Oʻzbekiston Respublikasining “Buxgalteriya hisobi toʻgʻrisida”gi Qonuni va Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2003-yil 23-dekabrdagi 131-son buyrugʻi (roʻyxat raqami 1297, 2004-yil 14-yanvar) (Oʻzbekiston Respublikasi qonun hujjatlari toʻplami, 2004-y., 1-2-son, 24-modda) bilan tasdiqlangan Buxgalteriya hisobida hujjatlar va hujjatlar aylanishi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 28-bandning uchinchi xatboshisidagi “muhrlashi, oʻz imzosi va muhri bilan tasdiqlashi (muhr mavjud boʻlgan taqdirda)” degan soʻzlar “imzo bilan tasdiqlashi” degan soʻzlar bilan almashtirilsin.

2. 38-bandning birinchi xatboshisidan “va muhr bilan tasdiqlanadi (muhr mavjud boʻlgan taqdirda)” degan soʻzlar chiqarib tashlansin.

3. 43-bandning uchinchi xatboshisi quyidagi tahrirda bayon etilsin:

“Olish-nazorat qilish varagʻining yuqoridagi chap burchagida varaq berilgan sana, korxona rahbari yoki u tomonidan qonun hujjatlarida oʻrnatilgan tartibda belgilanadigan shaxslar imzosi qoʻyiladi.”.