Hujjat kuchini yo‘qotgan 28.09.2020

Oʻzbekiston Respublikasi Prezidentining

Qarori

XII Xalqaro oʻzbek paxta va toʻqimachilik yarmarkasini tashkil etish va oʻtkazish chora-tadbirlari toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2020-yil 27-sentabrdagi PF-6075-sonli “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi Farmoniga asosan oʻz kuchini yoʻqotgan.

Oʻzbek paxta tolasi va toʻqimachilik mahsulotlari yetkazib berishni yanada optimallashtirish, ular eksporti geografiyasini diversifikatsiyalash, paxtani qayta ishlaydigan xorijiy kompaniyalar va pirovard isteʼmolchi boʻlgan jahondagi yetakchi tashkilotlarni jalb etishni hisobga olgan holda, uzoq muddatli hamkorlikni kengaytirish, mamlakatimiz paxta va toʻqimachilik sanoati erishgan soʻnggi yutuqlar bilan ishbilarmon doiralarni keng koʻlamda tanishtirish maqsadida:

1. “Oʻzpaxtasanoateksport” xolding kompaniyasi, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda Oʻzbekiston Respublikasi Prezidentining 2005-yil 8-noyabrdagi PP-217-sonli qarori bilan tashkil etilgan Xalqaro oʻzbek paxta yarmarkasining Doimiy faoliyat yuritadigan yarmarka qoʻmitasining 2016-yil 12-13-oktabr kunlari Toshkent shahrida XII Xalqaro oʻzbek paxta va toʻqimachilik yarmarkasini oʻtkazish va uning doirasida xalqaro konferensiya tashkil etish toʻgʻrisidagi taklifi qabul qilinsin.

2. Xalqaro oʻzbek paxta yarmarkasining Doimiy faoliyat yuritadigan yarmarka qoʻmitasining yangilangan tarkibi 1-ilovaga muvofiq tasdiqlansin.

* 1-ilova rus tilidagi matnda berilgan.

3. Xalqaro oʻzbek paxta yarmarkasining Doimiy faoliyat yuritadigan yarmarka qoʻmitasi (A. Kamolov):

2016-yilning 5-avgustiga qadar — paxta va toʻqimachilik yarmarkasining asosiy tadbirlari dasturini ishlab chiqsin va Xalqaro oʻzbek paxta yarmarkasini oʻtkazish boʻyicha Tashkiliy qoʻmitaga tasdiqlash uchun belgilangan tartibda kiritsin;

2016-yilning 10-sentabriga qadar — Oʻzbekiston Respublikasi Iqtisodiyot vazirligi bilan birgalikda yarmarka savdolariga qoʻyiladigan paxta tolasining hajmlari boʻyicha Vazirlar Mahkamasiga takliflar kiritsin;

paxta va toʻqimachilik yarmarkasini oʻtkazish bilan bogʻliq reklama kampaniyasi oʻtkazilishini hamda u bilan bogʻliq materiallarning xorijiy va mahalliy ommaviy axborot vositalarida keng yoritilishini taʼminlasin.

4. “Oʻzpaxtasanoateksport” xolding kompaniyasi zimmasiga XII Xalqaro oʻzbek paxta va toʻqimachilik yarmarkasini tashkil etish va yuqori saviyada oʻtkazish borasidagi barcha zarur tayyorgarlik ishlarini muvofiqlashtirish vazifasi yuklansin.

5. “Oʻzpaxtasanoateksport” xolding kompaniyasi:

Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Qishloq va suv xoʻjaligi vazirligi, “Oʻzbekyengilsanoat” AJ, Oʻzbekiston “Sifat” markazi, Oʻzbekiston respublika tovar-xomashyo birjasi hamda boshqa manfaatdor tashkilotlar bilan birgalikda 2016-yilning 10-sentabriga qadar muddatda “Kotton Autluk” xalqaro nashriyotini jalb etgan holda respublikamiz paxtachiligida, paxta va toʻqimachilik sanoati erishgan soʻnggi yutuqlar va rivojlanish istiqbollariga bagʻishlangan maxsus jurnal tayyorlanishi va chop etilishini taʼminlasin;

“Oʻzbekyengilsanoat” AJ bilan birgalikda XII Xalqaro oʻzbek paxta va toʻqimachilik yarmarkasi doirasida mamlakatimiz toʻqimachilik sanoatining salohiyati, shu jumladan, berilgan imtiyoz va preferensiyalar, qulay investitsiya muhiti, yuqori malakali kadrlar, xomashyo resurslari, rivojlangan ishlab chiqarish, moliya-bank, transport va muhandislik-kommunikatsiya infratuzilmasi mavjudligini yuqori darajada taqdim etsin.

6. “Oʻzpaxtasanoateksport” xolding kompaniyasiga XII Xalqaro oʻzbek paxta va toʻqimachilik yarmarkasiga tayyorgarlik koʻrish va uni oʻtkazish davrida paxta va toʻqimachilik yarmarkasini tashkil etish va oʻtkazish bilan bogʻliq tadbirlarni moliyalashtirish uchun mablagʻlar jamlash maqsadida belgilangan tartibda milliy va xorijiy valyutada vaqtinchalik hisobvaraqlarni ochishga ruxsat berilsin.

7. “Oʻzpaxtasanoateksport” xolding kompaniyasi tomonidan XII Xalqaro oʻzbek paxta va toʻqimachilik yarmarkasi qatnashchilari oʻrtasida tarqatish uchun olib kelinadigan 500 nusxadan iborat “Kotton Autluk” axborot-maʼlumotnoma jurnallari (TN VED kodi 4902 90 000 0) boj toʻlovlari (bojxona yigʻimlaridan tashqari) toʻlashdan ozod qilinsin.

8. Belgilab qoʻyilsinki, “Oʻzekspomarkaz” MKK” AJdagi koʻrgazma maydonlari XII Xalqaro oʻzbek paxta va toʻqimachilik yarmarkasi qatnashchilariga tasdiqlangan normativ narxlarga nisbatan 50 foizli chegirmani hisobga olgan holda taqdim etiladi.

9. Oʻzbekiston Respublikasi Tashqi ishlar vazirligi “Oʻzpaxtasanoateksport” xolding kompaniyasining buyurtmanomalariga koʻra XII Xalqaro oʻzbek paxta va toʻqimachilik yarmarkasi qatnashchilariga kirish vizalarini belgilangan tartibda, zarur hollarda — Toshkent shahri aeroportiga kelishganida rasmiylashtirilishini taʼminlasin.

10. Oʻzbekiston Milliy teleradiokompaniyasi va Milliy axborot agentligi XII Xalqaro oʻzbek paxta va toʻqimachilik yarmarkasining ishi va yakunlari ommaviy axborot vositalarida keng koʻlamda yoritilishini taʼminlasin.

11. Oʻzbekiston Respublikasi Prezidentining “Xalqaro oʻzbek paxta yarmarkasini har yili tashkil etish toʻgʻrisida” 2005-yil 8-noyabrdagi PP-217-sonli qaroriga 2-ilovaga muvofiq oʻzgartish va qoʻshimchalar kiritilsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2016-yil 8-iyun,

PQ-2544-son

Oʻzbekiston Respublikasi Prezidentining 2016-yil 8iyundagi PQ-2544-son qaroriga
1-ILOVA

Doimiy faoliyat yuritadigan yarmarka qoʻmitasining

TARKIBI

A.S. Kamalov	—	“Oʻzpaxtasanoateksport” XK boshqaruvi raisi, yarmarka qoʻmitasining raisi
I.U. Haydarov	—	“Oʻzbekyengilsanoat” AJ boshqaruvi raisi, yarmarka qoʻmitasi raisining oʻrinbosari
A.I. Maqsudov	—	“Oʻzpaxtasanoateksport” XK boshqaruvi raisining birinchi oʻrinbosari, yarmarka qoʻmitasi raisining oʻrinbosari
Sh.A. Toʻlaganov	—	Oʻzbekiston Respublikasi tashqi iqtisodiy aloqalar, investitsiyalar va savdo vazirining oʻrinbosari
S.B. Shermatov	—	Oʻzbekiston Respublikasi iqtisodiyot vazirining oʻrinbosari
M.O. Saliyev	—	Oʻzbekiston Respublikasi Davlat bojxona qoʻmitasi raisining oʻrinbosari
Y.S. Xidirov	—	“Oʻzpaxtasanoat” AJ bosh direktori
A.J. Ramatov	—	“Oʻzbekiston temir yoʻllari” boshqaruvi raisi
A.O. Aripov	—	Oʻzbekiston Respublikasi qi�loq va suv xoʻjaligi vazirining birinchi oʻrinbosari
J.D. Qodirov	—	“Oʻzpaxtaeksport” AJ bosh direktori
I.K. Ergashev	—	“Oʻzekspomarkaz” MKK AJ boshqaruvi raisi
S.Sh. Tojiyev	—	“Oʻzpaxtaeksport” AJ bozor konyunkturasini va paxta tolasiga istiqboldagi talabni oʻrganish boshqarmasi boshligʻi, yarmarka qoʻmitasi kotibi

Izoh: Qoʻmita aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar kiritiladi.

LexUZ sharhi

1-ilova norasmiy tarjima

Oʻzbekiston Respublikasi Prezidentining 2016-yil 8-iyundagi PQ-2544-sonli qaroriga
2-ILOVA

Oʻzbekiston Respublikasi Prezidentining “Xalqaro oʻzbek paxta yarmarkasini har yili tashkil etish toʻgʻrisida” 2005-yil 8-noyabrdagi PP-217-sonli qaroriga kiritiladigan oʻzgartish va qoʻshimchalar

1. Qaror sarlavhasidagi “oʻzbekpaxta” soʻzlaridan keyin “va toʻqimachilik” soʻzlari bilan toʻldirilsin.

2. 1-bandning birinchi xatboshi quyidagi tahrirda bayon etilsin:

“Oʻzpaxtasanoateksport” xolding kompaniyasi, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, “Oʻzbekyengilsanoat” aksiyadorlik jamiyati, jahonning yetakchi ishlab chiqaruvchilari hamda oʻzbek paxta tolasi va toʻqimachilik mahsulotlari isteʼmolchilarining Toshkent shahrida har yili Xalqaro oʻzbek paxta va toʻqimachilik yarmarkasini oʻtkazib turish toʻgʻrisidagi taklifiga rozilik berilsin”.

3. 4-band quyidagi tahrirda bayon etilsin:

“4. “Oʻzpaxtasanoateksport” xolding kompaniyasi, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, “Oʻzbekyengilsanoat” aksiyadorlik jamiyati Xalqaro paxta assotsiatsiyasi, Xalqaro paxta boʻyicha Konsultativ qoʻmitasi va “Cotton Outlook” jurnali, shuningdek Xalqaro toʻqimachilik mahsulotlari ishlab chiqaruvchilar federatsiyasi bilan birgalikda Oʻzbek paxta va toʻqimachilik yarmarkasining xalqaro maqomini saqlab qolish hamda uni oʻtkaziladigan jahon paxta va toʻqimachilik tadbirlarining har yilgi jadvaliga oktyabr oyining ikkinchi oʻn kunligiga kiritish bilan bogʻliq chora-tadbirlar kompleksini amalga oshirsin”.

4. 5-bandda:

a) birinchi, ikkinchi, oltinchi va yettinchi xatboshilaridagi “oʻzbek paxta” soʻzlaridan keyin “va toʻqimachilik” soʻzlari bilan toʻldirilsin;

b) uchinchi xatboshidagi “paxta tolasi” soʻzlaridan keyin “va toʻqimachilik mahsulotlari” soʻzlari qoʻshib qoʻyilsin;

v) quyidagi mazmundagi xatboshi qoʻshilsin:

“toʻqimachilik mahsulotlari ishlab chiqaruvchilari va isteʼmolchilarini jalb etish”.

5. 2-ilovada:

a) sarlavhadagi “oʻzbek paxta” soʻzlaridan keyin “va toʻqimachilik” soʻzlari qoʻshib qoʻyilsin;

b) “Zikriyoyev E.Z. — “Oʻzpaxtasanoat” uyushmasi boshqaruvchi raisi” soʻzlari “Xidirov Y.S. — “Oʻzpaxtasanoat” AJ bosh direktori” soʻzlari bilan almashtirilsin.

6. 3-ilova oʻz kuchini yoʻqotgan deb hisoblansin.

(Oʻzbekiston Respublikasi qonun hujjatlari toʻplami, 2016-y., 23-son, 264-modda; Qonun hujjatlari maʼlumotlari milliy bazasi, 11.07.2018-y., 06/18/5475/1489-son)