toggle_night_mode
Hujjat kuchini yo‘qotgan 18.01.2018
Oʻzbekiston Respublikasi Oliy va oʻrta maxsus taʼlim vazirligi
Oʻzbekiston Respublikasi Xalq taʼlimi vazirligi
Oʻzbekiston Respublikasi Mehnat vazirligining
Qarori
Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida
[Oʻzbekiston Respublikasi Adliya vazirligi tomonidan 2016-yil 24-oktabrda roʻyxatdan oʻtkazildi, roʻyxat raqami 2834]
 LexUZ sharhi
Mazkur qaror Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Bandlik va mehnat munosabatlari vazirligining 2018-yil 8-yanvardagi 1-2018, 1-mh va 2-q/q-sonli “Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida”gi qaroriga (roʻyxat raqami 2965, 18.01.2018-y.) asosan oʻz kuchini yoʻqotgan.
Oʻzbekiston Respublikasi Prezidentining 2016-yil 22-avgustdagi PF-4822-son “Ish haqi, pensiyalar, stipendiyalar va nafaqalar miqdorini oshirish toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2009-yil 11-dekabrdagi 312-son “Oʻquv mashgʻulotlari oʻtkazganlik uchun mehnatga soatbay haq toʻlash miqdorlari toʻgʻrisida”gi qarori ijrosini taʼminlash maqsadida Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Mehnat vazirligi qaror qiladi:
1. Oʻquv mashgʻulotlarini oʻtkazganlik uchun mehnatga soatbay haq toʻlash miqdorlari ilovaga muvofiq tasdiqlansin.
2. Belgilab qoʻyilsinki, oʻquv mashgʻulotlarini oʻtkazganlik uchun mehnatga soatbay haq toʻlash 2016-yil 1-oktabrdan boshlab mazkur qarorga ilovada koʻrsatilgan miqdorlarda amalga oshiriladi.
3. Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi hamda Mehnat va aholini ijtimoiy muhofaza qilish vazirligining 2015-yil 12-oktabrdagi 6-2015, 24-mh va 42-q/q-son “Oʻquv mashgʻulotlarini oʻtkazganlik uchun mehnatga soatbay haq toʻlash miqdorlarini tasdiqlash toʻgʻrisida”gi qarori (roʻyxat raqami 2719, 2015-yil 15-oktabr) (Oʻzbekiston Respublikasi qonun hujjatlari toʻplami, 2015-y., 41-son, 533-modda) oʻz kuchini yoʻqotgan deb hisoblansin.
4. Mazkur qaror rasmiy eʼlon qilingan kundan eʼtiboran kuchga kiradi.
Oliy va oʻrta maxsus taʼlim vaziri R. KASIMOV
Toshkent sh.,
2016-yil 19-oktabr,
5-2016-son
Xalq taʼlimi vaziri U. INOYATOV
Toshkent sh.,
2016-yil 19-oktabr,
12-mh-son
Mehnat vaziri A. ABDUXAKIMOV
Toshkent sh.,
2016-yil 19-oktabr,
34-q/q-son
Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Mehnat vazirligining 2016-yil 19-sentabrdagi 5-2016, 12-mh, 34-q/q-son qaroriga
ILOVA
Oʻquv mashgʻulotlarini oʻtkazganlik uchun mehnatga soatbay haq toʻlash
MIQDORLARI
1. Oliy va oʻrta maxsus, kasb-hunar taʼlimi va ilmiy tadqiqot muassasalarida, qayta tayyorlash va malaka oshirish muassasalarida, shuningdek mazkur davlat muassasalarida tashkil etiladigan oʻquv kurslarida oʻquv mashgʻulotlari oʻtkazganlik uchun mehnatga soatbay haq toʻlash miqdorlari

T/r

Kontingent

Oʻquv mashgʻulotlarini olib boruvchi shaxslar

Soatbay haq toʻlash miqdorlari (soʻm)

1.

Oʻrta maxsus, kasb-hunar taʼlimi muassasalari oʻquvchilari

professor, fan doktori yoki tegishli muta­xassislik boʻyicha xorijiy mamlakatlar­ning unga tenglashtirilgan ilmiy daraja­siga ega boʻlgan shaxslar

31 472,7

dotsent, fan nomzodi yoki tegishli muta­xassislik boʻyicha xorijiy mamlakat­larning falsafa doktori (Ph.D) daraja­siga yoki unga tenglashtirilgan boshqa ilmiy darajalarga ega boʻlgan shaxslar

18 458,4

ilmiy darajaga ega boʻlmagan shaxslar*

12 662,5

2.

Oliy taʼlim muassasalari tala­balari

professor, fan doktori yoki tegishli muta­xassislik boʻyicha xorijiy mamlakatlar­ning unga tenglashtirilgan ilmiy daraja­siga ega boʻlgan shaxslar

35 968,8

dotsent, fan nomzodi yoki tegishli mutaxas­sislik boʻyicha xorijiy mamlakatlarning falsafa doktori (Ph.D) darajasiga yoki unga tenglashtirilgan boshqa ilmiy dara­jalarga ega boʻlgan shaxslar

22 717,9

ilmiy darajaga ega boʻlmagan shaxslar*

16 461,1

3.

Katta ilmiy xodim-izlanuvchilar, rahbar xodiml�r va mutaxassislar malakasini oshirish boʻyicha taʼlim muassasalari (kurslari) tinglovchilari**

professor, fan doktori yoki tegishli muta­xassislik boʻyicha xorijiy mamlakatlar­ning unga tenglashtirilgan ilmiy daraja­siga ega boʻlgan shaxslar

43 463,1

dotsent, fan nomzodi yoki tegishli muta­xassislik boʻyicha xorijiy mamlakatlar­ning falsafa doktori (Ph.D) darajasiga yoki unga tenglashtirilgan boshqa ilmiy darajalarga ega boʻlgan shaxslar

29 817,2

ilmiy darajaga ega boʻlmagan shaxslar*

24 058,7

4.

Kurslar tinglovchilari, oʻrta maxsus, kasb-hunar maʼlumoti talab etiladigan lavozimlarni egallab turgan ishchilar, xodim­lar***

professor, fan doktori yoki tegishli muta­xassislik boʻyicha xorijiy mamlakatlar­ning unga tenglashtirilgan ilmiy dara­jasiga ega boʻlgan shaxslar

24 545,1

dotsent, fan nomzodi yoki tegishli muta­xassislik boʻyicha xorijiy mamlakatlar­ning falsafa doktori (Ph.D) darajasiga yoki unga tenglashtirilgan boshqa ilmiy darajalarga ega boʻlgan shaxslar

14 287,9

ilmiy darajaga ega boʻlmagan shaxslar*

9 637,5

2. Umumtaʼlim maktablari pedagog xodimlariga oʻtgan darsi uchun soatbay haq toʻlash miqdorlari

T/r

Kontingent

Oʻquv mashgʻulotlarini olib boruvchi shaxslar

Soatbay haq toʻlash miqdorlari (soʻm)

1.

Umumtaʼlim maktablarining boshlangʻich sinflari oʻqituvchisi, oʻqituvchi-logopedi, logopediya shoxobchasi mudiri

oliy malaka toifali

14 308,2

birinchi malaka toifali

13 487,3

ikkinchi malaka toifali

12 630,0

oliy maʼlumotli

11 794,1

oʻrta maxsus maʼlumotli

11 024,7

2.

Umumtaʼlim maktablarining yuqori sinflari oʻqituvchisi

oliy malaka toifali

11 853,0

birinchi malaka toifali

10 751,3

ikkinchi malaka toifali

10 069,6

oliy maʼlumotli

9 405,4

oʻrta maxsus maʼlumotli

8 799,5

* ilmiy darajaga ega boʻlmagan, mutaxassislik fanlari boʻyicha mashgʻulot oʻtkazish uchun jalb qilinadigan shaxslar.
** oliy taʼlim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashgʻulotlar oʻtkazish uchun soatbay ish haqi toʻlash shartlari bilan jalb etiladigan shaxslarga soatbay ish haqi miqdori belgilangan miqdorlaridan 25 foizga koʻpaytiriladi.
Oʻzbekiston Respublikasi Vazirlar Mahkamasining 2015-yil 20-avgustdagi 242-sonli “Oliy taʼlim muassasalarining rahbar va pedagog kadrlarini qayta tayyorlash va ularning malakasini oshirishni tashkil etish chora-tadbirlari toʻgʻrisida”gi qaroriga asosan, Oʻzbekiston Respublikasi Oliy va oʻrta maxsus taʼlim vaziri oliy taʼlim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashgʻulotlar oʻtkazish uchun soatbay ish haqi toʻlash shartlari bilan jalb etiladigan ayrim yuqori malakali ilmiy-pedagogik kadrlarga va tajribali amaliyotchi mutaxassislarga oʻquv mashgʻulotlari oʻtkazganligi uchun soatbay ish haqi miqdorini belgilangan miqdorlaridan 50 foiz yuqori etib belgilashga haqli.
*** ushbu bandda belgilangan oʻquv mashgʻulotlarini oʻtkazganlik uchun mehnatga soatbay haq toʻlash miqdorlari tavsiyaviy xususiyatga ega.
Izoh:
1. Soatbay haq toʻlash miqdori tarkibiga mehnat taʼtili haqi kiritilgan.
2. Oʻzbekiston Respublikasi Fanlar akademiyasi, Qishloq xoʻjaligi fanlar akademiyasi akademiklari mehnatiga soatbay haq toʻlash miqdorlari 15 foizga oshiriladi.
3. Konkurs va tanlovlar jyurilari aʼzolari, shuningdek konkurs ishlari taqrizchilari mehnatiga haq toʻlashda oliy taʼlim muassasalari talabalari bilan oʻquv mashgʻulotlari olib borganlik uchun toʻlanadigan soatbay haq toʻlash miqdorlari qoʻllaniladi.
31. Akademik litseylarga oʻqituvchilik faoliyatiga mehnatga soatbay haq toʻlash shartlarida jalb etiladigan oliy taʼlim muassasalarining professor-oʻqituvchilar tarkibi mehnatiga soatbay haq toʻlashda oliy taʼlim muassasalari talabalari bilan oʻquv mashgʻulotlari olib boruvchi shaxslar uchun nazarda tutilgan mehnatga soatbay haq toʻlash miqdorlari qoʻllaniladi.
(izoh Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Mehnat vazirligining 2017-yil 17-apreldagi 1-2017, 23, 10-q/q-sonli (roʻyxat raqami 2834-1, 21.04.2017-y.) qaroriga asosan 31-band bilan toʻldirilgan — OʻR QHT, 2017-y., 16-son, 283-modda)
4. Oʻquv mashgʻulotlarini soatbay haq toʻlash asosida olib borganlik uchun haq toʻlash xarajatlari taʼlim muassasasi xarajatlar smetasining hisob-kitoblar yoyilmasida alohida qator bilan ajratilgan soatbay haq toʻlash fondi mablagʻlari doirasida amalga oshiriladi.
5. Soatbay haq toʻlash miqdorlari akademik soatdan kelib chiqib belgilangan.
3. Mazkur oʻquv mashgʻulotlarini oʻtkazganlik uchun mehnatga soatbay haq toʻlash miqdorlari Oʻzbekiston Respublikasi Moliya vazirligi bilan kelishilgan.
Moliya vaziri R. AZIMOV
2016-yil 19-oktabr
(Oʻzbekiston Respublikasi qonun hujjatlari toʻplami, 2016-y., 43-son, 508-modda; 2017-y., 16-son, 283-modda)