toggle_night_mode
Oʻzbekiston Respublikasining Qonuni
Litsenziyalash, ruxsat berish va xabardor qilish tartib-taomillari toʻgʻrisida
Qonunchilik palatasi tomonidan 2021-yil 5-martda qabul qilingan
Senat tomonidan 2021-yil 23-aprelda maʼqullangan
1-bob. Umumiy qoidalar
1-modda. Ushbu Qonunning maqsadi va qoʻllanilish sohasi
Ushbu Qonunning maqsadi litsenziyalash, ruxsat berish va xabardor qilish sohasidagi munosabatlarni tartibga solishdan iborat.
Ushbu Qonunning amal qilishi:
intellektual mulk obyektlaridan foydalanish, shuningdek kompleks tadbirkorlik litsenziyasi shartnomasi (franshizing toʻgʻrisidagi shartnoma) asosida amalga oshiriladigan tadbirkorlik faoliyati;
 LexUZ sharhi
Qarang: Oʻzbekiston Respublikasi Fuqarolik kodeksining 862-moddasi,Vazirlar Mahkamasining 2022-yil 24-iyundagi 346-son qarori bilan tasdiqlangan “Kompleks tadbirkorlik litsenziyasi (franshizing) shartnomalarini davlat roʻyxatidan oʻtkazish boʻyicha davlat xizmatini koʻrsatishning Maʼmuriy reglament”.
tadbirkorlik subyektlarini, bitimlarni, huquqlarni va mol-mulkni davlat roʻyxatidan oʻtkazish hamda hisobga qoʻyish;
akkreditatsiya qilish, sertifikatlashtirish, standartlashtirish, metrologiya va texnik jihatdan tartibga solish;
davlat ekologik ekspertizasi;
atom energiyasidan foydalanish sohasidagi faoliyat;
ushbu Qonunning 2-ilovasida koʻrsatilmagan ruxsat etish xususiyatiga ega hujjatlarni jismoniy shaxslarga berish bilan bogʻliq munosabatlarga nisbatan tatbiq etilmaydi.
Ushbu Qonunning 1, 2 va 3-ilovalariga muvofiq Oʻzbekiston Respublikasi Markaziy banki vakolatlariga taalluqli boʻlgan litsenziyalash, ruxsat berish va xabardor qilish tartib-taomillari tegishli faoliyat sohalaridagi munosabatlarni tartibga soluvchi qonunlarda belgilangan tartibda amalga oshiriladi.
Oldingi tahrirga qarang.
Ushbu Qonunning 1, 2 va 3-ilovalariga muvofiq Oʻzbekiston Respublikasi Istiqbolli loyihalar milliy agentligining vakolatlariga taalluqli boʻlgan litsenziyalash, ruxsat berish va xabardor qilish tartib-taomillari tegishli faoliyat sohalaridagi munosabatlarni tartibga soluvchi qonunchilik hujjatlarida belgilangan tartibda amalga oshiriladi.
(1-moddaning toʻrtinchi qismi Oʻzbekiston Respublikasining 2025-yil 17-apreldagi OʻRQ-1057-sonli Qonuni tahririda — Qonunchilik maʼlumotlari milliy bazasi, 17.04.2025-y., 03/25/1057/0351-son)
 LexUZ sharhi
Qarang: Oʻzbekiston Respublikasi Istiqbolli loyihalar milliy agentligi direktorining 2022-yil 14-iyuldagi 32-son buyrugʻi bilan tasdiqlangan Kripto-aktivlar aylanmasi sohasidagi xizmatlar provayderlari faoliyatini litsenziyalash tartibi toʻgʻrisidagi nizom (roʻyxat raqami 3380, 15.08.2022-y.), Oʻzbekiston Respublikasi Istiqbolli loyihalar milliy agentligi direktorining 2023-yil 20-sentabrdagi 68-son buyrugʻi bilan tasdiqlangan Mayning faoliyatini amalga oshirish uchun ruxsatnoma berish tartibi toʻgʻrisidagi nizom (roʻyxat raqami 3461, 29.09.2023-y.).
Oldingi tahrirga qarang.
Ushbu Qonunning 1-ilovasiga muvofiq Oʻzbekiston Respublikasi Energetika bozorini rivojlantirish va tartibga solish agentligining vakolatlariga taalluqli boʻlgan litsenziyalash tartib-taomillari tegishli faoliyat sohalaridagi munosabatlarni tartibga soluvchi qonunchilik hujjatlarida belgilangan tartibda amalga oshiriladi.
(1-modda Oʻzbekiston Respublikasining 2024-yil 7-avgustdagi OʻRQ-939-sonli Qonuniga asosan beshinchi qism bilan toʻldirilgan — Qonunchilik maʼlumotlari milliy bazasi, 08.08.2024-y., 03/24/939/0595-son — 2024-yil 9-noyabrdan kuchga kiradi)
2-modda. Litsenziyalash, ruxsat berish va xabardor qilish tartib-taomillari toʻgʻrisidagi qonunchilik
Litsenziyalash, ruxsat berish va xabardor qilish tartib-taomillari toʻgʻrisidagi qonunchilik ushbu Qonun hamda boshqa qonunchilik hujjatlaridan iboratdir.
Faoliyatning ayrim turlarini litsenziyalash va ruxsat berish tartib-taomillarining oʻziga xos xususiyatlari qonun bilan belgilanadi.
Oldingi tahrirga qarang.
Oʻzbekiston Respublikasining Konstitutsiyaviy Qonuni bilan maxsus huquqiy rejim oʻrnatilgan hududda litsenziyalash, ruxsat berish va xabardor qilish sohasidagi munosabatlar ushbu Qonunda belgilanganidan boshqacha qoidalar bilan tartibga solinadi.
(2-modda Oʻzbekiston Respublikasining 2026-yil 13-iyuldagi OʻRQ-1158-sonli Qonuniga asosan uchinchi qismi bilan toʻldirilgan — Qonunchilik maʼlumotlari milliy bazasi, 14.07.2026-y., 03/26/1158/0727-son. Kuchga kirish sanasi — 2026-yil 25-iyul)
Agar Oʻzbekiston Respublikasining xalqaro shartnomasida Oʻzbekiston Respublikasining litsenziyalash, ruxsat berish va xabardor qilish tartib-taomillari toʻgʻrisidagi qonunchiligida nazarda tutilganidan boshqacha qoidalar belgilangan boʻlsa, xalqaro shartnoma qoidalari qoʻllaniladi.
3-modda. Asosiy tushunchalar
Ushbu Qonunda quyidagi asosiy tushunchalar qoʻllaniladi:
litsenziat — faoliyatning litsenziyalanadigan turini yoki uning kichik turini amalga oshirish uchun litsenziyaga ega boʻlgan yuridik yoki jismoniy shaxs;
litsenziya — jismoniy yoki yuridik shaxsga beriladigan, litsenziya talablari va shartlariga majburiy ravishda rioya etilgan taqdirda faoliyatning litsenziyalanadigan turini yoki uning kichik turini amalga oshirish huquqini beruvchi hujjat;
litsenziyalash — litsenziya berish toʻgʻrisidagi arizani topshirish, qabul qilish va koʻrib chiqish, litsenziyani berish, uning amal qilish muddatini uzaytirish, amal qilishini toʻxtatib turish, qayta tiklash hamda tugatish, shuningdek litsenziyani bekor qilish, qayta rasmiylashtirish va chaqirib olish jarayoni bilan bogʻliq tadbirlar majmui;
faoliyatning litsenziyalanadigan turi — Oʻzbekiston Respublikasi hududida amalga oshirilishi uchun litsenziya olish talab qilinadigan, qonun bilan belgilanadigan faoliyat turi;
litsenziya, ruxsat berish va xabardor qilish talablari hamda shartlari — faoliyatning litsenziyalanadigan turlarini amalga oshirish yoki faoliyatni (harakatlarni) ruxsat etish xususiyatiga ega hujjatlar asosida yoxud xabardor qilish tartibida amalga oshirish chogʻida jismoniy va yuridik shaxslar tomonidan bajarilishi shart boʻlgan, qonunchilikda belgilangan talablar hamda shartlar majmui;
litsenziyalash, ruxsat berish va xabardor qilish tartib-taomillari sohasidagi vakolatli organlar (bundan buyon matnda vakolatli organlar deb yuritiladi) — faoliyatning ayrim turlarini litsenziyalashni, ruxsat etish xususiyatiga ega hujjatlarni berishni amalga oshiradigan, shuningdek maxsus elektron tizim vositasida xabarnomalarni qabul qiladigan maxsus vakolatli organlar va tashkilotlar;
litsenziyalar, ruxsat etish xususiyatiga ega hujjatlar va xabarnomalar reyestrlari — vakolatli organlarning tegishincha berilgan, uzaytirilgan, toʻxtatib turilgan, qayta tiklangan, tugatilgan, bekor qilingan, qayta rasmiylashtirilgan va chaqirib olingan litsenziyalar, ruxsat etish xususiyatiga ega hujjatlar toʻgʻrisidagi, shuningdek jismoniy va yuridik shaxslar tomonidan vakolatli organlarga yuborilgan xabarnomalar haqidagi maʼlumotlarni oʻz ichiga olgan maʼlumotlar bazalari;
litsenziyalanadigan faoliyat turining kichik turi — faoliyatning litsenziyalanadigan turi tarkibiga kiritiladigan faoliyat turining yoʻnalishi;
davlat xizmatlari pasporti (bundan buyon matnda pasport deb yuritiladi) — litsenziyalash, ruxsat berish va xabardor qilish tartib-taomillaridan oʻtish jarayoni bilan bogʻliq boʻlgan oʻziga xos talablar va shartlarni, shuningdek maʼlumotlarni oʻz ichiga olgan litsenziyalash, ruxsat berish va xabardor qilish tartib-taomillari sohasidagi hujjat;
ruxsat berish tartib-taomili — ruxsat etish xususiyatiga ega hujjatni berish toʻgʻrisidagi arizani topshirish, qabul qilish va koʻrib chiqish, ruxsat etish xususiyatiga ega hujjatni berish, uning amal qilish muddatini uzaytirish, amal qilishini toʻxtatib turish, qayta tiklash hamda tugatish, shuningdek uni bekor qilish, qayta rasmiylashtirish jarayoni bilan bogʻliq tadbirlar majmui;
ruxsat etish xususiyatiga ega hujjat — vakolatli organ tomonidan ruxsatnoma, kelishuv, xulosa shaklida, shuningdek qonunchilikda nazarda tutilgan boshqa shakllarda beriladigan, ruxsat berish talablari va shartlariga majburiy ravishda rioya etilgan taqdirda muayyan faoliyatni (harakatlarni) amalga oshirish huquqini beradigan hujjat;
talabgor — litsenziyani yoki ruxsat etish xususiyatiga ega hujjatni olish uchun murojaat qilgan jismoniy yoki yuridik shaxs;
xabarnoma — xabardor qilish tartibida faoliyatni (harakatlarni) amalga oshirishni boshlash (tugatish) uchun xabardor qiluvchi tomonidan vakolatli organga yuboriladigan maʼlumotlar;
xabardor qiluvchi — vakolatli organga xabarnoma yuborgan va xabarnomalar reyestriga kiritilgan jismoniy yoki yuridik shaxs;
xabardor qilish tartib-taomili — xabarnoma yuborish, xabarnomani qabul qilish (qabul qilmaslik), xabarnoma qabul qilinganligini tasdiqlash, shuningdek xabardor qiluvchining faoliyatini (harakatlarini) toʻxtatib turish, qayta tiklash, tugatish va xabardor qilish tartibida faoliyatni (harakatlarni) amalga oshirishga taqiq joriy etish jarayoni bilan bogʻliq tadbirlar majmui;
“yagona darcha” prinsipi — xizmatlar koʻrsatish tartibi boʻlib, bunda talabgorga tegishincha litsenziyani yoki ruxsat etish xususiyatiga ega hujjatni berish uchun vakolatli organga boshqa davlat organlari yoki tashkilotlar tomonidan beriladigan turli boshqa hujjatlarni olish talab qilinadigan hollarda mazkur vakolatli organ koʻrsatilgan hujjatlarni talabgorning ishtirokisiz mustaqil ravishda soʻraydi va oladi.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 21-fevraldagi 80-son qarori bilan tasdiqlangan “Maxsus elektron tizim orqali ayrim faoliyat turlarini litsenziyalash tartibi toʻgʻrisida”gi yagona nizomning 3-bandi, Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 3-bandi.
4-modda. Litsenziyalash, ruxsat berish va xabardor qilish tartib-taomillari sohasidagi asosiy prinsiplar
Litsenziyalash, ruxsat berish va xabardor qilish tartib-taomillari sohasidagi asosiy prinsiplar quyidagilardan iborat:
qonuniylik;
litsenziyalash, ruxsat berish va xabardor qilish tartib-taomillari sohasidagi faoliyatni amalga oshirish chogʻida vakolatli organlar faoliyatining ochiqligi;
inson huquqlari va erkinliklarining, jismoniy va yuridik shaxslar qonuniy manfaatlarining, fuqarolar hayoti va sogʻligʻini saqlashning, jamoat xavfsizligi va atrof-muhitni muhofaza qilishning ustuvorligi;
litsenziyalash, ruxsat berish va xabardor qilish tartib-taomillarining shaffofligi;
litsenziyalashning va ruxsat berish tartib-taomillarining “yagona darcha” prinsipi boʻyicha amalga oshirilishi.
 LexUZ sharhi
Litsenziyalashning va ruxsat berish tartib-taomillarining “yagona darcha” prinsipi boʻyicha amalga oshirilishi. “Yagona darcha” prinsipi — xizmatlar koʻrsatish tartibi boʻlib, bunda talabgorga tegishincha litsenziyani yoki ruxsat etish xususiyatiga ega hujjatni berish uchun vakolatli organga boshqa davlat organlari yoki tashkilotlar tomonidan beriladigan turli boshqa hujjatlarni olish talab qilinadigan hollarda mazkur vakolatli organ koʻrsatilgan hujjatlarni talabgorning ishtirokisiz mustaqil ravishda soʻraydi va oladi. Ushbu prinsip bilan jismoniy va yuridik shaxslarning ortiqcha byurokratik toʻsiqlardan va ovoragarchiliklardan xalos boʻlishi mustahkamlab qoʻyilgan.
5-modda. Litsenziyalash va ruxsat berish tartib-taomillarini joriy etish uchun asoslar
Agar jismoniy yoki yuridik shaxslar tomonidan faoliyatning (harakatlarning) ayrim turlarini amalga oshirish fuqarolarning hayoti va sogʻligʻiga zarar, jismoniy va yuridik shaxslarning huquqlari hamda qonuniy manfaatlariga ziyon, jamoat xavfsizligiga ziyon va (yoki) atrof-muhitga zarar yetkazilishiga sabab boʻlishi mumkin boʻlsa, litsenziyalash va ruxsat berish tartib-taomillari joriy etiladi.
6-modda. Oʻzbekiston Respublikasi Vazirlar Mahkamasining litsenziyalash, ruxsat berish va xabardor qilish tartib-taomillari sohasidagi vakolatlari
Oʻzbekiston Respublikasi Vazirlar Mahkamasi:
litsenziyalash, ruxsat berish va xabardor qilish tartib-taomillari sohasida davlat siyosatining amalga oshirilishini taʼminlaydi;
litsenziyalash, ruxsat berish va xabardor qilish tartib-taomillaridan oʻtish tartibini belgilaydi;
Oldingi tahrirga qarang.
litsenziyalash, ruxsat berish va xabardor qilish tartib-taomillari sohasida vazirliklarning hamda boshqa davlat boshqaruvi organlarining faoliyatini muvofiqlashtiradi.
(6-modda birinchi qismining toʻrtinchi xatboshisi Oʻzbekiston Respublikasining 2023-yil 28-noyabrdagi OʻRQ-880-sonli Qonuni tahririda — Qonunchilik maʼlumotlari milliy bazasi, 29.11.2023-y., 03/23/880/0905-son)
Oʻzbekiston Respublikasi Vazirlar Mahkamasi qonunchilikka muvofiq boshqa vakolatlarni ham amalga oshirishi mumkin.
Oldingi tahrirga qarang.
7-modda. Oʻzbekiston Respublikasi Adliya vazirligining litsenziyalash, ruxsat berish va xabardor qilish tartib-taomillari sohasidagi vakolatlari
(7-moddaning nomi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
Oldingi tahrirga qarang.
Oʻzbekiston Respublikasi Adliya vazirligi:
(7-modda birinchi qismining birinchi xatboshisi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
vakolatli organlar tomonidan litsenziyalash tartibi, ruxsat berish va xabardor qilish tartib-taomillariga rioya etilishi amaliyotini oʻrganadi hamda uning tahlilini amalga oshiradi;
davlat organlari va boshqa tashkilotlar tomonidan litsenziyalash tartibi, ruxsat berish hamda xabardor qilish tartib-taomillariga rioya etilishi ustidan doimiy monitoringni amalga oshiradi, shu jumladan maxsus elektron tizim orqali amalga oshiradi;
litsenziyalash, ruxsat berish va xabardor qilish tartib-taomillari sohasidagi qonunchilikni hamda huquqni qoʻllash amaliyotini takomillashtirish boʻyicha takliflar tayyorlaydi.
Oldingi tahrirga qarang.
Oʻzbekiston Respublikasi Adliya vazirligi qonunchilikka muvofiq boshqa vakolatlarni ham amalga oshirishi mumkin.
(7-moddaning ikkinchi qismi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
8-modda. Maxsus elektron tizim
Litsenziyalash, ruxsat berish va xabardor qilish tartib-taomillaridan oʻtish, vakolatli organlarning idoralararo elektron hamkorlik qilishi, shuningdek litsenziya, ruxsat berish va xabardor qilish talablari hamda shartlari bajarilishining monitoringini oʻtkazish jarayonlarini qamrab oladigan, jismoniy va yuridik shaxslar uchun ochiq boʻlgan “Litsenziya” axborot tizimi maxsus elektron tizimdir.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 21-fevraldagi 80-son qarori bilan tasdiqlangan “Maxsus elektron tizim orqali ayrim faoliyat turlarini litsenziyalash tartibi toʻgʻrisida”gi yagona nizomning 3-bandi toʻqqizinchi xatboshisi.
Oldingi tahrirga qarang.
Oʻzbekiston Respublikasi Adliya vazirligi maxsus elektron tizim operatoridir.
(8-moddaning ikkinchi qismi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
Oldingi tahrirga qarang.
Litsenziyalash, ruxsat berish va xabardor qilish tartib-taomillari davlat xizmatlari markazlari tomonidan maxsus elektron tizim orqali amalga oshirilishi mumkin.
(8-modda Oʻzbekiston Respublikasining 2025-yil 27-noyabrdagi OʻRQ-1099-sonli Qonuniga asosan uchinchi qismi bilan toʻldirilgan — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
Maxsus elektron tizimda quyidagilar aks ettiriladi:
1) quyidagilarni oʻz ichiga oladigan litsenziyalash, ruxsat berish va xabardor qilish tartib-taomillaridan oʻtish jarayonlari:
litsenziyani yoki ruxsat etish xususiyatiga ega hujjatni berish yoxud uning amal qilish muddatini uzaytirish toʻgʻrisidagi arizani hamda unga ilova qilingan hujjatlarni topshirish;
vakolatli organlar tomonidan arizalarni koʻrib chiqish hamda litsenziyalarni yoki ruxsat etish xususiyatiga ega hujjatlarni berish yoki berishni rad etish haqida qarorlar qabul qilish;
QR-kod (matrik shtrixli kod) qoʻyilgan elektron shakldagi litsenziyalarni va ruxsat etish xususiyatiga ega hujjatlarni olish;
vakolatli organni faoliyat boshlanganligi yoki tugatilganligi haqida xabardor qilish uchun xabarnomalar yuborish va xabarnoma qabul qilinganligi toʻgʻrisida tasdiqnomalar olish;
arizani koʻrib chiqish uchun davlat bojining, yigʻimlarning elektron toʻlovini amalga oshirish;
litsenziyalarni va ruxsat etish xususiyatiga ega hujjatlarni qayta rasmiylashtirish, ularning amal qilishini toʻxtatib turish hamda ularni bekor qilish haqidagi arizalarni qabul qilish va koʻrib chiqish;
2) litsenziyalash, ruxsat berish va xabardor qilish tartib-taomillarini amalga oshirish chogʻida davlat organlari va tashkilotlar hamkorligining quyidagilarni oʻz ichiga oladigan jarayonlari:
boshqa davlat organlari va tashkilotlardan qoʻshimcha hujjatlar hamda axborotni mustaqil ravishda olish, shuningdek ular bilan “yagona darcha” prinsipi boʻyicha kelishish;
litsenziyalar, ruxsat etish xususiyatiga ega hujjatlar va xabarnomalar reyestrlarini yuritish;
litsenziyalar va ruxsat etish xususiyatiga ega hujjatlar, shuningdek xabarnomalar bilan bogʻliq axborotni tegishli davlat organlari va tashkilotlarning maʼlumotlar bazalari orqali tekshirish;
3) litsenziya, ruxsat berish va xabardor qilish talablari hamda shartlarining bajarilishi monitoringini oʻtkazishning quyidagilarni oʻz ichiga oladigan jarayonlari:
litsenziya, ruxsat berish va xabardor qilish talablari hamda shartlariga rioya etilishi ustidan vakolatli organlar tomonidan masofaviy monitoringni amalga oshirish;
litsenziyalash, ruxsat berish va xabardor qilish tartib-taomillaridan oʻtishning har bir bosqichida arizalar koʻrib chiqilishini kuzatib borish;
litsenziya, ruxsat berish va xabardor qilish talablari hamda shartlariga rioya etilishi bilan bogʻliq boʻlgan faoliyatni (harakatlarni) amalga oshirish chogʻida huquqbuzarliklar aniqlangan taqdirda vakolatli organlarning sudlarga murojaat qilishi;
litsenziyalash, ruxsat berish va xabardor qilish tartib-taomillari sohasida jamoatchilik nazoratini amalga oshirish;
vakolatli organlarning avtomatik tarzda shakllantiriladigan reytingini yuritish;
jismoniy va yuridik shaxslarning faoliyati (harakatlari) ustidan nazorat qilishning muayyan mezonlarini aniqlagan holda, vakolatli organlar tomonidan berilgan litsenziyalarning va ruxsat etish xususiyatiga ega hujjatlarning, shuningdek xabardor qilish tartibida amalga oshiriladigan faoliyatning oʻziga xos xususiyatlarini hisobga olib, “xavfni tahlil qilish” tizimini joriy etish.
 LexUZ sharhi
Qarang: Oʻzbekiston Respublikasi Prezidentining 2020-yil 24-avgustdagi PF-6044-sonli “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi Farmonining 9-bandi.
Maxsus elektron tizimda qonunchilikka muvofiq boshqa jarayonlar ham aks ettirilishi mumkin.
9-modda. Faoliyatning litsenziyalanadigan turlarini davlat muassasalari tomonidan amalga oshirish
Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlari bilan tashkil etilgan davlat muassasalari, basharti Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlarida faoliyatning litsenziyalanadigan turlarini amalga oshirish nazarda tutilgan boʻlsa, faoliyatning ushbu turlarini tegishli litsenziyani olmasdan amalga oshirishga haqlidir. Mazkur qoida koʻrsatilgan davlat muassasalarini litsenziya talablari va shartlarini bajarishdan ozod etmaydi.
10-modda. Litsenziyalash, ruxsat berish hamda xabardor qilish tartib-taomillarini yuridik shaxslarning filiallari va vakolatxonalari tomonidan amalga oshirish
Yuridik shaxslar tomonidan tashkil etilgan filiallar va vakolatxonalar uchun alohida litsenziyalar hamda ruxsat etish xususiyatiga ega hujjatlar olish talab etilmaydi. Bunda yuridik shaxslar tomonidan avval olingan litsenziyalarda va ruxsat etish xususiyatiga ega hujjatlarda vakolatli organlar tomonidan mazkur hujjatlarga oʻzgartishlar kiritilgan holda filiallar va vakolatxonalarning manzillari koʻrsatiladi.
Filiallar va vakolatxonalar tashkil etgan yuridik shaxslar filiallar hamda vakolatxonalar tomonidan faoliyat (harakatlar) turlarini xabardor qilish tartibida amalga oshirish boshlanguniga qadar bu haqda vakolatli organni maxsus elektron tizim yoki Oʻzbekiston Respublikasi Yagona interaktiv davlat xizmatlari portali (bundan buyon matnda YIDXP deb yuritiladi) orqali xabardor qilishi kerak. Bunda vakolatli organ koʻrsatilgan filiallar va vakolatxonalar toʻgʻrisidagi axborotni xabarnomalar reyestriga kiritadi.
Filiallar va vakolatxonalar faoliyatning litsenziyalanadigan turlarini, ruxsat etish xususiyatiga ega hujjat olish talab etiladigan faoliyat (harakatlar) turlarini amalga oshirayotganda yoki faoliyatni (harakatlarni) xabardor qilish tartibida amalga oshirayotganda litsenziya, ruxsat berish va xabardor qilish talablari hamda shartlariga rioya etishi kerak.
Oldingi tahrirga qarang.
101-modda. Oʻzbekiston Respublikasi norezidenti boʻlgan chet el yuridik shaxslarining litsenziyalash, ruxsat berish va xabardor qilish tartib-taomillaridan oʻtishining oʻziga xos xususiyatlari
Oʻzbekiston Respublikasi norezidenti boʻlgan chet el yuridik shaxslari tomonidan Oʻzbekiston Respublikasida litsenziya va ruxsat etish xususiyatiga ega hujjatlarni olish uchun ariza berish hamda xabardor qilish ularning Oʻzbekiston Respublikasidagi belgilangan tartibda hisobga qoʻyilgan doimiy muassasasi orqali amalga oshiriladi.
Bunda tashqi iqtisodiy faoliyat hamda tranzit yuklarni tashish bilan bogʻliq bir martalik harakatlarni bajarish uchun ruxsat etish xususiyatiga ega hujjatlarni rasmiylashtirish uchun Oʻzbekiston Respublikasi norezidenti boʻlgan chet el yuridik shaxslarining Oʻzbekiston Respublikasida doimiy muassasalarini hisobga qoʻyishi talab etilmaydi.
(101-modda Oʻzbekiston Respublikasining 2025-yil 27-noyabrdagi OʻRQ-1099-sonli Qonuniga asosan kiritilgan — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
11-modda. Litsenziyalar, ruxsat etish xususiyatiga ega hujjatlar va xabarnomalar reyestrlari
Litsenziyalar, ruxsat etish xususiyatiga ega hujjatlar va xabarnomalar reyestrlari faoliyatning har bir turi boʻyicha alohida-alohida maxsus elektron tizim vositasida elektron shaklda yuritiladi. Reyestrlardagi axborot ochiqdir.
Litsenziyalar, ruxsat etish xususiyatiga ega hujjatlar va xabarnomalar reyestrlarida quyidagilar aks ettiriladi:
yuridik shaxs uchun — nomi, joylashgan yeri (pochta manzili), soliq toʻlovchining identifikatsiya raqami (STIR);
jismoniy shaxs uchun — familiyasi, ismi, otasining ismi, jismoniy shaxsning shaxsini tasdiqlovchi hujjat maʼlumotlari, jismoniy shaxsning shaxsiy identifikatsiya raqami (JSHSHIR), faoliyat (harakatlar) amalga oshiriladigan manzil;
xabardor qilish talab etiladigan faoliyat (harakatlar) turlarini amalga oshiruvchi filiallar va vakolatxonalar toʻgʻrisidagi axborot;
berilgan litsenziyalarning, ruxsat etish xususiyatiga ega hujjatlarning va xabarnomalar sanasi va tartib raqamlari;
cheklangan amal qilish muddatiga beriladigan litsenziyalar va ruxsat etish xususiyatiga ega hujjatlar uchun — litsenziyalarning va ruxsat etish xususiyatiga ega hujjatlarning amal qilish muddatlari;
amalga oshirilishi uchun litsenziyalar yoki ruxsat etish xususiyatiga ega hujjat talab qilinadigan, shuningdek xabardor qilish tartibida amalga oshiriladigan faoliyat (harakatlar) turi (kichik turi);
litsenziyalarni va ruxsat etish xususiyatiga ega hujjatlarni qayta rasmiylashtirish, ularning amal qilishini uzaytirish, toʻxtatib turish, qayta tiklash, tugatish, ularni bekor qilish asoslari hamda sanalari;
litsenziyalarni chaqirib olish asoslari va sanalari;
xabardor qiluvchining faoliyatini (harakatlarini) toʻxtatib turish, qayta tiklash, tugatish, faoliyatni (harakatlarni) xabardor qilish tartibida amalga oshirishga doir taqiqning muddati toʻgʻrisidagi axborot;
litsenziyaga, ruxsat etish xususiyatiga ega hujjatga oʻzgartishlar kiritish, shuningdek xabardor qilish tartibida amalga oshiriladigan faoliyatni (harakatlarni) oʻzgartirish haqidagi xabarnomani yuborish asoslari hamda sanalari;
faoliyatni (harakatlarni) xabardor qilish tartibida amalga oshirishga doir taqiqning qolgan muddati.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 21-fevraldagi 80-son qarori bilan tasdiqlangan “Maxsus elektron tizim orqali ayrim faoliyat turlarini litsenziyalash tartibi toʻgʻrisida”gi yagona nizomning 8-bobi.
12-modda. Litsenziyalar, ruxsat etish xususiyatiga ega hujjatlar va xabarnomalar reyestrlarini yuritish
Litsenziyalar, ruxsat etish xususiyatiga ega hujjatlar va xabarnomalar reyestrlari litsenziatlarning, ruxsat etish xususiyatiga ega hujjatlarni olgan shaxslarning hamda xabardor qiluvchilarning davlat tomonidan hisobga olinishini taʼminlash, shuningdek litsenziya, ruxsat berish va xabardor qilish talablari hamda shartlariga mazkur shaxslar tomonidan rioya etilishi ustidan davlat nazoratini amalga oshirish maqsadida yuritiladi.
Litsenziyalar, ruxsat etish xususiyatiga ega hujjatlar va xabarnomalar reyestrlarini doimiy asosda yuritish hamda ularga tegishli oʻzgartishlar kiritish vakolatli organlarning zimmasiga yuklatiladi.
 LexUZ sharhi
Qarang: Oʻzbekiston Respublikasi Vazirlar Mahkamasining 2000-yil 20-dekabrdagi 488-son qarori bilan tasdiqlangan “Oʻzbekiston Respublikasi hududida litsenziyalar reyestrini shakllantirish va yuritish tartibi toʻgʻrisida”gi nizom.
2-bob. Litsenziyalash
13-modda. Faoliyatning litsenziyalanadigan turlari
Ushbu Qonunning 1-ilovasida koʻrsatilgan faoliyat turlari faoliyatning litsenziyalanadigan turlaridir.
 LexUZ sharhi
Qarang: Oʻzbekiston Respublikasi Prezidentining 2020-yil 24-avgustdagi PF-6044-sonli “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi Farmonining 5-bandi toʻrtinchi xatboshisi.
Litsenziya faoliyatning har bir litsenziyalanadigan turi uchun alohida beriladi. Litsenziya talabgorning arizasiga muvofiq litsenziyalanadigan faoliyat turining kichik turiga (kichik turlariga) berilishi mumkin.
Amalga oshirilishi uchun litsenziya berilgan faoliyat turi (kichik turi) faqat litsenziya olgan jismoniy yoki yuridik shaxs tomonidan amalga oshirilishi mumkin. Litsenziyalarni yoki ularga doir huquqlarni boshqa shaxslarga berish taqiqlanadi.
Amalga oshirilishi uchun litsenziya berilgan faoliyat, agar litsenziya talablari va shartlarida boshqacha qoida nazarda tutilmagan boʻlsa, Oʻzbekiston Respublikasining butun hududida amalga oshirilishi mumkin.
14-modda. Litsenziyalash sohasidagi vakolatli organlar
Litsenziyalash sohasidagi vakolatli organlar:
talabgorlarning murojaatlarini qabul qiladi va koʻrib chiqadi;
litsenziyalar beradi yoki ularni berishni rad etadi, litsenziyalarning amal qilishi muddatini uzaytiradi;
litsenziatlar tomonidan litsenziya talablari va shartlariga rioya etilishini nazorat qiladi;
litsenziyalarni qayta rasmiylashtiradi;
litsenziyalarning amal qilishini toʻxtatib turadi, qayta tiklaydi;
litsenziyalarni bekor qiladi yoki ushbu Qonunning 33-moddasida nazarda tutilgan hollarda va tartibda litsenziyalarni bekor qilish toʻgʻrisidagi ariza bilan sudga murojaat qiladi;
litsenziyalarni oʻzgartiradi;
litsenziyalar reyestrini yuritadi.
Litsenziyalash sohasidagi vakolatli organlar qonunga, shuningdek faoliyatning ayrim turlarini litsenziyalash haqidagi nizomlarga va ularning pasportlariga muvofiq boshqa vakolatlarni ham amalga oshirishi mumkin.
Litsenziyalash sohasidagi vakolatli organlar ushbu vakolatli organlar tomonidan litsenziyalanadigan faoliyatni amalga oshiradigan korxonalar, muassasalar va tashkilotlarni tashkil etishga yoki ularning faoliyatida muassislar, aksiyadorlar yoxud ishtirokchilar sifatida ishtirok etishga haqli emas, bundan qonunda nazarda tutilgan hollar mustasno.
 LexUZ sharhi
Qarang: Oʻzbekiston Respublikasi Prezidentining 2020-yil 24-avgustdagi PF-6044-sonli “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi Farmonining 6-bandi.
15-modda. Litsenziyalarning turlari
Litsenziyalar namunaviy (oddiy) va yakka tartibda boʻlishi mumkin.
Agar cheklanmagan miqdordagi talabgorlar faoliyatning tegishli turini amalga oshirishga nisbatan qoʻyiladigan yagona litsenziya talablari va shartlariga javob bersa, ushbu shaxslarga beriladigan litsenziyalar namunaviy (oddiy) litsenziyalar jumlasiga kiradi.
Talabgorlarga alohida litsenziya talablari va shartlari asosida beriladigan, faoliyatning muayyan turini amalga oshirishda litsenziatlarga mutlaq huquqlarni taqdim etadigan litsenziyalar yakka tartibdagi litsenziyalar jumlasiga kiradi. Yakka tartibdagi litsenziyalar amal qilish hududi, faoliyat obyekti boʻyicha yoki Oʻzbekiston Respublikasi Vazirlar Mahkamasi tomonidan belgilanadigan boshqa asoslarga koʻra soni jihatidan cheklanadi.
 LexUZ sharhi
Qarang: Vazirlar Mahkamasining 2004-yil 20-dekabrdagi 592-son qarori bilan tasdiqlangan Radiochastotalarni tanlov yoʻli bilan taqsimlash va teleradioeshittirish sohasida faoliyatni amalga oshirish huquqiga yakka tartibdagi litsenziyalar berish tartibi toʻgʻrisidagi nizom.
Yakka tartibdagi litsenziyalarni berish, qoida tariqasida, tanlov (tender) asosida amalga oshiriladi.
Yakka tartibdagi litsenziyalarni berish tartibi va shartlari, shu jumladan tanlovlarni (tenderlarni) oʻtkazish shartlari Oʻzbekiston Respublikasi Vazirlar Mahkamasi tomonidan belgilanadi.
 LexUZ sharhi
Qarang: Vazirlar Mahkamasining 2004-yil 20-dekabrdagi 592-son qarori bilan tasdiqlangan Radiochastotalarni tanlov yoʻli bilan taqsimlash va teleradioeshittirish sohasida faoliyatni amalga oshirish huquqiga yakka tartibdagi litsenziyalar berish tartibi toʻgʻrisidagi nizom.
16-modda. Litsenziyaning amal qilish muddati
Faoliyatning litsenziyalanadigan turlarini (kichik turlarini) amalga oshirish uchun litsenziyalar ularning amal qilish muddati cheklanmagan holda beriladi, bundan quyidagilarni amalga oshirish uchun litsenziyalar mustasno:
tibbiy faoliyat;
farmatsevtika faoliyati;
Oldingi tahrirga qarang.
mineral oʻgʻitlarning, oʻsimliklarni himoya qilish uchun foydalaniladigan kimyoviy vositalarning ulgurji va chakana savdosi boʻyicha faoliyat;
(16-moddaning birinchi qismi Oʻzbekiston Respublikasining 2022-yil 24-maydagi OʻRQ-771-sonli Qonuniga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 25.05.2022-y., 03/22/771/0448-son — 2022-yil 26-avgustdan kuchga kiradi)
Oldingi tahrirga qarang.
Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyat;
(16-moddaning birinchi qismi Oʻzbekiston Respublikasining 2025-yil 20-yanvardagi OʻRQ-1020-sonli Qonuniga asosan beshinchi xatboshi bilan toʻldirilgan — Qonunchilik maʼlumotlari milliy bazasi, 21.01.2025-y., 03/25/1020/0053-son. Kuchga kirish sanasi — 2025-yil 22-iyul)
giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyat;
tarkibida tetragidrokannabinol giyohvandlik vositasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish yoki tayyorlash bilan bogʻliq boʻlmagan sanoat maqsadlarida yetishtirish, olib kirish (olib chiqish), qayta ishlash, saqlash, realizatsiya qilish (berish), olish va tashish faoliyati;
koʻchma radiotelefon (uyali) aloqadan va teleradioeshittirishlarni tarqatish tarmoqlaridan foydalanish hamda ularning xizmatlarini koʻrsatish bilan bogʻliq faoliyat;
neftni, gazni (shu jumladan siqilgan tabiiy va suyultirilgan uglevodorod gazini) hamda gaz kondensatini qazib olish, qayta ishlash va realizatsiya qilish sohasidagi faoliyat;
affinaj faoliyati;
 LexUZ sharhi
Qarang: Oʻzbekiston Respublikasi Prezidentining 2018-yil 11-apreldagi PF-5409-sonli “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida”gi Farmonining 3-bandi.
Oldingi tahrirga qarang.
lotereyalar tashkil etish faoliyati;
bukmekerlik faoliyati;
Internet jahon axborot tarmogʻida tavakkalchilikka asoslangan oʻyinlarni tashkil etish faoliyati.
(16-moddaning birinchi qismi Oʻzbekiston Respublikasining 2025-yil 17-apreldagi OʻRQ-1057-sonli Qonuniga asosan oʻn birinchi, oʻn ikkinchi va oʻn uchinchi xatboshilar bilan toʻldirilgan — Qonunchilik maʼlumotlari milliy bazasi, 17.04.2025-y., 03/25/1057/0351-son)
Oldingi tahrirga qarang.
Ushbu modda birinchi qismining ikkinchi — oʻn uchinchi xatboshilarida nazarda tutilgan faoliyat turlarini (kichik turlarini) amalga oshirish uchun litsenziyalarning amal qilish muddatlari faoliyatning ayrim turlarini litsenziyalash toʻgʻrisidagi nizomlarda va ularning pasportlarida belgilanadi, lekin bu muddatlar besh yildan kam boʻlmasligi kerak.
(16-moddaning ikkinchi qismi Oʻzbekiston Respublikasining 2025-yil 20-yanvardagi OʻRQ-1020-son va 2025-yil 17-apreldagi OʻRQ-1057-sonli Qonunlari tahririda — Qonunchilik maʼlumotlari milliy bazasi, 21.01.2025-y., 03/25/1020/0053-son. Kuchga kirish sanasi — 2025-yil 22-iyul)
Litsenziyaning amal qilish muddati tugagach, u litsenziatning arizasiga koʻra uzaytirilishi mumkin. Litsenziyaning amal qilish muddatini uzaytirish toʻgʻrisidagi ariza ushbu Qonunning 25-moddasida nazarda tutilgan tartibda vakolatli organga topshiriladi. Litsenziyaning amal qilish muddatini uzaytirish litsenziyani berish uchun nazarda tutilgan tartibda amalga oshiriladi.
17-modda. Litsenziya berganlik, uning amal qilish muddatini uzaytirganlik va uni oʻzgartirganlik uchun undiriladigan davlat boji
Litsenziya berganlik, uning amal qilish muddatini uzaytirganlik va uni oʻzgartirganlik uchun davlat boji undiriladi.
Litsenziya berganlik, uning amal qilish muddatini uzaytirganlik va uni oʻzgartirganlik uchun davlat boji miqdorlari hamda uni toʻlash tartibi “Davlat boji toʻgʻrisida”gi Oʻzbekiston Respublikasi Qonunida belgilanadi.
Litsenziyalanadigan faoliyat turining kichik turi uchun litsenziya berganlik va uning amal qilish muddatini uzaytirganlik uchun qonunda davlat boji stavkalarining kamaytirilgan miqdorlari belgilanishi mumkin.
Faoliyatning quyidagi turlari boʻyicha litsenziyaning amal qilishi uchun yillik davlat bojlari belgilanadi:
konsert-tomosha faoliyati;
isteʼmol va texnik etil spirti, alkogol mahsulotlari ishlab chiqarish;
alkogol mahsulotlarining ulgurji savdosi sohasidagi faoliyat;
telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatish;
Oldingi tahrirga qarang.
bukmekerlik faoliyati;
Internet jahon axborot tarmogʻida tavakkalchilikka asoslangan oʻyinlarni tashkil etish faoliyati.
(17-moddaning toʻrtinchi qismi Oʻzbekiston Respublikasining 2025-yil 17-apreldagi OʻRQ-1057-sonli Qonuniga asosan oltinchi va yettinchi xatboshilar bilan toʻldirilgan — Qonunchilik maʼlumotlari milliy bazasi, 17.04.2025-y., 03/25/1057/0351-son)
18-modda. Litsenziyalanadigan faoliyat turining kichik turiga litsenziat tomonidan litsenziya olish tartibi
Litsenziat litsenziya asosida amalga oshiriladigan faoliyatni litsenziyalanadigan faoliyat turining boshqa kichik turi bilan kengaytirishi mumkin.
Muayyan sohada faoliyatning litsenziyalanadigan turini amalga oshirish huquqi uchun litsenziyaga ega boʻlgan litsenziat xuddi shu sohadagi faoliyatning kichik turiga litsenziya berish toʻgʻrisidagi ariza bilan murojaat qilgan taqdirda, u vakolatli organga faqat faoliyatning tegishli kichik turiga qoʻyiladigan qoʻshimcha litsenziya talablari va shartlarini qanoatlantiradigan axborotni taqdim etadi. Bunda vakolatli organ litsenziat tomonidan ilgari olingan litsenziyaga litsenziyalanadigan faoliyat turining tegishli kichik turiga taalluqli oʻzgartishlar kiritadi.
3-bob. Ruxsat berish tartib-taomillari
19-modda. Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar) turlari
Ushbu Qonunning 2-ilovasida koʻrsatilgan faoliyat (harakatlar) turlari amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar) turlaridir.
 LexUZ sharhi
Qarang: Oʻzbekiston Respublikasi Prezidentining 2020-yil 24-avgustdagi PF-6044-sonli “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi Farmonining 5-bandi toʻrtinchi xatboshisi.
 LexUZ sharhi
Bunday hujjatlarga ruxsatnoma, guvohnoma, sertifikat kabi hujjatlar kiradi. Misol uchun, yoʻlovchilarni xalqaro yoʻnalishlar boʻyicha mikroavtobuslarda tashish faoliyati bilan shugʻullanish uchun avtomobil transportida yoʻlovchilarni tashish faoliyati uchun litsenziya olinishi talab etilsa, xavfli yuklarni avtomobil transportida tashish faoliyati bilan shugʻullanish uchun litsenziya emas, balki bu sohada vakolatli organ hisoblangan Oʻzbekiston Respublikasi Ichki ishlar vazirligi tomonidan beriladigan avtotransport vositasini xavfli yuklarni tashishga qoʻyish toʻgʻrisidagi guvohnomaga ega boʻlish talab etiladi.
20-modda. Ruxsat berish tartib-taomillari sohasidagi vakolatli organlar
Ruxsat berish tartib-taomillari sohasidagi vakolatli organlar:
talabgorlarning ruxsat etish xususiyatiga ega hujjatni berish, uning amal qilish muddatini uzaytirish, amal qilishini toʻxtatib turish, qayta tiklash, uni qayta rasmiylashtirish va bekor qilish toʻgʻrisidagi murojaatlarini qabul qiladi hamda koʻrib chiqadi;
ushbu Qonun talablariga va ruxsat berish tartib-taomillaridan oʻtish tartibi toʻgʻrisidagi nizomlarga muvofiq belgilangan muddatlarda ruxsat etish xususiyatiga ega hujjatni beradi yoki uni berishni asosli ravishda rad etadi;
ruxsat etish xususiyatiga ega hujjatlarning reyestrini yuritadi;
ruxsat berish tartib-taomillari masalalari yuzasidan talabgorlarning ogʻzaki yoki yozma, shu jumladan elektron hujjat tarzida yuborilgan soʻroviga koʻra bepul asosda toʻliq axborot va malakali maslahatlar (tushuntirishlar) beradi;
talabgorlar ruxsat berish tartib-taomillaridan oʻtish tartibi bilan moneliksiz tanishib chiqishi va ruxsat etish xususiyatiga ega hujjatlarni olish uchun zarur boʻlgan hujjatlar moneliksiz taqdim etilishi uchun shart-sharoitlar yaratadi;
ruxsat etish xususiyatiga ega hujjatlarni elektron shaklda beradi;
ushbu Qonunning 32 va 33-moddalarida nazarda tutilgan hollarda ruxsat etish xususiyatiga ega hujjatlarning amal qilishini toʻxtatib turish yoki ularni bekor qilish toʻgʻrisida qarorlar qabul qiladi va (yoki) ushbu masalalarni sud tartibida koʻrib chiqish tashabbusi bilan chiqadi.
Ruxsat berish tartib-taomillari sohasidagi vakolatli organlar qonunga, shuningdek ruxsat berish tartib-taomillaridan oʻtish tartibi toʻgʻrisidagi nizomlarga va ularning pasportlariga muvofiq boshqa vakolatlarni ham amalga oshirishi mumkin.
21-modda. Ruxsat etish xususiyatiga ega hujjatning amal qilish muddati
Ruxsat etish xususiyatiga ega hujjatning amal qilish muddati, qoida tariqasida, cheklanmaydi, bundan ruxsat berish tartib-taomillaridan oʻtish tartibi toʻgʻrisidagi nizomlarda va ularning pasportlarida nazarda tutilgan hollar, shuningdek bir martalik harakatni bajarish uchun beriladigan ruxsat etish xususiyatiga ega hujjatlar mustasno.
Ruxsat etish xususiyatiga ega hujjatning amal qilish muddati tugagach, u talabgorning arizasiga koʻra uzaytirilishi mumkin. Ruxsat etish xususiyatiga ega hujjatning amal qilish muddatini uzaytirish haqidagi ariza ushbu Qonunning 25-moddasida nazarda tutilgan tartibda vakolatli organga topshiriladi. Ruxsat etish xususiyatiga ega hujjatning amal qilish muddatini uzaytirish ruxsat etish xususiyatiga ega hujjatni berish uchun nazarda tutilgan tartibda amalga oshiriladi. Ruxsat berish tartib-taomillaridan oʻtish tartibi toʻgʻrisidagi nizomlarda ruxsat etish xususiyatiga ega hujjatning amal qilish muddatini uzaytirishning soddalashtirilgan tartibi belgilanishi mumkin.
Agar ruxsat etish xususiyatiga ega hujjatni berish tanlov (tender) asosida amalga oshirilayotgan boʻlsa, ruxsat berish talablari va shartlariga lozim darajada rioya etgan talabgor ushbu hujjatning amal qilish muddatini uzaytirishda ustuvor huquqqa ega boʻladi. Agar ruxsat berish talablari va shartlariga lozim darajada rioya etgan talabgorning taklifi tanlovda (tenderda) ishtirok etuvchi boshqa talabgorning eng maqbul taklifiga teng qiymatda boʻlsa, ushbu ustuvorlik qoʻllaniladi.
22-modda. Ruxsat etish xususiyatiga ega hujjatni berganlik yoki uning amal qilish muddatini uzaytirganlik uchun yigʻim
Ruxsat etish xususiyatiga ega hujjatni berganlik yoki uning amal qilish muddatini uzaytirganlik uchun Oʻzbekiston Respublikasi Vazirlar Mahkamasi tomonidan tasdiqlangan ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilangan hollarda hamda miqdorlarda yigʻim undiriladi.
 LexUZ sharhi
Qarang: Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizom.
Ruxsat etish xususiyatiga ega hujjatni berganlik yoki uning amal qilish muddatini uzaytirganlik uchun yigʻim summasi qonunchilikda belgilangan tartibda taqsimlanadi.
4-bob. Litsenziyalashning va ruxsat berish tartib-taomillarining oʻziga xos xususiyatlari
23-modda. Faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlar, shuningdek ularning pasportlari
Litsenziyalash va ruxsat berish tartib-taomillaridan oʻtish tartibi Oʻzbekiston Respublikasi Vazirlar Mahkamasi tomonidan tasdiqlanadigan faoliyatning ayrim turlarini litsenziyalash hamda ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilanadi.
 LexUZ sharhi
Qarang: Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizom, 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizom.
Faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda quyidagilar nazarda tutiladi:
litsenziyaning yoki ruxsat etish xususiyatiga ega hujjatning, shuningdek ularni berish zimmasiga yuklatiladigan vakolatli organning nomi;
litsenziyalashdan yoki ruxsat etish xususiyatiga ega hujjatni berishdan maqsad;
litsenziyani yoki ruxsat etish xususiyatiga ega hujjatni olish uchun taqdim etiladigan hujjatlarning tugal roʻyxati;
talabgorning litsenziya yoki ruxsat etish xususiyatiga ega hujjatni berish toʻgʻrisidagi arizasini koʻrib chiqish, hujjatni berish yoki uni berishni rad etish tartibi va muddatlari, shu jumladan agar mazkur hujjatni berish tanlov (tender) asosida amalga oshirilayotgan boʻlsa, litsenziya yoki ruxsat etish xususiyatiga ega hujjatni berish uchun tanlov (tender) oʻtkazish tartibi;
litsenziya yoki ruxsat berish talablari va shartlari;
litsenziyani va ruxsat etish xususiyatiga ega hujjatlarni maxsus elektron tizim vositasida berishda litsenziyalash hamda ruxsat berish tartib-taomillari sohasidagi vakolatli organlarning boshqa davlat organlari va tashkilotlar bilan oʻzaro hamkorligi tartibi;
litsenziyalarning va ruxsat etish xususiyatiga ega hujjatlarning amal qilish muddatini uzaytirish, amal qilishini qayta rasmiylashtirish, toʻxtatib turish, qayta tiklash, ularni bekor qilish tartibi;
tegishli litsenziya yoki ruxsat etish xususiyatiga ega hujjat cheklanmagan muddatga berilishi mumkin boʻlmagan hollarda, litsenziya va ruxsat etish xususiyatiga ega hujjatning amal qilish muddati;
agar talabgor tomonidan harakatlarni bajarish va (yoki) muayyan faoliyatni amalga oshirish imkoniyatini aniqlash uchun zarur boʻlsa, ruxsat berish tartib-taomili doirasida vakolatli organ yoki jalb qilingan uchinchi shaxs tomonidan oʻtkaziladigan oʻrganishlar, tadqiqotlar, tekshirishlarning yoki boshqa ilmiy va texnik baholashlarning tugal roʻyxati.
Faoliyatning ayrim turlarini litsenziyalash haqidagi va ruxsat berish tartib-taomillaridan oʻtish tartibi toʻgʻrisidagi nizomlarda ushbu Qonunga muvofiq boshqa normalar ham koʻrsatilishi, shuningdek litsenziyalash va ruxsat berish tartib-taomillaridan oʻtishning soddalashtirilgan tartibi belgilanishi mumkin.
Litsenziyalar va ruxsat etish xususiyatiga ega hujjatlar pasportlarida talabgor tomonidan litsenziyani yoki ruxsat etish xususiyatiga ega hujjatni olish va faoliyatini davom ettirishi uchun zarur boʻlgan axborot koʻrsatiladi.
24-modda. Litsenziya va ruxsat berish talablari hamda shartlari
Litsenziya va ruxsat berish talablari hamda shartlari faoliyatning ayrim turlarini litsenziyalash hamda ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida faoliyatning litsenziyalanadigan turining va amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar) turining har biri boʻyicha koʻrsatiladi. Bunda raqobatni cheklovchi talablar va shartlarni joriy etish taqiqlanadi.
Faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida quyidagi litsenziya hamda ruxsat berish talablari va shartlari koʻrsatiladi:
litsenziyalash hamda ruxsat berish tartib-taomillari sohasidagi qonunchilik hujjatlarining muayyan qoidalariga jismoniy va yuridik shaxslar tomonidan rioya etilishi shartligi;
faoliyatning litsenziyalanadigan turini yoki ruxsat berish tartib-taomillaridan oʻtish talab etiladigan faoliyat (harakatlar) turini amalga oshirishga talabgor shaxslarga nisbatan aniq malaka talablari, shu jumladan maxsus tayyorgarlikka doir talablar;
faoliyatning litsenziyalanadigan turini yoki ruxsat berish tartib-taomillaridan oʻtish talab etiladigan faoliyat (harakatlar) turini amalga oshirishning maxsus shartlariga doir tugal talablar, shu jumladan foydalaniladigan moddiy-texnika bazasi, asbob-uskunalar, boshqa texnik vositalarga doir aniq talablar;
xodimlar bilan yangi mehnat shartnomalarini tuzish, shartnomalarga oʻzgartishlar kiritish va ularni tugatish hollarini, shuningdek amaldagi mehnat shartnomalari toʻgʻrisidagi axborotni “Yagona milliy mehnat tizimi” idoralararo dasturiy-apparat kompleksida majburiy roʻyxatdan oʻtkazish — tegishli faoliyatni (harakatni) amalga oshirish uchun xodimlarga nisbatan shunday talab mavjud boʻlgan taqdirda;
faoliyatning litsenziyalanadigan turining yoki ruxsat berish tartib-taomillaridan oʻtish talab etiladigan faoliyat (harakatlar) turining oʻziga xos xususiyatlarini hisobga olgan holda boshqa litsenziya va ruxsat berish talablari va shartlari.
Litsenziya va ruxsat berish talablari hamda shartlariga rioya etilishini vakolatli organlar tomonidan nazorat qilish “xavfni tahlil qilish” tizimi natijalari hamda jismoniy va yuridik shaxslarning qonunchilik buzilishi faktlari toʻgʻrisidagi murojaatlari asosida amalga oshiriladi.
25-modda. Litsenziyalarni yoki ruxsat etish xususiyatiga ega hujjatlarni berish toʻgʻrisidagi arizalarni qabul qilish
Talabgorlarning litsenziyalarni yoki ruxsat etish xususiyatiga ega hujjatlarni berish toʻgʻrisidagi arizalari, shuningdek ularga ilova qilingan hujjatlar maxsus elektron tizim vositasida yoki YIDXP orqali qabul qilinishi mumkin.
Davlat sirlarini yoki qonunchilikka muvofiq foydalanilishi cheklangan axborotni oʻz ichiga olgan litsenziyalarni yoki ruxsat etish xususiyatiga ega hujjatlarni berish toʻgʻrisidagi arizalar vakolatli organlar tomonidan qabul qilinishi va bevosita ularga berilishi mumkin.
Ariza hamda unga ilova qilingan hujjatlar ushbu moddaning birinchi va ikkinchi qismlarida nazarda tutilgan tartibda vakolatli organga kelib tushgan paytdan eʼtiboran ular roʻyxatdan oʻtkazilgan deb hisoblanadi.
Ariza va unga ilova qilingan hujjatlar roʻyxatdan oʻtkazilganligini tasdiqlovchi tegishli hujjat (belgi) avtomatik ravishda talabgorga yuboriladi (beriladi).
Arizani qabul qilishni vakolatli organ tomonidan rad etishga yoʻl qoʻyilmaydi.
Elektron shaklda berilgan litsenziyalar va ruxsat etish xususiyatiga ega hujjatlar manfaatdor shaxslar tomonidan maxsus elektron tizim vositasida qogʻozda chop etilishi mumkin. Bunda qogʻozda chop etilgan litsenziyalar va ruxsat etish xususiyatiga ega hujjatlar elektron shaklda berilgan litsenziyalarga va ruxsat etish xususiyatiga ega hujjatlarga tenglashtiriladi.
Oldingi tahrirga qarang.
Talabgor maxsus elektron tizim yoki YIDXP orqali ariza bilan murojaat etganda, faoliyatning ayrim turlarini litsenziyalash tartibi va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilangan tartibda taqsimlanadigan davlat boji va yigʻimning bir qismi Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga yoʻnaltiriladi.
(25-moddaning yettinchi qismi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
26-modda. Litsenziyani va ruxsat etish xususiyatiga ega hujjatni olish uchun zarur boʻlgan hujjatlar
Litsenziyani yoki ruxsat etish xususiyatiga ega hujjatni berish toʻgʻrisidagi ariza bilan ushbu Qonunning 25-moddasida nazarda tutilgan tartibda murojaat qilgan taqdirda, talabgor tomonidan quyidagi maʼlumotlar koʻrsatiladi:
yuridik shaxs uchun — soliq toʻlovchining identifikatsiya raqami (STIR);
jismoniy shaxs uchun — familiyasi, ismi va otasining ismi, jismoniy shaxsning shaxsini tasdiqlovchi hujjat maʼlumotlari yoki jismoniy shaxsning shaxsiy identifikatsiya raqami (JSHSHIR);
talabgor amalga oshirish niyatida boʻlgan faoliyatning litsenziyalanadigan turi yoki ruxsat berish tartib-taomillaridan oʻtish talab etiladigan faoliyat (harakatlar) turi, shuningdek qonunchilikda nazarda tutilgan hollarda — mazkur faoliyatning kichik turi;
qonunchilikda nazarda tutilgan litsenziya yoki ruxsat berish talablari hamda shartlari talabgor tomonidan bajarilishi mumkinligini tasdiqlovchi boshqa maʼlumotlar.
Talabgor tomonidan taqdim etilgan, litsenziyani yoki ruxsat etish xususiyatiga ega hujjatni olish uchun zarur boʻlgan hujjatlar, vakolatli organ aksini isbotlaguniga qadar, barcha hollarda toʻgʻri deb hisoblanadi.
Talabgordan ushbu moddada hamda faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida nazarda tutilmagan hujjatlarni taqdim etishni talab qilishga yoʻl qoʻyilmaydi.
Ariza talabgor tomonidan maxsus elektron tizim yoki YIDXP vositasida yuborilgan taqdirda, u elektron raqamli imzo bilan tasdiqlanadi.
Talabgor notoʻgʻri yoki buzib koʻrsatilgan maʼlumotlarni taqdim etganlik uchun qonunga muvofiq javobgar boʻladi.
 LexUZ sharhi
Talabgor tomonidan ariza qogʻoz shaklda emas, balki maxsus elektron tizim orqali yoki YIDXP orqali yuborilgan taqdirda ariza manfaatdor shaxs tomonidan elektron raqamli imzo bilan tasdiqlangan boʻlishi lozim.
27-modda. Litsenziyalarni va ruxsat etish xususiyatiga ega hujjatlarni rasmiylashtirish hamda ularning toʻgʻriligini tekshirish
Litsenziyalar va ruxsat etish xususiyatiga ega hujjatlar yagona QR-kod (matrik shtrixli kod) qoʻyilgan holda elektron shaklda rasmiylashtiriladi, bundan Oʻzbekiston Respublikasining xalqaro shartnomalariga muvofiq maxsus qogʻoz blankalarida rasmiylashtirishni talab qiladigan hujjatlar mustasno.
 LexUZ sharhi
Batafsil maʼlumot uchun Oʻzbekiston Respublikasi Vazirlar Mahkamasining 2000-yil 20-dekabrdagi 488-son qarori bilan tasdiqlangan “Litsenziyalar blankalarini tayyorlash tartibi toʻgʻrisida”gi Nizom hamda Oʻzbekiston Respublikasi Vazirlar Mahkamasining 2001-yil 2-maydagi 200-sonli “Oʻzbekiston Respublikasi Vazirlar Mahkamasi tomonidan litsenziyalanadigan faoliyatning ayrim turlarini amalga oshirish uchun litsenziya blankasini hamda litsenziya blankalarini saqlash, hisobga olish, berish va hisobdan chiqarish, shuningdek ularni Oʻzbekiston Respublikasi Vazirlar Mahkamasi Apparatida rasmiylashtirish tartibi toʻgʻrisidagi yoʻriqnomani tasdiqlash haqida”gi qaroriga qarang.
Barcha turdagi litsenziyalarning va ruxsat etish xususiyatiga ega hujjatlarning toʻgʻriligini tekshirish mazkur hujjatlarga tushiriladigan yagona QR-kodni (matrik shtrixli kodni) tegishli reyestrda koʻrsatilgan axborot bilan solishtirib koʻrish orqali amalga oshiriladi. Bunda qogʻoz shaklidagi litsenziyalarni va ruxsat etish xususiyatiga ega hujjatlarni taqdim etishni talab qilish taqiqlanadi.
28-modda. Talabgorlarning litsenziyani yoki ruxsat etish xususiyatiga ega hujjatni berish toʻgʻrisidagi arizalarini koʻrib chiqish
Litsenziyalash va ruxsat berish tartib-taomillari maxsus elektron tizim orqali elektron shaklda amalga oshiriladi, bundan davlat sirlarini yoki qonunchilikka muvofiq foydalanilishi cheklangan axborotni oʻz ichiga olgan litsenziyalash va ruxsat berish tartib-taomillari mustasno.
Talabgorning arizasi ushbu Qonunning 25-moddasida nazarda tutilgan tartibda barcha zarur hujjatlar bilan qabul qilib olingan sanadan eʼtiboran vakolatli organ tomonidan uni koʻrib chiqish, litsenziyani yoki ruxsat etish xususiyatiga ega hujjatni berish yoxud uni berishni rad etish muddati yigirma ish kunidan oshmasligi kerak. Oʻzbekiston Respublikasi Vazirlar Mahkamasi faoliyatning ayrim litsenziyalanadigan turlari va amalga oshirilishi uchun ruxsat etish xususiyatiga ega hujjatni olish zarur boʻlgan faoliyat (harakatlar) turlari uchun ularning oʻziga xos xususiyatlarini hisobga olgan holda talabgorlarning litsenziyani yoki ruxsat etish xususiyatiga ega hujjatni berish toʻgʻrisidagi arizasini litsenziyalash va ruxsat berish tartib-taomillari sohasidagi vakolatli organ tomonidan koʻrib chiqish, uni berish yoki berishni rad etish muddatlarini yigirma ish kunidan ortiq etib belgilashi mumkin.
Vakolatli organ, zarur boʻlgan taqdirda, oʻz mablagʻlari hisobidan tegishli xulosalarni tayyorlash uchun ekspertlarni shartnoma asosida jalb etishga haqli.
Vakolatli organ litsenziyani yoki ruxsat etish xususiyatiga ega hujjatni berish yoxud uni berishni rad etish toʻgʻrisidagi qaror qabul qilingan sanadan eʼtiboran bir ish kunidan kechiktirmay uni maxsus elektron tizimga joylashtiradi va talabgorni mazkur qaror joylashtirilgan paytdan eʼtiboran bir ish soatidan oshmagan muddatda maxsus elektron tizim vositasida elektron shaklda xabardor qiladi.
Oldingi tahrirga qarang.
Agar vakolatli organ talabgorning litsenziyani yoki ruxsat etish xususiyatiga ega hujjatni berish toʻgʻrisidagi arizasini koʻrib chiqish, uni berish yoki berishni rad etish muddati mobaynida talabgorga litsenziyani yoki ruxsat etish xususiyatiga ega hujjatni bermasa va uni berishni rad etmasa, ushbu moddaning ikkinchi qismida nazarda tutilgan muddatlar oʻtganidan keyin talabgor amalga oshirilishi uchun litsenziya yoki ruxsat etish xususiyatiga ega hujjat olish niyatida boʻlgan faoliyatni (harakatni) amalga oshirish huquqiga ushbu moddaning oltinchi qismida nazarda tutilgan harakatlarni amalga oshirganidan keyin ega boʻladi.
(28-moddaning beshinchi qismi Oʻzbekiston Respublikasining 2025-yil 27-noyabrdagi OʻRQ-1099-sonli Qonuni tahririda — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
Ushbu moddaning beshinchi qismida nazarda tutilgan holda talabgor belgilangan davlat bojini yoki yigʻimni toʻlaganidan keyin maxsus elektron tizim vositasida unga litsenziya yoki ruxsat etish xususiyatiga ega hujjat beriladi. Bunda talabgor litsenziyasiz va ruxsat etish xususiyatiga ega hujjatsiz faoliyat bilan shugʻullanganlik uchun javobgarlikka tortilishi mumkin emas hamda vakolatli organlar ehtimol tutilgan barcha oqibatlar uchun javobgar boʻladi.
Oldingi tahrirga qarang.
281-modda. Litsenziyani yoki ruxsat etish xususiyatiga ega hujjatni “Biznesga litsenziyasiz kirish” maxsus rejimi doirasida olishning oʻziga xos xususiyatlari
“Biznesga litsenziyasiz kirish” maxsus rejimi doirasida talabgor faoliyatning litsenziyalanadigan turini yoki amalga oshirilishi uchun ruxsat etish xususiyatiga ega hujjat olish talab etiladigan faoliyat (harakatlar) turini maxsus elektron tizim yoki YIDXP orqali vakolatli organga bepul tarzda xabar bergan holda, litsenziya yoki ruxsat etish xususiyatiga ega hujjat olmasdan amalga oshirishi mumkin.
“Biznesga litsenziyasiz kirish” maxsus rejimining amal qilish muddati uch oy boʻlib, ushbu muddat davomida talabgor muayyan faoliyatni (harakatni) litsenziyasiz yoki ruxsat etish xususiyatiga ega hujjatsiz amalga oshirganlik uchun javobgarlikka tortilmaydi.
Talabgor “Biznesga litsenziyasiz kirish” maxsus rejimining amal qilish muddati davomida:
oʻz faoliyatini (harakatlarini) litsenziya yoki ruxsat berish talablariga va shartlariga muvofiqlashtirish choralarini koʻradi;
tegishli litsenziyani yoki ruxsat etish xususiyatiga ega hujjatni belgilangan tartibda oladi yoxud mazkur faoliyatni (harakatlarni) tugatadi.
“Biznesga litsenziyasiz kirish” maxsus rejimi amal qiladigan faoliyatning litsenziyalanadigan turi va amalga oshirilishi uchun ruxsat etish xususiyatiga ega hujjat olish talab etiladigan faoliyat (harakatlar) turi Oʻzbekiston Respublikasi Vazirlar Mahkamasi tomonidan tasdiqlanadigan faoliyatning ayrim turlarini litsenziyalash hamda ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilanadi.
(281-modda Oʻzbekiston Respublikasining 2026-yil 13-avgustdagi OʻRQ-1164-sonli Qonuniga asosan kiritilgan — Qonunchilik maʼlumotlari milliy bazasi, 14.08.2026-y., 03/26/1164/0838-son)
29-modda. Litsenziyani va ruxsat etish xususiyatiga ega hujjatni berishni rad etish
Litsenziyani yoki ruxsat etish xususiyatiga ega hujjatni berish toʻgʻrisidagi arizani rad etish uchun quyidagilar asos boʻladi:
litsenziyani yoki ruxsat etish xususiyatiga ega hujjatni berish uchun zarur boʻlgan hujjatlarning talabgor tomonidan toʻliq boʻlmagan hajmda taqdim etilganligi;
talabgorning litsenziya va ruxsat berish talablari hamda shartlariga muvofiq emasligi;
Oldingi tahrirga qarang.
qonunchilikda nazarda tutilgan faoliyat turlari uchun bir yil muddatga litsenziyani olish yoki sudning qaroriga (hukmiga) asosan shaxsga nisbatan muayyan faoliyat turi bilan shugʻullanish taqiqlanganligi;
(29-moddaning birinchi qismi Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
talabgor tomonidan taqdim etilgan hujjatlarda notoʻgʻri yoki buzib koʻrsatilgan maʼlumotlar mavjudligi;
faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarga muvofiq oʻtkazilishi majburiy boʻlgan oʻrganishlar, tadqiqotlar, tekshirishlar yoki boshqa ilmiy hamda texnik baholashlarning yakunlari boʻyicha asoslantirilgan salbiy xulosa olinganligi.
Litsenziyani yoki ruxsat etish xususiyatiga ega hujjatni berishni maqsadga muvofiq emas degan vajlar bilan yoxud boshqa asoslarga koʻra, shu jumladan quyidagi hollarda rad etishga yoʻl qoʻyilmaydi:
xodimlarning kasbiy malakasi qonunchilikda belgilangan talablarga muvofiq boʻlmaganda;
taqdim etilgan hujjatlar va dasturlar qonunchilikda belgilangan talablarga muvofiq boʻlmaganda;
litsenziya va ruxsat berish talablari hamda shartlariga muvofiq foydalaniladigan bino va inshootlar sanitariya-epidemiologik hamda yongʻin xavfsizligi talablariga muvofiq boʻlmaganda.
Ushbu modda birinchi qismining ikkinchi xatboshisi va ikkinchi qismining ikkinchi, uchinchi va toʻrtinchi xatboshilarida koʻrsatilgan hollar aniqlanganda, agar arizada bartaraf etish mumkin boʻlgan kamchiliklar mavjud boʻlsa, vakolatli organ ularni bartaraf etish uchun talabgorga muddat beradi. Kamchiliklarni bartaraf etish zarurligi toʻgʻrisidagi xabarnoma vakolatli organ tomonidan maxsus elektron tizim vositasida elektron shaklda talabgorga bir ish kuni ichida yuboriladi.
Xabarnoma taqdim etilgan hujjatlarda aniqlangan kamchiliklar hamda ularni bartaraf etish usullari, shuningdek talabgor koʻrsatilgan sabablarni bartaraf qilib, tegishli hujjatlarni koʻrib chiqish uchun takroran taqdim etishi mumkin boʻlgan muddat koʻrsatilgan holda yuboriladi. Xabarnomada koʻrsatilgan muddat kamchiliklarni bartaraf etish uchun zarur boʻladigan vaqtga mutanosib boʻlishi, lekin ushbu muddat oʻttiz ish kunidan ortiq boʻlmasligi kerak.
Vakolatli organ aniqlangan kamchiliklarni bartaraf etish uchun talabgorga malakali xodimlarni izlashda, hujjatlar hamda dasturlarni maromiga yetkazish uchun mutaxassislarni jalb etishda, shuningdek litsenziyalarni hamda ruxsat etish xususiyatiga ega oʻzga hujjatlarni olish uchun boshqa zarur shart-sharoitlarni yaratishda yordam koʻrsatishi va tavsiyalar berishi kerak, bundan talabgorlar taklif etilgan yordamni rad etgan hollar mustasno.
Kamchiliklarni bartaraf etish toʻgʻrisidagi xabarnoma yuborilgan taqdirda litsenziyani yoki ruxsat etish xususiyatiga ega hujjatni berish toʻgʻrisidagi arizani koʻrib chiqish muddati toʻxtatib turiladi.
Hujjatlar xabarnomada koʻrsatilgan kamchiliklarni bartaraf etmasdan yoki xabarnomada koʻrsatilgan muddat oʻtgandan keyin takroran taqdim etilgan taqdirda, vakolatli organ litsenziyani yoki ruxsat etish xususiyatiga ega hujjatni berishni rad etish haqida qaror qabul qilishga haqli. Bunda litsenziyani va ruxsat etish xususiyatiga ega hujjatni berishni kamchiliklarni bartaraf etish toʻgʻrisidagi xabarnomada koʻrsatilmagan yangi asoslar boʻyicha rad etishga yoʻl qoʻyilmaydi.
Litsenziyani yoki ruxsat etish xususiyatiga ega hujjatni berish rad etilganligi haqidagi xabarnoma talabgorga rad etish sabablari, qonunchilikning aniq normalari va talabgor mazkur sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda maxsus elektron tizim vositasida elektron shaklda yuboriladi. Talabgorlar rad etish sabablarini bartaraf etishga va hujjatlarni takroran koʻrib chiqish uchun taqdim etishga haqli boʻlgan muddat litsenziyani yoki ruxsat etish xususiyatiga ega hujjatni berish rad etilganligi haqidagi elektron xabarnoma olingan kundan eʼtiboran oʻn ish kunidan kam boʻlmasligi kerak.
Talabgor litsenziyani yoki ruxsat etish xususiyatiga ega hujjatni berish rad etilishi uchun asos boʻlgan sabablarni belgilangan muddatda bartaraf etgan taqdirda, hujjatlarni takroran koʻrib chiqish, litsenziyani yoki ruxsat etish xususiyatiga ega hujjatni berish yoxud uni berishni rad etish talabgorning rad etish sabablari bartaraf etilganligi toʻgʻrisidagi arizasi va rad etish sabablari bartaraf etilganligini tasdiqlovchi tegishli hujjatlar olingan kundan eʼtiboran besh ish kunidan oshmaydigan muddatda vakolatli organ tomonidan amalga oshiriladi. Talabgorlarning arizalarini takroran koʻrib chiqqanlik uchun yigʻim undirilmaydi.
Hujjatlarni takroran koʻrib chiqishda vakolatli organlar tomonidan talabgorga ilgari bayon qilinmagan rad etish sabablarini keltirishga yoʻl qoʻyilmaydi, bundan ilgari koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablari keltirilishi mustasno.
Litsenziyani yoki ruxsat etish xususiyatiga ega hujjatni berish rad etilganligi haqidagi xabarnomada koʻrsatilgan muddat oʻtganidan keyin talabgor tomonidan berilgan ariza yangidan topshirilgan hisoblanadi va vakolatli organ tomonidan umumiy asoslarda koʻrib chiqiladi.
Talabgor litsenziyani yoki ruxsat etish xususiyatiga ega hujjatni berish rad etilganligi, shuningdek vakolatli organ mansabdor shaxsining harakatlari (harakatsizligi) ustidan ushbu Qonunning 7-bobida belgilangan tartibda shikoyat qilish huquqiga ega.
 LexUZ sharhi
Ushbu modda birinchi qismining ikkinchi xatboshisi va ikkinchi qismining ikkinchi, uchinchi va toʻrtinchi xatboshilarida koʻrsatilgan hollar aniqlanganda, agar arizada bartaraf etish mumkin boʻlgan kamchiliklar mavjud boʻlsa, vakolatli organ ularni bartaraf etish uchun talabgorga muddat beradi. Kamchiliklarni bartaraf etish zarurligi toʻgʻrisidagi xabarnoma vakolatli organ tomonidan maxsus elektron tizim vositasida elektron shaklda talabgorga bir ish kuni ichida yuboriladi.
30-modda. Litsenziyani va ruxsat etish xususiyatiga ega hujjatni qayta rasmiylashtirish
Yuridik shaxs boʻlgan tadbirkorlik subyekti oʻzgartirilgan, uning nomi yoki joylashgan yeri (pochta manzili) faoliyat turlari boʻyicha oʻzgargan taqdirda, tadbirkorlik subyekti yoxud uning huquqiy vorisi qayta roʻyxatdan oʻtganidan keyin besh ish kuni ichida vakolatli organga, koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda, litsenziyani yoki ruxsat etish xususiyatiga ega hujjatni qayta rasmiylashtirish toʻgʻrisida ariza berishi shart.
Jismoniy shaxs boʻlgan tadbirkorlik subyektining unga davlat roʻyxatidan oʻtkazilganligi haqida berilgan guvohnomada koʻrsatilgan familiyasi, ismi, otasining ismi yoki faoliyat koʻrsatadigan joyi oʻzgargan taqdirda, tadbirkorlik subyekti qayta roʻyxatdan oʻtganidan keyin besh ish kuni ichida vakolatli organga litsenziyani yoki ruxsat etish xususiyatiga ega hujjatni qayta rasmiylashtirish toʻgʻrisida, koʻrsatib oʻtilgan maʼlumotlarni tasdiqlovchi hujjatlarni ilova qilgan holda ariza berishi shart.
Yangidan vujudga kelgan yuridik shaxsni davlat roʻyxatidan oʻtkazish sanasida ayni bir faoliyatni (harakatlarni) amalga oshirish uchun litsenziyasi yoki ruxsat etish xususiyatiga ega hujjati mavjud boʻlgan yuridik shaxslar — tadbirkorlik subyektlari qoʻshib yuborilgan taqdirda, litsenziyani yoki ruxsat etish xususiyatiga ega hujjatni ushbu moddaning birinchi qismida belgilangan tartibda qayta rasmiylashtirishga yoʻl qoʻyiladi.
Litsenziyaning amal qilishi litsenziyalanadigan faoliyat turining kichik turi uchun tugatilganda yoki bir nechta faoliyat turlari birlashtirilgan taqdirda, litsenziya qayta rasmiylashtiriladi.
Ruxsat etish xususiyatiga ega hujjatda koʻrsatilgan maʼlumotlar ushbu moddaning birinchi — uchinchi qismlarida nazarda tutilmagan hollarda oʻzgartirilgan taqdirda, ruxsat etish xususiyatiga ega hujjatni qayta rasmiylashtirish tadbirkorlik subyektining tegishli hujjatlar ilova qilingan holdagi arizasi boʻyicha amalga oshiriladi.
Litsenziyani yoki ruxsat etish xususiyatiga ega hujjatni qayta rasmiylashtirish uchun zarur boʻlgan hujjatlar talabgor tomonidan ushbu Qonunning 25-moddasida nazarda tutilgan tartibda beriladi.
Oldingi tahrirga qarang.
Ushbu moddaning birinchi va ikkinchi qismlarida nazarda tutilgan hollarda, litsenziyani yoki ruxsat etish xususiyatiga ega hujjatni qayta rasmiylashtirish uchun ariza talabgorning xohishiga koʻra, roʻyxatdan oʻtkazuvchi organ tomonidan yuborilishi mumkin. Bunda roʻyxatdan oʻtkazuvchi organ tadbirkorlik subyektining qayta roʻyxatdan oʻtkazilishi uchun asos boʻlgan maʼlumotlarni koʻrsatgan holda, maxsus elektron tizim vositasida vakolatli organga xabarnoma yuboradi. Roʻyxatdan oʻtkazuvchi organ orqali litsenziyani yoki ruxsat etish xususiyatiga ega hujjatni qayta rasmiylashtirishda yigʻim undirilmaydi.
(30-modda Oʻzbekiston Respublikasining 2024-yil 7-fevraldagi OʻRQ-905-sonli Qonuniga asosan yettinchi qism bilan toʻldirilgan — Qonunchilik maʼlumotlari milliy bazasi, 07.02.2024-y., 03/24/905/0106-son)
Litsenziya yoki ruxsat etish xususiyatiga ega hujjat qayta rasmiylashtirilguniga qadar, tadbirkorlik subyekti yoki uning huquqiy vorisi litsenziyani yoki ruxsat etish xususiyatiga ega hujjatni qayta rasmiylashtirish toʻgʻrisidagi arizasi asosida unda koʻrsatilgan faoliyatni (harakatlarni) amalga oshiradi.
Litsenziya yoki ruxsat etish xususiyatiga ega hujjat qayta rasmiylashtirilayotganda vakolatli organ litsenziyalar va ruxsat etish xususiyatiga ega hujjatlar reyestrlariga tegishli oʻzgartishlar kiritadi.
Oldingi tahrirga qarang.
Litsenziyani yoki ruxsat etish xususiyatiga ega hujjatni qayta rasmiylashtirish hamda berish litsenziyani yoki ruxsat etish xususiyatiga ega hujjatni qayta rasmiylashtirish toʻgʻrisidagi ariza tegishli hujjatlar ilova qilingan holda yoki ushbu moddaning yettinchi qismida nazarda tutilgan xabarnoma vakolatli organ tomonidan qabul qilib olingan kundan eʼtiboran besh ish kunidan koʻp boʻlmagan muddatda amalga oshiriladi.
(30-moddaning oʻninchi qismi Oʻzbekiston Respublikasining 2024-yil 7-fevraldagi OʻRQ-905-sonli Qonuni tahririda — Qonunchilik maʼlumotlari milliy bazasi, 07.02.2024-y., 03/24/905/0106-son)
Oldingi tahrirga qarang.
Litsenziya yoki ruxsat etish xususiyatiga ega hujjat qayta rasmiylashtirilayotganda talabgorning litsenziyani yoki ruxsat etish xususiyatiga ega hujjatni berish toʻgʻrisidagi arizasini koʻrib chiqqanlik uchun toʻlanadigan summaning ellik foizi miqdorida yigʻim undiriladi, bundan ushbu moddaning yettinchi qismida nazarda tutilgan hollar mustasno. Yigʻim summasi qonunchilikda belgilangan tartibda taqsimlanadi.
(30-moddaning oʻn birinchi qismi Oʻzbekiston Respublikasining 2024-yil 7-fevraldagi OʻRQ-905-sonli Qonuni tahririda — Qonunchilik maʼlumotlari milliy bazasi, 07.02.2024-y., 03/24/905/0106-son)
 LexUZ sharhi
Qarang: Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizom, 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizom.
31-modda. Litsenziyani va ruxsat etish xususiyatiga ega hujjatni oʻzgartirish
Litsenziyalar yoki ruxsat etish xususiyatiga ega hujjatlar litsenziatning yoki ruxsat etish xususiyatiga ega hujjatni olgan shaxsning arizasi asosida vakolatli organ tomonidan quyidagi hollarda oʻzgartirilishi mumkin:
litsenziya asosida amalga oshirilayotgan faoliyat turi litsenziyalanadigan faoliyat turining boshqa kichik turi bilan kengaytirilganda;
filiallar va vakolatxonalar tashkil etgan yuridik shaxslarga berilgan litsenziyaga yoki ruxsat etish xususiyatiga ega hujjatga muvofiq ushbu filiallar va vakolatxonalar tomonidan faoliyatni amalga oshirish boshlanganda;
yuridik shaxs boʻlgan tadbirkorlik subyektining faoliyatni amalga oshirish manzili oʻzgarganda, agar uning joylashgan yeriga nisbatan litsenziya va ruxsat berish talablari hamda shartlari belgilangan boʻlsa.
Litsenziyalarga yoki ruxsat etish xususiyatiga ega hujjatlarga oʻzgartishlar kiritish litsenziyani yoki ruxsat etish xususiyatiga ega hujjatni berish uchun belgilangan tartibda amalga oshiriladi.
Litsenziya oʻzgartirilgan taqdirda davlat boji, ruxsat etish xususiyatiga ega hujjat oʻzgartirilganda esa yigʻim tegishincha litsenziyani yoki ruxsat etish xususiyatiga ega hujjatni berganlik uchun toʻlanadigan summaning ellik foizi miqdorida undiriladi.
32-modda. Litsenziyaning va ruxsat etish xususiyatiga ega hujjatning amal qilishini toʻxtatib turish
Litsenziyaning yoki ruxsat etish xususiyatiga ega hujjatning amal qilishi quyidagi hollarda toʻxtatib turilishi mumkin:
litsenziat yoki ruxsat etish xususiyatiga ega hujjatni olgan shaxs tomonidan litsenziya va ruxsat berish talablari hamda shartlarining buzilganligi aniqlanganda;
litsenziat yoki ruxsat etish xususiyatiga ega hujjatni olgan shaxs tomonidan vakolatli organning aniqlangan qoidabuzarliklarni bartaraf etish majburiyatini uning zimmasiga yuklovchi qarori bajarilmaganda.
Litsenziyaning yoki ruxsat etish xususiyatiga ega hujjatning amal qilishini oʻn kungacha muddatga toʻxtatib turish vakolatli organ tomonidan, oʻn kundan ortiq, lekin olti oydan koʻp boʻlmagan muddatga esa — sud tomonidan amalga oshiriladi.
Vakolatli organning litsenziyaning yoki ruxsat etish xususiyatiga ega hujjatning amal qilishini toʻxtatib turish toʻgʻrisidagi qarori litsenziatga yoki ruxsat etish xususiyatiga ega hujjatni olgan shaxsga litsenziyaning yoki ruxsat etish xususiyatiga ega hujjatning amal qilishini toʻxtatib turish sabablari va qonunchilikning aniq normalari koʻrsatilgan holda, qaror qabul qilingan kundan eʼtiboran bir ish kunidan kechiktirmay, maxsus elektron tizim vositasida elektron shaklda yetkaziladi.
Sudning litsenziyaning yoki ruxsat etish xususiyatiga ega hujjatning amal qilishini toʻxtatib turish toʻgʻrisidagi qarori litsenziatga yoki ruxsat etish xususiyatiga ega hujjatni olgan shaxsga qonunchilikda belgilangan muddatlarda yetkaziladi.
 LexUZ sharhi
Qarang: Oʻzbekiston Respublikasi Iqtisodiy protsessual kodeksining 188-moddasi.
Vakolatli organlar yoki sud litsenziyaning yoki ruxsat etish xususiyatiga ega hujjatning amal qilishini toʻxtatib turishga sabab boʻlgan holatlar litsenziat yoxud ruxsat etish xususiyatiga ega hujjatni olgan shaxs tomonidan bartaraf etilishi muddatini belgilashi shart. Bunda koʻrsatilgan muddat litsenziat yoki ruxsat beruvchi hujjatni olgan shaxs litsenziyaning yoki ruxsat etish xususiyatiga ega hujjatning amal qilishini toʻxtatib turish toʻgʻrisidagi qarorni olgan kundan eʼtiboran besh ish kunidan kam va olti oydan koʻp boʻlmasligi kerak.
Litsenziyaning yoki ruxsat etish xususiyatiga ega hujjatning amal qilishini toʻxtatib turishga sabab boʻlgan holatlar litsenziat yoki ruxsat etish xususiyatiga ega hujjatni olgan shaxs tomonidan bartaraf etilgan taqdirda, litsenziyaning yoki ruxsat etish xususiyatiga ega hujjatning amal qilishini toʻxtatib turish toʻgʻrisida qaror qabul qilgan vakolatli organ yoki sud koʻrsatilgan holatlar bartaraf etilganligi toʻgʻrisida tasdiqnoma olingan kundan eʼtiboran uch ish kuni ichida litsenziyaning yoki ruxsat etish xususiyatiga ega hujjatning amal qilishini qayta tiklash toʻgʻrisida qaror qabul qilishi shart.
Sudning litsenziyaning yoki ruxsat etish xususiyatiga ega hujjatning amal qilishini qayta tiklash toʻgʻrisida qarori u qabul qilingan kundan eʼtiboran bir ish kuni ichida tegishli vakolatli organga qonunda belgilangan tartibda yetkaziladi. Bunda vakolatli organ esa litsenziyaning yoki ruxsat etish xususiyatiga ega hujjatning amal qilishi qayta tiklanganligi toʻgʻrisidagi maʼlumotni maxsus elektron tizimga bir ish kunidan oshmagan muddatda joylashtiradi.
 LexUZ sharhi
Qarang: Oʻzbekiston Respublikasi Iqtisodiy protsessual kodeksining 188-moddasi.
Agar vakolatli organ litsenziyaning yoki ruxsat etish xususiyatiga ega hujjatning amal qilishini qayta tiklash haqida yoki qayta tiklashni rad etish toʻgʻrisida uch ish kuni ichida qaror qabul qilmasa, litsenziat yoki ruxsat etish xususiyatiga ega hujjatni olgan shaxs mazkur muddat oʻtgandan soʻng vakolatli organni maxsus elektron tizim vositasida xabardor qilgan holda oʻz faoliyatini davom ettirishi mumkin.
Litsenziat yoki ruxsat etish xususiyatiga ega hujjatni olgan shaxs ushbu moddaning birinchi qismida nazarda tutilgan litsenziyaning yoki ruxsat etish xususiyatiga ega hujjatning amal qilishini toʻxtatib turishga sabab boʻlgan holatlarni vakolatli organ yoki sud belgilagan muddatda bartaraf etmaganda, sud litsenziyani yoki ruxsat etish xususiyatiga ega hujjatni bekor qilish toʻgʻrisida qaror qabul qiladi.
Vakolatli organning litsenziyaning yoki ruxsat etish xususiyatiga ega hujjatning amal qilishini toʻxtatib turish toʻgʻrisidagi qarori ustidan belgilangan tartibda shikoyat qilinishi mumkin.
Litsenziyaning yoki ruxsat etish xususiyatiga ega hujjatning amal qilishini toʻxtatib turish sud tomonidan asossiz deb topilgan taqdirda, vakolatli organlar litsenziat yoki ruxsat etish xususiyatiga ega hujjatni olgan shaxs oldida ular koʻrgan zarar miqdorida javobgar boʻladi. Bunda litsenziya yoki ruxsat etish xususiyatiga ega hujjat amal qilishining toʻxtatib turilishi sud tomonidan asossiz deb topish toʻgʻrisida qaror qabul qilingan paytdan eʼtiboran litsenziyaning yoki ruxsat etish xususiyatiga ega hujjatning amal qilishi qayta tiklangan deb hisoblanadi.
Litsenziat yoki ruxsat etish xususiyatiga ega hujjatni olgan shaxs oʻz faoliyati vaqtincha toʻxtatib turilgan taqdirda litsenziyaning yoki ruxsat etish xususiyatiga ega hujjatning amal qilishini olti oygacha muddatga toʻxtatib turish haqida vakolatli organga ariza bilan murojaat qilishi mumkin. Agar litsenziat yoki ruxsat etish xususiyatiga ega hujjatni olgan shaxs litsenziyaning yoki ruxsat etish xususiyatiga ega hujjatning amal qilishi toʻxtatib turilganidan keyin olti oy ichida litsenziyaning yoki ruxsat etish xususiyatiga ega hujjatning amal qilishini qayta tiklash toʻgʻrisida vakolatli organga ariza bilan murojaat etmagan boʻlsa, litsenziyaning yoki ruxsat etish xususiyatiga ega hujjatning amal qilishi tugatiladi.
Litsenziyaning yoki ruxsat etish xususiyatiga ega hujjatning amal qilishini toʻxtatib turish va qayta tiklash toʻgʻrisidagi axborot tegishli qaror qabul qilingan sanadan eʼtiboran bir ish kuni ichida maxsus elektron tizimga joylashtirilishi kerak.
33-modda. Litsenziyani va ruxsat etish xususiyatiga ega hujjatni bekor qilish
Litsenziya yoki ruxsat etish xususiyatiga ega hujjat quyidagi hollarda bekor qilinadi:
litsenziat yoki ruxsat etish xususiyatiga ega hujjatni olgan shaxs litsenziyani yoki ruxsat etish xususiyatiga ega hujjatni bekor qilish toʻgʻrisida ariza bilan murojaat etganda;
yuridik shaxs tugatilganda — tugatilgan paytdan eʼtiboran yoki uning faoliyati qayta tashkil etish natijasida tugatilganda — qayta tashkil etilgan paytdan eʼtiboran, bundan uning oʻzgartirilishi, shuningdek yangidan vujudga kelgan yuridik shaxsni davlat roʻyxatidan oʻtkazish sanasida qayta tashkil etilayotgan yuridik shaxsda faoliyatning ayni bir litsenziyalanadigan turini yoki harakatlarni (faoliyatni) amalga oshirish uchun litsenziya yoki ruxsat etish xususiyatiga ega hujjat mavjud boʻlgan taqdirda qoʻshib yuborilishi mustasno;
yakka tartibdagi tadbirkor davlat roʻyxatidan oʻtkazilganligi toʻgʻrisidagi guvohnomaning amal qilishi tugatilganda;
jismoniy shaxsning muomalaga layoqatliligi belgilangan tartibda cheklanganda, u muomalaga layoqatsiz deb topilganda;
litsenziya berilganligi uchun davlat boji yoki ruxsat etish xususiyatiga ega hujjat berilganligi uchun yigʻim belgilangan muddatda toʻlanmaganda;
litsenziat yoki ruxsat etish xususiyatiga ega hujjatni olgan shaxs litsenziyaning yoki ruxsat etish xususiyatiga ega hujjatning amal qilishini toʻxtatib turishiga olib kelgan holatlarni vakolatli organ yoki sud belgilagan muddatda bartaraf etmaganda;
vakolatli organning litsenziyani yoki ruxsat etish xususiyatiga ega hujjatni berish toʻgʻrisidagi qarorining qonunga xilofligi aniqlanganda;
Oldingi tahrirga qarang.
litsenziat yoki ruxsat etish xususiyatiga ega hujjatni olgan shaxs tomonidan litsenziya yoki ruxsat berish talablari va shartlari muntazam ravishda (bir yil davomida ikki va undan ortiq marotaba) buzilganda;
litsenziat yoki ruxsat etish xususiyatiga ega hujjatni olgan shaxs tomonidan litsenziya yoki ruxsat berish talablari va shartlari bir marotaba qoʻpol ravishda buzilganda, agar mazkur qoidabuzarlik fuqarolarning hayoti va sogʻligʻiga ziyon, jismoniy va yuridik shaxslarning huquqlari va qonuniy manfaatlariga, jamoat xavfsizligiga zarar hamda atrof-muhitga ziyon yetkazilishiga, jamiyat va davlat manfaatlariga zarar yetkazilishiga, tinchlik va xavfsizlikka tahdid solinishiga olib kelgan boʻlsa. Litsenziyaning yoki ruxsat etish xususiyatiga ega hujjatning bekor qilinishiga asos boʻladigan qoʻpol qoidabuzarliklarning roʻyxati faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilanadi;
(33-modda birinchi qismining toʻqqizinchi xatboshisi Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan toʻqqizinchi va oʻninchi xatboshilar bilan almashtirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
litsenziya yoki ruxsat etish xususiyatiga ega hujjat qalbaki hujjatlardan foydalangan holda olinganligi fakti aniqlanganda.
Oldingi tahrirga qarang.
Ushbu modda birinchi qismining toʻqqizinchi — oʻn birinchi xatboshilarida nazarda tutilgan hollarda qonunchilikda belgilangan faoliyat turlari uchun bir yil davomida qaytadan litsenziya berilmaydi. Mazkur talab tadbirkorlik subyektining muassisi yoki benefitsiar mulkdori tomonidan tashkil etiladigan yangi tadbirkorlik subyektlariga nisbatan ham tatbiq etiladi.
(33-modda Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan ikkinchi qism bilan toʻldirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
Oldingi tahrirga qarang.
Litsenziyani yoki ruxsat etish xususiyatiga ega hujjatni bekor qilish ushbu modda birinchi qismining ikkinchi xatboshisida koʻrsatilgan holda avtomatik ravishda amalga oshiriladi.
(33-modda Oʻzbekiston Respublikasining 2025-yil 27-noyabrdagi OʻRQ-1099-sonli Qonuniga asosan uchinchi qismi bilan toʻldirilgan — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
Oldingi tahrirga qarang.
Litsenziyani yoki ruxsat etish xususiyatiga ega hujjatni bekor qilish ushbu modda birinchi qismining uchinchi — oltinchi xatboshilarida koʻrsatilgan hollarda vakolatli organning qaroriga binoan amalga oshiriladi.
(33-moddaning toʻrtinchi qismi Oʻzbekiston Respublikasining 2025-yil 27-noyabrdagi OʻRQ-1099-sonli Qonuni tahririda — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
Oldingi tahrirga qarang.
Litsenziya yoki ruxsat etish xususiyatiga ega hujjat ushbu modda birinchi qismining yettinchi — oʻn birinchi xatboshilarida koʻrsatilgan hollarda sud tomonidan bekor qilinadi. Vakolatli organ litsenziyani yoki ruxsat etish xususiyatiga ega hujjatni bekor qilish toʻgʻrisida sudga ariza bilan murojaat qilingan kundan eʼtiboran bir ish kunidan kechiktirmay litsenziatga yoki ruxsat etish xususiyatiga ega hujjatni olgan shaxsga maxsus elektron tizim vositasida elektron shaklda, litsenziyani yoki ruxsat etish xususiyatiga ega hujjatni bekor qilish haqida ariza bilan sudga murojaat qilish asoslarini, qonunchilikning aniq normalarini koʻrsatgan holda yetkazadi.
(33-moddaning toʻrtinchi qismi Oʻzbekiston Respublikasining 2023-yil 15-noyabrdagi OʻRQ-878-sonli Qonuni tahririda — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
Oldingi tahrirga qarang.
Litsenziya yoki ruxsat etish xususiyatiga ega hujjat ushbu modda birinchi qismining oʻn birinchi xatboshisida koʻrsatilgan asosga koʻra bekor qilingan taqdirda, litsenziya yoki ruxsat etish xususiyatiga ega hujjat ular berilgan sanadan eʼtiboran bekor qilingan deb hisoblanadi.
(33-moddaning beshinchi qismi Oʻzbekiston Respublikasining 2023-yil 15-noyabrdagi OʻRQ-878-sonli Qonuni tahririda — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
Sudning litsenziyani yoki ruxsat etish xususiyatiga ega hujjatni bekor qilish toʻgʻrisidagi qarori litsenziatga yoki ruxsat etish xususiyatiga ega hujjatni olgan shaxsga hamda vakolatli organga qonunchilikda belgilangan muddatlarda yetkaziladi.
 LexUZ sharhi
Sm.: statyu 188 Ekonomicheskogo protsessualnogo kodeksa Respubliki Uzbekistan.
Vakolatli organ litsenziyani yoki ruxsat etish xususiyatiga ega hujjatni bekor qilish toʻgʻrisidagi qarori qabul qilingan kundan eʼtiboran bir ish kunidan kechiktirmay litsenziatga yoki ruxsat etish xususiyatiga ega hujjatni olgan shaxsga maxsus elektron tizim vositasida elektron shaklda, litsenziyani yoki ruxsat etish xususiyatiga ega hujjatni bekor qilish asoslarini, qonunchilikning aniq normalarini koʻrsatgan holda yetkazadi.
Vakolatli organ bekor qilingan litsenziyalar yoki ruxsat etish xususiyatiga ega hujjatlar toʻgʻrisidagi axborotni bir ish kuni ichida maxsus elektron tizim vositasida tegishincha litsenziyalar reyestriga yoki ruxsat etish xususiyatiga ega hujjatlar reyestriga kiritadi.
34-modda. Litsenziyaning va ruxsat etish xususiyatiga ega hujjatning amal qilishini tugatish
Litsenziyaning yoki ruxsat etish xususiyatiga ega hujjatning amal qilishi quyidagi hollarda tugatiladi:
litsenziyalash tartibi yoki ruxsat berish tartib-taomili bekor qilinganda;
litsenziyaning yoki ruxsat etish xususiyatiga ega hujjatning amal qilish muddati tugaganda;
bajarilishi uchun ruxsat etish xususiyatiga ega hujjat berilgan bir martalik harakat bajarilganda;
litsenziya yoki ruxsat etish xususiyatiga ega hujjatga ega boʻlgan jismoniy shaxs vafot etganda;
litsenziat yoki ruxsat etish xususiyatiga ega hujjatni olgan shaxs tomonidan vakolatli organga litsenziyaning yoki ruxsat etish xususiyatiga ega hujjatning amal qilishini olti oygacha toʻxtatib turish toʻgʻrisida ariza bilan ilgari murojaat etilgan boʻlib, mazkur muddat ichida litsenziyaning yoki ruxsat etish xususiyatiga ega hujjatning amal qilishini qayta tiklash toʻgʻrisida vakolatli organga ariza bilan murojaat qilinmagan taqdirda.
Litsenziyaning yoki ruxsat etish xususiyatiga ega hujjatning amal qilishi tugatilgan hollarda vakolatli organ tomonidan litsenziyaning yoki ruxsat etish xususiyatiga ega hujjatning amal qilishi tugatilganligi toʻgʻrisida qaror qabul qilish talab etilmaydi.
35-modda. Talabgorning litsenziyani yoki ruxsat etish xususiyatiga ega hujjatni berish toʻgʻrisidagi arizasini koʻrib chiqqanlik uchun yigʻim
Talabgorning litsenziyani yoki ruxsat etish xususiyatiga ega hujjatni berish toʻgʻrisidagi arizasi vakolatli organ tomonidan koʻrib chiqilganligi uchun yigʻim faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek ularning pasportlarida belgilangan hollarda hamda miqdorlarda undiriladi. Yigʻim miqdori vakolatli organning litsenziyani yoki ruxsat etish xususiyatiga ega hujjatni berish toʻgʻrisidagi arizani koʻrib chiqish uchun qilgan xarajatlari doirasida belgilanadi.
Litsenziyani yoki ruxsat etish xususiyatiga ega hujjatni talabgorga berishni rad etish toʻgʻrisida qaror qabul qilingan, shuningdek talabgor bergan arizasidan voz kechgan taqdirda talabgorning litsenziya yoki ruxsat etish xususiyatiga ega hujjatni berish toʻgʻrisidagi arizasini koʻrib chiqqanlik uchun toʻlangan yigʻim summasi qaytarilmaydi.
5-bob. Xabardor qilish tartib-taomillari
36-modda. Xabardor qilish tartibida amalga oshiriladigan faoliyat (harakatlar)
Xabardor qilish tartibida amalga oshiriladigan faoliyat (harakatlar) faoliyatni (harakatlarni) boshlash uchun vakolatli organ tomonidan qaror qabul qilinishini talab etmaydigan, biroq davlat tomonidan tartibga solinishini taʼminlash, shuningdek tegishli faoliyat bilan shugʻullanayotgan subyektlarning hisobini yuritish va ularning faoliyati ustidan nazoratni amalga oshirish uchun qonunchilik hujjatlarida belgilangan talablar hamda shartlarga rioya etish boʻyicha yuridik va jismoniy shaxslar oʻz zimmasiga majburiyatlar qabul qilishi orqali amalga oshiriladigan faoliyat turlarini oʻz ichiga oladi.
Ushbu Qonunning 3-ilovasida koʻrsatilgan faoliyat (harakatlar) turlarini (kichik turlarini) amalga oshirish uchun bu haqda vakolatli organni xabardor qilish talab etiladi. Xabardor qilish tartibida amalga oshiriladigan faoliyatning (harakatlarning) ushbu Qonunda nazarda tutilmagan yangi turlarini (kichik turlarini) joriy etish taqiqlanadi.
Ushbu moddaning ikkinchi qismida koʻrsatilgan faoliyat (harakatlar) turlari (kichik turlari) bilan vakolatli organni xabardor qilmasdan shugʻullanish taqiqlanadi.
Xabardor qilish tartibi Oʻzbekiston Respublikasi Vazirlar Mahkamasi tomonidan tasdiqlanadigan xabardor qilish tartibi toʻgʻrisidagi yagona nizomda nazarda tutiladi.
 LexUZ sharhi
Qarang: Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizom.
Xabardor qilish tartibida amalga oshiriladigan faoliyatning (harakatlarning) oʻziga xos qoidalari va xususiyatlari xabardor qilish tartibi toʻgʻrisidagi yagona nizomga ilovalar hisoblanuvchi pasportlarda belgilanadi.
37-modda. Xabardor qilish tartibida amalga oshiriladigan faoliyatga (harakatlarga) doir talablar va shartlar
Xabardor qilish tartibida amalga oshiriladigan faoliyatga (harakatlarga) doir talablar va shartlar xabardor qilish tartibida amalga oshiriladigan faoliyatning (harakatlarning) har bir turi boʻyicha Oʻzbekiston Respublikasi Vazirlar Mahkamasi tomonidan tasdiqlanadigan xabardor qilish tartibi toʻgʻrisidagi yagona nizomda va pasportlarda koʻrsatiladi.
 LexUZ sharhi
Qarang: Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizom.
Xabardor qilish tartibi toʻgʻrisidagi yagona nizomda va pasportlarda quyidagi talablar hamda shartlar koʻrsatiladi:
pasportlarda nazarda tutilgan talablar va shartlarga rioya etilishi shartligi hamda ularni bajarish boʻyicha majburiyatni oʻz zimmasiga olish;
faoliyatni boshlash haqidagi xabarnomada (bundan buyon matnda xabarnoma deb yuritiladi) koʻrsatilgan axborotning ishonchliligini taʼminlash;
xodimlar bilan yangi mehnat shartnomalari tuzilganligi, shartnomalarga oʻzgartishlar kiritilganligi va ular tugatilganligi hollarini, shuningdek amaldagi mehnat shartnomalari toʻgʻrisidagi axborotni “Yagona milliy mehnat tizimi” idoralararo dasturiy-apparat kompleksida majburiy roʻyxatdan oʻtkazish — tegishli faoliyatni (harakatlarni) amalga oshirish uchun xodimlarga nisbatan shunday talab mavjud boʻlgan taqdirda;
xabardor qiluvchining nomi, joylashgan yeri (yashash manzili) oʻzgarganligi roʻyxatdan oʻtkazilganidan soʻng yoki filial va vakolatxona ochilganidan soʻng vakolatli organni oʻn ish kuni ichida xabardor qilish;
xabardor qilish tartibida amalga oshiriladigan faoliyat (harakatlar) turining oʻziga xos xususiyatlarini hisobga olgan holda boshqa talablar va shartlar.
Xabardor qilish tartibida amalga oshiriladigan faoliyatga (harakatlarga) doir talablar va shartlarni muntazam ravishda (bir yil davomida ikki va undan ortiq marotaba) yoki bir marotaba qoʻpol buzilishi hollarining roʻyxati pasportlarda belgilanadi.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 2-bobi.
38-modda. Xabarnoma yuborish va uni hisobga olish tartibi
Xabardor qiluvchi (uning nomidan ish yuritishga vakolatli shaxs) vakolatli organga elektron raqamli imzodan foydalangan holda maxsus elektron tizim yoki YIDXP vositasida xabarnoma yuboradi.
Xabarnomani yuborishda pasportlarda nazarda tutilgan maʼlumotlar koʻrsatiladi va hujjatlar ilova qilinadi.
Pasportlarda nazarda tutilgan hujjatlardan tashqari boshqa qoʻshimcha hujjatlar talab qilinishiga yoʻl qoʻyilmaydi.
Xabardor qiluvchilar xabarnoma yuborish orqali xabardor qilish tartibi joriy etilgan faoliyatni (harakatlarni) amalga oshirish uchun ushbu Qonunning 37-moddasida belgilangan talablar va shartlarga muvofiq ekanligini tasdiqlaydi.
Xabardor qilish talab etiladigan faoliyatni (harakatlarni) amalga oshirish uchun bazaviy hisoblash miqdorining ellik foizigacha miqdorda yigʻim undiriladi, bundan alkogol mahsulotlari bilan chakana savdo qilishni va alkogol mahsulotlarini umumiy ovqatlanish korxonalari tomonidan realizatsiya qilishni boshlash haqidagi xabarnomalar mustasno.
Xabardor qiluvchilar vakolatli organga yuborilgan xabarnomada koʻrsatilgan maʼlumotlarning toʻgʻriligi uchun javobgardir. Xabarnomaga kiritilgan maʼlumotlar maxsus elektron tizim vositasida idoralararo hamkorlik tizimlarida mavjud boʻlgan axborot asosida avtomatik ravishda tekshiriladi.
Oldingi tahrirga qarang.
Ushbu moddaning birinchi qismida nazarda tutilgan tartibda xabardor qiluvchi tomonidan maxsus elektron tizim yoki YIDXP vositasida xabarnoma yuborilganda, pasportlarda belgilangan tartibda taqsimlanadigan yigʻimning bir qismi Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga yoʻnaltiriladi.
(38-moddaning yettinchi qismi Oʻzbekiston Respublikasining 2024-yil 16-yanvardagi OʻRQ-896-sonli Qonuni tahririda — Qonunchilik maʼlumotlari milliy bazasi, 16.01.2024-y., 03/24/896/0037-son)
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 3-bobi.
39-modda. Xabarnomaning qabul qilinmasligi
Xabarnoma quyidagi hollarda vakolatli organ tomonidan qabul qilinmaydi:
notoʻgʻri yoki yolgʻon axborot kiritilganligi maxsus elektron tizim vositasida aniqlanganda;
xabarnoma yuborganlik uchun yigʻim toʻlanmaganda;
faoliyatni (harakatlarni) xabardor qilish tartibida amalga oshirish uchun belgilangan talablar va shartlarga rioya etilganligi hamda ular bajarilganligi tasdiqlanmaganda;
agar xabardor qiluvchi avval xabarnomalar reyestriga ayni oʻsha faoliyat (harakatlar) boʻyicha kiritilgan boʻlsa va uning faoliyati (harakatlari) amal qilayotgan boʻlsa;
vakolatli organ yoki sud tomonidan xabardor qiluvchining faoliyati (harakatlari) muayyan muddatga toʻxtatib turilganda;
xabardor qiluvchi tomonidan tegishli faoliyatni (harakatlarni) amalga oshirish sudning qaroriga asosan taqiqlanganda.
Ushbu moddada koʻrsatilgan hollardan tashqari boshqa asoslar boʻyicha xabarnomani qabul qilmaslik taqiqlanadi.
40-modda. Xabarnoma qabul qilinganligi toʻgʻrisidagi tasdiqnoma
Ushbu Qonunda, shuningdek xabardor qilish tartibi toʻgʻrisidagi yagona nizomda va xabardor qilish tartibi toʻgʻrisidagi yagona nizomga ilovalar hisoblanuvchi pasportlarda belgilangan talablarga va shartlarga rioya qilingan holda yuborilgan xabarnoma maxsus elektron tizim vositasida avtomatik ravishda qabul qilinadi va xabardor qiluvchiga xabarnoma qabul qilinganligi toʻgʻrisida tasdiqnoma yuboriladi.
Tasdiqnoma yuborilgan xabardor qiluvchilar toʻgʻrisidagi axborot xabarnomalar reyestrida avtomatik ravishda shakllantiriladi.
41-modda. Xabardor qiluvchining xabardor qilish tartibida amalga oshiriladigan faoliyatini (harakatlarini) toʻxtatib turish asoslari
Xabardor qiluvchining xabardor qilish tartibida amalga oshiriladigan faoliyati (harakatlari) quyidagi asoslarga koʻra muayyan muddatga toʻxtatib turiladi:
vakolatli organning tashabbusiga binoan;
xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi ish sudda koʻrib chiqilganda, sudning hal qiluv qarori qonuniy kuchga kirgunga qadar.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 21 — 30-bandlari.
42-modda. Xabardor qiluvchining xabardor qilish tartibida amalga oshiriladigan faoliyatini (harakatlarini) vakolatli organning tashabbusiga binoan toʻxtatib turish tartibi
Vakolatli organ xabardor qilish tartibi toʻgʻrisidagi yagona nizomga ilovalar hisoblanuvchi pasportlarda nazarda tutilgan talablar va shartlar buzilganligi aniqlangan taqdirda, xabardor qiluvchining xabardor qilish tartibida amalga oshiriladigan faoliyatini (harakatlarini) oʻn ish kunidan ortiq boʻlmagan muddatga toʻxtatib turishi mumkin.
Xabardor qiluvchining xabardor qilish tartibida amalga oshiriladigan faoliyatini (harakatlarini) toʻxtatib turish uchun asoslar aniqlangan taqdirda, vakolatli organ dalolatnoma tuzadi va xabardor qiluvchini ushbu dalolatnoma bilan tanishtiradi.
Dalolatnoma tuzilgan kundan eʼtiboran bir ish kuni ichida vakolatli organ xabardor qiluvchining xabardor qilish tartibida amalga oshiriladigan faoliyatini (harakatlarini) oʻn ish kunidan ortiq boʻlmagan muddatga toʻxtatib turadi va aniqlangan kamchiliklarni xabardor qiluvchining faoliyati (harakatlari) toʻxtatib turilgan muddatda bartaraf etish toʻgʻrisidagi koʻrsatmani oʻz ichiga olgan qarorni qabul qiladi.
Vakolatli organ xabardor qiluvchining xabardor qilish tartibida amalga oshiriladigan faoliyatini (harakatlarini) toʻxtatib turish toʻgʻrisidagi qarorni unga maxsus elektron tizim vositasida bir ish kuni ichida yuboradi va shu kunning oʻzida xabarnomalar reyestriga xabardor qiluvchining xabardor qilish tartibida amalga oshiriladigan faoliyati (harakatlari) toʻxtatib turilganligi toʻgʻrisidagi axborotni kiritadi.
43-modda. Xabardor qiluvchining vakolatli organ tomonidan toʻxtatib turilgan, xabardor qilish tartibida amalga oshiriladigan faoliyatini (harakatlarini) qayta tiklash
Xabardor qiluvchi oʻzining xabardor qilish tartibida amalga oshiriladigan faoliyatini (harakatlarini) toʻxtatib turish toʻgʻrisidagi qarorni belgilangan tartibda olganidan keyin u qarorda koʻrsatilgan kamchiliklarni bartaraf etishi va bu haqdagi axborotni vakolatli organga asoslantiruvchi hujjatlarni ilova qilgan holda yuborishi kerak.
Vakolatli organ kamchiliklar bartaraf etilganligi toʻgʻrisidagi axborotni olgan kundan eʼtiboran besh ish kuni ichida ushbu axborotni tahlil qilishi va zarur boʻlganda, olingan axborotni joyiga chiqqan holda oʻrganishi kerak. Bunda vakolatli organ kamchiliklar bartaraf etilganligi toʻgʻrisida dalolatnoma tuzadi va uni xabardor qiluvchiga maxsus elektron tizim vositasida yuboradi.
Vakolatli organ kamchiliklar bartaraf etilganligi toʻgʻrisidagi dalolatnoma yuborilganidan keyin bir ish kuni ichida:
xabardor qiluvchining xabardor qilish tartibida amalga oshiriladigan faoliyatini (harakatlarini) qayta tiklash toʻgʻrisida qaror qabul qilishi;
xabardor qiluvchiga uning xabardor qilish tartibida amalga oshiriladigan faoliyatini (harakatlarini) qayta tiklash toʻgʻrisidagi qarorni maxsus elektron tizim vositasida yuborishi;
xabarnomalar reyestriga xabardor qiluvchining faoliyati (harakatlari) qayta tiklanganligi toʻgʻrisida belgi qoʻyishi kerak.
Xabardor qiluvchi tomonidan oʻzining xabardor qilish tartibida amalga oshiriladigan faoliyatini (harakatlarini) toʻxtatib turish uchun asos boʻlgan kamchiliklar bartaraf etilmagan taqdirda, vakolatli organ xabardor qiluvchining faoliyatini (harakatlarini) tugatish choralarini koʻradi.
Agar vakolatli organ ushbu moddaning ikkinchi va uchinchi qismlarida nazarda tutilgan choralarni koʻrmasa, xabardor qiluvchi vakolatli organni maxsus elektron tizim vositasida xabardor qilgan holda oʻz faoliyatini (harakatlarini) davom ettirishi mumkin.
44-modda. Xabardor qiluvchining xabardor qilish tartibida amalga oshiriladigan faoliyatini (harakatlarini) tugatish asoslari
Xabardor qiluvchining xabardor qilish tartibida amalga oshiriladigan faoliyati (harakatlari):
xabardor qiluvchi tomonidan oʻz faoliyatini (harakatlarini) tugatish toʻgʻrisida vakolatli organga yuborgan xabarnomaga;
xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi sudning qaroriga asosan tugatiladi.
45-modda. Xabardor qiluvchi oʻzining xabardor qilish tartibida amalga oshiriladigan faoliyatini (harakatlarini) tugatishi
Xabardor qiluvchi oʻzining xabardor qilish tartibida amalga oshiriladigan faoliyatini (harakatlarini) tugatganligi toʻgʻrisida maxsus elektron tizim yoki YIDXP vositasida vakolatli organni xabardor qilishi kerak.
Xabardor qiluvchi oʻzining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi xabarnomani yuborganligi uchun yigʻim undirilmaydi.
Xabardor qiluvchi oʻzining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi xabarnoma yuborganidan keyin uning faoliyati (harakatlari) xabarnomada koʻrsatilgan sanadan eʼtiboran tugatilgan deb hisoblanadi va xabarnomalar reyestriga bu haqda avtomatik tarzda belgi qoʻyiladi.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 32 — 39-bandlari.
46-modda. Xabardor qiluvchining xabardor qilish tartibida amalga oshiriladigan faoliyatini (harakatlarini) sud tomonidan tugatish
Xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi ariza sudga vakolatli organ tomonidan quyidagi hollarda beriladi:
xabardor qiluvchi tomonidan faoliyatni (harakatlarni) boshlash toʻgʻrisida yuborilgan xabarnomada koʻrsatilgan maʼlumotlarning yolgʻon yoki notoʻgʻriligi aniqlanganda;
xabardor qiluvchi belgilangan talablar va shartlarning buzilishi bilan bogʻliq kamchiliklar vakolatli organ tomonidan belgilangan muddatda bartaraf etilmaganda;
Oldingi tahrirga qarang.
belgilangan talablar va shartlar muntazam ravishda (bir yil davomida ikki va undan ortiq marta) buzilganda;
belgilangan talablar va shartlar bir marta qoʻpol ravishda buzilganda, agar mazkur qoidabuzarliklar fuqarolarning hayoti va sogʻligʻiga ziyon, jismoniy va yuridik shaxslarning huquqlari va qonuniy manfaatlariga, jamoat xavfsizligiga zarar hamda atrof-muhitga ziyon yetkazilishiga, jamiyat va davlat manfaatlariga zarar yetkazilishiga, tinchlik va xavfsizlikka tahdid solinishiga olib kelgan boʻlsa.
(46-modda birinchi qismining toʻrtinchi xatboshisi Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan toʻrtinchi va beshinchi xatboshilar bilan almashtirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
Ushbu moddaning birinchi qismida nazarda tutilgan hollarda vakolatli organ dalolatnoma tuzadi va bir ish kuni ichida uni maxsus elektron tizim vositasida xabardor qiluvchiga yuboradi. Dalolatnoma tuzilganidan keyin vakolatli organ besh ish kuni ichida sudga xabardor qiluvchining xabardor qilish tartibida amalga oshiriladigan faoliyatini (harakatlarini) tugatish haqida ariza beradi.
Vakolatli organning xabardor qiluvchining xabardor qilish tartibida amalga oshiriladigan faoliyatini (harakatlarini) tugatish toʻgʻrisidagi ariza sud tomonidan qanoatlantirilmagan taqdirda, vakolatli organ xabardor qiluvchi oldida xabardor qiluvchiga yetkazilgan zarar miqdorida javobgar boʻladi.
Vakolatli organ xabardor qiluvchining xabardor qilish tartibida amalga oshiriladigan faoliyati (harakatlari) tugatilganligi toʻgʻrisidagi sudning hal qiluv qarori qonuniy kuchga kirganidan keyin uch ish kuni ichida xabarnomalar reyestriga belgi qoʻyadi.
Xabardor qiluvchining xabardor qilish tartibida amalga oshiriladigan faoliyati (harakatlari) ushbu modda birinchi qismining ikkinchi xatboshisida koʻrsatilgan asosga koʻra tugatilgan taqdirda, bu faoliyat xabardor qiluvchi tomonidan xabarnoma yuborilgan sanadan eʼtiboran tugatilgan deb hisoblanadi.
Faoliyati (harakatlari) sud tartibida tugatilgan shaxslar maxsus elektron tizimdagi alohida roʻyxatga kiritiladi.
47-modda. Xabardor qiluvchining xabardor qilish tartibida amalga oshiriladigan faoliyatini (harakatlarini) amalga oshirishni taqiqlash
Vakolatli organ xabardor qilish tartibida amalga oshiriladigan faoliyatni (harakatlarni) tugatish toʻgʻrisidagi arizada xabardor qiluvchi tomonidan yoʻl qoʻyilgan qoidabuzarlikning ahamiyatini hisobga olgan holda, ushbu Qonunning 3-ilovasiga kiritilgan faoliyat (harakatlar) turlarini (kichik turlarini) xabardor qiluvchi tomonidan amalga oshirishni uch oygacha boʻlgan muddatga taqiqlash toʻgʻrisidagi talabni nazarda tutishi mumkin. Bunda xabardor qilish tartibida amalga oshiriladigan faoliyatni (harakatlarni) amalga oshirishni taqiqlashning aniq muddati sud tomonidan qonunga muvofiq aniqlanadi.
Oldingi tahrirga qarang.
Ushbu Qonun 46-moddasi birinchi qismining ikkinchi, toʻrtinchi va beshinchi xatboshilarida nazarda tutilgan hollarda qonunchilikda belgilangan faoliyat turlari boʻyicha xabardor qilish tartibida amalga oshiriladigan faoliyatni (harakatlarni) amalga oshirish olti oygacha boʻlgan muddatga taqiqlanadi. Mazkur talab tadbirkorlik subyektining muassisi yoki benefitsiar mulkdori tomonidan tashkil etiladigan yangi tadbirkorlik subyektlariga nisbatan ham tatbiq etiladi.
(47-modda Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan ikkinchi qism bilan toʻldirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
6-bob. Litsenziyalash, ruxsat berish va xabardor qilish tartib-taomillari sohasidagi davlat nazorati
48-modda. Vakolatli organlarning litsenziya, ruxsat berish va xabardor qilish talablari va shartlariga rioya etilishi ustidan davlat nazoratini amalga oshirish chogʻidagi huquqlari
Litsenziatlarning, faoliyatni ruxsat etish xususiyatiga ega hujjatlar asosida amalga oshirayotgan shaxslarning, xabardor etuvchilarning faoliyati vakolatli organlar tomonidan nazorat qilinadi.
Litsenziya, ruxsat berish va xabardor qilish talablari va shartlariga rioya etilishi ustidan davlat nazoratini amalga oshirayotganda vakolatli organlar oʻz vakolatlari doirasida quyidagi huquqlarga ega:
Oldingi tahrirga qarang.
litsenziya, ruxsat berish va xabardor qilish talablari va shartlariga jismoniy va yuridik shaxslarning rioya etishini tekshirishni Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan yoki uni xabardor qilgan holda qonunchilikda belgilangan tartibda joyiga chiqqan holda oʻtkazish;
(48-modda ikkinchi qismining ikkinchi xatboshisi Oʻzbekiston Respublikasining 2023-yil 15-noyabrdagi OʻRQ-878-sonli Qonuni tahririda — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
litsenziya, ruxsat berish va xabardor qilish talablari va shartlariga rioya etilishi yuzasidan tekshiruvlar oʻtkazilayotganda yuzaga keladigan masalalar boʻyicha jismoniy va yuridik shaxslardan zarur axborotni soʻrash va olish;
tekshiruvlar natijalari asosida jismoniy va yuridik shaxslar yoʻl qoʻygan litsenziya, ruxsat berish va xabardor qilish talablari va shartlariga doir qoidabuzarliklarni koʻrsatgan holda dalolatnomalar tuzish;
jismoniy va yuridik shaxslar zimmasiga aniqlangan qoidabuzarliklarni bartaraf etish majburiyatini yuklovchi qarorlar chiqarish, bunday qoidabuzarliklarni bartaraf etish muddatlarini belgilash;
litsenziya yoki ruxsat etish xususiyatiga ega hujjatning amal qilishini toʻxtatib turish yoxud uni bekor qilish toʻgʻrisidagi ariza bilan sudga murojaat qilish;
xabardor qiluvchilarning faoliyatini (harakatlarini) toʻxtatib turish va qayta tiklash toʻgʻrisida qaror qabul qilish, ularning faoliyatini tugatish toʻgʻrisida, shuningdek xabardor qiluvchining faoliyatini (harakatlarini) amalga oshirishni taqiqlash toʻgʻrisida sudga ariza berish;
ushbu Qonunga muvofiq litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun yuridik shaxslarga jarima (bundan buyon matnda jarima deb yuritiladi) solish toʻgʻrisida sudga ariza berish;
litsenziyalash, ruxsat berish va xabardor qilish tartib-taomillari sohasidagi vakolatlarni amalga oshirish uchun sudga davlat boji toʻlamasdan arizalar berish.
Oldingi tahrirga qarang.
Vakolatli organlar jismoniy va yuridik shaxslar tomonidan litsenziyasiz yoki ruxsat etish xususiyatiga ega hujjatsiz, shuningdek xabarnoma yubormasdan faoliyat bilan shugʻullanilishi hollarini aniqlash uchun belgilangan tartibda nazorat tadbirlarini oʻtkazishga haqli. Bunda vakolatli organlar tomonidan faqat tegishli faoliyat turlarini amalga oshirish huquqini tasdiqlovchi hujjatlar mavjudligi va xabarnoma yuborilganligi tekshiriladi.
Tegishli faoliyat turlarini amalga oshirish huquqini tasdiqlovchi hujjatlar mavjud emasligi yoki xabarnoma yuborilmaganligi aniqlangan taqdirda qonunchilikning buzilishi faktlari boʻyicha choralar koʻrish maqsadida Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan yoki uni xabardor qilgan holda tekshiruv oʻtkaziladi.
Nazoratni amalga oshirish bilan bogʻliq holda oʻtkaziladigan tadbirkorlik subyektlarini tekshirishlar Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan belgilangan tartibda kelishilgan yoki uni xabardor qilgan holda amalga oshiriladi.
(48-moddaning uchinchi qismi Oʻzbekiston Respublikasining 2023-yil 15-noyabrdagi OʻRQ-878-sonli Qonuniga asosan uchinchi, toʻrtinchi va beshinchi qismlar bilan almashtirilgan — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 25-fevraldagi 88-son qarori bilan tasdiqlangan “Faoliyatni boshlash yoki tugatish uchun vakolatli organni xabardor qilish tartibi toʻgʻrisida”gi yagona nizomning 5-bobi.
49-modda. Litsenziya, ruxsat berish va xabardor qilish talablari hamda shartlariga rioya etilishi ustidan davlat nazoratining shakllari
Litsenziya, ruxsat berish va xabardor qilish talablari hamda shartlariga rioya etilishi ustidan davlat nazorati quyidagi shakllarda amalga oshiriladi:
maxsus elektron tizim vositasida litsenziya, ruxsat berish va xabardor qilish talablari hamda shartlariga rioya etilishi ustidan masofaviy nazorat (bundan buyon matnda masofaviy nazorat deb yuritiladi);
litsenziya, ruxsat berish va xabardor qilish talablari hamda shartlariga rioya etilishini asoslar mavjud boʻlgan taqdirda va qonunchilikda belgilangan tartibda joyga chiqqan holda tekshirish;
litsenziatlarning, faoliyatni ruxsat etish xususiyatiga ega hujjatlar asosida amalga oshiruvchi shaxslarning, xabardor qiluvchilarning faoliyati bilan bogʻliq statistik axborotni hamda ulardan soʻrab olinadigan maʼlumotlarni tahlil qilish.
Ushbu modda birinchi qismining toʻrtinchi xatboshisida nazarda tutilgan hollarda litsenziya, ruxsat berish va xabardor qilish talablari va shartlari bilan bogʻliq boʻlmagan maʼlumotlarni vakolatli organlar tomonidan tahlil qilish, tekshirish hamda ularni litsenziatlardan, faoliyatni (harakatlarni) ruxsat etish xususiyatiga ega hujjatlar asosida amalga oshiruvchi shaxslardan, xabardor qiluvchilardan soʻrab olish taqiqlanadi.
Vakolatli organlarga litsenziatlar, faoliyatni ruxsat etish xususiyatiga ega hujjatlar asosida amalga oshiruvchi shaxslar, xabardor qiluvchilar faoliyatini nazorat qilish bilan bogʻliq tadbirlarni oʻtkazish chogʻida tegishli pasportlarda nazarda tutilmagan talablar va shartlarning bajarilishini tekshirishga yoki ulardan ushbu shartlar va talablarning bajarilishini talab qilish taqiqlanadi.
Nazorat qiluvchi va huquqni muhofaza qiluvchi organlar litsenziya, ruxsat berish va xabardor qilish talablari hamda shartlarining buzilishlari aniqlangan taqdirda bu haqda vakolatli organlarga xabar beradi.
50-modda. Masofaviy nazorat
Vakolatli organ masofaviy nazoratni maxsus elektron tizim imkoniyatlaridan kelib chiqqan holda litsenziatlarning, faoliyatni ruxsat etish xususiyatiga ega hujjatlar asosida amalga oshiruvchi shaxslarning, xabardor qiluvchilarning xodimlari toʻgʻrisida, litsenziya, ruxsat etish va xabardor qilish talablari hamda shartlariga rioya etilishi haqida taqdim etilgan axborot, shuningdek boshqa davlat organlari va tashkilotlaridan olingan axborot asosida amalga oshiradi.
Masofaviy nazoratni amalga oshirish chogʻida litsenziatlar, faoliyatni ruxsat etish xususiyatiga ega hujjatlar asosida amalga oshiruvchi shaxslar, xabardor qiluvchilar belgilangan talablar hamda shartlarni buzish hollari toʻgʻrisida maxsus elektron tizim vositasida avtomatik ravishda kelib tushadigan xabarlar vakolatli organning maxsus elektron tizimdagi “shaxsiy kabineti”ga yuboriladi. Kelib tushayotgan xabarlar asosida vakolatli organ jismoniy va yuridik shaxslarning faoliyatini tahlil qiladi va oʻrganadi. Bunda vakolatli organ litsenziya, ruxsat berish va xabardor qilish talablari va shartlarining buzilishi hollarini bartaraf etish yuzasidan koʻrsatma berishi shart.
Litsenziatlar, faoliyatni ruxsat etish xususiyatiga ega hujjatlar asosida amalga oshiruvchi shaxslar, xabardor qiluvchilar masofaviy nazorat asosida vakolatli organ tomonidan berilgan koʻrsatmada bayon etilgan talablarni oʻn ish kuni ichida bajarishi va bu haqda vakolatli organga xabar berishi shart. Koʻrsatma bajarilmagan yoki oʻz vaqtida bajarilmagan taqdirda vakolatli organ “xavfni tahlil qilish” tizimi asosida ularning faoliyatini tekshirishdan oʻtkazishi mumkin.
Litsenziya, ruxsat berish va xabardor qilish talablari va shartlarini masofaviy nazorat qilish vakolatli organlar tomonidan doimiy asosda amalga oshiriladi.
51-modda. Litsenziya, ruxsat berish va xabardor qilish talablari va shartlariga rioya etilishini joyga chiqqan holda tekshirish
Litsenziya, ruxsat berish va xabardor qilish talablari va shartlariga rioya etilishini joyga chiqqan holda tekshirish quyidagilar asosida amalga oshiriladi:
“xavfni tahlil etish” tizimi;
jismoniy va yuridik shaxslarning, shu jumladan jamoatchilik nazorati subyektlarining murojaatlari;
jismoniy shaxslarning litsenziyalash, ruxsat berish va xabardor qilish tartib-taomillari sohasidagi qonunchilikning buzilishi hollari toʻgʻrisida maxsus elektron tizim orqali yuborilgan maʼlumotlari.
Oldingi tahrirga qarang.
Litsenziya, ruxsat berish va xabardor qilish talablari va shartlariga rioya etilishini joyiga chiqqan holda tekshirish qonunchilikda belgilangan tartibda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan kelishilgan yoki uni xabardor qilgan holda amalga oshiriladi.
(51-moddaning ikkinchi qismi Oʻzbekiston Respublikasining 2023-yil 15-noyabrdagi OʻRQ-878-sonli Qonuni tahririda — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
Litsenziya, ruxsat berish va xabardor qilish talablari va shartlariga rioya etilishini joyga chiqqan holda tekshirish oʻn kungacha boʻlgan muddatda amalga oshiriladi.
Tegishli faoliyat bilan litsenziyasiz yoki ruxsat etish xususiyatiga ega hujjatsiz, shuningdek xabarnoma yubormasdan shugʻullanish holatlari bilan bogʻliq buzilishlar jismoniy va yuridik shaxslarning murojaatlari asosida aniqlangan taqdirda, bu haqda vakolatli organlarga xabar bergan jismoniy va yuridik shaxslar huquqbuzarlik tasdiqlanganda, undirilgan jarimaning oʻn foizi miqdoridagi pul mukofoti bilan ragʻbatlantiriladi.
52-modda. Litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun javobgarlik asoslari
Litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun jismoniy shaxslar qonunga muvofiq jinoiy va (yoki) maʼmuriy javobgarlikka tortiladi.
Litsenziyalash, ruxsat berish va xabardor qilish tartib-taomillari sohasidagi quyidagi huquqbuzarliklarni sodir etganlik uchun yuridik shaxslarga jarimalar solinadi:
Oldingi tahrirga qarang.
faoliyat bilan litsenziyasiz, ruxsat etish xususiyatiga ega hujjatsiz va vakolatli organni xabardor etmasdan shugʻullanish, shuningdek ushbu hujjatlarning amal qilishi toʻxtatib turilganda bunday faoliyat bilan shugʻullanish;
(52-modda ikkinchi qismining ikkinchi xatboshisi Oʻzbekiston Respublikasining 2023-yil 15-noyabrdagi OʻRQ-878-sonli Qonuni tahririda — Qonunchilik maʼlumotlari milliy bazasi, 16.11.2023-y., 03/23/878/0852-son — 2024-yil 17-fevraldan kuchga kiradi)
litsenziyani va ruxsat etish xususiyatiga ega hujjatlarni qalbaki hujjatlardan foydalangan holda olish;
xabardor qilish tartibidagi faoliyatni (harakatlarni) amalga oshirish uchun belgilangan talablar va shartlarning bajarilishi toʻgʻrisida vakolatli organga yolgʻon yoki notoʻgʻri axborot taqdim etish.
Jarimalar vakolatli organlar tomonidan ushbu Qonun 48-moddasining ikkinchi qismida nazarda tutilgan tartibda oʻtkaziladigan nazorat tadbirlari asosida solinadi. Bunda nazorat tadbiri davomida aniqlangan huquqbuzarlik toʻgʻrisida dalolatnoma tuzilib, u tegishincha vakolatli organning va yuridik shaxs boʻlgan huquqbuzar (bundan buyon matnda huquqbuzar deb yuritiladi) mansabdor shaxslari tomonidan imzolanadi.
 LexUZ sharhi
Jarimalar solishda nazorat tadbiri davomida aniqlangan huquqbuzarlik toʻgʻrisida dalolatnoma tuzilib, u tegishincha vakolatli organning va yuridik shaxs boʻlgan huquqbuzar (bundan buyon matnda huquqbuzar deb yuritiladi) mansabdor shaxslari tomonidan imzolanadi. Huquqbuzar (uning vakili) dalolatnomani imzolashdan bosh tortgan taqdirda, vakolatli organning mansabdor shaxsi ushbu faktni koʻrsatilgan dalolatnomaga ilova qilinadigan videoyozuv yordamida yoki ikki nafar xolis hozirligida tasdiqlashi lozim boʻladi. Xolislar malga oshirilgan harakatlar yuzasidan dalolatnomaga kiritilishi lozim boʻlgan fikr-mulohazalar bildirishga haqli va ular zarurat boʻlganda soʻroq ham qilinishi mumkin.
Huquqbuzar (uning vakili) dalolatnomani imzolashdan bosh tortgan taqdirda, vakolatli organning mansabdor shaxsi ushbu faktni koʻrsatilgan dalolatnomaga ilova qilinadigan videoyozuv yordamida yoki ikki nafar xolis hozirligida tasdiqlashi kerak. Xolislar oʻzining hozirligida amalga oshirilgan harakatlar fakti, mazmuni va natijalarini dalolatnomada tasdiqlashi shart. Ular amalga oshirilgan harakatlar yuzasidan dalolatnomaga kiritilishi lozim boʻlgan fikr-mulohazalar bildirishga haqli. Zarur boʻlgan taqdirda, xolislar koʻrsatilgan holatlar yuzasidan soʻroq qilinishi mumkin.
Yuridik shaxsning ushbu moddaning ikkinchi qismida nazarda tutilgan huquqbuzarlikni sodir etganlik uchun javobgarlikka tortilishi tegishli asoslar mavjud boʻlgan taqdirda uning mansabdor shaxslarini maʼmuriy, jinoiy yoki qonunda nazarda tutilgan boshqa javobgarlikdan ozod etmaydi.
 LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 165, 1763, 2415-moddalari, Oʻzbekiston Respublikasi Jinoyat kodeksining 190, 1925-moddasi.
53-modda. Jarima solish toʻgʻrisidagi qarorni qabul qilish muddati
Jarima solish uchun asos boʻlgan huquqbuzarlik aniqlanganligi toʻgʻrisida dalolatnoma rasmiylashtirilgan kundan eʼtiboran besh ish kuni ichida vakolatli organ jarima solish toʻgʻrisida qaror qabul qiladi.
Oldingi tahrirga qarang.
Maxsus elektron tizim vositasida amalga oshiriladigan litsenziyalash, ruxsat berish va xabardor qilish tartib-taomillari boʻyicha jarima solish toʻgʻrisidagi qaror maxsus elektron tizimda rasmiylashtiriladi.
Jarima solish toʻgʻrisidagi qaror vakolatli organning birinchi rahbari (uning oʻrnini bosuvchi shaxs) tomonidan imzolanadi va bir ish kuni ichida huquqbuzarga yuboriladi.
Vakolatli organ tomonidan maxsus elektron tizim vositasida rasmiylashtirilgan jarima solish toʻgʻrisidagi qaror avtomatik ravishda huquqbuzarga yuboriladi.
(53-moddaning ikkinchi qismi Oʻzbekiston Respublikasining 2025-yil 27-noyabrdagi OʻRQ-1099-sonli Qonuni asosan ikkinchi, uchinchi va toʻrtinchi qismlar bilan almashtirilgan — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
54-modda. Jarima miqdori
Jarimalar miqdorlari amalga oshiriladigan faoliyatning (harakatlarning) har bir turi boʻyicha xavf darajasi hamda muddatdan kelib chiqqan holda ushbu Qonunning 4-ilovasida belgilanadi.
Undirilgan jarima miqdorining oʻn foizi vakolatli organning budjetdan tashqari jamgʻarmasiga, qolgan qismi Oʻzbekiston Respublikasining Davlat budjetiga yoʻnaltiriladi.
 LexUZ sharhi
Jarimalar miqdorlari amalga oshiriladigan faoliyatning (harakatlarning) har bir turi boʻyicha xavf darajasi hamda muddatdan kelib chiqqan holda ushbu Qonunning ilovasida har bir faoliyatning (harakatlarning) turi uchun alohida koʻrsatib oʻtilgan. Undirilgan jarima miqdorining oʻn foizi vakolatli organning budjetdan tashqari jamgʻarmasiga, qolgan qismi Oʻzbekiston Respublikasining Davlat budjetiga yoʻnaltiriladi. Shuni taʼkidlash lozimki, ushbu Qonunning 51-moddasi toʻrtinchi qismida belgilanganidek, jismoniy va yuridik shaxslarning murojaatlari asosida aniqlangan huquqbuzarliklar tufayli undirilgan jarimaning oʻn foizi miqdoridagi pul mukofoti jismoniy va yuridik shaxslarga beriladi.
55-modda. Jarimani ixtiyoriy ravishda toʻlash tartibi
Jarima solish toʻgʻrisidagi qaror yuborilgan kundan eʼtiboran bir oy ichida huquqbuzar ushbu qarorda nazarda tutilgan jarima summasini ixtiyoriy ravishda toʻlashi mumkin.
Oldingi tahrirga qarang.
Jarima solish toʻgʻrisidagi qarorda nazarda tutilgan jarima summasi miqdorining ellik foizi oʻn besh kun ichida, yetmish foizi oʻttiz kun ichida huquqbuzar tomonidan ixtiyoriy ravishda toʻlangan hamda litsenziyani, ruxsat etish xususiyatiga ega hujjatni berish yoki xabarnoma yuborish toʻgʻrisidagi ariza bilan vakolatli organga murojaat qilingan taqdirda, huquqbuzar jarimaning qolgan summasini toʻlashdan ozod etiladi.
(55-moddaning ikkinchi qismi Oʻzbekiston Respublikasining 2025-yil 27-noyabrdagi OʻRQ-1099-sonli Qonuni tahririda — Qonunchilik maʼlumotlari milliy bazasi, 28.11.2025-y., 03/25/1099/1104-son. Kuchga kirish sanasi — 2026-yil 1-mart)
Ushbu moddaning ikkinchi qismida nazarda tutilgan hollarda vakolatli organ tomonidan huquqbuzarning oʻz faoliyatini qonunchilik hamda litsenziya, ruxsat berish va xabardor qilish tartib-taomillari talablari va shartlariga muvofiq amalga oshirishi uchun zarur sharoitlar yaratiladi hamda yordam koʻrsatiladi.
56-modda. Jarimani sud tartibida undirish
Huquqbuzar tomonidan jarima summasi ixtiyoriy ravishda toʻlanmagan taqdirda, vakolatli organ jarimani undirish toʻgʻrisidagi arizani sudga belgilangan tartibda besh ish kuni ichida kiritadi.
Sudning jarimani undirish toʻgʻrisidagi qonuniy kuchga kirgan qarorini ijro etish qonunda belgilangan tartibda amalga oshiriladi.
57-modda. Jarima solish toʻgʻrisidagi qaror ustidan shikoyat qilish
Huquqbuzar vakolatli organning jarima solish toʻgʻrisidagi qarori ustidan ushbu Qonunning 7-bobida belgilangan tartibda shikoyat qilishga haqli.
7-bob. Litsenziyalash, ruxsat berish va xabardor qilish tartib-taomillari sohasidagi vakolatli organlarning qarorlari (harakatlari) ustidan shikoyat qilish tartibi
58-modda. Vakolatli organlarning va ular mansabdor shaxslarining qarorlari (harakatlari) ustidan shikoyat qilish
Jismoniy va yuridik shaxslar vakolatli organlarning hamda ular mansabdor shaxslarining oʻz faoliyatiga taalluqli boʻlgan qarorlari (harakatlari) ustidan shikoyat qilishi mumkin.
Shikoyat:
hududiy darajadagi vakolatli organga nisbatan — uning yuqori turuvchi organiga;
respublika darajasidagi vakolatli organga nisbatan — ushbu organda tashkil etilgan apellyatsiya kengashiga beriladi. Apellyatsiya kengashini tashkil etish qoidalari faoliyatning ayrim turlarini litsenziyalash va ruxsat berish tartib-taomillaridan oʻtish tartibi toʻgʻrisidagi nizomlarda, shuningdek xabardor qilish tartibi toʻgʻrisidagi yagona nizomda faoliyatning oʻziga xos xususiyatidan kelib chiqqan holda belgilanishi mumkin.
Jismoniy va yuridik shaxslar belgilangan tartibda vakolatli organlarning hamda ular mansabdor shaxslarining qarorlari (harakatlari) ustidan bevosita sudga shikoyat qilishga haqli.
Agar qonunda boshqacha qoida nazarda tutilmagan boʻlsa, shikoyat jismoniy va yuridik shaxslar qaror toʻgʻrisida tegishli ravishda xabardor qilingan paytdan eʼtiboran yoki ularga vakolatli organning yoxud uning mansabdor shaxslarining harakatlari haqida maʼlum boʻlgan paytdan eʼtiboran oʻttiz kundan kechiktirmay berilishi mumkin.
 LexUZ sharhi
Qarang: Oʻzbekiston Respublikasi Vazirlar Mahkamasining 2022-yil 21-fevraldagi 80-sonli “Maxsus elektron tizim orqali ayrim faoliyat turlarini litsenziyalash tartibi toʻgʻrisida”gi yagona nizomning 7-bobi.
59-modda. Shikoyatning shakli va mazmuni
Shikoyat yozma, ogʻzaki yoki elektron shaklda beriladi va unda quyidagilar koʻrsatilgan boʻlishi kerak:
qarorni qabul qilgan yoki harakatni amalga oshirgan vakolatli organning nomi;
shikoyat bergan jismoniy shaxsning (uning vakilining) familiyasi, ismi, otasining ismi va yashash joyi, yuridik shaxs uchun esa uning nomi va joylashgan yeri (pochta manzili);
shikoyat bergan shaxsning talablari;
ilova qilinayotgan hujjatlarning roʻyxati (mavjud boʻlgan taqdirda);
shikoyat berilgan sana.
Shikoyat jismoniy yoki yuridik shaxs (uning vakili) tomonidan imzolanadi. Agar shikoyat vakil tomonidan berilgan boʻlsa, unga ishonchnomaning yoki vakilning vakolatlarini tasdiqlovchi boshqa hujjatning koʻchirma nusxasi ilova qilinishi kerak.
Jismoniy shaxs ogʻzaki shikoyat qilayotganda oʻz shaxsini tasdiqlovchi hujjatni, yuridik shaxsning vakili esa — oʻz vakolatlarini va shaxsini tasdiqlaydigan hujjatni taqdim etishi kerak.
Elektron shaklda beriladigan shikoyatda jismoniy yoki yuridik shaxsning elektron manzili hamda yagona identifikatori, qonunchilikda nazarda tutilgan hollarda esa — raqamli imzosi va boshqa rekvizitlari koʻrsatiladi.
60-modda. Shikoyatni koʻrib chiqish
Shikoyatni olgan yuqori turuvchi vakolatli organ va apellyatsiya kengashi ustidan shikoyat berilayotgan qaror, harakatlar toʻgʻrisidagi tegishli axborotni shikoyat olingan paytdan eʼtiboran uch ish kuni ichida soʻrab oladi.
Yuqori turuvchi vakolatli organ yoki apellyatsiya kengashi shikoyat boʻyicha oʻn besh ish kuni ichida qaror qabul qiladi.
Yuqori turuvchi vakolatli organ yoki apellyatsiya kengashi shikoyat boʻyicha quyidagi qarorlardan birini qabul qilishga haqli:
ustidan shikoyat qilinayotgan qarorni oʻzgarishsiz qoldirish;
ustidan shikoyat qilinayotgan qarorga oʻzgartishlar kiritish;
qarorni bekor qilish va zarur boʻlgan taqdirda, yangi qaror qabul qilish;
vakolatli organ yoki uning mansabdor shaxsi zimmasiga berilgan shikoyat mohiyati boʻyicha muayyan harakatlarni amalga oshirish majburiyatini yuklash.
Shikoyat boʻyicha apellyatsiya kengashining qarori barcha aʼzolar tomonidan bir ovozdan qabul qilinadi. Bunda apellyatsiya kengashi aʼzolaridan birortasi ham ovoz berishda betaraf qolishga haqli emas.
Vakolatli organning qarori ustidan shikoyat qilingan taqdirda shikoyat yuqori turuvchi vakolatli organda yoki apellyatsiya kengashida roʻyxatdan oʻtkazilgan paytdan eʼtiboran:
qarorning amal qilishi va ijro etilishi toʻxtatib turiladi, bundan litsenziyaning yoki ruxsat etish xususiyatiga ega hujjatning amal qilishini yoxud xabardor qiluvchining xabardor qilish tartibida amalga oshiriladigan faoliyatini (harakatlarini) toʻxtatib turish hollari mustasno;
jarimani ixtiyoriy ravishda toʻlash muddati toʻxtatib turiladi.
8-bob. Yakunlovchi qoidalar
61-modda. Litsenziya, ruxsat berish va xabardor qilish tartib-taomillarini qayta koʻrib chiqishning davriyligi
Oʻzbekiston Respublikasi Vazirlar Mahkamasi besh yilda kamida bir marta ushbu Qonunda nazarda tutilgan har bir litsenziyalash tartibi, ruxsat berish va xabardor qilish tartib-taomilining uni qoʻllash natijasida erishilgan maqsadlar, ijtimoiy-iqtisodiy, innovatsion va texnologik rivojlanishning joriy holati, shuningdek tadbirkorlik subyektlarining xarajatlari baholangan holda qayta koʻrib chiqilishini taʼminlaydi.
62-modda. Nizolarni hal etish
Litsenziyalash, ruxsat berish va xabardor qilish tartib-taomillari sohasida yuzaga keladigan nizolar qonunchilikda belgilangan tartibda hal etiladi.
63-modda. Litsenziyalash, ruxsat berish va xabardor qilish tartib-taomillari toʻgʻrisidagi qonunchilikni buzganlik uchun javobgarlik
Litsenziyalash, ruxsat berish va xabardor qilish tartib-taomillari toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladi.
 LexUZ sharhi
Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 165, 1763, 2415-moddalari, Oʻzbekiston Respublikasi Jinoyat kodeksining 190, 1925-moddasi.
64-modda. Oʻzbekiston Respublikasining ayrim qonun hujjatlarini oʻz kuchini yoʻqotgan deb topish
Quyidagilar oʻz kuchini yoʻqotgan deb topilsin:
1) Oʻzbekiston Respublikasining 2000-yil 25-mayda qabul qilingan “Faoliyatning ayrim turlarini litsenziyalash toʻgʻrisida”gi 71-II-sonli Qonuni (Oʻzbekiston Respublikasi Oliy Majlisining Axborotnomasi, 2000-yil, № 5-6, 142-modda);
2) Oʻzbekiston Respublikasi Oliy Majlisining 2000-yil 25-mayda qabul qilingan “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga kiritish tartibi haqida”gi 72-II-sonli Qarori (Oʻzbekiston Respublikasi Oliy Majlisining Axborotnomasi, 2000-yil, № 5-6, 143-modda);
3) Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarori (Oʻzbekiston Respublikasi Oliy Majlisining Axborotnomasi, 2002-yil, № 6-7, 105-modda);
4) Oʻzbekiston Respublikasining 2002-yil 13-dekabrda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi OʻRQ-447-II-sonli Qonunining (Oʻzbekiston Respublikasi Oliy Majlisining Axborotnomasi, 2003-yil, № 1, 8-modda) XXIV va XXV boʻlimlari;
5) Oʻzbekiston Respublikasining 2006-yil 4-aprelda qabul qilingan “Tadbirkorlik faoliyatini amalga oshirish uchun ruxsat berish tartib-taomillari turlari qisqartirilganligi hamda soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-28-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda) 7 va 8-moddalari;
6) Oʻzbekiston Respublikasining 2006-yil 10-oktabrda qabul qilingan “Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-59-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda) 28-moddasi;
7) Oʻzbekiston Respublikasining 2007-yil 17-iyulda qabul qilingan “Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarorining 1-ilovasiga oʻzgartish va qoʻshimchalar kiritish haqida”gi OʻRQ-102-sonli Qonuni (Oʻzbekiston Respublikasi Oliy Majlisining Axborotnomasi, 2007-yil, № 7, 323-modda);
8) Oʻzbekiston Respublikasining 2007-yil 14-sentabrda qabul qilingan “Qimor va tavakkalchilikka asoslangan boshqa oʻyinlarni tashkil etish hamda oʻtkazishni tartibga solish munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-109-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2007-yil, № 9, 416-modda) 5-moddasi;
9) Oʻzbekiston Respublikasining 2009-yil 9-sentabrda qabul qilingan “Qimmatli qogʻozlar bozori toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish haqida”gi OʻRQ-216-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2009-yil, № 9, 330-modda) 8-moddasi;
10) Oʻzbekiston Respublikasining 2010-yil 14-sentabrda qabul qilingan “Adliya organlari va muassasalari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-255-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 330-modda) 9-moddasi;
11) Oʻzbekiston Respublikasining 2010-yil 22-sentabrda qabul qilingan “Pirotexnika buyumlari muomalasi tartibga solinishi munosabati bilan Oʻzbekiston Respublikasining ayrim qonun hujjatlariga qoʻshimchalar kiritish toʻgʻrisida”gi OʻRQ-261-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 331-modda) 3-moddasi;
12) Oʻzbekiston Respublikasining 2010-yil 22-dekabrda qabul qilingan “Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarorining 1-ilovasiga qoʻshimcha kiritish haqida”gi OʻRQ-270-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2010-yil, № 12, 470-modda);
13) Oʻzbekiston Respublikasining 2011-yil 7-sentabrda qabul qilingan “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi OʻRQ-292-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2011-yil, № 9, 245-modda);
14) Oʻzbekiston Respublikasining 2011-yil 26-dekabrda qabul qilingan “Intellektual mulk toʻgʻrisidagi qonun hujjatlari takomillashtirilishi munosabati bilan Oʻzbekiston Respublikasining ayrim qonunlariga oʻzgartish va qoʻshimchalar kiritish haqida”gi OʻRQ-312-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda) 6-moddasi;
15) Oʻzbekiston Respublikasining 2012-yil 10-aprelda qabul qilingan “Kredit axboroti almashinuvi toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”gi OʻRQ-321-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2012-yil, № 4, 105-modda) 5-moddasi;
16) Oʻzbekiston Respublikasining 2012-yil 20-dekabrda qabul qilingan “Tadbirkorlik faoliyati sohasidagi ruxsat berish tartib-taomillari toʻgʻrisida”gi OʻRQ-341-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 332-modda);
17) Oʻzbekiston Respublikasining 2012-yil 29-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-345-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 336-modda) 12-moddasi;
18) Oʻzbekiston Respublikasining 2013-yil 30-aprelda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-352-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 98-modda) 33 va 36-moddalari;
19) Oʻzbekiston Respublikasining 2014-yil 11-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-381-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2014-yil, № 12, 343-modda) 16, 19 va 22-moddalari;
20) Oʻzbekiston Respublikasining 2015-yil 20-avgustda qabul qilingan “Oʻzbekiston Respublikasining ayrim qonun hujjatlariga xususiy mulkni, tadbirkorlik subyektlarini ishonchli himoya qilishni yanada kuchaytirishga, ularni jadal rivojlantirish yoʻlidagi toʻsiqlarni bartaraf etishga qaratilgan oʻzgartish va qoʻshimchalar kiritish toʻgʻrisida”gi OʻRQ-391-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2015-yil, № 8, 312-modda) 24 va 42-moddalari;
21) Oʻzbekiston Respublikasining 2015-yil 29-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-396-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2015-yil, № 12, 452-modda) 20 va 33-moddalari;
22) Oʻzbekiston Respublikasining 2016-yil 29-dekabrda qabul qilingan “Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qoʻshimcha chora-tadbirlar qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-418-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2016-yil, № 12, 385-modda) 8-moddasi;
23) Oʻzbekiston Respublikasining 2017-yil 18-aprelda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-429-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 4, 137-modda) 10 va 17-moddalari;
24) Oʻzbekiston Respublikasining 2018-yil 3-yanvarda qabul qilingan “Ayrim davlat organlari faoliyati takomillashtirilishi, shuningdek fuqarolarning huquqlari va erkinliklarini himoya qilish kafolatlarini taʼminlashga doir qoʻshimcha chora-tadbirlar qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-456-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2018-yil, № 1, 1-modda) 23-moddasi;
25) Oʻzbekiston Respublikasining 2018-yil 9-yanvarda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-459-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2018-yil, № 1, 4-modda) 12-moddasi;
26) Oʻzbekiston Respublikasining 2018-yil 23-iyulda qabul qilingan “Baʼzi davlat organlari va tashkilotlarining faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-486-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2018-yil, № 7, 431-modda) 21-moddasi;
27) Oʻzbekiston Respublikasining 2018-yil 3-oktabrda qabul qilingan “Oʻzbekiston Respublikasining ayrim qonun hujjatlariga iqtisodiy munosabatlar va tadbirkorlikni rivojlantirishga qaratilgan oʻzgartish va qoʻshimchalar kiritish toʻgʻrisida”gi OʻRQ-494-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2018-yil, № 10, 670-modda) 2 va 3-moddalari;
28) Oʻzbekiston Respublikasining 2018-yil 16-oktabrda qabul qilingan “Xususiy bandlik agentliklari toʻgʻrisida”gi OʻRQ-501-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2018-yil, № 10, 677-modda) 30-moddasining 3-bandi;
29) Oʻzbekiston Respublikasining 2019-yil 30-iyulda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-551-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 7, 389-modda) 1-moddasi;
30) Oʻzbekiston Respublikasining 2019-yil 30-avgustda qabul qilingan “Moddiy madaniy meros obyektlarining muhofaza qilinishi kuchaytirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-560-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 8, 471-modda) 3-moddasi;
31) Oʻzbekiston Respublikasining 2019-yil 12-noyabrda qabul qilingan “Baʼzi davlat organlarining faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-583-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 11, 791-modda) 9-moddasi;
32) Oʻzbekiston Respublikasining 2019-yil 14-noyabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-584-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 11, 792-modda) 6-moddasi;
33) Oʻzbekiston Respublikasining 2019-yil 3-dekabrda qabul qilingan “Mehnatga haq toʻlash, pensiyalar va boshqa toʻlovlar miqdorlarini aniqlash tartibi takomillashtirilganligi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida”gi OʻRQ-586-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2019-yil, № 12, 880-modda) 29-moddasi;
34) Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda) 28-moddasining 8-bandi;
35) Oʻzbekiston Respublikasining 2020-yil 14-yanvarda qabul qilingan “Notariat tizimi tubdan isloh qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-602-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 3-modda) 5-moddasi;
36) Oʻzbekiston Respublikasining 2020-yil 22-yanvarda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-603-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 4-modda) 8-moddasi;
37) Oʻzbekiston Respublikasining 2020-yil 17-martda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-612-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2020-yil, № 3, 203-modda) 4-moddasi.
65-modda. Ushbu Qonunning ijrosini, yetkazilishini, mohiyati va ahamiyati tushuntirilishini taʼminlash
Oʻzbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
66-modda. Qonunchilikni ushbu Qonunga muvofiqlashtirish
Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonundan kelib chiqadigan maʼmuriy javobgarlik toʻgʻrisidagi qonunchilikni takomillashtirish toʻgʻrisidagi takliflarni kiritsin.
67-modda. Ushbu Qonunning kuchga kirishi
Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 48-moddasi ikkinchi qismining sakkizinchi xatboshisi hamda uchinchi qismi, shuningdek 49 — 57-moddalari rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2021-yil 14-iyul,
OʻRQ-701-son
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga
1-ILOVA
Amalga oshirilishi uchun litsenziyalarni olish talab qilinadigan faoliyat turlari
Oldingi tahrirga qarang.

T/r

Litsenziyaning nomi

Litsenziyalanadigan faoliyatning kichik turlari

Litsenziyalash sohasidagi vakolatli organlar

1.

Nodavlat taʼlim xizmatlarini koʻrsatish sohasidagi faoliyat uchun litsenziya

Maktabgacha taʼlim xizmatlari (bundan oilaviy nodavlat maktabgacha taʼlim tashkilotlarining xizmatlari mustasno); 

Oʻzbekiston Respublikasi Maktabgacha va maktab taʼlimi vazirligi

umumiy oʻrta taʼlim xizmatlari;

oʻrta maxsus taʼlim xizmatlari;

Oʻzbekiston Respublikasi Oliy taʼlim, fan va innovatsiyalar vazirligi

professional taʼlim xizmatlari;

oliy taʼlim xizmatlari;

oliy taʼlimdan keyingi taʼlim xizmatlari;

avtomototransport vositalari va shahar elektr transporti vositalari haydovchilarini tayyorlash hamda qayta tayyorlash.

Oʻzbekiston Respublikasi Ichki ishlar vazirligi

2.

Moddiy madaniy merosning koʻchmas mulk obyektlarini asrashga doir faoliyatni amalga oshirish uchun litsenziya

Moddiy madaniy merosning koʻchmas mulk obyektlarini asrashga doir faoliyat.

Oʻzbekiston Respublikasi Madaniy meros agentligi

3.

Konsert-tomosha faoliyatini amalga oshirish uchun litsenziya

Yakkaxon ijrochi konserti (bitta ijrochining yakkaxon konsert dasturi), bitta janrning ikki yoki undan koʻp ijrochisi ishtirokidagi konsert dasturi, turli janrlar yoʻnalishlarining bir nechta ijrochisi ishtirokidagi konsert dasturi (yakkaxon xonanda, sozanda, raqqosa, boshlovchi, qiziqchi va boshqalar), ommaviy axborot vositalarida qoʻshiqlar va videokliplarni taqdim etish;

Oʻzbekiston Respublikasi Madaniyat vazirligi huzuridagi “Oʻzbekkonsert” davlat muassasasi

restoranlar, barlar, qahvaxonalar, xususiy uylarda yubiley tantanalarida xizmat koʻrsatish, restoranlar, barlar, qahvaxonalar va xususiy uylarda toʻylarda (FHDYdagi marosim, “osh berish” marosimi, kechqurungi nikoh tuzish — “nikoh toʻyi” marosimi, “kelin salom” marosimi), “sunnat toʻyi” marosimiga xizmat koʻrsatish, koʻngilochar tashkilotlarda — klublar, diskotekalar, restoranlar, barlar va qahvaxonalarda xizmat koʻrsatish (yakkaxon xonanda, sozanda, raqqosa, boshlovchi, qiziqchi, didjey-ovoz operatori, maʼmur va boshqalar).

4.

Advokatlik faoliyati uchun litsenziya

Fuqarolik va iqtisodiy sud ishlarini yuritishni amalga oshirishga doir advokatlik faoliyati;

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari

maʼmuriy va jinoiy sud ishlarini yuritishni amalga oshirishga doir advokatlik faoliyati.

5.

Xususiy notarial faoliyat bilan shugʻullanish huquqini beruvchi litsenziya

Xususiy notarial faoliyat.

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari

6.

Turistik faoliyatni amalga oshirish uchun litsenziya

Ichki turizm faoliyati (Oʻzbekiston Respublikasi ichkarisida turistik faoliyatni amalga oshirish);

Qoraqalpogʻiston Respublikasi, viloyatlar va Toshkent shahar turizm  boshqarmalari

chiqish turizmi faoliyati (Oʻzbekiston Respublikasidan tashqarida turistik faoliyatni (shu jumladan tibbiy va taʼlim turizmini) amalga oshirish);

kirish turizmi faoliyati (Oʻzbekiston Respublikasiga chet el fuqarolarini jalb etishga oid turistik faoliyatni amalga oshirish).

7.

Kripto-aktivlar aylanmasi sohasidagi xizmatlar provayderlari faoliyatini amalga oshirish uchun litsenziya

Kripto-birja faoliyati;

Oʻzbekiston Respublikasi Istiqbolli loyihalar milliy agentligi

mayning-pul faoliyati;

kripto-depozitariy faoliyati;

kripto-doʻkon faoliyati.

8.

Sugʻurtalovchilarning (qayta sugʻurtalovchilarning) va sugʻurta brokerlarining sugʻurta faoliyati uchun litsenziya

Sugʻurtalovchilarning (qayta sugʻurtalovchilarning) sugʻurta faoliyati;

Oʻzbekiston Respublikasi Istiqbolli loyihalar milliy agentligi

sugʻurta brokerlarining sugʻurta faoliyati.

9.

Isteʼmol va texnik etil spirti, alkogol mahsulotlari ishlab chiqarish uchun litsenziya

Rektifikatlangan isteʼmol etil spirtini, shu jumladan uzum, rezavor meva, shuningdek vino spirtini, uzum va rezavor mevadan tayyorlangan spirt xom ashyosini ishlab chiqarish;

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi

texnik etil spirtini, efiroaldegidli fraksiyani (etil spirtining bosh fraksiyasini) ishlab chiqarish;

uzum, vino, konyak, viski, rom, rezavor meva va kalvados distillyatini ishlab chiqarish;

aroq, shu jumladan uzum va meva arogʻini, shuningdek likyor-aroq mahsulotlarini ishlab chiqarish;

konyak, konyak ichimligini, brendi, viski, rom, kalvadosni ishlab chiqarish;

uzum va rezavor meva vinosini, koʻpiklanadigan va gazli vinoni ishlab chiqarish;

oʻtkirligi 7,0 foizdan 22 foizgacha boʻlgan vino ichimliklarini ishlab chiqarish;

uzum va rezavor mevadan tayyorlangan vino materiallarini ishlab chiqarish.

10.

Alkogol mahsulotlarining ulgurji savdosi (bundan tabiiy va koʻpiklanadigan vinolar, pivo va pivo ichimliklari mustasno) boʻyicha faoliyat uchun litsenziya

Alkogol mahsulotlarining ulgurji savdosi.

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi

11.

Tamaki mahsulotlari ishlab chiqarish faoliyati uchun litsenziya

Tamaki mahsulotlarini (barcha klassdagi sigaretlar, papiroslar, sigaralar va sigarillalarni) sanoat asosida ishlab chiqarish.

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi

12.

Affinaj faoliyati uchun litsenziya

Ikkilamchi resurslar, parcha va chiqindilardagi qimmatbaho metallarni, shu jumladan oltin izlovchilar usulida qazib olingan qimmatbaho metallarni affinaj qilish, shuningdek mexanik, kimyoviy va metallurgiya jarayonlaridan foydalangan holda oʻz ishlab chiqarish chiqindilaridan qimmatbaho metallarni ajratib olish;

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

foydali qazilmalarni qazib olish uchun yer qaʼri uchastkalaridan foydalanish huquqini beruvchi litseziyaga ega boʻlganlar uchun — tarkibida qimmatbaho metallar boʻlgan mineral xom-ashyoni qazib olish, qayta ishlash, tashish, shixtovkalash, tarkibida qimmatbaho metallar boʻlgan konsentratlarni, gravitatsiya konsentratlarini, choʻkindi oltinni, Dore qotishmasini, katod metallarni, rux choʻkmalarini, boyitilgan smolani olish;

tarkibida qimmatbaho metallar boʻlgan ikkilamchi resurslarni, parcha va chiqindilarni toʻplash, tashish, qismlarga ajratish, ularga dastlabki ishlov berish, ularni saralash, qayta ishlash hamda utilizatsiya qilish;

yuridik va jismoniy shaxslardan qimmatbaho metallarni, shu jumladan oltin izlovchilar usulida qazib olingan qimmatbaho metallarni, zargarlik buyumlarini, qimmatbaho metallarning parcha va chiqindilarini, ikkilamchi resurslarni, ishlab chiqarish-texnik yoʻnalishdagi va tarkibida qimmatbaho metallar boʻlgan boshqa buyumlarni sotib olish;

oltin izlovchilarga xizmatlar koʻrsatish, tarkibida qimmatbaho metallar boʻlgan ikkilamchi resurslar, parchalar va chiqindilarni toʻplash uchun sotib olingan qimmatbaho metallarning but saqlanishini taʼminlashga doir talablarga muvofiq jihozlangan sayyor qabul qilish-tayyorlov punktlarini tashkil etish;

respublika hududida qimmatbaho metallarni sotib olish va sotish punktlarini ochish;

qimmatbaho metallarni sotib olish va sotish boʻyicha birja savdolarida ishtirok etish.

13.

Bank faoliyatini amalga oshirish huquqini beruvchi litsenziya

Bank faoliyati;

Oʻzbekiston Respublikasi Markaziy banki

mikromoliya banki faoliyati.

 131.

 

 

Islomiy bank faoliyatini amalga oshirish huquqini beruvchi litsenziya

 

 

Islomiy bank faoliyatini amalga oshiruvchi bank faoliyati;

Oʻzbekiston Respublikasi Markaziy banki

islomiy bank faoliyatini amalga oshiruvchi mikromoliya banki faoliyati.

15.

Kredit byurolari faoliyatini amalga oshirish uchun litsenziya

Kredit byurolari faoliyati.

Oʻzbekiston Respublikasi Markaziy banki

16.

Avtomobil transportida yoʻlovchilarni tashish faoliyati uchun litsenziya

Yoʻlovchilarni shahar, shahar atrofida va shaharlararo mikroavtobus hamda avtobuslarda tashish;

Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari

yoʻlovchilarni shahar, shahar atrofida va shaharlararo yengil avtomobillarda tashish;

yoʻlovchilarni xalqaro yoʻnalishlar boʻyicha avtobuslarda tashish;

yoʻlovchilarni xalqaro yoʻnalishlar boʻyicha mikroavtobuslarda tashish;

Oʻzbekiston Respublikasi Transport vazirligi

yoʻlovchilarni xalqaro yoʻnalishlar boʻyicha yengil avtomobillarda tashish.

17.

Avtomobil transportida yuklarni xalqaro yoʻnalishlar boʻyicha tashish faoliyati uchun litsenziya

Avtomobil transportida yuklarni xalqaro yoʻnalishlar boʻyicha tashish;

Oʻzbekiston Respublikasi Transport vazirligi

18.

Mahalliy va xalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyati uchun litsenziya

mahalliy yoʻnalishda temir yoʻl transportida yoʻlovchilar tashish;

Oʻzbekiston Respublikasi Transport vazirligi

xalqaro yoʻnalishda temir yoʻl transportida yoʻlovchilar tashish;

mahalliy yoʻnalishda temir yoʻl transportida yuklar tashish;

xalqaro yoʻnalishda temir yoʻl transportida yuklar tashish.

19.

Bojxona omborini taʼsis etish uchun litsenziya

Bojxona omborini taʼsis etish va uning faoliyat yuritishi.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

20.

Bojxona rejimida omborxona — “erkin omborxona” taʼsis etish uchun litsenziya

Bojxona rejimida omborxona — “erkin omborxona” taʼsis etish va uning faoliyat yuritishi.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

21.

Boj olinmaydigan savdo doʻkoni faoliyati uchun litsenziya

Boj olinmaydigan savdo doʻkoni faoliyati.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

23.

Giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyat uchun litsenziya

Giyohvandlik vositalari, psixotrop moddalar va prekursorlarni olib kirish (olib chiqish);

Oʻzbekiston Respublikasi Sogʻliqni saqlash vazirligi

giyohvandlik vositalari, psixotrop moddalar va prekursorlarni saqlash hamda realizatsiya qilish (berish);

giyohvandlik vositalari, psixotrop moddalar va prekursorlarni saqlash hamda taqsimlash;

giyohvandlik vositalari, psixotrop moddalar va prekursorlarni tashish;

yangi giyohvandlik vositalari va psixotrop moddalarni ishlab chiqish hamda saqlash;

giyohvandlik vositalari, psixotrop moddalar va prekursorlarni ishlab chiqarish, tayyorlash va saqlash;

giyohvandlik vositalari, psixotrop moddalar va prekursorlarni yoʻq qilish;

giyohvandlik vositalari, psixotrop moddalar va prekursorlardan ilmiy va oʻquv maqsadlarida, ishlab chiqarish ehtiyojlari uchun, shu jumladan tibbiyotda hamda veterinariyada foydalanish va ularni saqlash;

tarkibida giyohvandlik moddalari boʻlgan oʻsimliklarni yetishtirish hamda saqlash.

24.

Tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish, olib kirish (olib chiqish), qayta ishlash, saqlash, realizatsiya qilish (berish), olish va tashish faoliyati uchun litsenziya

Tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish;

Oʻzbekiston Respublikasi Qishloq xoʻjaligi vazirligi

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida olib kirish (olib chiqish);

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida qayta ishlash;

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida saqlash;

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida realizatsiya qilish (berish);

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida olish;

tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida tashish.

25.

Tibbiy faoliyat uchun litsenziya

Tibbiy faoliyat amalga oshiriladigan tibbiy ixtisosliklar turlari boʻyicha.

Oʻzbekiston Respublikasi Sogʻliqni saqlash vazirligi

26.

Farmatsevtika faoliyati uchun litsenziya

Dori vositalarini ishlab chiqarish;

Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi

dori vositalarini tayyorlash;

dori vositalarini ulgurji realizatsiya qilish;

dori vositalari va tibbiy buyumlarni chakana realizatsiya qilish (bundan oftalmologiya tibbiy buyumlarini chakana realizatsiya qilish mustasno).

Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining hududiy boʻlinmalari

27.

Veterinariya faoliyati uchun litsenziya

Veterinariya laboratoriya-diagnostika ishlari;

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi

 veterinariya preparatlarini, shu jumladan veterinariya maqsadlari uchun dorivor vositalar, ozuqa qoʻshimchalari va zoogigiyena vositalarini ishlab chiqarish hamda tayyorlash;

veterinariya preparatlarini, shu jumladan veterinariya maqsadlari uchun dorivor vositalar, ozuqa qoʻshimchalari, biologik preparatlar va zoogigiyena vositalarini realizatsiya qilish;

veterinariya preparatlarini, shu jumladan biologik preparatlarni ishlab chiqarish hamda tayyorlash.

28.

Balandliklarda sanoat alpinizmi usullarida taʼmirlash, qurilish-montaj ishlarini bajarish faoliyati uchun litsenziya

Balandliklarda sanoat alpinizmi usullarida taʼmirlash ishlarini bajarish;

Oʻzbekiston Respublikasi Qurilish va uy-joy kommunal xoʻjaligi vazirligi

balandliklarda sanoat alpinizmi usullarida qurilish-montaj ishlarini bajarish.

29.

Koʻpriklar va tonnellarni loyihalashtirish, qurish va ularni taʼmirlash faoliyati uchun litsenziya

Koʻpriklar va tonnellarni loyihalashtirish;

Oʻzbekiston Respublikasi Qurilish va uy-joy kommunal xoʻjaligi vazirligi

koʻpriklar va tonnellarni qurish;

koʻpriklar va tonnellarni taʼmirlash.

30.

Xavfi yuqori boʻlgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyati uchun litsenziya

Xavfi yuqori boʻlgan obyektlarni va potensial xavfli ishlab chiqarishlarni loyihalashtirish;

Oʻzbekiston Respublikasi Qurilish va uy-joy kommunal xoʻjaligi vazirligi

xavfi yuqori boʻlgan obyektlarni va potensial xavfli ishlab chiqarishlarni qurish;

xavfi yuqori boʻlgan obyektlardan va potensial xavfli ishlab chiqa?ishlardan foydalanish.

31.

Arxitektura-shaharsozlik hujjatlarini ishlab chiqish faoliyati uchun litsenziya

Oʻzbekiston Respublikasi hududini va hududi qismlarini rivojlantirishni rejalashtirish toʻgʻrisidagi hujjatlarni ishlab chiqish;

Oʻzbekiston Respublikasi Qurilish va uy-joy kommunal xoʻjaligi vazirligi

 aholi punktlari hududlarini qurish va rivojlantirish toʻgʻrisidagi hujjatlarni ishlab chiqish;

qurilish obyektlari uchun muhandislik-texnik qidiruvlarini (muhandislik-geodeziya qidiruvlaridan tashqari) bajarish;

uy-joy-xoʻjalik qurilishi uchun obyektlar va komplekslar loyiha-smeta hujjatlarini ishlab chiqish, shu jumladan ularning muhandislik tarmoqlari va tizimlarini loyihalashtirish;

sanoat qurilishi uchun obyektlar va komplekslar loyiha-smeta hujjatlarini ishlab chiqish, shu jumladan ularning muhandislik tarmoqlari va tizimlarini loyihalashtirish;

suv xoʻjaligi qurilishi uchun obyektlar va komplekslar loyiha-smeta hujjatlarini ishlab chiqish, shu jumladan ularning muhandislik tarmoqlari va tizimlarini loyihalashtirish;

qishloq xoʻjaligi qurilishi uchun obyektlar va komplekslar loyiha-smeta hujjatlarini ishlab chiqish, shu jumladan ularning muhandislik tarmoqlari va tizimlarini loyihalashtirish;

energetika qurilishi va aloqa obyektlari hamda komplekslarini loyihalashtirish, shu jumladan ularning muhandislik tarmoqlari va tizimlarini loyihalashtirish;

transport va yoʻl qurilishi obyektlari hamda komplekslarini loyihalashtirish, shu jumladan ularning muhandislik tarmoqlari va tizimlarini loyihalashtirish;

magistral muhandislik tarmoqlarini (magistral gaz quvurlari, neft quvurlari va neft mahsulotlari quvurlaridan tashqari) loyihalashtirish;

umumiy foydalaniladigan avtomobil yoʻllarini qurish, rekonstruksiya qilish va taʼmirlash uchun loyiha-smeta hujjatlarini ishlab chiqish;

arxitektura yodgorliklarini taʼmirlash uchun hujjatlar;

“Obyektlarning asoslari va poydevorlari” boʻlimini loyihalashtirish;

“Metall obyektlar konstruksiyalari” boʻlimini loyihalashtirish;

“Temir-beton obyektlari konstruksiyalari” boʻlimini loyihalashtirish;

maxsus obyektlar va inshootlarni loyihalashtirish;

qurilish obyektlarini kapital va joriy taʼmirlash uchun loyiha-smeta hujjatlari;

binolar va inshootlarning texnik holatini tekshirish;

binolar va inshootlarni mustahkamlash uchun loyiha-smeta hujjatlarini ishlab chiqish;

korroziyaga qarshi himoyani ishlab chiqish;

binolar va inshootlarning muhandislik tarmoqlari hamda tizimlarini loyihalashtirish.

32.

Telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatish uchun litsenziya

Mahalliy, shaharlararo va xalqaro telekommunikatsiyalar tarmoqlarini loyihalashtirish;

Oʻzbekiston Respublikasi Raqamli texnologiyalar vazirligi

mahalliy, shaharlararo va xalqaro telekommunikatsiyalar tarmoqlarini qurish;

mahalliy va shaharlararo telekommunikatsiyalar tarmoqlaridan foydalanish;

mahalliy va shaharlararo telekommunikatsiyalar tarmoqlari xizmatlarini koʻrsatish;

xalqaro telekommunikatsiyalar tarmoqlaridan foydalanish;

xalqaro telekommunikatsiyalar tarmoqlari xizmatlarini koʻrsatish;

koʻchma radiotelefon (uyali) aloqa tarmoqlarini loyihalashtirish;

koʻchma radiotelefon (uyali) aloqa tarmoqlarini qurish;

koʻchma radiotelefon (radiotelefon, trankli), respublika hududida yoʻldosh aloqa tarmoqlarini loyihalashtirish;

koʻchma radiotelefon (radiotelefon, trankli), respublika hududida yoʻldosh aloqa tarmoqlarini qurish;

koʻchma radiotelefon (radiotelefon, trankli), respublika hududida yoʻldosh aloqa tarmoqlaridan foydalanish;

koʻchma radiotelefon (radiotelefon, trankli), respublika hududida yoʻldosh aloqa tarmoqlari xizmatlarini koʻrsatish;

koʻchma radiotelefon (uyali) aloqa tarmoqlaridan foydalanish va ularning xizmatlarini koʻrsatish;

maʼlumotlar uzatish tarmoqlarini loyihalashtirish;

maʼlumotlar uzatish tarmoqlarini qurish;

maʼlumotlar uzatish tarmoqlaridan foydalanish;

maʼlumotlar uzatish tarmoqlari xizmatlarini koʻrsatish;

teleradioeshittirishlarni tarqatish (translyatsiya qilish) tarmoqlarini loyihalashtirish;

teleradioeshittirishlarni tarqatish (translyatsiya qilish) tarmoqlarini qurish;

teleradioeshittirishlarni tarqatish (translyatsiya qilish) tarmoqlaridan foydalanish;

teleradioeshittirishlarni tarqatish (translyatsiya qilish) tarmoqlari xizmatlarini koʻrsatish.

33.

Birja faoliyati uchun litsenziya

Fond birjasi faoliyati va qimmatli qogʻozlarga doir birjadan tashqari savdolar tashkilotchisi faoliyati;

Oʻzbekiston Respublikasi Istiqbolli loyihalar milliy agentligi

valyuta birjasi faoliyati;

Oʻzbekiston Respublikasi Markaziy banki

tovar-xom ashyo birjasi faoliyati.

Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi

34.

Xususiy bandlik agentliklarining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha faoliyati uchun litsenziya

Xususiy bandlik agentliklarining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha faoliyati.

Oʻzbekiston Respublikasi Vazirlar Mahkamasi huzuridagi Migratsiya agentligi

35.

Portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini yaratish, ishlab chiqarish, tashish, saqlash va realizatsiya qilish faoliyati uchun litsenziya

Portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini yaratish;

Oʻzbekiston Respublikasi Sanoat xavfsizligi davlat qoʻmitasi

portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini ishlab chiqarish;

portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini tashish;

portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini saqlash;

portlovchi va zaharli moddalarni, ularni qoʻllagan holda materiallar va mahsulotlarni, shuningdek portlatish vositalarini realizatsiya qilish.

37.

Atom energiyasidan foydalanish va ionlashtiruvchi nurlanish manbalari muomalasi sohasidagi faoliyat uchun litsenziya

yadroviy qurilmalarni va (yoki) saqlash punktlarini barpo etish hamda ulardan foydalanish;

zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi

yadroviy qurilmalarni va (yoki) saqlash punktlarini loyihalashtirish hamda qurish;

 yadroviy qurilmalar va (yoki) saqlash punktlari, radioaktiv manbalar uchun uskunalarni konstruksiyalash hamda tayyorlash;

atom energiyasidan foydalanish obyektlari va (yoki) atom energiyasidan foydalanish sohasidagi faoliyat (ish) xavfsizligini asoslash yuzasidan ekspertiza oʻtkazish;

radioaktiv moddalar, yadroviy materiallar va radioaktiv chiqindilar bilan bogʻliq ishlarni amalga oshirish, shu jumladan ulardan foydalanish, ularni transportda tashish va saqlash;

radioaktiv chiqindilar bilan bogʻliq ishlarni amalga oshirish, shu jumladan ularni qayta ishlash, transportda tashish, saqlash va koʻmib tashlash;

atom energiyasidan foydalanish obyektlarida ilmiy tadqiqotlar oʻtkazish;

yadroviy qurilmalar va (yoki) saqlash punktlari uchun yadroviy materiallar, uskunalar hamda texnologiyalarni, shuningdek radioaktiv moddalarni olib kirish va olib chiqish;

atom energiyasidan foydalanish sohasida xizmatlar koʻrsatish;

atom energiyasidan foydalanish obyektlarini ishlatish uchun zarur boʻlgan kadrlarni tayyorlash, qayta tayyorlash va ularning malakasini oshirish;

radioaktiv manbalarni hosil qilish, ularga xizmat koʻrsatish, ularni ishlab chiqarish, barpo etish;

radioaktiv manbalar uchun texnologik asbob-uskunalarni, radiatsiyadan muhofazalanish vositalarini yaratish va tayyorlash sohasidagi ilmiy-tadqiqot va tajriba-konstruktorlik ishlari;

ionlashtiruvchi nurlanish manbalari bilan muomalada boʻlish;

ionlashtiruvchi nurlanish manbalarini loyihalashtirish;

ionlashtiruvchi nurlanish manbalarini barpo etish;

ionlashtiruvchi nurlanish manbalariga xizmat koʻrsatish;

 ionlashtiruvchi nurlanish manbalari uchun texnologik asbob-uskunalarni, radiatsiyadan muhofazalanish vositalarini yaratish sohasidagi ilmiy-tadqiqot va tajriba-konstruktorlik ishlari;

 ionlashtiruvchi nurlanish manbalari uchun texnologik asbob-uskunalarni, radiatsiyadan muhofazalanish vositalarini tayyorlash sohasidagi ilmiy-tadqiqot va tajriba-konstruktorlik ishlari;

 ionlashtiruvchi nurlanish manbalarini qazib olish;

 ionlashtiruvchi nurlanish manbalarini ishlab chiqarish;

 ionlashtiruvchi nurlanish manbalarini hosil qilish;

 ionlashtiruvchi nurlanish manbalarini qayta ishlash;

 ionlashtiruvchi nurlanish manbalaridan foydalanish;

 ionlashtiruvchi nurlanish manbalarini saqlash;

 ionlashtiruvchi nurlanish manbalariga xizmat koʻrsatish;

 ionlashtiruvchi nurlanish manbalarini tashish;

 ionlashtiruvchi nurlanish manbalarini zararsizlantirish;

 ionlashtiruvchi nurlanish manbalarini utilizatsiya qilish;

ionlashtiruvchi nurlanish manbalarini koʻmish.

38.

Qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani yaratish, ishlab chiqarish, taʼmirlash va realizatsiya qilish sohasidagi faoliyat uchun litsenziya

Qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani yaratish;

Oʻzbekiston Respublikasi Mudofaa vazirligi huzuridagi Mudofaa sanoati agentligi

qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani ishlab chiqarish;

qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani taʼmirlash;

qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani realizatsiya qilish.

39.

Boʻshatilayotgan harbiy-texnika vositalarini tugatish (yoʻq qilib tashlash, utilizatsiya qilish, koʻmib tashlash) va qayta ishlash faoliyati uchun litsenziya

Boʻshatilayotgan harbiy-texnika vositalarini tugatish (yoʻq qilib tashlash, utilizatsiya qilish, koʻmib tashlash);

Oʻzbekiston Respublikasi Mudofaa vazirligi huzuridagi Mudofaa sanoati agentligi

boʻshatilayotgan harbiy-texnika vositalarini qayta ishlash.

40.

Fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish faoliyati uchun litsenziya

Fuqaroviy va xizmat qurolini hamda uning oʻq-dorilarini ishlab chiqarish;

Oʻzbekiston Respublikasi Ichki ishlar vazirligi

fuqaroviy va xizmat qurolini taʼmirlash;

fuqaroviy va xizmat qurolini hamda uning oʻq-dorilarini realizatsiya qilish.

41.

Kosmik texnologiyalarni qoʻllovchi tashkilotlarning faoliyati uchun litsenziya

Ilmiy-tadqiqot va tajriba konstruktorlik ishlari, loyiha-konstruktorlik va texnologik ishlanmalar, kosmik texnikaning sinov, tajriba va tijorat namunalarini tayyorlash hamda sinovdan oʻtkazish;

Oʻzbekiston Respublikasi Raqamli texnologiyalar vazirligi huzuridagi Kosmik tadqiqotlar va texnologiyalar agentligi

oxirgi isteʼmolchilarga kosmik xizmatlar koʻrsatish.

42.

Axborotning kriptografik himoya vositalarini ishlab chiqish, ishlab chiqarish va realizatsiya qilish faoliyati uchun litsenziya

Axborotning kriptografik himoya vositalarini ishlab chiqish;

Oʻzbekiston Respublikasi Davlat xavfsizlik xizmati

axborotning kriptografik himoya vositalarini ishlab chiqarish;

axborotning kriptografik himoya vositalarini realizatsiya qilish.

43.

Toʻlov tizimlari operatorining faoliyati uchun litsenziya

Toʻlov tizimlari operatorining faoliyati.

Oʻzbekiston Respublikasi Markaziy banki

44.

Toʻlov tashkilotlarining faoliyati uchun litsenziya

Toʻlov tashkilotlarining faoliyati.

Oʻzbekiston Respublikasi Markaziy banki

45.

Diniy taʼlim muassasalarining faoliyati uchun litsenziya

Diniy taʼlim muassasalarining faoliyati.

Oʻzbekiston Respublikasi Din ishlari boʻyicha qoʻmitasi

46.

Lotereyalar va tavakkalchilikka asoslangan oʻyinlarni tashkil etish va oʻtkazish uchun litsenziya

Lotereyalar tashkil etish faoliyati;

Oʻzbekiston Respublikasi Istiqbolli loyihalar milliy agentligi

bukmekerlik faoliyati;

Internet jahon axborot tarmogʻida tavakkalchilikka asoslangan oʻyinlarni tashkil etish faoliyati.

Izoh: Oʻzbekiston Respublikasi Istiqbolli loyihalar milliy agentligi belgilangan tartibda:

a) tavakkalchilikka asoslangan oʻyinlarga qaramligi boʻlgan shaxslar roʻyxatini yuritadi.

Tavakkalchilikka asoslangan oʻyinlarga qaramligi boʻlgan shaxslar roʻyxatiga jismoniy shaxslar quyidagi muddatlarga kiritiladi:

6 oydan 5 yilgacha muddatga — tavakkalchilikka asoslangan oʻyinlarga qaramligi boʻlgan jismoniy shaxsning arizasi asosida;

5 yil muddatga — tavakkalchilikka asoslangan oʻyinlarga qaramligi boʻlgan jismoniy shaxs yaqin qarindoshlarining arizasi asosida sud qaroriga koʻra;

b) Internet jahon axborot tarmogʻida tavakkalchilikka asoslangan oʻyinlar, lotereyalar va bukmekerlik faoliyati tashkilotchilari tomonidan lotereyalar va tavakkalchilikka asoslangan boshqa oʻyinlar toʻgʻrisidagi qonunchilik, shu jumladan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonunchilik buzilganligi uchun qonunchilik hujjatlarida nazarda tutilgan miqdorlarda jarima soladi.

47.

Qimmatli qogʻozlar bozoridagi professional faoliyat uchun litsenziya

Investitsiya vositachisining faoliyati;

Oʻzbekiston Respublikasi Istiqbolli loyihalar milliy agentligi

investitsiya aktivlarining ishonchli boshqaruvchisi faoliyati.

48.

Neft, gazni (shu jumladan siqilgan tabiiy va suyultirilgan uglevodorod gazini) va gaz kondensatini qazib olish, qayta ishlash hamda realizatsiya qilish faoliyati uchun litsenziya (bundan tabiiy gazning ulgurji va chakana savdosi boʻyicha faoliyatni amalga oshirish mustasno)

Neft, gaz va gaz kondensatini qazib olish;

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi

neft, gaz va gaz kondensatini qayta ishlash;

neft, gaz va gaz kondensatini realizatsiya qilish.

49.

Magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish hamda ularni taʼmirlash faoliyati uchun litsenziya

Magistral gaz quvurlarini loyihalashtirish;

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi

neft quvurlarini loyihalashtirish;

neft mahsulotlari quvurlarini loyihalashtirish;

magistral gaz quvurlarini qurish;

neft quvurlarini qurish;

neft mahsulotlari quvurlarini qurish;

magistral gaz quvurlaridan foydalanish;

neft quvurlaridan foydalanish;

neft mahsulotlari quvurlaridan foydalanish;

magistral gaz quvurlarini taʼmirlash;

neft quvurlarini taʼmirlash;

neft mahsulotlari quvurlarini taʼmirlash.

50.

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji hamda chakana savdosi boʻyicha faoliyatni amalga oshirish uchun litsenziya

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji savdosi

Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning chakana savdosi

51.

“Umra” tadbirlarini tashkil etish va oʻtkazish boʻyicha faoliyat uchun litsenziya

“Umra” tadbirlarini tashkil etish va oʻtkazish boʻyicha xizmatlar koʻrsatishga doir faoliyat.

Oʻzbekiston Respublikasi Din ishlari boʻyicha qoʻmitasi

52.

Elektr energiyasini ishlab chiqarish faoliyatini amalga oshirish uchun litsenziya

Elektr energiyasini gidroelektr stansiyalari orqali ishlab chiqarish, shu jumladan gidroakkumulyatsiya saqlash tizimi faoliyati;

Oʻzbekiston Respublikasi Energetika bozorini rivojlantirish va tartibga solish agentligi

elektr energiyasini issiqlik elektr stansiyalari yoki issiqlik elektr markazlari orqali ishlab chiqarish faoliyati;

shamol energiyasidan elektr energiyasini ishlab chiqarish faoliyati

quyosh energiyasidan elektr energiyasini ishlab chiqarish faoliyati;

chiqindilarni qayta ishlash jarayonida yoki biogaz orqali elektr energiyasini ishlab chiqarish faoliyati;

vodoroddan elektr energiyasini ishlab chiqarish faoliyati;

atom elektr stansiyasi orqali elektr energiyasini ishlab chiqarish faoliyati;

boshqa turdagi stansiyalar orqali elektr energiyasini ishlab chiqarish faoliyati.

53.

Elektr energiyasini uzatish faoliyatini amalga oshirish uchun litsenziya

Elektr energiyasini uzatish faoliyati.

Oʻzbekiston Respublikasi Energetika bozorini rivojlantirish va tartibga solish agentligi

54.

Elektr energiyasini taqsimlash faoliyatini amalga oshirish uchun litsenziya

Elektr energiyasini taqsimlash faoliyati.

Oʻzbekiston Respublikasi Energetika bozorini rivojlantirish va tartibga solish agentligi

55.

Elektr energiyasini saqlash faoliyatini amalga oshirish uchun litsenziya

Elektr energiyasini siqilgan havo orqali saqlash faoliyati;

Oʻzbekiston Respublikasi Energetika bozorini rivojlantirish va tartibga solish agentligi

elektr energiyasini gravitatsiya kuchi orqali saqlash faoliyati;

elektr energiyasini batareyada saqlash faoliyati;

elektr energiyasini boshqa usullar orqali saqlash faoliyati.

56.

Elektr taʼminoti faoliyatini amalga oshirish uchun litsenziya

Elektr taʼminoti faoliyati.

Oʻzbekiston Respublikasi Energetika bozorini rivojlantirish va tartibga solish agentligi

57.

Markaziy xarid qiluvchi faoliyatini amalga oshirish uchun litsenziya

Markaziy xarid qiluvchi faoliyati.

Oʻzbekiston Respublikasi Energetika bozorini rivojlantirish va tartibga solish agentligi

58.

Elektr energiyasi bozori operatori faoliyatini amalga oshirish uchun litsenziya

Elektr energiyasi bozori operatori faoliyati.

Oʻzbekiston Respublikasi Energetika bozorini rivojlantirish va tartibga solish agentligi

59.

Elektr energiyasi savdosi faoliyatini amalga oshirish uchun litsenziya

Elektr energiyasi savdosi faoliyati;

Oʻzbekiston Respublikasi Energetika bozorini rivojlantirish va tartibga solish agentligi

Elektr energiyasi eksporti va importi faoliyati.

60.

Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni amalga oshirish uchun litsenziya

Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyat.

Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi

61.

 Yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish faoliyati uchun litsenziya

 Yongʻinni avtomatik tarzda oʻchirish uskunalarini montaj qilish, sozlash, taʼmirlash hamda ularga texnik xizmat koʻrsatish faoliyati;

Oʻzbekiston Respublikasi Favqulodda vaziyatlar vazirligi

Yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish faoliyati.

 62. 

 Qora metall parcha va chiqindilarini tayyorlash (xarid qilish), qayta ishlash hamda realizatsiya qilish boʻyicha faoliyatni amalga oshirish uchun litsenziya 

 

Qora metall parcha va chiqindilarini tayyorlash (xarid qilish); 

Oʻzbekiston Respublikasi Togʻ-kon sanoati va geologiya vazirligi

 qora metall parcha va chiqindilarini qayta ishlash;

 qora metall parcha va chiqindilarini realizatsiya qilish.

63.

 

 

 Rangli metall parcha va chiqindilarini tayyorlash (xarid qilish), qayta ishlash hamda realizatsiya qilish boʻyicha faoliyatni amalga oshirish uchun litsenziya

 

Rangli metall parcha va chiqindilarini tayyorlash (xarid qilish); 

Oʻzbekiston Respublikasi Togʻ-kon sanoati va geologiya vazirligi

 rangli metall parcha va chiqindilarini qayta ishlash;

 rangli metall parcha va chiqindilarini realizatsiya qilish.

64.

 Tabiiy gazning ulgurji va chakana savdosi boʻyicha faoliyatni amalga oshirish uchun litsenziya (bundan neft, gazni (shu jumladan siqilgan tabiiy va suyultirilgan uglevodorod gazini) va gaz kondensatini qazib olish, qayta ishlash hamda realizatsiya qilish boʻyicha faoliyatni amalga oshirish mustasno)

 

Tabiiy gazning ulgurji savdosi;

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi

tabiiy gazning chakana savdosi.

(1-ilova Oʻzbekiston Respublikasining 2026-yil 27-martdagi OʻRQ-1126-sonli Qonuni tahririda — Qonunchilik maʼlumotlari milliy bazasi, 28.03.2026-y., 03/26/1126/0279-son. Kuchga kirish sanasi — 2026-yil 29-iyun)
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga
2-ILOVA
Amalga oshirilishi uchun ruxsat etish xususiyatiga ega hujjatlarni olish talab etiladigan faoliyat (harakatlar) turlari
Oldingi tahrirga qarang.

T/r

Ruxsat etish xususiyatiga ega hujjatning (tartib-taomilning) nomi

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar)

Ruxsat etish tartib-taomillari sohasidagi vakolatli organlar

1.

Ogʻir vaznli va katta hajmli yuklarni avtomobil transportida tashish uchun ruxsatnoma, bundan past va oʻrtacha faollikdagi radioaktiv chiqindilarni tashish mustasno

Ogʻir vaznli va katta hajmli yuklarni avtomobil transportida tashish, bundan past va oʻrtacha faollikdagi radioaktiv chiqindilarni tashish mustasno.

Oʻzbekiston Respublikasi Transport vazirligi huzuridagi Avtomobil yoʻllari qoʻmitasi

2.

Avtotransport vositasini xavfli yuklarni tashishga qoʻyish toʻgʻrisidagi guvohnoma

Xavfli yuklarni avtomobil transportida tashish.

Oʻzbekiston Respublikasi Ichki ishlar vazirligi

3.

Avtomototransport vositalarini qayta jihozlash uchun ruxsatnoma

Boshqa model va modifikatsiyalarning agregat va uzellari, ehtiyot qismlari va butlovchi detallaridan foydalangan holda avtomototransport vositasi konstruksiyasi va tarkibiy qismlarining elementlariga oʻzgartirishlar kiritish.

Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati

4.

Harakatdagi tarkibning umumiy foydalaniladigan temir yoʻllarga chiqishi uchun ruxsatnoma

Harakatdagi tarkibning umumiy foydalaniladigan temir yoʻllarga chiqishi.

Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari

5.

Temir yoʻl shoxobcha yoʻllarini, shuningdek yuklash, tushirish hamda vagon va konteynerlarni tozalash uchun moʻljallangan qurilmalarni qurish va rekonstruksiya qilish loyihalarini kelishib olish

Temir yoʻl shoxobcha yoʻllarini, shuningdek yuklash, tushirish hamda vagon va konteynerlarni tozalash uchun moʻljallangan qurilmalarni qurish va rekonstruksiya qilish.

Oʻzbekiston Respublikasi Transport vazirligi

6.

Avtomobil transportida yoʻlovchilari muntazam yoʻnalishlarda tashish huquqini tasdiqlovchi guvohnoma

Shaharda, shahar atrofida, shaharlararo, xalqaro yoʻnalishlarda muntazam yoʻnalishlar boʻyicha yoʻlovchilarni tashish.

Oʻzbekiston Respublikasi Transport vazirligi

7.

Parvozlar xavfsizligiga xavf solishi mumkin boʻlgan faoliyatni amalga oshirish uchun ruxsatnoma

Quyidagilarni loyihalashtirish, qurish, kengaytirish, rekonstruksiya qilish va texnik qayta jihozlash:

aerodrom nazorat nuqtasidan 46 km radiusda joylashtiriladigan binolar, inshootlar, shuningdek odamlar, qushlar hamda yovvoyi hayvonlar (kemiruvchilar) koʻplab toʻplanishiga olib keladigan obyektlar;

aerodrom nazorat nuqtasidan 46 km radiusda joylashtiriladigan radio aloqa liniyalari va elektr uzatish liniyalari (shu jumladan yuqori kuchlanishli), radio- va elektromagnit nurlanishli boshqa obyektlar, shuningdek yoritish texnikasi obyektlari;

aerodrom nazorat nuqtasidan 15 km radiusda joylashtiriladigan portlash xavfi boʻlgan obyektlar;

joylashtiriladigan joyidan qatʼi nazar chiqarib yuboriladigan gazlarni favqulodda yoqish uchun mashʼala qurilmalari;

aerodrom nazorat nuqtasidan 46 km radiusda joylashtiriladigan sanoat va boshqa korxonalar hamda inshootlar, parvoz koʻrinishini va aerodrom uchish maydonlarining holatini yomonlashtiruvchi obyektlar;

joylashtiriladigan yeridan qatʼi nazar mutlaq balandligi 50 m va undan ortiq boʻlgan obyektlar.

Oʻzbekiston Respublikasi Transport vazirligi huzuridagi Fuqaro aviatsiyasi agentligi, Oʻzbekiston Respublikasi Mudofaa vazirligi

8.

Fuqaro aviatsiyasida uchuvchisiz uchish qurilmalaridan foydalanishga qoʻyish toʻgʻrisidagi xulosa

Oʻzbekiston Respublikasining samoviy hududida uchuvchisiz uchish qurilmalaridan foydalanish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

9.

Ekspluatant sertifikati

Havo orqali tashish yoki aviatsiya ishlarini bajarish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

10.

Fuqaro havo kemasi roʻyxatdan oʻtkazilganligi toʻgʻrisidagi guvohnoma

Fuqaro havo kemasini uchishga yaroqlilik sertifikatni olish chogʻida taqdim etish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

11.

Fuqaro havo kemasining uchishga yaroqlilik sertifikati

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq fuqaro havo kemasidan foydalanish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

12.

Fuqaro havo kemalariga shovqinlar boʻyicha sertifikat

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq fuqaro havo kemasidan foydalanish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

13.

Fuqaro havo kemalarining radio jihozlari uchun sertifikat

Fuqaro aviatsiyasi xalqaro tashkiloti (IKAO) standartlari talablariga va tavsiya qilingan amaliyotga muvofiq fuqaro havo kemasidan foydalanish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

14.

Fuqaro havo kemalariga texnik xizmat koʻrsatish tashkiloti sertifikati

Havo kemalariga texnik xizmat koʻrsatishni amalga oshirish.

Oʻzbekiston Respublikasi Transport vazirligi huzuridagi Fuqaro aviatsiyasi agentligi

15.

Ixtisoslashgan soʻyish korxonalari hamda hayvonotga mansub mahsulot va xomashyoni ishlab chiqarish, saqlash va realizatsiya qilish bilan shugʻullanuvchi subyekt faoliyatining veterinariya, veterinariya-sanitariya qoidalari va normalariga muvofiqligi haqida veterinariya-sanitariya xulosasi

Ixtisoslashgan soʻyish korxonalarida hayvonlarni soʻyish, hayvonotga mansub mahsulot va xomashyoni ishlab chiqarish, saqlash hamda realizatsiya qilish.

Qoraqalpogʻiston Respublikasi veterinariya va chorvachilikni rivojlantirish qoʻmitasi, viloyatlar va Toshkent shahar veterinariya va chorvachilikni rivojlantirish boshqarmalari

16.

Fiskal xotirali nazorat-kassa mashinasini roʻyxatdan oʻtkazish kartochkasi

Tovarlarni realizatsiya qilish, ishlarni bajarish va xizmatlar koʻrsatishda naqd pulda hisob-kitob qilishda fiskal xotirali nazorat-kassa mashinasidan foydalanish.

Oʻzbekiston Respublikasi Soliq qoʻmitasi

17.

Davlat veterinariya xizmati nazorati ostidagi tovarlarni eksporti, importi va tranziti uchun ruxsatnoma

Davlat veterinariya xizmati nazorati ostidagi tovarlarning import qiluvchi mamlakat veterinariya talablari asosida eksportga (veterinariya sertifikati) veterinariya kuzatuv hujjatlarini rasmiylashtirish, veterinariya sertifikati mavjud boʻlganda importga (veterinariya guvohnomasi) kuzatuv hujjatlarini rasmiylashtirish, davlat veterinariya xizmati nazorati ostidagi tovarlar tranziti.

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi

18.

Veterinariya sertifikati

Davlat veterinariya xizmati tomonidan nazorat qilinadigan tovarlar eksporti va importi.

Qoraqalpogʻiston Respublikasi veterinariya va chorvachilikni rivojlantirish boʻyicha davlat qoʻmitasi, viloyatlar va Toshkent shahar veterinariya va chorvachilikni rivojlantirish boʻyicha boshqarmalari

19.

Karantin ruxsatnomasi

Urugʻlar, oʻsimliklar va oʻsimlik mahsulotlarini import qilish, urugʻlar, oʻsimliklar va oʻsimlik mahsulotlari ortilgan yuklar tranziti.

Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi

20.

Fitosanitariya sertifikati

Urugʻlar, oʻsimliklar va oʻsimlik dunyosi obyektlariga mansub ashyolarni eksport qilish.

Qoraqalpogʻiston Respublikasi Oʻsimliklar karantini va himoyasi agentligi, viloyatlar va Toshkent shahar oʻsimliklar karantini va himoyasi boshqarmalari

21.

Maxsus turdagi tovarlar eksporti va importi uchun ruxsatnoma

Roʻyxati qonun hujjatlarida belgilangan maxsus turdagi tovarlar eksporti va importi.

Oʻzbekiston Respublikasi Vazirlar Mahkamasi

22.

Oʻzbekiston Respublikasi Prezidenti va Hukumati qarorlariga binoan olib chiqiladigan buyumlar va mahsulotlarni eksport qilishga doir ruxsatnoma

Oʻzbekiston Respublikasi Prezidenti va Hukumati qarorlariga binoan olib chiqiladigan buyumlar va mahsulotlarni eksport qilish.

Oʻzbekiston Respublikasi Vazirlar Mahkamasi

23.

Import kontraktlarini ekspertizadan oʻtkazish va roʻyxatga olish

Tovarlar (ishlar, xizmatlar) importi.

Oʻzbekiston Respublikasi Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi

26.

Madaniy boyliklarni Oʻzbekiston Respublikasidan olib chiqish yoki vaqtincha olib chiqish huquqini beruvchi sertifikat

Madaniy boyliklarni Oʻzbekiston Respublikasidan olib chiqish yoki vaqtincha olib chiqish.

Oʻzbekiston Respublikasi Madaniy meros agentligi

27.

Avtotransport vositasiga tovarlarni bojxona muhrlari va plombalari ostida tashishga ruxsat berilganligi toʻgʻrisidagi guvohnoma

Avtotransport vositasida tovarlarni bojxona muhrlari va plombalari ostida tashish.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Qoraqalpogʻiston Respublikasi, viloyatlar va Toshkent shahri boʻyicha boshqarmalari

28.

Yuklarni xalqaro yoʻllarda tashish kitobchasidan foydalanish uchun ruxsatnoma

Yuridik va jismoniy shaxslar tomonidan yuklarni xalqaro yoʻllarda tashish kitobchasidan foydalanish.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

29.

Arxitektura-rejalashtirish topshirigʻi

Loyiha-smeta hujjatlarini ishlab chiqish.

Oʻzbekiston Respublikasi Qurilish va uy-joy kommunal xoʻjaligi vazirligining Qoraqalpogʻiston Respublikasi, viloyatlar qurilish va uy-joy kommunal xoʻjaligi bosh boshqarmalari, Toshkent shahar qurilish va uy-joy kommunal xoʻjaligi bosh boshqarmasi

30.

Loyiha hujjatlarini kelishib olish

Obyektlarning zilzilaga bardoshliligi va yongʻin xavfsizligi boʻyicha loyihaviy yechimlarini ekspertizadan oʻtkazish hamda qurilish-montaj ishlarini boshlash toʻgʻrisida xabarnoma yuborish.

Oʻzbekiston Respublikasi Qurilish va uy-joy kommunal xoʻjaligi vazirli

31.

Bino va inshootning tashqi koʻrinishini oʻzgartirishni kelishib olish

Bino va inshootning tashqi koʻrinishini oʻzgartirish.

Tuman (shahar) qurilish va uy-joy kommunal xoʻjaligi  boʻlimlari

32.

Obyektni qayta ixtisoslashtirish va rekonstruksiya qilish uchun ruxsatnoma

Muhandislik taʼminoti boʻyicha yuklamalar hajmlarini oʻzgartirmasdan obyektni qayta ixtisoslashtirish va rekonstruksiya qilish.

Tuman (shahar) qurilish va uy-joy kommunal xoʻjaligi  boʻlimlari

33.

Qurilishi (rekonstruksiya qilinishi) tugallangan binolar va inshootlarni foydalanishga qabul qilish dalolatnomasi hamda ulardan foydalanishga doir ruxsatnoma

Qurilishi (rekonstruksiya qilinishi) tugallangan binolar va inshootlardan foydalanish.

Qurilish va uy-joy kommunal xoʻjaligi sohasida nazorat qilish hududiy inspeksiyalari, tumanlar (shaharlar) qurilish va uy-joy kommunal xoʻjaligi boʻlimlari

34.

Obyektning yongʻin xavfsizligi va zilzilabardoshliligi boʻyicha davlat ekspertiza xulosasi

Qurilish-montaj ishlarini boshlash toʻgʻrisida xabarnoma yuborish uchun.

Davlat ekspertizasi organlari

35.

Oʻzbekiston Respublikasidagi avtomobil yoʻllarini, yoʻl inshootlarini, temir yoʻl kesishmalarini, avtomobil yoʻllari va koʻchalari boʻyida joylashgan AYOQS, AGTKS hamda AGQS (avtomobillarga benzin quyish, gaz toʻldirish va gaz quyish) stansiyalarini qurish, rekonstruksiya qilish va taʼmirlash loyihalarini kelishish

Avtomobil yoʻllarini, yoʻl inshootlarini, temir yoʻl kesishmalarini, avtomobil yoʻllari va koʻchalari boʻyida joylashgan AYOQS, AGTKS hamda AGQS (avtomobillarga benzin quyish, gaz toʻldirish va gaz quyish) stansiyalarini qurish, rekonstruksiya qilish va taʼmirlash loyihasini tasdiqlash.

Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati va hududiy boshqarmalari

 351.

 Qurilish loyihalarining ekspertizasini oʻtkazish faoliyatini amalga oshirish huquqi uchun guvohnoma

 Qurilish loyihalarini ekspertizadan oʻtkazish.

Oʻzbekiston Respublikasi Qurilish va uy-joy kommunal xoʻjaligi vazirligi 

36.

20 kilovattdan ortiq quvvatli isteʼmolchi obyektlarga energiya yetkazib berish loyihalarini kelishib olish

20 (kVt) kilovatt quvvatdan ortiq isteʼmol obyektlariga energiya yetkazib berish loyihalarida nazarda tutilgan qurilish-montaj ishlarini amalga oshirish.

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi

37.

Neft mahsulotlarini (avtobenzin, aviabenzin, ekstrabenzin, dizel yonilgʻisi, aviakerosin, mazut, pechka qoramoyi, neft bitumi, shuningdek texnik moylar va moylash materiallarini), bundan zavodda idishlarga qadoqlanganlari mustasno, sotish faoliyati uchun ruxsatnoma

Avtobenzin, aviabenzin, ekstrabenzin, dizel yonilgʻisi, aviakerosin, mazut, pechka qoramoyi, neft bitumi (bundan neft bitumining yoʻllarga moʻljallangan markalari mustasno), shuningdek texnik moylar va moylash materiallarini sotish boʻyicha faoliyat.

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasining hududiy boshqarmalari

38.

Avtomobillarga yonilgʻi quyish stansiyalarining neft mahsulotlarini qabul qilish, saqlash, hisobga olish va tarqatish talablariga muvofiqligi toʻgʻrisida xulosa

Avtomobillarga yonilgʻi quyish stansiyalarida neft mahsulotlarini qabul qilish, saqlash va tarqatish.

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasining hududiy boshqarmalari

39.

Bir yilda 100 000 kub metr va undan koʻp tabiiy gazdan foydalanadigan korxonalar va texnologik neft-gaz obyektlari (qurilmalari)da qoʻllaniladigan yangidan qurilgan, rekonstruksiya qilingan yoki texnik jihatdan qayta jihozlangan gazdan foydalanish uskunasini, gaz quvurlarini va ulardagi uskunalarning energiya jihatidan samaradorlik koʻrsatkichlariga muvofiqligi hamda yoqilgʻining muqobil turlaridan foydalanish toʻgʻrisida xulosa

Bir yilda 100 000 kub metr va undan koʻp tabiiy gazdan foydalanadigan korxonalar va texnologik neft-gaz obyektlari (qurilmalari)da qoʻllaniladigan yangidan qurilgan, rekonstruksiya qilingan yoki texnik jihatdan qayta jihozlangan gazdan foydalanish uskunasini, gaz quvurlarini va ulardagi uskunalardan foydalanish.

Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasining hududiy boshqarmalari

40.

Bank aksiyalarini olishga doir dastlabki ruxsatnoma

Jismoniy va yuridik shaxslar yoki birgalikda harakat qiluvchi shaxslar, shu jumladan norezidentlar tomonidan bir yoki bir necha bitim natijasida bankning ustav kapitalidagi:

1) besh va undan koʻproq foizni, lekin koʻpi bilan yigirma foizni;

2) yigirma va undan koʻproq foizni, lekin koʻpi bilan ellik foizni;

3) ellik va undan koʻproq foizni tashkil etadigan ulushni bevosita yoki bilvosita olish.

Oʻzbekiston Respublikasi Markaziy banki

41.

Banklar tomonidan oʻz aksiyalarini sotib olishga doir dastlabki ruxsatnoma

Banklar tomonidan oʻz aksiyalarini sotib olish.

Oʻzbekiston Respublikasi Markaziy banki

42.

Bankni qayta tashkil etish uchun ruxsatnoma

Bankni qayta tashkil etish.

Oʻzbekiston Respublikasi Markaziy banki

43.

Bankni ixtiyoriy ravishda tugatish uchun ruxsatnoma

Bankni ixtiyoriy ravishda tugatish.

Oʻzbekiston Respublikasi Markaziy banki

44.

Banklar tomonidan Oʻzbekiston Respublikasi hududidan tashqarida shuʼba banklar va vakolatxonalar ochish, filiallar tashkil etish, banklarning kapitalida ishtirok etish, shu jumladan chet el banklari tashkil etish uchun ruxsatnoma

Banklar tomonidan Oʻzbekiston Respublikasi hududidan tashqarida shuʼba banklar, filiallar va vakolatxonalar ochish, chet el banklari tashkil etish.

Oʻzbekiston Respublikasi Markaziy banki

45.

Banklar tomonidan naqd chet el valyutasi va (yoki) milliy valyutani Oʻzbekiston Respublikasidan tashqariga olib chiqish uchun ruxsatnoma

Banklar tomonidan naqd chet el valyutasi va (yoki) milliy valyutani Oʻzbekiston Respublikasidan tashqariga olib chiqish.

Oʻzbekiston Respublikasi Markaziy banki

46.

Bank tomonidan boshqa bankning aksiyalarini sotib olish uchun ruxsatnoma

Bank tomonidan boshqa bankning aksiyalari sotib olish

Oʻzbekiston Respublikasi Markaziy banki

47.

Bank tomonidan xizmatlar va operatsiyalarning ayrim turlarini autsorsingga topshirish uchun ruxsatnoma

Bank tomonidan xizmatlar va operatsiyalarning ayrim turlarini autsorsingga oʻtkazish

Oʻzbekiston Respublikasi Markaziy banki

48.

Ipotekani qayta moliyalashtirish tashkilotini ipotekani qayta moliyalashtirish tashkilotlari reyestriga kiritish toʻgʻrisidagi qaror

Ipoteka kreditlarini qayta moliyalashtirish faoliyatini amalga oshirish

Oʻzbekiston Respublikasi Markaziy banki

481.

Mikromoliya tashkilotini mikromoliya tashkiloti faoliyatini amalga oshiruvchi tashkilotlar reyestriga kiritish toʻgʻrisidagi qaror

Mikromoliya tashkiloti faoliyatini amalga oshirish

Oʻzbekiston Respublikasi Markaziy banki

482.

Toʻlov tashkilotini mikromoliya tashkiloti faoliyatini amalga oshiruvchi tashkilotlar reyestriga kiritish toʻgʻrisidagi qaror

Mikromoliya tashkiloti faoliyatini amalga oshirish

Oʻzbekiston Respublikasi Markaziy banki

483.

Nobank kredit tashkilotining ustav fondidagi (ustav kapitalidagi) ulushini olish uchun dastlabki (keyingi) ruxsatnoma

Jismoniy va yuridik shaxslar, shu jumladan tegishincha yaqin qarindoshlari hamda ularga aloqador boʻlgan shaxslar bilan birgalikda harakat qiluvchi jismoniy va yuridik shaxslar, shuningdek norezidentlar tomonidan bir yoki bir nechta bitim natijasida nobank kredit tashkilotining ustav fondidagi (ustav kapitalidagi) yigirma va undan koʻproq foizni tashkil etadigan ulushini bevosita yoki bilvosita olish.

Oʻzbekiston Respublikasi Markaziy banki

Nobank kredit tashkilotining ustav fondidagi (ustav kapitalidagi) yigirma foiz va undan koʻproq ulushini oluvchiga bogʻliq boʻlmagan holatlarda olish.

484.

Kafolatlar berish tashkilotini kafolatlar berish tashkilotlari reyestriga kiritish toʻgʻrisidagi qaror

Kafolatlar berish tashkiloti faoliyatini amalga oshirish.

Oʻzbekiston Respublikasi Markaziy banki

485.

Faktoring tashkilotini faktoring tashkilotlari reyestriga kiritish toʻgʻrisidagi qaror

Faktoring tashkiloti faoliyatini amalga oshirish.

Oʻzbekiston Respublikasi Markaziy banki

49.

Sugʻurtalovchini (qayta sugʻurtalovchini) qayta tashkil etishga doir ruxsatnoma

Sugʻurtalovchini (qayta sugʻurtalovchini) qayta tashkil etish.

Oʻzbekiston Respublikasi Istiqbolli loyihalar milliy agentligi

51.

Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni ishga solishda tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish toʻgʻrisida qaror

Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni ishga solishda tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish.

Oʻzbekiston Respublikasi Togʻ-kon sanoati va geologiya vazirligi huzuridagi Foydali qazilmalar zaxiralari boʻyicha davlat komissiyasi

52.

Yer qaʼri toʻgʻrisidagi geologik materiallarda nazarda tutilgan foydali qazilmalar zaxiralarini tasdiqlash toʻgʻrisida qaror

Yer qaʼri uchastkalaridan foydalanish huquqi uchun ruxsatnoma olish.

Oʻzbekiston Respublikasi Togʻ-kon sanoati va geologiya vazirligi huzuridagi Foydali qazilmalar zaxiralari boʻyicha davlat komissiyasi

54.

Yer qaʼri uchastkalaridan foydalanish huquqi uchun ruxsatnoma

Yer qaʼri uchastkasidan geologik jihatdan oʻrganish; tajriba-sanoat yoʻsinida foydali qazilmalarni kavlab olish; oltin izlovchilar usulida qimmatbaho metallarni kavlab olish; foydali qazilmalarni kavlab olish; texnogen mineral xosilalardan foydalanish; foydali qazilmalarni kavlab olish bilan bogʻliq boʻlmagan yer osti inshootlarini qurish hamda ulardan foydalanish; muhofaza etiladigan geologik obyektlarni barpo etish; nodir tosh xom ashyosi namunalarini, paleontologik qoldiqlarni va boshqa geologik kolleksiyabop materiallarni toʻplash.

Oʻzbekiston Respublikasi Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi

55.

Yer qaʼri boʻyicha geologik materiallarga doir loyiha-smeta hujjatlarining davlat ekspertizasi xulosasi

Foydali qazilmalar konlarini geologik oʻrganishdan oʻtkazish.

Oʻzbekiston Respublikasi Togʻ-kon sanoati va geologiya vazirligi

56.

Foydali qazilmalarni qazib olish bilan bogʻliq yer qaʼrini geologik oʻrganish ishlarini hisobga olish

Foydali qazilmalarni qazib olish uchun yer qaʼri uchastkalaridan foydalanish huquqiga doir ruxsatnoma egasi tomonidan yer qaʼrini geologik oʻrganish boʻyicha foydali qazilmalarni qazib olish bilan bogʻliq ishlarini amalga oshirish.

Oʻzbekiston Respublikasi Togʻ-kon sanoati va geologiya vazirligi

57.

Yer osti suvlariga quduqlarni burgʻilash boʻyicha faoliyatga doir ruxsatnoma

Yer osti suvlariga quduqlarni burgʻilash boʻyicha faoliyat.

Oʻzbekiston Respublikasi Togʻ-kon sanoati va geologiya vazirligi

58.

Kon ajratish dalolatnomasi

Yer qaʼri uchastkalaridan ruxsatnoma asosida foydalanish.

Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi

59.

Foydali qazilmalarni qazib oluvchi korxonani yoki uning bir qismini tugatish va konservatsiya qilishga doir maxsus loyihani kelishib olish

Foydali qazilmalarni qazib oluvchi korxonani yoki uning bir qismini tugatish va konservatsiya qilishga doir maxsus loyihani tasdiqlash.

Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi

60.

Kon ishlarini rivojlantirish rejasini kelishib olish

Kon ishlarini amalga oshirish va foydali qazilma konlarini mineral xom ashyoni qayta ishlash bilan birga ishga tushirish.

Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi, Oʻzbekiston Respublikasi Sanoat xavfsizligi davlat qoʻmitasi

61.

Foydalanish, tugatish va konservatsiya qilishda neft va gaz quduqlarini oʻtkazish dalolatnomasi, shuningdek shaxtalarni (konlarni) bir toifadan boshqasiga oʻtkazishni tasdiqlash va kelishish toʻgʻrisida xulosa

Foydalanish, tugatish va konservatsiya qilishda neft va gaz quduqlarini oʻtkazish, shuningdek shaxtalarni (konlarni) bir toifadan boshqasiga oʻtkazish.

Oʻzbekiston Respublikasi Sanoat xavfsizligi davlat qoʻmitasi

62.

Togʻ-kon ishlarini yuritish huquqini beruvchi ruxsatnoma

Togʻ-kon ishlarini yuritish.

Oʻzbekiston Respublikasi Sanoat xavfsizligi davlat qoʻmitasi

63.

Ozonni buzuvchi moddalarning hamda tarkibida ozonni buzuvchi moddalar boʻlgan mahsulotlarni Oʻzbekiston Respublikasiga import yoki eksport qilish uchun ruxsatnoma

Ozonni buzuvchi moddalarni hamda tarkibida ozonni buzuvchi moddalar boʻlgan mahsulotlarni import yoki eksport qilish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

64.

Suvdan maxsus foydalanish yoki suvni maxsus isteʼmol qilish uchun ruxsatnoma

Suvdan maxsus foydalanish yoki suvni maxsus isteʼmol qilish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Suv xoʻjaligi vazirligi, Togʻ-kon sanoati va geologiya vazirligi

65.

Yovvoyi hayvonlarni ovlash uchun ruxsatnoma

Yovvoyi hayvonlarni ovlash.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

66.

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi yovvoyi hayvonlarni tabiiy muhitdan olish uchun ruxsatnoma

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi yovvoyi hayvonlarni tabiiy muhitdan olish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Oʻzbekiston Respublikasi Fanlar akademiyasi

67.

Yoʻq boʻlib ketish xavfi ostidagi yovvoyi fauna hamda flora turlari bilan xalqaro savdo qilish toʻgʻrisidagi Konvensiya (SITES) I, II va III ilovalariga kiritilgan hayvonlar turlari namunalari hamda oʻsimliklar turlari namunalarini olib kirish va chetga olib chiqish uchun ruxsatnoma

Yoʻq boʻlib ketish xavfi ostidagi yovvoyi fauna hamda flora turlari bilan xalqaro savdo qilish toʻgʻrisidagi Konvensiya (SITES) I, II va III ilovalariga kiritilgan hayvonlar turlari namunalari hamda oʻsimliklar turlari namunalarini olib kirish va olib chiqish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

68.

Yovvoyi hayvonlarni, ularning qismlarini, shuningdek yashash faoliyati mahsulotlarini olib kirish va olib chiqish uchun ruxsatnoma

Yovvoyi hayvonlarni, ularning qismlarini, shuningdek yashash faoliyati mahsulotlarini olib kirish va olib chiqish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

69.

Yovvoyi hayvonlarni saqlash va urchitish boʻyicha pitomnik, shuningdek zoologiya kolleksiyalari hisobga qoʻyilganligi toʻgʻrisidagi guvohnoma

Pitomnikdagi yovvoyi hayvonlarni, shuningdek zoologik kolleksiyalarni saqlash.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

70.

Davlat oʻrmon fondiga kirmaydigan zaxira yerlarida pichan oʻrish va chorva mollarini oʻtlatish uchun ruxsatnoma

Davlat oʻrmon fondiga kirmaydigan zaxira yerlarida pichan oʻrish va chorva mollarini oʻtlatish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining Qoraqalpogʻiston Respublikasi, viloyatlar va Toshkent shahridagi hududiy boʻlinmalari

71.

Davlat oʻrmon fondiga kirmaydigan daraxtlar va butalarni kesish va (yoki) koʻchirib oʻtqazish uchun ruxsatnoma

Davlat oʻrmon fondiga kirmaydigan daraxtlar va butalarni kesish va (yoki) koʻchirib oʻtqazish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi  vazirligi

72.

Oʻsimlik dunyosi obyektlaridan maxsus foydalanish uchun ruxsatnoma

Oʻsimlik dunyosi obyektlaridan maxsus foydalanish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi,

Oʻrmon va yashil hududlarni koʻpaytirish, choʻllanishga qarshi kurashish agentligi

73.

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi oʻsimlik turlarini tabiiy muhitdan olish uchun ruxsatnoma

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi oʻsimlik turlarini tabiiy muhitdan olish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

74.

Yovvoyi oʻsimliklarni, ularning qismlarini, shu jumladan Oʻzbekiston Respublikasining Qizil kitobiga kiritilgan yovvoyi oʻsimliklarni, ularning qismlarini olib kirish va olib chiqish uchun ruxsatnoma

Yovvoyi oʻsimliklarni, ularning qismlarini, shu jumladan Oʻzbekiston Respublikasining Qizil kitobiga kiritilgan yovvoyi oʻsimliklarni, ularning qismlarini olib kirish va olib chiqish.

Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi

75.

Portlatish ishlarini bajarish yoki portlovchi moddalar bilan ishlash uchun ruxsatnoma

Portlatish ishlarini bajarish yoki portlovchi moddalar bilan ishlash.

Oʻzbekiston Respublikasi Sanoat xavfsizligi davlat qoʻmitasi

76.

Portlatish ishlarini olib boruvchi korxonalarda joylashgan punktlarda oddiy qumoqlangan va suvli portlovchi moddalarni ishlab chiqarish uchun ruxsatnoma

Portlatish ishlarini olib boruvchi korxonalarda joylashgan punktlarda oddiy qumoqlangan va suvli portlovchi moddalarni ishlab chiqarish.

Oʻzbekiston Respublikasi Sanoat xavfsizligi davlat qoʻmitasi

77.

Olib kiriladigan portlovchi moddalarni qoʻllash uchun ruxsatnoma

Sanoat maqsadlaridagi portlovchi materiallarni olib kirish uchun ruxsatnoma olish.

Oʻzbekiston Respublikasi Sanoat xavfsizligi davlat qoʻmitasi

78.

Portlovchi moddalarni sotib olish uchun guvohnoma

Portlovchi moddalarni sotib olish.

Oʻzbekiston Respublikasi Sanoat xavfsizligi davlat qoʻmitasi

79.

Portlash xavfi boʻlgan texnologik yangi jarayonlar va asbob-uskunalarni, istirohat bogʻlari attraksionlarini montaj qilish, taʼmirlash va ishga tushirish, shuningdek xavfli ishlab chiqarish obyektlarida qoʻllaniladigan texnik qurilmalardan foydalanish uchun ruxsatnoma

Portlash xavfi boʻlgan texnologik yangi jarayonlar va asbob-uskunalarni, istirohat bogʻlari attraksionlarini montaj qilish, taʼmirlash va ishga tushirish, shuningdek xavfli ishlab chiqarish obyektlarida qoʻllaniladigan texnik qurilmalardan foydalanish.

Oʻzbekiston Respublikasi Sanoat xavfsizligi davlat qoʻmitasi

80.

Sanoat xavfsizligi davlat qoʻmitasi nazoratidagi obyektlarda elektr qurilmalarini sozlash ishlarini bajarish uchun ruxsatnoma

Sanoat xavfsizligi davlat qoʻmitasi nazorati ostidagi obyektlarda rele himoyasi qurilmalari, elektroavtomatika, telemexanika va ikkilamchi zanjirlarni sozlash ishlarini amalga oshirish.

Oʻzbekiston Respublikasi Sanoat xavfsizligi davlat qoʻmitasi

81.

Oʻzbekiston Respublikasi hududida radioelektron vositalar va yuqori chastotali qurilmalardan foydalanish imkoniyati toʻgʻrisida qaror

Oʻzbekiston Respublikasi hududida radioelektron vositalar va yuqori chastotali qurilmalardan foydalanish.

Radiochastotalar boʻyicha Respublika kengashi

82.

Ishlab chiqilayotgan (yaratilgan), modernizatsiya qilinadigan, ishlab chiqarilayotgan va xorijdan olib kiriladigan (xorijdan xarid qilinadigan) radioelektron vositalar va yuqori chastotali qurilmalar uchun radiochastota polosalarini (nominallarini) ajratish toʻgʻrisida qaror

Radioelektron vositalar va yuqori chastotalari qurilmalar uchun ajratilgan radiochastota polosalaridan foydalanish.

Radiochastotalar boʻyicha Respublika kengashi

83.

Radioelektron vositalar va yuqori chastotali qurilmalarni sotib olish (berish) va (yoki) oʻrnatish (qurish) uchun ruxsatnoma

Radioelektron vositalar va yuqori chastotali qurilmalarni sotib olish (berish) va (yoki) oʻrnatish (qurish).

“Radiochastota spektri toʻgʻrisida”gi Oʻzbekiston Respublikasi Qonunida belgilangan radiochastota organlari

84.

Oʻzbekiston Respublikasi hududiga radioelektron vositalar va yuqori chastotali qurilmalarni olib kirish uchun ruxsatnoma

Oʻzbekiston Respublikasi hududiga radioelektron vositalar va yuqori chastotali qurilmalarni olib kirish.

“Radiochastota spektri toʻgʻrisida”gi Oʻzbekiston Respublikasi Qonunida belgilangan radiochastota organlari

85.

Radioelektron vositalardan foydalanish uchun ruxsatnoma

Radioelektron vositalardan foydalanish.

“Radiochastota spektri toʻgʻrisida”gi Oʻzbekiston Respublikasi Qonunida belgilangan radiochastota organlari

86.

Oʻzbekiston Respublikasi hududida xorijiy ommaviy axborot vositalarining teleradio mahsulotlarini tarqatish huquqini berish uchun ruxsatnoma

Oʻzbekiston Respublikasi hududida xorijiy ommaviy axborot vositalarining teleradio mahsulotlarini tarqatish.

Oʻzbekiston Respublikasi Raqamli texnologiyalar vazirligi

87.

Maxsus kiritiladigan biologik aktiv moddalar, yangi kimyoviy moddalar, oziq-ovqat qoʻshimchalari, biologik vositalar va materiallar, polimer va plastik massalar, parfyumeriya-kosmetika mahsulotini olib kirish hamda ishlab chiqarish uchun ruxsatnoma

Maxsus kiritiladigan biologik aktiv moddalar, yangi kimyoviy moddalar, oziq-ovqat qoʻshimchalari, biologik vositalar va materiallar, polimer va plastik massalar, parfyumeriya-kosmetika mahsulotini olib kirish hamda ishlab chiqarish.

Oʻzbekiston Respublikasi Sogʻliqni saqlash vazirligi

88.

Uskunalar, quvurlar, sisterna va boshqa sigʻimlarni kimyoviy himoya qilish ishlarini bajarish uchun ruxsatnoma

Uskunalar, quvurlar, sisterna va boshqa sigʻimlarni kimyoviy himoya qilish ishlarini bajarish.

Oʻzbekiston Respublikasi Sanoat xavfsizligi davlat qoʻmitasi

89.

Dori vositalari, tibbiy buyumlar va tibbiy texnikaning roʻyxatdan oʻtkazilganlik guvohnomasi

Dori vositalari, tibbiy buyumlar va tibbiy texnikadan tibbiy maqsadlarda foydalanish.

Oʻzbekiston Respublikasi Sogʻliqni saqlash vazirligi

90.

Madaniy meros obyektlarida tadqiqotlar, qidiruvlar oʻtkazish, madaniy meros obyektlarida ilmiy-konservatsiya va restavratsiya ishlarini amalga oshirish uchun ruxsatnoma

Madaniy meros obyektlarida tadqiqotlar, qidiruvlar oʻtkazish, madaniy meros obyektlarida ilmiy-konservatsiya va restavratsiya ishlarini amalga oshirish.

Oʻzbekiston Respublikasi Madaniy meros agentligi

91.

Madaniy boyliklarni ochiq savdoga (auksionga) taqdim etishni kelishib olish

Madaniy boyliklarni ochiq savdoga (auksionga) taqdim etish.

Oʻzbekiston Respublikasi Madaniy meros agentligi

92.

Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyish, Oʻzbekiston Respublikasi hududiga olib kirish hamda Oʻzbekiston Respublikasi hududidan olib chiqish, Oʻzbekiston Respublikasi hududi orqali tranzit qilish uchun ruxsatnoma

Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyish, Oʻzbekiston Respublikasi hududiga olib kirish hamda Oʻzbekiston Respublikasi hududidan olib chiqish, Oʻzbekiston Respublikasi hududi orqali tranzit qilish.

Oʻzbekiston Respublikasi Ichki ishlar vazirligi

93.

Portlovchi materiallarni olib kirish, sotib olish, saqlash, shuningdek avtomobil va temir yoʻl transportida tashish uchun ruxsatnoma

Portlovchi materiallar aylanmasi sohasida faoliyat koʻrsatuvchi yuridik shaxslar tomonidan portlovchi materiallarni olib kirish, olish, saqlash, shuningdek avtomobil va temir yoʻl transportida tashish.

Oʻzbekiston Respublikasi Ichki ishlar vazirligi

94.

Obyektlar (xonalar)ning giyohvandlik vositalarini, psixotrop moddalarni, ularning analoglarini va prekursorlarni saqlashga doir texnik talablarga muvofiqligi toʻgʻrisida xulosa

Obyektlar (xonalar)da giyohvandlik vositalarini, psixotrop moddalarni, ularning analoglarini va prekursorlarni saqlash.

Qoraqalpogʻiston Respublikasi Ichki ishlar vazirligining, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalarining jamoat tartibini saqlash boʻlinmalari

95.

Fuqaro aviatsiyasi havo kemalarida portlovchi materiallarni tashish uchun ruxsatnoma

Fuqarolik aviatsiyasi havo kemalarida portlovchi materiallarni tashish.

Oʻzbekiston Respublikasi Vazirlar Mahkamasi

96.

Giyohvandlik vositalari, psixotrop moddalar, ularning analoglari va prekursorlarni Oʻzbekiston Respublikasi hududi orqali tranzit tarzida oʻtkazish uchun ruxsatnoma

Giyohvandlik vositalari, psixotrop moddalar, ularning analoglari va prekursorlarni Oʻzbekiston Respublikasi hududi orqali tranzit tarzida oʻtkazish.

Oʻzbekiston Respublikasi Sogʻliqni saqlash vazirligi

97.

Oʻzbekiston Respublikasiga giyohvandlik vositalari, psixotrop moddalar va prekursorlarni olib kirish, Oʻzbekiston Respublikasidan olib chiqish uchun sertifikat

Oʻzbekiston Respublikasiga giyohvandlik vositalari, psixotrop moddalar va prekursorlarni olib kirish va Oʻzbekiston Respublikasidan olib chiqish.

Oʻzbekiston Respublikasi Sogʻliqni saqlash vazirligi

100.

Davlat mulki boʻlgan arxiv hujjatlari yoki ularning koʻchirma nusxalarini, shuningdek Milliy arxiv fondining nodavlat qismiga kiritilgan arxiv hujjatlari yoki ularning koʻchirma nusxalarini Oʻzbekiston Respublikasidan tashqariga vaqtincha olib chiqish uchun ruxsatnoma

Davlat mulki boʻlgan arxiv hujjatlari yoki ularning koʻchirma nusxalarini, shuningdek Milliy arxiv fondining nodavlat qismiga kiritilgan arxiv hujjatlari yoki ularning koʻchirma nusxalarini Oʻzbekiston Respublikasidan tashqariga vaqtincha olib chiqish.

Oʻzbekiston Respublikasi Adliya vazirligi huzuridagi “Oʻzarxiv” agentligi

101.

Ommaviy tadbirlarni oʻtkazish uchun ruxsatnoma

Ommaviy tadbirlarni, shu jumladan konsert-tomosha tadbirlarini hamda xalqar? va umumdavlat ahamiyatiga ega boʻlgan ommaviy tadbirlarni oʻtkazish.

Oʻzbekiston Respublikasi Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari, tumanlar (shaharlar) ichki ishlar boshqarmalari (boʻlimlari)

102.

Oʻsimliklarni himoya qilish vositalarini tajriba sifatida qoʻllash uchun ruxsatnoma

Oʻsimliklarni himoya qilish vositalarini tajriba sifatida qoʻllash.

Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Sogʻliqni saqlash vazirligi

103.

Sanitariya-muhofaza zonasida joylashgan obyektlar va inshootlarning profili oʻzgargan taqdirda ulardan xoʻjalik maqsadida foydalanish uchun ruxsatnoma

Sanitariya-muhofaza zonasida joylashgan obyektlar va inshootlarning profili oʻzgargan taqdirda ulardan xoʻjalik maqsadida foydalanish.

Oʻzbekiston Respublikasi Vazirlar Mahkamasi

104.

Mahalliy va import qilinadigan veterinariya dori vositalari hamda ozuqabop qoʻshimchalar roʻyxatdan oʻtkazilganligi toʻgʻrisidagi guvohnoma

Veterinariya dori vositalari va ozuqabop qoʻshimchalarni ishlab chiqarish, realizatsiya qilish, qoʻllash hamda Oʻzbekiston Respublikasi hududiga olib kirish.

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi

105.

Rentgen uskunasidan foydalanish uchun ruxsatnoma

Rentgen uskunasidan foydalanish.

Oʻzbekiston Respublikasi Sanoat xavfsizligi davlat qoʻmitasi, Sogʻliqni saqlash vazirligi

106.

Xavfli ishlab chiqarish obyektida qoʻllaniladigan texnik qurilmalarni va inshootlarni koʻrik va sinovdan oʻtkazish uchun ruxsatnoma

Xavfli ishlab chiqarish obyektida qoʻllaniladigan texnik qurilmalarni va inshootlarni koʻrik va sinovdan oʻtkazish.

Oʻzbekiston Respublikasi Sanoat xavfsizligi davlat qoʻmitasi

107.

Xavfli ishlab chiqarish obyektlarida va istirohat bogʻlari attraksionlarida putur yetkazmaydigan nazorat ishlarini bajarish uchun ruxsatnoma

Xavfli ishlab chiqarish obyektlarida va istirohat bogʻlari attraksionlarida putur yetkazmaydigan nazorat ishlarini bajarish.

Oʻzbekiston Respublikasi Sanoat xavfsizligi davlat qoʻmitasi

109.

Gaz quvurlari va gaz xoʻjaligining gaz isteʼmol qiluvchi boshqa obyektlarni montaj qilish, taʼmirlash, ishga tushirish va foydalanish uchun ruxsatnoma

Gaz quvurlarini va gaz xoʻjaligining boshqa gaz isteʼmol qiluvchi obyektlarini montaj qilish, taʼmirlash, ishga tushirish va ulardan foydalanish.

Oʻzbekiston Respublikasi Sanoat xavfsizligi davlat qoʻmitasi

110.

Geodeziya va kartografiya ishlarini roʻyxatga olish toʻgʻrisida qaror

Geodeziya va kartografiya ishlarini amalga oshirish.

Oʻzbekiston Respublikasi Iqtisodiyot va moliya vazirligi huzuridagi Kadastr agentligi

111.

Maxfiy kartografiya materiallarini koʻpaytirish uchun ruxsatnoma

Maxfiy kartografiya materiallarini koʻpaytirish.

Oʻzbekiston Respublikasi Iqtisodiyot va moliya vazirligi huzuridagi Kadastr agentligi

112.

Oʻzbekiston Respublikasi hududida kartografiya materiallarini nashr qilish va (yoki) tarqatish uchun ruxsatnoma

Kartografiya faoliyatini amalga oshiruvchi shaxslar tomonidan Oʻzbekiston Respublikasi hududida kartografiya materiallarini nashr qilish va (yoki) tarqatish.

Oʻzbekiston Respublikasi Iqtisodiyot va moliya vazirligi huzuridagi Kadastr agentligi

113.

Maxfiy kartografiya va geodeziya materiallarini (maʼlumotlarini) berish uchun ruxsatnoma

Maxfiy kartografiya va geodeziya materiallarini (maʼlumotlarini) berish.

Oʻzbekiston Respublikasi Iqtisodiyot va moliya vazirligi huzuridagi Kadastr agentligi

114.

Aerosuratga olish ishlarini bajarish uchun ruxsatnoma

Aerosuratga olish ishlarini bajarish.

Oʻzbekiston Respublikasi Mudofaa vazirligi

115.

Aerosuratga olish va kosmik suratga olish materiallarini nazorat koʻrigidan oʻtkazish uchun ruxsatnoma

Aerosuratga olish va kosmik suratga olish materiallarini nazorat koʻrigidan oʻtkazish.

Oʻzbekiston Respublikasi Mudofaa vazirligi

116.

Xorijiy kinokompaniyalar tomonidan Oʻzbekiston Respublikasi hududida filmlarni kino va video tasvirga olish uchun ruxsatnoma

Xorijiy kinokompaniyalar tomonidan Oʻzbekiston Respublikasi hududida filmlarni kino va video tasvirga olish.

Oʻzbekiston Respublikasi Madaniyat vazirligi huzuridagi Kinematografiya agentligi

117.

Filmni ommaviy namoyish etish uchun bir martalik ruxsatnoma

Filmni ommaviy namoyish etish.

Oʻzbekiston Respublikasi Madaniyat vazirligi huzuridagi Kinematografiya agentligi

118.

Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma

Oʻzbekiston Respublikasi hududida mehnat faoliyatini amalga oshirish.

Oʻzbekiston Respublikasi Kambagʻallikni qisqartirish va bandlik vazirligi

119.

Ommaviy axborot vositalari davlat roʻyxatidan oʻtkazilganligi toʻgʻrisidagi guvohnoma

Ommaviy axborot vositalari sifatida faoliyatni amalga oshirish.

Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

120.

Oʻzbekiston Respublikasining alohida muhim va toifalangan obyektlarida qoʻriqlashning texnik vositalarini loyihalashtirish, montaj qilish, sozlash, taʼmirlash va texnik xizmat koʻrsatish ishlarini bajarishga ruxsatnoma

Oʻzbekiston Respublikasining alohida muhim va toifalangan obyektlarida qoʻriqlashning texnik vositalarini loyihalashtirish, montaj qilish, sozlash, taʼmirlash va texnik xizmat koʻrsatish ishlarini bajarish.

Oʻzbekiston Respublikasi Ichki ishlar vazirligi

121.

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarni olib kirish uchun ruxsatnoma

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarni Oʻzbekiston Respublikasi hududiga olib kirish

Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi

122.

Mayning faoliyatini amalga oshirish uchun ruxsatnoma

Mayning faoliyatini amalga oshirish.

Oʻzbekiston Respublikasi Istiqbolli loyihalar milliy agentligi

123.

Davlat xaridlari elektron tizimi operatori faoliyatini amalga oshirish uchun ruxsatnoma

Davlat xaridlarining subyektlariga davlat xaridlari elektron tizimlarida xarid qilish tartib-taomillarini amalga oshirish bilan bogʻliq xizmatlar koʻrsatish.

Oʻzbekiston Respublikasi Iqtisodiyot va moliya vazirligi

124. 

 Yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi toʻgʻrisida xulosa

 yonish va portlash xavfi yuqori boʻlgan kimyoviy moddalarni (mahsulotlarni) saqlash.

Oʻzbekiston Respublikasi Favqulodda vaziyatlar vazirligi 

125. 

 Obyektda nogironligi boʻlgan shaxslar uchun shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi boʻyicha xulosa

 Nodavlat taʼlim xizmatlarini koʻrsatish sohasidagi faoliyat uchun litsenziya olish, bank faoliyatini amalga oshirish huquqini beruvchi litsenziya olish, kredit byurolari faoliyatini amalga oshirish uchun litsenziya olish, tibbiy faoliyat uchun litsenziya olish, farmatsevtika faoliyati uchun litsenziya olish.

Oʻzbekiston Respublikasi Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi 

 126.

 Yoʻl obyektida qurilish va taʼmirlash ishlari uchun ruxsatnoma

 Yoʻl infratuzilmasi obyektlarida qurilish ishlarini olib borish, yoʻl obyektini har qanday koʻrinishda taʼmirlash, buzish, qazish, oʻzgartirish yoki rekonstruksiya qilish ishlarini amalga oshirish.

Yoʻl obyektini balansida saqlovchi tashkilotlar, kommunikatsiya tarmoqlaridagi avariya bilan bogʻliq yoki boshqa kechiktirib boʻlmaydigan hollarda esa tuman (shahar) hokimligi 

 127.

 Qurilishi tugallangan yoʻl obyektidan foydalanish uchun ruxsatnoma

 Avtomobil yoʻllari va sunʼiy inshootlar qurilishi va rekonstruksiyasi tugallangan yoʻl obyektidan foydalanish.

Transport vazirligi huzuridagi Transport nazorati inspeksiyasining hududiy boʻlinmalari 

(2-ilova Oʻzbekiston Respublikasining 2026-yil 25-martdagi OʻRQ-1124-sonli, 2026-yil 19-maydagi OʻRQ-1146-sonli qonunlari tahririda — Qonunchilik maʼlumotlari milliy bazasi, 27.03.2026-y., 03/26/1124/0277-son; 20.05.2026-y., 03/26/1146/0514-son. OʻRQ-1124 kuchga kirish sanasi — 2026-yil 28-iyun, OʻRQ-1146 kuchga kirish sanasi — 2026-yil 20-may)
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga
3-ILOVA
Vakolatli organlarni xabardor qilish tartibida amalga oshiriladigan faoliyat turlari
Oldingi tahrirga qarang.

T/r

Xabarnomaning nomi

Xabardor qilish tartibida amalga oshiriladigan faoliyat (harakat) turlari (kichik turlari)

Xabardor qilish tartib-taomillari sohasidagi vakolatli organlar

1.

Qimmatbaho metallardan va qimmatbaho toshlardan zargarlik buyumlari hamda boshqa buyumlar ishlab chiqarish faoliyatini boshlaganlik yoki tugatganlik toʻgʻrisida xabarnoma

Shaxsiy buyurtma asosida aholi tomonidan taqdim etilgan materiallardan zargarlik buyumlari ishlab chiqarish va qimmatbaho metallardan yasalgan zargarlik buyumlarini taʼmirlash. Oʻz ishlab chiqarishidan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas);

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

zargarlik buyumlarini ishlab chiqarish. Oʻz ishlab chiqarishidan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas);

yuridik va jismoniy shaxslardan qimmatbaho metallarni, shu jumladan oltin izlovchilar usulida qazib olingan qimmatbaho metallarni, qimmatbaho metallardan va qimmatbaho toshlardan yasalgan zargarlik hamda boshqa buyumlarni, shuningdek ularning parchalari va chiqindilarini sotib olish.

2.

Qimmatbaho metallar va qimmatbaho toshlar bilan ishlashni boshlaganlik yoki tugatganlik haqida xabarnoma

Zargarlik buyumlarini, qimmatbaho metallar va qimmatbaho toshlardan yasalgan boshqa buyumlarni, shuningdek qimmatbaho toshlarni baholash;

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

qimmatbaho va yarim qimmatbaho toshlarni baholash, qimmatbaho va yarim qimmatbaho toshlarni gemmologik tekshirish;

qimmatbaho metallardan yasalgan laboratoriya idishlaridan, katalizatorlar, katalizator setkalaridan, tarkibida qimmatbaho metallar va qimmatbaho toshlar boʻlgan uskunalardan, termopar, termorele, termoqarshilikdan foydalanish va ularni saqlash;

tarkibida qimmatbaho metallar boʻlgan tashqi qoplamalar tayyorlash va/yoki surkash (kimyoviy, elektrokimyoviy, purkash va boshqa usullar bilan);

tarkibida qimmatbaho metallar boʻlgan moddalarni (tibbiy preparatlar, tuzlar, reagentlar, kimyoviy birikmalar va boshqalarni) ishlab chiqarish, qoʻllash, saqlash;

tarkibida qimmatbaho metallar boʻlgan tish yasashga moʻljallangan mahsulotlar uchun disklar, elektrodlar, anodlar, kontaktlar va kavsharlarni tayyorlash, ulardan foydalanish, ularni saqlash;

tibbiyot, oziq-ovqat, alkogol va vino-aroq mahsulotlari ishlab chiqarishda qimmatbaho metallardan, tarkibida qimmatbaho metallar boʻlgan oziq-ovqat qoʻshimchalaridan foydalanish;

qimmatbaho va yarim qimmatbaho toshlarga ishlov berish, ularni sayqallash. Tabiiy olmosdan yasalgan filyerlar, voloklar, olmos uchliklardan, tabiiy olmosdan yasalgan olmos asbobdan va burgʻulash olmos asbobidan foydalanish hamda ularni saqlash. Olmos asbobini rekuperatsiya qilish ishlarini amalga oshirish;

qimmatbaho metallarni, qimmatbaho metallardan yasalgan zargarlik va boshqa buyumlarni tahlil qilish hamda ularning asillik darajasini nazorat qilish ishlari;

tarkibida qimmatbaho metallar boʻlgan maishiy texnika, tashkiliy texnika, tibbiyot texnikasi va boshqa buyumlarni qismlarga ajratish, ularga dastlabki ishlov berish, turlarga ajratish, bosma platalarni utilizatsiya qilish;

uzellarida qimmatbaho metallar va qimmatbaho toshlar boʻlgan asbob-uskunalarni qismlarga ajratish hamda utilizatsiya qilish, shuningdek tarkibida qimmatbaho metallar boʻlgan asbob-uskunalarni qismlarga ajratishdan va utilizatsiya qilishdan olingan chiqindilarni qayta ishlash korxonalariga topshirish;

tarkibida qimmatbaho metallar boʻlgan ikkilamchi resurslar, parchalar va chiqindilarni keyinchalik qayta ishlash (affinaj) korxonalariga topshirish uchun toʻplash (tayyorlash), qismlarga ajratish, saralash, ularga dastlabki (birlamchi) qayta ishlov berish;

qimmatbaho metallardan harbiy va/yoki aviatsiya texnikasini ?aʼmirlashda foydalanish, tarkibida qimmatbaho metallar boʻlgan harbiy va/yoki aviatsiya texnikasi chiqindilarini saqlash va ulardan foydalanish;

harbiy va/yoki aviatsiya texnikasidan tarkibida qimmatbaho metallar boʻlgan radiodetallar va elementlarni ajratib olish, harbiy va/yoki aviatsiya texnikasining tarkibida qimmatbaho metallar boʻlgan chiqindilarini toʻplash va qayta ishlash korxonalariga topshirish;

tarkibida qimmatbaho metallar va qimmatbaho toshlar, qimmatbaho va yarim qimmatbaho toshlar boʻlgan buyumlar hamda predmetlarni koʻrgazmalarga qoʻyish, saqlash va restavratsiya qilish;

qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni, tarkibida qimmatbaho metallar va qimmatbaho toshlar boʻlgan predmetlarni (davlat organlarining qarorlariga koʻra davlat daromadiga oʻtkazilgan) restavratsiya qilish (taʼmirlash);

tarkibida kumush mavjud boʻlgan va yorugʻlikka taʼsirchan materiallardan, kinofotorentgen-plyonkalar, kinofotorentgen-plastinkalar va tarkibida qimmatbaho metallar boʻlgan xuddi shunday materiallardan foydalanish.

3.

Zargarlik buyumlarini hamda qimmatbaho metallar va qimmatbaho toshlardan yasalgan boshqa buyumlarni sotish faoliyatini boshlaganlik yoki tugatganlik toʻgʻrisida xabarnoma

Qimmatbaho metallar va qimmatbaho toshlardan yasalgan zargarlik buyumlari va boshqa buyumlar, qimmatbaho va yarim qimmatbaho toshlar bilan chakana savdo qilish (shu jumladan, xorijiy davlatlardan sotish uchun olib kelingan), qimmatbaho metallar va qimmatbaho toshlardan yasalgan zargarlik buyumlari va boshqa buyumlar bilan vositachilik savdosi;

Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi

axborot-kommunikatsiya texnologiyalaridan (onlayn-doʻkonlardan) foydalangan holda qimmatbaho metallar va qimmatbaho toshlardan yasalgan zargarlik buyumlari va boshqa buyumlarning chakana savdosi;

qimmatbaho metallar va qimmatbaho toshlardan yasalgan zargarlik buyumlari va boshqa buyumlar bilan bojsiz savdo zonalarida chakana savdo qilish (duty free);

qimmatbaho metallar, qimmatbaho va yarim qimmatbaho toshlar hamda ulardan yasalgan buyumlarni sotib olish, qimmatbaho metallarning parchalari va chiqindilarini sotib olish;

qimmatbaho metallar va qimmatbaho toshlardan yasalgan zargarlik buyumlari va boshqa buyumlar, qimmatbaho va yarim qimmatbaho toshlar bilan ulgurji savdo qilish (shu jumladan, xorijiy davlatlardan sotish uchun olib kelingan).

4.

Investitsiya maslahatchisi faoliyatini boshlaganlik yoki tugatganlik haqida xabarnoma

Investitsiya maslahatchisi faoliyati.

Oʻzbekiston Respublikasi Istiqbolli loyihalar milliy agentligi

5.

Lombard faoliyatini boshlaganlik yoki tugatganlik toʻgʻrisida xabarnoma

Lombard faoliyati

Oʻzbekiston Respublikasi Markaziy banki

6.

Naqd xorijiy va (yoki) milliy valyutani olib kirganlik haqida xabarnoma

Banklar tomonidan naqd xorijiy va (yoki) milliy valyutani olib kirish

Oʻzbekiston Respublikasi Markaziy banki

7.

Bank filiali yoki bank xizmatlari ofisini ochganlik va tugatganlik toʻgʻrisida xabarnoma

Bank filialini ochish;

Oʻzbekiston Respublikasi Markaziy banki

bank xizmatlari ofisini ochish.

8.

Toʻlov tashkilotini qayta tashkil etish (qoʻshib yuborish, qoʻshib olish, boʻlish, ajratib chiqarish, oʻzgartirish) haqida xabarnoma

Toʻlov tashkilotini qayta tashkil etish (qoʻshib yuborish, qoʻshib olish, boʻlish, ajratib chiqarish, oʻzgartirish).

Oʻzbekiston Respublikasi Markaziy banki

9.

Elektron pullar emitentining elektron pullarni chiqarish boʻyicha faoliyatni boshlaganlik yoki tugatganlik toʻgʻrisidagi xabarnomasi

Elektron pullar emitentining elektron pullarni chiqarish boʻyicha faoliyati.

Oʻzbekiston Respublikasi Markaziy banki

10.

Mikromoliya tashkilotining filialini ochganlik yoki yopganlik haqidagi xabarnoma

Mikromoliya tashkilotining filialini ochish

Oʻzbekiston Respublikasi Markaziy banki

101.

Lombardning filialini ochganlik yoki yopganlik haqidagi xabarnoma

Lombardning filialini ochish

Oʻzbekiston Respublikasi Markaziy banki

102.

Nobank kredit tashkilotining ustav fondidagi (ustav kapitalidagi) ulush olinganligi toʻgʻrisida xabarnoma

Jismoniy va yuridik shaxslar, shu jumladan tegishincha yaqin qarindoshlari hamda ularga aloqador boʻlgan shaxslar bilan birgalikda harakat qiluvchi jismoniy va yuridik shaxslar, shuningdek norezidentlar tomonidan bir yoki bir nechta bitim natijasida nobank kredit tashkilotining ustav fondidagi (ustav kapitalidagi) oʻn foizdan yigirma foizgacha tashkil etadigan ulushni bevosita yoki bilvosita olish.

Oʻzbekiston Respublikasi Markaziy banki

103.

Faktoring tashkilotining filialini ochganlik yoki yopganlik haqidagi xabarnoma

Faktoring tashkilotining filialini ochish.

Oʻzbekiston Respublikasi Markaziy banki

11.

Qoʻshimcha taʼlim faoliyatini boshlaganlik yoki tugatganlik toʻgʻrisida xabarnoma

Nodavlat qoʻshimcha taʼlim (bolalar uchun), shu jumladan chet tillarini oʻrgatish faoliyati.

Oʻzbekiston Respublikasi Maktabgacha va maktab taʼlimi vazirligi

Nodavlat qoʻshimcha taʼlim (katta yoshdagilar uchun), shu jumladan chet tillarini oʻrgatish faoliyati.

Oʻzbekiston Respublikasi Oliy taʼlim, fan va innovatsiyalar vazirligi

12.

Kadrlar malakasini oshirish va ularni qayta tayyorlash faoliyatini boshlaganlik yoki tugatganlik haqida xabarnoma

Kadrlar malakasini oshirish va ularni qayta tayyorlash faoliyati.

Oʻzbekiston Respublikasi Oliy taʼlim, fan va innovatsiyalar vazirligi

15.

Qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish faoliyatini boshlaganlik yoki tugatganlik toʻgʻrisida xabarnoma

Qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish faoliyati yoki uning bir qismi.

Oʻzbekiston Respublikasi Ichki ishlar vazirligi

16.

Avtomototransport vositasi konstruksiyasini va (yoki) uning bir qismini oʻzgartirish bilan bogʻliq faoliyatni boshlaganlik yoki tugatganlik haqida xabarnoma

Avtomototransport vositasi konstruksiyasini va (yoki) uning qismini oʻzgartirish bilan bogʻliq faoliyat.

Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati

17.

Umumiy ovqatlanish korxonalari va koʻngilochar obyektlarning tungi vaqtda faoliyat yuritishni boshlaganligi yoki tugatganligi toʻgʻrisida xabarnoma

Umumiy ovqatlanish korxonalarining soat 23.00 dan 06.00 gacha faoliyat yuritishi;

Tuman va shahar ichki ishlar boshqarmalari (boʻlimlari)

koʻngilochar obyektlarning soat 23.00 dan 06.00 gacha faoliyat yuritishi.

18.

Avtovokzalning (avtostansiyaning) faoliyatini boshlaganligi yoki tugatganligi haqida xabarnoma

Avtovokzalning (avtostansiyaning) faoliyatini amalga oshirish.

Oʻzbekiston Respublikasi Transport vazirligi

19.

Qurilish-montaj ishlarini boshlaganlik toʻgʻrisida xabarnoma

Qurilish-montaj ishlarini olib borish.

Qoraqalpogʻiston Respublikasi, viloyatlar hamda Toshkent shahri qurilish va uy-joy kommunal xoʻjaligi sohasida nazorat qilish hududiy inspeksiyalari avtomobil yoʻllari va sunʼiy inshootlar boʻyicha Oʻzbekiston Respublikasi Transport vazirligi huzuridagi Transport nazorati inspeksiyasi

 191.

 Obyektlarning murakkablik toifalari klassifikatori boʻyicha I toifadagi arxitektura-shaharsozlik hujjatlarini ishlab chiqish faoliyatini boshlaganlik yoki tugatganlik haqida xabarnoma

 Obyektlarning murakkablik toifalari klassifikatori boʻyicha I toifadagi arxitektura-shaharsozlik hujjatlarini ishlab chiqish faoliyati.

 Oʻzbekiston Respublikasi Qurilish va uy-joy kommunal xoʻjaligi vazirligi

20.

Veterinariya davolash-profilaktika faoliyatini boshlaganlik yoki tugatganlik haqida xabarnoma

Veterinariya davolash-profilaktika faoliyati.

Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar hamda Toshkent shahar veterinariya va chorvachilikni rivojlantirish boshqarmalari

22.

Geodeziya va kartografiya faoliyatini boshlaganlik yoki tugatganlik haqida xabarnoma

Geodeziya faoliyati turlari;

Oʻzbekiston Respublikasi Iqtisodiyot va moliya vazirligi huzuridagi Kadastr agentligi

kartografiya faoliyati turlari.

23.

Pivo va pivo ichimliklari ishlab chiqarish va ulgurji savdo qilish faoliyatini boshlaganlik yoki tugatganlik toʻgʻrisida xabarnoma

Pivo va pivo ichimliklarini ishlab chiqarish va ulgurji savdo qilish faoliyati.

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi

231.

Tamaki mahsulotlari bilan ulgurji savdo qilishni boshlaganlik yoki tugatganlik toʻgʻrisida xabarnoma

Tamaki mahsulotlari bilan ulgurji savdo qilish faoliyati.

Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasi

232.

Tamaki mahsulotlari bilan chakana savdo qilishni boshlaganlik yoki tugatganlik haqida xabarnoma

Tamaki mahsulotlari bilan chakana savdo qilish.

Tuman (shahar) soliq inspeksiyalari

24.

Alkogolli mahsulotlar bilan chakana savdo qilishni boshlaganlik yoki tugatganlik haqida xabarnoma

Alkogol mahsulotlari bilan chakana savdo qilish.

Tuman (shahar) davlat soliq inspeksiyalari

241.

Pivo va pivo ichimliklari bilan chakana savdo qilishni boshlaganlik yoki tugatganlik haqidagi xabarnoma

Pivo va pivo ichimliklari bilan chakana savdo qilish.

Tumanlar (shaharlar) soliq inspeksiyalari

25.

Umumiy ovqatlanish korxonalari tomonidan alkogolli mahsulotlarni sotish faoliyatini boshlaganlik yoki tugatganlik toʻgʻrisida xabarnoma

Umumiy ovqatlanish korxonalari tomonidan alkogol mahsulotlarini sotish.

Tuman (shahar) davlat soliq inspeksiyalari

26.

Noshirlik faoliyatini boshlaganlik yoki tugatganlik haqida xabarnoma

Ijtimoiy-siyosiy nashrlar faoliyati;

Oʻzbekiston Respublikasi Prezident Administratsiyasi huzuridagi Axborot va ommaviy kommunikatsiyalar agentligi

adabiy-badiiy nashrlar faoliyati;

bolalar va oʻsmirlar nashrlari faoliyati;

maʼnaviy-maʼrifiy nashrlar faoliyati;

ilmiy nashrlar faoliyati;

ilmiy-ommabop nashrlar faoliyati;

oʻquv adabiyotlarini nashr etish faoliyati;

ensiklopedik (maʼlumotnoma) nashrlar faoliyati;

rasmiy nashrlar faoliyati;

diniy nashrlar faoliyati;

axborot-reklama nashrlari faoliyati;

ishlab chiqarish sohasidagi normativlarni nashr etish faoliyati.

27.

Matbaa korxonalarini tashkil etganlik yoki tugatganlik toʻgʻrisida xabarnoma

Matbaa mahsulotlarining qoliplarini tayyorlash faoliyati;

Oʻzbekiston Respublikasi Prezident Administratsiyasi huzuridagi Axborot va ommaviy kommunikatsiyalar agentligi

ofset usulida chop etish faoliyati;

flekso usulida chop etish faoliyati;

mabtaa qoliplarisiz chop etish faoliyati;

trafaret yoki shoyitrafaret usulida chop etish faoliyati;

brayl usulida chop etish faoliyati;

tayyor mahsulotlar va materiallarga bosish faoliyati;

chop etishdan keyingi jarayonlar va muqovalash faoliyati.

28.

Mehnatni muhofaza qilish sohasidagi xizmatlar bozorining professional ishtirokchilari faoliyatini boshlaganlik yoki tugatganlik haqida xabarnoma

Tashkilotlarda mehnatni muhofaza qilish sohasidagi xizmat vazifalarini amalga oshirish;

Oʻzbekiston Respublikasi Kambagʻallikni qisqartirish va bandlik vazirligi

mehnat sharoitlari boʻyicha ish oʻrinlarini attestatsiyadan oʻtkazish;

mehnatni muhofaza qilish sohasi mutaxassislarining malakasini oshirish va ularni qayta tayyorlash;

tashkilotlarda mehnatni muhofaza qilish sohasida audit oʻtkazish.

29.

Yuqori chastotali qurilmalardan foydalanishni boshlash va tugatish toʻgʻrisida xabarnoma

Yuqori chastotali qurilmalardan metallarni eritish, metallarga ishlov berish va boshqa sohalarda foydalanish.

Oʻzbekiston Respublikasining “Radiochastota spektri toʻgʻrisida”gi Qonunida belgilangan radiochastota organlari

30.

Oilaviy nodavlat maktabgacha taʼlim tashkilotlari faoliyatini boshlaganlik yoki tugatganlik haqida xabarnoma

Oilaviy nodavlat maktabgacha taʼlim tashkilotlarining faoliyati.

Oʻzbekiston Respublikasi Maktabgacha va maktab taʼlimi vazirligining tuman (shahar) boʻlimlari

31.

Yuridik maslahat xizmatlarini koʻrsatuvchi tijorat tashkiloti faoliyatini boshlaganligi yoki tugatganligi haqida xabarnoma

Yuridik maslahat xizmatlarini koʻrsatish.

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari

32.

Turagentlik faoliyatini boshlaganlik yoki tugatganlik haqida xabarnoma

Turagentlik faoliyati.

Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi

33.

Milliy muzey fondi tarkibiga kiritilgan muzey ashyolari va muzey kolleksiyalarini tasarrufdan chiqarish yoki universal huquqiy vorislik tartibida yoxud boshqa usulda bir shaxsdan ikkinchi shaxsga oʻtkazganlik haqida xabarnoma

Milliy muzey fondi tarkibiga kiritilgan muzey ashyolari va muzey kolleksiyalarini tasarrufdan chiqarish;

Oʻzbekiston Respublikasi Madaniy meros agentligi

Milliy muzey fondi tarkibiga kiritilgan muzey ashyolari va muzey kolleksiyalarini universal huquqiy vorislik tartibida yoxud boshqa usulda bir shaxsdan ikkinchi shaxsga oʻtkazish.

34.

Nodavlat arxivning faoliyati boshlanganligi yoki tugatilganligi toʻgʻrisidagi xabarnoma

Arxiv hujjatlarini jamlash, hisobga olish, saqlash va ulardan foydalanish boʻyicha faoliyat.

Oʻzbekiston Respublikasi Adliya vazirligi huzuridagi “Oʻzarxiv” agentligi

35.

Bojxona brokeri faoliyatini boshlaganlik yoki tugatganlik toʻgʻrisida xabarnoma

Bojxona brokeri faoliyati.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

36.

Xalqaro kuryerlik joʻnatmalarini yetkazib berish boʻyicha faoliyatni boshlaganlik yoki tugatganlik haqida xabarnoma

Xalqaro kuryerlik joʻnatmalarini yetkazib berish boʻyicha faoliyat.

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi

 37.

 Transport vositalarini texnik koʻrikdan oʻtkazish boʻyicha faoliyatni boshlaganlik yoki tugatganlik haqida xabarnoma

 Transport vositalarini texnik koʻrikdan oʻtkazish.

Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari jamoat xavfsizligi xizmatlarining yoʻl harakati xavfsizligi boshqarmalari 

(3-ilova Oʻzbekiston Respublikasining 2026-yil 5-fevraldagi OʻRQ-1118-sonli Qonuni tahririda — Qonunchilik maʼlumotlari milliy bazasi, 09.02.2026-y., 03/26/1118/0120-son. Kuchga kirish sanasi — 2026-yil 10-may, 2026-yil 19-maydagi OʻRQ-1146-sonli Qonuni tahririda — Qonunchilik maʼlumotlari milliy bazasi, 20.05.2026-y., 03/26/1146/0514-son. Kuchga kirish sanasi — 2026-yil 20-may)
Keyingi tahrirga qarang.
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuniga
4-ILOVA
Litsenziyalash, ruxsat berish va xabardor qilish tartib-taomillari sohasidagi huquqbuzarliklar uchun yuridik shaxslarga solinadigan jarimalar miqdorlari
Oldingi tahrirga qarang.

T/r

I. Faoliyatni litsenziyasiz amalga oshirganlik yoki litsenziyalarni qalbaki hujjatlardan foydalangan holda olganlik uchun

Litsenziyaning nomi

Jarima miqdori (bazaviy hisoblash miqdorida)

1.

Nodavlat taʼlim xizmatlarini koʻrsatish faoliyati uchun litsenziya

200

2.

Moddiy madaniy merosning koʻchmas mulk obyektlarini asrashga doir faoliyatni amalga oshirish uchun litsenziya

200

3.

Konsert-tomosha faoliyatini amalga oshirish uchun litsenziya

200

4.

Advokatlik faoliyati uchun litsenziya

250

5.

Turistik faoliyatni amalga oshirish uchun litsenziya

200

6.

Kripto-aktivlar aylanmasi sohasidagi xizmatlar provayderlari faoliyatini amalga oshirish uchun litsenziya

300

7.

Sugʻurtalovchilarning (qayta sugʻurtalovchilarning) va sugʻurta brokerlarining sugʻurta faoliyati uchun litsenziya

300

8.

Isteʼmol va texnik etil spirti, alkogol mahsulotlari ishlab chiqarish uchun litsenziya

300

9.

Alkogol mahsulotlarining ulgurji savdosi (bundan tabiiy va koʻpiklanadigan vinolar, pivo va pivo ichimliklari mustasno) boʻyicha faoliyat uchun litsenziya

300

10.

Tamaki mahsulotlari ishlab chiqarish faoliyati uchun litsenziya

300

11.

Affinaj faoliyati uchun litsenziya

200

12.

Avtomobil transportida yoʻlovchilarni tashish faoliyati uchun litsenziya

300

13.

Avtomobil transportida xalqaro yuklarni tashish faoliyati uchun litsenziya

200

14.

Mahalliy va xalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyati uchun litsenziya

300

15.

Bojxona omborini taʼsis etish uchun litsenziya

300

16.

Bojxona rejimida omborxona — “erkin omborxona” taʼsis etish uchun litsenziya

200

17.

Bojsiz savdo doʻkoni faoliyati uchun litsenziya

200

19.

Giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyati uchun litsenziyalash

300

20.

Tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish, olib kirish (olib chiqish), qayta ishlash, saqlash, realizatsiya qilish (berish), olish va tashish faoliyati uchun litsenziya

300

21.

Tibbiy faoliyat uchun litsenziya

300

22.

Farmatsevtika faoliyati uchun litsenziya

300

23.

Veterinariya faoliyati uchun litsenziya

250

24.

Balandliklarda sanoat alpinizmi usullarida taʼmirlash, qurilish-montaj ishlarini bajarish faoliyati uchun litsenziya

250

25.

Koʻpriklar va tonnellarni loyihalashtirish, qurish va ularni taʼmirlash faoliyati uchun litsenziya

300

26.

Xavfi yuqori boʻlgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyati uchun litsenziya

300

27.

Arxitektura-shaharsozlik hujjatlarini ishlab chiqish boʻyicha faoliyat uchun litsenziya

200

28.

Telekommunikatsiyalar tarmoqlarini loyihalash, qurish, ulardan foydalanish va ularning xizmatlarini koʻrsatish uchun litsenziya

250

29.

Birja faoliyati uchun litsenziya (bundan valyuta birjasi faoliyati uchun litsenziya mustasno)

200

30.

Xususiy bandlik agentliklarining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha faoliyati uchun litsenziya

300

31.

Portlovchi va zaharli moddalarni, ularni qoʻllagan holda materiallar va mahsulotlarni, shuningdek, portlatish vositalarini ishlab chiqish, ishlab chiqarish, tashish, saqlash va realizatsiya qilish faoliyati uchun litsenziya

300

33.

Atom energiyasidan foydalanish va ionlashtiruvchi nurlanish manbalari muomalasi sohasidagi faoliyat uchun litsenziya

300

34.

Qurol-yarogʻ va uning oʻq-dorilarini, himoya vositalarini, harbiy texnikani, ularning ehtiyot qismlari, butlovchi qismlari va priborlarini, agar ulardan boshqa tarmoqlarda foydalanilmasa, shuningdek ularni ishlab chiqarish uchun maxsus materiallarni va maxsus asbob-uskunani ishlab chiqish, ishlab chiqarish, taʼmirlash va realizatsiya qilish sohasidagi faoliyat uchun litsenziya

300

35.

Boʻshatilayotgan harbiy-texnika vositalarini tugatish (yoʻq qilib tashlash, utilizatsiya qilish, koʻmib tashlash) va qayta ishlash faoliyati uchun litsenziya

300

36.

Fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish faoliyati uchun litsenziya

300

37.

Kosmik texnologiyalarni qoʻllovchi tashkilotlarning faoliyati uchun litsenziya

300

38.

Axborotning kriptografik himoya vositalarini ishlab chiqish, ishlab chiqarish, realizatsiya qilish, taʼmirlash va ulardan foydalanish faoliyati uchun litsenziya

200

39.

Diniy taʼlim muassasalarining faoliyati uchun litsenziya

200

40.

Bukmekerlik faoliyatini amalga oshirish uchun litsenziya

2000

41.

Qimmatli qogʻozlar bozoridagi professional faoliyat uchun litsenziya

200

42.

Neft, gaz (shu jumladan, siqilgan tabiiy va suyultirilgan uglevodorod gazini) va gaz kondensatini qazib olish, qayta ishlash hamda realizatsiya qilish faoliyati uchun litsenziya

300

43.

Magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni taʼmirlash faoliyati uchun litsenziya

300

44.

“Umra” tadbirlarini tashkil etish va oʻtkazish boʻyicha faoliyat uchun litsenziya

200

45.

Elektr energiyasini ishlab chiqarish faoliyatini amalga oshirish uchun litsenziya

300

46.

Elektr energiyasini uzatish faoliyatini amalga oshirish uchun litsenziya

300

47.

Elektr energiyasini taqsimlash faoliyatini amalga oshirish uchun litsenziya

300

48.

Elektr energiyasini saqlash faoliyatini amalga oshirish uchun litsenziya

300

49.

Elektr taʼminoti faoliyatini amalga oshirish uchun litsenziya

300

50.

Markaziy xarid qiluvchi faoliyatini amalga oshirish uchun litsenziya

300

51.

Elektr energiyasi bozori operatori faoliyatini amalga oshirish uchun litsenziya

300

52.

Elektr energiyasi savdosi faoliyatini amalga oshirish uchun litsenziya

300

53.

Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji hamda chakana savdosi boʻyicha faoliyatni amalga oshirish uchun litsenziya

250

54.

Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni amalga oshirish uchun litsenziya

250

55.

Lotereyalar tashkil etish faoliyatini amalga oshirish uchun litsenziya

500

56.

Internet jahon axborot tarmogʻida tavakkalchilikka asoslangan oʻyinlarni tashkil etish faoliyatini amalga oshirish uchun litsenziya

2000

57. 

 Yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish faoliyati uchun litsenziya

200 

 58.

 Qora metall parcha va chiqindilarini tayyorlash (xarid qilish), qayta ishlash hamda realizatsiya qilish boʻyicha faoliyatni amalga oshirish uchun litsenziya

 300

 59.

 Rangli metall parcha va chiqindilarini tayyorlash (xarid qilish), qayta ishlash hamda realizatsiya qilish boʻyicha faoliyatni amalga oshirish uchun litsenziya

 300

 60.

 Tabiiy gazning ulgurji va chakana savdosi boʻyicha faoliyatni amalga oshirish uchun litsenziya

 300

II. Ruxsat etish xususiyatiga ega hujjatsiz faoliyatni (harakatni) amalga oshirganlik yoki ruxsat etish xususiyatiga ega hujjatlarni qalbaki hujjatlardan foydalangan holda olganlik uchun

Ruxsat etish xususiyatiga ega hujjatning (tartib-taomilning) nomi

Jarima miqdori (bazaviy hisoblash miqdorida)

1.

Ogʻir vaznli va katta hajmli yuklarni avtomobil transportida tashishga ruxsatnoma, bundan past va oʻrta faollikdagi radioaktiv chiqindilarni tashish mustasno

100

2.

Avtotransport vositasini xavfli yuklarni tashishga qoʻyish toʻgʻrisidagi guvohnoma

150

3.

Avtomototransport vositalarini qayta jihozlash uchun ruxsatnoma

100

4.

Harakatlanadigan tarkibning umumiy foydalanishdagi temir yoʻllarga chiqishi uchun ruxsatnoma

200

5.

Temir yoʻl shaxobcha yoʻllarini, shuningdek yuklash, tushirish, vagon va konteynerlarni tozalash uchun moʻljallangan qurilmalarni qurish hamda rekonstruksiya qilish loyihalarini kelishish

100

6.

Avtomobil transportida yoʻlovchilari muntazam yoʻnalishlarda tashish huquqini tasdiqlovchi guvohnoma

100

7.

Parvozlar xavfsizligiga xavf solishi mumkin boʻlgan faoliyatni amalga oshirish uchun ruxsatnoma

200

8.

Fuqaro aviatsiyasida uchuvchisiz uchish qurilmalaridan foydalanishga qoʻyish toʻgʻrisidagi xulosa

200

9.

Ekspluatant sertifikati

200

10.

Fuqaro havo kemasining davlat roʻyxatidan oʻtkazilganligi toʻgʻrisidagi guvohnoma

200

11.

Fuqaro havo kemasining uchishga yaroqlilik sertifikati

200

12.

Fuqaro havo kemalariga shovqinlar boʻyicha sertifikat

150

13.

Fuqaro havo kemalariga radio jihozlar boʻyicha sertifikat

200

14.

Havo kemalariga texnik xizmat koʻrsatish tashkilotining sertifikati

150

15.

Ixtisoslashgan soʻyish korxonasining va hayvonotga mansub mahsulotlar hamda xomashyoni ishlab chiqarish, saqlash va sotish bilan shugʻullanuvchi subyektlar faoliyatining veterinariya, veterinariya-sanitariya qoidalari va normalariga muvofiqligi toʻgʻrisida veterinariya-sanitariya xulosasi

100

16.

Fiskal xotirali nazorat-kassa mashinalarini roʻyxatdan oʻtkazish kartochkasi

100

17.

Davlat veterinariya xizmatining nazorati ostidagi tovarlarni eksport, import va tranzit qilish uchun ruxsatnoma

150

18.

Veterinariya sertifikati

100

19.

Karantin ruxsatnomasi

100

20.

Fitosanitar sertifikat

100

21.

Maxsus turdagi tovarlar eksporti va importi uchun ruxsatnoma

150

22.

Oʻzbekiston Respublikasi Prezidenti va Hukumati qarorlariga binoan olib chiqiladigan buyumlar va mahsulotlarni eksport qilish uchun ruxsatnoma

150

23.

Import kontraktlarini ekspertizadan oʻtkazish va roʻyxatga olish

200

26.

Madaniy boyliklarni Oʻzbekiston Respublikasidan olib chiqish yoki vaqtincha olib chiqish huquqini beruvchi sertifikat

200

27.

Avtotransport vositasida yuklarni bojxona muhrlari va plombalari ostida xalqaro tashishga ruxsat berilganligi toʻgʻrisidagi guvohnoma

100

28.

Yuklarni xalqaro yoʻllarda tashish kitobchasidan foydalanish uchun ruxsatnoma

150

29.

Arxitektura-rejalashtirish topshirigʻi

200

30.

Loyiha hujjatlarini Arxitektura va qurilish bosh boshqarmasi huzuridagi Arxitektura-shaharsozlik kengashi bilan Arxitektura-rejalashtirish topshirigʻiga muvofiqligi yuzasidan kelishish

150

31.

Bino va inshootning tashqi koʻrinishini oʻzgartirishni kelishish

100

32.

Obyektni qayta ixtisoslashtirish va rekonstruksiya qilish uchun ruxsatnoma

100

33.

Qurilishi (rekonstruksiya qilinishi) tugallangan binolar va inshootlarni foydalanishga qabul qilish dalolatnomasi hamda ulardan foydalanishga doir ruxsatnoma

100

34.

Yongʻin xavfsizligi va zilzilabardoshliligi boʻyicha davlat ekspertizasining xulosasi

200

 341.

 Qurilish loyihalarining ekspertizasini oʻtkazish faoliyatini amalga oshirish huquqi uchun guvohnoma

200 

35.

Oʻzbekiston Respublikasidagi avtomobil yoʻllarini, yoʻl inshootlarini, temir yoʻl kesishmalarini, avtomobil yoʻllari va koʻchalari boʻyida joylashgan AYOQS, AGTKS hamda AGQS (avtomobillarga benzin quyish, gaz toʻldirish va gaz quyish) stansiyalarini qurish, rekonstruksiya qilish va taʼmirlash loyihalarini kelishish

200

36.

Quvvati 20 kilovattdan ortiq boʻlgan isteʼmol obyektlariga energiya yetkazib berish loyihalarini kelishish

150

37.

Neft mahsulotlarini (avtobenzin, aviabenzin, ekstrabenzin, dizel yonilgʻisi, aviakerosin, mazut, pechka qoramoyi, neft bitumi, shuningdek texnik moylar va moylash materiallari, bundan zavodda idishlarga qadoqlanganlari mustasno) sotish faoliyati uchun ruxsatnoma

100

38.

Avtomobillarga yonilgʻi quyish shoxobchasining neft mahsulotlarini qabul qilish, saqlash, hisobini yuritish va tarqatish talablariga muvofiqligi toʻgʻrisida xulosa

200

39.

Bir yilda 100 000 kub metr va undan koʻp tabiiy gazdan foydalanadigan korxonalar hamda texnologik neft-gaz obyektlarida (qurilmalarida) qoʻllaniladigan yangidan qurilgan, rekonstruksiya qilingan yoki texnik jihatdan qayta jihozlangan gazdan foydalanish uskunasini, gaz quvurlarini va ulardagi uskunalarining energiya jihatidan samaradorlik koʻrsatkichlariga muvofiqligi hamda yoqilgʻining muqobil turlaridan foydalanish toʻgʻrisidagi xulosa

200

40.

Sugʻurtalovchini (qayta sugʻurtalovchini) qayta tashkil etishga doir ruxsatnoma

100

42.

Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni ishga solish chogʻida tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish toʻgʻrisidagi qaror

100

43.

Yer osti boyliklari toʻgʻrisidagi geologik materiallarda nazarda tutilgan foydali qazilma konlari zaxiralarini tasdiqlash haqidagi qaror

200

45.

Yer qaʼri uchastkalaridan foydalanish huquqi uchun ruxsatnoma

150

46.

Yer osti boyliklari boʻyicha geologik materiallarning loyiha-smeta hujjatlarini davlat ekspertizasidan oʻtkazish xulosasi

100

47.

Foydali qazilmalarni qazib olish bilan bogʻliq yer ostini geologik oʻrganish ishlari boʻyicha hisobni yuritish

100

48.

Yer osti suvlariga quduqlarni burgʻilash boʻyicha faoliyatga doir ruxsatnoma

150

49.

Kon ajratish dalolatnomasi

200

50.

Yer osti boyliklari yoki uning qismlarini qazib oluvchi korxonani tugatish va konservatsiya qilishga doir maxsus loyihani kelishish

100

51.

Kon ishlarini rivojlantirish rejasini kelishish

100

52.

Foydalanish, tugatish va konservatsiya qilishda neft va gaz quduqlarini oʻtkazish dalolatnomasi hamda shaxtalarni (konlarni) bir toifadan boshqasiga oʻtkazishni tasdiqlash va kelishish toʻgʻrisida xulosa

150

53.

Togʻ-kon ishlarini yuritish huquqini beruvchi ruxsatnoma

200

54.

Ozonni buzuvchi moddalarni, shuningdek tarkibida ozonni buzuvchi moddalar boʻlgan mahsulotlarni import va eksport qilish uchun ruxsatnoma

200

55.

Suvdan maxsus foydalanish yoki suvni maxsus isteʼmol qilish uchun ruxsatnoma

100

56.

Yovvoyi hayvonlarni ovlash uchun ruxsatnoma

100

57.

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi yovvoyi hayvonlarni tabiiy muhitdan olish uchun ruxsatnoma

100

58.

Yoʻq boʻlib ketish xavfi ostidagi yovvoyi hayvonlar va oʻsimlik turlari bilan xalqaro savdo qilish toʻgʻrisidagi konvensiya (SITES) I, II va III ilovalariga kiritilgan hayvonlar turlari namunalari va oʻsimliklar turlari namunalarini olib kirish hamda chetga olib chiqish uchun ruxsatnoma

150

59.

Yovvoyi hayvonlarni, ularning qismlarini, shuningdek yashash faoliyati mahsulotlarini olib kirish va chetga olib chiqish uchun ruxsatnoma

100

60.

Yovvoyi hayvonlarni saqlash va urchitish boʻyicha pitomniklarning, shuningdek zoologiya kolleksiyalarining hisobga qoʻyilganligi toʻgʻrisidagi guvohnoma

100

61.

Davlat oʻrmon fondi yerlariga kirmaydigan zaxira yerlarida pichan oʻrish va chorva mollarini oʻtlatish uchun ruxsatnoma

100

62.

Davlat oʻrmon fondiga kirmaydigan daraxtlar va butalarni kesish va (yoki) koʻchirib oʻtqazish uchun ruxsatnoma

100

63.

Oʻsimlik dunyosi obyektlaridan maxsus foydalanish uchun ruxsatnoma

100

64.

Oʻzbekiston Respublikasining Qizil kitobiga kiritilgan kamyob va yoʻqolib ketish xavfi ostidagi oʻsimlik turlarini tabiiy muhitdan olish uchun ruxsatnoma

150

65.

Oʻzbekiston Respublikasining Qizil kitobiga kiritilgan yovvoyi oʻsimliklarni, ularning qismlarini olib kirish va olib chiqish uchun ruxsatnoma

150

66.

Portlatish ishlarini bajarish yoki portlovchi moddalar bilan ishlash uchun ruxsatnoma

200

67.

Portlatish ishlarini olib boruvchi korxonalarda joylashgan punktlarda oddiy qumoqlangan va suvli portlovchi moddalarni ishlab chiqarish uchun ruxsatnoma

200

68.

Olib kiriladigan portlovchi moddalarni qoʻllash uchun ruxsatnoma

150

69.

Portlovchi moddalarni sotib olish uchun guvohnoma

150

70.

Portlash xavfi boʻlgan yangi texnologik jarayonlar va asbob-uskunalarni hamda istirohat bogʻlari attraksionlarini montaj qilish, taʼmirlash va ishga tushirishga, shuningdek xavfli ishlab chiqarish obyektlarida foydalaniladigan texnik qurilmalardan foydalanish uchun ruxsatnoma

200

71.

Sanoat xavfsizligi davlat qoʻmitasi nazoratidagi obyektlarda elektr qurilmalarini sozlash ishlarini bajarish uchun ruxsatnoma

150

72.

Oʻzbekiston Respublikasi hududida radioelektron vositalar va yuqori chastotali qurilmalardan foydalanish imkoniyati toʻgʻrisidagi qaror

150

73.

Ishlab chiqiladigan (modernizatsiya qilinadigan), ishlab chiqariladigan va chet eldan sotib olinadigan radioelektron vositalar va yuqori chastotali qurilmalar uchun radiochastota polosalarini ajratish toʻgʻrisidagi qaror

150

74.

Radioelektron vositalar va yuqori chastotali qurilmalarni sotib olish (berish), loyihalashtirish va qurish (oʻrnatish) uchun ruxsatnoma

150

75.

Radioelektron vositalar va yuqori chastotali qurilmalarni olib kirish uchun ruxsatnoma

100

76.

Radioelektron vositalardan foydalanish uchun ruxsatnoma

100

77.

Oʻzbekiston Respublikasi hududida xorijiy ommaviy axborot vositalarining teleradio mahsulotlarini tarqatish huquqini berish uchun ruxsatnoma

200

78.

Maxsus kiritiladigan biologik aktiv moddalarni, yangi kimyoviy moddalarni, oziq-ovqat qoʻshimchalarini, biologik vositalar va materiallarni, polimer va plastik massalarni, parfyumeriya-kosmetika mahsulotlarini olib kirish hamda ishlab chiqarish uchun ruxsatnoma

200

79.

Uskunalar, quvurlar, sisternalar va boshqa sigʻimlarni kimyoviy muhofazalash ishlarini bajarish uchun ruxsatnoma

200

80.

Dori vositalari, tibbiyot buyumlari va tibbiy texnikani roʻyxatdan oʻtkazilganlik guvohnomasi

200

81.

Madaniy meros obyektlarida tadqiqotlar, qidiruvlar oʻtkazish, madaniy meros obyektlarida ilmiy-konservatsiya va restavratsiya ishlarini amalga oshirish uchun ruxsatnoma

150

82.

Madaniy boyliklarni ochiq savdoga (auksionga) taqdim etishni kelishish

200

83.

Fuqaroviy va xizmat qurolini hamda uning oʻq-dorilarini olish, realizatsiya qilish, saqlash, olib yurish, tashish, kolleksiyalash, koʻrgazmaga qoʻyish, Oʻzbekiston Respublikasi hududiga olib kirish hamda olib chiqish, Oʻzbekiston Respublikasi hududi orqali tranzit tarzida oʻtkazish uchun ruxsatnoma

200

84.

Portlovchi materiallarni olib kirish, olish va saqlash, shuningdek avtomobil va temir yoʻl transportida tashish uchun ruxsatnoma

200

85.

Obyektlarning (xonalarning) giyohvandlik vositalarini, psixotrop moddalarni, ularga oʻxshash moddalarni va prekursorlarni saqlash boʻyicha texnik talablarga muvofiqligi toʻgʻrisidagi xulosa

200

86.

Fuqarolik aviatsiyasi havo kemalarida portlovchi materiallarni tashish uchun ruxsatnoma

200

87.

Giyohvandlik vositalari, psixotrop moddalar, ularga oʻxshash moddalar va prekursorlarni Oʻzbekiston Respublikasi hududi orqali tranzit tarzida oʻtkazish uchun ruxsatnoma

200

88.

Oʻzbekiston Respublikasiga giyohvandlik vositalari, psixotrop moddalar va prekursorlarni olib kirish,undan olib chiqish uchun sertifikat

100

91.

Davlat mulki boʻlgan arxiv hujjatlarini yoki ularning koʻchirma nusxalarini, shuningdek Milliy arxiv fondining nodavlat qismiga kiritilgan arxiv hujjatlarini yoki ularning koʻchirma nusxalarini Oʻzbekiston Respublikasidan tashqariga vaqtincha olib chiqish uchun ruxsatnoma

150

92.

Ommaviy tadbirlarni oʻtkazish uchun ruxsatnoma

100

93.

Oʻsimliklarni himoya qilish vositalarini tajriba sifatida qoʻllash uchun ruxsatnoma

100

94.

Sanitariya-muhofaza zonasida joylashgan obyektlar va inshootlarning profili oʻzgargan holda ulardan xoʻjalik maqsadida foydalanish uchun ruxsatnoma

100

95.

Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazilganlik toʻgʻrisidagi guvohnoma

150

96.

Rentgen uskunasidan foydalanish uchun ruxsatnoma

150

97.

Xavfli ishlab chiqarish obyektida qoʻllaniladigan texnik qurilmalar hamda inshootlarni koʻrik va sinovlardan oʻtkazish uchun ruxsatnoma

200

98.

Xavfli ishlab chiqarish obyektlarida va istirohat bogʻlarining attraksionlarida putur yetkazmaydigan nazorat ishlarini bajarish uchun ruxsatnoma

200

100.

Gaz quvurlari va gaz xoʻjaligining gaz isteʼmol qiluvchi boshqa obyektlarini montaj qilish, taʼmirlash, ishga tushirish va ulardan foydalanish uchun ruxsatnoma

150

101.

Geodeziya va kartografiya ishlarini roʻyxatga olish toʻgʻrisidagi qaror

100

102.

Maxfiy kartografiya materiallarini koʻpaytirish uchun ruxsatnoma

150

103.

Oʻzbekiston Respublikasi hududida kartografiya materiallarini nashr qilish va/yoki tarqatish uchun ruxsatnoma

100

104.

Maxfiy kartografiya va geodeziya materiallarini (maʼlumotlarini) berish uchun ruxsatnoma

150

105.

Aerosuratga olish ishlarini bajarish uchun ruxsatnoma

150

106.

Aerosuratga olish va kosmik suratga olish materiallarini nazorat koʻrigidan oʻtkazish uchun ruxsatnoma

100

107.

Xorijiy kinokompaniyalar tomonidan Oʻzbekiston Respublikasi hududida filmlarni kino va video tasvirga olish uchun ruxsatnoma

150

108.

Filmlarni ommaviy namoyish etish uchun bir martalik ruxsatnoma

100

109.

Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma

100

110.

Ommaviy axborot vositalarini davlat roʻyxatidan oʻtkazganlik toʻgʻrisidagi guvohnoma

100

111.

Oʻzbekiston Respublikasining alohida muhim va toifalangan obyektlarida qoʻriqlashning texnik vositalarini loyihalashtirish, montaj qilish, sozlash, taʼmirlash va texnik xizmat koʻrsatish ishlarini bajarishga ruxsatnoma

150

112.

Mayning faoliyatini amalga oshirish uchun ruxsatnoma

150

113.

Davlat xaridlari elektron tizimi operatori faoliyatini amalga oshirish uchun ruxsatnoma

200

 114.

 Yonish va portlash xavfi yuqori boʻlgan kimyoviy moddalarni (mahsulotlarni) saqlash uchun obyektning (omborning) yongʻin va sanoat xavfsizligi talablariga muvofiqligi toʻgʻrisida xulosa

200

 115.

 Obyektda nogironligi boʻlgan shaxslar uchun shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi boʻyicha xulosa

 100

 116.

 Yoʻl obyektida qurilish va taʼmirlash ishlari uchun ruxsatnoma

 200

 117.

 Qurilishi tugallangan yoʻl obyektidan foydalanish uchun ruxsatnoma

 100

III. Vakolatli organni xabardor etmasdan faoliyatni amalga oshirganlik, shuningdek xabardor qilish tartibida faoliyat yuritish uchun belgilangan talablar va shartlarning bajarilganligi yuzasidan vakolatli organga yolgʻon yoki notoʻgʻri maʼlumotlar berganlik

Xabarnomaning nomi

Jarima miqdori (bazaviy hisoblash miqdorida)

1.

Qimmatbaho metallardan va qimmatbaho toshlardan yasaladigan zargarlik buyumlarini hamda boshqa buyumlarni ishlab chiqarish faoliyatini boshlaganlik yoki tugatganlik haqidagi xabarnoma

50

2.

Qimmatbaho metallar va qimmatbaho toshlar bilan ishlashni boshlaganlik yoki tugatganlik haqidagi xabarnoma

25

3.

Zargarlik buyumlari va qimmatbaho metallar hamda qimmatbaho toshlardan yasalgan boshqa buyumlarni sotish faoliyatini boshlaganlik yoki tugatganlik haqidagi xabarnoma

50

4.

Investitsiya maslahatchisi faoliyatini boshlaganlik yoki tugatganlik haqidagi xabarnoma

50

5.

Qoʻshimcha taʼlim faoliyatini boshlaganlik yoki tugatganlik haqidagi xabarnoma

50

6.

Kadrlar malakasini oshirish va ularni qayta tayyorlash faoliyatini boshlaganlik yoki tugatganlik haqidagi xabarnoma

75

9.

Qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish faoliyatini boshlaganlik yoki tugatganlik haqidagi xabarnoma

50

10.

Avtomototransport vositasi konstruksiyasini va (yoki) uning qismini oʻzgartirish bilan bogʻliq faoliyatni boshlaganlik yoki tugatganlik haqidagi xabarnoma

50

11.

Umumiy ovqatlanish korxonalari va koʻngilochar obyektlarning tungi vaqtda faoliyat yuritishni boshlaganligi yoki tugatganligi haqidagi xabarnoma

25

12.

Avtovokzal (avtostansiya) faoliyatini boshlaganlik yoki tugatganlik haqidagi xabarnoma

50

13.

Qurilish-montaj ishlarini boshlaganlik haqidagi xabarnoma

25

 131.

 Obyektlarning murakkablik toifalari klassifikatori boʻyicha I toifadagi arxitektura-shaharsozlik hujjatlarini ishlab chiqish faoliyatini boshlaganlik yoki tugatganlik haqida xabarnoma

 50

14.

Veterinariya davolash-profilaktika faoliyatini boshlaganlik yoki tugatganlik haqidagi xabarnoma

25

16.

Geodeziya va kartografiya faoliyatini boshlaganlik yoki tugatganlik haqidagi xabarnoma

75

17.

Pivo va pivo ichimliklari ishlab chiqarish va ulgurji savdo qilish faoliyatini boshlaganlik yoki tugatganlik toʻgʻrisida xabarnoma

75

18.

Alkogolli mahsulotlar bilan chakana savdo qilishni boshlaganlik yoki tugatganlik haqidagi xabarnoma

25

19.

Umumiy ovqatlanish korxonalari tomonidan alkogolli mahsulotlarni sotish faoliyatini boshlaganlik yoki tugatganlik haqidagi xabarnoma

25

20.

Noshirlik faoliyatini boshlaganlik yoki tugatganlik haqidagi xabarnoma

25

21.

Matbaa korxonalarini tashkil etganlik yoki tugatganlik haqidagi xabarnoma

50

22.

Mehnatni muhofaza qilish sohasidagi xizmatlar bozorining professional ishtirokchilari faoliyatini boshlaganlik yoki tugatganlik haqidagi xabarnoma

50

23.

Yuqori chastotali qurilmalardan foydalanishni boshlaganlik va tugatganlik haqidagi xabarnoma

75

24.

Yuridik maslahat xizmatlarini koʻrsatuvchi tijorat tashkiloti faoliyatini boshlaganlik yoki tugatganlik haqida xabarnoma

25

25.

Turagentlik faoliyatini boshlaganlik yoki tugatganlik haqida xabarnoma

75

26.

Milliy muzey fondi tarkibiga kiritilgan muzey ashyolari va muzey kolleksiyalarini tasarrufdan chiqarish yoki universal huquqiy vorislik tartibida yoxud boshqa usulda bir shaxsdan ikkinchi shaxsga oʻtkazganlik haqidagi xabarnoma

75

27.

Nodavlat arxivning faoliyati boshlanganligi yoki tugatilganligi toʻgʻrisidagi xabarnoma

75

28.

Bojxona brokeri faoliyatini boshlaganlik yoki tugatganlik toʻgʻrisidagi xabarnoma

20

29.

Xalqaro kuryerlik joʻnatmalarini yetkazib berish boʻyicha faoliyatni boshlaganlik yoki tugatganlik haqidagi xabarnoma

20

 30.

 Transport vositalarini texnik koʻrikdan oʻtkazish boʻyicha faoliyatni boshlaganlik yoki tugatganlik haqida xabarnoma

 50

 31.

 Elektron tijorat operatorlari faoliyatini boshlaganlik yoki tugatganlik toʻgʻrisida xabarnoma

20 

(4-ilova Oʻzbekiston Respublikasining 2026-yil 25-martdagi OʻRQ-1124-sonli, 2026-yil 22-iyundagi OʻRQ-1154-sonli qonunlari tahririda — Qonunchilik maʼlumotlari milliy bazasi, 27.03.2026-y., 03/26/1124/0277-son; 23.06.2026-y., 03/26/1154/0618-son. OʻRQ-1124-son kuchga kirish sanasi — 2026-yil 28-iyun; OʻRQ-1154-son Qonuni bilan toʻldirilgan 31-pozitsiyaning kuchga kirish sanasi — 2026-yil 24-sentabr)
(Qonunchilik maʼlumotlari milliy bazasi, 15.07.2021-y., 03/21/701/0674-son; 21.04.2022-y., 03/22/765/0332-son, 25.05.2022-y., 03/22/771/0448-son; 07.02.2023-y., 03/23/816/0075-son, 15.03.2023-y., 03/23/823/0150-son; 03.07.2023-y., 03/23/850/0439-son; 07.09.2023-y., 03/23/866/0683-son; 16.11.2023-y., 03/23/878/0852-son; 29.11.2023-y., 03/23/880/0905-son; 16.01.2024-y., 03/24/896/0037-son; 18.01.2024-y., 03/24/898/0046-son; 07.02.2024-y., 03/24/905/0106-son; 26.02.2024-y., 03/24/912/0147-son; 04.07.2024-y., 03/24/935/0470-son; 08.08.2024-y., 03/24/939/0595-son; 09.09.2024-y., 03/24/956/0687-son; 09.09.2024-y., 03/24/957/0689-son; 15.01.2025-y., 03/25/1017/0033-son; 21.01.2025-y., 03/25/1020/0053-son; 12.02.2025-y., 03/25/1026/0131-son; 21.02.2025-y., 03/25/1034/0165-son; 26.03.2025-y., 03/25/1050/0276-son; 17.04.2025-y., 03/25/1057/0351-son; 18.04.2025-y., 03/25/1058/0355-son; 18.04.2025-y., 03/25/1059/0357-son; 05.05.2025-y., 03/25/1062/0410-son; 17.05.2025-y., 03/25/1063/0445-son; 24.10.2025-y., 03/25/1091/0969-son; 28.11.2025-y., 03/25/1099/1104-son; 17.12.2025-y., 03/25/1102/1173-son; 13.01.2026-y., 03/26/1111/0037-son; 15.01.2026-y., 03/26/1113/0046-son; 09.02.2026-y., 03/26/1118/0120-son; 27.03.2026-y., 03/26/1124/0277-son; 28.03.2026-y., 03/26/1126/0279-son; 20.05.2026-y., 03/26/1146/0514-son; 23.06.2026-y., 03/26/1154/0618-son; 14.07.2026-y., 03/26/1158/0727-son; 14.08.2026-y., 03/26/1164/0838-son)