|
Hozirgi vaqtda mazkur hujjatga o‘zgartirish kiritilmoqda
|
Oʻzbekiston Respublikasi Vazirlar Mahkamasining
qarori
Rangli va qora metallar parchalari, chiqindilari bilan ishlash tartibini takomillashtirish chora-tadbirlari toʻgʻrisida
Rangli va qora metallar parchalari, chiqindilari bilan ishlash tartibini takomillashtirish, respublika iqtisodiyoti sohalarining xoʻjalik faoliyati jarayonida va aholining hayot faoliyati davomida hosil boʻluvchi rangli va qora metallar parchalari, chiqindilarining ikkilamchi resurslaridan keyinchalik yuqori qoʻshimcha qiymat bilan mahsulot ishlab chiqarish uchun chuqur qayta ishlash jarayoniga jalb qilish yoʻli bilan ulardan oqilona foydalanishni taʼminlash maqsadida Vazirlar Mahkamasi qaror qiladi:
Oldingi tahrirga qarang.
1. Oʻzbekiston Respublikasi hududida Oʻzbekiston Respublikasi Prezidentining “Oʻzmetkombinat” AJ boshqaruvi tizimini yanada takomillashtirish chora-tadbirlar toʻgʻrisida” 2017-yil 15-sentabrdagi PQ-3277-son qaroriga muvofiq — “Oʻzmetkombinat” AJ Oʻzbekiston Respublikasi hududida qora metall parchalari va chiqindilarini tayyorlash (xarid qilish) boʻyicha yagona vakolatli organ hisoblanishi maʼlumot uchun qabul qilinsin.
(1-band Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
2. Quyidagilar:
Rangli va qora metall parchalari, chiqindilari bilan ishlash tartibi toʻgʻrisidagi nizom 1-ilovaga muvofiq;
Jismoniy shaxslardan qabul qilishga ruxsat etilgan maishiy maqsaddagi rangli metall parchalari va chiqindilarining roʻyxati 2-ilovaga muvofiq tasdiqlansin.
3. “Oʻzikkilamchiranglimetall” AJ ikki oy muddatda Qoraqalpogʻiston Respublikasi va respublika viloyatlari shaharlari va tuman markazlarida ushbu qarorga 2-ilovada koʻrsatilgan rangli metallar parchalari va chiqindilarini jismoniy shaxslardan qabul qilish punktlarini tashkil qilsin.
Oldingi tahrirga qarang.
4. Belgilansinki, 2019-yil 1-yanvardan boshlab tashkilotlarning, shaxsiy quyish va metall prokati ishlab chiqarishiga ega boʻlgan tashkilotlardan tashqari (toʻlovga qobiliyatsizlik va tugatish hollaridan tashqari), tashkilotlarning oʻz quyish va metall prokati ishlab chiqarishiga ega boʻlgan tashkilotlar bundan mustasno (toʻlovga qobiliyatsizlik va tugatish hollaridan tashqari), toʻlovga qobiliyatsizligi, tugatilishi, rekonstruksiya va modernizatsiya qilinishi tartibotlarini oʻtkazish davomida belgilangan tartibda hisobdan chiqariladigan tarkibida qora metallar boʻlgan tabiiy va maʼnaviy eskirgan asbob-uskunalar “Oʻzmetkombinat” AJga erkin (shartnomaviy) narxda topshirilishi kerak.
(4-band Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
Oldingi tahrirga qarang.
41. 2019-yil 1-iyundan boshlab elektrotexnika sanoati tashkilotlariga:
mahsulot tannarxini kamaytirish maqsadida ishlab chiqarish faoliyati natijasida hosil boʻlgan rangli metall parchalari va chiqindilarini oʻz ishlab chiqarish quvvatlarida yoki tegishli rangli metallar ishlab chiqaruvchi ixtisoslashtirilgan tashkilotlarda mahsulotni qaytarish asosida qayta ishlagan holda ishlab chiqarishda foydalanishga ruxsat berilsin;
rangli metall parchalari va chiqindilarini topshirish prognoz koʻrsatkichlari belgilanmaydi.
(41-band Oʻzbekiston Respublikasi Vazirlar Mahkamasining 2019-yil 29-apreldagi 367-sonli qaroriga asosan kiritilgan — Qonun hujjatlari maʼlumotlari milliy bazasi, 30.04.2019-y., 09/19/367/3037-son)
Oldingi tahrirga qarang.
42. “Issiqliktaʼminoti” AJ huzuridagi issiqlik taʼminoti korxonalarining foydalanishidan chiqarilgan hamda tarkibida qora metall parchalari boʻlgan maʼnan va jismonan eskirgan issiqlik tarmoqlari, asbob-uskunalar va butlovchi qismlarini belgilangan tartibda birja savdolari orqali sotishga ruxsat beriladi.
Bunda sotishdan tushadigan mablagʻlar toʻliq issiqlik taʼminoti korxonalarining mavjud kreditor qarzdorliklarini soʻndirishga va (yoki) issiqlik tizimlarini modernizatsiya qilish va mukammal taʼmirlash xarajatlariga yoʻnaltiriladi.
(42-band Oʻzbekiston Respublikasi Vazirlar Mahkamasining 2025-yil 10-dekabrdagi 781-sonli qaroriga asosan kiritilgan)
5. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb eʼtirof etilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruv raisi A.S. Sultanov, “Oʻzmetkombinat” AJ boshqaruvi raisi A.X. Xursanov va “Oʻzikkilamchiranglimetall” AJ bosh direktori F.R. Abdullayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 6-iyun,
425-son
Vazirlar Mahkamasining 2018-yil 6-iyundagi 425-son qaroriga
1-ILOVA
1-ILOVA
Rangli va qora metallar parchalari, chiqindilari bilan ishlash tartibi toʻgʻrisida
NIZOM
1-bob. Umumiy qoidalar
1. Ushbu Nizom rangli va qora metallar parchalari, chiqindilari bilan ishlash tartibini, asosiy tushunchalarni, tartibotlar va talablarni, shuningdek, ushbu sohadagi munosabatlarni tartibga solish xususiyatlarini belgilaydi hamda Oʻzbekiston Respublikasi hududida barcha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va jismoniy shaxslar tomonidan bajarilishi majburiydir.
2. Ushbu Nizomda quyidagi asosiy tushunchalar qoʻllaniladi:
metall parchalari — rangli va qora metallar parchalari, chiqindilari, tarkibida rangli yoki qora metallar va ularning qotishmalari mavjud boʻlgan yaroqsiz holga kelgan yoki oʻz isteʼmol xususiyatlarini yoʻqotgan mahsulotlar, tovarlar, rangli yoki qora metallar va ularning qotishmalaridan mahsulot ishlab chiqarishda hosil boʻlgan chiqindilar, shuningdek, koʻrsatilgan mahsulotlarni ishlab chiqarish jarayonida yuzaga kelgan toʻgʻrilab boʻlmas yaroqsiz mahsulot;
tayyorlash — metall parchalarini sotib olish, saralash, qayta ishlash;
parchalarni topshiruvchilar — tayyorlovchiga metall parchalarini topshirayotgan davlat va xoʻjalik boshqaruvi organlari, mahalliy ijro etuvchi hokimiyat organlari, tashkiliy-huquqiy shaklidan qatʼi nazar yuridik shaxslar, shuningdek, jismoniy shaxslar;
Oldingi tahrirga qarang.
tayyorlovchi — qora va rangli metall lomi va chiqindilarini tayyorlash (xarid qilish), qayta ishlash hamda realizatsiya qilish uchun litsenziyaga ega tadbirkorlik subyekti.
(2-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
Oldingi tahrirga qarang.
3. Metall parchalari mulkdorlari — yuridik va jismoniy shaxslar qonunchilikda belgilangan vakolatlar doirasida ularga egalik qiladilar, foydalanadilar va tasarruf etadilar.
(3-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
4. Kelgusi yil uchun respublika ichida metall parchalarining hosil boʻlishi va ulardan foydalanish parametrlari Oʻzbekiston Respublikasi Iqtisodiyot va sanoat vazirligi tomonidan tayyorlovchilar bilan birgalikda davlat va xoʻjalik boshqaruvi organlari, mahalliy ijro etuvchi hokimiyat organlarining takliflarini inobatga olgan holda ishlab chiqiladi.
(4-bandning birinchi xatboshisi Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
Kelgusi yil uchun takliflar har yili 1-oktabrgacha boʻlgan muddatda berilishi taʼminlanadi.
5. Rangli va qora metallarning parchalari, chiqindilari bilan muomala qilish ushbu Nizomga ilovaga muvofiq sxema boʻyicha amalga oshiriladi.
Oldingi tahrirga qarang.
(6-band Oʻzbekiston Respublikasi Vazirlar Mahkamasining 2019-yil 29-apreldagi 367-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 30.04.2019-y., 09/19/367/3037-son)
Oldingi tahrirga qarang.
7. Qora va rangli metallarning parchalari va chiqindilari hosil boʻlishi va ulardan foydalanish prognozi har yili Oʻzbekiston Respublikasi Iqtisodiyot va sanoat vazirligi hayʼati tomonidan belgilangan tartibda tasdiqlanadi.
(7-band Oʻzbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari maʼlumotlari milliy bazasi, 30.04.2019-y., 09/19/367/3037-son)
2-bob. Parchalarni topshiruvchilar tomonidan metall parchalarining yetkazib berilishi
8. Parchalarni topshiruvchilarda hosil boʻladigan metall parchalari erkin (shartnomaviy) narxlarda ushbu Nizomda belgilangan tartibda tayyorlovchiga topshirilishi shart.
Bunda oʻzining quyuv va metall prokati ishlab chiqarishlari boʻlgan tashkilotlar oʻzlariga tegishli metall parchalarini qayta ishlash huquqiga ega.
9. Parchalarni topshiruvchilar quyidagilarni taʼminlaydilar:
metall parchalarini yigʻish, saqlash va tayyorlovchiga yetkazib berish;
metall parchalarini tashish, qayta ishlash va qayta quyish uchun xavfsiz boʻlgan holatda yetkazib berish.
Yetkazib beriladigan metall parchalari yonuvchan-portlovchan, kimyoviy va radioaktiv materiallardan zararsizlantirilgan boʻlishi lozim.
10. Tayyorlovchiga portlovchan, kimyoviy ifloslangan va radioaktiv metall parchalarini yetkazib berish taqiqlanadi.
11. Tayyorlovchi metall parchalari muntazam asosda hosil boʻladigan parchalarni topshiruvchilarga bepul asosda, metall parchalarini yigʻish va tayyorlovchiga yetkazib berunga qadar saqlash uchun konteynerlar, urnalar, qutilar va boshqa vositalarni vaqtincha foydalanishga berishga haqli.
12. Metall parchalarining miqdori (ogʻirligi) va tavsifi tayyorlovchi tomonidan metall parchalarini qabul qilish holati boʻyicha tuziladigan qabul qilish-topshirish dalolatnomalarida qayd qilinadi.
13. Metall parchalarining hisobi tayyorlovchining rahbari tomonidan tayinlangan shaxs tomonidan yuritiladi.
14. Tayyorlovchining maxsus qabul qilish shaxobchalari radiatsiya nazoratini oʻtkazish uchun zarur uskunalar bilan taʼminlanishi shart.
Tayyorlovchi metall parchalari har bir turkumining radiatsiya nazoratidan va kimyoviy va portlash jihatidan xavfsizlik boʻyicha kirish nazoratidan oʻtkazilishini belgilangan tartibda taʼminlashga majbur.
LexUZ sharhiQarang: Oʻzbekiston Respublikasining “Radiatsiyaviy xavfsizlik toʻgʻrisida”gi Qonuni.
Nazorat tegishli tayyorgarlik va attestatsiyadan oʻtgan shaxslar tomonidan amalga oshiriladi.
15. Radioaktiv, kimyoviy ifloslangan va portlovchan metall parchalari aniqlangan hollarda tayyorlovchi zarur choralarni koʻrish uchun zudlik bilan tegishli xizmatlarga belgilangan tartibda xabar beradi.
3-bob. Yuridik shaxslardan metall parchalarini qabul qilish
16. Yuridik shaxslardan metall parchalarini qabul qilish tuzilgan shartnomalarga asosan tayyorlovchining maxsus qabul qilish shaxobchalarida, har bir turkum boʻyicha brutto ogʻirligi va transport vositasi, idishi va ifloslanganligi oʻrtasidagi farq sifatida aniqlanadigan netto ogʻirligi boʻyicha amalga oshiriladi.
17. Tayyorlovchi va parchalarni topshiruvchi oʻrtasida tuziladigan shartnomalarda metall parchalarini yetkazib berish hajmlari, turlari, muddatlari, toʻlov shartlari, taraflarning huquq va majburiyatlari, shuningdek, shartnomada nazarda tutilgan majburiyatlarni bajarmaganlik uchun javobgarligi koʻrsatiladi.
Tayyorlovchi yuridik shaxslar bilan, ularga metall parchalarini yigʻish, saqlash va faqat tayyorlovchiga yetkazib berish huquqini bergan holda, metall parchalarini yetkazib berishga shartnomalar tuzish yoʻli bilan metall parchalarini tayyorlashga haqli.
18. Parchalarning har bir turkumiga tayyorlovchi tomonidan belgilangan shaklda qabul qilish-topshirish dalolatnomasi majburiy tartibda tuziladi. Dalolatnoma asosida parchalarni topshiruvchilar bilan oʻzaro hisob-kitoblar, shuningdek, olingan shartnomaviy majburiyatlarning bajarilishi monitoringi amalga oshiriladi.
Qabul qilish-topshirish dalolatnomasi qatʼiy hisobot beriladigan hujjat boʻlib, har bir shunday dalolatnoma mufassal raqamlanadi, har bir varagʻi belgilangan tartibda raqamlangan va tikilgan qabul qilish-topshirish dalolatnomalari hisobga olish daftarida (keyingi oʻrinlarda hisobga olish daftari deb ataladi) qayd etiladi.
19. Tayyorlovchiga transport vositasida yetkazib beriladigan metall parchalari topshirish joyida miqdori va sifati boʻyicha qabul qilinadi, natijalari boʻyicha qabul qilish-topshirish dalolatnomasi rasmiylashtiriladi. Metall parchalarini qabul qilish-topshirish dalolatnomasi uch nusxada tuziladi, ularning ikkitasi tayyorlovchida qoladi, uchinchisi esa parchalarni topshiruvchiga beriladi.
20. Metall parchalari temir yoʻl transportida yetkazib berilganda har bir temir yoʻl vagoniga (konteynerga), vagon (konteyner) kelgan kunni hisobga olmagan holda vagon (konteyner) tayyorlovchiga kelgan paytdan boshlab ikki sutkadan koʻp boʻlmagan muddatda uch nusxada qabul qilish-topshirish dalolatnomasi tuziladi.
21. Basharti tayyorlovchida tushgan metall parchalarining sifati boʻyicha eʼtirozlar yuzaga kelsa, u ushbu metall parchalarini javobgarlik ostida saqlashga qabul qiladi va metall parchalarini qabul qilish boʻyicha kelishilgan qarorni qabul qilish uchun parchalarni topshiruvchini yoki uning vakilini chaqiradi.
4-bob. Jismoniy shaxslardan metall parchalarini qabul qilish
22. Tayyorlovchining aholidan metall parchalari qabul qilinadigan maxsus shaxobchalarida hammaga koʻrinadigan joyda quyidagi axborot koʻrsatilgan eʼlon osilgan boʻlishi lozim:
metall parchalarini qabul qilish shartlari va narxlari;
jismoniy shaxslardan qabul qilinishi ruxsat etilgan metall parchalari turlari roʻyxati.
23. Metall parchalari ularning har bir turkumiga tayyorlovchi tomonidan belgilangan shaklda qabul qilish-topshirish dalolatnomasi majburiy tartibda tuzilgan holda qabul qilinadi.
24. Qabul qilish-topshirish dalolatnomasi ikki nusxada tuziladi (bittasi metall parchalarini topshirayotgan shaxsga beriladi, ikkinchisi tayyorlovchida qoladi).
25. Jismoniy shaxslar bilan oʻzaro hisob-kitoblar qabul qilish-topshirish dalolatnomasi asosida amalga oshiriladi.
26. Har marotaba metall parchalari qabul qilinganda hisobga olish daftariga quyidagi maʼlumotlar kiritiladi:
a) qabul qilish-topshirish dalolatnomasining roʻyxat raqami;
b) metall parchalarini qabul qilish sanasi;
v) parcha va chiqindilarni topshirayotgan shaxs haqidagi maʼlumotlar;
g) qabul qilingan metall parchalarining GOSTga muvofiq turi, rusumi va qisqacha tavsifi;
d) metall parchalarining portlash xavfsizligi va radiatsiya nazoratlari maʼlumotlari, nazoratni amalga oshirgan shaxslarning imzosi ostida;
e) qabul qilingan metall parchalarining ifloslanganligi foizi;
j) qabul qilingan metall parchalarining ogʻirligi va qiymati;
z) daftarga yozuv kiritgan shaxs haqidagi maʼlumotlar va imzosi.
27. Hisobga olish daftari va qabul qilish-topshirish dalolatnomalari metall parchalarining qabul qilinganligi toʻgʻrisida oxirgi yozuv kiritilgan sanadan boshlab kamida 5 yil mobaynida saqlanadi.
28. Qabul qilish-topshirish dalolatnomalarining oʻz vaqtida va toʻgʻri tuzilishi, hisobga olish daftariga kiritilganligi, ulardagi maʼlumotlarning aniqligi va haqqoniyligi uchun tayyorlovchining metall parchalarini qabul qilish uchun masʼul boʻlgan vakolatli shaxsi javob beradi.
29. Jismoniy shaxslardan rangli va qora metallarning elektr texnikasi (kuchlanish kabellari, elektr uzatish va aloqa tarmoqlarining havo liniyalari), sanoat (qirindi, shlak, katalizatorlar), harbiy ahamiyatga ega boʻlgan parcha va chiqindilarini, shuningdek, temir yoʻl, harakatdagi tarkiblar va aviatsiya transporti qismlarini sotib olish taqiqlanadi.
30. 16 yoshga toʻlmagan shaxslardan metall parchalarini qabul qilishga yoʻl qoʻyilmaydi. 14 yoshdan 16 yoshgacha jismoniy shaxslardan metall parchalarini qabul qilishga ularning qonuniy vakillarining ularning pasportiga oid maʼlumotlar va yashash manzillari koʻrsatilgan yozma roziligi mavjud boʻlganda yoʻl qoʻyiladi.
5-bob. Metall parchalari uchun hisob-kitob qilish
Oldingi tahrirga qarang.
31. Qabul qilingan metall parchalari uchun toʻlov pul mablagʻlari bilan bozor asosida aniqlanadigan erkin (shartnomaviy) narxlar boʻyicha, yuridik shaxslar uchun — naqdsiz shaklda, jismoniy shaxslar uchun — naqd shaklda, shuningdek Oʻzbekiston Respublikasining qonunchiligiga muvofiq toʻlovning boshqa usullarida amalga oshiriladi.
(31-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
32. Tayyorlovchilar metall parchalari muntazam asosda hosil boʻladigan parchalarni topshiruvchilarga metall parchalarini topshirishga fyuchers shartnomalar boʻyicha oldindan toʻlov yoʻli bilan belgilangan tartibda pul oʻtkazishga haqli.
(32-band Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
6-bob. Tayyorlovchi va parchalarni topshiruvchining javobgarligi
Oldingi tahrirga qarang.
33. Ushbu Nizom talablarini buzganlik, shu jumladan, metall parchalarini yoʻq qilganlik va buzganlik, axlatxonaga va parchalarni topshiruvchiga biriktirilmagan hududga tashlaganlik, noqonuniy sotganlik uchun parchalarni topshiruvchilar qonunchilikda belgilangan tartibda javobgarlikka tortiladilar.
(33-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 2191-moddasi.
34. Sanksiyalarning qoʻllanilishi metall parchalarini topshirishdan ozod etmaydi.
35. Metall parchalarining kelib chiqishi uchun parchalarni topshiruvchi javob beradi.
7-bob. Parchalarning hosil boʻlishi monitoringini tashkil qilish
Oldingi tahrirga qarang.
36. Qora metallar parchalari va chiqindilari hosil boʻlishi va ulardan foydalanish prognozining ijrosini nazorat qilish Oʻzbekiston Respublikasi Iqtisodiyot va sanoat vazirligi tomonidan amalga oshiriladi.
(36-band Oʻzbekiston Respublikasi Vazirlar Mahkamasining 2019-yil 29-apreldagi 367-sonli qarori tahririda — Qonun hujjatlari maʼlumotlari milliy bazasi, 30.04.2019-y., 09/19/367/3037-son)
Oldingi tahrirga qarang.
37. Davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar metall parchalarining hosil boʻlishi va ishlatilishi prognozini belgilaydilar va har chorakda tegishli maʼlumotlarni Oʻzbekiston Respublikasi Milliy statistika qoʻmitasiga taqdim etadilar.
Oʻzbekiston Respublikasi Milliy statistika qoʻmitasi olingan maʼlumotlar asosida har chorakda resurslar bazasini tahlil qiladi va metall parchalari aylanishining oraliq monitoringini amalga oshiradi, soʻngra tahliliy maʼlumotlarni respublika ichida metall parchalari hosil boʻlishi va ulardan foydalanish koʻrsatkichlarini shakllantirishda foydalanish uchun Oʻzbekiston Respublikasi Iqtisodiyot va sanoat vazirligiga taqdim etadi.
(37-band Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
Oldingi tahrirga qarang.
38. “Oʻzmetkombinat” AJ joylardagi tegishli maxsus qabul qilish shaxobchalari faoliyatini nazorat qiladi.
(38-band Oʻzbekiston Respublikasi Vazirlar Mahkamasining 2024-yil 19-dekabrdagi 859-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/859/1047-son. Kuchga kirish sanasi — 2025-yil 1-yanvar)
Oldingi tahrirga qarang.
39. Rangli va qora metallar parchalari, chiqindilari bilan ishlash sohasida faoliyatni nazorat qilish qonunchilikda belgilangan tartibda:
(39-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
idoraviy mansub xoʻjalik subyektlari yuzasidan — davlat va xoʻjalik boshqaruvi organlari tomonidan; hududiy boʻysunishdagi xoʻjalik subyektlari yuzasidan — mahalliy ijro etuvchi hokimiyat organlari tomonidan amalga oshiriladi.
hududiy boʻysunishdagi xoʻjalik subyektlari yuzasidan — mahalliy ijro etuvchi hokimiyat organlari tomonidan amalga oshiriladi.
Oldingi tahrirga qarang.
40. Ushbu Nizom talablarini buzishda aybdor boʻlgan shaxslar qonunchilikka muvofiq javob beradilar.
(40-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 2191-moddasi.
Rangli va qora metall parchalari, chiqindilari bilan ishlash tartibi toʻgʻrisidagi nizomga
ILOVA
ILOVA
Rangli va qora metallar parchalari, chiqindilari bilan ishlash
SXEMASI
Oldingi tahrirga qarang.
Tadbirlar | Subyektlar | Bajarish muddatlari | ||||
| ||||||
1-bosqich | Respublika boʻyicha qora va rangli metallar parchalari va chiqindilarining hosil boʻlishi | Iqtisodiyot va moliya vazirligi, Milliy statistika qoʻmitasi, tayyorlovchilar | har yili | |||
| ||||||
2-bosqich | Metall parchalari va chiqindilarining hosil boʻlishi va ulardan foydalanish prognozini ishlab chiqish | Iqtisodiyot va sanoat vazirligi, tayyorlovchilar, davlat va xoʻjalik boshqaruvi organlari, mahalliy ijro etuvchi hokimiyat organlari | har yili | |||
| ||||||
3-bosqich | Metall parchalari hosil boʻlishi va ulardan foydalanish prognozini va har oylik jadvallarni tasdiqlash | Iqtisodiyot va sanoat vazirligi | har yili | |||
| ||||||
4-bosqich | Qora va rangli metallar parchalari va chiqindilarini erkin (shartnomaviy) narxlarda topshirish boʻyicha shartnomalar tuzish | tayyorlovchilar, davlat va xoʻjalik boshqaruvi organlari, mahalliy ijro etuvchi hokimiyat organlari | yil mobaynida | |||
| ||||||
5-bosqich | Oʻzining metall parchalarini ishlatish (qayta ishlash) | Oʻzining quyish va metall prokatini ishlab chiqarishlariga ega boʻlgan tashkilotlar | yil mobaynida | |||
| ||||||
6-bosqich | Metall parchalarini qabul qilish | tayyorlovchilar | yil mobaynida | |||
| ||||||
7-bosqich | Metall parchalari uchun hisob-kitob qilish | tayyorlovchilar | tuzilgan shartnoma shartlari boʻyicha | |||
| ||||||
8-bosqich | Metallar parchalari hosil boʻlishi, shu jumladan, fizik ishdan chiqqan va maʼnaviy eskirgan asbob-uskunalarni hisobdan chiqarishning rejalashtirilishi monitoringi olib borilishini tashkil etish | Iqtisodiyot va moliya vazirligi, Milliy statistika qoʻmitasi, tayyorlovchilar | yil mobaynida | |||
| ||||||
9-bosqich | Metall parchalari hosil boʻlishi va ulardan foydalanish parametrlari ijrosi ustidan nazorat qilish | Iqtisodiyot va moliya vazirligi, | har oyda | |||
(ilova Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
Vazirlar Mahkamasining 2018-yil 6-iyundagi 425-son qaroriga
2-ILOVA
2-ILOVA
Jismoniy shaxslardan qabul qilishga ruxsat etilgan maishiy maqsaddagi rangli metallar parchalari va
ROʻYXATI
Oldingi tahrirga qarang.
|
1. |
Avtotransport akkumulyatorlari va avtotransport texnikasiga ehtiyot qismlar |
|
2. |
Aluminiy bidon, flyaga, kanistrlar |
|
3. |
Aluminiy qayiqlar |
|
4. |
Aluminiy deraza va eshiklar |
|
5. |
Changʻilar uchun aluminiy tayoqlar va qayishlar |
|
6. |
Aluminiy spinning va gʻaltaklar (katushki) |
|
7. |
Antennalar |
|
8. |
Bareleflar |
|
9. |
Batareykalar |
|
10. |
Ichki yonuv dvigatellarning bloklari va dizelli dvigatellar |
|
11. |
Bra |
|
12. |
Soqol olish asboblari |
|
13. |
Maishiy elektr ventilyatorlar |
|
14. |
Vazalar |
|
15. |
Vannalar |
|
16. |
Ilgaklar |
|
17. |
Avtomobil va traktor generatorlari, startyorlari |
|
18. |
Tarozi toshlari |
|
19. |
Gaz gorelkalari |
|
20. |
Gotovalnyalar |
|
21. |
Umumiy foydalanish maishiy asboblarining detallari |
|
22. |
Gaz kolonkalarining detallari |
|
23. |
Avtomobil, mototsikl, motoroller va velosipedlarning detallari va aksessuarlari |
|
24. |
Changyutgichlarning detallari |
|
25. |
Radioapparatura, televizor, magnitofonlarning detallari |
|
26. |
Sovutgichlarning detallari |
|
27. |
Bolalar oʻyinchoqlari |
|
28. |
Chovlilar (durshlag) |
|
29. |
Akvalangistlarning nafas olish aksessuarlari |
|
30. |
Yondirgichlar |
|
31. |
Qulflar |
|
32. |
Qozonlar |
|
33. |
Chilchiroqlar (kandelyabr) |
|
34. |
Karnizlar |
|
35. |
Kastrullar |
|
36. |
Kerogaz |
|
37. |
Kalitlar |
|
38. |
Suv isitish kolonkalari |
|
39. |
Berkitish va qadoqlash uchun qalpoqchalar, tyubiklar, zarqogʻoz (folga) |
|
40. |
Uzuklar |
|
41. |
Mebel xalqalari |
|
42. |
Tarozilarning shayini (koromislo) |
|
43. |
Ovqat pishiradigan qozonlar |
|
44. |
Kofeyniklar (qahva soladigan idish) |
|
45. |
Joʻmraklar (kran, ventil), aralashtirgichlar (smesiteli) |
|
46. |
Karavot, stol va stullar |
|
47. |
Krujka, koʻza, qumgʻonlar |
|
48. |
Tomlar |
|
49. |
Oshxona va ovqatlanish anjomlari va mebeli, mebel furniturasi |
|
50. |
Lampalar (chiroqlar) |
|
51. |
Jezdan yasalgan blesnalar |
|
52. |
Chizgichlar |
|
53. |
Qayiq motorlari |
|
54. |
Qandillar |
|
55. |
Manikyur aksessuarlari |
|
56. |
Mebel bezaklari |
|
57. |
Qahva tegirmoni |
|
58. |
Metall galantereya |
|
59. |
Bolalar va nogironligi boʻlgan shaxslar aravachalarining metall qismlari |
|
60. |
Tovoqlar |
|
61. |
Musiqa asboblari va cholgʻulari |
|
62. |
Goʻsht qiymalagichlar |
|
63. |
Kavsharlagichlar (payalnik) |
|
64. |
Kavsharlash lampalari (chiroqlari) |
|
65. |
Kuldonlar |
|
66. |
Maishiy pechlar |
|
67. |
Patnislar |
|
68. |
Shamdonlar |
|
69. |
Stakandonlar (podstakannik) |
|
70. |
Avtomobil va traktor porshenlari |
|
71. |
Eshik, deraza va pech anjomlari |
|
72. |
Primuslar |
|
73. |
Aluminiydan tayyorlangan eshik, deraza romlari, shuningdek, ularning chiqindilari |
|
74. |
Qoʻlyuvgichlar |
|
75. |
Samovarlar |
|
76. |
Santexnika anjomlari |
|
77. |
Gazlantirilgan suv uchun sifonlar |
|
78. |
Haykalchalar |
|
79. |
Sharikli ruchka va qalamlarning sterjen va uchlari |
|
80. |
Hovonchalar |
|
81. |
Togʻoralar |
|
82. |
Fonuslar (fonarlar) |
|
83. |
Non qoliplari |
|
84. |
Elektr va maishiy texnika |
(2-ilova Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Vazirlar Mahkamasining 2018-yil 6-iyundagi 425-son qaroriga
3-ILOVA
3-ILOVA
Oʻzbekiston Respublikasi Xukumatining oʻz kuchini yoʻqotgan deb eʼtirof etilayotgan qarorlari
ROʻYXATI
1. Oʻzbekiston Respublikasi Vazirlar Mahkamasining “Qora va rangli metallar parchalari va chiqindilarini tayyorlash, saqlash, ehtiyotlash va topshirish tartibi toʻgʻrisida” 1999-yil 5-fevraldagi 49-son qarori (Oʻzbekiston Respublikasi QT, 1999-y., 2-son, 8-modda).
2. Oʻzbekiston Respublikasi Vazirlar Mahkamasining “Hukumat komissiyalarini tuzish masalalari boʻyicha Oʻzbekiston Respublikasi Vazirlar Mahkamasining ayrim qarorlariga oʻzgarishlar, qoʻshimchalar kiritish va oʻz kuchini yoʻqotgan deb topish toʻgʻrisida” 2000-yil 19-sentabrdagi 359-son qaroriga 1-ilovaning 19-bandi.
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2022-yil 21-iyuldagi 396-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 22.07.2022-y., 09/22/396/0656-son)
(Qonun hujjatlari maʼlumotlari milliy bazasi, 07.06.2018-y., 09/18/425/1322-son; 30.04.2019-y., 09/19/367/3037-son; Qonunchilik maʼlumotlari milliy bazasi, 08.02.2022-y., 09/22/62/0111-son, 05.04.2022-y., 09/22/153/0266-son; 22.07.2022-y., 09/22/396/0656-son; 22.07.2023-y., 09/23/304/0510-son; 23.12.2024-y., 09/24/859/1047-son; 07.10.2025-y., 09/25/627/0901-son)
