, shuningdek, koʻrsatiladigan xizmatlar roʻyxatini kengaytirish va sifatini yaxshilash maqsadida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining tegishli qarori asosida chegaralari aniq belgilangan holda tashkil etiladigan hudud;
“Business city” markazi konsepsiyasi — Oʻzbekiston Respublikasi Vazirlar Mahkamasi bilan kelishilgan holda mahalliy va xorijiy loyiha tashkilotlari tomonidan ishlab chiqiladigan “Business city” markazining batafsil qiyofasini oʻzida aks ettiruvchi bosh rejasi va asosiy koʻrsatkichlari aniq yoritilgan maʼlumotnoma;
direksiya — buyurtmachi funksiyalarini bajarish, “Business city” markazlari hududida obyektlar qurilishini muvofiqlashtirish va nazorat qilish uchun Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzurida tashkil etiladigan davlat unitar korxonasi;
“Business city” markazlari hududida investorlarni tanlash va joylashtirish boʻyicha tanlov komissiyasi (keyingi oʻrinlarda komissiya deb ataladi) — Oʻzbekiston Respublikasi Vazirlar Mahkamasining qarori bilan belgilanadigan naʼmunaviy tarkibda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining qarori asosida tashkil etiladigan kollegial organ;
loyiha tashabbuskori — taklif etilgan shartlarda tanlovda qatnashish istagini bildirgan Oʻzbekiston Respublikasining rezidenti yoki norezidenti boʻlgan yuridik va jismoniy shaxs;
vakolatli vakil — tanlovda ishtirok etish uchun loyiha tashabbuskori tomonidan ishonchnomaga asosan vakolat berilgan jismoniy shaxs;
“Business city” markazi investori — “Business city” markazi hududida qurilish va (yoki) boshqa faoliyatni amalga oshiradigan, belgilangan tartibda tanlovdan oʻtgan holda “Business city” markazi investori maqomini olgan tadbirkorlik subyekti;
“Business city” markazi hududida investitsiyalash toʻgʻrisidagi bitim (keyingi oʻrinlarda investitsiyalash toʻgʻrisidagi bitim deb ataladi) — direksiya bilan investor (investorlar) oʻrtasida tuziladigan, tomonlarning huquqlari, majburiyatlari va javobgarligini belgilaydigan bitim;
“Business city” markazi lotlari — “Business city” markazi hududidagi yer uchastkalarining ishlab chiqilgan konsepsiyaga muvofiq tegishli boʻlaklarga ajratilgan qismlari;
tanlov — belgilangan mezonlar va shartlar asosida “Business city” markazlari hududida investorlarni tanlash va joylashtirish boʻyicha qatnashchilar tomonidan taqdim etilgan eng yaxshi investitsiya takliflarini tanlash jarayoni;
investitsiya majburiyatlari — “Business city” markazlari hududida obyektlar qurilishi boʻyicha investitsiya loyihasida nazarda tutilgan muayyan maqsadlarga erishish uchun investorning oʻzi qabul qiladigan majburiyatlar.
3. Qoraqalpogʻiston Respublikasi, viloyatlar va Toshkent shahrining tegishli tumanlari va shaharlarida tashkil etiladigan “Business city” markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish ushbu Nizomga 1-ilovaga binoan sxema boʻyicha amalga oshiriladi.
4. “Business city” markazlari hududida investorlarning eng yaxshi investitsiya takliflarini tanlash boʻyicha tanlovlarni oʻtkazish bilan bogʻliq barcha tashkiliy masalalarni hal etish direksiyaga yuklanadi.
5. Komissiya oʻz faoliyatida Oʻzbekiston Respublikasi Konstitutsiyasiga, qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga hamda mazkur Nizomga amal qiladi.
2-bob. “Business city” markazlarini tashkil etish toʻgʻrisidagi takliflarni Oʻzbekiston Respublikasi Vazirlar Mahkamasi bilan kelishish tartibi
6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan tegishli tumanlar va shaharlarda “Business city” markazlarini tashkil etish toʻgʻrisidagi takliflar:
tegishli shaharni (tumanni) rivojlantirish konsepsiyasi va tasdiqlangan bosh rejasiga muvofiqligi;
mavjud turar-joy, noturar bino va inshootlarni buzish, ichki muhandislik va transport kommunikatsiyalarining tarmoqlarini barpo etish, umumiy foydalaniladigan joylarni obodonlashtirish uchun eng kam sarf-xarajatlarni amalga oshirish imkoniyatidan kelib chiqib, mazkur hududlarning chegaralarini aniq koʻrsatgan holda, Oʻzbekiston Respublikasi Vazirlar Mahkamasiga kelishish uchun belgilangan tartibda kiritiladi.
7. Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati tomonidan oʻn kun muddatda Iqtisodiyot va sanoat vazirligi, Qurilish vazirligi, Uy-joy kommunal xizmat koʻrsatish vazirligi, “Davergeodezkadastr” davlat qoʻmitasining tegishli xulosalarini olgan holda, “Business city” markazlarini tashkil etish toʻgʻrisidagi takliflarni amalga oshirish istiqbollari oʻrganib chiqiladi hamda Oʻzbekiston Respublikasining Bosh vaziriga axborot kiritiladi.
8. Oʻzbekiston Respublikasi Vazirlar Mahkamasining ijobiy koʻrsatmasi asosida uch kun muddatda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining tegishli tumanlar va shaharlarda “Business city” markazlarini hamda ushbu markazlar hududida obyektlarni qurish va ulardan foydalanish direksiyasini tashkil etish toʻgʻrisidagi qarorlari qabul qilinadi.
9. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan ikki oy muddatda Iqtisodiyot va sanoat vazirligi, Qurilish vazirligi, Uy-joy kommunal xizmat koʻrsatish vazirligi, “Yergeodezkadastr” davlat qoʻmitasining tegishli xulosalari asosida mahalliy va xorijiy loyiha tashkilotlari tomonidan “Business city” markazining batafsil qiyofasini oʻzida aks ettiruvchi va asosiy koʻrsatkichlari aniq yoritilgan konsepsiyasi ishlab chiqilishi hamda kelishish uchun Oʻzbekiston Respublikasi Vazirlar Mahkamasiga kiritilishi taʼminlanadi.
10. Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati tomonidan uch kun muddatda “Business city” markazinining yakuniy konsepsiyasi toʻgʻrisida Oʻzbekiston Respublikasining Bosh vaziriga axborot beriladi hamda kelishiladi.
3-bob. Investorlarning eng yaxshi investitsiya takliflarini “Business city”markazi hududida joylashtirish uchun tanlov tashkil etish tartibi
11. Investorlarning eng yaxshi investitsiya takliflarini “Business city” markazlari hududiga joylashtirish boʻyicha tanlov shartlarini belgilash maqsadida direksiya bir oy muddatda:
yer uchastkalari va boshqa mol-mulk olib qoʻyilishi, uy-joylar, noturar joy bino va inshootlar buzilishi sababli mulkdorlarga yetkazilgan zararlarni qoplash, hududlarni tozalash, yer ishlarini bajarish, muhandislik va transport kommunikatsiyalarining maydondagi ichki tarmoqlarini qurish, umumiy foydalaniladigan hududlarni obodonlashtirish, reklama kompaniyalari va taqdimot tadbirlarini oʻtkazish, shuningdek, mahalliy, xorijiy konsalting va arxitektura kompaniyalari xizmatlari uchun zarur boʻladigan xarajatlar miqdoriga aniqlik kiritadi;
jalb etilgan loyiha tashkilotlari tomonidan ishlab chiqilgan “Business city” markazining yakuniy konsepsiyasiga muvofiq tanlangan hududni tegishli lotlarga ajratadi.
12. “Business city” markazi qurilishi uchun tanlangan hududning ishlab chiqilgan konsepsiyaga muvofiq ajratilgan lotlari soni va investorlarga beriladigan yer uchastkalari oʻlchamlariga mutanosib ulushlarda toʻlanishi lozim boʻlgan mablagʻlar miqdori belgilangan tartibda direksiya tomonidan aniqlashtiriladi hamda bir hafta muddatda komissiya muhokamasida koʻrib chiqib, tasdiqlanadi.
13. Tanlovoldi barcha jarayonlar amalga oshirilgandan soʻng besh kun muddatda direksiyaning oʻz rasmiy veb-saytida “Business city” markazining konsepsiyasi joylashtiriladi.
Tanlov oʻtkazilishidan kamida oʻttiz kun oldin mahalliy va xorijiy ommaviy axborot vositalarida “Business city” markazi qurilishi boʻyicha tanlov toʻgʻrisida eʼlonlar joylashtiriladi.
Shuningdek, Oʻzbekiston Respublikasining chet eldagi diplomatik vakolatxonalari orqali “Business city” markazi qurilishi boʻyicha tanlov toʻgʻrisida xorijiy davlatlarda targʻibot ishlari amalga oshiriladi.
14. Tanlov toʻgʻrisidagi eʼlonda quyidagilar koʻrsatiladi:
tanlovga qoʻyilgan “Business city” markazi lotlari soni va nomlanishi, yer uchastkasi joylashgan joyi va tashqi-muhandislik kommunikatsiya tarmoqlarining mavjudligi;
tanlovni oʻtkazish sanasi, vaqti va joyi;
tanlov uchun investitsiya takliflarini qabul qilish muddati (sanasi va vaqtini koʻrsatgan holda);
tanlov hujjatlari namunalarini va tanlov toʻgʻrisida qoʻshimcha axborot olish mumkin boʻlgan manzil;
loyiha tashabbuskori tomonidan taqdim etilishi lozim boʻlgan hujjatlar roʻyxati;
investitsiya buyurtmanomasini taqdim etish tartibi va shakli.
15. Komissiya tomonidan investitsiya buyurtmanomalarini tanlash ochiq tanlov tarzida oʻtkaziladi.
Direksiya tanlov oʻtkazishni tashkil etadi hamda investitsiya takliflari koʻrib chiqilishini muvofiqlashtirib boradi.
16. Tanlovda Oʻzbekiston Respublikasi rezidentlari va norezidentlari boʻlgan yuridik va jismoniy shaxslar ishtirok etishlari mumkin.
4-bob. Direksiyaga hujjatlarni taqdim etish tartibi
17. Loyiha tashabbuskori oʻz investitsiya taklifini “Business city” hududiga joylashtirish uchun mazkur Nizomga 2-ilovadagi shaklga muvofiq toʻldirilgan buyurtmanomani direksiyaga taqdim etadi.
18. Investitsiya buyurtmanomasiga quyidagilar ilova qilinadi:
“Business city” markazi hududida qurilishi rejalashtirilayotgan bino va inshootlar (keyingi oʻrinlarda obyekt deb ataladi) taqdimoti;
vakolatli davlat organi tomonidan berilgan yuridik shaxs (investor)ning davlat roʻyxatidan oʻtkazilganligi toʻgʻrisidagi guvohnoma yoki investor faoliyatini tasdiqlovchi boshqa hujjatlar;
oxirgi hisobot davri uchun tegishli davlat soliq organiga taqdim etilgan buxgalteriya balansi;
agar loyihani amalga oshirish uchun yangi yuridik shaxs tashkil etilsa, tashkil etiladigan yuridik shaxs, shu jumladan uning ustav jamgʻarmasi miqdori va taʼsischilari toʻgʻrisida maʼlumot.
Direksiyaga taqdim etilgan maʼlumotlar va hujjatlarning ishonchliligi uchun javobgarlik loyiha tashabbuskori zimmasiga yuklanadi.
19. Investorning xohishiga koʻra hujjatlar direksiyaga xorijiy tilda, shuningdek, majburiy tartibda ingliz, oʻzbek yoki rus tillariga tarjimasi bilan birga taqdim etiladi.
Investitsiya buyurtmanomasi unga ilova qilinadigan hujjatlar bilan birga elektron pochta orqali elektron raqamli imzo bilan tasdiqlangan holda direksiyaga yuborilishi ham mumkin.
20. Investitsiya loyihasining taqdimotida quyidagi asosiy maʼlumotlar aks ettirilishi lozim:
a) qurilishi rejalashtirilayotgan obyektda energiyani tejaydigan hamda yuqori texnologik materiallar va mahsulotlardan foydalanish hamda binolarning zamonaviy arxitektura qiyofasini hisobga olgan holdagi tavsifi;
b) obyekt qurilishi loyihasining dastlabki qiymati va yoʻnalishi;
v) kelgusida obyektning barqaror faoliyat yuritishi uchun zarur boʻladigan infratuzilma va muhandislik tarmoqlari toʻgʻrisida maʼlumot;
g) obyektni samarali joylashtirish va qurilishni yakuniga yetkazish uchun zarur boʻladigan yer maydoni va amalga oshirish muddati;
d) loyihaning xususiyatidan kelib chiqib, boshqa muhim maʼlumotlar ham aks ettirilishi mumkin.
21. Direksiya loyiha tashabbuskorining buyurtmanomasi kelib tushgan kundan boshlab ikki kun muddatda taqdim etilgan hujjatlarni mazkur Nizomning 18 va 20-bandlariga muvofiqligini koʻrib chiqadi.
Loyiha tashabbuskori tomonidan taqdim etilgan hujjatlar boʻyicha eʼtirozlar mavjud boʻlmagan, taqdirda direksiya taklif etilayotgan investitsiya taklifini koʻrib chiqish boʻyicha komissiya raisiga axborot kiritadi.
Koʻrib chiqish natijasiga koʻra taqdim etilgan hujjatlar ushbu Nizomning 18 va 20-bandlarida belgilangan talablarga nomuvofiq boʻlgan, shuningdek, investitsiya loyihasi toʻgʻrisida toʻliq axborot taqdim etilmagan va (yoki) loyiha “Business city” markazi konsepsiyasiga nomuvofiq boʻlgan taqdirda, hujjatlar direksiya tomonidan bir ish kuni muddatda qayta kiritish uchun kamchiliklarni koʻrsatgan holda loyiha tashabbuskoriga qaytariladi.
Loyiha tashabbuskori koʻrsatilgan kamchiliklarni bartaraf etgan holda tanlov oʻtkazish toʻgʻrisidagi eʼlonda belgilangan muddatga qadar tegishli hujjatlarni direksiyaga qayta kiritishi mumkin.
22. Komissiyaning navbatdagi yigʻilishida koʻrib chiqish uchun loyiha toʻgʻrisidagi axborot varaqasiga investitsiya buyurtmanomasi hamda boshqa tegishli hujjatlar ilova qilinadi.
23. Loyiha tashabbuskori investitsiya takliflari boʻyicha tanlov yigʻilishi oʻtkazilgunga qadar har qanday bosqichda buyurtmanomani qaytarib olish toʻgʻrisida murojaat qilish huquqiga ega.
Agar direksiya buyurtmanomani qaytarib olish toʻgʻrisidagi murojaatga ikki kun muddatda javob yoʻllamasa buyurtmanoma qaytarib olingan hisoblanadi. Qaytarib olingan buyurtmanomalar boʻyicha yuridik harakatlar toʻxtatiladi.
5-bob. Investitsiya buyurtmanomalarini komissiya tomonidan koʻrib chiqish tartibi
24. “Business city” markazi hududida investitsiya takliflarini joylashtirish boʻyicha taqdim etilgan buyurtmanomalarni koʻrib chiqish yuzasidan komissiya yigʻilishi eʼlonda belgilangan vaqtda, zaruratga koʻra, direksiya taklifi asosida komissiya raisi tomonidan belgilanadigan vaqtda oʻtkaziladi.
25. Direksiya komissiya yigʻilishidan bir kun oldin yigʻilishni oʻtkazish vaqti, joyi va koʻrib chiqiladigan masalalar toʻgʻrisida komissiyaning barcha aʼzolarini xabardor qiladi.
26. “Business city” markazi hududiga joylashtirish uchun eng yaxshi investitsiya takliflarini tanlash quyidagi mezonlar asosida aniqlanadi:
loyihaning “Business city” markazi konsepsiyasiga muvofiqligi;
loyihani amalga oshirish uchun jalb etiladigan investitsiya miqdori;
obyekt qurilishi uchun yuqori texnologik materiallar va buyumlardan foydalanish darajasi;
loyihani amalga oshirishda yangi zamonaviy energiyani tejaydigan texnologiyalardan foydalangan holda, shuningdek, muqobil va qayta tiklanuvchi energiya manbalarini qoʻllash orqali yaxlit ekotizim yaratish.
27. Komissiya tomonidan xalqaro biznes rivojlanishining zamonaviy tendensiyalari hisobga olingan holda, istisno tariqasida, salohiyatli investorlarning “Business city” markazi konsepsiyasidan farq qiladigan yirik investitsiya loyihalarini amalga oshirishga ruxsat berilishi mumkin.
28. Komissiyaning eng yaxshi investitsiya takliflarini tanlash toʻgʻrisidagi qarori komissiya aʼzolari tomonidan ochiq ovoz berish yoʻli bilan oddiy koʻpchilik ovoz asosida qabul qilinadi hamda yigʻilish oʻtkazilgandan soʻng besh kun muddatda bayonnoma bilan rasmiylashtiriladi.
Mazkur qaror direksiya va investor oʻrtasida “Business city” markazi hududida investitsiyalash toʻgʻrisida bitim tuzish uchun asos hisoblanadi.
29. Agar tanlov oʻtkazish muddatida faqat bir nafar investordan buyurtmanoma kelib tushgan boʻlsa, tanlov boʻlib oʻtmagan deb hisoblanadi.
30. Komissiya tomonidan yagona loyiha tashabbuskorining investitsiya taklifini “Business city” markazi konsepsiyasiga muvofiq yoki muvofiq emasligi koʻrib chiqiladi hamda komissiyaning ijobiy qarori mazkur investitsiya taklifini “Business city” markazi hududiga joylashtirish uchun asos hisoblanadi.
6-bob. Investitsiyalash toʻgʻrisidagi bitimni tuzish tartibi
31. Direksiya komissiya bayoni tasdiqlangandan soʻng besh kun muddatda ingliz, oʻzbek va rus tillarida investitsiyalash toʻgʻrisida bitim loyihasini tayyorlaydi hamda koʻrib chiqish va kelishish (imzolash) uchun investitsiya taklifi maʼqullangan investorga yuboradi.
32. Investitsiya taklifi maʼqullangan investor va direksiya oʻrtasida investitsiyalash toʻgʻrisida bitim rasmiylashtiriladi hamda ushbu investor “Business city” markazi investorlari roʻyxatiga kiritiladi.
Agar loyihani amalga oshirish uchun yangi korxona tashkil etish nazarda tutilgan boʻlsa, bu toʻgʻrisida qisqa muddatda direksiyaga mazkur yuridik shaxsni “Business city” markazi investorlari roʻyxatiga kiritish haqida xabar berilishi lozim.
investitsiya majburiyatlarining miqdori va bajarish muddatlari;
investorning huquq va majburiyatlari;
direksiyaning huquq va majburiyatlari;
loyihaning amalga oshirilishi yuzasidan monitoring va texnik nazorat oʻrnatilishi;
investitsiya majburiyatlarining bajarilishi boʻyicha hisobot topshirish tartibi;
yer uchastkalari va boshqa mol-mulklarning olib qoʻyilishi, uy-joylar, noturar joy bino va inshootlarning buzilishi sababli mulkdorlarga yetkazilgan zararlarni qoplash, hududlarni tozalash, yer ishlarini bajarish, muhandislik va transport kommunikatsiyalarining maydondagi ichki tarmoqlarini qurish, umumiy foydalaniladigan hududlarni obodonlashtirish, reklama kompaniyalari va taqdimot tadbirlarini oʻtkazish, shuningdek, mahalliy, xorijiy konsalting va arxitektura kompaniyalari xizmatlari uchun zarur boʻladigan xarajatlar uchun toʻlov miqdori va ularni toʻlash tartibi;
investitsiyalash toʻgʻrisidagi bitim qoidalari buzilganligi uchun taraflarning javobgarligi;
investitsiyalash toʻgʻrisidagi bitimga oʻzgartirish va qoʻshimchalar kiritish;
investitsiyalash toʻgʻrisidagi bitimning amal qilishini toʻxtatish;
nizolarni hal etish tartibi.
Ayrim loyihalarning oʻziga xos xususiyatlaridan kelib chiqib, bitimda alohida shartlar koʻzda tutilishi mumkin.
34. Investitsiyalash toʻgʻrisidagi bitimning rasmiylashtirilishi investor zimmasiga ajratilayotgan yer uchastkasiga mutanosib ravishda tegishli mablagʻlarni direksiya hisobraqamiga oʻtkazish boʻyicha majburiyat yuklaydi.
35. Zaruratga koʻra, investitsiyalash toʻgʻrisidagi bitimning alohida shartlarini kelishish maqsadida direksiya va investor oʻrtasida muzokaralar oʻtkazilishi mumkin.
36. Loyiha tashabbuskori va direksiya oʻrtasida “Business city” markazi hududida investitsiyalash toʻgʻrisida rasmiylashtirilgan bitim belgilangan tartibda tegishli direksiyada roʻyxatga olinadi.
Investitsiyalash toʻgʻrisidagi bitim roʻyxatga olingan kundan boshlab kuchga kiradi.
7-bob. Investorlarga obyektlar qurilishi uchun yer uchastkalari berish va ularni “Business city” markazlari hududida joylashtirish tartibi
37. Investitsiyalash toʻgʻrisidagi bitim kuchga kirgan kundan eʼtiboran besh kun muddatda, agar bitimda boshqa muddat koʻrsatilmagan boʻlsa, direksiya tomonidan “Business city” markazi hududidan qurilish uchun investorga yer uchastkasi berish toʻgʻrisida tegishliligiga koʻra Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga iltimosnomalar kiritiladi.
38. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari direksiyaning tegishli iltimosnomalari kelib tushgandan soʻng bir hafta muddatda investorga rejalashtirilgan loyiha doirasida qurilishni amalga oshirish uchun:
belgilangan investitsiya majburiyatlarini bajarish;
yer uchastkalari va boshqa mulklarning olib qoʻyilishi, yer ishlari bajarilishi, ichki muhandislik tarmoqlari va transport kommunikatsiyalari qurilishi, umumiy foydalanishdagi hududlarni obodonlashtirish munosabati bilan mulkdorlarga yetkazilgan zararni toʻliq qoplab berish sharti bilan iltimosnomada koʻrsatilgan muddatdan kam boʻlmagan muddatga yer uchastkasini doimiy foydalanish huquqi asosida berish toʻgʻrisida qaror qabul qiladi.
39. Bunda investitsiya loyihasi tashabbuskori boʻlgan investor quyidagi majburiyatlarni oʻz zimmasiga oladi:
obyekt qurilishi boʻyicha loyiha-smeta hujjatlarini ishlab chiqish hamda belgilangan tartibda davlat ekspertizasining ijobiy xulosasini olish;
obyekt qurilishi boʻyicha pudrat tashkilotlari bilan shartnomalar tuzish;
qurilish uchastkasi hududini maxsus toʻsiqlar bilan oʻrab olish hamda hududda qurilish ishlari olib borilayotganligi toʻgʻrisida ogohlantirish belgilari oʻrnatish;
quruvchilarning qurilish hududida ishlashi uchun qulay sharoitlar yaratish;
investitsiya shartnomasida koʻrsatilgan, bajarilishi zarur boʻlgan boshqa harakatlarni amalga oshirish.
40. Investorning shartnoma asosida olgan huquq va majburiyatlarini uchinchi shaxslarga berishi taqiqlanadi.
8-bob. Komissiya faoliyatini tashkil etish va tanlov natijalarini rasmiylashtirish tartibi
41. Komissiya oʻz faoliyatida quyidagi huquqlarga ega:
ushbu Nizom va boshqa qonun hujjatlari talablari buzilgan, tanlov jarayonini buzgan til biriktirish va oldindan koʻrib boʻlmaydigan boshqa holatlar aniqlangan taqdirda, tanlov oʻtkazishni toʻxtatish;
tanlov natijasida investitsiya loyihalari maʼqullangan loyiha tashabbuskorlariga “Business city” markazi investori maqomini berish hamda ularni joylashtirish toʻgʻrisida qaror qabul qilish;
“Business city” markazi faoliyatini tashkil etish boʻyicha davlat va xoʻjalik boshqaruv organlari hamda mahalliy davlat hokimiyati organlari faoliyatini muvofiqlashtirish;
direksiyaning moliya-xoʻjalik faoliyati boʻyicha yillik hisobotini eshitish hamda mavjud muammolar yechimi yuzasidan chora-tadbirlarni belgilash;
“Business city” markazi hududidagi yer uchastkalari oʻlchamlariga mutanosib ulushlarda investorlar tomonidan toʻlanishi lozim boʻlgan mablagʻlar miqdorini belgilash;
“Business city” markazi hududida qurilishi tugallangan bino va inshootlarni investitsiyalash toʻgʻrisidagi bitim talablariga muvofiq foydalanishga qabul qilish.
42. Komissiya faoliyatiga komissiya raisi rahbarlik qiladi, uning vakolatiga quyidagilar kiradi:
komissiyaning navbatdagi yigʻilishini chaqirish va yigʻilishning kun tartibini belgilash;
komissiya tomonidan qabul qilingan qarorlarning bajarilishini nazorat qilish;
komissiya aʼzolari zimmasiga yuklangan vazifalarning bajarilishini muvofiqlashtirish;
komissiya faoliyatini samarali tashkil etish uchun qonunchilikda taqiqlanmagan boshqa vazifalarni bajarish.
43. Direksiya komissiya faoliyatini tashkil etish maqsadida quyidagilarni amalga oshiradi:
komissiya aʼzolari, loyiha tashabbuskorlari, investorlar, manfaatdor vazirliklar, idoralar va boshqa tashkilotlarning takliflari asosida komissiya majlisi kun tartibini shakllantirish va kelishish uchun komissiya raisiga kiritish;
yigʻilish kun tartibidagi masalalar boʻyicha zarur hujjatlar va maʼlumotlarni tayyorlash hamda komissiya aʼzolariga taqdim etish;
komissiya majlisi bayonlarini yuritish va bayon loyihalarini komissiya aʼzolari bilan kelishilishini taʼminlash;
komissiya qarorlari ijrosini tashkil etish;
komissiya qarorlarining ijro etilishi yuzasidan doimiy ravishda komissiya raisiga axborot berib borish.
44. Komissiya majlislari, zaruratga koʻra, shu jumladan har oyda kamida bir marotaba oʻtkazilishi lozim.
45. Komissiya yigʻilishlari komissiya raisi, uning yoʻqligida esa — komissiya raisi oʻrinbosari tomonidan oʻtkaziladi.
Komissiya yigʻilishi uning aʼzolarining kamida uchdan ikki qismi ishtirok etganda vakolatli hisoblanadi.
46. Komissiyaning “Business city” markazi hududiga joylashtirish uchun investitsiya takliflarini tanlash toʻgʻrisidagi qarori tanlovda ishtirok etgan barcha qatnashchilar, ularning takliflari mazmuni koʻrsatilgan holda yigʻilish bayoni shaklida rasmiylashtiriladi.
47. Komissiya yigʻilishining bayoni tanlov oʻtkazilgandan soʻng uch kun muddatda barcha komissiya aʼzolari va direksiya tomonidan imzolanadi hamda komissiya raisi tomonidan tasdiqlanadi.
Tasdiqlangan yigʻilish bayonining koʻchirmasi direksiya tomonidan ikki kun muddatda barcha komissiya aʼzolariga, “Business city” markazi investorlariga, ular tomonidan vakil qilingan shaxslarga hamda manfaatdor tashkilotlarga yuboriladi.
Komissiya yigʻilishi bayonining asl nusxasi va tanlov bilan bogʻliq barcha hujjatlar komissiya direksiyada saqlanadi.
48. Komissiya yigʻilishining “Business city” markazi hududiga joylashtirish uchun investitsiya takliflarini tanlash toʻgʻrisidagi qarori yigʻilishda ishtirok etgan komissiya aʼzolarining oddiy koʻpchilik ovozi orqali qabul qilinadi. Ovozlar teng boʻlganda, komissiya raisining ovozi hal qiluvchi hisoblanadi.
Komissiya raisi alohida masalalarni tezkorlik bilan hal etish maqsadida uning aʼzolaridan soʻrov orqali olingan munosabatlari asosida qarorlar qabul qilish huquqiga ega.
9-bob. Yakunlovchi qoidalar
49. Loyiha tashabbuskorini “Business city” markazi investori maqomini bekor qilish qonun hujjatlarida belgilangan tartibda, ixtiyoriy yoki sud tartibida amalga oshiriladi, shuningdek investitsiyalash toʻgʻrisidagi bitimning bekor boʻlishiga asos boʻlib xizmat qiladi.
50. Direksiya loyiha tashabbuskori “Business city” markazi investori sifatida roʻyxatdan oʻtkazilgan yoki roʻyxatdan chiqarilgan kundan boshlab bir ish kuni ichida, bu haqda davlat soliq organlarini va boshqa manfaatdor tashkilotlarni, shuningdek roʻyxatdan chiqarilgan kunda darhol davlat bojxona organlarini xabardor qiladi.
“Business city” zamonaviy ishbilarmonlik markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibi toʻgʻrisidagi nizomga 1-ILOVA
Qoraqalpogʻiston Respublikasi, viloyatlar va Toshkent shahrining tegishli tumanlari va shaharlarida tashkil etiladigan “Business city” markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari
Tegishli tumanlar va shaharlarda “Business city” markazlarini tashkil etish toʻgʻrisidagi takliflar, mazkur hududlarning chegaralarini aniq koʻrsatgan holda, kelishish uchun belgilangan tartibda Oʻzbekiston Respublikasi Vazirlar Mahkamasiga kiritiladi.
zaruratga koʻra belgilangan muddatda
2-bosqich
Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan “Business city” markazlarini tashkil etish toʻgʻrisidagi takliflarni amalga oshirish istiqbollari, manfaatdor vazirlik va idoralarning tegishli xulosalarini olgan holda, oʻrganib chiqiladi hamda Oʻzbekiston Respublikasining Bosh vaziriga axborot kiritiladi.
oʻn kun muddatda
3-bosqich
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari
1. Oʻzbekiston Respublikasi Vazirlar Mahkamasining ijobiy koʻrsatmasi asosida tegishli tumanlar va shaharlarda “Business city” markazlarini hamda ushbu markazlar hududida obyektlarni qurish va ulardan foydalanish direksiyasini tashkil etish toʻgʻrisida qarorlar qabul qilinadi.
uch kun muddatda
2. Manfaatdor vazirlik va idoralarning tegishli xulosalari olingan holda mahalliy va xorijiy loyiha tashkilotlari tomonidan “Business city” markazining batafsil qiyofasini oʻzida aks ettiruvchi va asosiy koʻrsatkichlari aniq yoritilgan konsepsiyasi ishlab chiqilishi hamda kelishish uchun Oʻzbekiston Respublikasi Vazirlar Mahkamasiga kiritilishi taʼminlanadi.
ikki oy muddatda
4-bosqich
Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan kiritilgan “Business city” markazining yakuniy konsepsiyasi toʻgʻrisida Oʻzbekiston Respublikasining Bosh vaziriga axborot beriladi hamda kelishiladi.
uch kun muddatda
5-bosqich
“Business city” markazi hududida obyektlarni qurish va ulardan foydalanish direksiyasi
1. “Business city” markazi qurilishi uchun tanlangan hududda yer uchastkalari va boshqa mol-mulk olib qoʻyilishi, uy-joylar, noturar joy bino va inshootlar buzilishi sababli mulkdorlarga yetkazilgan zararlarni qoplash, hududlarni tozalash, yer ishlarini bajarish, muhandislik va transport kommunikatsiyalarining maydondagi ichki tarmoqlarini qurish, umumiy foydalaniladigan hududlarni obodonlashtirish, reklama kompaniyalari va taqdimot tadbirlarini oʻtkazish, shuningdek, mahalliy, xorijiy konsalting va arxitektura kompaniyalari xizmatlari uchun zarur boʻladigan xarajatlar miqdoriga aniqlik kiritiladi.
2. Jalb etilgan loyiha tashkilotlari tomonidan ishlab chiqilgan “Business city” markazining yakuniy konsepsiyasiga muvofiq tanlangan hududni tegishli lotlarga ajratiladi.
bir oy muddatda
6-bosqich
“Business city” markazlari hududida investorlarni tanlash va joylashtirish boʻyicha tanlov komissiyasi
“Business city” markazi qurilishi uchun tanlangan hududning ishlab chiqilgan konsepsiyaga muvofiq ajratilgan lotlari soni va investorlarga beriladigan yer uchastkalari oʻlchamlariga mutanosib ulushlarda toʻlanishi lozim boʻlgan mablagʻlar miqdori belgilangan tartibda direksiya tomonidan aniqlashtiriladi hamda komissiya muhokamasida koʻrib chiqib tasdiqlanadi.
bir hafta muddatda
7-bosqich
“Business city” markazi hududida obyektlarni qurish va ulardan foydalanish direksiyasi
1. Tanlovoldi barcha jarayonlar amalga oshirilgandan soʻng direksiyaning oʻz rasmiy veb-saytida “Business city” markazining konsepsiyasi joylashtiriladi.
besh kun muddatda
2. Tanlov oʻtkazilishidan oldin mahalliy va xorijiy ommaviy axborot vositalarida “Business city” markazi qurilishi boʻyicha tanlov toʻgʻrisida eʼlonlar joylashtiriladi hamda Oʻzbekiston Respublikasining chet eldagi diplomatik vakolatxonalari orqali “Business city” markazi qurilishi boʻyicha tanlov toʻgʻrisida xorijiy davlatlarda targʻibot ishlari amalga oshiriladi.
tanlov kunidan kamida oʻttiz kun oldin
8-bosqich
Loyiha tashabbuskorlari
Loyiha tashabbuskorlari tomonidan investitsiya taklifini “Business city” hududiga joylashtirish uchun belgilangan shaklga muvofiq toʻldirilgan buyurtmanoma hamda unga ilova qilinishi lozim boʻlgan hujjatlar direksiyaga taqdim etiladi.
belgilangan muddatlarga qadar
9-bosqich
“Business city” markazi hududida obyektlarni qurish va ulardan foydalanish direksiyasi
Taqdim etilgan buyurtmanoma hamda unga ilova qilingan hujjatlarni Nizom talablariga muvofiqligi koʻrib chiqiladi hamda taqdim etilgan hujjatlar boʻyicha eʼtirozlar mavjud boʻlmagan taqdirda, taklif etilayotgan investitsiya taklifini koʻrib chiqish boʻyicha komissiya raisiga axborot kiritiladi.
buyurtmanoma taqdim etilgan kundan soʻng ikki kun muddatda
10-bosqich
“Business city” markazlari hududida investorlarni tanlash va joylashtirish boʻyicha tanlov komissiyasi
1. “Business city” markazi hududiga joylashtirish uchun eng yaxshi investitsiya takliflarini tanlash tegishli mezonlar asosida belgilangan muddatlarda komissiya yigʻilishlarida koʻrib chiqiladi.
belgilangan muddatlarda
2. Komissiyaning eng yaxshi investitsiya takliflarini tanlash toʻgʻrisidagi qarori komissiya aʼzolari tomonidan ochiq ovoz berish yoʻli bilan oddiy koʻpchilik ovoz asosida qabul qilinadi hamda yigʻilish oʻtkazilgandan soʻng bayonnoma bilan rasmiylashtiriladi.
tanlov oʻtkazilgandan soʻng besh kun muddatda
11-bosqich
“Business city” markazi hududida obyektlarni qurish va ulardan foydalanish direksiyasi, Loyiha tashabbuskori
1. Investitsiya taklifi maʼqullangan investor va direksiya oʻrtasida investitsiyalash toʻgʻrisida bitim rasmiylashtiriladi.
2. Loyiha tashabbuskori va direksiya oʻrtasida “Business city” markazi hududida investitsiyalash toʻgʻrisida rasmiylashtirilgan bitim belgilangan tartibda tegishli direksiyada roʻyxatga olinadi hamda roʻyxatga olingan kundan boshlab kuchga kiradi.
bayon tasdiqlangandan soʻng besh kun muddatda
12-bosqich
Loyiha tashabbuskorlari
Investitsiyalash toʻgʻrisidagi bitimga muvofiq loyiha tashabbuskori tomonidan “Business city” markazi hududidan ajratilayotgan yer uchastkasi oʻlchamlariga mutanosib ravishda tegishli mablagʻlar direksiya hisob raqamiga oʻtkaziladi.
bitimda belgilangan muddatlarda
13-bosqich
“Business city” markazi hududida obyektlarni qurish va ulardan foydalanish direksiyasi
Investitsiyalash toʻgʻrisidagi bitim kuchga kirgan kundan eʼtiboran, agar bitimda boshqa muddat koʻrsatilmagan boʻlsa, direksiya tomonidan “Business city” markazi hududidan qurilish uchun investorga yer uchastkasi berish toʻgʻrisida tegishliligiga koʻra Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga iltimosnomalar kiritiladi.
bitim kuchga kirgandan soʻng besh kun muddatda
14-bosqich
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklar
Direksiyaning tegishli iltimosnomalari kelib tushgandan soʻng investorga rejalashtirilgan loyiha doirasida qurilishni amalga oshirish uchun belgilangan shartlar asosida iltimosnomada koʻrsatilgan muddatdan kam boʻlmagan muddatga yer uchastkasini doimiy foydalanish huquqi asosida berish toʻgʻrisida qarorlar qabul qilinadi.
“Business city” zamonaviy ishbilarmonlik markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibi toʻgʻrisidagi nizomga 2-ILOVA
“____________ Business city” markazi Direksiyasiga
“____________ Business city” markazi hududida investitsiya loyihasini joylashtirish uchun BUYURTMANOMA
1. Investor toʻgʻrisida maʼlumot:
Investor — korxona nomi
Yuridik manzili
2. Investitsiya loyihasi toʻgʻrisida maʼlumot:
Loyihaning nomi
Obyekt qurilishning tavsifi va yoʻnalishi
Talab etiladigan yer maydoni (ga)
Elektr energiyasiga boʻlgan ehtiyoj (yiliga, kVt/soat)
Tabiiy gazga boʻlgan ehtiyoj (kub.m., yiliga)
Ichimlik suv va texnik suvga boʻlgan ehtiyoj (yiliga, kub.m.)
Ishga tushirish muddati
3. Loyihaning moliyaviy — iqtisodiy koʻrsatkichlari:
Loyihaning qiymati (AQSH.doll. ekvivalentida)
Moliyalashtirish manbalari (toʻgʻridan-toʻgʻri investitsiyalar, mahalliy taʼsischilar mablagʻlari, tijorat banklari kreditlari)
Investitsiyalarni oʻzlashtirish (kiritish) shakli va jadvali
Vazirlar Mahkamasining 2019-yil 5-iyundagi 461-son qaroriga 2-ILOVA
“Business city” zamonaviy ishbilarmonlik markazlari hududida investorlarni tanlash va joylashtirish boʻyicha tanlov komissiyasining
NAMUNAVIY TARKIBI
1.
(lavozimiga koʻra)
—
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Komissiya raisi
2.
(lavozimiga koʻra)
—
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosarlari, Komissiya raisi oʻrinbosari
3.
(lavozimiga koʻra)
—
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining investitsiya masalalari boʻyicha oʻrinbosari
4.
(lavozimiga koʻra)
—
Qoraqalpogʻiston Respublikasi Qurilish vaziri, viloyatlar va Toshkent shahar qurilish bosh boshqarmasi boshligʻi
5.
(lavozimiga koʻra)
—
Qoraqalpogʻiston Respublikasi Iqtisodiyot va sanoat vaziri, viloyatlar iqtisodiyot va sanoat bosh boshqarmasi, Toshkent shahar iqtisodiyot va hududlarni kompleks rivojlantirish bosh boshqarmasi boshligʻi
6.
(lavozimiga koʻra)
—
Qoraqalpogʻiston Respublikasi Uy-joy kommunal xizmat koʻrsatish vaziri, viloyatlar va Toshkent shahar uy-joy kommunal xizmat koʻrsatish boshqarmasi boshligʻi
7.
(lavozimiga koʻra)
—
Qoraqalpogʻiston Respublikasi, viloyatlar hamda Toshkent shahar yer resurslari va davlat kadastri boshqarmasi boshligʻi
8.
(lavozimiga koʻra)
—
Qoraqalpogʻiston Respublikasi Ekologiya va atrof-muhitni muhofaza qilish qoʻmitasi raisi, viloyatlar va Toshkent shahar Ekologiya va atrof- muhitni muhofaza qilish boshqarmasi boshligʻi
9.
(lavozimiga koʻra)
—
“Hududiy elektr tarmoqlari” va “Oʻztransgaz” aksiyadorlik jamiyatlarining hududiy boʻlinmalari rahbarlari
10.
(lavozimiga koʻra)
—
“Business city” markazini qurish va undan foydalanish Direksiyasi rahbari, Komissiya ishchi organi
Izoh. Tanlov komissiyasi aʼzolari boshqa lavozimga oʻtgan taqdirda, uning tarkibiga mazkur lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.
