Oʻzbekiston Respublikasi Vazirlar Mahkamasining “Oʻzbekiston Respublikasining 2001-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2000-yil 26-dekabrdagi 500-son qarorining qabul qilinishi munosabati bilan Vazirlar Mahkamasi qaror qiladi:

1. Hukumatning 1-ilovaga muvofiq ayrim qarorlariga oʻzgartirishlar va qoʻshimchalar kiritilsin.

2. Hukumatning 2-ilovaga muvofiq qarorlari oʻz kuchini yoʻqotgan deb hisoblansin.

2. Oʻzbekiston Respublikasi Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qarorining 5-bandi quyidagi mazmundagi xatboshi bilan toʻldirilsin:

“Belgilangan tartibda tasdiqlangan loyihalarga muvofiq yangi ishlab chiqarishlarni barpo etish, faoliyat koʻrsatayotganlarini modernizatsiya qilish va texnik jihatdan qayta jihozlash uchun olib kelinayotgan texnologik asbob-uskunalar vakolatli bankning tegishli tasdiqnomasi mavjud boʻlgan taqdirda boj toʻlovidan ozod qilinsin”.

1. Oʻzbekiston Respublikasi Vazirlar Mahkamasining “Respublika qishloq xoʻjaligi korxonalarini qoʻshimcha qiymatdan budjetga soliq toʻlashdan ozod qilish toʻgʻrisida”gi Farmonni amalga oshirish chora-tadbirlari haqida” 1992-yil 15-iyundagi 284-son qarori.

2. Oʻzbekiston Respublikasi Vazirlar Mahkamasining “Aroq-likyor va tamaki mahsulotlariga aksiz stavkalarini oʻzgartirish toʻgʻrisida” 1995-yil 25-martdagi 97-son qarori.

3. Oʻzbekiston Respublikasi Vazirlar Mahkamasining “Chetdan olib kelinayotgan alkogolli mahsulotlarga aksiz stavkalarini oʻzgartirish toʻgʻrisida” 1995-yil 5-maydagi 161-son qarori.

4. Oʻzbekiston Respublikasi Vazirlar Mahkamasining “Alkogolli mahsulotlar, gilam va gilamli buyumlarga aksiz stavkalarini oʻzgartirish toʻgʻrisida” 1995-yil 26-maydagi 186-son qarori.

5. Oʻzbekiston Respublikasi Vazirlar Mahkamasining “Chetga olib chiqib ketilayotgan tovarlarning ayrim turlariga aksiz soligʻi joriy etish toʻgʻrisida” 1996-yil 1-oktabrdagi 343-son qarori (Oʻzbekiston Respublikasi, QT, 1996-y. 10-son, 28-modda).

6. Oʻzbekiston Respublikasi Vazirlar Mahkamasining “Alkogolli mahsulotlarga aksiz soligʻi stavkalarini oʻzgartirish toʻgʻrisida” 1997-yil 14-iyuldagi 357-son qarori.

7. Oʻzbekiston Respublikasi Vazirlar Mahkamasining “Qozogʻiston Respublikasi va Qirgʻiziston Respublikasidan import qilib keltirilayotgan tovarlarga aksiz soligʻining vaqtinchalik stavkalarini joriy etish toʻgʻrisida” 1999-yil 13-apreldagi 173-son qarori.

8. Oʻzbekiston Respublikasi Vazirlar Mahkamasining “Tovarlarning ayrim turlarini Oʻzbekiston Respublikasi hududiga olib kelishni tartibga solishga doir qoʻshimcha chora-tadbirlar toʻgʻrisida” 2000-yil 25-avgustdagi 333-son qarori.