Oʻzbekiston Respublikasi Prezidentining 2019-yil 14-yanvardagi PF-5630-son “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi Farmoni va Oʻzbekiston Respublikasi Prezidentining 2019-yil 24-yanvardagi PQ-4127-son “Oʻzbekiston Respublikasi Kapital bozorini rivojlantirish agentligi faoliyatini tashkil etish toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi tomonidan 1997-yil 31-martda (roʻyxat raqami 320, 1997-yil 2-aprel) tasdiqlangan Qimmatli qogʻozlarning hosilalarini chiqarish va muomalada boʻlish tartibiga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1.2-bandning oʻninchi xatboshisi quyidagi tahrirda bayon etilsin:

“Agentlik — Oʻzbekiston Respublikasi Kapital bozorini rivojlantirish agentligi.”.

2. 2.9-bandning toʻqqizinchi xatboshisidan, 2.13-bandning oʻninchi xatboshisidan, 2.16-bandning oʻninchi xatboshisidan “va muhrini” degan soʻzlar chiqarib tashlansin.

3. 3.1 va 3.2-bandlardagi “Markazning” degan soʻz “Agentlikning” degan soʻz bilan almashtirilsin.

4. 3.7-bandi oltinchi xatboshisidagi rus tilidagi matnida “Sentra” degan soʻz “registriruyuщego organa” degan soʻzlar bilan almashtirilsin.

5. 4.5-banddan “va muhr bilan tasdiqlanadi (yuridik shaxslar uchun)” degan soʻzlar chiqarib tashlansin.

6. 5.2-banddagi “Markaz” degan soʻz “Agentlik” degan soʻz bilan almashtirilsin.

7. 5.4-banddagi “Markazga” degan soʻz “Agentlikka” degan soʻz bilan almashtirilsin.