|
Hujjat kuchini yo‘qotgan 16.01.2018
|
OʻZBEKISTON RESPUBLIKASI MOLIYA VAZIRLIGI
OʻZBEKISTON RESPUBLIKASI IQTISODIYOT VAZIRLIGI
OʻZBEKISTON RESPUBLIKASI TAShQI IQTISODIY ALOQALAR, INVESTITSIYaLAR VA SAVDO VAZIRLIGI
OʻZBEKISTON RESPUBLIKASI DAVLAT SOLIQ QOʻMITASI
OʻZBEKISTON RESPUBLIKASI DAVLAT BOJXONA QOʻMITASINING
OʻZBEKISTON RESPUBLIKASI IQTISODIYOT VAZIRLIGI
OʻZBEKISTON RESPUBLIKASI TAShQI IQTISODIY ALOQALAR, INVESTITSIYaLAR VA SAVDO VAZIRLIGI
OʻZBEKISTON RESPUBLIKASI DAVLAT SOLIQ QOʻMITASI
OʻZBEKISTON RESPUBLIKASI DAVLAT BOJXONA QOʻMITASINING
Qarori
Nooziq-ovqat isteʼmol tovarlarini ishlab chiqarishga ixtisoslashgan korxonalar tomonidan soliq va bojxona imtiyozlarini qoʻllash tartibi toʻgʻrisidagi nizomga oʻzgartirish va qoʻshimchalar kiritish toʻgʻrisida
[Oʻzbekiston Respublikasi Adliya vazirligi tomonidan 2014-yil 13-iyunda roʻyxatdan oʻtkazildi, roʻyxat raqami 1932-1]
LexUZ sharhiMazkur qaror Oʻzbekiston Respublikasi Moliya vazirligi, Iqtisodiyot vazirligi, Tashqi savdo vazirligi, Davlat soliq qoʻmitasi va Davlat bojxona qoʻmitasining 2018-yil 10-yanvardagi 7, 2, 2017/09-17, 2018-03, 01-02/8-2-sonli “Nooziq-ovqat isteʼmol tovarlarini ishlab chiqarishga ixtisoslashgan korxonalar tomonidan soliq va bojxona imtiyozlarini qoʻllash tartibi toʻgʻrisidagi nizomni tasdiqlash haqida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1932-2, 16.01.2018-y.) asosan oʻz kuchini yoʻqotgan.
Oʻzbekiston Respublikasi Prezidentining 2009-yil 28-yanvardagi PQ-1050-son “Mahalliy nooziq-ovqat isteʼmol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Moliya vazirligi, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat soliq qoʻmitasi va Davlat bojxona qoʻmitasi qaror qiladi:
1. Oʻzbekiston Respublikasi Moliya vazirligi, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat soliq qoʻmitasi, Davlat bojxona qoʻmitasining 2009-yil 10-martdagi 32, 69, EG-01/10-1559, 2009-16 va 01-02/8-5-sonli qarori (roʻyxat raqami 1932, 2009-yil 31-mart) (Oʻzbekiston Respublikasi qonun hujjatlari toʻplami, 2009-y., 14-son, 167-modda) bilan tasdiqlangan Nooziq-ovqat isteʼmol tovarlarini ishlab chiqarishga ixtisoslashgan korxonalar tomonidan soliq va bojxona imtiyozlarini qoʻllash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Moliya vaziri R. AZIMOV
Toshkent sh.,
2014-yil 2-iyun,
41-son
Iqtisodiyot vaziri G. SAIDOVA
Toshkent sh.,
2014-yil 2-iyun,
70-son
Tashqi iqtisodiy aloqalar, investitsiyalar va savdo vaziri E. GʻANIYEV
Toshkent sh.,
2014-yil 2-iyun,
19-son
Davlat soliq qoʻmitasi raisi B. PARPIYEV
Toshkent sh.,
2014-yil 2-iyun,
2014-22-son
Davlat bojxona qoʻmitasi raisi Z. DUSANOV
Toshkent sh.,
2014-yil 2-iyun,
01-02/8-06-son
Oʻzbekiston Respublikasi Moliya vazirligi, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Davlat soliq qoʻmitasi, Davlat bojxona qoʻmitasining 2014-yil 2-iyundagi 41, 70, 19, 2014-22, 01-02/8-06-sonli qaroriga
ILOVA
ILOVA
Nooziq-ovqat isteʼmol tovarlarini ishlab chiqarishga ixtisoslashgan korxonalar tomonidan soliq va bojxona imtiyozlarini qoʻllash tartibi toʻgʻrisidagi nizomga kiritilayotgan oʻzgartirish va qoʻshimchalar
1. 1-bandning birinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining 2009-yil 28-yanvardagi PQ-1050-son “Mahalliy nooziq-ovqat isteʼmol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida”gi qaroriga muvofiq, ushbu Nizomning 1-ilovasida keltirilgan nooziq-ovqat isteʼmol tovarlarini ishlab chiqarishga ixtisoslashgan korxonalar jumlasiga sotuv umumiy hajmida ushbu tovarlarni ishlab chiqarishdan tushum ulushi hisobot davri yakunlari boʻyicha kamida 60 foizni tashkil etadigan korxonalar kiradi. Ushbu korxonalarga quyidagi koʻrinishdagi soliq va bojxona imtiyozlari va preferensiyalar beriladi:”.
2. 2-bandning birinchi xatboshisi “Ushbu Nizomning 1-bandi “a” kichik bandida koʻrsatilgan imtiyozlar” degan soʻzlardan keyin “(bojxona toʻlovlari boʻyicha imtiyozlardan tashqari)” degan soʻzlar bilan toʻldirilsin.
3. 5-bandning ikkinchi xatboshisi chiqarib tashlansin.
4. 1-ilovada:
a) V bob quyidagi tahrirda bayon etilsin:
|
V. Tayyor tikuvchilik buyumlari, tayyor |
Yostiqlar Matratslar Adyollar Choyshab Koʻrpa-toʻshak komplektlari (choyshablar, koʻrpajildlar, yostiq jildlari) Sochiqlar Turli xil gʻiloflar Pardalar Darpardalar Parterlar Dasturxonlar Salfetkalar Tentlar Turli xil chodirlar Uxlash uchun qoplar Pledlar Konvertlar Ayollar koʻylagi Pidjaklar Xalatlar Bluzkalar va koftalar Yubkalar Plashlar Kostyumlar Erkaklar koʻylagi Kurtkalar Shimlar Palto va yarimpalto Milliy kiyimlar Tungi koʻylaklar Ishchi va maxsus kiyim Vetrovkalar Chaqaloqlar uchun kiyim Maktab formasi Turli xil fartuklar Roʻmollar Shorti Trusik Sport kostyumlari, shimi va trikosi Turli xil qoʻlqoplar Bolonkalar Bushlatlar Kitellar Xomiladorlar uchun kiyim Jiletlar Jaketlar Sarafanlar Pijama Ichki kiyim (kalson va rubaxa) Bolero Kapri Tunika Syurtuk Shorti yubka Pelerina Sultankalar Bridji Kapyushonli va kapyushonsiz jemperlar Maykalar Kombinezonlar va yarim kombinezonlar Fufaykalar Futbolkalar Bodalar Polzunkalar Vodolazkalar Sviterlar Puloverlar Pantalonlar Reytuzalar Trikotaj toʻqilgan qoʻlqoplar Changʻichilar kostyumi Varejka va qalpoqlar “Polo” erkaklar koʻylagi “Polo” ayollar koʻylagi Penyuarlar Kombinatsiyalar Choʻmilish kostyumlari Plavkalar Legenslar |
b) VIII bob quyidagi tahrirda bayon etilsin:
|
VIII. Toʻqimachilik attorlik buyumlari |
Metrli lentalar, rezinali proderjka, har xil tesma, baxrama-popuklar Turli bosh kiyimlar (roʻmollar) Sharflar Dastroʻmollar Boʻyinbogʻlar Korset mahsulotlari Tyul-gardin anjomlari, krujeva (bezak toʻrlar) Tekstil shnurlari Oshxona matolari (dasturxonlar, salfetkalar) Uchburchak roʻmollar Manjetlar Yoqalar Dorojkalar Yopinchiqlar Choyshab Darpardalar Gilamchalar Zontlar va zontlar uchun gʻiloflar Matodan ishlangan abajurlar Sumkalar Gamaklar va setkalar Lentalar Rezina shnurlar Bogʻichlar Arqonlar Kanat arqonlar Shpagat |
v) XI bobdan “Charm kiyimlar” satri chiqarib tashlansin.
g) XII bobda:
“Sanitariya-gigiyena yuvish vositalari” satri “(idishlar va oyna yuvish uchun vositalar, vanna xonalar (kafel, vanna, unitaz) uchun tozalash vositalari, kir yuvish kukuni, oqartirish vositalari, xoʻjalik sovuni)” degan soʻzlar bilan toʻldirilsin;
“Nam salfetkalar” satri bilan toʻldirilsin.
(Oʻzbekiston Respublikasi qonun hujjatlari toʻplami, 2014-y., 24-son, 301-modda)
