|
Hujjat kuchini yo‘qotgan 07.09.2020
|
Oʻzbekiston Respublikasi Vazirlar Mahkamasining
qarori
Davlat ekologik ekspertizasi toʻgʻrisidagi nizomni tasdiqlash haqida
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 7-sentabrdagi 541-sonli “Atrof-muhitga taʼsirni baholash mexanizmini yanada takomillashtirish toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yanada yaxshilash chora-tadbirlari toʻgʻrisida” 2018-yil 13-iyuldagi PQ-3852-son qarori ijrosini taʼminlash, shuningdek, tadbirkorlik subyektlarining faoliyatini rivojlantirish uchun yanada qulay sharoitlar va yuqori darajada qulay ishbilarmonlik muhitini yaratish borasida amalga oshirilayotgan islohotlar samaradorligini oshirish maqsadida Vazirlar Mahkamasi qaror qiladi:
1. Quyidagilar:
Davlat ekologik ekspertizasi toʻgʻrisidagi nizom 1-ilovaga muvofiq;
Davlat ekologik ekspertizasidan oʻtkaziladigan faoliyat turlarining roʻyxati 2-ilovaga muvofiq tasdiqlansin.
2. Belgilansinki, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi ixtisoslashtirilgan ekspert boʻlinmalarining ish yurituvida boʻlgan obyektlar avval amalda qoʻllanilgan tartibga muvofiq davlat ekologik ekspertizasidan oʻtkaziladi.
3. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi bir oy muddatda:
vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin;
ushbu qarorning maqsadlari, mazmuni va amaliy ahamiyatini tadbirkorlik subyektlari oʻrtasida keng yoritish tadbirlarining rejasini tasdiqlasin va uning belgilangan muddatlarda amalga oshirilishini taʼminlasin;
Oʻzbekiston Respublikasi Ekologiya va atrof-muhitni muhofaza qilish davlat qoʻmitasining “Davlat ekologik ekspertizasi markazi” davlat unitar korxonasi, “Qoraqalpogʻiston Respublikasining Davlat ekologik ekspertizasi markazi”, viloyatlar va Toshkent shahrining “Davlat ekologik ekspertizasi markazi” davlat unitar korxonalarining (keyingi oʻrinlarda davlat ekspertizasi markazlari deb ataladi) nizomlarini belgilangan tartibda tasdiqlasin, shuningdek, ularni yuqori malakali mutaxassislar bilan taʼminlasin;
Davlat ekologik ekspertizasi markazlarining budjetdan tashqari mablagʻlari hisobidan Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tizimi xodimlarining mehnatiga haq toʻlash hamda ularni moddiy ragʻbatlantirish tartibini tasdiqlasin.
4. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirishlar kiritilsin.
5. Oʻzbekiston Respublikasi Hukumatining 4-ilovaga muvofiq baʼzi qarorlari oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi Ekologiya va atrof-muhitni muhofaza qilish davlat qoʻmitasining raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-noyabr,
949-son
Vazirlar Mahkamasining 2018-yil 22-noyabrdagi 949-son qaroriga
1-ILOVA
1-ILOVA
Davlat ekologik ekspertizasi toʻgʻrisida
NIZOM
1-bob. Umumiy qoidalar
1. Mazkur Nizom “Ekologik ekspertiza toʻgʻrisida”gi Oʻzbekiston Respublikasi Qonuniga muvofiq davlat ekologik ekspertizasini oʻtkazish uchun taqdim etiladigan materiallarni davlat ekologik ekspertizasidan oʻtkazish tartibi va taomillarini belgilaydi.
2. Mazkur Nizomda quyidagi asosiy tushunchalar qoʻllaniladi:
davlat ekologik ekspertizasi — moʻljallanayotgan yoki amalga oshirilayotgan xoʻjalik va boshqa faoliyatning ekologik talablarga muvofiqligini va ekologik ekspertiza obyektini realizatsiya qilish mumkinligi yoki mumkin emasligini aniqlash maqsadida ixtisoslashtirilgan ekspert boʻlinmalari tomonidan oʻtkaziladigan ekologik ekspertiza turi;
buyurtmachi — amalga oshirilayotgan yoki moʻljallanayotgan xoʻjalik faoliyatini davlat ekologik ekspertizasidan oʻtkazish maqsadida materiallar va boshqa hujjatlarni taqdim etadigan yuridik yoki jismoniy shaxs;
moʻljallanayotgan xoʻjalik va boshqa faoliyat — tabiiy resurslardan foydalanishni nazarda tutadigan va bu jarayonda atrof tabiiy muhit komponentlariga taʼsir koʻrsatishi mumkin boʻlgan har qanday rejalashtirilgan faoliyat;
davlat ekologik ekspertizasi loyihalarini ishlab chiquvchi — davlat ekologik ekspertizasiga taqdim etiladigan materiallarni ishlab chiquvchi, tabiatni muhofaza qilish sohasida faoliyat olib boradigan xodimlarni qayta tayyorlash hamda ularning malakasini oshirish jarayonlaridan belgilangan tartibda oʻtgan yuridik yoki jismoniy shaxs;
ekologik talablar — tabiiy resurslardan oqilona foydalanishni taʼminlash, atrof-muhitga va fuqarolar sogʻligʻiga salbiy taʼsirning oldini olishga qaratilgan talablar.
3. Ekologik ekspertiza:
prognoz qilinayotgan xoʻjalik va boshqa faoliyatni amalga oshirish haqida qaror qabul qilishgacha boʻlgan bosqichda ushbu faoliyatning ekologik talablarga muvofiqligini;
atrof tabiiy muhitning holatiga va fuqarolar sogʻligʻiga salbiy taʼsir koʻrsatayotgan yoki taʼsir koʻrsatishi mumkin boʻlgan moʻljallanayotgan va amalga oshirilayotgan xoʻjalik hamda boshqa faoliyatning ekologik xavflilik darajasini;
atrof tabiiy muhitni muhofaza qilish va tabiiy resurslardan oqilona foydalanish boʻyicha nazarda tutilayotgan tadbirlarning yetarliligi va asosliligini aniqlash maqsadida oʻtkaziladi.
4. Davlat ekologik ekspertizasining buyurtmachilari Oʻzbekiston Respublikasi Ekologiya va atrof-muhitni muhofaza qilish davlat qoʻmitasining (keyingi oʻrinlarda Davlat ekologiya qoʻmitasi deb ataladi) ixtisoslashtirilgan tegishli ekspert boʻlinmalariga davlat ekologik ekspertizasini oʻtkazish materiallarini qonun hujjatlarida belgilangan tartibda batafsil koʻrib chiqish uchun taqdim etadi.
Davlat ekologik ekspertizasi mazkur Nizomga 1-ilovaga muvofiq tartibda tashkil etiladi va oʻtkaziladi.
Davlat ekologik ekspertizasini oʻtkazish tartibi mazkur Nizomga 2-ilovaga muvofiq sxema asosida amalga oshiriladi.
2-bob. Davlat ekologik ekspertizasi sohasidagi maxsus vakolatli davlat organi
5. Davlat ekologiya qoʻmitasi davlat ekologik ekspertizasi sohasidagi maxsus vakolatli davlat organi hisoblanadi.
Davlat ekologiya qoʻmitasi davlat ekologik ekspertizasini oʻtkazish maqsadida:
davlat ekologik ekspertizasini tashkil etadi va oʻtkazadi;
davlat va jamoat ekologik ekspertizasi, shuningdek, ekologik audit boʻyicha normativ-texnik va yoʻriqnoma-uslubiy hujjatlarni ishlab chiqadi hamda tasdiqlaydi;
davlat ekologik ekspertizasini oʻtkazish uchun ekspert va mutaxassislarni jalb qiladi;
bank va boshqa kredit tashkilotlariga davlat ekologik ekspertizasining ijobiy xulosasini olmagan obyektlarni moliyalashtirish, ularga kredit ajratish va boshqa moliyaviy operatsiyalarni toʻxtatish (tugatish) haqida taqdimnomalar yuboradi;
davlat ekologik ekspertizasi boʻyicha xulosa talablarining bajarilishini nazorat qiladi;
davlat ekologik ekspertizasini oʻtkazish masalalari boʻyicha boshqa mamlakatlarning tabiatni muhofaza qilish tashkilotlari va xalqaro tashkilotlar bilan hamkorlik qiladi;
qonun hujjatlariga muvofiq boshqa vakolatlarni amalga oshiradi.
3-bob. Davlat ekologik ekspertizasini oʻtkazishni tashkil qilish
6. Davlat ekologiya qoʻmitasining quyidagi ixtisoslashtirilgan ekspert boʻlinmalari davlat ekologik ekspertizasini oʻtkazadi:
Oʻzbekiston Respublikasi Ekologiya va atrof-muhitni muhofaza qilish davlat qoʻmitasining “Davlat ekologik ekspertizasi markazi” davlat unitar korxonasi (keyingi oʻrinlarda “Davlat ekologik ekspertizasi markazi” DUK deb ataladi);
“Qoraqalpogʻiston Respublikasi davlat ekologik ekspertizasi markazi” davlat unitar korxonasi;
viloyatlar va Toshkent shahar “Davlat ekologik ekspertizasi markazi” davlat unitar korxonalari.
Davlat ekologiya qoʻmitasi davlat ekologik ekspertizasining yagona tizimini tashkil etuvchi ixtisoslashtirilgan ekspert boʻlinmalariga uslubiy rahbarlik qiladi.
7. “Davlat ekologik ekspertizasi markazi” DUK quyidagi obyektlar boʻyicha:
atrof-muhitga taʼsir koʻrsatishni baholash — loyihaoldi va loyiha hujjatlarini, kengaytirilishi, rekonstruksiya qilishini va texnik qayta jihozlanishi lozim boʻlgan ishlab turgan korxonalar va boshqa obyektlar yoki atrof-muhitning holatiga va fuqarolar sogʻligiga salbiy taʼsir koʻrsatadigan texnologik jarayonni oʻzgartirishlarni, atrof-muhitga taʼsir koʻrsatishning I va II toifasiga kiradigan faoliyat turlari boʻyicha maxsus huquqiy rejimga ega obyektlarni (yuqori va oʻrtacha darajada xavfli);
I toifaga kiradigan (yuqori darajada xavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va isteʼmol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari;
hududlarga muhofaza qilinadigan tabiiy hududlar, favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallarini;
texnika, texnologiya, materiallar, moddalar, mahsulotlarning yangi turlarini yaratishga doir hujjatlarni;
davlat dasturlari va konsepsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sxemalarining loyihalarini;
aholisi soni 50 ming kishidan ortiq boʻlgan loyihalashtiriladigan obyektlarning shaharsozlik hujjatlarini;
tabiiy resurslardan foydalanish bilan bogʻliq xoʻjalik va boshqa faoliyatni tartibga soluvchi normativ-texnik va yoʻriqnoma-uslubiy hujjatlar (texnik reglamentlar yoki standartlar, ekologik normativlar, qoidalar, yoʻriqnomalar) loyihalarini davlat ekologik ekspertizasidan oʻtkazadi.
8. Qoraqalpogʻiston Respublikasi, viloyatlar va Toshkent shahar “Davlat ekologik ekspertizasi markazi” davlat unitar korxonalari quyidagi obyektlar boʻyicha:
atrof-muhitga taʼsir koʻrsatishni baholash — atrof-muhitning holatiga va fuqarolar sogʻligʻiga salbiy taʼsir koʻrsatadigan hamda atrof-muhitga taʼsir koʻrsatishning III va IV toifalariga kiradigan loyihaoldi va loyiha hujjatlarini, kengaytirilishi, rekonstruksiya qilishini va texnik qayta jihozlanishi lozim boʻlgan ishlab turgan korxonalar va boshqa obyektlarni yoki texnologik jarayonni oʻzgartirishlarni (past darajada xavfli va mahalliy taʼsir koʻrsatish);
aholisi soni 50 ming kishi va undan kam boʻlgan obyektlarning (posyolkalar, turar joy dahalari) shaharsozlik hujjatlarini;
muhofaza etiladigan tabiiy hududlarni boshqarish rejalarining loyihalarini;
atrof-muhitga taʼsir koʻrsatishning II, III toifasiga kiradigan (yuqori va past darajada xavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va isteʼmol chiqindilarining hosil boʻlishi hamda ularni joylashtirishning ekologik normativlari loyihalarini, shuningdek, IV toifa boʻyicha tegishli ekologik normativlarni (mahalliy taʼsir koʻrsatish) davlat ekologik ekspertizasidan oʻtkazadi.
9. Davlat ekologiya qoʻmitasining ixtisoslashtirilgan ekspert boʻlinmalari koʻrib chiqiladigan obyektning oʻziga xosligi va murakkabligiga qarab, davlat ekologik ekspertizasi uchun bitta yoki bir guruh malakali mutaxassislar va olimlarni, zarur boʻlganda, xulosalari tavsiya xususiyatiga ega boʻlgan xorijiy ekspertlarni shartnoma asosida jalb etishi mumkin.
10. Qurilishning barcha turlari uchun yer uchastkalarini ajratish (tanlash) materiallari loyihaoldi va loyiha hujjatlarining atrof-muhitga taʼsirini baholash bilan birgalikda davlat ekologik ekspertizasidan oʻtkaziladi.
11. Davlat ekologiya qoʻmitasining ixtisoslashtirilgan ekspert boʻlinmalari oʻzlariga yuklangan vazifalarga muvofiq:
“Ekologik ekspertiza toʻgʻrisida”, “Tabiatni muhofaza qilish toʻgʻrisida”gi Oʻzbekiston Respublikasi qonunlarida va Oʻzbekiston Respublikasining boshqa qonun hujjatlarida davlat ekologik ekspertizasidan oʻtkazilishi shartligi belgilangan obyektlarni davlat ekologik ekspertizasidan oʻtkazadi;
obyektlarni atrof-muhitga taʼsirni baholash boʻyicha taqdim etilgan materiallar, ekologik normativlar, loyihalar va boshqa hujjatlar asosida oʻrganadi, tahlil qiladi, davlat ekologik ekspertizasidan oʻtkazadi;
davlat ekologik ekspertizasining buyurtmachisini (uning soʻrovi boʻyicha) ekologik ekspertizaning borishi va uning natijalari toʻgʻrisida koʻrib chiqish muddati tamom boʻlgandan keyin bir ish kuni davomida xabardor qiladi;
davlat ekologik ekspertizasi xulosasini belgilangan tartibda beradi.
12. Davlat ekologiya qoʻmitasining ixtisoslashtirilgan ekspert boʻlinmalari:
vazirliklar, idoralar, tashkilotlar va davlat ekologik ekspertizasi buyurtmachilardan davlat ekologik ekspertizasini oʻtkazish uchun zarur boʻlgan maʼlumotlar, maʼlumotnomalar, axborot materiallari va boshqa materiallarni olish;
davlat ekologik ekspertizasiga taqdim etilgan va tabiatni muhofaza qilish toʻgʻrisidagi qonun hujjatlarining normativ hujjatlari talablariga javob bermaydigan materiallarni qayta ishlashga qaytarish;
ekologik ekspertizaga taqdim etilgan materiallarning ishonchliligini obyektning oʻziga borib aniqlash;
qonun hujjatlariga muvofiq faoliyatning boshqa turlarini amalga oshirish huquqiga ega.
13. Davlat ekologiya qoʻmitasining ixtisoslashtirilgan ekspert boʻlinmalari, shuningdek, ekspertlar davlat ekologik ekspertizasining qonun hujjatlariga muvofiq oʻz vaqtida, kompleks, xolis va sifatli oʻtkazilishini taʼminlash uchun masʼuldir.
4-bob. Atrof-muhitga taʼsirni baholash materiallarining tarkibi
14. Atrof-muhitga taʼsirni baholash bosqichlari quyidagilardan iborat boʻlishi kerak:
a) atrof-muhitga taʼsir toʻgʻrisidagi ariza loyihasi:
moʻljallanayotgan faoliyatni amalga oshirish boshlangunicha atrof-muhitning holati, hududda aholining joylashganligi, yerlarni oʻzlashtirish, atrof-muhit xususiyatlarini tahlil qilish;
koʻrib chiqilayotgan obyektning geografik koordinatalari, mavjud rekreatsiya zonalari, aholi punktlari, irrigatsiya, melioratsiya obyektlari, qishloq xoʻjaligi ekinlarining maydonlari, elektr uzatish liniyalari, transport, suv quvuri, gaz quvuri kommunikatsiyalari va joy toʻgʻrisidagi boshqa maʼlumotlar koʻrsatilgan vaziyatli reja;
nazarda tutilayotgan (moʻljallanayotgan) asosiy va yordamchi obyektlar, foydalaniladigan texnika, texnologiya, tabiiy resurslar, materiallar, xomashyo, yonilgʻi, ularning atrof-muhitga taʼsirini tahlil qilish;
kutilayotgan tashlanmalar, oqiziladigan suvlar, chiqindilar, ularning atrof-muhitga salbiy taʼsiri va ularni kamaytirish usullari;
chiqindilarni omborlarga joylashtirish, saqlash va utilizatsiya qilish;
moʻljallanayotgan yoki amalga oshirilayotgan faoliyatning muqobillari va texnologik yechimlarni fan, texnika yutuqlarini va ilgʻor tajribani hisobga olgan holda, tabiatni muhofaza qilish nuqtai nazaridan tahlil qilish;
salbiy ekologik oqibatlarni istisno etuvchi va ekspertiza obyektining atrof-muhitga taʼsirini kamaytiruvchi tashkiliy, texnik, texnologik yechimlar va chora-tadbirlar;
avariyali vaziyatlar tahlili (ehtimollilikni baholash va ularning salbiy oqibatlarining oldini olish ssenariysi);
ekspertiza obyektini realizatsiya qilish natijasida atrof-muhitning oʻzgarishi va ekologik oqibatlarni taxmin qilish;
b) atrof-muhitga taʼsir toʻgʻrisidagi ariza:
muhandislik-geologiya qidiruv ishlari, modelli va boshqa zarur tadqiqotlar natijalari boʻyicha ajratilgan maydonning ekologik muammolarini baholash;
maydonning aniqlangan muammolariga nisbatan qoʻllaniladigan texnologiyaning ekologik tahlili;
jamoatchilik fikrini eshitish natijalari;
ekspertiza obyektini realizatsiya qilish boʻyicha salbiy oqibatlarning oldini oluvchi tabiatni muhofaza qilish tadbirlarining dalillar bilan asoslangan tadqiqotlari;
v) ekologik oqibatlar toʻgʻrisidagi ariza:
Davlat ekologiya qoʻmitasining ixtisoslashtirilgan ekspert boʻlinmalari tomonidan atrof-muhitga taʼsir toʻgʻrisidagi arizaning loyihasini koʻrib chiqish natijalari, shuningdek, jamoatchilik fikrini eshitishda kiritilgan takliflar boʻyicha loyiha qarorlariga tuzatish kiritish va qabul qilingan boshqa chora-tadbirlar;
ekologik ekspertiza obyektlarini ifloslantiruvchi manbalarning joylashuv sxemasi;
ekspertiza obyekti faoliyatini tartibga soluvchi ekologik normativlar;
obyektdan foydalanish ishlarini tashkil qilish va bu boradagi ekologiya tadbirlarini bajarishga qoʻyiladigan talablar;
xoʻjalik faoliyatini amalga oshirish imkoniyati toʻgʻrisidagi asosiy xulosalar;
g) atrof-muhitga taʼsir toʻgʻrisidagi ariza loyihasi:
hududdan foydalanish turlari koʻrsatilgan holda obyektni joylashtirish rejasi;
ishlab chiqarish texnologiyasining tavsifi;
kanalizatsiya mavjudligi toʻgʻrisidagi maʼlumotlar va oqova suvlarni oqizishga nisbatan qoʻyiladigan talablar;
chiqariladigan tashlanmalar miqdori va tarkibi;
chiqindilar miqdori va ularni joylashtirish shartlari;
tabiatni muhofaza qilish tadbirlari.
15. Davlat ekologik ekspertizasini oʻtkazish maqsadida materiallarni tayyorlash va ishlab chiqish uchun taqdim etilgan dastlabki maʼlumotlarning ishonchliligi uchun buyurtmachi qonun hujjatlarida belgilangan tartibda javob beradi.
16. Davlat ekologik ekspertizasi buyurtmachisining huquq va majburiyatlari “Ekologik ekspertiza toʻgʻrisida”gi Oʻzbekiston Respublikasi Qonuni va boshqa qonun hujjatlari bilan belgilanadi.
17. Atrof-muhitga taʼsirni baholash materiallarini va ekologik normativlarni davlat ekologik ekspertizasidan oʻtkazishda ekologik audit va jamoatchilik ekologik ekspertizasi xulosalaridan foydalanish mumkin.
5-bob. Materiallarni davlat ekologik ekspertizasiga taqdim etish tartibi
18. Buyurtmachi davlat ekologik ekspertizasiga:
a) loyihalashtirilayotgan obyektlar boʻyicha (loyihaoldi va loyiha hujjatlarining atrof-muhitga taʼsir koʻrsatishini baholash, shaharsozlik hujjatlarining barcha turlari, maxsus rejimli obyektlar) — quyidagi bosqichlardan iborat boʻlgan atrof-muhitga taʼsir koʻrsatishni baholash materiallarini:
obyekt moliyalashtirilguniga qadar moʻljallanayotgan yoki taxmin qilinayotgan faoliyat va boshqa faoliyatni amalga oshirish bosqichida bajariladigan atrof-muhitga taʼsir koʻrsatishni baholash toʻgʻrisidagi ariza loyihasi;
atrof-muhitga taʼsir toʻgʻrisidagi ariza loyihasini davlat ekologik ekspertizasidan oʻtkazish natijalari boʻyicha qoʻshimcha qidiruv ishlari, tadqiqotlar, maxsus laboratoriya tahlillari, modelli tajribalarni amalga oshirish va dalillar bilan asoslangan tabiatni muhofaza qilish tadbirlarini ishlab chiqish zarurligi aniqlangan taqdirda bajariladigan atrof-muhitga taʼsir toʻgʻrisidagi ariza. Atrof-muhitga taʼsir toʻgʻrisidagi ariza davlat ekologik ekspertizasi obyektining texnik-iqtisodiy asoslari tasdiqlangunicha taqdim etiladi. Atrof-muhitga taʼsir toʻgʻrisidagi arizani ishlab chiqish zarurati atrof-muhitga taʼsir toʻgʻrisidagi ariza loyihasini koʻrib chiqish natijalari asosida Davlat ekologiya qoʻmitasining ixtisoslashtirilgan ekspert boʻlinmasi tomonidan belgilanadi;
obyekt foydalanishga qabul qilinguniga qadar bajariladigan va loyihalashtirilayotgan obyektlarning atrof-muhitga taʼsirini baholash tartib-taomillarining yakunlovchi bosqichi hisoblangan ekologik oqibatlar toʻgʻrisidagi ariza;
b) faoliyat koʻrsatayotgan obyektlar boʻyicha (atrof tabiiy muhitning holatiga va fuqarolarning sogʻligiga salbiy taʼsir koʻrsatayotgan ishlab turgan korxonalar va boshqa obyektlar) — ekologik normativlar loyihalari. Obyekt rekonstruksiya va modernizatsiya qilingan, qayta tashkil etilgan, kengaytirilgan yoki joylashuvi oʻzgartirilgan taqdirda atrof-muhitga taʼsir baholanadi. Buyurtmachi qoʻshimcha ekologik audit materiallarini taqdim etish huquqiga ega;
ekologik normativlar qonun hujjatlarida belgilangan tartibda ishlab chiqiladi va kelishiladi;
v) boshqa obyektlar boʻyicha:
davlat dasturlari, konsepsiyalar, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sxemalarining loyihalari;
tabiiy resurslardan foydalanish bilan bogʻliq xoʻjalik va boshqa faoliyatni tartibga soluvchi normativ-texnik va yoʻriqnoma-uslubiy hujjatlar loyihalari;
texnika, texnologiya, materiallar, moddalar, mahsulotlarning yangi turlarini yaratishga doir hujjatlar;
hududlarga keyinchalik muhofaza etiladigan hududlar va favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallari, shuningdek, muhofaza etiladigan tabiiy hududlarni boshqarish rejalari loyihalari yuzasidan ishlab chiqilgan hujjatlar taqdim etiladi.
Atrof-muhitga taʼsir koʻrsatishning IV toifasiga (mahalliy taʼsir koʻrsatish) kiradigan faoliyat turlari uchun buyurtmachi atrof-muhitga taʼsir toʻgʻrisidagi ariza loyihasini davlat ekologik ekspertizasiga taqdim etadi.
Davlat ekologik ekspertizasiga taqdim etiladigan materiallar buyurtmachi tomonidan bevosita yoki ularning olinganligi toʻgʻrisidagi bildirishnoma bilan birga pochta aloqa vositasi orqali yoxud elektron shaklda taqdim etiladi. Elektron shaklda taqdim etilgan hujjatlar buyurtmachining elektron imzosi bilan tasdiqlanadi.
6-bob. Davlat ekologik ekspertizasini oʻtkazish muddatlari
19. Davlat ekologik ekspertizasini oʻtkazish muddati:
a) atrof-muhitga taʼsir koʻrsatishning I va II toifalariga kiradigan faoliyat turlari uchun (yuqori va oʻrtacha darajada xavfli):
loyihaoldi va loyiha hujjatlari, kengaytirilishi, rekonstruksiya qilishini va texnik qayta jihozlanishi lozim boʻlgan ishlab turgan korxonalar va boshqa obyektlar yoki atrof-muhitning holatiga va fuqarolar sogʻligʻiga salbiy taʼsir koʻrsatadigan texnologik jarayonni oʻzgartirishlar, maxsus huquqiy rejimga ega obyektlar;
I toifaga kiradigan (yuqori darajada xavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va isteʼmol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari;
hududlarga muhofaza qilinadigan tabiiy hududlar, favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallari;
muhofaza etiladigan tabiiy hududlarni boshqarish rejalarining loyihalari;
texnika, texnologiya, materiallar, moddalar, mahsulotlarning yangi turlarini yaratishga doir hujjatlar;
davlat dasturlari va konsepsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sxemalarining loyihalari;
shaharsozlik hujjatlari;
tabiiy resurslardan foydalanish bilan bogʻliq xoʻjalik va boshqa faoliyatni tartibga soluvchi normativ-texnik va yoʻriqnoma-uslubiy hujjatlar — tegishli ravishda yigirma va oʻn besh kalendar kuni;
b) II toifaga kiradigan (oʻrtacha darajada xavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va isteʼmol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari, shuningdek, atrof-muhitga taʼsir koʻrsatishning III va IV toifalariga (past va mahalliy darajada xavfli) kiradigan faoliyat turlari uchun atrof-muhitga taʼsir koʻrsatishni baholash materiallari — tegishli ravishda oʻn besh, oʻn va besh kalendar kuni.
Faoliyat turlari uchun davlat ekologik ekspertizasini oʻtkazish muddati ekspertiza uchun haq toʻlanganini tasdiqlovchi toʻlov hujjati mavjud boʻlsa, davlat ekologik ekspertizasini oʻtkazish uchun kerakli hujjatlar taqdim etilgandan kundan boshlab hisoblanadi.
Ekspertiza oʻtkazish muddati obyektning murakkabligiga qarab, Davlat ekologiya qoʻmitasining raisi tomonidan atrof-muhitga taʼsir koʻrsatishning I toifasiga kiradigan (yuqori darajada xavfli) faoliyat turlari uchun 20 kalendar kunidan ortiq boʻlmagan muddatga uzaytirilishi mumkin.
Ekologik oqibatlar toʻgʻrisidagi arizaning amal qilish muddati tugagandan soʻng ekspertiza obyekti uchun qonun hujjatlarida belgilangan tartibda ekologik normativlar loyihalari ishlab chiqiladi.
Davlat ekologik ekspertizasining atrof-muhitga taʼsirni baholash materiallari asosida obyekt ekologik talablarga mos kelishi toʻgʻrisida berilgan xulosasi u taqdim etilgan kundan boshlab uch yil mobaynida yuridik kuchga ega boʻladi.
20. Atrof-muhitga taʼsirni baholashning qayta ishlab chiqilgan materiallari va ekologik normativlar loyihalarini ekspertizadan qayta oʻtkazish muddatlari dastlabki taqdim etilgan materiallarni koʻrib chiqish muddatlari kabi belgilanadi. Bunda qayta koʻrib chiqish uchun haq olinmaydi.
7-bob. Davlat ekologik ekspertizasining xulosasi
21. Davlat ekologiya qoʻmitasining ixtisoslashtirilgan ekspert boʻlinmalari tomonidan materiallarni koʻrib chiqish natijasi boʻyicha davlat ekologik ekspertizasining xulosasi tuziladi va ushbu xulosa ekspertiza obyekti, texnologik jarayonlar, ishlarni tashkil etish va atrof-muhitni muhofaza qilish boʻyicha nazarda tutilgan chora-tadbirlar, obyektning faoliyati (realizatsiyasi) bilan bogʻliq yuzaga kelishi mumkin boʻlgan salbiy ekologik oqibatlar toʻgʻrisidagi zarur axborot va ekspertiza obyektini realizatsiya qilish mumkinligi (ijobiy xulosa) yoki mumkin emasligi (salbiy xulosa) toʻgʻrisidagi xulosalarni oʻz ichiga oladi.
Davlat ekologik ekspertizasi tomonidan taqdim etilgan hujjatlar tarkibi yoki mazmunining mazkur Nizom talablariga yoki boshqa normativ hujjatlar talablariga nomuvofiqligi aniqlangan taqdirda, buyurtmachiga materiallar asoslangan sabablarga mos kelmasligi haqida xulosa beriladi hamda materiallar qaytariladi.
Buyurtmachi ekspertiza obyektini realizatsiya qilish mumkin emasligi haqidagi xulosa (salbiy xulosa) berilishiga asos boʻlgan sabablarni bartaraf etgan taqdirda, hujjatlarni qayta koʻrib chiqishda ixtisoslashtirilgan ekspert boʻlinmalar tomonidan avvalgi davlat ekologik ekspertizasi xulosasida koʻrsatilmagan qoʻshimcha rad qilish sabablarining keltirilishiga yoʻl qoʻyilmaydi.
22. “Davlat ekologik ekspertiza markazi” DUK xulosasi buyurtmachiga va nazorati ostidagi hududda ekspertiza obyekti joylashgan Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmalariga bir nusxadan, Qoraqalpogʻiston Respublikasi, viloyatlar va Toshkent shahar davlat ekologik ekspertiza markazlari tomonidan tayyorlangan xulosalar esa buyurtmachiga hamda ekologiya va atrof-muhitni muhofaza qilish sohasini nazorat qilish boʻyicha tegishli tuman (shahar) inspeksiyalariga yozma yoki elektron shaklda axborot tizim orqali yuboriladi.
23. Davlat ekologik ekspertizasining salbiy xulosasini olgan buyurtmachi loyihani xulosadagi mavjud taklifga muvofiq puxta ishlab chiqadi va materiallarni davlat ekologik ekspertizasiga takroran taqdim etadi yoxud moʻljallanayotgan yoki amalga oshirilayotgan xoʻjalik va boshqa faoliyatdan voz kechadi.
24. Davlat ekologik ekspertizasining ijobiy xulosasi davlat ekologik ekspertizasi obyektini realizatsiya qilishda bank va boshqa kredit tashkilotlari tomonidan moliyalashtirishni ochish uchun hamda yuridik va jismoniy shaxslar tomonidan bajarilishi majburiy boʻlgan hujjat hisoblanadi.
25. Xulosa Davlat ekologiya qoʻmitasi yoki davlat ekologik ekspertizasini oʻtkazgan tegishli Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni himoya qilish boshqarmalarining rasmiy blankasida rasmiylashtiriladi.
Xulosa Davlat ekologiya qoʻmitasining raisi yoki davlat ekologik ekspertizasini oʻtkazgan Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyatlar hamda Toshkent shahar ekologiya va atrof-muhitni muhofaza qilish boshqarmalarining boshligʻi tomonidan imzolanadi.
26. Agar, obyekt davlat ekologik ekspertizasining xulosasi berilgan kundan boshlab uch yil mobaynida realizatsiya qilinmasa, davlat ekologik ekspertizasining ijobiy xulosasi yuridik kuchga ega boʻlmaydi. Ushbu holatda davlat ekologik ekspertizasining xulosasi avval bunday xulosani bergan Davlat ekologiya qoʻmitasining ixtisoslashtirilgan ekspert boʻlinmalari tomonidan qayta koʻrib chiqilishi kerak.
Ekspertiza obyektini realizatsiya qilish uchun uch yildan ortiq vaqt kerak boʻlgan hollarda, obyektni realizatsiya qilish mumkinligi haqidagi xulosa ikki yilga uzaytiriladi.
27. Davlat ekologiya qoʻmitasining ixtisoslashtirilgan ekspert boʻlinmalari davlat ekologik ekspertizasiga taqdim etilgan materiallarning saqlanishini hamda davlat, harbiy, xizmat va tijorat sirini tashkil etuvchi maʼlumotlar oshkor etilmasligini taʼminlaydi. Davlat ekologik ekspertizasidan oʻtkazilgan barcha hujjatlarning bir nusxasi davlat ekologik ekspertizasini oʻtkazgan Davlat ekologiya qoʻmitasining ixtisoslashtirilgan ekspert boʻlinmasida saqlanadi.
8-bob. Davlat ekologik ekspertizasi xulosasini qayta rasmiylashtirish, dublikatini berish va amal qilishini toʻxtatish
28. Buyurtmachi qayta tashkil etilgan, uning nomi oʻzgartirilgan yoki vakolatlari huquqiy vorisiga berilgan hollarda, buyurtmachi yoki uning huquqiy vorisi qayta roʻyxatdan oʻtgandan soʻng yetti kalendar kuni davomida Davlat ekologiya qoʻmitasining ekspertizani oʻtkazgan ixtisoslashtirilgan ekspert boʻlinmasiga davlat ekologik ekspertizasining xulosasini qayta rasmiylashtirish haqida koʻrsatilgan maʼlumotlarni tasdiqlovchi hujjatlar ilova qilingan arizani taqdim etishi shart.
29. Hujjatlar Davlat ekologiya qoʻmitasining ixtisoslashtirilgan boʻlinmalariga buyurtmachi (yoki ishonchli shaxs) tomonidan bevosita yoki ularning olinganligi toʻgʻrisidagi bildirishnoma bilan birga pochta aloqa vositasi orqali yoxud elektron shaklda taqdim etiladi. Elektron shaklda taqdim etilgan hujjatlar litsenziya talabgorining elektron imzosi bilan tasdiqlanadi.
30. Yoʻqolgan yoki yaroqsiz holga kelgan davlat ekologik ekspertizasining xulosasi oʻrniga buyurtmachining arizasiga koʻra dublikat beriladi.
Davlat ekologik ekspertizasini oʻtkazgan Davlat ekologiya qoʻmitasining ixtisoslashtirilgan ekspert boʻlinmasi xulosa asl nusxasining yoʻqolgani yoki yaroqsiz holga kelgani haqidagi ariza olingan kundan boshlab 5 kalendar kun ichida davlat ekologik ekspertizasi xulosasining dublikatini berishi (yuborishi) kerak.
Davlat ekologik ekspertizasi xulosasini qayta rasmiylashtirish va uning dublikatini berish uchun haq undirilmaydi.
31. Davlat ekologik ekspertizasi xulosasining amal qilishi:
buyurtmachi davlat ekologik ekspertizasi xulosasining amal qilishi toʻxtatilgani haqida ariza bilan murojaat qilganda;
buyurtmachining faoliyati tugatilgan yoki toʻxtatilgan vaqtidan boshlab, qayta oʻzgartirilgani bundan mustasno;
buyurtmachi davlat ekologik ekspertizasi xulosasida koʻrsatilgan talablarga rioya etmaganda;
davlat ekologik ekspertizasi xulosasining amal qilish muddati tugaganda;
qonun hujjatlarida belgilangan boshqa holatlarda toʻxtatiladi.
Davlat ekologik ekspertizasi xulosasi amal qilishining toʻxtatilishi haqidagi sud qarori buyurtmachiga va vakolatli organga qonun hujjatlarida belgilangan muddatlarda yetkaziladi.
Davlat ekologik ekspertizasini oʻtkazgan Davlat ekologiya qoʻmitasining ixtisoslashtirilgan ekspert boʻlinmasining davlat ekologik ekspertizasi xulosasining amal qilishi toʻxtatilgani haqidagi qarori buyurtmachiga davlat ekologik ekspertizasi xulosasining amal qilishini toʻxtatish sabablari va qonun hujjatlarining aniq normalari koʻrsatilgan holda, qaror qabul qilingan kundan boshlab bir kalendar kuni davomida yozma shaklda yetkaziladi. Buyurtmachi davlat ekologik ekspertizasi xulosasining amal qilishi toʻxtatilgani haqidagi qarorni olgandan soʻng oʻn kun ichida ushbu qaror Davlat ekologiya qoʻmitasining ixtisoslashtirilgan ekspert boʻlinmasiga qaytarilishi va yoʻq qilinishi kerak.
9-bob. Davlat ekologik ekspertizasini oʻtkazish uchun haq toʻlash
32. Loyihaoldi va loyiha hujjatlari, atrof tabiiy muhitning holatiga va fuqarolarning sogʻligʻiga salbiy taʼsir koʻrsatuvchi ishlab turgan korxonalar va boshqa obyektlar, maxsus huquqiy rejimli obyektlar davlat ekologik ekspertizasidan oʻtkazilganligi uchun haq toʻlash miqdori ularning quyidagi toifalarga kiradigan faoliyat turlari boʻyicha atrof tabiiy muhitga taʼsir koʻrsatishi toifalariga muvofiq:
atrof-muhitga taʼsir koʻrsatishning I toifasiga kiradigan (yuqori darajada xavfli) — bazaviy hisoblash miqdorining 25 baravari;
atrof-muhitga taʼsir koʻrsatishning II toifasiga kiradigan (oʻrtacha darajada xavfli) — bazaviy hisoblash miqdorining 15 baravari;
atrof-muhitga taʼsir koʻrsatishning III toifasiga kiradigan (past darajada xavfli) — bazaviy hisoblash miqdorining 7,5 baravari;
atrof-muhitga taʼsir koʻrsatishning IV toifasiga kiradigan (mahalliy taʼsir koʻrsatish) — bazaviy hisoblash miqdorining 0,5 baravarini tashkil etadi.
Tabiiy resurslardan foydalanish bilan bogʻliq xoʻjalik va boshqa faoliyatni tartibga soluvchi normativ-texnik hamda yoʻriqnoma-uslubiy hujjatlar loyihalarini davlat ekologik ekspertizasidan oʻtkazish uchun tegishli toifadagi obyektni davlat ekologik ekspertizasidan oʻtkazishga toʻlanadigan toʻlovning 30 foizi miqdorida haq belgilanadi.
Agar, davlat ekologik ekspertizasi uchun bitta buyurtmachi tomonidan taqdim etilgan atrof-muhitga taʼsirni baholash materiallari kompleks hisoblansa va atrof-muhitga taʼsir koʻrsatadigan hamda bitta sanoat maydonida joylashgan turli toifadagi bir qancha obyektlardan iborat boʻlsa, davlat ekologik ekspertizasidan oʻtkazganlik uchun toʻlov ularning atrof-muhitga taʼsir koʻrsatishining yuqori toifasiga tegishli boʻlganidan undiriladi.
Atrof-muhitga taʼsir koʻrsatuvchi obyektlar hududiy jihatdan bir-biridan uzoqdagi sanoat maydonchalarida joylashgan taqdirda, davlat ekologik ekspertizasi materiallari har bir sanoat maydonchasi uchun alohida ishlab chiqiladi va davlat ekologik ekspertizasini oʻtkazish uchun taqdim etiladi. Obyektlarning bir-biridan uzoqda joylashishi atrof-muhit ifloslanishiga birgalikda taʼsir koʻrsatmaslik uchun xizmat qiladi.
Ishlab chiqarish kuchlarini, iqtisodiyot tarmoqlarini joylashtirish va rivojlantirish konsepsiyalari, sxemalarining loyihalari, 50 mingdan ortiq kishi istiqomat qilishi loyihalashtirilayotgan obyektlar uchun shaharsozlik hujjatlari, hududlarga keyinchalik alohida muhofaza qilinadigan tabiiy hududlar, favqulodda ekologik vaziyat va ekologik ofat zonalari maqomini berish maqsadida ularni kompleks oʻrganish materiallari davlat ekologik ekspertizasidan oʻtkazilgani uchun bazaviy hisoblash miqdorining 70 baravari miqdorida haq belgilanadi.
Texnika, texnologiyalar, materiallar, moddalar, mahsulotlarning yangi turlarini yaratishga doir hujjatlar loyihalarini davlat ekologik ekspertizasidan oʻtkazilganlik uchun bazaviy hisoblash miqdorining 30 baravari miqdorida haq belgilanadi.
50 ming va undan kam aholi istiqomat qilishi loyihalashtirilayotgan obyektlar uchun shaharsozlik hujjatlarini davlat ekologik ekspertizasidan oʻtkazganlik uchun bazaviy hisoblash miqdorining 25 baravari miqdorida haq belgilanadi.
Ijtimoiy sohani rivojlantirish davlat dasturlari, konsepsiyalari va sxemalarining, shuningdek, davlat tomonidan muhofaza qilinadigan tabiiy hududlarni boshqarish rejalarining loyihalarini davlat ekologik ekspertizasidan oʻtkazilganlik uchun haq toʻlanmaydi.
(32-band Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
33. Davlat ekologik ekspertizasini oʻtkazish uchun buyurtmachi (yoki ishonchli shaxs) tomonidan vakolatli banklarda elektron toʻlov tizimlari orqali belgilangan tartibda haq toʻlanadi.
34. Davlat ekologik ekspertizasini oʻtkazish uchun 90 kalendar kuni davomida haq toʻlanmagan taqdirda, Davlat ekologiya qoʻmitasining ixtisoslashtirilgan ekspert boʻlinmasi davlat ekologik ekspertizasini oʻtkazishga taqdim etilgan materiallarni buyurtmachiga qaytaradi.
35. Davlat ekologiya qoʻmitasining ixtisoslashtirilgan ekspert boʻlinmalari faoliyati davlat ekologik ekspertizasini oʻtkazish, shuningdek, qonun hujjatlarida belgilangan tartibda shartnoma boʻyicha bajariladigan boshqa ishlarni bajarish bilan bogʻliq xarajatlarni toʻlashdan tushadigan mablagʻlar hisobidan moliyalashtiriladi hamda bu mablagʻlardan Davlat ekologiya qoʻmitasining ixtisoslashtirilgan ekspert boʻlinmalari xodimlariga ish haqi, asosiy vositalar, moddiy-texnik boyliklarni xarid qilish, transport vositalariga xizmat koʻrsatish va boshqa xarajatlarni toʻlash, shu jumladan jalb etiladigan mutaxassislar xizmatiga haq toʻlash uchun foydalaniladi.
10-bob. Buyurtmachi va ixtisoslashtirilgan ekspert boʻlinmalari oʻrtasidagi nizolarni hal qilish
36. Qoraqalpogʻiston Respublikasi ekologiya va atrof-muhitni muhofaza qilish qoʻmitasining ixtisoslashtirilgan ekspert boʻlinmalari, viloyatlar hamda Toshkent shahar ekologiya va atrof-muhitni muhofaza qilish boshqarmalari hamda buyurtmachi oʻrtasidagi nizolar kelishmovchilik bayonnomasi bilan rasmiylashtiriladi va xulosa bergan davlat ekologik ekspertizasining vakili hamda buyurtmachi ishtirokida “Davlat ekologik ekspertizasi markazi” DUK tomonidan koʻrib chiqiladi.
“Davlat ekologik ekspertiza markazi” DUK va buyurtmachi oʻrtasidagi kelishmovchiliklar Davlat ekologiya qoʻmitasi tomonidan taraflarning vakillari ishtirokida koʻrib chiqiladi. Kelishmovchiliklarni koʻrib chiqish muddati kelishmovchilik bayonnomasi va boshqa kerakli hujjatlar kelib tushgan kundan boshlab oʻn kalendar kunidan oshmasligi kerak.
Davlat ekologik ekspertizasi boʻyicha Davlat ekologiya qoʻmitasi organlari va uning buyurtmachilari oʻrtasidagi nizolar qonun hujjatlarida belgilangan tartibda sudda koʻrib chiqilishi mumkin.
Davlat ekologik ekspertizasi toʻgʻrisidagi nizomga
1-ILOVA
1-ILOVA
Davlat ekologik ekspertizasini (DEE) tashkil etish va oʻtkazish tartibi
|
Davlat ekologik ekspertizasining obyektlari |
DEEga taqdim etiladigan materiallar |
DEE oʻtkazuvchi organ |
DEE oʻtkazish uchun haq toʻlash miqdori | |
|
1. |
Ijtimoiy sohani, rivojlantirish davlat dasturlari, konsepsiyalari va sxemalarining, shuningdek, davlat tomonidan muhofaza etiladigan tabiiy hududlarni boshqarish rejalarining loyihalari |
Ishlab chiqilgan hujjatlar |
“Davlat ekologik ekspertizasi markazi” DUK |
Mazkur toifadagi loyihalar DEEdan bepul oʻtkaziladi |
|
2. |
Ishlab chiqarish kuchlari, iqtisodiyot tarmoqlarini joylashtirish va rivojlantirish konsepsiyalari, sxemalarining loyihalari |
Ishlab chiqilgan hujjatlar |
“Davlat ekologik ekspertizasi markazi” DUK |
Bazaviy hisoblash miqdorining 70 baravari miqdorida |
|
3. |
Barcha turdagi qurilish uchun yer uchastkalarini tanlash materiallari |
Atrof-muhitga taʼsir toʻgʻrisidagi ariza loyihasi tarkibida koʻrib chiqiladigan ishlab chiqilgan hujjatlar (ATTA) |
Oʻz toifalariga muvofiq davlat ekologik ekspertiza markazlari |
Yer uchastkasini tanlash materiallari koʻrib chiqilganligi uchun alohida haq undirilmaydi |
|
4. |
Faoliyat turlari boʻyicha loyihaoldi va loyiha hujjatlari: |
|||
|
atrof-muhitga taʼsir koʻrsatishning I toifasi (yuqori daraja xavfli); |
Atrof-muhitga taʼsirni baholash (ATB) |
“Davlat ekologik ekspertizasi markazi” DUK |
Bazaviy hisoblash miqdorining 25 baravari miqdorida | |
|
atrof-muhitga taʼsir koʻrsatishning II toifasi (oʻrtacha darajada xavfli); |
ATB |
“Davlat ekologik ekspertizasi markazi” DUK |
Bazaviy hisobla� miqdorining 15 baravari miqdorida | |
|
atrof-muhitga taʼsir koʻrsatishning III toifasi (past darajada xavfli); |
ATB |
DEE hududiy organlari |
Bazaviy hisoblash miqdorining 7,5 baravari miqdorida | |
|
atrof-muhitga taʼsir koʻrsatishning IV toifasi (mahalliy taʼsir koʻrsatish). |
ATTA loyihasi |
DEE hududiy organlari |
Bazaviy hisoblash miqdorining 0,5 baravari miqdorida | |
|
5. |
Tabiiy resurslardan foydalanish bilan bogʻliq xoʻjalik va boshqa faoliyatni tartibga soluvchi normativ-texnik va yoʻriqnoma-uslubiy hujjatlarning loyihalari |
Ishlab chiqilgan hujjatlar |
“Davlat ekologik ekspertizasi markazi” DUK |
Tegishli toifadagi obyektni davlat ekologik ekspertizasidan oʻtkazish uchun toʻlanadigan haqning 30 foizi miqdorida |
|
6. |
Texnika, texnologiya, materiallar, moddalar, mahsulotlarning yangi turlarini yaratishga doir hujjatlar |
Ishlab chiqilgan hujjatlar |
“Davlat ekologik ekspertizasi markazi” DUK |
Bazaviy hisoblash miqdorining 30 baravari miqdorida |
|
7. |
Atrof tabiiy muhitga va fuqarolarning sogʻligʻiga salbiy taʼsir koʻrsatuvchi ishlab turgan korxonalar va boshqa obyektlar: |
|||
|
atrof-muhitga taʼsir koʻrsatishning I toifasi (yuqori darajada xavfli); |
Ekologik normativlar loyihalari; ATTA (obyektning atrof-muhitga va fuqarolar sogʻligʻiga taʼsir koʻrsatish holati aniqlanganda) |
“Davlat ekologik ekspertizasi markazi” DUK |
Bazaviy hisoblash miqdorining 25 baravari miqdorida | |
|
atrof-muhitga taʼsir koʻrsatishning II toifasi (oʻrtacha darajada xavfli); |
Ekologik normativlar loyihalari; ATTA (obyektning atrof-muhitga va fuqarolar sogʻligʻiga taʼsir koʻrsatish holati aniqlanganda) |
DEE hududiy organlari “Davlat ekologik ekspertizasi markazi” DUK |
Bazaviy hisoblash miqdorining 15 baravari miqdorida | |
|
atrof-muhitga taʼsir koʻrsatishning III toifasi (past darajada xavfli); |
Ekologik normativlar loyihalari; ATTA (obyektning atrof-muhitga va fuqarolar sogʻligʻiga taʼsir koʻrsatish holati aniqlanganda) |
DEE hududiy organlari |
Bazaviy hisoblash miqdorining 7,5 baravari miqdorida | |
|
atrof-muhitga taʼsir koʻrsatishning IV toifasi (mahalliy taʼsir koʻrsatish). |
Ekologik normativlar loyihalari; ATTA (obyektning atrof-muhitga va fuqarolar sogʻligʻiga taʼsir koʻrsatish holati aniqlanganda) |
DEE hududiy organlari |
Bazaviy hisoblash miqdorining 0,5 baravari miqdorida | |
|
8. |
Hududlar�a keyinchalik muhofaza qilinadigan tabiiy hududlar, favqulodda ekologik vaziyat va ekologik ofat zonalari maqomini berish maqsadida ularni kompleks tekshirish materiallari |
Ishlab chiqilgan hujjatlar |
“Davlat ekologik ekspertizasi markazi” DUK |
Bazaviy hisoblash miqdorining 70 baravari miqdorida |
|
9. |
Shaharsozlik hujjatlari: 50 mingdan ortiq kishi istiqomat qilishi loyihalashtirilayotgan obyektlar uchun |
ATB |
“Davlat ekologik ekspertizasi markazi” DUK |
Bazaviy hisoblash miqdorining 70 baravari miqdorida |
|
50 ming va undan kam aholi istiqomat qilishi loyihalashtirilayotgan obyektlar uchun |
ATB |
DEE hududiy organlari |
Bazaviy hisoblash miqdorining 25 baravari miqdorida | |
|
10. |
Faoliyat turlari boʻyicha maxsus huquqiy rejimli obyektlar: |
|||
|
atrof-muhitga taʼsir koʻrsatishning I toifasi (yuqori darajada xavfli); |
ATB |
“Davlat ekologik ekspertizasi markazi” DUK |
Bazaviy hisoblash miqdorining 25 baravari miqdorida | |
|
atrof-muhitga taʼsir koʻrsatishning II toifasi (oʻrtacha xavfli); |
ATB |
“Davlat ekologik ekspertizasi markazi” DUK |
Bazaviy hisoblash miqdorining 15 baravari miqdorida | |
|
atrof-muhitga taʼsir koʻrsatishning III toifasi (past darajada xavfli); |
ATB |
DEE hududiy organlari |
Bazaviy hisoblash miqdorining 7,5 baravari miqdorida | |
|
atrof-muhitga taʼsir koʻrsatishning IV toifasi (mahalliy taʼsir koʻrsatish). |
ATTA |
DEE hududiy organlari |
Bazaviy hisoblash miqdorining 0,5 baravari miqdorida |
(1-ilova Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)
Davlat ekologik ekspertizasi toʻgʻrisidagi nizomga
2-ILOVA
2-ILOVA
Davlat ekologik ekspertizasini oʻtkazish tartibining
sxemasi
Vazirlar Mahkamasining 2018-yil 22-noyabrdagi 949-son qaroriga
2-ILOVA
2-ILOVA
Davlat ekologik ekspertizasi amalga oshiriladigan faoliyat turlari
ROʻYXATI
Atrof-muhitga taʼsir koʻrsatishning I toifasiga kiradigan (yuqori darajada xavfli) faoliyat turlari
1. Avtomagistrallar, metro, temir yoʻllar, tez harakatlanadigan katta yoʻllar, respublika va xalqaro ahamiyatiga ega boʻlgan yuk terminallari.
2. Aeroportlar.
3. Atom stansiyalar, shuningdek, yadroviy reaktorli qurilmalar.
4. I va II toifadagi neft va neft mahsulotlari bazalari.
5. Neft va gaz quduqlarini qazish va jihozlash.
6. Respublika va tumanlararo ahamiyatiga ega boʻlgan suv oʻtkazgichlar.
7. Suv omborlari va toʻgʻonlar.
8. Kon-boyitish fabrikalari.
9. Shahar maishiy chiqindi poligonlari (aholisi 200 ming kishidan ortiq boʻlgan shaharlar uchun).
10. 30 MVt dan ortiq quvvatga ega boʻlgan gidroelektorstansiyalar.
11. Ruda va kimyoviy xomashyo qazib olish, qazib olishda hosil boʻladigan karyerlarni rekultivatsiya qilish.
12. Daryo va soy oʻzanlarida qazib olish ishlari.
13. Yoqilgʻi resurslarini (neft, gaz, koʻmir va boshqalar) qidirish, razvedka qilish va qazib olish.
14. Qora va rangli metallurgiya zavodlari.
15. Teri-koʻnchilik korxonalari.
16. Sutkalik ish unumi 280 ming kub metrdan ortiq boʻlgan kanalizatsiya tozalash inshootlari.
17. Respublika va davlatlararo ahamiyatga ega boʻlgan elektr uzatish liniyalari.
18. Mashinasozlik (aviasozlik, vagonsozlik, avtomobil, traktor, motor ishlab chiqarish va boshqalar) sanoati.
19. Zaharli chiqindilarni, shuningdek, shlamni (koʻmir kukuni) toʻplash yoki koʻmish joylari.
20. Chiqindi yoqish va qayta ishlash zavodlari.
21. Respublika ahamiyatiga ega boʻlgan neft va gaz quvurlari, shuningdek, neft va gazni qayta ishlash zavodlari.
22. Yer osti gaz omborlari.
23. Yer ostida ishqor bilan yuvish poligonlari, shuningdek,zich holatda ishqor bilan yuvish texnologiyasidan foydalanadigan korxonalar.
24. Xavflilik darajasi I va II sinfga mansub chiqindilarni qayta ishlash korxonalari.
25. Akkumulyatorlar, galvanik batareyalar va elementlar ishlab chiqarish.
26. Asbest va tarkibida asbest boʻlgan buyumlar ishlab chiqarish.
27. Portlovchi moddalar ishlab chiqarish.
28. Xalqaro bitimlar bilan tartibga solinadigan tarkibida zaharli moddalar boʻlgan asbob-uskunalar yoki qurilmalarni ishlab chiqarish.
29. Radioaktiv moddalar (izotoplar) ishlab chiqarish, ularni ishlatish va saqlash.
30. Tarkibida zaharli aralashmalar boʻlgan oyna, zaharli kimyoviy moddalar va I va II xavflilik sinfga mansub birikmalar ishlab chiqarish.
31. Tamaki mahsulotlarini ishlab chiqarish.
32. Sement ishlab chiqarish.
33. Zaharli chiqindixonalarni rekultivatsiya qilish.
34. Respublika ahamiyatiga ega boʻlgan zaharli kimyoviy moddalar omborxonalari.
35. 300 MVt yoki undan ortiq issiqlik quvvatiga ega boʻlgan issiqlik elektr stansiyalari va boshqa energetik yondirish qurilmalari.
36. Farmatsevtika zavodlari va fabrikalari (tayyor dorivor vositalarni qadoqlash korxonalari bundan mustasno).
37. Kimyo komplekslari va zavodlari.
Atrof-muhitga taʼsir koʻrsatishning II toifasiga kiradigan (oʻrtacha darajada xavfli) faoliyat turlari
1. Aerodromlar.
2. Viloyatlararo ahamiyatga ega boʻlgan yer osti suvlarini olish inshootlari.
3. Shahar maishiy chiqindi poligonlari (100 mingdan 200 ming kishigacha istiqomat qiladigan aholi punktlari uchun).
4. Temir yoʻl depolari.
5. Yiliga 30 ming kub metrdan ortiq umumiy tarqalgan foydali qazilmalarni qidirib topish, razvedka qilish, qazib olish va qayta ishlash.
6. Sutkalik ish unumi 50 mingdan 280 ming kub metrgacha boʻlgan kanalizatsiya tozalash inshootlari.
7. Oziq-ovqat mahsulotlari, yogʻ-moy va biologik qoʻshimchalar ishlab chiqarish komplekslari.
8. Biotexnologiyalardan foydalanuvchi, shu jumladan pillani qayta ishlovchi korxonalar.
9. Rezina ishlab chiqarish.
10. Viloyat ahamiyatga ega boʻlgan elektr uzatish liniyalari.
11. Suv oʻtkazish quvvati sekundiga 50 kub metrdan ortiq boʻlgan magistral kanallar, daryolar va loyiha boʻyicha hisoblangan quvvati sekundiga 20 kub metrdan ortiq boʻlgan kollektorlar.
12. Viloyat ahamiyatga ega boʻlgan neft va gaz quvurlari.
13. Dambalar.
14. Alkogolli ichimliklar ishlab chiqaruvchi korxonalar.
15. Charmni boʻyash va loklash korxonalari.
16. Yiliga 300 tonnadan ortiq gazmol va qogʻozni lok bilan kimyoviy toʻyintirish korxonalari, shuningdek, ruberoid ishlab chiqarish hamda xavflilik darajasi III — V sinfga mansub zaharli kimyoviy moddalar va birikmalar ishlab chiqarish.
17. Xavflilik darajasi III sinfga mansub chiqindilarni qayta ishlash korxonalari.
18. Qurilish sanoati korxonalari, asbest va sement ishlab chiqarish bundan mustasno.
19. Qogʻoz va karton ishlab chiqarish.
20. Yogʻoch-qipiq va yogʻoch-tolali plitalar ishlab chiqarish.
21. Shisha tola ishlab chiqarish.
22. Inert gazlar ishlab chiqarish.
23. Kosmetika preparatlari ishlab chiqarish.
24. Koʻmir briketlari ishlab chiqarish korxonalari, shuningdek, koʻmir va koʻmir changi omborlari.
25. Boʻyash va oqartirish sexlari boʻlgan yigiruv va toʻquv fabrikalari.
26. Parrandachilik korxonalari, shu jumladan parrandani yetishtirish, soʻyish va qayta ishlash.
27. Radiotexnika sanoati va elektron sanoat.
28. Viloyat ahamiyatga ega boʻlgan zaharli kimyoviy moddalar, shu jumladan oʻgʻitlar omborxonalari.
29. Neft va gaz konlarini seysmik jihatdan razvedka qilish.
30. Issiqlik quvvati 100 MVtdan 300 MVtgacha boʻlgan issiqlik elektr stansiyalari va boshqa energetik yondirish qurilmalari.
31. Paxtani qayta ishlash sanoati.
32. Boʻyoqlar, shu jumladan lok-boʻyoq ishlab chiqarish korxonalari.
Atrof-muhitga taʼsir koʻrsatishning III toifasiga kiradigan (past darajada xavfli) faoliyat turlari
1. Mahalliy ahamiyatga ega boʻlgan avtomobil yoʻllari.
2. Avtoparklar.
3. Avtomobilga yonilgʻi va gaz quyish stansiyalari.
4. III toifadagi neft va neft mahsulotlari bazalari.
5. Biogaz qurilmalari.
6. Viloyat ahamiyatiga ega boʻlgan yer osti suvlarini chiqarish inshootlari, shuningdek, suv chiqarish quduqlarini burgʻulash.
7. Viloyat va tuman ahamiyatiga ega boʻlgan suv oʻtkazgichlar.
8. Shaharcha ahamiyatiga ega boʻlgan gaz quvurlari.
9. Quvvati 30 MVt va undan kam boʻlgan gidroelektrstansiyalar.
10. Yiliga 30 ming kub metrdan kam hajmdagi umumiy tarqalgan foydali qazilmalarni qayta ishlash.
11. Chorvachilik komplekslari.
12. Idoraviy ahamiyatga ega boʻlgan temir yoʻllar.
13. Hayvonotchilik xoʻjaliklari.
14. Sutkalik ish unumi 50 ming kub metrdan kam boʻlgan kanalizatsiya tozalash inshootlari.
15. Gilam fabrikalari.
16. Alkogolsiz ichimliklar ishlab chiqarish va qadoqlash.
17. Xom gʻisht, shlakoblok, trotuar plitkalari ishlab chiqarish.
18. Teriga ishlov berish, oshlash va boʻyash bundan mustasno.
19. Har sekundda 50 kub metrdan kam suv oʻtkazadigan magistral kanallar va har sekundda loyiha boʻyicha hisoblangan quvvati 20 kub metrdan kam boʻlgan kollektorlar.
20. Goʻsht sanoati (soʻyish va qayta ishlash).
21. Mebel fabrikalari.
22. Un tortish korxonalari.
23. Korxona va tashkilotlarning neft omborxonalari.
24. Aholisi 100 ming kishidan kam boʻlgan aholi punktlari uchun maishiy chiqindilar poligonlari.
25. Junni qayta ishlash korxonalari.
26. Xavflilik darajasi IV va V sinfga mansub chiqindilarni qayta ishlash korxonalari.
27. Paxta tolasini qayta ishlash korxonalari.
28. Sutni qayta ishlash korxonalari.
29. Yillik ish unumi 300 tonnadan kam boʻlgan gazmol va qogʻozni lok bilan kimyoviy toʻyintirish korxonalari.
30. Qurilishda foydalaniladigan pardozlash materiallari ishlab chiqarish, shuningdek, ohak, gips, shpaklevka va boʻr ishlab chiqarish.
31. Rezinotexnika buyumlarini ishlab chiqarish.
32. Poyabzal ishlab chiqarish.
33. Omixta yem ishlab chiqarish.
34. Qattiq va suyuq sovun ishlab chiqarish.
35. Salfetka, tualet kogʻozi, tagliklar va gigiyenik vositalar ishlab chiqarish.
36. Polimer buyumlar va sintetik materiallar, shu jumladan yuvish va tozalash moddalari ishlab chiqarish.
37. Shishadan tarkibida zaharli moddalar boʻlmagan buyumlar ishlab chiqarish.
38. Chinni buyumlar ishlab chiqarish.
39. Boʻyash va oqartirish sexlari boʻlmagan yigiruv va toʻquv fabrikalari.
40. Parranda boqish boʻyicha parrandachilik korxonalari.
41. Tayyor dorivor vositalarni, shuningdek, oziq-ovqat mahsulotlari (choy, tuz, shakar va boshqalarni) qadoqlash korxonalari.
42. Koʻmir maydasidan (uvogʻi) koʻmir briketlari ishlab chiqarish korxonalari.
43. Sugʻoriladigan yerlarni rekonstruksiya qilish va meliorativ jihatdan yaxshilash.
44. Dvigatel va mashinalarni taʼmirlash, shuningdek, ularni boʻyash.
45. Maydoni 30 gektardan ortiq boʻlgan baliq urchitish havzalari, shuningdek , baliqni qayta ishlash kompleksi.
46. Bozorlar.
47. Elektr asbob-uskunalarini yigʻish va taʼmirlash, metallga ishlov berish.
48. Sel suvini toʻplash omborlari.
49. Geofizik va geologik tadqiqotlarning seysmik va elektr razvedkasi.
50. Tuman ahamiyatiga ega boʻlgan zaharli kimyoviy moddalar, shu jumladan oʻgʻitlar omborlari.
51. Huquqni muhofaza qilish organlarining maxsus obyektlari.
52. Bosmaxonalar.
53. 100 Megavattdan kam quvvatga ega boʻlgan issiqlik elektr stansiyalari va boshqa yondirish qurilmalari.
54. Tramvay-trolleybus parklari.
55. Xloratorlar.
56. Kimyoviy tozalash korxonalari va kir yuvish korxonalari.
57. 50 tonnadan ortiq sigʻimli sovutgich qurilmalari.
58. Kalsiy karbidi ishlab chiqarish sexlari.
Atrof-muhitga taʼsir koʻrsatishning IV toifasiga kiradigan (mahalliy taʼsir koʻrsatish) faoliyat turlari
1. Avtoservis punktlari va avtomobillarni yuvish joylari.
2. Paxta titish korxonalari.
3. Baliq qayta ishlanmaydigan, maydoni 30 gektargacha boʻlgan baliq urchitish havzalari.
4. Gilam toʻqish sexlari.
5. Kichik tegirmonlar.
6. Toshga ishlov berish.
7. Rekreatsiya va uy-joy-fuqarolik obyektlari.
8. Qishloq xoʻjaligi mahsulotlarini qayta ishlash va konservalash.
9. Qattiq maishiy chiqindilarni toʻplash maydonchalari.
10. Issiqxonalar va parniklar, shaxsiy yordamchi xoʻjaliklardan tashqari.
11. Qoramol, yilqichilik, qoʻychilik, choʻchqachilik va quyonchilik fermalari.
12. Mebel ishlab chiqarish va taʼmirlash.
Vazirlar Mahkamasining 2018-yil 22-noyabrdagi 949-son qaroriga
3-ILOVA
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2019-yil 14-iyundagi 498-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 20.06.2019-y., 09/19/498/3310-son)
2. Vazirlar Mahkamasining 2014-yil 21-yanvardagi 14-son qarori (Oʻzbekiston Respublikasi QT, 2014-y., 1-son, 6-modda) bilan tasdiqlangan Ekologik normativlar loyihalarini ishlab chiqish va kelishish tartibi toʻgʻrisidagi nizomda:
4-banddagi “Oʻzbekiston Respublikasi Tabiatni muhofaza qilish davlat qoʻmitasi” soʻzlari “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi (keyingi oʻrinlarda Davlat ekologiya qoʻmitasi deb ataladi)” soʻzlari bilan almashtirilsin;
13-banddagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
26-bandning uchinchi xatboshidagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
27-banddagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
38-banddagi “Tabiatni muhofaza qilish davlat qoʻmitasining tashkilot joylashgan joydagi hududiy organlariga” soʻzlari “Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyat va Toshkent shahar ekologiya va atrof-muhitni muhofaza qilish boʻyicha tegishli boshqarmasiga” soʻzlari bilan almashtirilsin;
39-banddagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
40-bandning birinchi xatboshidagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
46-band quyidagi tahrirda bayon etilsin:
“46. Buyurtmachi Davlat ekologiya qoʻmitasi organlari tomonidan tasdiqlangan ekologik normativlar loyihalarini xatlovdan oʻtkazish materiallari bilan birga davlat ekologik ekspertizasidan oʻtkazish uchun (atrof-muhitga taʼsir koʻrsatishning I toifasi obyektlari boʻyicha — Davlat ekologiya qoʻmitasiga, atrof-muhitga taʼsir koʻrsatishning II, III va IV toifalari obyektlari boʻyicha — Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar hamda Toshkent shahar ekologiya va atrof-muhitni muhofaza qilish boshqarmalariga) taqdim etadi”;
47-banddagi “Vazirlar Mahkamasining 2001-yil 31-dekabrdagi 491-son qarori bilan tasdiqlangan Oʻzbekiston Respublikasining davlat ekologik ekspertizasi toʻgʻrisidagi nizomga muvofiq” soʻzlari “Oʻzbekiston Respublikasi Vazirlar Mahkamasi tomonidan” soʻzlari bilan almashtirilsin;
48-band quyidagi tahrirda bayon etilsin:
“48. Davlat ekologik ekspertizasining xulosasi ijobiy boʻlsa, ekologik normativlar loyihalari Davlat ekologiya qoʻmitasining raisi, davlat ekologik ekspertizasini oʻtkazgan Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyat hamda Toshkent shahar ekologiya va atrof-muhitni muhofaza qilish boʻyicha tegishli boshqarmasining boshligʻi tomonidan tasdiqlanadi”;
49-band quyidagi tahrirda bayon etilsin:
“49. Atrof-muhitga taʼsir koʻrsatishning I toifasiga kiradigan faoliyat turlari tashkilotlari uchun ekologik normativlar loyihalari Davlat ekologiya qoʻmitasining raisi, atrof-muhitga taʼsir koʻrsatishning II, III va IV toifalariga kiradigan faoliyat turlari obyektlari uchun — davlat ekologik ekspertizasini oʻtkazgan Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyat hamda Toshkent shahar ekologiya va atrof-muhitni muhofaza qilish boʻyicha tegishli boshqarmasining boshligʻi tomonidan tasdiqlanadi”;
51-banddagi “Tabiatni muhofaza qilish davlat qoʻmitasining tashkilot joylashgan joydagi organiga” soʻzlari “Qoraqalpogʻiston Respublikasi ekologiya va atrof-muhitni muhofaza qilish qoʻmitasiga, viloyat hamda Toshkent shahar ekologiya va atrof-muhitni muhofaza qilish boʻyicha tegishli boshqarmasiga” soʻzlari bilan almashtirilsin;
52-banddagi “Tabiatni muhofaza qilish davlat qoʻmitasi” soʻzlari “Davlat ekologiya qoʻmitasi” soʻzlari bilan almashtirilsin;
55-bandning ikkinchi xatboshidagi “tabiatni muhofaza qilish boʻyicha davlat inspektori” soʻzlari “ekologiya va atrof-muhitni muhofaza qilish boʻyicha inspektor” soʻzlari bilan almashtirilsin;
Nizomga 1-ilovada:
“2-bosqich” pozitsiyasi “Tadbirlar” ustunidagi “Tabiatni muhofaza qilish qoʻmitasining hududiy organlariga” soʻzlari “Qoraqalpogʻiston Respublikasi ekologiya va atrof-muhitni muhofaza qilish qoʻmitasiga, viloyat hamda Toshkent shahar ekologiya va atrof-muhitni muhofaza qilish boʻyicha tegishli boshqarmasiga” soʻzlari bilan almashtirilsin;
“3-bosqich” pozitsiyasi “Masʼullar” ustunidagi “Tabiatni muhofaza qilish davlat qoʻmitasining” soʻzlari “Davlat ekologiya qoʻmitasining” soʻzlari bilan almashtirilsin;
“4-bosqich” pozitsiyasi “Tadbirlar” ustunidagi “Tabiatni muhofaza qilish qoʻmitasining hududiy organlari” soʻzlari “Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar hamda Toshkent shahar ekologiya va atrof-muhitni muhofaza qilish boʻyicha tegishli boshqarmalari” soʻzlari bilan almashtirilsin;
“5-bosqich” pozitsiyasi “Tadbirlar” ustunidagi xatboshi quyidagi tahrirda bayon etilsin:
“Ekologik normativlar loyihalari xatlovdan oʻtkazish materiallari bilan birga davlat ekologik ekspertizasidan oʻtkazish uchun Davlat ekologiya qoʻmitasi organlariga (I toifa — Davlat ekologiya qoʻmitasiga, II, III va IV toifalar — Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyat va Toshkent shahar ekologiya va atrof-muhitni himoya qilish boshqarmasiga) yuboriladi”;
“6-bosqich” pozitsiyasi “Masʼullar” ustunidagi birinchi va ikkinchi xatboshilar quyidagi tahrirda bayon etilsin:
“Atrof-muhitga taʼsir koʻrsatishning I toifasi obyektlari boʻyicha Davlat ekologiya qoʻmitasining “Davlat ekologik ekspertizasi markazi” DUK;
Atrof-muhitga taʼsir koʻrsatishning II-III-IV toifalari obyektlari boʻyicha Qoraqalpogʻiston Respublikasi, viloyatlar va Toshkent shahar “Davlat ekologik ekspertizasi markazi” DUK”;
“6-bosqich” pozitsiyasi “Muddatlar” ustunidagi birinchi va ikkinchi xatboshilar quyidagi tahrirda bayon etilsin:
“Davlat ekologik ekspertizasi oʻtkazilganligi uchun haq toʻlangandan soʻng:
I toifa boʻyicha — 20 kungacha;
II toifa boʻyicha — 15 kungacha;
III toifa boʻyicha — 10 kungacha;
IV toifa boʻyicha — 5 kungacha”;
“7-bosqich” pozitsiyasi “Masʼullar” ustunidagi birinchi va ikkinchi xatboshilar quyidagi tahrirda bayon etilsin:
“I toifa obyektlari boʻyicha — Davlat ekologiya qoʻmitasining raisi;
II, III va IV toifalar obyektlari boʻyicha — Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyat va Toshkent shahar ekologiya va atrof-muhitni muhofaza qilish boshqarmasi boshligʻi”;
“8-bosqich” pozitsiyasi “Tadbirlar” ustunidagi birinchi va ikkinchi xatboshilar quyidagi tahrirda bayon etilsin:
“Ekologik normativlarning tasdiqlangan loyihalari tashkilotlarga qaytariladi, bunda Qoraqalpogʻiston Respublikasi, viloyatlar va Toshkent shahrining ekspert organlarida bitta arxiv nusxasi qoladi, bundan tashqari, hududiy organlarda ham atrof-muhitni ifloslantiruvchi manbalarni nazorat qilish uchun (II, III-IV toifalar obyektlari boʻyicha) yana bir nusxa qoladi;
Atrof-muhitga taʼsir koʻrsatishning I toifasi obyektlari boʻyicha Davlat ekologiya qoʻmitasi tomonidan tasdiqlangan ekologik normativ loyihasining bir nusxasi atrof-muhitni ifloslantiruvchi manbalarni nazorat qilish uchun Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmasiga yuboriladi”;
“9-bosqich” pozitsiyasi “Masʼullar” ustunidagi “Tabiatni muhofaza qilish davlat qoʻmitasining hududiy organi” soʻzlari “Qoraqalpogʻiston Respublikasi ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmasi” soʻzlari bilan almashtirilsin;
Nizomga 3-ilovada:
“Oʻzbekiston Respublikasi hududlari” ustunidagi “shaharlar” soʻzidan keyin “Toshkent” soʻzi qoʻshilsin;
Nizomga 19-ilova quyidagi tahrirda bayon etilsin:
|
“Tashlamalar, oqovalar manbalarini, chiqindilarning paydo boʻlishi va joylashtirilishini xatlovdan oʻtkazish materiallarining | |||
|
“TASDIQLAYMAN” |
“TASDIQLAYMAN” | ||
|
| |||
|
|
|
| |
|
| |||
Nizomga 21-ilova quyidagi tahrirda bayon etilsin:
| | | |
“(A shakl) |
|
Atrof-muhitga taʼsir koʻrsatishning I toifasiga kiradigan faoliyat turlari boʻyicha tashkilotlar uchun ifloslantiruvchi moddalarning atmosferaga chiqariladigan yoʻl qoʻyiladigan cheklangan tashlanmalarining ekologik normativlari loyihasining (ifloslantiruvchi moddalarni oqova suvlar bilan yer usti havzalari yoki joy relyefiga oqizishning yoʻl qoʻyiladigan cheklangan miqdori), (chiqindilar hosil boʻlishi va joylashtirilishi) | |||
|
“TASDIQLAYMAN” |
“TASDIQLAYMAN” | ||
|
| |||
|
|
|
“IShLAB ChIQILGAN”: | |
|
| |||
| | | |
(B shakl) |
|
Atrof-muhitga taʼsir koʻrsatishning II, III va IV toifalariga kiradigan faoliyat turlari boʻyicha tashkilotlar uchun ifloslantiruvchi moddalarning atmosferaga chiqariladigan yoʻl qoʻyiladigan cheklangan tashlanmalarining ekologik normativlari loyihasining (ifloslantiruvchi moddalarni oqova suvlar bilan yer usti havzalari yoki joy relyefiga oqizishning yoʻl qoʻyiladigan cheklangan miqdori), (chiqindilar hosil boʻlishi va joylashtirilishi) | |||
|
“TASDIQLAYMAN” __________________________________ |
“TASDIQLAYMAN” | ||
|
| |||
|
|
|
“IShLAB ChIQILGAN”: | |
|
| |||
Vazirlar Mahkamasining 2018-yil 22-noyabrdagi 949-son qaroriga
4-ILOVA
4-ILOVA
Oʻzbekiston Respublikasi Hukumatining oʻz kuchin yoʻqotgan deb hisoblanayotgan qarorlari
ROʻYXATI
1. Vazirlar Mahkamasining “Oʻzbekiston Respublikasida davlat ekologik ekspertizasi toʻgʻrisidagi Nizomni tasdiqlash haqida” 2001-yil 31-dekabrdagi 491-son qarori (Oʻzbekiston Respublikasi QT, 2001-y., 11-12-son, 65-modda).
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 1-apreldagi 95-son qaroriga ilovaning 10-bandi (Oʻzbekiston Respublikasi QT, 2005-y., 3-4-son, 19-modda).
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” (Oʻzbekiston Respublikasi Prezidentining “Tadbirkorlik faoliyatini yanada qoʻllab-quvvatlash va rivojlantirish chora-tadbirlari toʻgʻrisida” 2009-yil 15-maydagi PQ-1112-son qarori) 2009-yil 5-iyundagi 152-son qaroriga ilovaning 2-bandi (Oʻzbekiston Respublikasi QT, 2009-y., 6-son, 41-modda).
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni) 2012-yil 1-noyabrdagi 313-son qaroriga 1-ilovaning 25-bandi (Oʻzbekiston Respublikasi QT, 2012-y., 11-son, 79-modda).
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida” (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2013-yil 30-apreldagi OʻRQ-352-son Qonuni) 2014-yil 3-martdagi 45-son qaroriga 1-ilovaning 9-bandi (Oʻzbekiston Respublikasi QT, 2014-y., 3-son, 16-modda).
(Qonun hujjatlari maʼlumotlari milliy bazasi, 23.11.2018-y., 09/18/949/2214-son, 20.06.2019-y., 09/19/498/3310-son, 29.12.2019-y., 09/19/1046/4242-son)
