PQ-3012-сон 26.05.2017. 2017-2021-yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari dasturi toʻgʻrisida

Oʻzbekiston Respublikasi Prezidentining

Qarori

2017 — 2021-yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari dasturi toʻgʻrisida

Taʼkidlash joizki, Oʻzbekiston Respublikasi Prezidentining 2015-yilning 5-maydagi PQ-2343-sonli qarori bilan tasdiqlangan, 2015 — 2019-yillarda iqtisodiyot tarmoqlari va ijtimoiy sohada energiya sigʻimini qisqartirish, energiyani tejaydigan texnologiyalar va tizimlarni joriy etish chora-tadbirlari Dasturi doirasida keyingi yillarda respublikamizning iqtisodiyot tarmoqlari va ijtimoiy sohasida energiya tejamkorligini taʼminlashga qaratilgan keng qamrovli chora-tadbirlar amalga oshirilmoqda.

Maishiy uskunalarni ishlab chiqarish energetik menejmenti va energetik markirovkalash standartlari joriy etildi. Koʻchalarni yoritish tizimida energiya isteʼmoli boʻyicha samarali texnologiyalarni hamda uy-joy va ijtimoiy binolar uchun energiyani tejaydigan lampalarni joriy qilish ishlari olib borilmoqda, respublika hududida quvvati 40 Vtdan yuqori boʻlgan choʻgʻlanma lampalarni sotish toʻxtatildi.

Xalq taʼlimi vazirligi, Sogʻliqni saqlash vazirligi va Oʻrta maxsus, kasb-hunar taʼlimi markazining budjetdan moliyalashtiriladigan muassasalarida energiya sigʻimi yuqori boʻlgan isitish qozonlarini energiya tejamkorlariga almashtirilmoqda. Energetika tarmogʻida zamonaviy gaz va bugʻ turbinali qurilmalarni joriy qilish boʻyicha investitsiya loyihalari amalga oshirilmoqda.

2017 — 2021-yillarda gidroenergetikani yanada rivojlantirish chora-tadbirlariga doir qabul qilingan Dastur doirasida 42 ta yangi gidroelektrostansiya qurish va ishlab turgan 32 ta gidroelektrostansiyani modernizatsiya qilish hisobiga 2025-yilga qadar respublikamizning ekologik toza gidroenergiya ishlab chiqarish quvvatlarini 1,7 barobarga oshirish nazarda tutilmoqda.

Shu bilan birga, koʻrilayotgan chora-tadbirlarga qaramasdan, milliy iqtisodiyotning energiya sigʻimi yuqoriligicha qolmoqda, qayta tiklanuvchi manbalarni sanoat ishlab chiqarishiga jalb etish hisobiga yoqilgʻi-energetika balansini diversifikatsiyalash darajasi jahon tendensiyasiga javob bermaydi. Elektr va issiqlik energiyasini ishlab chiqarishda birlamchi yoqilgʻi sifatida asosan tabiiy gaz va boshqa anʼanaviy uglevodorod yoqilgʻi turlaridan foydalanilmoqda.

Elektr va issiqlik energiyasini ishlab chiqarishda qayta tiklanuvchi energiya manbalarining (quyosh, shamol va biogaz energiyasi, kichik tabiiy va sunʼiy suv oqimlarining gidroenergiyasi) mavjud yuqori imkoniyatlaridan amalda foydalanilmayapti.

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida qayta tiklanuvchi energiya manbalaridan foydalanishni kengaytirish, ishlab chiqarishning energiya sigʻimini qisqartirish, milliy ilmiy-texnikaviy ishlanmalar va sinovdan oʻtgan xalqaro energotejamkor ilgʻor texnologiyalar tadqiqotlarini amaliyotga maqsadli joriy etish sohasida belgilangan ustuvor yoʻnalishlarni roʻyobga chiqarish maqsadida:

Oldingi tahrirga qarang.

(1-band Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oldingi tahrirga qarang.

2. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Suv xoʻjaligi vazirligi, Fanlar akademiyasi, “Oʻzbekenergo” AJ va “Oʻzbekgidroenergo” AJ tomonidan ishlab chiqilgan 2017 — 2021-yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari Dasturi (keyingi oʻrinlarda Dastur deb yuritiladi) maʼqullansin, Dastur quyidagilarni oʻz ichiga oladi:

(2-bandining birinchi xatboshisi Oʻzbekiston Respublikasi Prezidentining 2022-yil 2-dekabrdagi PQ-436-son qarori tahririda— Qonunchilik maʼlumotlari milliy bazasi, 03.12.2022-y., 07/22/436/1061-son)

Oldingi tahrirga qarang.

(2-bandning ikkinchi xatboshisi Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan chiqarilgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

qayta tiklanuvchi energetikani rivojlantirishga doir investitsiya loyihalari roʻyxati 2-ilovaga muvofiq;

Oldingi tahrirga qarang.

(2-bandning toʻrtinchi xatboshisi Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan chiqarilgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oldingi tahrirga qarang.

(2-bandning beshinchi xatboshisi Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan chiqarilgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

2017 — 2021-yillarda budjet tashkilotlarida energiya samarador isitish qozonlarini joriy etish jadvali 5-ilovaga muvofiq;

Oldingi tahrirga qarang.

2017 — 2021-yillarda Oʻzbekiston Respublikasi Suv xoʻjaligi vazirligining suv xoʻjaligi tashkilotlari nasos stansiyalarida energiya samarador nasoslar va elektrodvigatellarni joriy etish jadvali 6-ilovaga muvofiq.

(2-bandning yettinchi xatboshisi Oʻzbekiston Respublikasi Prezidentining 2018-yil 1-avgustdagi PF-5497-sonli Farmoni tahririda — Qonun hujjatlari maʼlumotlari milliy bazasi, 01.08.2018-y., 06/18/5497/1604-son)

Vazirlar Mahkamasi komplekslari, masʼul ijrochilar — vazirliklar, idoralar va xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari rahbarlariga mazkur qaror bilan maʼqullangan Dasturdagi chora-tadbirlarning oʻz vaqtida va sifatli bajarilishi uchun shaxsiy masʼuliyat yuklansin.

Tegishli chora-tadbirlarning amalga oshirilishi uchun masʼul boʻlgan vazirliklar, idoralar va xoʻjalik birlashmalari har bir parametr va loyiha boʻyicha “yoʻl xaritasi”ning bir oy muddatda ishlab chiqilishi va tasdiqlanishini taʼminlasin.

Oldingi tahrirga qarang.

(3-band Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

4. Oʻzbekiston Respublikasi Fanlar akademiyasi, Fan va texnologiyalar agentligi, “Oʻzbekgidroenergo” AJ, Quyosh energiyasi xalqaro instituti, “Oʻzbekenergo” AJ Ilmiy-texnik markazi ikki oy muddatda qayta tiklanuvchi manbalar energiyasidan foydalanish, shu jumladan, quyosh energetikasini rivojlantirish, energiya samaradorligi sohasidagi mahalliy ishlanmalar va amaliy tadqiqotlarni, shuningdek, sinovdan oʻtgan xorijiy ilgʻor texnologiyalarni transfer qilish imkoniyatini tahlil qilish asosida iqtisodiyot va ijtimoiy soha tarmoqlarida qayta tiklanuvchi manbalar energiyasini maqsadli joriy qilish va quyosh energetikasini rivojlantirish boʻyicha amaliy chora-tadbirlar rejasini ishlab chiqsin va Vazirlar Mahkamasiga tasdiqlash uchun kiritsin.

Oldingi tahrirga qarang.

(5-band Oʻzbekiston Respublikasi Prezidentining 2020-yil 18-iyundagi PF-6010-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

6. Oʻzbekiston Respublikasi Moliya vazirligi 2018-yilning 1-yanvaridan boshlab Oʻzbekiston Respublikasining Davlat budjeti parametrlarini shakllantirishda budjet tashkilotlarining xarajatlar smetasida, shuningdek, mahalliy budjetlar qoʻrsatkichlarida Dasturga kiritilgan chora-tadbirlarning bajarilishi uchun zarur mablagʻlarni asoslangan hisob-kitoblarga koʻra nazarda tutsin.

7. Belgilab qoʻyilsinki:

belgilangan quvvatlari tegishli ravishda 0,2 MVt va 30 MVt boʻlgan mikro va kichik gidroelektrostansiyalar, qayta tiklanuvchi energiya manbalaridan foydalangan holda, elektr energiyasi ishlab chiqaruvchi isteʼmolchilar, shuningdek, tashkiliy-huquqiy shaklidan qatʼi nazar, qayta tiklanuvchi energiya manbalaridan va ikkilamchi energetik resurslardan foydalangan holda energiya ishlab chiqaruvchilar yagona elektr energetikasi va elektr energiyasi isteʼmolchilarining tarmoqlariga qonunchilik talablariga muvofiq blok-stansiyalar shartlarida ulanishlari mumkin;

qayta tiklanuvchi energiya manbalari va ikkilamchi energetik resurslardan foydalanadigan qurilmalar yagona elektr energetikasi tizimi operatorining dispetcherlik grafigida elektr energiyasini sotib olish boʻyicha qazilma yoqilgʻilaridan foydalanadigan energiya ishlab chiqaruvchi quvvatlarga nisbatan ustuvorlikka egadir;

mavjud elektr tarmoqlarini rekonstruksiya qilish va (yoki) kengaytirish uchun qayta tiklanuvchi energiya manbalari uskunalarini (qurilmalarini) ulash bilan bogʻliq xarajatlar ushbu tarmoq egalari tomonidan, yagona elektr energetikasi tizimiga ulash nuqtasigacha esa — qayta tiklanuvchi energiya manbalaridan energiya ishlab chiqaruvchi tomonidan amalga oshiriladi;

yagona elektr energetika tizimiga yetkazib berilayotgan qayta tiklanuvchi energiya manbalaridan (“Oʻzbekgidroenergo” AJdan tashqari) ishlab chiqarilgan elektr energiyasi uchun hisob-kitoblar uchun amaldagi tarif qiymatida (qoʻshilgan qiymat soligʻini hisobga olmagan holda), yagona elektr energetika tizimi boʻyicha elektr energiyasi birligini yetkazib berish tannarxiga kamaytirilgan qiymatda, shuningdek, hududiy elektr tarmoqlari korxonalarining elektr energiyasi birligini taqsimlash va sotish qiymatiga kamaytirilgan holda, amalga oshiriladi.

Oldingi tahrirga qarang.

Bunda qoʻshilgan qiymat soligʻini hisobga olmagan holda hisob-kitoblar Oʻzbekiston Respublikasining “Qayta tiklanuvchi energiya manbalaridan foydalanish toʻgʻrisida”gi Qonunida nazarda tutilgan qoʻshilgan qiymat soligʻini toʻlashdan ozod qilish boʻyicha imtiyoz va preferensiyalarning amal qilish davrida amalga oshiriladi.

Hududiy elektr tarmoqlari korxonalari “Hududiy elektr tarmoqlari” AJ, “Oʻzbekiston Milliy elektr tarmoqlari” AJ va mahalliy ijro hokimiyati organlari bilan kelishgan holda qayta tiklanuvchi energiya manbalari asosida elektr energiya ishlab chiqaruvchi isteʼmolchilardan elektr energiya sotib olish boʻyicha shartnomalar tuzish huquqiga egadir.

(7-bandning oltinchi va yettinchi xatboshilari Oʻzbekiston Respublikasi Prezidentining 2020-yil 18-iyundagi PF-6010-sonli Farmoni tahririda — Qonun hujjatlari maʼlumotlari milliy bazasi, 18.06.2020-y., 06/20/6010/0776-son)

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda Davlat arxitektura va qurilish qoʻmitasi bilan birgalikda loyihalar tashabbuskorlariga yer uchastkalarini ajratishda va loyiha tashabbuskorlari murojaatlariga asosan qayta tiklanuvchi energiya manbalaridan foydalanuvchi uskunalarni qurish loyihalarini vakolatli davlat organlari bilan “yagona darcha” tamoyili orqali kelishishda qonunchilikda belgilangan tartibda koʻmaklashsin;

qayta tiklanuvchi energiya manbalaridan foydalanuvchi uskunalarni qurish va foydalanishga topshirishda ruxsat berish tartib-taomillaridan oʻtish muddatlariga ijro etilishi yuzasidan nazoratni taʼminlasin.

9. Oʻzbekiston Respublikasi Vazirlar Mahkamasi (Gʻ.I. Ibragimov) uch oy muddatda uglevodorod yoqilgʻisini qazib olish, qayta ishlash, transportirovka qilish, taqsimlash, uglevodorod yoqilgʻisidan foydalanish, uni qayta ishlash orqali energiyani sanoat turlariga aylantirish, issiqlik va elektr energiyasidan foydalanish holati ustidan davlat nazorati tizimini takomillashtirish boʻyicha choralar koʻrsin.

10. Oʻzbekiston Respublikasi Vazirlar Mahkamasi tomonidan Oʻzbekiston Respublikasi Prezidentining 2017-yil 6-apreldagi F-4891 farmoyishi bilan tashkil qilingan Tovarlar (ishlar, xizmatlar) hajmi va tarkibini tanqidiy tahlil qilish, import oʻrnini bosadigan ishlab chiqarishni mahalliylashtirishni chuqurlashtirish Komissiyasi bilan kelishilgan holda tasdiqlanadigan roʻyxatga asosan, respublikamizda ishlab chiqarilmaydigan, Dasturga kiritilgan chora-tadbirlarni amalga oshirish uchun chetdan olib kelinadigan texnologik uskunalar, xom ashyo, materiallar, butlovchi va ehtiyot qismlar, texnologik hujjatlar 2022-yilning 1-yanvarigacha bojxona toʻlovlaridan (bojxona yigʻimlari bundan mustasno) ozod qilinsin.

Oldingi tahrirga qarang.

11. Oʻzbekiston Respublikasi Investitsiyalar va tashqi savdo vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi va Tashqi ishlar vazirligi Dasturni amalga oshirish uchun loyiha tashabbuskorlari murojaatlariga asosan xalqaro moliya tashkilotlari, xorijiy hukumat fondlari va tashkilotlarining grantlari, kreditlari va maqsadli mablagʻlarining jalb qilinishini doimiy ravishda taʼminlasin.

(11-band Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)

12. Oʻzbekiston Milliy teleradiokompaniyasi, Oʻzbekiston Respublikasi Fanlar akademiyasi, Oliy va oʻrta maxsus taʼlim vazirligi, “Oʻzbekneftgaz” MXK, “Oʻzbekenergo” AJ va “Oʻzbekgidroenergo” AJ manfaatdor vazirliklar va idoralar bilan birgalikda iqtisodiyot tarmoqlari va ijtimoiy sohada qayta tiklanuvchi energiya manbalari boʻyicha texnologiyalarni joriy qilish, energiya samaradorligini oshirish, yoqilgʻi-energetika resurslaridan tejamli va oqilona foydalanish masalalarini doimiy ravishda keng yoritib borsin.

13. Oʻzbekiston Respublikasi Prezidentining 2015-yil 5-maydagi “2015 — 2019-yillarda iqtisodiyot tarmoqlari va ijtimoiy sohada energiya sigʻimini qisqartirish, energiyani tejaydigan texnologiyalarni joriy etish chora-tadbirlari Dasturi toʻgʻrisida”gi PQ-2343-sonli qarorining 2 — 4, 6-bandlari, shuningdek, qarorga 1 — 6-ilovalar oʻz kuchini yoʻqotgan, deb hisoblansin.

14. Oʻzbekiston Respublikasi Iqtisodiyot vazirligi Adliya vazirligi hamda boshqa manfaatdor vazirliklar va idoralar bilan birgalikda qonunchilikka mazkur qarordan kelib chiqadigan oʻzgartish va qoʻshimchalar kiritish toʻgʻrisida ikki oy muddatda Vazirlar Mahkamasiga takliflar kiritsin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

LexUZ sharhi

Ushbu Qaror “Xalq soʻzi” gazetasining 2017-yil 30-maydagi 106 (6800)-sonida eʼlon qilingan.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 26-may,

PQ-3012-son

Oldingi tahrirga qarang.

(1-ilova Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oʻzbekiston Respublikasi Prezidentining 2017-yil 26-maydagi PQ-3012-son qaroriga
2-ILOVA

Qayta tiklanuvchi energetikani rivojlantirishga doir investitsiya loyihalari

ROʻYXATI

							mln dollar ekvivalentida
T/r	Loyihalarning nomi	Loyiha quvvati	Amalga oshirish muddatlari	Loyihaning umumiy qiymati*	shu jumladan moliyalashtirish manbalari boʻyicha:
T/r	Loyihalarning nomi	Loyiha quvvati	Amalga oshirish muddatlari	Loyihaning umumiy qiymati*	oʻz mablagʻlari	OʻzTTJ	tijorat banklari kreditlari	xorijiy investitsiyalar, kreditlar
	Jami (810 ta loyiha)			5 338,9	2 634,1	389,0	139,0	2 176,8
	shu jumladan:
	yangi qurilish (778 ta loyiha)			4 260,1	2 222,5	389,0	139,0	1 509,7
	modernizatsiya (32 ta loyiha)			1 078,8	411,7			667,2
I.	Qayta tiklanuvchi energiya manbalari boʻyicha yangi ishlab chiqarish quvvatlarini qurish va mavjudlarini modernizatsiya qilish boʻyicha loyihalar			5 220,7	2 593,7	389,0	67,2	2 170,8
	yangi qurilish			4 141,9	2 182,1	389,0	67,2	1 503,7
	“Oʻzbekenergo” AJ			879,3	110,1	389,0	67,2	313,0
1.	Samarqand viloyatida 100 MVt quvvatga ega quyosh fotoelektr stansiyasini qurish	100 MVt	2017-2018 yy.	233,1	13,1	110,0		110,0
2.	Navoiy viloyatida 100 MVt quvvatga ega quyosh fotoelektr stansiyasini qurish	100 MVt	2017 — 2019 yy.	233,1	35,0	114,0	9,1	75,0
3.	Surxondaryo viloyati Sherobod tumanida 100 MVt quvvatga ega quyosh fotoelektr stansiyasini qurish	100 MVt	2019 — 2021 yy.	233,1	35,0	114,0	9,1	75,0
4.	Navoiy viloyatida 102 MVt quvvatga ega shamol stansiyasini qurish	102 MVt	2018–2021 yy.	180,0	27,0	51,0	49,0	53,0
	“Oʻzbekgidroenergo” AJ			3 262,6	2 072,0			1190,7
5.	18 ta yangi gidro elektr stansiyalarini qurish	984,7 MVt	2017 — 2025 yy.	2 038,8	1 369,2			669,7
6.	Yangi gidro elektr stansiyalarini qurish boʻyicha 24 ta istiqbolli loyihalarni amalga oshirish	637,3 MVt	2021 — 2030 yy.	1 223,8	702,8			521,0
	modernizatsiya			1 078,8	411,7			667,2
	“Oʻzbekgidroenergo” AJ			1 078,8	411,7			667,2
7.	Mavjud 14 ta gidro elektr stansiyalarini modernizatsiya qilish	1384,9 MVt	2017 — 2025 yy.	609,8	271,0			338,9
8.	Mavjud gidro elektr stansiyalarini modernizatsiya qilish boʻyicha 18 ta istiqbolli loyihalarni amalga oshirish	588 MVt	2018 — 2030 yy.	469,0	140,7			328,3
II.	Qayta tiklanuvchi energiya manbalarini joriy etish boʻyicha loyihalar			83,9	23,4		60,5
	yangi qurilish			83,9	23,4		60,5
	“Oʻzqurilishmateriallari” AJ			2,0	2,0
9.	“Qizilqumsement” AJning ijtimoiy va maʼmuriy binolarida quyosh foto elektr stansiyalarini joriy etish	100 kVt	2017-2018 yy.	2,0	2,0
	“Oʻzbekneftgaz” MXK			14,9	7,4		7,5
10.	“Oʻzneftgazqazibchiqarish” AKning obyektlarini elektr energiyasi bilan taʼminlash maqsadida fotoelektr panellarni joriy etish	7,3 ming. kVt. soat elektr energiyani iqtisod qilish	2018 — 2020 yy.	9,9	4,9		5,0
11.	“Oʻzneftgazqazibchiqarish” AKning xoʻjalik obyektlarini issiq suv bilan taʼminlash maqsadida quyosh suv isitgichlari joriy etish	4,75 Gkal issiqlik energiyasini iqtisod qilish	2018 — 2020 yy.	5,0	2,5		2,5
	Qoraqalpogʻiston Respublikasi Vazirlar Kengashi va viloyatlar hokimliklari			67,0	14,0		53,0
	Quyidagilarni qurish boʻyicha 726 ta loyihalarni amalga oshirish
12.	respublikaning yirik chorvachilik va parrandachilik xoʻjaliklarida biogaz uskunalarini qurish	60,8 mln. kub. metr biogaz	2017 — 2019 yy.	67,0	14,0		53,0
III.	Qayta tiklanuvchi energetika uchun uskunalar va butlovchi qismlarni ishlab chiqarish boʻyicha loyihalar			34,3	17,0		11,3	6,0
	Yangi qurilish			34,3	17,0		11,3	6,0
	“Oʻzeltexsanoat” AK			17,8	10,0		7,8
13.	Kichik quvvatli fotoelektr stansiyalari qurishni (yangi korxonalar tashkil etish	500 kVt gacha	2017 — 2019 yy.	17,8	10,0		7,8
	“Toshkent rangli metallar parchalari va chiqindilarini qayta ishlash zavodi” AJ			6,5	2,0		3,5	1,0
14.	Kalsiylangan qoʻrgʻoshin qotishmasi va gel akkumulyatorlarini ishlab chiqarishni tashkil etish	100 ming dona	2017 — 2019 yy.	6,5	2,0		3,5	1,0
	“Oʻzbekneftgaz” MXK			10,0	5,0			5,0
15.	Xitoylik yetakchi hamkorlar bilan birga biogaz uskunalarini ishlab chiqarish va ularga servis xizmati koʻrsatish boʻyicha qoʻshma korxona tashkil etish (“Agro bank” ATB bilan birgalikda)	200 dona	2017-2018 yy.	10,0	5,0			5,0

*Loyihalarning yakuniy qiymati va moliyalashtirish manbalariga loyihaning LTIA/TIAni tasdiqlash va tender savdolarini oʻtkazish natijalari boʻyicha aniqlik kiritilishi lozim.

LexUZ sharhi

2-ilova norasmiy tarjima.

Oldingi tahrirga qarang.

(3-ilova Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oldingi tahrirga qarang.

(4-ilova Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oldingi tahrirga qarang.

(4a-ilova Oʻzbekiston Respublikasi Prezidentining 2019-yil 22-avgustdagi PQ-4422-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 23.08.2019-y., 07/19/4422/3629-son)

Oʻzbekiston Respublikasi Prezidentining 2017-yil 26-maydagi PQ-3012-son qaroriga
5-ILOVA

2017 — 2021-yillarda budjet tashkilotlarida energiya samarador isitish qozonlarini joriy etish

JADVALI

												birlik
Hududlar kesimidagi obyektlar nomi	2017 — 2021-yillarda jami		Shu jumladan yillar boʻyicha:
	2017 — 2021-yillarda jami		2017-yil		2018-yil		2019-yil		2020-yil		2021-yil
	muassasalar	qozonlar	muassasalar	qozonlar	muassasalar	qozonlar	muassasalar	qozonlar	muassasalar	qozonlar	muassasalar	qozonlar
Jami	6 333	17 251	1 755	4 950	1503	4 053	1 232	3 337	974	2 599	869	2 312
Shu jumladan obyektlar boʻyicha:
Xalq taʼlimi vazirligi	4 694	13 967	1 316	3 975	1 106	3 277	913	2 724	716	2 112	643	1 879
Sogʻliqni saqlash vazirligi	1260	2 061	321	582	302	446	229	344	216	360	192	329
Oʻrta maxsus, kasb-hunar taʼlimi markazi	379	1 223	118	393	95	330	90	269	42	127	34	104
Hududlar kesimidagi obyektlar:
Qoraqalpogʻiston Respublikasi	930	2 841	301	910	248	717	171	534	110	355	100	325
Xalq taʼlimi vazirligi	737	2 181	231	663	169	507	137	411	105	315	95	285
Sogʻliqni saqlash vazirligi	151	291	60	150	67	107	24	34
Oʻrta maxsus, kasb-hunar taʼlimi markazi	42	369	10	97	12	103	10	89	5	40	5	40
Andijon viloyati	659	1 809	177	544	150	413	125	337	108	270	99	245
Xalq taʼlimi vazirligi	545	1 686	154	513	131	393	106	318	81	243	73	219
Sogʻliqni saqlash vazirligi	84	93	14	22	14	15	11	11	23	23	22	22
Oʻrta maxsus, kasb-hunar taʼlimi markazi	30	30	9	9	5	5	8	8	4	4	4	4
Buxoro viloyati	603	1 671	164	499	139	385	114	313	99	251	87	223
Xalq taʼlimi vazirligi	505	1 548	147	470	120	360	97	291	74	224	67	203
Sogʻliqni saqlash vazirligi	70	93	10	22	12	18	10	15	21	21	17	17
Oʻrta maxsus, kasb-hunar taʼlimi markazi	28	30	7	7	7	7	7	7	4	6	3	3
Jizzax viloyati	187	536	55	174	43	119	37	97	28	76	24	70
Xalq taʼlimi vazirligi	142	465	35	142	36	108	29	87	22	66	20	62
Sogʻliqni saqlash vazirligi	28	50	14	26	4	8	4	6	4	6	2	4
Oʻrta maxsus, kasb-hunar taʼlimi markazi	17	21	6	6	3	3	4	4	2	4	2	4
Qashqadaryo viloyati	411	1 424	30	171	107	380	101	351	93	281	80	241
Xalq taʼlimi vazirligi	335	1 034	13	68	91	273	87	261	79	237	65	195
Sogʻliqni saqlash vazirligi	46	138	9	23	7	17	8	30	10	32	12	36
Oʻrta maxsus, kasb-hunar taʼlimi markazi	30	252	8	80	9	90	6	60	4	12	3	10
Navoiy viloyati	160	374	40	111	41	87	34	75	26	59	19	42
Xalq taʼlimi vazirligi	62	210	14	64	16	48	13	39	10	32	9	27
Sogʻliqni saqlash vazirligi	93	152	25	43	24	37	20	34	15	25	9	13
Oʻrta maxsus, kasb-hunar taʼlimi markazi	5	12	1	4	1	2	1	2	1	2	1	2
Namangan viloyati	460	1 037	138	298	105	237	92	202	66	161	59	139
Xalq taʼlimi vazirligi	306	846	108	261	66	198	54	162	41	123	37	102
Sogʻliqni saqlash vazirligi	150	187	28	35	39	39	37	39	24	37	22	37
Oʻrta maxsus, kasb-hunar taʼlimi markazi	4	4	2	2			1	1	1	1
Samarqand viloyati	685	1 765	185	511	162	429	139	350	104	252	95	223
Xalq taʼlimi vazirligi	519	1 363	144	388	119	326	99	264	81	202	76	183
Sogʻliqni saqlash vazirligi	131	263	33	68	34	65	32	66	17	34	15	30
Oʻrta maxsus, kasb-hunar taʼlimi markazi	35	139	8	55	9	38	8	20	6	16	4	10
Surxondaryo viloyati	684	1 900	172	547	168	423	126	358	117	302	101	270
Xalq taʼlimi vazirligi	451	1 477	115	440	112	336	91	301	70	211	63	189
Sogʻliqni saqlash vazirligi	174	352	43	93	31	62	23	45	43	81	34	71
Oʻrta maxsus, kasb-hunar taʼlimi markazi	59	71	14	14	25	25	12	12	4	10	4	10
Sirdaryo viloyati	352	870	93	251	79	188	67	155	55	138	58	138
Xalq taʼlimi vazirligi	241	725	68	226	58	164	47	131	36	108	32	96
Sogʻliqni saqlash vazirligi	100	132	23	23	18	21	16	20	18	28	25	40
Oʻrta maxsus, kasb-hunar taʼlimi markazi	11	13	2	2	3	3	4	4	1	2	1	2
Toshkent viloyati	422	1 072	143	326	91	245	73	200	62	160	53	141
Xalq taʼlimi vazirligi	354	983	126	299	76	228	62	186	47	141	43	129
Sogʻliqni saqlash vazirligi	62	73	15	22	14	14	10	10	14	17	9	10
Oʻrta maxsus, kasb-hunar taʼlimi markazi	6	16	2	5	1	3	1	4	1	2	1	2
Fargʻona viloyati	546	1 331	182	410	120	290	102	242	75	209	67	180
Xalq taʼlimi vazirligi	313	892	106	271	69	207	56	168	43	129	39	117
Sogʻliqni saqlash vazirligi	162	221	42	45	35	38	33	33	27	56	25	49
Oʻrta maxsus, kasb-hunar taʼlimi markazi	71	218	34	94	16	45	13	41	5	24	3	14
Xorazm viloyati	227	607	72	192	48	136	49	119	31	85	27	75
Xalq taʼlimi vazirligi	184	557	55	170	43	129	35	105	27	81	24	72
Sogʻliqni saqlash vazirligi	9	16	5	10	3	5	1	1
Oʻrta maxsus, kasb-hunar taʼlimi markazi	34	34	12	12	2	2	13	13	4	4	3	3
Toshkent shahri	7	14	3	6	2	4	2	4
Oʻrta maxsus, kasb-hunar taʼlimi markazi	7	14	3	6	2	4	2	4

Izoh: maqsadli koʻrsatkichlar loyiha-smeta hujjatlarini ishlab chiqish yakunlari boʻyicha aniqlanadi va ularga Energiya samaradorligi va qayta tiklanuvchi energiya manbalarini rivojlantirish masalalari boʻyicha Respublika komissiyasi tomonidan aniqlik kiritilishi mumkin.

LexUZ sharhi

5-ilova norasmiy tarjima.

Oʻzbekiston Respublikasi Prezidentining 2017-yil 26-maydagi PQ-3012-son qaroriga
6-ILOVA

2017 — 2021-yillarda Oʻzbekiston Respublikasi Suv xoʻjaligi vazirligining suv xoʻjaligi tashkilotlari nasos stansiyalarida energiya samarador nasoslar va elektr dvigatellarni joriy etish

JADVALI

													birlik
T/r	Hududlar nomi	2017 — 2021-yillarda jami		Shu jumladan yillar boʻyicha:
		2017 — 2021-yillarda jami		2017-yil		2018-yil		2019-yil		2020-yil		2021-yil
		nasoslar	elektr dvigatellar	nasoslar	elektr dvigatellar	nasoslar	elektr dvigatellar	nasoslar	elektr dvigatellar	nasoslar	elektr dvigatellar	nasoslar	elektr dvigatellar
	Jami	879	1 523	127	320	181	350	245	420	163	214	163	219
	shu jumladan:
1.	Qoraqalpogʻiston Respublikasi	59	133	8	25	13	38	16	48	11	11	11	11
2.	Andijon viloyati	164	155	12	20	24	30	30	50	48	30	50	25
3.	Buxoro viloyati	25	45	2	18	3	15	7	0	8	6	5	6
4.	Jizzax viloyati	22	63	3	15	3	14	5	17	5	8	6	9
5.	Qashqadaryo viloyati	40	104	8	26	12	25	14	27	3	12	3	14
6.	Navoiy viloyati	25	34	4	14	6	0	6	5	5	7	4	8
7.	Namangan viloyati	152	218	23	45	29	42	40	58	27	35	33	38
8.	Samarqand viloyati	72	173	14	24	21	51	24	45	7	25	6	28
9.	Surxondaryo viloyati	101	132	19	10	22	14	29	50	16	30	15	28
10.	Sirdaryo viloyati	12	22	2	7	3	10	3	0	3	3	1	2
11.	Toshkent viloyati	56	100	9	23	9	16	18	34	10	12	10	15
12.	Fargʻona viloyati	85	199	13	51	27	58	36	55	5	20	4	15
13.	Xorazm viloyati	66	145	10	42	9	37	17	31	15	15	15	20

LexUZ sharhi

6-ilova norasmiy tarjima.

Oʻzbekiston Respublikasi Prezidentining 2017-yil 26-maydagi PQ-3012-son qaroriga
7-ILOVA

Energiya samaradorligi va qayta tiklanuvchi energiya manbalarini rivojlantirish masalalari boʻyicha Respublika komissiyasi

TARKIBI

A.N. Aripov	—	Oʻzbekiston Respublikasining Bosh vaziri, komissiya raisi
Gʻ.I. Ibragimov	—	Oʻzbekiston Respublikasi Bosh vazirining oʻrinbosari, komissiya raisining oʻrinbosari
J.A. Qoʻchqorov	—	moliya vazirining birinchi oʻrinbosari
B.K. Roʻziboyev	—	suv xoʻjaligi vazirining birinchi oʻrinbosari
N.S. Joʻrayev	—	adliya vazirining birinchi oʻrinbosari
D.D. Asomov	—	iqtisodiyot vazirining oʻrinbosari
E.B. Iskandarov	—	uy-joy kommunal xizmat koʻrsatish vaziri
lavozimi boʻyicha	—	Oʻzbekiston Respublikasi bosh prokurorining birinchi oʻrinbosari
B.T. Kuchkarov	—	Ekologiya va atrof-muhitni muhofaza qilish davlat qoʻmitasi raisi
R.A. Gulyamov	—	Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi
M.I. Shadiyev	—	Arxitektura va qurilish davlat qoʻmitasi raisining oʻrinbosari
A.A. Yuldashev	—	Davlat soliq qoʻmitasi raisining birinchi oʻrinbosari
B.S. Yuldashev	—	Oʻzbekiston Respublikasi Fanlar akademiyasi prezidenti
A.S. Sultanov	—	“Oʻzbekneftgaz” MXK raisi
F.I. Salomov	—	“Oʻzbekenergo” AJ raisi
A.A. Sanginov	—	“Oʻzbekgidroenergo” AJ raisi
A.A. Abdullayev	—	“Oʻzkimyosanoat” AJ raisi
I.Yu. Abduraxmonov	—	innovatsion rivojlanish vaziri
A.A. Xaitov	—	“Oʻzstandart” agentligi bosh direktori
V.V. Ismailov	—	Oʻzbekiston avtomobil va daryo transporti agentligi boshligʻi
V.E. Chub	—	Oʻzbekiston gidrometeorologiya markazi bosh direktori
L.T. Akbarxodjayev	—	“Oʻzdavneftgazinspeksiya” DI boshligʻi
A.D. Nimatullayev	—	“Oʻzdavenergonazorat” DI boshligʻi
B.V. Gulyamov	—	“Sanoatgeokontexnazorat” DI boshligʻi
J.T. Mirzamaxmudov	—	Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari ATD
lavozimi boʻyicha	—	Moliya vazirligining Sanoatning bazaviy tarmoqlari, yoqilgʻi-energetika majmui va geologiyani rivojlantirish moliyasi va tarifni tartibga solish bosh boshqarmasi boshligʻi
L.A. Yevdokimov	—	Iqtisodiyot vazirligining Energiya samaradorligini oshirish va qayta tiklanuvchi energiya manbalarini rivojlantirish boʻlimi boshligʻi, komissiya kotibi.

Izoh: Respublika komissiyasi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi.

LexUZ sharhi

7-ilova norasmiy tarjima.

Oʻzbekiston Respublikasi Prezidentining “2017 — 2021-yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari Dasturi toʻgʻrisida”gi qaroriga
SHARH

Soʻnggi yillarda respublikamizning iqtisodiyot tarmoqlarida va ijtimoiy sohasida energiya samaradorligini oshirish va qayta tiklanuvchi energiya manbalaridan foydalanishni kengaytirish boʻyicha keng koʻlamli ishlar amalga oshirildi. Jumladan, Oʻzbekiston Respublikasi Prezidentining “Muqobil energiya manbalarini yanada rivojlantirish chora-tadbirlari toʻgʻrisida”gi 2013-yil 1-martdagi Farmoni va “2015 — 2019-yillarda iqtisodiyot tarmoqlari va ijtimoiy sohada energiya sarfi hajmini qisqartirish, energiyani tejaydigan texnologiyalarni joriy etish chora-tadbirlari Dasturi toʻgʻrisida”gi 2015-yil 5-maydagi qarori ijrosini taʼminlash yuzasidan:

energiya samaradorligi va energiyaning qayta tiklanuvchi manbalarini rivojlantirish masalalari boʻyicha respublika komissiyasi tashkil etildi, Oʻzbekiston Respublikasi Iqtisodiyot vazirligi tarkibida respublika komissiyasining ishchi organi sifatida energiya samaradorligini oshirish boʻlimi tashkil etildi;

Toshkent shahrida Quyosh energiyasi xalqaro instituti faoliyat koʻrsata boshladi;

Osiyo taraqqiyot banki koʻmagida Oʻzbekistonda quyosh energetikasini rivojlantirishning “yoʻl xaritasi” ishlab chiqildi;

Namangan viloyatining Pop tumanida Koreya Respublikasining Savdo, sanoat va energetika vazirligi koʻmagida 2014-yilning dekabr oyida quvvati 130 kVt boʻlgan quyosh fotoelektrik stansiyasi qurildi va ishga tushirildi, ushbu stansiya yagona elektr energetikasi tarmogʻiga ulangan va yiliga 234,3 ming kVt.soat elektr energiyasi ishlab chiqarish quvvatiga ega;

Surxondaryo, Namangan va Navoiy viloyatlarida yirik quyosh fotoelektrik stansiyalarini qurish boʻyicha loyihalar tayyorlanmoqda;

Jahon banki ishtirokida Oʻzbekiston Respublikasining shamollar Atlasi ishlab chiqildi, Toshkent viloyatining Boʻstonliq tumanida quvvati 750 kVt boʻlgan tajribaviy shamol energoqurilmasini qurish boʻyicha investitsiya loyihalari yakunlovchi bosqichiga kirdi.

2016-yil yakunlari boʻyicha iqtisodiyot tarmoqlarida 2016/2017-yil kuz-qish mavsumida energoresurslarni tejash boʻyicha qoʻshimcha chora-tadbirlarni hisobga olgan holda, 1210,3 million kVt.soat elektr energiyasi va 991,2 million kub metr tabiiy gazni iqtisod qilishga erishildi, bu esa tarmoqlarning 2016-yildagi isteʼmolining mos ravishda 5,1 va 3,6 foizini tashkil etadi. Amalga oshirilgan ishlar natijasida 2015-yilda yalpi ichki mahsulotning energiya sigʻimini 10,8 foizga, 2016-yilda 7,2 foizga va 2017-yilning birinchi choragida 12,7 foizga qisqarishiga erishildi.

Shu bilan birga, hozirgi kunda muqobil energiya manbalaridan foydalanishni jadal rivojlantirishga toʻsqinlik qilayotgan bir qator oʻz yechimini kutayotgan masalalar mavjud.

Respublika hududlarida qayta tiklanuvchi energiya manbalari energiyasidan foydalanish boʻyicha zaxiralar toʻlaligicha ishga solinmagan, ular boʻyicha hududiy manzilli dasturlar ishlab chiqilishi zarur.

2030-yilga borib 2016-yilga nisbatan yalpi ichki mahsulotning energiya sigʻimini ikki barobarga qisqartirish boʻyicha qoʻyilgan topshiriqlarni hisobga olgan holda, korxona va tashkilotlarga energiya sarfi hajmini qisqartirish boʻyicha aniq maqsadli parametrlarni belgilash zarurati mavjud.

Ushbu muhim vazifalarni inobatga olib, Oʻzbekiston Respublikasi Prezidentining qarori 2017 — 2021-yillarda yalpi ichki mahsulotning energiya sigʻimini yanada qisqartirish, mahsulot tannarxini kamaytirish va qayta tiklanuvchi manbalar energiyasidan foydalanishni kengaytirishga yoʻnaltirilgan.

Iqtisodiyotni energiya resurslari bilan ikkita vazifani hal etish orqali taʼminlanishi nazarda tutilmoqda. Birinchidan, qayta tiklanuvchi energiya resurslaridan keng foydalanish orqali yoqilgʻi balansini diversifikatsiyalash. Bunda anʼanaviy yoqilgʻi turlarini qayta tiklanadigan energiya turlariga almashtirish hisobiga ularning elektr va issiqlik energiyasi ishlab chiqarishdagi hissasini kamaytirish nazarda tutilmoqda. Ikkinchidan, iqtisodiyot tarmoqlarida ishlab chiqarishning energiya sigʻimini qisqartirishning uzoq muddatli dasturini amalga oshirish, sanoat faoliyati hududlarining ekologik holatini yaxshilash orqali erishiladi.

Yaqin istiqbolda ustuvor vazifa sifatida iqtisodiyotning energiya va resurs sigʻimini qisqartirish, ishlab chiqarishga energiyani tejaydigan texnologiyalarni keng joriy qilish, qayta tiklanuvchi energiya manbalaridan foydalanishni kengaytirish, mehnat samaradorligini oshirish koʻzda tutilmoqda.

Qayta tiklanuvchi energiya manbalaridan jadal foydalanish boʻyicha kompleks chora-tadbirlarni amalga oshirish issiqlik va elektr energiyasi kabi energiyaning sanoat turlarini olishni taʼminlashga yoʻnaltirilgan boʻlib, bu uglevodorodlarning oʻrnini bosishga va ularni yuqori likvidli mahsulotlar, xususan, polimerlar, yoqilgʻining sintetik turlarini ishlab chiqarishga yoʻnaltirish imkonini beradi.

Xususan, Oʻzbekiston Fanlar akademiyasi, Fan va texnologiyalar agentligi, “Oʻzbekgidroenergo” AJ, Quyosh energiyasi xalqaro instituti, “Oʻzbekenergo” AJ Ilmiy-texnik markazi ikki oy muddatda qayta tiklanuvchi manbalar energiyasidan foydalanish, jumladan, quyosh energetikasini rivojlantirish, energiya samaradorligi sohasidagi mahalliy ishlanmalar va amaliy tadqiqotlarni, shuningdek, sinovdan oʻtgan ilgʻor xorijiy texnologiyalarni transfer qilish imkoniyatini tahlil qilish asosida iqtisodiyot va ijtimoiy soha tarmoqlarida qayta tiklanuvchi energiya manbalarini maqsadli joriy qilish va quyosh energetikasini rivojlantirish boʻyicha chora-tadbirlar rejasini ishlab chiqishi va Vazirlar Mahkamasiga tasdiqlash uchun kiritishi belgilangan.

Bundan tashqari, qarorda quyidagilar tasdiqlangan:

qayta tiklanuvchi energetikani yanada rivojlantirishning maqsadli parametrlari, bunda 2025-yilga kelib elektr energiyasini ishlab chiqarish quvvatlari tarkibida qayta tiklanuvchi energiya manbalarining hissasini 12,7 foizdan 19,7 foizga yetkazish koʻzda tutilmoqda, jumladan, gidroelektrostansiyalar boʻyicha 12,7 foizdan 15,8 foizga, quyosh energetikasi boʻyicha 2,3 foizga, shamol energetikasi boʻyicha 1,6 foizga;

qayta tiklanuvchi energetikani rivojlantirish boʻyicha investitsiya loyihalarining roʻyxati, bunda 2017-2025-yillarda umumiy qiymati 5,3 milliard dollar boʻlgan 810 ta loyihani amalga oshirish koʻzda tutilmoqda;

2017 — 2021-yillarda iqtisodiyot tarmoqlarida va ijtimoiy sohada qayta tiklanuvchi energiya manbalaridan foydalanishni rivojlantirish va energiya samaradorligini oshirish chora-tadbirlari, unda normativ-huquqiy hujjatlarni, manzilli dasturlarni ishlab chiqish va boshqa ustuvor vazifalarni amalga oshirish boʻyicha 28 ta chora-tadbir koʻzda tutilgan;

2017 — 2021-yillarda iqtisodiyot tarmoqlarida ishlab chiqarishning energiya sarf hajmini qisqartirishning maqsadli parametrlari, bunda 25 ta yirik tashkilot va korxona boʻyicha sanoat mahsulotlari (ishlar, xizmatlar) ishlab chiqarishda energiya sarfining solishtirma normalarini qisqartirishning prognoz koʻrsatkichlari belgilangan;

2017 — 2021-yillarda budjet tashkilotlarida energiya isteʼmoli jihatidan samarador isitish qozonlarini joriy qilish jadvali, bunda Xalq taʼlimi vazirligi, Sogʻliqni saqlash vazirligi va Oʻrta maxsus, kasb-hunar taʼlimi markazining 6333 ta budjet tashkilotining 17251 ta isitish qozonini almashtirish koʻzda tutilgan;

2017 — 2021-yillarda Oʻzbekiston Respublikasi Qishloq va suv xoʻjaligi vazirligining suv xoʻjaligi tashkilotlari nasos stansiyalarida energiya isteʼmoli jihatidan samarador nasoslar va elektrodvigatellarni joriy qilish grafigi, bunda Qishloq va suv xoʻjaligi vazirligining suv xoʻjaligi tashkilotlarida 879 ta nasos va 1523 ta elektrodvigatelni almashtirish koʻzda tutilgan.

Ushbu ishlarni moliyalashtirish uchun 2017 — 2021-yillarda davlat budjetidan 314,1 milliard soʻmdan ortiq mablagʻ yoʻnaltiriladi.

Ushbu qaror doirasida qabul qilingan chora-tadbirlarning amalga oshirilishi quyidagilarni taʼminlash imkonini beradi:

qonunchilik va normativ bazani takomillashtirish, shuningdek, energiya tejaydigan texnologiyalarni, zamonaviy hisoblash uskunalarini joriy qilishga va yoqilgʻi-energetika resurslaridan yanada oqilona foydalanishga aholini va xoʻjalik yurituvchi subyektlarni keng jalb qilish;

2025-yilga kelib elektr energiyasi ishlab chiqarish quvvatlari tarkibida qayta tiklanuvchi energiya manbalarining ulushini 12,7 foizdan 19,7 foizga yetkazish;

ishlab chiqarishning energiya sigʻimini keskin qisqartirish (9 792,0 tonna shartli yoqilgʻi yoki yiliga 8 — 10 foizdan kam boʻlmagan miqdorda);

Xalq taʼlimi vazirligi, Sogʻliqni saqlash vazirligi va Oʻrta maxsus, kasb-hunar taʼlimi markazining 6333 ta budjet tashkilotida 17251 ta isitish qozonini zamonaviy energiyani tejaydiganlariga almashtirish va 56,5 million kub metrdan ortiq tabiiy gazni tejash;

Qishloq va suv xoʻjaligi vazirligining suv xoʻjaligi tashkilotlarida 1523 ta energiyani koʻp isteʼmol qiluvchi elektrodvigatelni va 879 ta nasosni almashtirish va 807,3 million kVt.soatdan ortiqroq elektr energiyasini tejab qolish;

energiyani tejaydigan texnologiyalarning kirib kelishini kengaytirish, soliq va bojxona imtiyozlari berish hisobiga qayta tiklanuvchi manbalardan energiya hosil qiluvchi uskunalarni qoʻllagan holda energiyadan foydalanishni ragʻbatlantirish;

qayta tiklanmaydigan uglevodorod resurslaridan oqilona foydalanish, ishlab chiqarilayotgan mahsulotning raqobatdoshligini oshirish, shu asosda iqtisodiyot tarmoqlarini va aholini yoqilgʻi-energetika resurslari bilan barqaror taʼminlab borish;

qayta tiklanuvchi energiya manbalari va energiya isteʼmoli jihatidan samarador texnologiyalarni transfer qilish, ushbu sohadagi uskunalar va butlovchi qismlarni mahalliy korxonalarda ishlab chiqarish;

aholi uchun kafolatlangan energiya resurslarining ochiqligini taʼminlash, ayniqsa, uzoq qishloq hududlarida aholining hayot sifatini yaxshilash va ularning farovonligini oshirish.

(Oʻzbekiston Respublikasi qonun hujjatlari toʻplami, 2017-y., 22-son, 424-modda; Qonun hujjatlari maʼlumotlari milliy bazasi, 01.08.2018-y., 06/18/5497/1604-son; 23.08.2019-y., 07/19/4422/3629-son, 09.11.2019-y., 06/19/5870/4010-son; 18.06.2020-y., 06/20/6010/0776-son, 28.09.2020-y., 06/20/6075/1330-son; 03.12.2022-y., 07/22/436/1061-son)