toggle_night_mode
Oʻzbekiston Respublikasi Vazirlar Mahkamasining
qarori
Qurilish sohasida ayrim faoliyat turlarini litsenziyalash va akkreditatsiya qilish toʻgʻrisida
Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatini yanada takomillashtirish chora-tadbirlari toʻgʻrisida” 2019-yil 10-yanvardagi PF-5624-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatini yanada takomillashtirish chora-tadbirlari toʻgʻrisida” 2019-yil 10-yanvardagi PF-5624-son Farmoniga muvofiq Oʻzbekiston Respublikasi Prezidenti huzuridagi Loyiha boshqaruvi milliy agentligi va “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Akkreditatsiya markazi” DUKning arxitektura-shaharsozlik hujjatlarini ishlab chiqish boʻyicha faoliyatni litsenziyalash, qurilish loyihalarini ekspertizadan oʻtkazuvchi yuridik shaxslarni akkreditatsiya qilish boʻyicha vakolatlari Oʻzbekiston Respublikasi Qurilish vazirligiga oʻtkazilganligi maʼlumot uchun qabul qilinsin.
2. Quyidagilar:
Oldingi tahrirga qarang.
(2-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 21-fevraldagi 80-sonli qaroriga asosan 2022-yil 1-martdan chiqariladi — Qonunchilik maʼlumotlari milliy bazasi, 22.02.2022-y., 09/22/80/0154-son)
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish tartibi toʻgʻrisidagi nizom 2-ilovaga muvofiq tasdiqlansin.
3. Oʻzbekiston Respublikasi Qurilish vazirligi:
2020-yil 1-iyulga qadar arxitektura-shaharsozlik hujjatlarini ishlab chiqish faoliyatini amalga oshirish uchun belgilangan tartibda yuridik shaxslarga berilgan litsenziyalarni ushbu qaror talablaridan kelib chiqqan holda davlat boji undirilmasdan qayta rasmiylashtirish;
2020-yil 1-yanvarga qadar qurilish loyihalarini ekspertizadan oʻtkazuvchi yuridik shaxslarni akkreditatsiya qilish choralarini koʻrsin.
Oldingi tahrirga qarang.
(4-band Oʻzbekiston Respublikasi Prezidentining 2024-yil 16-avgustdagi PF-111-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.08.2024-y., 06/24/111/0623-son)
5. Oʻzbekiston Respublikasi Qurilish vazirligi manfaatdor vazirliklar va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan oʻzgartish va qoʻshimchalar yuzasidan Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi qurilish vaziri A.X. Toʻxtayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 7-may,
381-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2022-yil 21-fevraldagi 80-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 22.02.2022-y., 09/22/80/0154-son)
Vazirlar Mahkamasining 2019-yil 7-maydagi 381-son qaroriga
2-ILOVA
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish tartibi toʻgʻrisida
NIZOM
1-bob. Umumiy qoidalar
1. Ushbu Nizom obyektlarni qurish loyihalarini ekspertizadan oʻtkazuvchi yuridik shaxslarni (keyingi oʻrinlarda talabgor deb ataladi) akkreditatsiya qilish tartibini belgilaydi.
Oldingi tahrirga qarang.
2. Qurilish loyihalarini ekspertizadan oʻtkazuvchi yuridik shaxslarni akkreditatsiya qilish Oʻzbekiston Respublikasi Qurilish va uy-joy kommunal xoʻjaligi vazirligi (keyingi oʻrinlarda akkreditatsiyalovchi organ deb ataladi) tomonidan amalga oshiriladi va qurilish loyihalarining ekspertizasini oʻtkazish faoliyatini amalga oshirish huquqiga guvohnomalar (keyingi oʻrinlarda guvohnoma deb ataladi) beriladi.
(2-band Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
3. Qurilish loyihalarini ekspertizadan oʻtkazuvchi yuridik shaxslarni akkreditatsiya qilish faoliyati bilan ushbu Nizom talablariga muvofiq belgilangan tartibda guvohnoma olgan yuridik shaxslar shugʻullanishlari mumkin.
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish 1-ilovadagi sxemaga muvofiq amalga oshiriladi.
Oldingi tahrirga qarang.
Loyiha hujjatlari boʻyicha berilgan ekspert xulosasi “Shaffof qurilish” milliy axborot tizimidagi Ekspert xulosalarining yagona “reyestri”ga majburiy ravishda kiritib boriladi, davlat sirini tashkil etuvchi maʼlumotlarni oʻz ichiga olgan loyiha hujjatlari boʻyicha ekspert xulosalari bundan mustasno.
(3-band Oʻzbekiston Respublikasi Vazirlar Mahkamasining 2021-yil 8-maydagi 290-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 08.05.2021-y., 09/21/290/0440-son)
4. Guvohnoma besh yil muddatga beriladi.
5. Davlat xizmatlari markazlari va akkreditatsiyalovchi organ oʻrtasida axborot almashinuvi elektron raqamli imzoni (keyingi oʻrinlarda ERI deb ataladi) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
2-bob. Akkreditatsiya qilish talablari va shartlari
Oldingi tahrirga qarang.
6. Quyidagilar akkreditatsiya qilish talablari va shartlari hisoblanadi:
a) qonunchilik hujjatlari, davlat standartlari hamda shaharsozlik normalari va qoidalari talablariga majburiy rioya etish;
b) muassislar va (yoki) ekspertiza organlari benefitsiarlari tarkibida davlat boshqaruvi organlari, mahalliy davlat hokimiyati organlarining mansabdor shaxslari va (yoki) ularning affillangan shaxslarining boʻlmasligi;
v) mulkiy huquq yoki boshqa ashyoviy huquq asosida ekspertiza organi faoliyatini amalga oshirish uchun zarur boʻlgan tegishli binolar va inshootlar, texnik-texnologik va apparat-dasturiy vositalarning mavjudligi;
g) talabgorning shtatida qurilish loyihalarining ekspertizasini oʻtkazish boʻyicha loyihalashtirish ishlarida kamida besh yillik ish stajiga ega boʻlgan 6 nafardan kam boʻlmagan sertifikatlangan, soha boʻyicha oliy maʼlumotli mutaxassislar, shu jumladan, arxitektura va qurilish yechimlari boʻyicha (arxitektor, konstruktor) 2 nafar mutaxassis, 1 nafar smeta (baholash) boʻyicha mutaxassis, 1 nafar yongʻin xavfsizligi boʻyicha mutaxassis, 1 nafar muhandislik tarmoqlari boʻyicha mutaxassis, 1 nafar energiya samaradorligi boʻyicha mutaxassisning ayni shu tashkilotda asosiy ish joyi boʻyicha mavjud boʻlishi;*
d) loyiha hujjatlari boʻyicha ijobiy ekspert xulosasi ekspert tashkilotlari tomonidan “Shaffof qurilish” milliy axborot tizimidagi “Ekspert xulosalarining yagona reyestri”ga majburiy kiritilishi;
e) ekspert tayinlanishida bevosita yoki bilvosita ishtirok etgan loyihalar yuzasidan yoxud er (xotin) va (yoki) boshqa yaqin qarindoshlar ishtirokida bajarilgan loyihalar yuzasidan ekspertiza oʻtkazmaslik;*
yo) shaharsozlik faoliyatining subyektlari bilan mehnatga oid, moliyaviy jihatdan va (yoki) boshqacha tobelik munosabatlarida boʻlmaslik;*
j) litsenziyalangan loyiha tashkiloti tomonidan ishlab chiqilgan loyiha hujjatlarini aynan ushbu tashkilot tomonidan ekspertizadan oʻtkazmaslik;*
z) shaharsozlik hujjatlarini ekspertizadan oʻtkazishda normativ-huquqiy hujjatlarda belgilangan xavf-xatar toifalari boʻyicha koʻrib chiqish;*
i) normativ-huquqiy hujjatlar hamda texnik jihatdan tartibga solish sohasidagi normativ hujjatlarni oʻz ichiga olgan maʼlumotlar bazasining shakllantirilishi shart.
Izoh. * Qoʻpol ravishda buzish deb hisoblanadigan talab va shartlar.
(6-band Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
3-bob. Akkreditatsiya qilish tartibi
7. Talabgor guvohnoma olish uchun Davlat xizmatlari markazlariga oʻzi kelib murojaat qiladi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda YIDXP deb ataladi) davlat xizmatidan elektron tarzda foydalanish uchun roʻyxatdan oʻtadi.
8. Oʻzi kelib murojaat etgan taqdirda Davlat xizmatlari markazi xodimi talabgor nomidan, YIDXP orqali murojaat etgan taqdirda esa talabgor mustaqil ravishda ushbu Nizomga 2-ilovaga muvofiq shakl boʻyicha soʻrovnomani elektron tarzda toʻldiradi.
Soʻrovnomaga quyidagi hujjatlar ilova qilinadi:
mulk huquqi bilan ekspertizadan oʻtkazish faoliyatini amalga oshirish uchun zarur boʻlgan bino-inshoot hamda asbob-uskunalar va inventarlarning talabgorga tegishliligini tasdiqlovchi hujjatlarning nusxalari;
mutaxassislar diplomlari nusxalari;
Oldingi tahrirga qarang.
Talabgordan ushbu bandda koʻrsatilmagan maʼlumotlarni hamda boshqa hujjatlarni talab qilish taqiqlanadi.
(8-band Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qaroriga asosan beshinchi xatboshi bilan toʻldirilgan — Qonunchilik maʼlumotlari milliy bazasi, 25.11.2023-y., 09/23/619/0893-son)
Oldingi tahrirga qarang.
9. Akkreditatsiyalovchi organ arizani koʻrib chiqish muddati davomida hujjatlarni tekshirishi, zaruratga koʻra boshqa davlat organlaridagi mavjud, qaror qabul qilish uchun zarur boʻlgan maʼlumotlarni “Elektron hukumat” tizimi idoralararo integratsiyalashuv platformasi orqali mustaqil ravishda olishi, obyektlarni joyiga chiqib oʻrganishi, ushbu harakatlarni amalga oshirish uchun oʻz xodimlari tarkibidan yoki oʻz hisobidan boshqa shaxslarni jalb qilgan holda ekspert va ishchi guruhlar tashkil etishi, shuningdek, talabgorning akkreditatsiya talablari va shartlariga rioya qilinishini taʼminlash maqsadida qonunchilik hujjatlari bilan taqiqlanmagan boshqa harakatlarni amalga oshirishi mumkin.
(9-band Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
10. Zarur maʼlumotlar rasmiylashtirilgandan va soʻrovnomaga kiritilgandan soʻng talabgor uni oʻz ERIsi bilan tasdiqlaydi.
Oʻzi kelib murojaat etgan taqdirda soʻrovnomani ERIsi bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
Oldingi tahrirga qarang.
11. Davlat xizmati koʻrsatilganligi uchun bazaviy hisoblash miqdorining uch barobari miqdorida yigʻim undiriladi. Guvohnoma olish uchun YIDXP orqali murojaat etilganda ushbu bandda koʻrsatilgan yigʻim summasining 90 foizi undiriladi.
(11-bandning birinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
Davlat xizmatlari koʻrsatilganda yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.
Yigʻimlar summasi quyidagi tartibda taqsimlanadi:
Oldingi tahrirga qarang.
a) Davlat xizmatlari markazlariga oʻzi kelib murojaat etganda:
Oldingi tahrirga qarang.
18 foizi — Oʻzbekiston Respublikasi Adliya vazirligi Davlat xizmatlarini rivojlantirish jamgʻarmasining hisobvaragʻiga;
(11-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
qolgan mablagʻlar Oʻzbekiston Respublikasi Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi hisobvaragʻiga;
(11-bandning “a” kichik bandi Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
Oldingi tahrirga qarang.
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligi Davlat xizmatlarini rivojlantirish jamgʻarmasining hisobvaragʻiga;
11,25 foizi — Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasining maxsus hisobvaragʻiga;
qolgan mablagʻlar Oʻzbekiston Respublikasi Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi hisobvaragʻiga oʻtkaziladi.
Talabgor berilgan soʻrovnomadan voz kechgan taqdirda, toʻlangan yigʻim qaytarilmaydi.
Talabgor unga guvohnoma berish rad etilgan kundan boshlab oʻn ish kuni mobaynida guvohnomani olish uchun yigʻimni toʻlamasdan qayta murojaat qilish huquqiga ega.
(11-bandning “b” kichik bandi Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
12. Soʻrovnomada notoʻgʻri maʼlumotlar koʻrsatilishi, shuningdek, guvohnoma olish uchun yigʻimni toʻlamaslik davlat xizmati koʻrsatishni rad etish uchun asos hisoblanadi.
Davlat xizmatlari koʻrsatishni boshqa asoslar boʻyicha rad etish qatʼiyan taqiqlanadi.
13. Talabgor davlat xizmatidan foydalanishdan uni koʻrsatishning har qanday bosqichida bosh tortish huquqiga ega.
14. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab bir soat mobaynida uni akkreditatsiyalovchi organga yuboradilar.
YIDXP orqali murojaat qilinganda esa soʻrovnoma avtomatik tarzda akkreditatsiyalovchi organga yuboriladi.
4-bob. Guvohnoma berish yoki guvohnoma berishni rad etish
Oldingi tahrirga qarang.
15. Akkreditatsiyalovchi organ soʻrovnoma tushganidan soʻng yetti ish kuni mobaynida soʻrovnomada qayd etilgan maʼlumotlarning haqqoniyligini tekshiradi va talabgorga guvohnoma berish uchun hisobvaraq-fakturada koʻrsatilgan bazaviy hisoblash miqdorining yigirma baravari miqdorda yigʻim qiymatini koʻrsatgan holda Davlat xizmatlari markaziga (oʻzi kelib murojaat qilgan taqdirda) yoki guvohnoma talabgoriga (elektron shaklda murojaat qilgan taqdirda) YIDXP orqali elektron shaklda yuboradi yoki rad etishning aniq sabablarini va qonunchilik normalarini koʻrsatgan holda uni yuborishni rad etadi.
(15-bandning birinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
Davlat xizmatlari markazi hisobvaraq-faktura tushganidan boshlab bir soat mobaynida bu haqda axborot-kommunikatsiya tizimi orqali talabgorni xabardor qiladi.
16. Talabgor hisobvaraq-faktura tushganidan soʻng bir oy mobaynida hisobvaraq-fakturada qayd etilgan yigʻimni toʻlaydi.
Guvohnoma berish uchun yigʻim toʻliq toʻlanganligi axborot-kommunikatsiya tizimi orqali tasdiqlanadi.
Belgilangan muddatda tegishli yigʻim toʻlanmasligi guvohnoma berishni rad etish uchun asos boʻladi. Ushbu holatlarda talabgor umumiy tartibda davlat xizmati olish uchun takroran murojaat qilishga haqli.
Oldingi tahrirga qarang.
Davlat xizmatini olish uchun YIDXP orqali murojaat etilganda bazaviy hisoblash miqdorining yigirma baravari miqdorida yigʻim summasining 90 foizi undiriladi.
(16-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
17. Yigʻim quyidagi tartibda taqsimlanadi:
Oldingi tahrirga qarang.
a) Davlat xizmatlari markazlariga oʻzi kelib murojaat etganda:
Oldingi tahrirga qarang.
18 foizi — Oʻzbekiston Respublikasi Adliya vazirligi Davlat xizmatlarini rivojlantirish jamgʻarmasining hisobvaragʻiga;
(17-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
qolgan mablagʻlar Oʻzbekiston Respublikasi Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi hisobvaragʻiga;
(17-bandning “a” kichik bandi Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
Oldingi tahrirga qarang.
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligi Davlat xizmatlarini rivojlantirish jamgʻarmasining hisobvaragʻiga;
11,25 foizi — Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasining maxsus hisobvaragʻiga;
qolgan mablagʻlar Oʻzbekiston Respublikasi Qurilish va uy-joy kommunal xoʻjaligi vazirligi faoliyatini qoʻllab-quvvatlash jamgʻarmasi hisobvaragʻiga oʻtkaziladi.
(17-bandning “b” kichik bandi Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
Oldingi tahrirga qarang.
18. Guvohnoma Oʻzbekiston Respublikasi Qurilish va uy-joy-kommunal xoʻjaligi vazirligi tomonidan tasdiqlanadigan, Oʻzbekiston Respublikasi Adliya vazirligi huzuridagi Davlat xizmatlari agentligi bilan kelishilgan shakl boʻyicha elektron shaklda rasmiylashtiriladi va Akkreditatsiyalovchi organning ERIsi bilan tasdiqlanadi.
(18-bandning birinchi xatboshisi Oʻzbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik maʼlumotlari milliy bazasi, 26.02.2024-y., 09/24/100/0152-son)
Akkreditatsiyalovchi organ guvohnoma uchun yigʻim toʻliq tushganidan soʻng bir ish kuni mobaynida QR-kod (matrik shtrixli kod) qoʻyilgan guvohnomani elektron shaklda rasmiylashtiradi va tegishli Davlat xizmatlari markaziga yuboradi.
19. Davlat xizmatlari markazi guvohnoma tushganidan soʻng oʻn daqiqa mobaynida uni talabgorning elektron manziliga yuboradi va talabgorni bu haqda axborot-kommunikatsiya tizimi orqali xabardor qiladi. Davlat xizmatlari markazi talabgorning soʻroviga koʻra unga guvohnomani elektron shaklda yoki qogʻoz shaklida berishi mumkin.
20. Quyidagilar guvohnoma berishni rad etish uchun asos boʻladi:
talabgorning hujjatlarni lozim tarzda rasmiylashtirmay taqdim etishi;
talabgor taqdim etgan hujjatlarda notoʻgʻri yoki buzib koʻrsatilgan maʼlumotlarning mavjudligi;
talabgorning akkreditatsiya qilish talablari va shartlariga nomuvofiqligi.
Boshqa asoslarga koʻra, shu jumladan, guvohnoma berish maqsadga muvofiq emas degan vaj bilan guvohnoma berishni rad etishga yoʻl qoʻyilmaydi.
5-bob. Guvohnomani qayta rasmiylashtirish
21. Guvohnoma subyekti oʻzgartirilgan, uning nomi yoki joylashgan joyi (pochta manzili) oʻzgargan taqdirda, guvohnoma subyekti yoki uning huquqiy vorisi qayta roʻyxatdan oʻtganidan keyin bir oy muddatda Akkreditatsiyalovchi organga koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda guvohnomani qayta rasmiylashtirish toʻgʻrisida soʻrovnoma berishi shart.
22. Guvohnomalarni qayta rasmiylashtirishda talabgorning guvohnoma berish toʻgʻrisidagi soʻrovnoma koʻrib chiqilganligi uchun toʻlanadigan summaning yarmi miqdorida yigʻim undiriladi.
Bunda, yigʻim miqdori ushbu Nizomning 12-bandi talablari asosida taqsimlanadi.
6-bob. Akkreditatsiya qilish talablari va shartlariga rioya etilishini nazorat qilish
23. Akkreditatsiya qilish talablari va shartlariga rioya etilishi ustidan nazorat amalga oshirilayotganda Akkreditatsiyalovchi organlar oʻz vakolatlari doirasida quyidagi huquqlarga egadirlar:
akkreditatsiya subyekti akkreditatsiya qilish talablari va shartlariga rioya etayotganligi ustidan qonun hujjatlarida belgilangan tartibda rejali tekshiruvlar oʻtkazish;
 LexUZ sharhi
Qarang: Vazirlar Mahkamasining 2020-yil 20-avgustdagi 496-son qarori bilan tasdiqlangan Obyektlarda davlat qurilish nazoratini amalga oshirish boʻyicha maʼmuriy reglament.
akkreditatsiya qilish talablari va shartlariga guvohnoma subyekti tomonidan rioya etilishi yuzasidan qisqa muddatli tekshirishlarni jismoniy va yuridik shaxslarning qonun hujjatlari buzilganligi faktlari toʻgʻrisidagi murojaatlari asosida maxsus vakolatli organning qaroriga koʻra qonun hujjatlarida belgilangan tartibda oʻtkazish;
akkreditatsiya qilish talablari va shartlariga rioya etilishi ustidan tekshiruvlar oʻtkazilayotganda yuzaga keladigan masalalar boʻyicha akkreditatsiya subyektidan zarur maʼlumotlarni talab qilish va olish;
tekshiruv natijalari asosida akkreditatsiya subyekti yoʻl qoʻygan akkreditatsiya qilish talablari va shartlarining aniq qoidabuzilishlarini koʻrsatgan holda dalolatnomalar (maʼlumotnomalar) tuzish;
akkreditatsiya subyektiga aniqlangan qoidabuzarliklarni bartaraf etish majburiyatini yuklovchi qarorlar chiqarish, bunday qoidabuzarliklarni bartaraf etish muddatlarini belgilash;
guvohnomani amal qilishini toʻxtatib turish yoki toʻxtatish.
Akkreditatsiyalovchi organlar qonun hujjatlariga muvofiq boshqa vakolatlarni ham amalga oshirishlari mumkin.
24. Akkreditatsiya qilish talablari va shartlariga rioya etilishini oʻrganish vaqtida Akkreditatsiyalovchi organning masʼul xodimlari tomonidan ikki nusxada dalolatnoma tuziladi, uning bir nusxasi akkreditatsiya subyektiga beriladi, ikkinchi nusxasi Akkreditatsiyalovchi organda qoladi.
7-bob. Guvohnomaning amal qilishini toʻxtatib turish, toʻxtatish va guvohnomani bekor qilish
Oldingi tahrirga qarang.
25. Guvohnomaning amal qilishini toʻxtatib turish, toʻxtatish va guvohnomani bekor qilish “Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga muvofiq amalga oshiriladi.
(25-band Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
26. Akkreditatsiyalovchi organning guvohnomani amal qilishini toʻxtatib turish, toʻxtatish yoki guvohnomani bekor qilish toʻgʻrisidagi qarori yuzasidan sudga shikoyat qilinishi mumkin. Bunday qarorning asossiz ekanligi sud tomonidan eʼtirof etilgan taqdirda, akkreditatsiyalovchi organ guvohnoma subyekti oldida akkreditatsiya subyekti koʻrgan zarar miqdorida javob beradi.
8-bob. Guvohnoma reyestri
27. Akkreditatsiyadan oʻtkazilgan ekspertiza organlari toʻgʻrisidagi axborot kiritiladigan Reyestrni, shuningdek, akkreditatsiya guvohnomalarining amal qilishini toʻxtatib turish, qayta tiklash hamda akkreditatsiya guvohnomalarini bekor qilish toʻgʻrisidagi qarorlar Akkreditatsiyalovchi organning rasmiy veb-saytida eʼlon qilinadi.
28. Reyestrda quyidagilar koʻrsatilishi lozim:
guvohnoma raqami;
guvohnoma berilgan kun, oy, yil;
akkreditatsiya subyektining davlat tilidagi toʻliq, qisqartirilgan (agar boʻlsa) firma nomi. Agar taʼsis hujjatlarida nomi xorijiy tilda koʻrsatilgan boʻlsa, Reyestrga koʻrsatilgan tildagi nomi ham kiritiladi;
akkreditatsiya subyektining tashkiliy-huquqiy shakli;
akkreditatsiya subyektining ish telefoni va faksi raqami, elektron pochtasi, veb-sayti, veb-sahifalari, ijtimoiy tarmoqlardagi akkaunt manzillari (agar mavjud boʻlsa);
soliq toʻlovchi — akkreditatsiya subyektining identifikatsiya raqami;
akkreditatsiya subyekti joylashgan manzil (pochta manzili);
akkreditatsiya subyekti faoliyat yuritish joyining manzili;
akkreditatsiya sohasi;
qayta rasmiylashtirish, toʻxtatib turish va qayta tiklash hamda amal qilishini toʻxtatishning asosi va sanasi (kun, oy, yil).
Reyestr qonunchilikda nazarda tutilgan boshqa maʼlumotlar va hujjatlarni ham oʻz ichiga olishi mumkin.
Oldingi tahrirga qarang.
Qurilish va uy-joy kommunal xoʻjaligi vazirligi rasmiy veb-saytida akkreditatsiya obyektlari toʻgʻrisida qoʻshimcha maʼlumotlar joylashtirilishi mumkin.
(28-bandning oʻn uchinchi xatboshisi Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
9-bob. Yakunlovchi qoidalar
29. Davlat xizmatlari markazlari va Akkreditatsiyalovchi organ oʻz faoliyatini amalga oshirishi natijasida olingan akkreditatsiya subyekti haqidagi maʼlumotlarning maxfiyligini taʼminlashi kerak.
30. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va Davlat xizmatlari markazlari ushbu Nizom talablari ijrosi boʻyicha davlat organlari va boshqa tashkilotlarning faoliyati yuzasidan, shu jumladan, YIDXP orqali, doimiy nazoratni va monitoringni amalga oshiradilar.
31. Talabgor davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
32. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish tartibi toʻgʻrisidagi nizomga
1-ILOVA
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish
SXEMASI
Qurilish loyihalarini ekspertizadan oʻtkazuvchi yuridik shaxslarni akkreditatsiya qilish tartibi toʻgʻrisidagi nizomga
2-ILOVA
Oldingi tahrirga qarang.

__________________

(sana)

________________

(raqam)

Qurilish loyihalarini ekspertizadan oʻtkazuvchi yuridik shaxslarni

akkreditatsiya qilish davlat xizmatlaridan foydalanish uchun

SOʻROVNOMA

I. Ariza beruvchi — yuridik shaxs toʻgʻrisida maʼlumot:

1. toʻliq nomi:

2. STIR:

4. IFUT:

7. yuridik manzili:

8. telefon raqami:

9. elektron pochta manzili:

yangi guvohnomani rasmiylashtirish

guvohnomani qayta rasmiylashtirish

guvohnomaning amal qilishini toʻxtatish

guvohnomani bekor qilish

II. Yuridik shaxsning mutaxassislari haqidagi maʼlumotlar:

F.I.O

Lavozimi

Mutaxassisligi boʻyicha ish staji

Maʼlumoti boʻyicha mutaxassisligi (diplom boʻyicha)

Ekspertiza qilishda ishtirok etgan asosiy obyektlar roʻyxati (mavjud boʻlsa)

1.

2.

3.

4.

5.

6....

III. Soʻrovnomaga ilova:

1.Mulk huquqi bilan ekspertizadan oʻtkazish faoliyatini amalga oshirish uchun zarur boʻlgan bino-inshoot hamda asbob-uskunalar va inventarlarning talabgorga tegishliligini tasdiqlovchi hujjatlarning nusxalari

2. Mutaxassislar diplomlarini nusxalari

(2-ilova Oʻzbekiston Respublikasi Vazirlar Mahkamasining 2023-yil 23-noyabrdagi 619-sonli qarori tahririda — Qonunchilik maʼlumotlari milliy bazasi, 25.11.2023-y., 09/23/619/0893-son)
Oldingi tahrirga qarang.
(3-ilova Oʻzbekiston Respublikasi Prezidentining 2024-yil 16-avgustdagi PF-111-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.08.2024-y., 06/24/111/0623-son)

(Qonun hujjatlari maʼlumotlari milliy bazasi, 08.05.2019-y., 09/19/381/3101-son; 29.12.2019-y., 09/19/1046/4242-son; 15.01.2020-y., 09/20/24/0053-son, 28.09.2020-y., 09/20/588/1331-son; Qonunchilik maʼlumotlari milliy bazasi, 08.05.2021-y., 09/21/290/0440-son; 22.02.2022-y., 09/22/80/0154-son; 25.11.2023-y., 09/23/619/0893-son; 26.02.2024-y., 09/24/100/0152-son; 16.08.2024-y., 06/24/111/0623-son)