toggle_night_mode
Hujjat kuchini yo‘qotgan 01.09.2020
Hujjat 25.03.2019 sanasi holatiga
Amaldagi versiyaga o‘tish
Oʻzbekiston Respublikasi Markaziy banki Boshqaruvining
Qarori
Tijorat banklari tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida
[Oʻzbekiston Respublikasi Adliya vazirligi tomonidan 2019-yil 25-martda roʻyxatdan oʻtkazildi, roʻyxat raqami 511-12]
 LexUZ sharhi
Mazkur qaror Oʻzbekiston Respublikasi Markaziy banki boshqaruvining 2020-yil 29-avgustdagi 18/5-sonli “Oʻzbekiston Respublikasida valyuta operatsiyalarini amalga oshirish qoidalarini tasdiqlash toʻgʻrisida”gi qaroriga (roʻyxat raqami 3281, 31.08.2020-y.) asosan 2020-yil 1-sentabrdan oʻz kuchini yoʻqotadi.
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Valyutani tartibga solish toʻgʻrisida”gi qonunlariga muvofiq, Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvi tomonidan 1998-yil 5-sentabrda 232-son bilan tasdiqlangan Tijorat banklari tomonidan chet el valyutasidagi hisobvaraqlarni yuritish tartibiga (roʻyxat raqami 511, 1998-yil 22-oktabr) ilovaga muvofiq oʻzgartirish va qoʻshimchalar kiritilsin.
2. Ushbu qaror rasmiy eʼlon qilingan kundan eʼtiboran kuchga kiradi.
Markaziy bank raisi M. NURMURATOV
Toshkent sh.,
2019-yil 16-fevral,
3/6-son
Oʻzbekiston Respublikasi Markaziy banki Boshqaruvining 2019-yil 16-fevraldagi 3/6-son qaroriga
ILOVA
Tijorat banklari tomonidan chet el valyutasidagi hisobvaraqlarni yuritish tartibiga kiritilayotgan oʻzgartirish va qoʻshimchalar
1. 3.1-bandda:
quyidagi mazmundagi toʻrtinchi xatboshi bilan toʻldirilsin:
“uyushgan savdolarda jamiyat aksiyalarini sotib olishni (sotishni) amalga oshiruvchilarga;”;
toʻrtinchi xatboshi beshinchi xatboshi deb hisoblansin.
2. 3.2-band quyidagi mazmundagi “b1” kichik band bilan toʻldirilsin:
“b1) vakolatxona tashkil etgan norezident — yuridik shaxsning Oʻzbekiston Respublikasidagi investitsion faoliyati natijasida olingan dividendlari va boshqa daromadlari;”.
3. 4.6-bandning “d” kichik bandi quyidagi tahrirda bayon etilsin:
“d) hisobvaraq egasining Oʻzbekiston Respublikasining boshqa banklarida ochilgan hisobvaraqlariga oʻtkazilishi, shuningdek amaldagi qonun hujjatlarida nazarda tutilgan boshqa maqsadlarda foydalanilishi mumkin.”.
4. 5.2-band quyidagi mazmundagi xatboshi bilan toʻldirilsin:
“doimiy muassasa tashkil etgan norezident — yuridik shaxsning Oʻzbekiston Respublikasidagi investitsion faoliyati natijasida olingan dividendlari va boshqa daromadlari.”.
5. 5.3-bandda:
quyidagi mazmundagi toʻrtinchi xatboshi bilan toʻldirilsin:
“Oʻzbekiston Respublikasi hududidan tashqaridagi hisobvaraqlariga oʻtkazilishi;”;
toʻrtinchi xatboshi beshinchi xatboshi deb hisoblansin.
6. VI boʻlim nomi va 6.1-band “savdolarida qatnashuvchi” degan soʻzlardan keyin “va uyushgan savdolarda jamiyat aksiyalarini sotib olishni (sotishni) amalga oshiruvchi” degan soʻzlar bilan toʻldirilsin.
7. 6.2-bandda:
quyidagi mazmundagi uchinchi xatboshi bilan toʻldirilsin:
“uyushgan savdolarda aksiyalarni sotib olishdan (sotishdan) tushgan mablagʻlar;”;
uchinchi xatboshi toʻrtinchi xatboshi deb hisoblansin.
(Qonun hujjatlari maʼlumotlari milliy bazasi, 25.03.2019-y., 10/19/511-12/2814-son)