1.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.03.00.00 Ijtimoiy taʼminot va ijtimoiy sugʻurtani moliyalashtirish / 06.03.08.00 Alohida toifadagi xodimlarni ijtimoiy sugʻurta qilish]
[TSZ:
1.Moliya / Sugʻurta]
Oʻzbekiston Respublikasi Vazirlar Mahkamasining
qarori
Transport vositalari egalarining fuqarolik javobgarligini majburiy sugʻurta qilishni yanada takomillashtirish chora-tadbirlari toʻgʻrisida
Transport vositalari egalarining fuqarolik javobgarligini majburiy sugʻurta qilish tizimini umuman va uning bevosita ish amaliyoti mexanizmlarini takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi, Axborot texnologiyalari va kommunikatsiyalarini rivojlantirish vazirligi va Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasining (keyingi oʻrinlarda — Jamgʻarma deb ataladi) onlayn tartibida faoliyat yurituvchi transport vositalari egalarining fuqarolik javobgarligining majburiy sugʻurta qilish boʻyicha yagona axborot tizimini (keyingi oʻrinlarda — yagona axborot tizimi deb ataladi) ishlab chiqish va joriy etish toʻgʻrisidagi taklifiga rozilik berilsin.
2. Jamgʻarma:
Oʻzbekiston Respublikasi Moliya vazirligi, Ichki ishlar vazirligi, Axborot texnologiyalari va kommunikatsiyalarini rivojlantirish vazirligi, Moliya vazirligi huzuridagi budjetdan tashqari Pensiya jamgʻarmasi va boshqa manfaatdor vazirliklar va idoralar bilan birgalikda bir oy muddatda sugʻurta siri toʻgʻrisidagi qonunchilikda belgilangan talablarga qatʼiy rioya qilgan holda idoralararo elektron bogʻlanish tizimi boʻyicha texnik topshiriqni ishlab chiqilishini va tasdiqlanishini;
LexUZ sharhi
Qarang: Oʻzbekiston Respublikasi “Sugʻurta faoliyati toʻgʻrisida”gi Qonunining 62-moddasi.
uch oy muddatda — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda Oʻzbekiston Respublikasi Ichki ishlar vazirligi, Moliya vazirligi huzuridagi budjetdan tashqari Pensiya jamgʻarmasining axborot tizimlari va boshqa manfaatdor vazirliklar va idoralarning axborot tizimlari, jismoniy va yuridik shaxslarning markaziy maʼlumotlar bazasi bilan integratsiyalashuvini hisobga olgan holda yagona axborot tizimi joriy etilishini taʼminlasin.
3. Belgilansinki:
yagona axborot tizimini yaratishni moliyalashtirish manbai Jamgʻarma mablagʻlari hisoblanadi;
majburiy sugʻurta boʻyicha faoliyatni amalga oshiruvchi sugʻurta tashkilotlari majburiy sugʻurta boʻyicha ishonchli maʼlumotlar yagona axborot tizimiga oʻz vaqtida kiritilishini Jamgʻarma bilan tuzilgan, shu jumladan sugʻurta tashkilotlarining ushbu majburiyatni bajarmaslik oqibatida kelib chiqadigan javobgarlik choralarini nazarda tutuvchi kelishuv shartlariga asosan taʼminlaydilar.
4. Ushbu qaror kuchga kirgan kundan boshlab majburiy sugʻurta boʻyicha sugʻurta polislarining yangi namunadagi blankalari muomalaga kiritilsin.
Bunda ilgari berilgan muomaladagi majburiy sugʻurta boʻyicha sugʻurta polislarining amal qilish muddati tugagunga qadar haqiqiy hisoblanadi.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
5. Vazirlar Mahkamasining “Transport vositalari egalarining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2008-yil 24-iyundagi 141-son qaroriga (Oʻzbekiston Respublikasi QT, 2008-y., 6-son, 32-modda) 1-ilovaga muvofiq oʻzgartirish va qoʻshimchalar kiritilsin.
6. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
7. Oʻzbekiston Milliy teleradiokompaniyasi, Oʻzbekiston Milliy axborot agentligi Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi va majburiy sugʻurta boʻyicha faoliyatni amalga oshiruvchi sugʻurta tashkilotlari bilan birgalikda ushbu qarorning mohiyati va ahamiyati ommaviy axborot vositalarida keng yoritilishini tashkil etsin.
8. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda bir oy muddatda ular qabul qilgan normativ-huquqiy hujjatlarni ushbu qarorga muvofiqlashtirsin.
9. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 16-mart,
222-son
Vazirlar Mahkamasining 2019-yil 16-martdagi 222-son qaroriga 1-ILOVA
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
Vazirlar Mahkamasining “Transport vositalari egalarining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2008-yil 24-iyundagi 141-son qaroriga kiritilayotgan oʻzgartirish va qoʻshimchalar
1. Transport vositalari egalarining fuqarolik javobgarligini majburiy sugʻurta qilish (keyingi oʻrinlarda majburiy sugʻurta qilish deb ataladi) boʻyicha sugʻurta puli — 40 million soʻm miqdorda;
kompensatsiya toʻlovi — jabrlanuvchi ishtirokidagi yoʻl-transport hodisasi kunida belgilangan sugʻurta summasidan koʻp boʻlmagan miqdorda belgilansin”.
“20. Jamgʻarma bilan yozma bitim tuzish uchun sugʻurtalovchi Jamgʻarmaga ariza, belgilangan miqdorda bir yoʻla toʻlanadigan badal toʻlanganligini tasdiqlovchi toʻlov topshiriqnomasi nusxasini taqdim etishi shart”.
“31. Jamgʻarmaning ijro etuvchi organi uning Direksiyasi hisoblanadi. Direksiya joriy rahbarlikni amalga oshiradi va Jamgʻarma faoliyati uchun javob beradi. Jamgʻarma direksiyasining tuzilmasi va Jamgʻarma xodimlarining cheklangan soni Oʻzbekiston Respublikasi Vazirlar Mahkamasi tomonidan tasdiqlanadi. Jamgʻarma direksiyasiga Jamgʻarma kuzatuv kengashi tomonidan tayinlanadigan direktor boshchilik qiladi”.
“maxsus vakolatli organ bilan kelishgan holda sugʻurtalovchi bilan Jamgʻarma oʻrtasida tuzilgan aʼzolik bitimi amal qilishini tugatish zarurligi toʻgʻrisida kuzatuv kengashiga taklif kiritadi”;
“Daromadlar va xarajatlarning yillik prognozlari, shu jumladan, Jamgʻarmaning xarajatlar smetasi kuzatuv kengashi tomonidan kelgusi yilning 10-fevraliga qadar tasdiqlanadi”;
quyidagi mazmundagi uchinchi xatboshi qoʻshilsin:
“Bunda Jamgʻarmaning xarajatlar smetasi tasdiqlangunga qadar xarajatlar summasi oldingi moliya yilining oxirgi choragidagi xarajatlar summasidan oshib ketmasligi kerak va qonunchilikda belgilangan tadbirlarni amalga oshirish uchun xarajatlar summasi hisobga olingan holda tuzatish kiritilishi mumkin.”;
3. 3-ilova matni quyidagi tahrirda bayon qilinsin:
“Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi direksiyasining tuzilmasi
Boshqaruv xodimlarining cheklangan soni — 19 shtat birligi.
Jamgʻarma Kuzatuv kengashi zarur hollarda boshqaruv xodimlarining belgilangan soni va mehnatga haq toʻlash fondi doirasida Jamgʻarma direksiyasi tuzilmasiga oʻzgartirishlar kiritish huquqiga ega.”.
“Sugʻurta polisi va maxsus davlat belgisi blankasi qatʼiy hisobda turadigan hujjatlar hisoblanadi, ular hisobga olish seriyasiga, tartib raqamiga va himoyalanganlikning kamida 4 ta darajasiga ega boʻlishi kerak. Sugʻurta polisi va maxsus davlat belgisi blankalari sugʻurtalovchining buyurtmasi boʻyicha “Davlat belgisi” davlat ishlab chiqarish birlashmasida bosmaxona usulida, ushbu Qoidalarga 1, 1a va 2-ilovalarga binoan sugʻurta polisi namunasiga hamda maxsus davlat belgisi shakliga muvofiq tayyorlanadi”.
“Majburiy sugʻurta shartnomasini tuzish uchun sugʻurta qildiruvchi sugʻurtalovchiga ushbu Qoidalarga 3-ilovaga muvofiq shakl boʻyicha ariza-anketada koʻrsatilgan majburiy sugʻurta shartnomasini tuzish toʻgʻrisidagi ariza-anketani har bir transport vositasi boʻyicha taqdim etadi, shuningdek, ariza-anketa maʼlumotlari bilan ularni solishtirish uchun quyidagi hujjatlarning asl nusxalarini taqdim qiladi:”
“Sugʻurtalovchi majburiy sugʻurta boʻyicha zarur maʼlumotlar yagona axborot maʼlumotlar bazasida mavjud boʻlgan taqdirda sugʻurta qildiruvchidan yuqorida qayd etilgan hujjatlarni talab etmasdan majburiy sugʻurta shartnomasini tuzishga haqlidir”.
“Sugʻurtalovchi yagona axborot maʼlumotlar bazasidan transport vositasini boshqarishga qoʻyilgan shaxs boʻyicha majburiy sugʻurta toʻgʻrisidagi maʼlumotlarni olish huquqiga ega”;
“Sugʻurta qildiruvchi tomonidan avval toʻlangan sugʻurta mukofoti stavkasiga taʼsir koʻrsatmaydigan majburiy sugʻurta shartnomasini tuzishda taqdim etilgan maʼlumotlardagi oʻzgarishlar (transport vositasini boshqarishga qoʻyilgan shaxsning oʻzgarishidan tashqari) toʻgʻrisidagi arizani olgan taqdirda sugʻurtalovchi amaldagi majburiy sugʻurta boʻyicha sugʻurta polisining “Alohida qaydlar” ustuniga oʻzgartirishlar kiritadi.
Boshqa hollarda sugʻurtalovchi tomonidan 3 ish kuni mobaynida majburiy sugʻurta boʻyicha sugʻurta polisi va maxsus davlat belgisi qayta rasmiylashtiriladi.
Sugʻurta qildiruvchi qayta rasmiylashtirilgan majburiy sugʻurta boʻyicha sugʻurta polisi va maxsus davlat belgisini olgan taqdirda, u ilgari berilgan majburiy sugʻurta boʻyicha sugʻurta polisini va maxsus davlat belgisini qaytarib berishi shart. Sugʻurta qildiruvchi tomonidan qaytarib berilgan majburiy sugʻurta boʻyicha sugʻurta polisi va maxsus davlat belgisi qayta rasmiylashtirilgan hujjatlarning ikkinchi nusxalari bilan birga sugʻurtalovchida saqlanadi”.
d) 20-bandga quyidagi mazmundagi xatboshi bilan qoʻshilsin:
“Bunda sugʻurta qildiruvchiga qaytarilishi lozim boʻlgan sugʻurta mukofotining bir qismi sugʻurta qildiruvchining arizasiga muvofiq yangi tuzilgan majburiy sugʻurta shartnomasi boʻyicha sugʻurta mukofoti hisobiga oʻtkazilishi mumkin”;
“28. Majburiy sugʻurta shartnomasi boʻyicha sugʻurta mukofotini hisoblash sugʻurtalovchi tomonidan majburiy sugʻurta shartnomasini tuzish toʻgʻrisidagi ariza-anketada sugʻurta qildiruvchi tomonidan koʻrsatilgan maʼlumotlardan, shuningdek, ushbu Qoidalarga 4-ilovaga muvofiq shakl boʻyicha taqdim etilgan maʼlumotlardan yoki sugʻurtalovchida mavjud boʻlgan, hujjatlar asosida tasdiqlangan maʼlumotlardan yoxud majburiy sugʻurta toʻgʻrisida yagona axborot bazasidan olingan maʼlumotlardan kelib chiqqan holda amalga oshiriladi”;
“Jabrlanuvchi yoki uning merosxoʻri (agar jabrlanuvchining ahvoli mustaqil ravishda murojaat qilishga imkon bermasa, qarindoshlari yoki boshqa vakolatli vakillar) yoxud uning huquqiy vorisi sugʻurta toʻlovi toʻgʻrisidagi talab koʻrsatilgan arizani quyidagilarning asli yoki nusxalari ilova qilingan holda sugʻurtalovchiga yoki uning filialiga yuboradi:”
k) Qoidalarga 1-ilova matni quyidagi tahrirda bayon qilinsin:
“Haydovchilar soni cheklangan holda foydalanish sharti bilan rasmiylashtirilgan transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi blankasi namunasi (Transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi blankasining old tomoni)
Oʻzbekiston Respublikasi Davlat gerbi tasviri Izobrajeniye Gosudarstvennogo gerba Respubliki Uzbekistan
Seriya _____ № _________________
Transport vositalari egalarining fuqarolik javobgarligini majburiy sugʻurta qilish boʻyicha haydovchilar soni cheklangan holda foydalanish sharti bilan rasmiylashtirilgan SUGʻURTA POLISI STRAXOVOY POLIS po obyazatelnomu straxovaniyu grajdanskoy otvetstvennosti vladelsev transportnix sredstv, oformlenniy na usloviyax ispolzovaniya ogranichennim kolichestvom voditeley Sugʻurta polisining amal qilish muddati/ Period deystviya straxovogo polisa:
s “___” __________ 20__ y./g. dan po “___” __________ 20__ y./g. gacha
1.
__________________________________________________________________________________________________ (Sugʻurtalovchining toʻliq nomi va rekvizitlari/Polnoye naimenovaniye i rekviziti straxovshika)
2.
__________________________________________________________________________________________________ (Sugʻurta qildiruvchining toʻliq nomi (F.I.Sh.) va rekvizitlari/Polnoye naimenovaniye (F.I.O.) i rekviziti straxovatelya)
3.
Sugʻurta qildiruvchining telefon raqami/Nomer telefona straxovatelya:
-
-
-
-
-
-
-
-
-
-
-
-
4.
Transport vositasi toʻgʻrisidagi maʼlumotlar/Svedeniya o transportnom sredstve:
Markasi va modeli/ Marka i model
Ishlab chiqarilgan yili/ God vipuska
Dvigatel raqami/ Nomer dvigatelya
Kuzov (shassi) raqami/ Nomer kuzova (shassi)
Davlat raqami belgisi/ Gosudarstvenniy registratsionniy nomer
5.
Sugʻurta qildiruvchining faoliyat turi/Vid deyatelnosti straxovatelya: _______________________________________
6.
Transport vositasidan ustun darajada foydalanish hududi/Territoriya preyimushestvennogo ispolzovaniya transportnogo sredstva: _____________________________________________________________________________
7.
Transport vositasini boshqarishga qoʻyilgan shaxslar/Litsa, dopushennie k upravleniyu transportnim sredstvom:
№
Faqat quyidagi haydovchilar:/ Tolko nijesleduyushiye voditeli:
Transport vositasidan foydalanishda jabrlanuvchining hayoti, sogʻligʻi va (yoki) mol-mulkiga zarar yetkazilganligi uchun mazkur sugʻurta polisiga muvofiq javobgarligi sugʻurtalangan shaxsning fuqarolik javobgarligi yuzaga kelishi ushbu sugʻurta polisi boʻyicha sugʻurta hodisasi hisoblanadi.
Straxovim sluchayem po nastoyashemu straxovomu polisu yavlyayetsya nastupleniye grajdanskoy otvetstvennosti litsa, otvetstvennost kotorogo zastraxovana v sootvetstvii s nastoyashim straxovim polisom, za prichineniye vreda jizni, zdorovyu i (ili) imushestvu poterpevshix pri ispolzovanii transportnogo sredstva.
10.
Sugʻurtalovchining pochta manzili, shuningdek uning barcha filiallari, ular bilan aloqa vositalari va ularning ish vaqti toʻgʻrisidagi maʼlumotlar/Svedeniya o pochtovom adrese straxovshika, vsex yego filialov, sredstvax svyazi s nimi i o rejime ix raboti;
Hudud/Region
Hududiy boʻlinmalar nomi/Naimenovaniye regionalnix podrazdeleniy
Manzil va telefon raqami/ Adress i nomer telefona
11.
Seriya ___ №____ maxsus davlat belgisi berilgan/Vidan spetsialniy gosudarstvenniy znak serii ____ №___.
Izoh. Transport vositasi va (yoki) sugʻurta qildiruvchining yoki mazkur sugʻurta polisiga muvofiq javobgarligi sugʻurtalangan shaxs toʻgʻrisidagi yangi maʼlumotlarni kiritish uchun. Primechaniye. Dlya vneseniya novoy informatsii o transportnom sredstve i (ili) straxovatele ili litse, otvetstvennost kotorogo zastraxovana v sootvetstvii s nastoyashim straxovim polisom.
Sugʻurtalovchining rahbari yoki vakolatli shaxsi/ Rukovoditel ili upolnomochennoye litso straxovshika
-------------------------- Sugʻurta polisi blankasi tavsifi: Sugʻurta polisi blankalari A5 (210 — 148 mm) formatida tayyorlanadi. Sugʻurta polisi blankasi fonining rangi moviy (rgb(113, 228, 255) yoki (NEX #71e4ff)”;
l) Qoidalarga 1a-ilova qoʻshilsin:
“Haydovchilar soni cheklanmagan holda foydalanish sharti bilan rasmiylashtirilgan transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi blankasi namunasi (Transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi blankasining old tomoni)
Oʻzbekiston Respublikasi Davlat gerbi tasviri Izobrajeniye Gosudarstvennogo gerba Respubliki Uzbekistan
Seriya _____ № _________________
Transport vositalari egalarining fuqarolik javobgarligini majburiy sugʻurta qilish boʻyicha haydovchilar soni cheklanmagan holda foydalanish sharti bilan tuzilgan SUGʻURTA POLISI STRAXOVOY POLIS po obyazatelnomu straxovaniyu grajdanskoy otvetstvennosti vladelsev transportnix sredstv, oformlenniy na usloviyax ispolzovaniya bez ogranicheniya kolichestva voditeley Sugʻurta polisining amal qilish muddati Period deystviya straxovogo polisa:
s “___” __________ 20__ y./g. dan po “___” __________ 20__ y./g. gacha
1.
__________________________________________________________________________________________________ (Sugʻurtalovchining toʻliq nomi va rekvizitlari/Polnoye naimenovaniye i rekviziti straxovshika)
2.
__________________________________________________________________________________________________ (Sugʻurta qildiruvchining toʻliq nomi (F.I.Sh.) va rekvizitlari/ Polnoye naimenovaniye (F.I.O.) i rekviziti straxovatelya)
3.
Sugʻurta qildiruvchining telefon raqami/Nomer telefona straxovatelya:
-
-
-
-
-
-
-
-
-
-
-
-
4.
Transport vositasi toʻgʻrisidagi maʼlumotlar/Svedeniya o transportnom sredstve:
Markasi va modeli/ Marka i model
Ishlab chiqarilgan yili/ God vipuska
Dvigatel raqami/ Nomer dvigatelya
Kuzov (shassi) raqami/ Nomer kuzova (shassi)
Davlat raqami belgisi/ Gosudarstvenniy registratsionniy nomer
5.
Sugʻurta qildiruvchining faoliyat turi/Vid deyatelnosti straxovatelya: _______________________________________
6.
Transport vositasidan ustun darajada foydalanish hududi/Territoriya preyimushestvennogo ispolzovaniya transportnogo sredstva: _____________________________________________________________________________
(Transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi blankasining orqa tomoni)
7.
Sugʻurta summasi va sugʻurta mukofoti/Straxovaya summa i straxovaya premiya.
Koʻrsatkichlar/Pokazateli
Son bilan/Siframi
Soʻz bilan/Propisyu
Sugʻurta summasi / Straxovaya summa
Sugʻurta mukofoti / Straxovaya premiya
Sugʻurta mukofoti boʻyicha siylov/ Skidka po straxovoy premii
Transport vositasidan foydalanishda jabrlanuvchining hayoti, sogʻligʻi va (yoki) mol-mulkiga zarar yetkazilganligi uchun qonun hujjatlariga muvofiq uni boshqarayotgan shaxsning fuqarolik javobgarligi yuzaga kelishi ushbu sugʻurta polisi boʻyicha sugʻurta hodisasi hisoblanadi.
Straxovim sluchayem po nastoyashemu straxovomu polisu yavlyayetsya nastupleniye grajdanskoy otvetstvennosti litsa, upravlyayushego transportnim sredstvom v sootvetstvii s zakonodatelstvom, za prichineniye vreda jizni, zdorovyu i (ili) imushestvu poterpevshix pri upravlenii im.
9.
Sugʻurtalovchining pochta manzili, shuningdek uning barcha filiallari, ular bilan aloqa vositalari va ularning ish vaqti toʻgʻrisidagi maʼlumotlar/svedeniya o pochtovom adrese straxovshika, vsex yego filialov, sredstvax svyazi s nimi i o rejime ix raboti;
Hudud/Region
Hududiy boʻlinmalar nomi/Naimenovaniye regionalnix podrazdeleniy
Manzil va telefon raqami/ Adress i nomer telefona
10.
Seriya ___ №____ maxsus davlat belgisi berilgan/Vidan spetsialniy gosudarstvenniy znak serii ____ №___.
Izoh. Transport vositasi va (yoki) sugʻurta qildiruvchining yoki mazkur sugʻurta polisiga muvofiq javobgarligi sugʻurtalangan shaxs toʻgʻrisidagi yangi maʼlumotlarni kiritish uchun. Primechaniye. Dlya vneseniya novoy informatsii po transportnomu sredstvu i (ili) straxovatele ili litse, otvetstvennost kotorogo zastraxovana v sootvetstvii s nastoyashim straxovim polisom.
Sugʻurtalovchining rahbari yoki vakolatli shaxsi/ Rukovoditel ili upolnomochennoye litso straxovshika
-------------------------- Sugʻurta polisi blankasi tasnifi: Sugʻurta polisi blankalari A5 hajmda tayyorlanadi (210 — 148 mm). Sugʻurta polisi blankasi asosiy rangi pushti rang (rgb(255, 201, 244) yoki NEX #ffc9f4)”;
m) Qoidalarga 2-ilova matni quyidagi tahrirda bayon qilinsin:
Maxsus davlat belgisi shakli
(Logotip) (Sugʻurtalovchining toʻliq nomi/Polnoye naimenovaniye straxovshika) Seriya ____№ __________ Transport vositasi egasining fuqarolik javobgarligi sugʻurtalangan/ Grajdanskaya otvetstvennost vladelsa transportnogo sredstva zastraxovana s “___” ________20__ y./g. dan po “___” ________ 20__ y./g. gacha Transport vositalari egalarining fuqarolik javobgarligini majburiy sugʻurta qilish boʻyicha sugʻurta polisi / Straxovoy polis po obyazatelnomu straxovaniyu grajdanskoy otvetstvennosti vladelsev transportnix sredstv ot “___” __________ 20___ y./g. Seriya ___ № _____
Maxsus davlat belgisi tasnifi: Maxsus davlat belgisi kengligi 8,5 santimetr, balandligi — 5 santimetrni tashkil etadi. Maxsus davlat belgisi foni rangi oq.
n) Qoidalarga 5-ilovaning 1, 2, 3, 4, 5, 6, 7, 8 va 9 bandlari quyidagi tahrirda bayon qilinsin:
“1. Transport vositalari egalarining fuqarolik javobgarligini majburiy sugʻurta qilish boʻyicha sugʻurta tariflarining yillik bazaviy stavkasi miqdori (sugʻurta summasining belgilangan miqdoriga nisbatan foizlarda).
T/r
Transport vositasi turi
Yillik bazaviy stavka, TB
1.
Yengil avtomobillar
0,1
2.
Yuk avtomobillari
0,12
3.
Avtobuslar va mikroavtobuslar
0,12
4.
Tramvaylar, mototsikillar va motorollyorlar, traktorlar, oʻziyurar yoʻl-qurilish mashinalari va boshqa mashinalar
0,04
2. Transport vositasidan koʻp foydalaniladigan hududga (roʻyxatdan oʻtkazish joyiga) koʻra sugʻurta tariflari koeffitsiyenti.
T/r
Transport vositasidan koʻp foydalaniladigan hudud (roʻyxatdan oʻtkazish joyi)
KT koeffitsiyenti
1.
Toshkent shahri va Toshkent viloyati
1,4
2.
Boshqalar
1,0
Izoh. Chet davlatlarda roʻyxatdan oʻtkazilgan va Oʻzbekiston Respublikasi hududida vaqtinchalik foydalanilayotgan transport vositalari egalari bilan majburiy sugʻurta shartnomasi tuzilganda KT — 1,4 koeffitsiyenti belgilanadi.
3. Transport vositasini boshqarishga qoʻyilgan shaxslar soni cheklanmagan holda transport vositalari egalarining fuqarolik javobgarligini majburiy sugʻurta qilish boʻyicha sugʻurta qilishda sugʻurta tariflari koeffitsiyenti — KBO (3)”
4. Oldingi davrlarda sugʻurta hodisalari sodir boʻlganligi yoki sodir boʻlmaganligiga qarab sugʻurta tariflari koeffitsiyenti.
T/r
Koʻrsatkich nomi
KBM koeffitsiyenti
1.
Oldingi majburiy sugʻurta shartnomasi amal qilish davrida yuz bergan bitta sugʻurta hodisasi
2,0
2.
Oldingi majburiy sugʻurta shartnomasi amal qilish davrida yuz bergan ikkita sugʻurta hodisasi
2,5
3.
Oldingi majburiy sugʻurta shartnomasi amal qilish davrida yuz bergan uch va undan koʻp sugʻurta hodisasi
3,0
Izohlar:
1) Birinchi marta, shuningdek oldingi majburiy sugʻurta shartnomasi amal qilish davrida sugʻurta hodisalari boʻlmasa majburiy sugʻurta shartnomasi tuzishda sugʻurta qildiruvchiga (transport vositasi egasiga) birga teng boʻlgan koeffitsiyent belgilanadi;
2) Agar transport vositasini boshqarishga bir necha shaxsga ruxsat berilgan boʻlsa, transport vositasini boshqarishga qoʻyilgan shaxslardan biriga muvofiq boʻlgan eng yuqori koeffitsiyent qoʻllaniladi.
5. Haydovchining stajiga koʻra sugʻurta tariflari koeffitsiyenti.
6. Transport vositasidan mavsumiy foydalanishga koʻra sugʻurta tariflari koeffitsiyenti.
Transport vositasidan foydalanish davri
KS koeffitsiyenti
6 oy
0,7
12 oy
1,0
Izoh. Keyingi qayd qilish joyigacha transport vositalari egalari uchun sugʻurta muddati 20 kungachani tashkil etadi. Bunday hollarda KP — 0,2 koeffitsiyent qoʻllaniladi.
7. Xorijiy davlatlarda roʻyxatdan oʻtkazilgan va Oʻzbekiston Respublikasi hududida vaqtincha foydalanilayotgan transport vositalari egalarining fuqarolik javobgarligini majburiy sugʻurta qilishda sugʻurta qilish muddatiga bogʻliq ravishda sugʻurta tariflari koeffitsiyenti.
Sugʻurta qilish muddati
KP koeffitsiyenti
15 kungacha
0,2
2 oy
0,4
12 oy
1,0
8. Qoida buzishlar mavjudligi koeffitsiyenti.
Sugʻurta qildiruvchida (transport vositasini boshqarishga qoʻyilgan boshqa shaxslarda) oxirgi 5 yilda quyida keltiriladigan qoida buzishlar sodir etilganda KN — 1,0 koeffitsiyenti qoʻllanadi:
— oʻtgan davrlarda sugʻurtalovchi soʻragan holatlar toʻgʻrisida sugʻurta qildiruvchi tomonidan maʼlumotlar qasddan buzib koʻrsatilganligi, bu toʻgʻri maʼlumotlar xabar berilgan taqdirda toʻlanishi kerak boʻlgan summaga nisbatan kamroq summada sugʻurta mukofoti toʻlanishiga olib kelganligi faktlarining mavjudligi;
— oʻtgan davrlarda sugʻurta qildiruvchi (majburiy sugʻurta shartnomasi boʻyicha fuqarolik javobgarligi sugʻurta qilingan boshqa shaxs) tomonidan sugʻurta hodisasi sodir boʻlishiga, shuningdek yetkazilgan zarar miqdori oshishiga ataylab koʻmaklashishga yoki sugʻurta toʻlovini koʻpaytirish maqsadida sugʻurta hodisasi sodir boʻlishi holatlarini qasddan buzib koʻrsatishga yoʻl qoʻyilishi;
— oʻtgan davrlarda regress talabi qoʻyilishiga asos boʻlgan holatlarda sugʻurta qildiruvchi (fuqarolik javobgarligi majburiy sugʻurta shartnomasi boʻyicha sugʻurta qilingan boshqa shaxs) tomonidan zarar yetkazish faktlarining mavjudligi.
Yuqorida koʻrsatib oʻtilgan qoida buzishlar mavjud boʻlmagan taqdirda KN — 1,0 koeffitsiyenti qoʻllanadi.
9. Haydovchining yoshiga koʻra sugʻurta tariflari koeffitsiyenti.
Sugʻurta polisida koʻrsatilgan haydovchining yoshi va kasbiga oid maʼlumotlar
KVZ koeffitsiyenti
22 yoshgacha
1,0
22 yoshdan katta
1,0
”.
Vazirlar Mahkamasining 2019-yil 16-martdagi 222-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan qarorlari
ROʻYXATI
1. Vazirlar Mahkamasining “Xorijiy avtotransport vositalarining Oʻzbekiston Respublikasi bojxona hududida boʻlishining qoʻshimcha shartlari toʻgʻrisida” 2000-yil 12-yanvardagi 11-son qarori (Oʻzbekiston Respublikasi QT, 2000-y., 1-son, 3-modda);
2. Vazirlar Mahkamasining “Tojikiston Respublikasi va Qirgʻiziston Respublikasi avtotransport vositalari haydovchilarining uchinchi shaxslar oldida Oʻzbekiston Respublikasida fuqarolik javobgarligi toʻgʻrisida” 2000-yil 18-fevraldagi 59-son qarori (Oʻzbekiston Respublikasi QT, 2000-y., 2-son, 9-modda).
(Qonun hujjatlari maʼlumotlari milliy bazasi, 16.03.2019-y., 09/19/222/2772-son)
LexUZ sharhi