|
Hujjat kuchini yo‘qotgan 22.02.2024
|
OʻZBEKISTON RESPUBLIKASI SOGʻLIQNI SAQLASh VAZIRINING
buyrugʻi
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomni tasdiqlash haqida
[Oʻzbekiston Respublikasi Adliya vazirligi tomonidan 2015-yil 19-yanvarda roʻyxatdan oʻtkazildi, roʻyxat raqami 2649]
LexUZ sharhiMazkur buyruq Oʻzbekiston Respublikasi sogʻliqni saqlash vazirining 2024-yil 5-fevraldagi 5-sonli ““Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomni tasdiqlash haqida”gi buyruq, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2649-9, 22.02.2024-y.) asosan oʻz kuchini yoʻqotgan.
Oʻzbekiston Respublikasi Vazirlar Mahkamasining 2009-yil 18-dekabrdagi 319-son “Tibbiyot xodimlari malakasini oshirish va ularni qayta tayyorlash tizimini takomillashtirish toʻgʻrisida”gi qaroriga muvofiq buyuraman:
(muqaddima Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
1. Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir A. ALIMOV
Toshkent sh.,
2014-yil 18-dekabr,
21-son
Oʻzbekiston Respublikasi sogʻliqni saqlash vazirining 2014-yil 18-dekabrdagi 21-son buyrugʻiga
ILOVA
ILOVA
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi
NIZOM
Mazkur Nizom tibbiyot va farmatsevtika xodimlarini attestatsiyadan oʻtkazish va ularga malaka toifalarini berish tartibini belgilaydi.
(muqaddima Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
1-bob. Umumiy qoidalar
1. Mazkur Nizom talablari tibbiyot va farmatsevtika faoliyati bilan shugʻullanuvchi barcha tashkilotlarda faoliyat yuritadigan vrachlar, farmatsevtlar, “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlariga, shu jumladan Oʻzbekiston Respublikasi hududidagi tibbiyot muassasalarida faoliyat yuritayotgan chet el fuqarolari va fuqaroligi boʻlmagan shaxslarga (bundan buyon matnda tibbiyot va farmatsevtika xodimlari deb yuritiladi) nisbatan tatbiq etiladi.
2. Tibbiyot va farmatsevtika xodimlarini attestatsiyadan oʻtkazish va ularga malaka toifalari berish ularni oʻz malakasi va kasbiy darajasini muntazam ravishda oshirib borishga yoʻnaltirish va moddiy ragʻbatlantirish maqsadida amalga oshiriladi.
Tibbiyot va farmatsevtika xodimlariga uchinchi, ikkinchi, birinchi va oliy malaka toifalari beriladi.
Malaka toifasini olish “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot yoki farmatsevtika xodimlari uchun ixtiyoriy boʻlib, ularning murojaatiga koʻra amalga oshiriladi. Shifokorlar har 5 yilda malaka toifasini olish boʻyicha majburiy attestatsiyadan oʻtkaziladi. Shifokorlarga qulaylik yaratish va attestatsiyani shaffof oʻtkazilishini taʼminlash uchun attestatsiya jarayoni audio va videoyozuvlarda qayd etib boriladi, shuningdek onlayn tartibda Oʻzbekiston Respublikasi Sogʻliqni saqlash vazirligining rasmiy veb-saytida translatsiya qilinadi.
(2-bandning uchinchi xatboshisi Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
3. Uchinchi malaka toifasi — kerakli nazariy bilimga ega boʻlgan, lekin ikkinchi malaka toifasini olish uchun zarur ish stajiga ega boʻlmagan quyidagi vrachlarga beriladi:
umumiy stomatologiya mutaxassisligi boʻyicha oliy maʼlumotga ega boʻlgan vrachlarga — faqat umumiy stomatologiya mutaxassisligi boʻyicha;
magistraturani tamomlagan yoki qayta tayyorlashdan oʻtgan vrachlarga — olgan tor mutaxassisligi boʻyicha.
Uchinchi malaka toifasi vrachlarning xususiy tibbiyot muassasalariga ishga kirishi va ushbu muassasalar faoliyatini litsenziyalashga sharoit yaratish maqsadida beriladi. Uchinchi malaka toifasiga ega davlat tibbiyot muassasalari vrachlariga malaka toifasiga ega boʻlmagan vrachlar mehnatiga haq toʻlash tartibi va shartlari qoʻllaniladi.
4. Ikkinchi malaka toifasi — mutaxassisligi boʻyicha kamida uch yil ish stajiga hamda zarur nazariy bilim va amaliy koʻnikmalarga ega boʻlgan tibbiyot va farmatsevtika xodimlariga beriladi. Ikkinchi malaka toifasini olish uchun uchinchi malaka toifasining boʻlishi talab qilinmaydi.
(4-band Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻi (roʻyxat raqami 2649-7, 18.05.2022-y.) tahririda — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
5. Birinchi malaka toifasi — mutaxassisligi boʻyicha kamida besh yil ish stajiga, yaxshi nazariy bilim va amaliy koʻnikmalarga hamda ikkinchi malaka toifasiga ega boʻlgan tibbiyot va farmatsevtika xodimlariga beriladi.
(5-band Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻi (roʻyxat raqami 2649-7, 18.05.2022-y.) tahririda — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
6. Oliy malaka toifasi — mutaxassisligi boʻyicha kamida yetti yil ish stajiga, yuqori nazariy bilim va amaliy koʻnikmalarga hamda birinchi malaka toifasiga ega boʻlgan tibbiyot va farmatsevtika xodimlariga beriladi.
(6-band Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻi (roʻyxat raqami 2649-7, 18.05.2022-y.) tahririda — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
7. Malaka toifasini olish uchun murojaat qilgan vrachlarning mutaxassislik boʻyicha ish staji Vazirlar Mahkamasining 2005-yil 21-dekabrdagi 276-son qarori bilan tasdiqlangan Oʻzbekiston Respublikasi davlat muassasalari tibbiyot va farmatsevtika xodimlari mehnatiga haq toʻlash tartibi va shartlari toʻgʻrisidagi nizomning 3-ilovasiga muvofiq aniqlanadi.
Mutaxassislik boʻyicha ish stajini hisoblab chiqishda mazkur Nizomning 1-ilovasida koʻrsatilgan turdosh mutaxassisliklar boʻyicha ish staji oʻzaro hisobga olinadi.
Tibbiyot va farmatsevtika xodimi mutaxassisligining nomi oʻzgarganda, uning oldingi mutaxassisligi boʻyicha olgan malaka toifasi va u boʻyicha mehnatga haq toʻlash shartlari saqlanadi, keyinchalik yangi nomdagi mutaxassislik boʻyicha malaka toifasini olish uchun murojaat qilganda oldingi mutaxassisligi boʻyicha ish staji va olgan malaka toifasi inobatga olinadi.
Oilaviy shifokor punktlari, oilaviy yoki koʻp tarmoqli markaziy poliklinikalarda umumiy amaliyot shifokori lavozimida ishlayotgan tor mutaxassislikka ega boʻlgan vrachlar ish faoliyatini tor mutaxassisligi boʻyicha davom ettirgan taqdirda, ularning umumiy amaliyot shifokori lavozimida ishlagan davrda olgan malaka toifasi saqlanib qoladi, shuningdek tor mutaxassisligi boʻyicha malaka toifasini olish uchun murojaat qilganda umumiy amaliyot shifokori lavozimida ishlagan davridagi ish staji va olgan malaka toifasi inobatga olinadi hamda ular tegishli tor mutaxassisligi boʻyicha qonunchilik hujjatlarida belgilangan tartibda malaka oshirganidan soʻng attestatsiyadan oʻtkaziladi.
(7-bandning toʻrtinchi xatboshisi Oʻzbekiston Respublikasi sogʻliqni saqlash vazirining 2021-yil 16-sentabrdagi 21-sonli buyrugʻi (roʻyxat raqami 2649-5, 29.09.2021-y.) tahririda — Qonunchilik maʼlumotlari milliy bazasi, 29.09.2021-y., 10/21/2649-5/0912-son)
Tibbiyot muassasalarida tor mutaxassisligi boʻyicha ishlayotgan vrachlar oilaviy shifokor punktlari, oilaviy yoki koʻp tarmoqli markaziy poliklinikalarga umumiy amaliyot shifokori lavozimiga ishga oʻtgan taqdirda, ularning tor mutaxassislik boʻyicha olgan malaka toifasi saqlanib qoladi, shuningdek umumiy amaliyot shifokori lavozimi boʻyicha malaka toifasini olish uchun belgilangan tartibda murojaat qilganda tor mutaxassisligi boʻyicha ishlagan davrdagi ish staji va olgan malaka toifasi inobatga olinadi hamda qonunchilik hujjatlarida belgilangan tartibda malaka oshirganidan soʻng attestatsiyadan oʻtkaziladi.
(7-bandning beshinchi xatboshisi Oʻzbekiston Respublikasi sogʻliqni saqlash vazirining 2021-yil 16-sentabrdagi 21-sonli buyrugʻiga (roʻyxat raqami 2649-5, 29.09.2021-y.) tahririda — Qonunchilik maʼlumotlari milliy bazasi, 29.09.2021-y., 10/21/2649-5/0912-son)
Sogʻliqni saqlash muassasalarining rahbarlari, ularning oʻrinbosarlari hamda boshqaruv xodimlari sogʻliqni saqlashni boshqarish va jamoat sogʻligʻini saqlash mutaxassisligi boʻyicha, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi va uning hududiy boshqarmalari va tuman (shahar) boʻlimlari rahbarlari, ularning oʻrinbosarlari hamda boshqaruv xodimlari gigiyena mutaxassisligi boʻyicha malaka toifasi olish uchun murojaat qilishlari mumkin.
(7-bandning oltinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
8. Malaka toifasi “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot yoki farmatsevtika xodimining murojaatiga koʻra asosiy va oʻrindosh ish joyidagi mutaxassisliklardan bittasi boʻyicha yoki ularning har biri boʻyicha alohida berilishi mumkin.
Shifokorlarga malaka toifasini olish boʻyicha attestatsiya majburiy boʻlib, asosiy va oʻrindosh ish joyidagi mutaxassisliklarning har biri boʻyicha malaka toifasini olishi lozim.
Bunda tibbiyot yoki farmatsevtika xodimi tegishli mutaxassislik boʻyicha mazkur Nizomda belgilangan talablarga javob berishi kerak.
(8-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
9. Malaka toifasi besh yil muddatga beriladi.
Zarur ish stajiga ega boʻlgan tibbiyot yoki farmatsevtika xodimiga u faoliyat yuritayotgan tibbiyot muassasasi rahbarining taqdimnomasiga asosan muddatidan oldin, biroq oxirgi malaka toifasi berilgan kundan kamida bir yildan keyin navbatdagi malaka toifasi berilishi mumkin.
(9-bandning ikkinchi xatboshisi Oʻzbekiston Respublikasi sogʻliqni saqlash vazirining 2019-yil 31-oktabrdagi 95-sonli buyrugʻi (roʻyxat raqami 2649-3 13.11.2019-y.) tahririda — Qonun hujjatlari maʼlumotlari milliy bazasi, 13.11.2019-y., 10/19/2649-3/4019-son)
Tibbiyot va farmatsevtika xodimlariga berilgan malaka toifalari ularga tabaqalashtirilgan haq toʻlash uchun asos boʻladi, uchinchi malaka toifasi bundan mustasno.
Oʻzbekiston Respublikasi hududidagi tibbiyot muassasalarida bevosita diagnostika va davolash-profilaktika faoliyati bilan shugʻullanayotgan ilmiy darajasi mavjud boʻlgan, shuningdek mazkur Nizomning 4 — 6-bandlariga muvofiq ish stajiga, yuqori nazariy bilim va amaliy koʻnikmalarga ega boʻlgan mutaxassislarga istisno tariqasida, bir pogʻona yuqori malaka toifasi beriladi. Bunda, sogʻliqni saqlash vazirining taqdimnomasiga koʻra ilmiy darajasi mavjud boʻlmagan mutaxassislarga ham bir pogʻona yuqori malaka toifasi berilishi mumkin.
(9-bandning toʻrtinchi xatboshisi Oʻzbekiston Respublikasi sogʻliqni saqlash vazirining 2021-yil 16-sentabrdagi 21-sonli buyrugʻiga (roʻyxat raqami 2649-5, 29.09.2021-y.) tahririda — Qonunchilik maʼlumotlari milliy bazasi, 29.09.2021-y., 10/21/2649-5/0912-son)
2-bob. Tibbiyot va farmatsevtika xodimlarini attestatsiyadan oʻtkazish va ularga malaka toifalari berishni tashkil qilish
1-§. Ixtisoslashtirilgan attestatsiya komissiyalarini tuzish va ularning ishini tashkil etish
10. Malaka toifalari tibbiyot va farmatsevtika xodimlarini malaka toifasi olish uchun attestatsiyadan (bundan buyon matnda attestatsiya deb yuritiladi) oʻtkazish natijalariga koʻra beriladi.
Attestatsiya “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot yoki farmatsevtika xodimi uchun ixtiyoriylik, shifokorlar uchun majburiylik, davriylik, xolislik va oshkoralik prinsiplari asosida Tibbiyot va farmatsevtika xodimlarining malakasini baholash markazi (bundan buyon matnda Markaz deb yuritiladi) huzurida hamda uning Qoraqalpogʻiston Respublikasi va viloyatlarda tashkil etiladigan ixtisoslashtirilgan attestatsiya komissiyalari (bundan buyon matnda attestatsiya komissiyalari deb yuritiladi) tomonidan oʻtkaziladi.
(10-bandning ikkinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
11. Attestatsiya komissiyalarini tashkil etish uchun Markaz tomonidan kamida yetti nafar aʼzodan, shu jumladan attestatsiya komissiyasi raisi, rais oʻrinbosari va kotibidan iborat tarkibda nomzodlar roʻyxatlari shakllantiriladi.
(11-bandning birinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
Attestatsiya komissiyalarining tarkibi Markaz direktori tomonidan tasdiqlanadi.
(11-bandning ikkinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
Attestatsiya komissiyalari tarkibi har yili qayta tasdiqlanadi. Bunda attestatsiya komissiyasi tarkibining kamida yigirma foizi yangilanishi kerak.
Attestatsiya komissiyalari aʼzolari attestatsiya komissiyasi tarkibiga shartnoma asosida jalb etiladi.
12. Attestatsiya komissiyalarining soni, har bir attestatsiya komissiyasining ixtisosligi va ular tomonidan attestatsiyadan oʻtkaziladigan mutaxassisliklar tegishli hududda faoliyat yuritayotgan tibbiyot va farmatsevtika xodimlarining sonidan kelib chiqqan holda belgilanadi.
(12-bandning birinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
Attestatsiya komissiyasining ixtisosligi attestatsiya komissiyasi aʼzolarining mutaxassisligiga muvofiq boʻlishi zarur.
13. Markaz huzurida tashkil etiladigan attestatsiya komissiyalari tarkibiga Oʻzbekiston Respublikasi Sogʻliqni saqlash vazirligi, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, Oʻzbekiston Respublikasi Sogʻliqni saqlash vazirligi huzuridagi Tibbiyot xodimlarining kasbiy malakasini rivojlantirish markazi, oliy tibbiyot taʼlim muassasalari, ixtisoslashtirilgan ilmiy hamda ilmiy-amaliy tibbiyot markazlari, ilmiy-tadqiqot institutlari, davolash-profilaktika muassasalari, tarmoq kasaba uyushmasi respublika kengashi vakillari kiritilishi mumkin.
Markazning Qoraqalpogʻiston Respublikasi va viloyatlarda tashkil etiladigan attestatsiya komissiyalari tarkibiga Sogʻliqni saqlash vazirligining hududiy boshqarmalari, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boshqarmalari, oliy tibbiyot taʼlim muassasalari, ixtisoslashtirilgan ilmiy hamda ilmiy-amaliy tibbiyot markazlari filiallari, ilmiy-tadqiqot institutlari, davolash-profilaktika muassasalari, hududiy kasaba uyushma birlashmalari kengashlari vakillari kiritilishi mumkin.
(13-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
14. Markazning Qoraqalpogʻiston Respublikasi va viloyatlarda tashkil etilgan attestatsiya komissiyalari tomonidan quyidagi malaka toifalarini berish boʻyicha attestatsiyalar oʻtkaziladi:
(14-bandning birinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
vrach va farmatsevtlarga — uchinchi, ikkinchi hamda birinchi malaka toifasi berish boʻyicha, mazkur Nizomning 16-bandida nazarda tutilgan vrach va farmatsevtlar bundan mustasno;
(14-bandning ikkinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
“Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlariga — ikkinchi, birinchi va oliy malaka toifalarini berish boʻyicha.
15. Markaz huzurida tashkil etilgan attestatsiya komissiyalari tomonidan tibbiyot va farmatsevtika xodimlariga barcha turdagi malaka toifalarini berish boʻyicha attestatsiyalar oʻtkaziladi.
(15-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
16. Quyidagi tibbiyot va farmatsevtika xodimlari faqat Markaz huzurida tashkil etilgan attestatsiya komissiyalari tomonidan attestatsiyadan oʻtkaziladi:
(16-bandning birinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
vrach va farmatsevtlar — oliy malaka toifasi berish boʻyicha;
(16-bandning ikkinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
sogʻliqni saqlashni boshqarish va jamoat sogʻligʻini saqlash mutaxassisligi boʻyicha ishlayotgan tibbiyot va farmatsevtika xodimlari;
(16-bandning uchinchi xatboshisi Oʻzbekiston Respublikasi sogʻliqni saqlash vazirining 2021-yil 8-oktabrdagi 27-sonli buyrugʻi (roʻyxat raqami 2649-6, 11.10.2021-y.) tahririda — Qonunchilik maʼlumotlari milliy bazasi, 11.10.2021-y., 10/21/2649-6/0949-son)
respublika tibbiyot muassasalarining tibbiyot va farmatsevtika xodimlari;
faoliyat yuritayotgan joydagi Markazning Qoraqalpogʻiston Respublikasi va viloyatlarda tashkil etilgan attestatsiya komissiyalari tarkibida mutaxassisligi boʻyicha attestatsiya komissiyasi aʼzosi mavjud boʻlmagan tibbiyot va farmatsevtika xodimlari.
(16-bandning beshinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
17. Attestatsiya komissiyasi:
attestatsiyadan oʻtkaziladigan talabgor haqida qisqacha axborotni tinglaydi;
attestatsiyadan oʻtadigan talabgorga savollar beradi, uning javoblari natijalari boʻyicha ochiq ovoz berishni oʻtkazadi;
attestatsiya natijasi boʻyicha talabgorga baho beradi;
attestatsiyadan oʻtgan talabgor faoliyatini yaxshilash boʻyicha tavsiyalar beradi;
attestatsiya savollarini tuzadi va ularni yangilab boradi;
attestatsiya oʻtkazish bilan bogʻliq boshqa masalalarni koʻrib chiqadi.
Attestatsiya komissiyasi yigʻilishi uning ishida attestatsiya komissiyasi aʼzolarining kamida uchdan ikki qismi ishtirok etgan taqdirda vakolatli hisoblanadi.
18. Markaz huzuridagi attestatsiya komissiyasining doimiy ishchi organi Markazning tegishli tarkibiy boʻlinmasi hisoblanadi.
(18-bandning birinchi xatboshisi Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
Doimiy ishchi organ xodimlaridan bir nafari attestatsiya komissiyalari yigʻilishida kuzatuvchi sifatida ishtirok etishi mumkin.
(18-band Oʻzbekiston Respublikasi sogʻliqni saqlash vazirining 2021-yil 8-oktabrdagi 27-sonli buyrugʻi (roʻyxat raqami 2649-6, 11.10.2021-y.) tahririda — Qonunchilik maʼlumotlari milliy bazasi, 11.10.2021-y., 10/21/2649-6/0949-son)
19. Doimiy ishchi organ:
talabgorlar tomonidan taqdim etilgan hujjatlarning mazkur Nizomning 22-bandi talablariga muvofiqligini koʻrib chiqadi;
talabgorlarning hujjatlarini attestatsiya komissiyasida koʻrib chiqish uchun tayyorlaydi;
attestatsiyadan oʻtkaziladigan talabgorlar roʻyxatini tuzadi;
attestatsiya savollari roʻyxatini Oʻzbekiston Respublikasi Sogʻliqni saqlash vazirligining veb-saytiga joylashtirilishini taʼminlaydi;
attestatsiyani oʻtkazish sanasi va joyi toʻgʻrisidagi, shuningdek uzrli sabablarga koʻra ularning oʻzgarganligi haqidagi maʼlumotlarni attestatsiya komissiyasi aʼzolariga hamda talabgorlarga yetkazadi;
attestatsiya komissiyasi faoliyatini tashkil etishga doir boshqa vazifalarni amalga oshiradi.
20. Markazning Qoraqalpogʻiston Respublikasi va viloyatlarda tashkil etilgan attestatsiya komissiyalarida doimiy ishchi organning vazifalari tegishliligi boʻyicha Markazning mazkur hududlardagi mutaxassislari tomonidan amalga oshiriladi.
(20-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
21. Har bir attestatsiya komissiyasining yigʻilishlari Markaz tomonidan tasdiqlanadigan yillik jadval asosida oʻtkaziladi.
Markaz huzurida hamda uning Qoraqalpogʻiston Respublikasi va viloyatlarda tashkil etilgan attestatsiya komissiyalari yigʻilishlarining yillik jadvali Oʻzbekiston Respublikasi Sogʻliqni saqlash vazirligining rasmiy veb-sayti va tizimidagi ommaviy axborot vositalarida yanvar oyining oʻn beshinchi sanasiga qadar eʼlon qilinadi.
(21-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
2-§. Talabgorlarning arizalarini qabul qilish va koʻrib chiqish
22. Mazkur Nizomning 1-bobi talablariga muvofiq tegishli malaka toifasini olish huquqiga ega boʻlgan, Oʻzbekiston Respublikasi Prezidentining 2020-yil 7-apreldagi PQ-4666-son “Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari toʻgʻrisida”gi qarorining 4-ilovasida belgilangan kreditlar hajmini toʻplagan hamda Vazirlar Mahkamasining 2009-yil 18-dekabrdagi 319-son qarori bilan tasdiqlangan Tibbiyot xodimlari malakasini oshirish va ularni qayta tayyorlash tartibi toʻgʻrisidagi nizomga muvofiq malaka oshirgan talabgorlar malaka toifasi olish uchun attestatsiyadan oʻtkazuvchi tegishli organga ariza bilan murojaat qiladi.
(22-bandning birinchi xatboshisi Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
Arizada talabgorning biometrik pasport yoki identifikatsiya ID-kartasi maʼlumotlari (seriyasi, raqami, talabgorning familiyasi, ismi va otasining ismi hamda tugʻilgan yili) koʻrsatiladi, shuningdek arizaga quyidagi hujjatlar ilova qilinadi:
(22-bandning ikkinchi xatboshisi Oʻzbekiston Respublikasi sogʻliqni saqlash vazirining 2021-yil 16-sentabrdagi 21-sonli buyrugʻiga (roʻyxat raqami 2649-5, 29.09.2021-y.) tahririda — Qonunchilik maʼlumotlari milliy bazasi, 29.09.2021-y., 10/21/2649-5/0912-son)
Oldingi tahrirga qarang.
(22-bandning uchinnchi xatboshisi Oʻzbekiston Respublikasi sogʻliqni saqlash vazirining 2021-yil 16-sentabrdagi 21-sonli buyrugʻiga (roʻyxat raqami 2649-5, 29.09.2021-y.) asosan chiqarilgan — Qonunchilik maʼlumotlari milliy bazasi, 29.09.2021-y., 10/21/2649-5/0912-son)
Oldingi tahrirga qarang.
(22-bandning toʻrtinchi xatboshisi Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻiga (roʻyxat raqami 2649-7, 18.05.2022-y.) asosan chiqarilgan — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
Oldingi tahrirga qarang.
(22-bandning beshinchi xatboshisi Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻiga (roʻyxat raqami 2649-7, 18.05.2022-y.) asosan chiqarilgan — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
mehnat daftarchasining ish joyida tasdiqlangan nusxasi yoki undan koʻchirma;
malaka toifasi berilganligi toʻgʻrisidagi sertifikatning nusxasi (malaka toifasiga ega boʻlgan talabgorlar uchun);
mutaxassislik boʻyicha malaka oshirganligi toʻgʻrisidagi sertifikatning nusxasi;
(22-bandning sakkizinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
ilmiy seminarlar, syezdlar, konferensiyalarda qatnashganligi hamda xorijiy davlatlarda malaka oshirganligini tasdiqlovchi hujjatlarning (diplom, guvohnoma, sertifikat va h.k.) nusxasi (mavjud boʻlganda);
Oldingi tahrirga qarang.
(22-bandning yettinchi xatboshisi Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻiga (roʻyxat raqami 2649-7, 18.05.2022-y.) asosan chiqarilgan — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
Oldingi tahrirga qarang.
(22-bandning sakkizinchi xatboshisi Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻiga (roʻyxat raqami 2649-7, 18.05.2022-y.) asosan chiqarilgan — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
oxirgi ikki yil davomida talabgor faoliyat yuritayotgan tibbiyot muassasasi rahbari tomonidan tasdiqlangan talabgorning mehnat faoliyati haqidagi hisobot, ushbu davrda talabgorning ish joyi oʻzgargan taqdirda, oldingi ish joyidagi mehnat faoliyati haqidagi hisobot bilan birga (6 varaqdan oshmasligi lozim);
(22-bandning oʻn ikkinchi xatboshisi Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
mazkur Nizomning 2-ilovasiga muvofiq shaklda toʻldirilgan attestatsiya varaqasi;
Talabgorning nikoh qayd etilganligi, nikohda turmasligi yoki nikohdan ajralganligi toʻgʻrisidagi maʼlumotlar (diplom yoki malaka toifasi olgandan soʻng familiyasi oʻzgargan talabgorlar uchun), tibbiy yoki farmatsevtik maʼlumoti toʻgʻrisidagi diplom maʼlumotlari, shuningdek ish stajini tasdiqlovchi maʼlumotlar “Elektron hukumat” tizimi idoralararo integratsiyalashuv platformasi orqali doimiy ishchi organ tomonidan mustaqil ravishda soʻrab olinadi.
(22-band Oʻzbekiston Respublikasi sogʻliqni saqlash vazirining 2022-yil 11-maydagi 11-son buyrugʻi (roʻyxat raqami 2649-7, 18.05.2022-y.) asosida toʻqqizinchi xatboshi bilan toʻldirilgan — Qonunchilik maʼlumotlari milliy bazasi, 18.05.2022-y., 10/22/2649-7/0430-son)
attestatsiya oʻtkazish uchun amalga oshirilgan toʻlov hujjatining nusxasi.
Talabgorlardan mazkur bandda nazarda tutilmagan hujjatlarni soʻrab olishga yoʻl qoʻyilmaydi.
Taqdim etilgan hujjatlarning haqqoniyligi uchun talabgor va tashkilot rahbari masʼul hisoblanadi.
(22-bandning oʻn oltinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
23. Ariza va unga ilova qilinadigan hujjatlar attestatsiyadan oʻtkazuvchi organning elektron pochta manzili orqali ham taqdim etilishi mumkin. Bunda talabgor attestatsiyaga ishtirok etish uchun kelganida elektron pochta orqali joʻnatilgan hujjatlarining qogʻoz nusxalarini taqdim etishi talab etilmaydi.
Elektron shaklda taqdim etilgan ariza va unga ilova qilinayotgan har bir hujjat alohida fayl koʻrinishida boʻlishi hamda har bir fayl oʻlchami 10 mbdan oshmasligi lozim.
Hujjatlar “PDF” formatida skaner qilingan holda yuboriladi.
(23-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
24. Attestatsiya oʻtkazish uchun vrach va farmatsevt talabgorlardan qoʻshilgan qiymat soligʻi bilan bazaviy hisoblash miqdorining ikki baravari miqdorida toʻlov undiriladi. Attestatsiyadan oʻtkazish uchun birlamchi tibbiy-sanitariya yordami muassasalari tibbiyot xodimlari, “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlaridan toʻlov undirilmaydi.
(24-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
25. Ariza va unga ilova qilingan hujjatlar qabul qilingan kundan boshlab oʻn kun ichida koʻrib chiqiladi. Quyidagi hollarda talabgorni attestatsiyadan oʻtkazish rad etiladi:
talabgor mazkur Nizomning 1-bobi talablariga muvofiq, tegishli malaka toifasini olish huquqiga ega boʻlmagan, Oʻzbekiston Respublikasi Prezidentining 2020-yil 7-apreldagi PQ-4666-son “Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari toʻgʻrisida”gi qarorining 4-ilovasida belgilangan kreditlar hajmini toʻplamagan yoki Vazirlar Mahkamasining 2009-yil 18-dekabrdagi 319-son qarori bilan tasdiqlangan Tibbiyot xodimlari malakasini oshirish va ularni qayta tayyorlash tartibi toʻgʻrisidagi nizomga muvofiq malaka oshirmagan taqdirda;
(25-bandning ikkinchi xatboshisi Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
mazkur Nizomning 22-bandida nazarda tutilgan hujjatlar toʻliq boʻlmaganda;
taqdim etilgan hujjatlarda notoʻgʻri yoki qalbakilashtirilgan maʼlumotlar mavjudligi aniqlanganda.
Attestatsiyadan oʻtkazishni boshqa asoslar boʻyicha rad etishga yoʻl qoʻyilmaydi.
26. Attestatsiyadan oʻtkazish rad etilgan taqdirda, bu haqda talabgorga yozma ravishda asoslantirilgan xabar beriladi va koʻrsatilgan kamchiliklarni bartaraf etish uchun uch oy muddat beriladi.
Koʻrsatilgan kamchiliklar talabgor tomonidan uch oy ichida bartaraf etilgan taqdirda, attestatsiya oʻtkazish uchun qayta murojaat qilish, shu jumladan takroran toʻlov amalga oshirish talab etilmaydi. Ushbu muddat oʻtgach, talabgor attestatsiyadan oʻtish uchun umumiy asoslarda qayta murojaat qilishga haqli.
Koʻrsatilgan kamchiliklar talabgor tomonidan uch oy ichida bartaraf etilgan taqdirda, attestatsiya oʻtkazishni ilgari koʻrsatilmagan yangi asoslar boʻyicha rad etishga yoʻl qoʻyilmaydi.
27. Malaka toifasi muddati tugashi bilan egallab turgan yoki boshqa malaka toifasini olish istagida boʻlgan talabgor, amaldagi malaka toifasi muddati tugashidan kamida uch oy oldin attestatsiyadan oʻtish toʻgʻrisida murojaat qilishi lozim. Bunda mazkur Nizomning 22-bandida nazarda tutilgan hujjatlar toʻliq boʻlgan taqdirda, ushbu talabgor uch oy ichida attestatsiyadan oʻtkazilishi shart.
Talabgor amaldagi malaka toifasi muddati tugagandan keyin ham malaka toifasi olish uchun murojaat qilishga haqli. Malaka toifasi muddatining tugaganligi talabgorga ushbu malaka toifasi yoki navbatdagi malaka toifasi berishni rad etish uchun asos boʻlmaydi.
3-§. Talabgorlarni attestatsiyadan oʻtkazish va ularga malaka toifasi berish
Oldingi tahrirga qarang.
(28-band Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻiga (roʻyxat raqami 2649-1 16.11.2017-y.) asosan oʻz kuchini yoʻqotgan — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
29. Attestatsiya 5 ta savoldan iborat bilet asosida suhbat shaklida oʻtkaziladi.
(29-band Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Talabgorlar attestatsiyaga pasport yoki shaxsni tasdiqlovchi boshqa hujjat asosida kiritiladi.
Attestatsiya savollari komissiya raisi va masʼul kotibning imzolari bilan tasdiqlangan boʻlishi lozim.
Savollarga tayyorlanish uchun talabgorlarga 15 daqiqagacha vaqt ajratiladi.
Savollarga tayyorlanish jarayonida talabgorlarga quyidagilar taqiqlanadi:
uyali telefon, boshqa aloqa va telekommunikatsiya vositalari, kitob yoki shpargalkalardan foydalanish;
boshqa talabgorlar bilan suhbatlashish;
talabgorga attestatsiya natijasi eʼlon qilinmaguncha xonadan tashqariga chiqish.
Talabgorning mazkur qoidaga amal qilmasligi uni attestatsiyada qatnashishdan chetlashtirish uchun asos boʻladi. Ushbu holatda masʼul kotib tomonidan mazkur Nizomning 5-ilovasiga muvofiq shaklda dalolatnoma rasmiylashtiriladi va komissiya aʼzolarining kamida uch nafari tomonidan imzolanadi.
Attestatsiyada qatnashishdan chetlashtirilgan talabgor olti oy davomida keyingi attestatsiyalarga qoʻyilmaydi.
(29-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
30. Talabgorning savollarga javoblari quyidagi mezonlar asosida baholanadi:
oʻz mutaxassisligi boʻyicha tayyorgarlik darajasi;
kasbiy faoliyati natijalari, umumiy va maxsus bilim hamda amaliy koʻnikmalari;
oʻz xizmat faoliyatini tahlil qila olish va kasbiga bogʻliq vaziyatli masalalarni toʻgʻri hal qilish qobiliyati;
zamonaviy profilaktika standartlari, diagnostika va davolash usullarini bilishi hamda amaliyotda qoʻllay olishi (vrachlar uchun);
tibbiyot deontologiyasi va kasb etikasi asosiy prinsiplarini bilishi;
sogʻliqni saqlash tizimidagi islohotlar, shu jumladan tibbiyot xodimlari malakasini oshirish va ularni qayta tayyorlash tizimidan xabardorligi.
Talabgorning har bir savolga javobi attestatsiya komissiyasi aʼzolarining koʻpchilik ovozi bilan oʻn ballik tizimda baholanadi. Ovozlar teng boʻlganda attestatsiya komissiyasi raisining ovozi hal qiluvchi boʻladi.
Respublika miqyosida favqulodda vaziyatlar yoki karantin tartibi eʼlon qilingan davr mobaynida attestatsiya quyidagi tartibda oʻtkaziladi:
hujjatlar faqat elektron shaklda qabul qilinadi hamda talabgorga hujjat qabul qilinganligi, attestatsiya kuni va soati toʻgʻrisida xabar yuboriladi;
attestatsiya ogʻzaki imtihon shaklida masofadan turib (onlayn rejimda) oʻtkaziladi. Attestatsiya jarayoni audio va videoyozuvlarda qayd etib boriladi. Bunda talabgorga mutaxassisligi boʻyicha oʻn ballik tizimda baholanadigan 5 ta savol beriladi va savollarga tayyorlanish uchun 15 daqiqa vaqt ajratiladi. Talabgor tomonidan toʻplangan ballar mazkur Nizomning 31-bandiga muvofiq baholanadi.
(30-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
31. Attestatsiyada olingan ballar har bir talabgor boʻyicha attestatsiya komissiyasi tomonidan quyidagicha qaror qabul qilinishi uchun asos boʻladi:
(31-bandning birinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
toʻplanishi mumkin boʻlgan eng yuqori ballning 65 foizi va undan yuqori ball uchun — talabgorlik qilayotgan malaka toifasiga loyiq deb topish haqida;
toʻplanishi mumkin boʻlgan eng yuqori ballning 56 foizidan 64 foizigacha ball uchun — talabgorlik qilayotgan malaka toifasidan bir pogʻona past malaka toifasi berish haqida;
toʻplanishi mumkin boʻlgan eng yuqori ballning 46 foizidan 55 foizigacha ball uchun — talabgorlik qilayotgan malaka toifasidan ikki pogʻona past malaka toifasi berish haqida;
toʻplanishi mumkin boʻlgan eng yuqori ballning 40 foizidan 45 foizigacha ball uchun — talabgorlik qilayotgan malaka toifasidan uch pogʻona past malaka toifasi berish haqida;
toʻplanishi mumkin boʻlgan eng yuqori ballning 40 foizidan kam ball uchun yoki mazkur bandning uchinchi — beshinchi xatboshilariga muvofiq tegishli past pogʻonadagi malaka toifasi mavjud boʻlmagan hollarda — malaka toifasi berishga noloyiq deb topish haqida.
Talabgorlar tomonidan attestatsiyada olingan ballar hamda attestatsiya komissiyasi qarori shu kunning oʻzida ularga oʻqib eshittiriladi.
(31-bandning yettinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Agarda attestatsiya komissiyasi yetarli ball toʻplay olmagan shifokorlar boʻyicha malaka toifasi berishga noloyiq deb topish toʻgʻrisida qaror qabul qilsa, unda ular Oʻzbekiston Respublikasi Sogʻliqni saqlash vazirligi huzuridagi Tibbiyot xodimlarining kasbiy malakasini rivojlantirish markazida oʻz hisobidan navbatdan tashqari bir oylik malaka oshirishi va attestatsiya oʻtkazilgan kundan boshlab toʻqqiz oy oʻtgach umumiy asoslarda qayta attestatsiyadan oʻtishi lozim boʻladi.
(31-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻiga (roʻyxat raqami 2649-4 31.12.2020-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
32. Attestatsiya natijasi hamda har bir talabgor boʻyicha attestatsiya komissiyasi qarori talabgorning attestatsiya varaqasiga kiritiladi hamda ushbu varaqa attestatsiya komissiyasining barcha aʼzolari tomonidan imzolanadi.
(32-band Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
33. Attestatsiya davomida attestatsiya komissiyasi kotibi tomonidan bayonnoma yuritiladi.
(33-bandning birinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Bayonnomada quyidagi maʼlumotlar koʻrsatiladi:
attestatsiya oʻtkazilgan joy va sana;
attestatsiya boshlangan va tugallangan vaqt;
attestatsiyada qatnashgan attestatsiya komissiyasi aʼzolarining ismi va otasining ismi bosh harflari, familiyasi hamda lavozimi;
attestatsiyaning umumiy natijalari;
attestatsiya jarayoniga taalluqli boʻlgan boshqa maʼlumotlar.
Bayonnomaga attestatsiyada hozir boʻlgan va kelmagan talabgorlar roʻyxati kiritilgan jadval ilova qilinadi. Mazkur jadvalda har bir talabgorning familiyasi, ismi va otasining ismi, tugʻilgan yili, ish joyi, lavozimi, mutaxassisligi, umumiy ish staji, mutaxassisligi boʻyicha ish staji, malaka oshirgan vaqti, amaldagi malaka toifasi va berilgan yili, talabgorlik qilayotgan malaka toifasi, attestatsiyada olingan ballar hamda attestatsiya komissiyasining qarori koʻrsatiladi.
(33-bandning sakkizinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Bayonnoma attestatsiya komissiyasi raisi va kotibi tomonidan imzolanadi.
34. Bayonnomaga asosan, attestatsiya tugagan kundan boshlab oʻn kun ichida attestatsiya yakunlari boʻyicha attestatsiya oʻtkazuvchi organ rahbarining buyrugʻi qabul qilinadi hamda malaka toifasi berilgan talabgorlarga Malaka toifasi berilganligi toʻgʻrisida sertifikat (bundan buyon matnda sertifikat deb yuritiladi) rasmiylashtiriladi. Bunda barcha tibbiyot va farmatsevtika xodimlari uchun (birlamchi tibbiy-sanitariya yordami muassasalari tibbiyot xodimlari, “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlaridan tashqari) mazkur Nizomning 3-ilovasiga, birlamchi tibbiy-sanitariya yordami muassasalari tibbiyot xodimlari, “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlari uchun mazkur Nizomning 4-ilovasiga muvofiq shakldagi sertifikat beriladi hamda Oʻzbekiston Respublikasi Sogʻliqni saqlash vazirligining rasmiy veb-saytiga joylashtiriladi.
Sertifikatning elektron shakli hisobga olish seriyasi, QR-kodi va tartib raqamiga ega boʻladi.
Elektron hamda qogʻoz shaklda berilgan sertifikatlar teng yuridik kuchga ega hisoblanadi.
Elektron shaklda berilgan sertifikatning qogʻoz shakli talabgorning arizasiga koʻra, qatʼiy hisobda turadigan blanklarda elektron sertifikatni rasmiylashtirgan organ rahbarining imzosi va muhri bilan tasdiqlangan holda berilishi mumkin.
Shifokorlar birlamchi tibbiy-sanitariya yordami muassasalaridan boshqa tibbiyot muassasalarida faoliyat yuritganda mazkur Nizomning 3-ilovasiga muvofiq shaklda sertifikat olish uchun umumiy asoslarda attestatsiyadan oʻtishi lozim boʻladi.
(34-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
35. Sertifikat berilganligi uchun birlamchi tibbiy-sanitariya yordami muassasalari tibbiyot xodimlaridan qoʻshilgan qiymat soligʻi bilan bazaviy hisoblash miqdorining ellik foizi miqdorida, “Oliy hamshiralik ishi” mutaxassisligiga ega boʻlgan hamshiralar, oʻrta tibbiyot va oʻrta farmatsevtika xodimlaridan qoʻshilgan qiymat soligʻi bilan bazaviy hisoblash miqdorining yigirma foizi miqdorida toʻlov undiriladi.
(35-band Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
36. Attestatsiyada toʻplanishi mumkin boʻlgan eng yuqori ballning 65 foizidan kam ball olgan talabgorlar attestatsiya oʻtkazilgan kundan boshlab toʻqqiz oy oʻtgach, malaka toifasi olish uchun umumiy asoslarda qayta murojaat qilishlari mumkin.
(36-bandning birinchi xatboshisi Oʻzbekiston Respublikasi sogʻliqni saqlash vazirining 2019-yil 31-oktabrdagi 95-sonli buyrugʻi (roʻyxat raqami 2649-3 13.11.2019-y.) tahririda — Qonun hujjatlari maʼlumotlari milliy bazasi, 13.11.2019-y., 10/19/2649-3/4019-son)
Attestatsiyadan oʻtish uchun murojaat qilgan, biroq bir yil ichida attestatsiyada ishtirok etmagan talabgorlar malaka toifasi olish uchun umumiy asoslarda qayta murojaat qilishlari mumkin.
(36-bandning ikkinchi xatboshisi Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Talabgor attestatsiyadan oʻtmagan yoki unda ishtirok etmagan yoxud malaka toifasini olishdan bosh tortgan taqdirda, attestatsiya oʻtkazish uchun qilingan toʻlovlar qaytarilmaydi.
3-bob. Sertifikatning amal qilishini tugatish va uni bekor qilish
37. Quyidagi hollarda sertifikatning amal qilishi tugatiladi:
sertifikatning amal qilish muddati tugaganda;
tibbiyot yoki farmatsevtika xodimining faoliyatida bemorning oʻlimiga sabab boʻluvchi qoʻpol xato va buzilishlarga yoʻl qoʻyilgan yoxud nogironlik tayinlanishiga olib keluvchi ogʻir tan jarohatlari yetkazilganligi sudning qarori bilan aniqlanganda;
malaka toifasi muddati tugagunga qadar attestatsiyada ishtirok etgan talabgorga amaldagi malaka toifasidan pastroq malaka toifasi berilgan yoki malaka toifasi berilmagan hollarda.
Sertifikatning amal qilish muddatini oldin tugatish uni bergan attestatsiya oʻtkazuvchi organ rahbarining buyrugʻi bilan amalga oshiriladi. Bunda sertifikatning amal qilishi mazkur buyruq qabul qilingan sanadan eʼtiboran tugatiladi.
38. Malaka toifasi soxta hujjatlardan foydalanilgan holda olinganligi sudning qarori bilan aniqlanganda sertifikat bekor qilinadi.
Sertifikatni bekor qilish uni bergan attestatsiya oʻtkazuvchi organ rahbarining buyrugʻi bilan amalga oshiriladi. Bunda sertifikat u berilgan sanadan eʼtiboran bekor qilingan deb hisoblanadi.
39. Sertifikatning amal qilishini tugatish va uni bekor qilish haqidagi buyruqning nusxasi oʻn kun ichida uning egasiga va u faoliyat yuritayotgan tibbiyot muassasasiga yuboriladi.
Sertifikatning amal qilishi tugatilgan yoki u bekor qilinganda talabgor tomonidan qilingan toʻlovlar qaytarilmaydi.
4-bob. Apellatsiya shikoyati berish va uni koʻrib chiqish
40. Attestatsiya komissiyasining qaroridan norozi boʻlgan talabgorlar attestatsiya oʻtkazilgan kundan boshlab oʻn kalendar kun mobaynida Markaz huzurida tuziladigan apellatsiya komissiyasiga yozma ravishda apellatsiya shikoyati berish yoki sudga murojaat qilish huquqiga ega.
Apellatsiya komissiyasi tarkibi Markaz direktori tomonidan tasdiqlanadi. Attestatsiya komissiyasi aʼzolari apellatsiya komissiyasi tarkibiga kiritilmaydi.
(40-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
41. Apellatsiya shikoyatini apellatsiya komissiyasi tomonidan ikki hafta ichida talabgor ishtirokida, zarur hollarda attestatsiya komissiyasi aʼzolari va betaraf mutaxassislarni taklif qilgan holda koʻrib chiqiladi.
Apellatsiya shikoyatida koʻrsatilgan vajlar apellatsiya komissiyasi tomonidan attestatsiya materiallari asosida oʻrganiladi. Apellatsiya shikoyatini koʻrib chiqish natijalariga koʻra uni qanoatlantirish yoki attestatsiya komissiyasi qarorini oʻzgartirishsiz qoldirish toʻgʻrisida qaror qabul qilinadi.
42. Apellatsiya komissiyasining apellatsiya shikoyatini koʻrib chiqish natijalari boʻyicha qabul qilgan qarori yuzasidan qonunchilik hujjatlarida belgilangan tartibda sudga shikoyat qilish mumkin.
(42-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
5-bob. Sertifikatning dublikatini berish
43. Yoʻqotilgan yoki yaroqsiz holga kelgan sertifikatning oʻrniga ushbu sertifikat egasining arizasiga koʻra oʻn besh kun ichida uning dublikati berilishi shart.
44. Sertifikat dublikatida uning avvalgi hisobga olish raqami, belgilangan amal qilish muddati hamda yuqori oʻng burchagiga “DUBLIKAT” yozuvi koʻrsatiladi. Sertifikatning dublikatini berganlik uchun attestatsiyadan oʻtish va qoʻshimcha haq toʻlash talab qilinmaydi.
6-bob. Yakuniy qoidalar
45. Tibbiyot va farmatsevtika xodimlarini attestatsiyadan oʻtkazish va ularga malaka toifalarini berish hamda sertifikatlar rasmiylashtirish uchun talabgorlardan undiriladigan toʻlovlar Markazning shaxsiy hisobvaragʻiga oʻtkaziladi.
(45-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
46. Markazning Qoraqalpogʻiston Respublikasi va viloyatlarda tashkil etilgan attestatsiya komissiyalari tomonidan yillik jadval boʻyicha barcha yigʻilishlar oʻtkazilgandan keyin, biroq keyingi yil yanvar oyining oʻn beshinchi sanasidan kechiktirmasdan oʻtkazilgan attestatsiya natijalari haqida Markazga axborot taqdim etiladi.
Tibbiyot va farmatsevtika xodimlariga berilgan malaka toifalarining hisobi Markaz tomonidan yuritiladi.
(46-band Oʻzbekiston Respublikasi sogʻliqni saqlash vazirining 2023-yil 7-avgustdagi 33-sonli buyrugʻi (roʻyxat raqami 2649-8, 21.08.2023-y.) tahririda — Qonunchilik maʼlumotlari milliy bazasi, 21.08.2023-y., 10/23/2649-8/0630-son)
47. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javobgarlikka tortiladilar.
(47-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
48. Mazkur Nizom Oʻzbekiston Respublikasi Moliya vazirligi, Mehnat va aholini ijtimoiy muhofaza qilish vazirligi va Oʻzbekiston Kasaba uyushmalari Federatsiyasi Kengashi bilan kelishilgan.
Moliya vaziri R. AZIMOV
2014-yil 16-dekabr
Mehnat va aholini ijtimoiy muhofaza qilish vaziri A. ABDUHAKIMOV
2014-yil 16-dekabr
Oʻzbekiston Kasaba uyushmalari Federatsiyasi Kengashi raisi T. NARBAYEVA
2014-yil 16-dekabr
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga
1-ILOVA
1-ILOVA
Malaka toifasini olish uchun murojaat qilgan vrachlarning mutaxassislik boʻyicha ish stajini hisoblab chiqarishda oʻzaro hisobga olinadigan turdosh mutaxassisliklar
|
T/r |
Mutaxassislik nomi |
Oʻzaro hisobga olinadigan mutaxassisliklar nomi |
|
1. |
“Psixiatriya” |
“Narkologiya”, “Psixoterapiya”, “Sud-psixiatriya ekspertizasi”, “Suitsidologiya” |
|
2. |
“Terapiya” |
“Gastroenterologiya”, “Geriatriya”, “Diyetologiya”, “Klinik farmakologiya”, “Nefrologiya”, “Kasb kasalligi”, “Pulʼmonologiya”, “Revmatologiya”, “Tez tibbiy yordam” |
|
3. |
“Pediatriya” |
“Neonatologiya”, “Bolalar kardiologiyasi va revmatologiyasi”, “Bolalar nefrologiyasi”, “Bolalar pulmonologiyasi”, “Bolalar gastroenterologiyasi”, “Tez tibbiy yordam” |
|
4. |
“Tibbiy radiologiya” |
“Intervension radiologiya”, “Rentgenologiya”, “Ultratovush tashxisi”, “Yadroli tibbiyot” |
|
5. |
“Umumiy gigiyena” |
“Mehnat gigiyenasi”, “Ovqatlanish gigiyenasi”, “Bolalar va oʻsmirlar gigiyenasi”, “Kommunal gigiyena”, “Radiatsion gigiyena”, “Pestitsid va mineral oʻgʻitlarning qoʻllanilishini nazorat qilish gigiyenasi” |
|
6. |
“Umumiy amaliyot shifokori” |
Barcha tor mutaxassisliklar |
|
7. |
“Oʻsmirlik davri va xizmatga chaqiriluvchi yoshlar kasalliklarining tibbiy ekspertizasi” |
“Umumiy amaliyot shifokori”, “Terapiya”, “Pediatriya” |
|
8. |
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi tibbiy mehnat ekspertiza inspeksiyasi tizimida ekspert |
“Nevrolog”, “Terapevt”, “Xirurg”, “Oftalmolog”, “Ftiziatr”, “Psixiatr” va boshqa mutaxassisliklar |
(1-ilova Oʻzbekiston Respublikasi sogʻliqni saqlash vazirining 2017-yil 25-dekabrdagi 131-sonli buyrugʻi (roʻyxat raqami 2649-2 27.12.2017-y.) tahririda — Qonun hujjatlari maʼlumotlari milliy bazasi, 27.12.2017-y., 10/17/2649-2/0467-son)
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga
2-ILOVA
2-ILOVA
(2-ilova Oʻzbekiston Respublikasi sogʻliqni saqlash vazirining 2017-yil 20-oktabrdagi 115-sonli buyrugʻi (roʻyxat raqami 2649-1 16.11.2017-y.) tahririda — Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son)
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga
3-ILOVA
3-ILOVA
| | |
|
| |
|
| ||||
| | | | | |
| | |
AA 000000 |
| |
| | | | | |
| | | | | |
| Ushbu sertifikat ____________________________________________________________________________ ga | ||||
|
(familiyasi, ismi, otasining ismi) | ||||
| _______________________________________________________________________________________ ning | ||||
|
(attestatsiya oʼtkazuvchi organ nomi) | ||||
| 20__ -yil “___”_____________ dagi _______________ -son buyrugʼi bilan ____________ | ||||
| | | | | |
| ________________________________________________________________________ mutaxassisligi boʼyicha | ||||
|
(mutaxassislik nomi) |
| |||
| _____________________________________________________________ malaka toifasi berilganligini tasdiqlaydi. | ||||
|
(malaka toifasi turi) |
| |||
| | | | | |
| | | | | |
|
Berilgan sana: |
| |
Amal qilish muddati: |
|
|
20 ___ yil “___” __________ |
|
20 ___ yil “___” __________ | ||
| | | | | |
| | | | | |
|
Sertifikatni rasmiylashtirgan organ rahbari: |
___________ |
_______________ |
| |
| | |
(imzo) |
(F.I.O.) |
|
| | | | | |
|
Mazkur sertifikat Tibbiyot va farmatsevtika xodimlarini attestatsiyadan oʼtkazish va ularga malaka toifalari berish tartibi toʼgʼrisidagi nizomga (roʼyxat raqami 2649, 2015 yil 19 yanvar) muvofiq shakllantirilgan barcha tibbiyot va farmatsevtika xodimlari uchun (birlamchi tibbiy-sanitariya yordami muassasalari tibbiyot xodimlari, “Oliy hamshiralik ishi” mutaxassisligiga ega boʼlgan hamshiralar, oʼrta tibbiyot va oʼrta farmatsevtika xodimlaridan tashqari) berilgan sertifikatning elektron nusxasi hisoblanadi. Elekton hujjatning nusxasida koʼrsatilgan maʼlumotlar toʼgʼriligini tekshirish uchun toifareestr.uz portaliga oʼting yoki mobil telefon yordamida QR-kodni skaner qiling. |
QR-kod | |||
(3-ilova Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻi (roʻyxat raqami 2649-4, 31.12.2020-y.) tahririda — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga
4-ILOVA
4-ILOVA
| | |
|
| |
|
| ||||
| | | | | |
| | |
AA 000000 |
| |
| | | | | |
| | | | | |
| Ushbu sertifikat ____________________________________________________________________________ ga | ||||
|
(familiyasi, ismi, otasining ismi) | ||||
| _______________________________________________________________________________________ ning | ||||
|
(attestatsiya oʼtkazuvchi organ nomi) | ||||
| 20__ -yil “___”_____________ dagi _______________ -son buyrugʼi bilan ____________ | ||||
| | | | | |
| ________________________________________________________________________ mutaxassisligi boʼyicha | ||||
|
(mutaxassislik nomi) |
| |||
| _____________________________________________________________ malaka toifasi berilganligini tasdiqlaydi. | ||||
|
(malaka toifasi turi) |
| |||
| | | | | |
| | | | | |
|
Berilgan sana: |
| |
Amal qilish muddati: |
|
|
20 ___ yil “___” __________ |
|
20 ___ yil “___” __________ | ||
| | | | | |
|
Sertifikatni rasmiylashtirgan organ rahbari: |
___________ |
_______________ |
| |
| | |
(imzo) |
(F.I.O.) |
|
| | | | | |
|
Mazkur sertifikat Tibbiyot va farmatsevtika xodimlarini attestatsiyadan oʼtkazish va ularga malaka toifalari berish tartibi toʼgʼrisidagi nizomga (roʼyxat raqami 2649, 2015 yil 19 yanvar) muvofiq shakllantirilgan birlamchi tibbiy-sanitariya yordami muassasalari tibbiyot xodimlari, “Oliy hamshiralik ishi” mutaxassisligiga ega boʼlgan hamshiralar, oʼrta tibbiyot va farmatsevtika xodimlari uchun berilgan sertifikatning elektron nusxasi hisoblanadi. Elekton hujjatning nusxasida koʼrsatilgan maʼlumotlar toʼgʼriligini tekshirish uchun toifareestr.uz portaliga oʼting yoki mobil telefon yordamida QR-kodni skaner qiling. |
QR-kod | |||
Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga
5-ILOVA
5-ILOVA
|
Imtixon jarayonidan chetlashtirish haqida | |||||||||
| | | | | | | | | | |
| | | | | | |
20___ yil “______” ____________ | |||
| | | | | | | | | | |
| Biz, quyida imzo chekuvchilar shuni tasdiqlaymizki, talabgor __________________________________________________________________________________________ | |||||||||
|
(talabgorning F.I.O.) | |||||||||
| quyidagi cabablarga (keraklisi tagiga chiziladi) koʻra imtixondan soat _____:_____ da chetlatildi: | |||||||||
|
|
uyali aloqa vositalari, boshqa aloqa va telekommunikatsiya vositalari, kitob yoki shpargalkalardan foydalandi; | ||||||||
| | | | | | | | | | |
|
|
boshqa talabgorlar bilan suhbatlashdi; | ||||||||
| | | | | | | | | | |
|
|
attestatsiya yakuniga yetmasdan xonadan tashqariga chiqdi. | ||||||||
| | | | | | | | | | |
|
Natijada talabgor tomonidan Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomning 29-bandi talablari buzildi. | |||||||||
| | | | | | | | | | |
|
Komissiya aʼzosi |
_______________ |
__________________________ |
| ||||||
| |
|
(imzo) |
(F.I.O.) |
| |||||
| | | | | | | | | | |
|
Komissiya aʼzosi |
_______________?? |
__________________________ |
| ||||||
| |
|
(imzo) |
(F.I.O.) |
| |||||
| | | | | | | | | | |
|
Komissiya aʼzosi |
_______________ |
__________________________ |
| ||||||
| |
|
(imzo) |
(F.I.O.) |
| |||||
(4-5-ilovalar Oʻzbekiston Respublikasi sogʻliqni saqlash vazirining 2020-yil 23-dekabrdagi 140-sonli buyrugʻiga (roʻyxat raqami 2649-4, 31.12.2020-y.) asosan kiritilgan — Qonun hujjatlari maʼlumotlari milliy bazasi, 31.12.2020-y., 10/20/2649-4/1699-son — 2021-yil 1-yanvardan kuchga kiradi)
(Oʻzbekiston Respublikasi qonun hujjatlari toʻplami, 2015-y., 3-son, 32-modda; Qonun hujjatlari maʼlumotlari milliy bazasi, 17.11.2017-y., 10/17/2649-1/0267-son; 27.12.2017-y., 10/17/2649-2/0467-son, 13.11.2019-y., 10/19/2649-3/4019-son, 31.12.2020-y., 10/20/2649-4/1699-son; Qonunchilik maʼlumotlari milliy bazasi, 28.07.2021-y., 10/21/3313/0724-son, 29.09.2021-y., 10/21/2649-5/0912-son; Qonunchilik maʼlumotlari milliy bazasi, 11.10.2021-y., 10/21/2649-6/0949-son; 18.05.2022-y., 10/22/2649-7/0430-son; 21.08.2023-y., 10/23/2649-8/0630-son)
