toggle_night_mode
Hujjat kuchini yo‘qotgan 29.07.2020
Oʻzbekiston Respublikasi Markaziy banki Boshqaruvining
Qarori
Oʻzbekiston Respublikasi banklarida depozit operatsiyalarini amalga oshirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida
[Oʻzbekiston Respublikasi Adliya vazirligi tomonidan 2018-yil 26-yanvarda roʻyxatdan oʻtkazildi, roʻyxat raqami 2711-1]
 LexUZ sharhi
Mazkur qaror Oʻzbekiston Respublikasi Markaziy banki boshqaruvining 2020-yil 25-maydagi 12/7-sonli “Oʻzbekiston Respublikasi Markaziy banki tomonidan qabul qilingan ayrim normativ-huquqiy hujjatlarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 3280, 29.07.2020-y.) asosan oʻz kuchini yoʻqotgan.
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Banklar va bank faoliyati toʻgʻrisida”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2015-yil 22-iyuldagi 19/11-son qarori (roʻyxat raqami 2711, 2015-yil 26-avgust) (Oʻzbekiston Respublikasi qonun hujjatlari toʻplami, 2015-y., 34-son, 460-modda) bilan tasdiqlangan Oʻzbekiston Respublikasi banklarida depozit operatsiyalarini amalga oshirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi v.v.b. T. IShMETOV
Toshkent sh.,
2017-yil 16-dekabr,
34/9-son
Oʻzbekiston Respublikasi Markaziy banki Boshqaruvining 2017-yil 16-dekabrdagi 34/9-son qaroriga
ILOVA
Oʻzbekiston Respublikasi banklarida depozit operatsiyalarini amalga oshirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar
1. 1-band quyidagi mazmundagi xatboshi bilan toʻldirilsin:
“elektron oferta — omonat shartnomasining barcha asosiy shartlarini oʻz ichiga olgan, oferta qiluvchi shaxsning javob qaytargan shaxs bilan ofertada koʻrsatilgan shartlar asosida shartnoma tuzishga xohish irodasini bildiruvchi taklif (bundan buyon matnda oferta deb yuritiladi).”.
2. 3-band quyidagi tahrirda bayon etilsin:
“3. Bank omonati shartnomasi omonatchilar va bank oʻrtasida yozma shaklda tuziladi, bundan mazkur bankda hisobvaragʻi ochilgan jismoniy shaxslar tomonidan oferta asosida qoʻyilgan omonatlar mustasno. Bank va omonatchilar oʻrtasida bank omonati shartnomasi, omonat summasi bank kassasiga qabul qilingan yoki omonat hisobvaragʻiga tegishli mablagʻ naqd pulsiz kelib tushgan kundan boshlab tuzilgan hisoblanadi.
Oferta asosida omonatlar ofertani elektron shaklda akseptlash orqali qoʻyiladi.
Ofertani belgilangan muddatda olgan shaxsning akseptlash maqsadida unda koʻrsatilgan shartnoma shartlarini bajarish yuzasidan qilgan harakatlari, agar qonun hujjatlarida yoxud ofertada boshqacha tartib nazarda tutilmagan yoki qayd etilmagan boʻlsa, aksept hisoblanadi.
Muomala layoqatiga ega boʻlgan har qanday jismoniy shaxs oʻz nomiga va boshqa shaxs nomiga omonat qoʻyishi, oʻzining bank omonat hisobvaragʻidagi mablagʻini oʻzi yoki vakili orqali mustaqil tasarruf etishi, shuningdek boshqa shaxslar omonat mablagʻlarini tasarruf etish uchun vakil boʻlishi mumkin.”.
3. 11-bandda:
quyidagi mazmundagi yettinchi va sakkizinchi xatboshilar bilan toʻldirilsin:
“Tijorat banklari oʻzlarining ichki meʼyoriy hujjatlariga muvofiq masofadan omonatlarga mablagʻlar jalb qilish hamda omonatlar bilan bogʻliq barcha amaliyotlarni bajarish imkoniyatini beruvchi dasturlar hamda omonat turlarini ishlab chiqishlari va amaliyotga joriy qilishlari mumkin.
Banklar jismoniy shaxslarning omonat operatsiyalarini amalga oshirishda bank hisobvaraqlariga masofadan xizmat koʻrsatish tizimlari orqali qonun hujjatlarida belgilangan barcha hisobvaraqlardan foydalanadilar.”;
yettinchi xatboshi toʻqqizinchi xatboshi deb hisoblansin.
4. 14-band quyidagi tahrirda bayon etilsin:
“14. Omonatchilar bank plastik karta hisobvaraqlari va boshqa omonat hisobvaraqlari boʻyicha mobil ilovadan foydalangan holda yoki shaxsiy kabinet orqali barcha omonat operatsiyalarini amalga oshirishlari mumkin.
Bank plastik karta hisobvaraqlari va boshqa omonat hisobvaraqlari boʻyicha mobil ilova yoki shaxsiy kabinet orqali foydalanish omonatchilar tomonidan ixtiyoriy ravishda tanlanadi.
Bank plastik karta hisobvaraqlari va boshqa omonat hisobvaraqlari boʻyicha mobil ilova yoki shaxsiy kabinet orqali foydalanish tartibi mazkur Yoʻriqnomaga, Oʻzbekiston Respublikasi tijorat banklarida buxgalteriya hisobi hisobvaraqlar rejasiga (roʻyxat raqami 773-17, 2004-yil 13-avgust) hamda boshqa qonun hujjatlariga muvofiq belgilanadi.”.
5. 15, 16, 100 va 114-bandlar oʻz kuchini yoʻqotgan deb topilsin.
6. 31-bandning ikkinchi xatboshisidagi “boʻyicha” degan soʻz “talab qilib olinguncha omonatlar hisobvaragʻiga oʻtkaziladi hamda” degan soʻzlar bilan almashtirilsin.
7. 37-bandning ikkinchi xatboshisi “muddatli omonatlar boʻyicha” degan soʻzlar “talab qilib olinguncha omonatlar hisobvaragʻiga oʻtkaziladi hamda” degan soʻzlar bilan almashtirilsin.
8. 50-band quyidagi mazmundagi xatboshilari bilan toʻldirilsin:
“Mazkur band talablari ushbu bankda hisobvaragʻi ochilgan jismoniy shaxslar tomonidan oferta asosida qoʻyilgan omonatlar boʻyicha tatbiq etilmaydi.
Tijorat banklarida bank hisobvaraqlariga masofadan xizmat koʻrsatish tizimlari orqali boshqariladigan depozit hisobvaraqlariga doir omonatlar boʻyicha alohida modul yaratilib, kunlik reyestri va monitoringi olib boriladi.
Mijozlar uchun bank hisobvaraqlariga masofadan xizmat koʻrsatish tizimlari orqali boshqariladigan depozit hisobvaraqlariga doir omonatlar boʻyicha barcha maʼlumotlar elektron tarzda shakllantiriladi va omonatchiga elektron tizimlardan foydalangan holda real vaqt rejimida monitoring qilish imkoniyati yaratiladi.”.
9. 57-banddagi “yopilgan taqdirda,” degan soʻzlar “yopilganda yoki omonat hisobvaragʻida qoldiq qolmaganda,” degan soʻzlar bilan almashtirilsin.
10. 60-bandning 3, 4, 6 va 14-kichik bandlari oʻz kuchini yoʻqotgan deb topilsin.
11. 69-bandning yettinchi xatboshisidan “hamda mazkur yoʻriqnomaning 6-ilovasiga muvofiq “Aholi omonatlari boʻyicha naqd pul mablagʻlarining berilishida omonatchilarning murojaatlarini qayd etish daftari”” degan soʻzlar chiqarib tashlansin.
12. 72-band quyidagi mazmundagi xatboshilar bilan toʻldirilsin:
“Mijoz unga tegishli plastik kartasi ochilgan yoki uni identifikatsiyalash boʻyicha boshqa usullariga ega boʻlgan bank doirasida bank hisobvaraqlariga masofadan xizmat koʻrsatish tizimlari orqali boshqariladigan depozit hisobvaraqlari boʻyicha belgilangan tartibda hisobvaraq ochish, ularni yuritish va hisobvaraqlarni yopish elektron tarzda amalga oshiradi.
Bir bank ichida real vaqt rejimida omonat mablagʻlarini joylashtirish, ularni olish va qoʻshimcha pul mablagʻlarini qoʻyish bilan bogʻliq operatsiyalar Oʻzbekiston Respublikasi tijorat banklari avtomatlashtirilgan bank tizimlarida axborotni muhofaza qilish toʻgʻrisidagi nizom (roʻyxat raqami 1552, 2006-yil 13-mart) bilan muhofaza qilinadi.”.
13. 74-banddan ikkinchi xatboshisi chiqarib tashlansin.
14. 75-banddan “Soʻnggi nazoratga xabarnomada,” degan soʻzlar chiqarib tashlansin.
15. 76-bandning birinchi xatboshisi “bir martalik operatsiya” degan soʻzlar “bir martalik operatsiyalar, shu jumladan xalqaro pul oʻtkazmalari boʻyicha kelib tushgan mablagʻlar” degan soʻzlar bilan almashtirilsin.
16. 93-banddan “yozuvidan keyin va Soʻnggi nazoratga xabarnomada qaysi hujjatga asosan omonat xatlanganligi” degan soʻzlar chiqarib tashlansin.
17. 95-banddan “va Soʻnggi nazoratga xabarnomaga” va “va Soʻnggi nazoratga xabarnomani” degan soʻzlar chiqarib tashlansin.
18. 97 va 107-bandlardan “va Tasdiqnoma” degan soʻzlar chiqarib tashlansin.
19. 98-banddagi “orderi va Tasdiqnomani” degan soʻzlar “orderini” degan soʻzlar bilan almashtirilsin.
20. 99-banddan ikkinchi jumla chiqarib tashlansin.
21. 101-banddagi “Tasdiqnoma” degan soʻz “Kirim orderi” degan soʻzlar bilan almashtirilsin.
22. 108-bandning ikkinchi xatboshisi quyidagi tahrirda bayon etilsin:
“Omonat daftarchasi toʻliq rasmiylashtirilib, imzolangandan soʻng nusxa olinadi va soʻnggi nazoratga taqdim etiladi.”.
23. 110-band “filial rahbari” degan soʻzlardan keyin “yoki masʼul oʻrinbosari” degan soʻzlar bilan toʻldirilsin.
24. 111-banddan ikkinchi jumla chiqarib tashlansin.
25. 112-banddan “va Soʻnggi nazoratga xabarnomaga” degan soʻzlar chiqarib tashlansin.
26. 113-banddan “Soʻnggi nazoratga xabarnomani toʻldiradi va” degan soʻzlar chiqarib tashlansin.
27. 115-band quyidagi tahrirda bayon etilsin:
“115. Oʻn toʻrt yoshga toʻlmagan voyaga yetmagan shaxs nomiga qoʻyilgan omonat boʻyicha shaxsiy hisobvaraq varaqchasiga nazoratchi “Omonatni ota-ona ruxsati bilan boshqarish”, “Omonatni farzandlikka oluvchilar ruxsati bilan boshqarish” yoki “Omonatni vasiy ruxsati bilan boshqarish” degan yozuvni kiritadi va imzolaydi. Bunda, shaxsiy hisobvaraq varaqchasining “omonatchi” satriga omonatchi faqat oʻn toʻrt yoshga toʻlgandan keyin imzo qoʻyadi.”.
28. 116-bandning birinchi xatboshisi quyidagi tahrirda bayon etilsin:
“116. Oʻn toʻrt yoshga toʻlmagan voyaga yetmagan shaxs nomiga qoʻyilgan omonat boʻyicha omonatchining ota-onasi, farzandlikka oluvchisi yoki vasiysi oʻn toʻrt yoshga toʻlmagan voyaga yetmagan shaxsning tugʻilgan yili, oyi va kuni, omonatchining ota-onasi, farzandlikka oluvchisi yoki vasiysi ekanligini tasdiqlovchi hujjat maʼlumotlarini shaxsiy hisobvaraq varaqchasiga yozadi va shaxsiy hisobvaraq varaqchasining “omonatchi” satriga imzo qoʻyadi.”.
29. 191-band quyidagi tahrirda bayon etilsin:
“191. Omonat kassa ish vaqti tugagandan soʻng, Oʻzbekiston Respublikasi Ichki ishlar vazirligi huzuridagi markaziy qoʻriqlash pultiga topshirilishi lozim.”.
30. 194-banddan “olingan xabarnomalar asosida” degan soʻzlar chiqarib tashlansin.
31. 3, 4, 6 va 14-ilovalar oʻz kuchini yoʻqotgan deb topilsin.

(Qonun hujjatlari maʼlumotlari milliy bazasi, 27.01.2018-y., 10/18/2711-1/0630-son)