“Bojxona tarifi toʻgʻrisida”, “Davlat Bojxona xizmati toʻgʻrisida” Oʻzbekiston Respublikasi Qonunlari va Oʻzbekiston Respublikasining Bojxona kodeksi qabul qilinganligi munosabati bilan:

1. Oʻzbekiston Respublikasi Prezidentining 1-ilovaga muvofiq farmonlari oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2-ilovaga muvofiq baʼzi farmonlariga oʻzgartirishlar kiritilsin.

1. “Teri xom ashyosini respublikadan olib chiqib ketishni taqiqlash toʻgʻrisida” Oʻzbekiston Respublikasi Prezidentining 1994-yil 20-dekabrdagi PF-1023-son Farmoni.

2. Oʻzbekiston Respublikasi Prezidentining “Eksport qilish taqiqlangan buyumlar va mahsulotlarning olib chiqib ketilishiga qarshi kurashni kuchaytirishga oid qoʻshimcha chora-tadbirlar toʻgʻrisida” 1996-yil 4-yanvardagi PF-1354-son Farmoni.

3. Oʻzbekiston Respublikasi Prezidentining “Eksport qilish taqiqlangan buyumlar va mahsulotlarni olib chiqib ketishga qarshi kurashni kuchaytirishga oid qoʻshimcha chora-tadbirlar toʻgʻrisida” 1996-yil 4-yanvardagi PF-1354-son Farmoniga qoʻshimchalar kiritish haqida” 1996-yil 20-martdagi PF-1410-son Farmoni.

1. Oʻzbekiston Respublikasi Prezidentining “Oʻzbekiston Respublikasining soliq va bojxona toʻgʻrisidagi qonunlariga rioya etilishi ustidan nazoratni kuchaytirish borasidagi chora-tadbirlar haqida” 1994-yil 18-martdagi PF-795-son Farmoni 1-bandining birinchi xatboshida va 5-bandining birinchi xatboshida “Davlat soliq qoʻmitasi” va “Davlat soliq qoʻmitasining” soʻzlari tegishli ravishda “Davlat soliq qoʻmitasining raisi hamda Davlat bojxona qoʻmitasining raisi” soʻzlari bilan almashtirilsin.

2. Oʻzbekiston Respublikasi Prezidentining “Eksport-import operatsiyalari boʻyicha valyuta nazoratini taʼminlash chora-tadbirlari toʻgʻrisida” 1994-yil 20-apreldagi PF-837-son Farmonida:

2-banddagi “Davlat soliq qoʻmitasi” soʻzlaridan keyin “Davlat bojxona qoʻmitasi” soʻzlari qoʻshib qoʻyilsin;

ilovaning 6-bandidagi “Davlat soliq qoʻmitasi” soʻzlari “Davlat bojxona qoʻmitasi” soʻzlari bilan almashtirilsin;

ilovaning 7-bandidagi ikkinchi xatboshida “Davlat soliq qoʻmitasini” soʻzlaridan keyin “va Davlat bojxona qoʻmitasini” soʻzlari qoʻshib qoʻyilsin.

3. Oʻzbekiston Respublikasi Prezidentining “Toʻlov intizomini va oʻzaro hisob-kitoblar tizimini mustahkamlash chora-tadbirlari toʻgʻrisida” 1996-yil 24-yanvardagi PF-1363-son Farmonida:

2-bandning uchinchi xatboshidagi “toʻlovlar olingandan, akkreditiv ochilgandan keyin” soʻzlari olib tashlansin;

3-banddagi “Davlat soliq qoʻmitasining Bosh bojxona boshqarmasi” soʻzlari “Davlat bojxona qoʻmitasi” deb oʻzgartirilsin;

5-banddagi “Davlat soliq qoʻmitasi” soʻzlari “Davlat bojxona qoʻmitasi” deb oʻzgartirilsin.

4. Oʻzbekiston Respublikasi Prezidentining “Tamaki mahsulotlari va alkogolli ichimliklarga aksiz markalari qoʻllanishni takomillashtirish toʻgʻrisida” 1997-yil 12-iyundagi PF-1789-son Farmonida:

2-bandning birinchi xatboshi quyidagi tahrirda bayon etilsin:

“Oʻzbekiston Respublikasi Davlat bojxona qoʻmitasiga aksiz markalari boʻlmagan tamaki mahsulotlari va alkogolli ichimliklarni Oʻzbekiston Respublikasi hududiga olib kirish, tashish (xalqaro tranzitdan tashqari), saqlash chogʻida, shuningdek Davlat soliq qoʻmitasiga — ularni saqlash, sotish hamda yashirincha ishlab chiqarish chogʻida shunday mahsulotlar va ichimliklarni musodara etish toʻgʻrisida qarorlar qabul qilish huquqi berilsin”;

5. Oʻzbekiston Respublikasi Prezidentining “Xorijiy sarmoyalari boʻlgan korxonalar ishlab chiqarilgan mahsulot eksportini ragʻbatlantirishga oid qoʻshimcha chora-tadbirlar toʻgʻrisida” 1997-yil 26-avgustdagi PF-1831-son Farmoniga qisman oʻzgartish kiritish haqida” 1997-yil 10-oktabrdagi PF-1870-son Farmoniga ilovaning 7-bandi olib tashlansin.